தேவீமாஹாத்ம்யம்

॥ தேவீ மாஹாத்ம்யம் ॥
॥ ஶ்ரீ ॥
॥ ஶ்ரீசண்டிகாத்யாநம் ॥
ௐ பந்தூககுஸுமாபாஸாம் பஞ்சமுண்டாதிவாஸிநீம் ।
ஸ்புரச்சந்த்ரகலாரத்நமுகுடாம் முண்டமாலிநீம் ॥
த்ரிநேத்ராம் ரக்தவஸநாம் பீநோந்நதகடஸ்தநீம் ।
புஸ்தகம் சாக்ஷமாலாம் ச வரம் சாபயகம் க்ரமாத் ॥
தததீம் ஸம்ஸ்மரேந்நித்யமுத்தராம்நாயமாநிதாம் ।
அதவா
யா சண்டீ மதுகைடபாதிதைத்யதலநீ யா மாஹிஷோந்மூலிநீ
யா தூம்ரேக்ஷணசண்டமுண்டமதநீ யா ரக்தபீஜாஶநீ ।
ஶக்திஃ ஶும்பநிஶும்பதைத்யதலநீ யா ஸித்திதாத்ரீ பரா
ஸா தேவீ நவகோடிமூர்திஸஹிதா மாம் பாது விஶ்வேஶ்வரீ ॥

ௐ அஸ்ய ஶ்ரீஅர்கலாஸ்தோத்ரமந்த்ரஸ்ய விஷ்ணுர்ரு'ஷிஃ,
அநுஷ்டுப் சந்தஃ, ஶ்ரீமஹாலக்ஷ்மீர்தேவதா,
ஶ்ரீஜகதம்பாப்ரீதயே ஸப்தஶதிபாடாங்கத்வேந ஜபே விநியோகஃ ।
ௐ நமஶ்சண்டிகாயை ।
மார்கண்டேய உவாச।
ௐ ஜய த்வம் தேவி சாமுண்டே ஜய பூதாபஹாரிணி ।
ஜய ஸர்வகதே தேவி காலராத்ரி நமோऽஸ்து தே ॥ ௧॥
ஜயந்தீ மங்கலா காலீ பத்ரகாலீ கபாலிநீ ।
துர்கா ஶிவா க்ஷமா தாத்ரீ ஸ்வாஹா ஸ்வதா நமோऽஸ்து தே ॥ ௨॥
மதுகைடபவித்வம்ஸி விதாத்ரு'வரதே நமஃ ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௩॥
மஹிஷாஸுரநிர்நாஶி பக்தாநாம் ஸுகதே நமஃ ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௪॥
தூம்ரநேத்ரவதே தேவி தர்மகாமார்ததாயிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௫॥
ரக்தபீஜவதே தேவி சண்டமுண்டவிநாஶிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௬॥
நிஶும்பஶும்பநிர்நாஶி த்ரைலோக்யஶுபதே நமஃ ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௭॥
வந்திதாங்க்ரியுகே தேவி ஸர்வஸௌபாக்யதாயிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௮॥
அசிந்த்யரூபசரிதே ஸர்வஶத்ருவிநாஶிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௯॥
நதேப்யஃ ஸர்வதா பக்த்யா சாபர்ணே துரிதாபஹே ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௦॥
ஸ்துவத்ப்யோ பக்திபூர்வம் த்வாம் சண்டிகே வ்யாதிநாஶிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௧॥
