যা মাযা মধুকৈটভপ্রমথিনী যা মাহিষোন্মূলিনী যা ধূম্রেক্ষণচংডমুংডমথিনী যা রক্তবীজাশিনী ॥ শক্তিঃ শুংভনিশুংভদর্পদলিনী যা সিদ্ধলক্ষ্মী পরা সা চংডী নবকোটিমূর্তিসহিতা মাং পাতু বিশ্বেশ্বরী ॥
প্রাতঃ স্মরামি তব শংকরি বক্ত্রপদ্মং কাংতালকং মধুরমংদহসং প্রসন্নম্ কাশ্মীরদর্পমৃগনাভিলসল্ললাটং লোকত্রযাভযদচারুবিলোচনাঢ্যম্ ॥১॥
প্রাতর্ভজামি তব শংকরি হস্তবৃংদং মাণিক্যহেমবলযাদি বিভূষণাঢ্যম্ ঘংটাত্রিশূলকরবালসুপুস্তখেট পাত্রোত্তমাংগডমরুল্লসিতং মনোজ্ঞম্ ॥২॥
প্রাতর্নমামি তব শংকরি পাদপদ্মং পদ্মোদ্ভবাদিসুমনোগণ সেব্যমানম্ মংজুক্বণত্কনকনূপুররাজমানং বংদারুবৃংদসুখীরুধমার্যহৃদ্যম্ ॥৩॥
প্রাতঃ স্তুবে চ তব শংকরি দিব্য মূর্তি কাদংবকাননগতাং করুণারসার্দ্রাম্ কল্যাণধামমনবনীরদনীলভাসাং পংচাস্যযানলসিতাং পরমার্তিহংত্রিম্ ॥৪॥
প্রাতর্বদামি তব শংকরি দিব্যনাম শাকংভরীতি ললিতেতি শতেক্ষণেতী দুর্গেতি দুর্গমমহাসুরনাশিনীতি শ্রীমংগলেতি কমলেতী মহেশ্বরীতি ॥৫॥
যঃ শ্লোকপংচকমিদং পঠতি প্রভাতে শাকংভরীপ্রিযকরং দুরিতৌঘনাশম্ তস্মৈ দদাতি শিবদা বনশংকরী সাবিদ্যাং প্রজাং শ্রিযমুদারমতি সুকীর্তিম্ ॥৬॥