അഹോ കൃതാര്ഥാഽസ്മി ജഗന്നിവാസ തേ പദാബ്ജസംലഗ്നരജഃകണാദഹം।
സ്പൃശാമി യത്പദ്മജശങ്കരാദിഭി-ര്വിമൃശ്യതേ രന്ധിതമാനസൈഃ സദാ॥൧॥
സ്പൃശാമി യത്പദ്മജശങ്കരാദിഭി-ര്വിമൃശ്യതേ രന്ധിതമാനസൈഃ സദാ॥൧॥
അഹോ വിചിത്രം തവ രാമ ചേഷ്ടിതമ് മനുഷ്യഭാവേന വിമോഹിതം ജഗത്।
ചലസ്യജസ്രം ചരണാദി വര്ജിതഃ സംപൂര്ണ ആനന്ദമയോഽതിമായികഃ॥൨॥
ചലസ്യജസ്രം ചരണാദി വര്ജിതഃ സംപൂര്ണ ആനന്ദമയോഽതിമായികഃ॥൨॥
യത്പാദപംകജപരാഗവിചിത്രഗാത്രാ ഭാഗീരഥീ ഭവവിരിഞ്ചമുഖാന് പുനാതി।
സാക്ഷാത് സ ഏവ മമ ദൃഗ്വിഷയോ യദാസ്തേ കിം വര്ണ്യതേ മമ പുരാകൃതഭാഗധേയമ്॥൩॥
സാക്ഷാത് സ ഏവ മമ ദൃഗ്വിഷയോ യദാസ്തേ കിം വര്ണ്യതേ മമ പുരാകൃതഭാഗധേയമ്॥൩॥
മര്ത്യാവതാരേ മനുജാകൃതിം ഹരിം രാമാഭിധേയം രമണീയദേഹിനമ്।
ധനുര്ദ്ധരം പദ്മവിലോലലോചനം ഭജാമി നിത്യം ന പരാന് ഭജിഷ്യേ॥൪॥
ധനുര്ദ്ധരം പദ്മവിലോലലോചനം ഭജാമി നിത്യം ന പരാന് ഭജിഷ്യേ॥൪॥
യത്പാദപങ്കജരജഃശ്രുതിഭിര്വിമൃഗ്യം യന്നാഭിപംകജഭവഃ കമലാസനശ്ച।
യന്നാമസാരരസികോ ഭഗവാന് പുരാരിഃ തം രാമചന്ദ്രമനിശം ഹൃദി ഭാവയാമി॥൫॥
യന്നാമസാരരസികോ ഭഗവാന് പുരാരിഃ തം രാമചന്ദ്രമനിശം ഹൃദി ഭാവയാമി॥൫॥
യസ്യാവതാരചരിതാനി വിരിഞ്ചലോകേ ഗായന്തി നാരദമുഖാഭവപദ്മജാദ്യാഃ।
ആനന്ദജാശ്രുപരിഷിക്തകുചാഗ്രസീമാ വാഗീശ്വരീ ച തമഹം ശരണം പ്രപദ്യേ॥൬॥
ആനന്ദജാശ്രുപരിഷിക്തകുചാഗ്രസീമാ വാഗീശ്വരീ ച തമഹം ശരണം പ്രപദ്യേ॥൬॥
സോയം പരാത്മാ പുരുഷഃ പുരാണ ഏഷഃ സ്വയംജ്യോതിരനന്ത ആദ്യഃ।
മായാതനും ലോകവിമോഹനീയാം ധത്തേ പരാനുഗ്രഹ ഏവ രാമഃ॥൭॥
മായാതനും ലോകവിമോഹനീയാം ധത്തേ പരാനുഗ്രഹ ഏവ രാമഃ॥൭॥
അയം ഹി വിശ്വോദ്ഭവസംയമാനാ-മേകഃ സ്വമായാഗുണബിമ്ബിതോ യഃ।
വിരിഞ്ചിവിഷ്ണ്വീശ്വരനാമഭേദാന് ധത്തേ സ്വതന്ത്രഃ പരിപൂര്ണ ആത്മാ॥൮॥
വിരിഞ്ചിവിഷ്ണ്വീശ്വരനാമഭേദാന് ധത്തേ സ്വതന്ത്രഃ പരിപൂര്ണ ആത്മാ॥൮॥
നമോസ്തു തേ രാമ തവാങ്ഘ്രിപംകജം ശ്രിയാ ധൃതം വക്ഷസി ലാലിതം പ്രിയാത്।
ആക്രാന്തമേകേന ജഗത്ത്രയം പുരാ ധ്യേയം മുനീന്ദ്രൈരഭിമാനവര്ജിതൈഃ॥൯॥
ആക്രാന്തമേകേന ജഗത്ത്രയം പുരാ ധ്യേയം മുനീന്ദ്രൈരഭിമാനവര്ജിതൈഃ॥൯॥
ജഗതാമാദിഭൂതസ്ത്വം ജഗത്ത്വം ജഗദാശ്രയഃ।
സര്വഭൂതേഷ്വസംബദ്ധ ഏകോ ഭാതി ഭവാന് പരഃ॥൧൦॥
സര്വഭൂതേഷ്വസംബദ്ധ ഏകോ ഭാതി ഭവാന് പരഃ॥൧൦॥
