વનશંકરી પ્રાતઃ સ્મરણ સ્તોત્રમ્

યા માયા મધુકૈટભપ્રમથિની યા માહિષોન્મૂલિની યા ધૂમ્રેક્ષણચંડમુંડમથિની યા રક્તબીજાશિની ॥ શક્તિઃ શુંભનિશુંભદર્પદલિની યા સિદ્ધલક્ષ્મી પરા સા ચંડી નવકોટિમૂર્તિસહિતા માં પાતુ વિશ્વેશ્વરી ॥

પ્રાતઃ સ્મરામિ તવ શંકરિ વક્ત્રપદ્મં કાંતાલકં મધુરમંદહસં પ્રસન્નમ્ કાશ્મીરદર્પમૃગનાભિલસલ્લલાટં લોકત્રયાભયદચારુવિલોચનાઢ્યમ્ ॥૧॥

પ્રાતર્ભજામિ તવ શંકરિ હસ્તવૃંદં માણિક્યહેમવલયાદિ વિભૂષણાઢ્યમ્ ઘંટાત્રિશૂલકરવાલસુપુસ્તખેટ પાત્રોત્તમાંગડમરુલ્લસિતં મનોજ્ઞમ્ ॥૨॥

પ્રાતર્નમામિ તવ શંકરિ પાદપદ્મં પદ્મોદ્ભવાદિસુમનોગણ સેવ્યમાનમ્ મંજુક્વણત્કનકનૂપુરરાજમાનં વંદારુવૃંદસુખીરુધમાર્યહૃદ્યમ્ ॥૩॥

પ્રાતઃ સ્તુવે ચ તવ શંકરિ દિવ્ય મૂર્તિ કાદંબકાનનગતાં કરુણારસાર્દ્રામ્ કલ્યાણધામમનવનીરદનીલભાસાં પંચાસ્યયાનલસિતાં પરમાર્તિહંત્રિમ્ ॥૪॥

પ્રાતર્વદામિ તવ શંકરિ દિવ્યનામ શાકંભરીતિ લલિતેતિ શતેક્ષણેતી દુર્ગેતિ દુર્ગમમહાસુરનાશિનીતિ શ્રીમંગલેતિ કમલેતી મહેશ્વરીતિ ॥૫॥

યઃ શ્લોકપંચકમિદં પઠતિ પ્રભાતે શાકંભરીપ્રિયકરં દુરિતૌઘનાશમ્ તસ્મૈ દદાતિ શિવદા વનશંકરી સાવિદ્યાં પ્રજાં શ્રિયમુદારમતિ સુકીર્તિમ્ ॥૬॥