యా మాయా మధుకైటభప్రమథినీ యా మాహిషోన్మూలినీ యా ధూమ్రేక్షణచండముండమథినీ యా రక్తబీజాశినీ ॥ శక్తిః శుంభనిశుంభదర్పదలినీ యా సిద్ధలక్ష్మీ పరా సా చండీ నవకోటిమూర్తిసహితా మాం పాతు విశ్వేశ్వరీ ॥
ప్రాతః స్మరామి తవ శంకరి వక్త్రపద్మం కాంతాలకం మధురమందహసం ప్రసన్నమ్ కాశ్మీరదర్పమృగనాభిలసల్లలాటం లోకత్రయాభయదచారువిలోచనాఢ్యమ్ ॥౧॥
ప్రాతర్భజామి తవ శంకరి హస్తవృందం మాణిక్యహేమవలయాది విభూషణాఢ్యమ్ ఘంటాత్రిశూలకరవాలసుపుస్తఖేట పాత్రోత్తమాంగడమరుల్లసితం మనోజ్ఞమ్ ॥౨॥
ప్రాతర్నమామి తవ శంకరి పాదపద్మం పద్మోద్భవాదిసుమనోగణ సేవ్యమానమ్ మంజుక్వణత్కనకనూపురరాజమానం వందారువృందసుఖీరుధమార్యహృద్యమ్ ॥౩॥
ప్రాతః స్తువే చ తవ శంకరి దివ్య మూర్తి కాదంబకాననగతాం కరుణారసార్ద్రామ్ కల్యాణధామమనవనీరదనీలభాసాం పంచాస్యయానలసితాం పరమార్తిహంత్రిమ్ ॥౪॥
ప్రాతర్వదామి తవ శంకరి దివ్యనామ శాకంభరీతి లలితేతి శతేక్షణేతీ దుర్గేతి దుర్గమమహాసురనాశినీతి శ్రీమంగలేతి కమలేతీ మహేశ్వరీతి ॥౫॥
యః శ్లోకపంచకమిదం పఠతి ప్రభాతే శాకంభరీప్రియకరం దురితౌఘనాశమ్ తస్మై దదాతి శివదా వనశంకరీ సావిద్యాం ప్రజాం శ్రియముదారమతి సుకీర్తిమ్ ॥౬॥