ಯಾ ಮಾಯಾ ಮಧುಕೈಟಭಪ್ರಮಥಿನೀ ಯಾ ಮಾಹಿಷೋನ್ಮೂಲಿನೀ ಯಾ ಧೂಮ್ರೇಕ್ಷಣಚಂಡಮುಂಡಮಥಿನೀ ಯಾ ರಕ್ತಬೀಜಾಶಿನೀ ॥ ಶಕ್ತಿಃ ಶುಂಭನಿಶುಂಭದರ್ಪದಲಿನೀ ಯಾ ಸಿದ್ಧಲಕ್ಷ್ಮೀ ಪರಾ ಸಾ ಚಂಡೀ ನವಕೋಟಿಮೂರ್ತಿಸಹಿತಾ ಮಾಂ ಪಾತು ವಿಶ್ವೇಶ್ವರೀ ॥
ಪ್ರಾತಃ ಸ್ಮರಾಮಿ ತವ ಶಂಕರಿ ವಕ್ತ್ರಪದ್ಮಂ ಕಾಂತಾಲಕಂ ಮಧುರಮಂದಹಸಂ ಪ್ರಸನ್ನಮ್ ಕಾಶ್ಮೀರದರ್ಪಮೃಗನಾಭಿಲಸಲ್ಲಲಾಟಂ ಲೋಕತ್ರಯಾಭಯದಚಾರುವಿಲೋಚನಾಢ್ಯಮ್ ॥೧॥
ಪ್ರಾತರ್ಭಜಾಮಿ ತವ ಶಂಕರಿ ಹಸ್ತವೃಂದಂ ಮಾಣಿಕ್ಯಹೇಮವಲಯಾದಿ ವಿಭೂಷಣಾಢ್ಯಮ್ ಘಂಟಾತ್ರಿಶೂಲಕರವಾಲಸುಪುಸ್ತಖೇಟ ಪಾತ್ರೋತ್ತಮಾಂಗಡಮರುಲ್ಲಸಿತಂ ಮನೋಜ್ಞಮ್ ॥೨॥
ಪ್ರಾತರ್ನಮಾಮಿ ತವ ಶಂಕರಿ ಪಾದಪದ್ಮಂ ಪದ್ಮೋದ್ಭವಾದಿಸುಮನೋಗಣ ಸೇವ್ಯಮಾನಮ್ ಮಂಜುಕ್ವಣತ್ಕನಕನೂಪುರರಾಜಮಾನಂ ವಂದಾರುವೃಂದಸುಖೀರುಧಮಾರ್ಯಹೃದ್ಯಮ್ ॥೩॥
ಪ್ರಾತಃ ಸ್ತುವೇ ಚ ತವ ಶಂಕರಿ ದಿವ್ಯ ಮೂರ್ತಿ ಕಾದಂಬಕಾನನಗತಾಂ ಕರುಣಾರಸಾರ್ದ್ರಾಮ್ ಕಲ್ಯಾಣಧಾಮಮನವನೀರದನೀಲಭಾಸಾಂ ಪಂಚಾಸ್ಯಯಾನಲಸಿತಾಂ ಪರಮಾರ್ತಿಹಂತ್ರಿಮ್ ॥೪॥
ಪ್ರಾತರ್ವದಾಮಿ ತವ ಶಂಕರಿ ದಿವ್ಯನಾಮ ಶಾಕಂಭರೀತಿ ಲಲಿತೇತಿ ಶತೇಕ್ಷಣೇತೀ ದುರ್ಗೇತಿ ದುರ್ಗಮಮಹಾಸುರನಾಶಿನೀತಿ ಶ್ರೀಮಂಗಲೇತಿ ಕಮಲೇತೀ ಮಹೇಶ್ವರೀತಿ ॥೫॥
ಯಃ ಶ್ಲೋಕಪಂಚಕಮಿದಂ ಪಠತಿ ಪ್ರಭಾತೇ ಶಾಕಂಭರೀಪ್ರಿಯಕರಂ ದುರಿತೌಘನಾಶಮ್ ತಸ್ಮೈ ದದಾತಿ ಶಿವದಾ ವನಶಂಕರೀ ಸಾವಿದ್ಯಾಂ ಪ್ರಜಾಂ ಶ್ರಿಯಮುದಾರಮತಿ ಸುಕೀರ್ತಿಮ್ ॥೬॥