ഒങ്കാരവാച്യസ്ത്വം രാമ വാചാമവിഷയഃ പുമാന്।
വാച്യവാചകഭേദേന ഭവാനേവ ജഗന്മയഃ॥൧൧॥
വാച്യവാചകഭേദേന ഭവാനേവ ജഗന്മയഃ॥൧൧॥
കാര്യകാരണകര്തൃത്ത്വ-ഫലസാധനഭേദതഃ।
ഏകോ വിഭാസി രാമ ത്വം മായയാ ബഹുരൂപയാ॥൧൨॥
ഏകോ വിഭാസി രാമ ത്വം മായയാ ബഹുരൂപയാ॥൧൨॥
ത്വന്മായാമോഹിതധിയ-സ്ത്വാം ന ജാനന്തി തത്ത്വതഃ।
മാനുഷം ത്വാഭിമന്യന്തേ മായിനം പരമേശ്വരമ്॥൧൩॥
മാനുഷം ത്വാഭിമന്യന്തേ മായിനം പരമേശ്വരമ്॥൧൩॥
ആകാശവത്ത്വം സര്വത്ര ബഹിരന്തര്ഗതോഽമലഃ।
അസംഗോഹ്യചലോ നിത്യഃ ശുദ്ധോ ബുദ്ധഃ സദവ്യയഃ॥൧൪॥
അസംഗോഹ്യചലോ നിത്യഃ ശുദ്ധോ ബുദ്ധഃ സദവ്യയഃ॥൧൪॥
യോഷിന്മൂഢാഹമജ്ഞാ തേ തത്ത്വം ജാനേ കഥം വിഭോ।
തസ്മാത്തേ ശതശോ രാമ നമസ്കുര്യാമനന്യധീഃ॥൧൫॥
തസ്മാത്തേ ശതശോ രാമ നമസ്കുര്യാമനന്യധീഃ॥൧൫॥
ദേവ മേ യത്രകുത്രാപി സ്ഥിതായാ അപി സര്വദാ।
ത്വത്പാദകമലേ സക്താ ഭക്തിരേവ സദാസ്തു തേ॥൧൬॥
ത്വത്പാദകമലേ സക്താ ഭക്തിരേവ സദാസ്തു തേ॥൧൬॥
നമസ്തേ പുരുഷാദ്ധ്യക്ഷ നമസ്തേ ഭക്തവത്സല।
നമസ്തേസ്തു ഹൃഷീകേശ നാരായണ നമോസ്തുതേ॥൧൭॥
നമസ്തേസ്തു ഹൃഷീകേശ നാരായണ നമോസ്തുതേ॥൧൭॥
ഭവഭയഹരമേകം ഭാനുകോടിപ്രകാശം കരധൃതശരചാപം കാലമേഘാവഭാസമ്।
കനകരുചിരവസ്ത്രം രത്നവത് കുണ്ഡലാഢ്യം കമലവിശദനേത്രം സാനുജം രാമമീഡേ॥൧൮॥
കനകരുചിരവസ്ത്രം രത്നവത് കുണ്ഡലാഢ്യം കമലവിശദനേത്രം സാനുജം രാമമീഡേ॥൧൮॥
സ്തുത്വൈവം പുരുഷം സാക്ഷാത് രാഘവം പുരതഃസ്ഥിതമ്।
പരിക്രമ്യ പ്രണമ്യാശു സാനുജ്ഞാതാ യയൌ പതിമ്॥൧൯॥
പരിക്രമ്യ പ്രണമ്യാശു സാനുജ്ഞാതാ യയൌ പതിമ്॥൧൯॥
അഹല്യയാ കൃതം സ്തോത്രം യഃ പഠേത്ഭക്തിസംയുതഃ।
സ മുച്യതേഽഖിലൈഃ പാപൈഃ പ്രരബ്രഹ്മാധിഗച്ഛതി॥൨൦॥
സ മുച്യതേഽഖിലൈഃ പാപൈഃ പ്രരബ്രഹ്മാധിഗച്ഛതി॥൨൦॥
പുത്രാദ്യര്ഥേ പഠേദ്ഭക്ത്യാ രാമം ഹൃദി വിധായ ച।
സംവത്സരേണ ലഭതേ വന്ധ്യാ അപി സുപുത്രകമ്॥൨൧॥
സംവത്സരേണ ലഭതേ വന്ധ്യാ അപി സുപുത്രകമ്॥൨൧॥
ബ്രഹ്മഘ്നോ ഗുരുതല്പഗോപി പുരുഷഃ സ്തേയീ സുരാപോപി വാ।
മാതൃഭ്രാതൃവിഹിംസകോഽപി സതതം ഭോഗൈകബദ്ധാദരഃ॥൨൨॥
മാതൃഭ്രാതൃവിഹിംസകോഽപി സതതം ഭോഗൈകബദ്ധാദരഃ॥൨൨॥
നിത്യം സ്തോത്രമിദം ജപന് രഘുപതിം ഭക്ത്യാ ഹൃദി സംസ്മരന്।
ധ്യായന് മുക്തിമുപൈതി കിം പുനരസൌ സ്വാചാരയുക്തോ നരഃ॥൨൩॥
ധ്യായന് മുക്തിമുപൈതി കിം പുനരസൌ സ്വാചാരയുക്തോ നരഃ॥൨൩॥