യാ മായാ മധുകൈടഭപ്രമഥിനീ യാ മാഹിഷോന്മൂലിനീ യാ ധൂമ്രേക്ഷണചംഡമുംഡമഥിനീ യാ രക്തബീജാശിനീ ॥ ശക്തിഃ ശുംഭനിശുംഭദര്പദലിനീ യാ സിദ്ധലക്ഷ്മീ പരാ സാ ചംഡീ നവകോടിമൂര്തിസഹിതാ മാം പാതു വിശ്വേശ്വരീ ॥
പ്രാതഃ സ്മരാമി തവ ശംകരി വക്ത്രപദ്മം കാംതാലകം മധുരമംദഹസം പ്രസന്നമ് കാശ്മീരദര്പമൃഗനാഭിലസല്ലലാടം ലോകത്രയാഭയദചാരുവിലോചനാഢ്യമ് ॥൧॥
പ്രാതര്ഭജാമി തവ ശംകരി ഹസ്തവൃംദം മാണിക്യഹേമവലയാദി വിഭൂഷണാഢ്യമ് ഘംടാത്രിശൂലകരവാലസുപുസ്തഖേട പാത്രോത്തമാംഗഡമരുല്ലസിതം മനോജ്ഞമ് ॥൨॥
പ്രാതര്നമാമി തവ ശംകരി പാദപദ്മം പദ്മോദ്ഭവാദിസുമനോഗണ സേവ്യമാനമ് മംജുക്വണത്കനകനൂപുരരാജമാനം വംദാരുവൃംദസുഖീരുധമാര്യഹൃദ്യമ് ॥൩॥
പ്രാതഃ സ്തുവേ ച തവ ശംകരി ദിവ്യ മൂര്തി കാദംബകാനനഗതാം കരുണാരസാര്ദ്രാമ് കല്യാണധാമമനവനീരദനീലഭാസാം പംചാസ്യയാനലസിതാം പരമാര്തിഹംത്രിമ് ॥൪॥
പ്രാതര്വദാമി തവ ശംകരി ദിവ്യനാമ ശാകംഭരീതി ലലിതേതി ശതേക്ഷണേതീ ദുര്ഗേതി ദുര്ഗമമഹാസുരനാശിനീതി ശ്രീമംഗലേതി കമലേതീ മഹേശ്വരീതി ॥൫॥
യഃ ശ്ലോകപംചകമിദം പഠതി പ്രഭാതേ ശാകംഭരീപ്രിയകരം ദുരിതൌഘനാശമ് തസ്മൈ ദദാതി ശിവദാ വനശംകരീ സാവിദ്യാം പ്രജാം ശ്രിയമുദാരമതി സുകീര്തിമ് ॥൬॥