சண்டிகே ஸததம் யுத்தே ஜயந்தி பாபநாஶிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௨॥
தேஹி ஸௌபாக்யமாரோக்யம் தேஹி தேவி பரம் ஸுகம் ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௩॥
விதேஹி தேவி கல்யாணம் விதேஹி விபுலாம் ஶ்ரியம் ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௪॥
விதேஹி த்விஷதாம் நாஶம் விதேஹி பலமுச்சகைஃ ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௫॥
ஸுராஸுரஶிரோரத்நநிக்ரு'ஷ்டசரணேऽம்பிகே ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௬॥
வித்யாவந்தம் யஶஸ்வந்தம் லக்ஷ்மீவந்தஞ்ச மாம் குரு ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௭॥
தேவி ப்ரசண்டதோர்தண்டதைத்யதர்பநிஷூதிநி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௮॥
ப்ரசண்டதைத்யதர்பக்நே சண்டிகே ப்ரணதாய மே ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௧௯॥
சதுர்புஜே சதுர்வக்த்ரஸம்ஸ்துதே பரமேஶ்வரி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௦॥
க்ரு'ஷ்ணேந ஸம்ஸ்துதே தேவி ஶஶ்வத்பக்த்யா ஸதாம்பிகே ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௧॥
ஹிமாசலஸுதாநாதஸம்ஸ்துதே பரமேஶ்வரி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௨॥
இந்த்ராணீபதிஸத்பாவபூஜிதே பரமேஶ்வரி ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௩॥
தேவி பக்தஜநோத்தாமதத்தாநந்தோதயேऽம்பிகே ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௪॥
பார்யாம் மநோரமாம் தேஹி மநோவ்ரு'த்தாநுஸாரிணீம் ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௫॥
தாரிணி துர்கஸம்ஸாரஸாகரஸ்யாசலோத்பவே ।
ரூபம் தேஹி ஜயம் தேஹி யஶோ தேஹி த்விஷோ ஜஹி ॥ ௨௬॥
இதம் ஸ்தோத்ரம் படித்வா து மஹாஸ்தோத்ரம் படேந்நரஃ ।
ஸப்தஶதீம் ஸமாராத்ய வரமாப்நோதி துர்லபம் ॥ ௨௭॥
॥ இதி ஶ்ரீமார்கண்டேயபுராணே அர்கலாஸ்தோத்ரம் ஸமாப்தம் ॥

ௐ அஸ்ய ஶ்ரீகீலகமந்த்ரஸ்ய ஶிவரு'ஷிஃ, அநுஷ்டுப் சந்தஃ,
ஶ்ரீமஹாஸரஸ்வதீ தேவதா, ஶ்ரீஜகதம்பாப்ரீத்யர்தம்
ஸப்தஶதீபாடாங்கத்வேந ஜபே விநியோகஃ ।
