ଯା ମାଯା ମଧୁକୈଟଭପ୍ରମଥିନୀ ଯା ମାହିଷୋନ୍ମୂଲିନୀ ଯା ଧୂମ୍ରେକ୍ଷଣଚଂଡମୁଂଡମଥିନୀ ଯା ରକ୍ତବୀଜାଶିନୀ ॥ ଶକ୍ତିଃ ଶୁଂଭନିଶୁଂଭଦର୍ପଦଲିନୀ ଯା ସିଦ୍ଧଲକ୍ଷ୍ମୀ ପରା ସା ଚଂଡୀ ନଵକୋଟିମୂର୍ତିସହିତା ମାଂ ପାତୁ ଵିଶ୍ଵେଶ୍ଵରୀ ॥
ପ୍ରାତଃ ସ୍ମରାମି ତଵ ଶଂକରି ଵକ୍ତ୍ରପଦ୍ମଂ କାଂତାଲକଂ ମଧୁରମଂଦହସଂ ପ୍ରସନ୍ନମ୍ କାଶ୍ମୀରଦର୍ପମୃଗନାଭିଲସଲ୍ଲଲାଟଂ ଲୋକତ୍ରଯାଭଯଦଚାରୁଵିଲୋଚନାଢ୍ଯମ୍ ॥୧॥
ପ୍ରାତର୍ଭଜାମି ତଵ ଶଂକରି ହସ୍ତଵୃଂଦଂ ମାଣିକ୍ଯହେମଵଲଯାଦି ଵିଭୂଷଣାଢ୍ଯମ୍ ଘଂଟାତ୍ରିଶୂଲକରଵାଲସୁପୁସ୍ତଖେଟ ପାତ୍ରୋତ୍ତମାଂଗଡମରୁଲ୍ଲସିତଂ ମନୋଜ୍ଞମ୍ ॥୨॥
ପ୍ରାତର୍ନମାମି ତଵ ଶଂକରି ପାଦପଦ୍ମଂ ପଦ୍ମୋଦ୍ଭଵାଦିସୁମନୋଗଣ ସେଵ୍ଯମାନମ୍ ମଂଜୁକ୍ଵଣତ୍କନକନୂପୁରରାଜମାନଂ ଵଂଦାରୁଵୃଂଦସୁଖୀରୁଧମାର୍ଯହୃଦ୍ଯମ୍ ॥୩॥
ପ୍ରାତଃ ସ୍ତୁଵେ ଚ ତଵ ଶଂକରି ଦିଵ୍ଯ ମୂର୍ତି କାଦଂବକାନନଗତାଂ କରୁଣାରସାର୍ଦ୍ରାମ୍ କଲ୍ଯାଣଧାମମନଵନୀରଦନୀଲଭାସାଂ ପଂଚାସ୍ଯଯାନଲସିତାଂ ପରମାର୍ତିହଂତ୍ରିମ୍ ॥୪॥
ପ୍ରାତର୍ଵଦାମି ତଵ ଶଂକରି ଦିଵ୍ଯନାମ ଶାକଂଭରୀତି ଲଲିତେତି ଶତେକ୍ଷଣେତୀ ଦୁର୍ଗେତି ଦୁର୍ଗମମହାସୁରନାଶିନୀତି ଶ୍ରୀମଂଗଲେତି କମଲେତୀ ମହେଶ୍ଵରୀତି ॥୫॥
ଯଃ ଶ୍ଲୋକପଂଚକମିଦଂ ପଠତି ପ୍ରଭାତେ ଶାକଂଭରୀପ୍ରିଯକରଂ ଦୁରିତୌଘନାଶମ୍ ତସ୍ମୈ ଦଦାତି ଶିଵଦା ଵନଶଂକରୀ ସାଵିଦ୍ଯାଂ ପ୍ରଜାଂ ଶ୍ରିଯମୁଦାରମତି ସୁକୀର୍ତିମ୍ ॥୬॥