जयति श्रीजानकीबल्लभ लाल,
करुँ तब आरति होय निहाल॥
करुँ तब आरति होय निहाल॥
सीस पर कीट मुकुट झलकै,
कपोलन पैं झूलै अलकै।
कर्ण में कर्णफूल चमकै,
नैन कजरारे, मोहिनियाँ डारे,
सुमन रतना रे,
सो चन्दन कुंकुम केसर भाल॥१॥
कपोलन पैं झूलै अलकै।
कर्ण में कर्णफूल चमकै,
नैन कजरारे, मोहिनियाँ डारे,
सुमन रतना रे,
सो चन्दन कुंकुम केसर भाल॥१॥
मधुर अति मूरत श्यामल- गौर,
सुछबि जोड़ी राजत इक ठौर,
नहीं है उपमा कोई और,
निरखि रति लजै,
मैन मद तजै, अंग सुभ सजै,
सो भूषन बर मुक्ता-मनि-जाल॥२॥
सुछबि जोड़ी राजत इक ठौर,
नहीं है उपमा कोई और,
निरखि रति लजै,
मैन मद तजै, अंग सुभ सजै,
सो भूषन बर मुक्ता-मनि-जाल॥२॥
परस्पर दो चकोर, दो चंद,
प्रिया-प्रिय अनुपम सुषमा-कंद,
प्रेम-हिय छायो परमानंद, मंद मृदु हँसन,
रुचिर दुति दसन, मनोहर बसन,
दोउ सोहैं गल बहियाँ डाल॥३॥
प्रिया-प्रिय अनुपम सुषमा-कंद,
प्रेम-हिय छायो परमानंद, मंद मृदु हँसन,
रुचिर दुति दसन, मनोहर बसन,
दोउ सोहैं गल बहियाँ डाल॥३॥
बजत बजिना सितार सुमृदंग,
सबै मिलि गावत सहित उमंग,
होत पुलकायमान अंग-अंग,
रंग जब चढ़त, प्रेम हिय बढ़त, नयन जल कढ़त
मधुर स्वर गावत दै दै ताल॥४॥
सबै मिलि गावत सहित उमंग,
होत पुलकायमान अंग-अंग,
रंग जब चढ़त, प्रेम हिय बढ़त, नयन जल कढ़त
मधुर स्वर गावत दै दै ताल॥४॥
स्वामिनी स्वामि कृपा-आगार,
प्रनत जन रामेश्वर आधार,
जोरि कर बिनवत बारंबार, कछु नहिं बनत,
नेम-तप-वरत, रहों पद निरत,
करूँ नव आरति होइ निहाल॥५॥
प्रनत जन रामेश्वर आधार,
जोरि कर बिनवत बारंबार, कछु नहिं बनत,
नेम-तप-वरत, रहों पद निरत,
करूँ नव आरति होइ निहाल॥५॥
॥ इति संपूर्णंम् ॥