ௐ நமஶ்சண்டிகாயை ।
மார்கண்டேய உவாச।
ௐ விஶுத்தஜ்ஞாநதேஹாய த்ரிவேதீதிவ்யசக்ஷுஷே ।
ஶ்ரேயஃப்ராப்திநிமித்தாய நமஃ ஸோமார்ததாரிணே ॥ ௧॥
ஸர்வமேதத்விஜாநீயாந்மந்த்ராணாமபி கீலகம் ।
ஸோऽபி க்ஷேமமவாப்நோதி ஸததம் ஜப்யதத்பரஃ ॥ ௨॥
ஸித்த்யந்த்யுச்சாடநாதீநி கர்மாணி ஸகலாந்யபி ।
ஏதேந ஸ்துவதாம் தேவீம் ஸ்தோத்ரவ்ரு'ந்தேந பக்திதஃ ॥ ௩॥
ந மந்த்ரோ நௌஷதம் தஸ்ய ந கிஞ்சிதபி வித்யதே ।
விநா ஜப்யேந ஸித்த்யேத்து ஸர்வமுச்சாடநாதிகம் ॥ ௪॥
ஸமக்ராண்யபி ஸேத்ஸ்யந்தி லோகஶங்காமிமாம் ஹரஃ ।
க்ரு'த்வா நிமந்த்ரயாமாஸ ஸர்வமேவமிதம் ஶுபம் ॥ ௫॥
ஸ்தோத்ரம் வை சண்டிகாயாஸ்து தச்ச குஹ்யம் சகார ஸஃ ।
ஸமாப்நோதி ஸ புண்யேந தாம் யதாவந்நிமந்த்ரணாம் ॥ ௬॥
ஸோऽபி க்ஷேமமவாப்நோதி ஸர்வமேவ ந ஸம்ஶயஃ ।
க்ரு'ஷ்ணாயாம் வா சதுர்தஶ்யாமஷ்டம்யாம் வா ஸமாஹிதஃ ॥ ௭॥
ததாதி ப்ரதிக்ரு'ஹ்ணாதி நாந்யதைஷா ப்ரஸீததி ।
இத்தம் ரூபேண கீலேந மஹாதேவேந கீலிதம் ॥ ௮॥
யோ நிஷ்கீலாம் விதாயைநாம் சண்டீம் ஜபதி நித்யஶஃ ।
ஸ ஸித்தஃ ஸ கணஃ ஸோऽத கந்தர்வோ ஜாயதே த்ருவம் ॥ ௯॥
ந சைவாபாடவம் தஸ்ய பயம் க்வாபி ந ஜாயதே ।
நாபம்ரு'த்யுவஶம் யாதி ம்ரு'தே ச மோக்ஷமாப்நுயாத் ॥ ௧௦॥
ஜ்ஞாத்வா ப்ராரப்ய குர்வீத ஹ்யகுர்வாணோ விநஶ்யதி ।
ததோ ஜ்ஞாத்வைவ ஸம்பூர்ணமிதம் ப்ராரப்யதே புதைஃ ॥ ௧௧॥
ஸௌபாக்யாதி ச யத்கிஞ்சித் த்ரு'ஶ்யதே லலநாஜநே ।
தத்ஸர்வம் தத்ப்ரஸாதேந தேந ஜப்யமிதம் ஶுபம் ॥ ௧௨॥
ஶநைஸ்து ஜப்யமாநேऽஸ்மிந் ஸ்தோத்ரே ஸம்பத்திருச்சகைஃ ।
பவத்யேவ ஸமக்ராபி ததஃ ப்ராரப்யமேவ தத் ॥ ௧௩॥
ஐஶ்வர்யம் தத்ப்ரஸாதேந ஸௌபாக்யாரோக்யமேவ ச ।
ஶத்ருஹாநிஃ பரோ மோக்ஷஃ ஸ்தூயதே ஸா ந கிம் ஜநைஃ ॥ ௧௪॥
சண்டிகாம் ஹ்ரு'தயேநாபி யஃ ஸ்மரேத் ஸததம் நரஃ ।
ஹ்ரு'த்யம் காமமவாப்நோதி ஹ்ரு'தி தேவீ ஸதா வஸேத் ॥ ௧௫॥
அக்ரதோऽமும் மஹாதேவக்ரு'தம் கீலகவாரணம் ।
நிஷ்கீலஞ்ச ததா க்ரு'த்வா படிதவ்யம் ஸமாஹிதைஃ ॥ ௧௬॥
॥ இதி ஶ்ரீபகவத்யாஃ கீலகஸ்தோத்ரம் ஸமாப்தம் ॥

அஸ்ய ஶ்ரீசண்டீகவசஸ்ய ப்ரஹ்மா ரு'ஷிஃ , அநுஷ்டுப் சந்தஃ ,
சாமுண்டா தேவதா , அங்கந்யாஸோக்தமாதரோ பீஜம் ,
திக்பந்ததேவதாஸ்தத்வம் , ஶ்ரீஜகதம்பாப்ரீத்யர்தே ஜபே விநியோகஃ ।
