yā māyā madhukaiṭabhapramathinī yā māhiṣonmūlinī yā dhūmrekṣaṇacaṃḍamuṃḍamathinī yā raktabījāśinī || śaktiḥ śuṃbhaniśuṃbhadarpadalinī yā siddhalakṣmī parā sā caṃḍī navakoṭimūrtisahitā māṃ pātu viśveśvarī ||
prātaḥ smarāmi tava śaṃkari vaktrapadmaṃ kāṃtālakaṃ madhuramaṃdahasaṃ prasannam kāśmīradarpamṛganābhilasallalāṭaṃ lokatrayābhayadacāruvilocanāḍhyam ||1||
prātarbhajāmi tava śaṃkari hastavṛṃdaṃ māṇikyahemavalayādi vibhūṣaṇāḍhyam ghaṃṭātriśūlakaravālasupustakheṭa pātrottamāṃgaḍamarullasitaṃ manojñam ||2||
prātarnamāmi tava śaṃkari pādapadmaṃ padmodbhavādisumanogaṇa sevyamānam maṃjukvaṇatkanakanūpurarājamānaṃ vaṃdāruvṛṃdasukhīrudhamāryahṛdyam ||3||
prātaḥ stuve ca tava śaṃkari divya mūrti kādaṃbakānanagatāṃ karuṇārasārdrām kalyāṇadhāmamanavanīradanīlabhāsāṃ paṃcāsyayānalasitāṃ paramārtihaṃtrim ||4||
prātarvadāmi tava śaṃkari divyanāma śākaṃbharīti laliteti śatekṣaṇetī durgeti durgamamahāsuranāśinīti śrīmaṃgaleti kamaletī maheśvarīti ||5||
yaḥ ślokapaṃcakamidaṃ paṭhati prabhāte śākaṃbharīpriyakaraṃ duritaughanāśam tasmai dadāti śivadā vanaśaṃkarī sāvidyāṃ prajāṃ śriyamudāramati sukīrtim ||6||