অর্জুন উবাচ ।
নমস্তে সিদ্ধসেনানি আর্যে মন্দরবাসিনি ।
কুমারি কালি কাপালি কপিলে কৃষ্ণপিঙ্গলে ॥ 1 ॥
কুমারি কালি কাপালি কপিলে কৃষ্ণপিঙ্গলে ॥ 1 ॥
ভদ্রকালি নমস্তুভ্যং মহাকালি নমোঽস্তু তে ।
চণ্ডি চণ্ডে নমস্তুভ্যং তারিণি বরবর্ণিনি ॥ 2 ॥
চণ্ডি চণ্ডে নমস্তুভ্যং তারিণি বরবর্ণিনি ॥ 2 ॥
কাত্যাযনি মহাভাগে করালি বিজযে জযে ।
শিখিপিঞ্ছধ্বজধরে নানাভরণভূষিতে ॥ 3 ॥
শিখিপিঞ্ছধ্বজধরে নানাভরণভূষিতে ॥ 3 ॥
অট্টশূলপ্রহরণে খড্গখেটকধারিণি ।
গোপেন্দ্রস্যানুজে জ্যেষ্ঠে নন্দগোপকুলোদ্ভবে ॥ 4 ॥
গোপেন্দ্রস্যানুজে জ্যেষ্ঠে নন্দগোপকুলোদ্ভবে ॥ 4 ॥
মহিষাসৃক্প্রিযে নিত্যং কৌশিকি পীতবাসিনি ।
অট্টহাসে কোকমুখে নমস্তেঽস্তু রণপ্রিযে ॥ 5 ॥
অট্টহাসে কোকমুখে নমস্তেঽস্তু রণপ্রিযে ॥ 5 ॥
উমে শাকম্ভরি শ্বেতে কৃষ্ণে কৈটভনাশিনি ।
হিরণ্যাক্ষি বিরূপাক্ষি সুধূম্রাক্ষি নমোঽস্তু তে ॥ 6 ॥
হিরণ্যাক্ষি বিরূপাক্ষি সুধূম্রাক্ষি নমোঽস্তু তে ॥ 6 ॥
বেদশ্রুতিমহাপুণ্যে ব্রহ্মণ্যে জাতবেদসি ।
জম্বূকটকচৈত্যেষু নিত্যং সন্নিহিতালযে ॥ 7 ॥
জম্বূকটকচৈত্যেষু নিত্যং সন্নিহিতালযে ॥ 7 ॥
ত্বং ব্রহ্মবিদ্যা বিদ্যানাং মহানিদ্রা চ দেহিনাম্ ।
স্কন্দমাতর্ভগবতি দুর্গে কান্তারবাসিনি ॥ 8 ॥
স্কন্দমাতর্ভগবতি দুর্গে কান্তারবাসিনি ॥ 8 ॥
স্বাহাকারঃ স্বধা চৈব কলা কাষ্ঠা সরস্বতী ।
সাবিত্রী বেদমাতা চ তথা বেদান্ত উচ্যতে ॥ 9 ॥
সাবিত্রী বেদমাতা চ তথা বেদান্ত উচ্যতে ॥ 9 ॥
কান্তারভযদুর্গেষু ভক্তানাং চালযেষু চ ।
নিত্যং বসসি পাতালে যুদ্ধে জযসি দানবান্ ॥ 10 ॥
নিত্যং বসসি পাতালে যুদ্ধে জযসি দানবান্ ॥ 10 ॥
ত্বং জম্ভনী মোহিনী চ মাযা হ্রীঃ শ্রীস্তথৈব চ ।
সন্ধ্যা প্রভাবতী চৈব সাবিত্রী জননী তথা ॥ 11 ॥
সন্ধ্যা প্রভাবতী চৈব সাবিত্রী জননী তথা ॥ 11 ॥
তুষ্টিঃ পুষ্টির্ধৃতির্দীপ্তিশ্চন্দ্রাদিত্যবিবর্ধিনী ।
ভূতির্ভূতিমতাং সঙ্খ্যে বীক্ষ্যসে সিদ্ধচারণৈঃ ॥ 12 ॥
ভূতির্ভূতিমতাং সঙ্খ্যে বীক্ষ্যসে সিদ্ধচারণৈঃ ॥ 12 ॥
স্তুতাসি ত্বং মহাদেবি বিশুদ্ধেনান্তরাত্মনা ।
জযো ভবতু মে নিত্যং ত্বত্প্রসাদাদ্রণাজিরে ॥ 13 ॥
জযো ভবতু মে নিত্যং ত্বত্প্রসাদাদ্রণাজিরে ॥ 13 ॥
ইতি শ্রীমন্মহাভারতে ভীষ্মপর্বণি ত্রযোবিংশোঽধ্যাযে অর্জুন কৃত শ্রী দুর্গা স্তোত্রম্ ।