ௐ நமஶ்சண்டிகாயை ।
மார்கண்டேய உவாச।
ௐ யத்குஹ்யம் பரமம் லோகே ஸர்வரக்ஷாகரம் ந்ரு'ணாம் ।
யந்ந கஸ்யசிதாக்யாதம் தந்மே ப்ரூஹி பிதாமஹ ॥ ௧॥
ப்ரஹ்மோவாச ।
அஸ்தி குஹ்யதமம் விப்ர ஸர்வபூதோபகாரகம் ।
தேவ்யாஸ்து கவசம் புண்யம் தச்ச்ரு'ணுஷ்வ மஹாமுநே ॥ ௨॥
ப்ரதமம் ஶைலபுத்ரீதி த்விதீயம் ப்ரஹ்மசாரிணீ ।
த்ரு'தீயம் சந்த்ரகண்டேதி கூஷ்மாண்டேதி சதுர்தகம் ॥ ௩॥
பஞ்சமம் ஸ்கந்தமாதேதி ஷஷ்டம் காத்யாயநீ ததா ।
ஸப்தமம் காலராத்ரிஶ்ச மஹாகௌரீதி சாஷ்டமம் ॥ ௪॥
நவமம் ஸித்திதாத்ரீ ச நவதுர்காஃ ப்ரகீர்திதாஃ ।
உக்தாந்யேதாநி நாமாநி ப்ரஹ்மணைவ மஹாத்மநா ॥ ௫॥
அக்நிநா தஹ்யமாநாஸ்து ஶத்ருமத்யகதா ரணே ।
விஷமே துர்கமே சைவ பயார்தாஃ ஶரணம் கதாஃ ॥ ௬।
ந தேஷாம் ஜாயதே கிஞ்சிதஶுபம் ரணஸங்கடே ।
ஆபதம் ந ச பஶ்யந்தி ஶோகதுஃகபயங்கரீம் ॥ ௭॥
யைஸ்து பக்த்யா ஸ்ம்ரு'தா நித்யம் தேஷாம் வ்ரு'த்திஃ ப்ரஜாயதே ।
யே த்வாம் ஸ்மரந்தி தேவேஶி ரக்ஷஸி தாந்ந ஸம்ஶயஃ ॥ ௮॥
ப்ரேதஸம்ஸ்தா து சாமுண்டா வாராஹீ மஹிஷாஸநா ।
ஐந்த்ரீ கஜஸமாரூடா வைஷ்ணவீ கருடாஸநா ॥ ௯॥
நாரஸிம்ஹீ மஹாவீர்யா ஶிவதூதீ மஹாபலா ।
மாஹேஶ்வரீ வ்ரு'ஷாரூடா கௌமாரீ ஶிகிவாஹநா ॥ ௧௦॥
லக்ஷ்மீஃ பத்மாஸநா தேவீ பத்மஹஸ்தா ஹரிப்ரியா ।
ஶ்வேதரூபதரா தேவீ ஈஶ்வரீ வ்ரு'ஷவாஹநா ॥ ௧௧॥
ப்ராஹ்மீ ஹம்ஸஸமாரூடா ஸர்வாபரணபூஷிதா ।
இத்யேதா மாதரஃ ஸர்வாஃ ஸர்வயோகஸமந்விதாஃ ॥ ௧௨॥
நாநாபரணஶோபாட்யா நாநாரத்நோபஶோபிதாஃ ।
ஶ்ரைஷ்டைஶ்ச மௌக்திகைஃ ஸர்வா திவ்யஹாரப்ரலம்பிபிஃ ॥ ௧௩॥
இந்த்ரநீலைர்மஹாநீலைஃ பத்மராகைஃ ஸுஶோபநைஃ ।
த்ரு'ஶ்யந்தே ரதமாரூடா தேவ்யஃ க்ரோதஸமாகுலாஃ ॥ ௧௪॥
ஶங்கம் சக்ரம் கதாம் ஶக்திம் ஹலம் ச முஸலாயுதம் ।
கேடகம் தோமரம் சைவ பரஶும் பாஶமேவ ச ॥ ௧௫॥
குந்தாயுதம் த்ரிஶூலம் ச ஶார்ங்கமாயுதமுத்தமம் ।
தைத்யாநாம் தேஹநாஶாய பக்தாநாமபயாய ச ॥ ௧௬॥
தாரயந்த்யாயுதாநீத்தம் தேவாநாம் ச ஹிதாய வை ।
நமஸ்தேऽஸ்து மஹாரௌத்ரே மஹாகோரபராக்ரமே ॥ ௧௭॥
மஹாபலே மஹோத்ஸாஹே மஹாபயவிநாஶிநி ।
த்ராஹி மாம் தேவி துஷ்ப்ரேக்ஷ்யே ஶத்ரூணாம் பயவர்திநி ॥ ௧௮॥
ப்ராச்யாம் ரக்ஷது மாமைந்த்ரீ ஆக்நேய்யாமக்நிதேவதா ।
தக்ஷிணேऽவது வாராஹீ நைர்ரு'த்யாம் கட்கதாரிணீ ॥ ௧௯॥
ப்ரதீச்யாம் வாருணீ ரக்ஷேத்வாயவ்யாம் ம்ரு'கவாஹிநீ ।
உதீச்யாம் பாது கௌபேரீ ஈஶாந்யாம் ஶூலதாரிணீ ॥ ௨௦॥
ஊர்த்வம் ப்ரஹ்மாணீ மே ரக்ஷேததஸ்தாத்வைஷ்ணவீ ததா ।
ஏவம் தஶ திஶோ ரக்ஷேச்சாமுண்டா ஶவவாஹநா ॥ ௨௧॥
ஜயா மாமக்ரதஃ பாது விஜயா பாது ப்ரு'ஷ்டதஃ ।
அஜிதா வாமபார்ஶ்வே து தக்ஷிணே சாபராஜிதா ॥ ௨௨॥
ஶிகாம் மே த்யோதிநீ ரக்ஷேதுமா மூர்த்நி வ்யவஸ்திதா ।
மாலாதரீ லலாடே ச ப்ருவௌ ரக்ஷேத்யஶஸ்விநீ ॥ ௨௩॥
நேத்ரயோஶ்சித்ரநேத்ரா ச யமகண்டா து பார்ஶ்வகே ।
த்ரிநேத்ரா ச த்ரிஶூலேந ப்ருவோர்மத்யே ச சண்டிகா ॥ ௨௪॥
ஶங்கிநீ சக்ஷுஷோர்மத்யே ஶ்ரோத்ரயோர்த்வாரவாஸிநீ ।
கபோலௌ காலிகா ரக்ஷேத் கர்ணமூலே து ஶங்கரீ ॥ ௨௫॥
நாஸிகாயாம் ஸுகந்தா ச உத்தரோஷ்டே ச சர்சிகா ।
அதரே சாம்ரு'தாபாலா ஜிஹ்வாயாம் ச ஸரஸ்வதீ ॥ ௨௬॥
தந்தாந் ரக்ஷது கௌமாரீ கண்டதேஶே து சண்டிகா ।
கண்டிகாம் சித்ரகண்டா ச மஹாமாயா ச தாலுகே ॥ ௨௭॥
காமாக்ஷீ சிபுகம் ரக்ஷேத்வாசம் மே ஸர்வமங்கலா ।
க்ரீவாயாம் பத்ரகாலீ ச ப்ரு'ஷ்டவம்ஶே தநுர்தரீ ॥ ௨௮॥
நீலக்ரீவா பஹிஃ கண்டே நலிகாம் நலகூபரீ ।
ஸ்கந்தயோஃ கட்கிநீ ரக்ஷேத் பாஹூ மே வஜ்ரதாரிணீ ॥ ௨௯॥
ஹஸ்தயோர்தண்டிநீ ரக்ஷேதம்பிகா சாங்குலீஷு ச ।
நகாஞ்சூலேஶ்வரீ ரக்ஷேத் குக்ஷௌ ரக்ஷேந்நரேஶ்வரீ ॥ ௩௦॥
ஸ்தநௌ ரக்ஷேந்மஹாதேவீ மநஃஶோகவிநாஶிநீ ।
ஹ்ரு'தயே லலிதா தேவீ உதரே ஶூலதாரிணீ ॥ ௩௧॥
நாபௌ ச காமிநீ ரக்ஷேத் குஹ்யம் குஹ்யேஶ்வரீ ததா ।
மேட்ரம் ரக்ஷது துர்கந்தா பாயும் மே குஹ்யவாஹிநீ ॥ ௩௨॥
கட்யாம் பகவதீ ரக்ஷேதூரூ மே மேகவாஹநா ।
ஜங்கே மஹாபலா ரக்ஷேத் ஜாநூ மாதவநாயிகா ॥ ௩௩॥
குல்பயோர்நாரஸிம்ஹீ ச பாதப்ரு'ஷ்டே து கௌஶிகீ ।
பாதாங்குலீஃ ஶ்ரீதரீ ச தலம் பாதாலவாஸிநீ ॥ ௩௪॥
நகாந் தம்ஷ்ட்ரகராலீ ச கேஶாம்ஶ்சைவோர்த்வகேஶிநீ ।
ரோமகூபேஷு கௌமாரீ த்வசம் யோகீஶ்வரீ ததா ॥ ௩௫॥
ரக்தமஜ்ஜாவஸாமாம்ஸாந்யஸ்திமேதாம்ஸி பார்வதீ ।
அந்த்ராணி காலராத்ரிஶ்ச பித்தம் ச முகுடேஶ்வரீ ॥ ௩௬॥
பத்மாவதீ பத்மகோஶே கபே சூடாமணிஸ்ததா ।
ஜ்வாலாமுகீ நகஜ்வாலாமபேத்யா ஸர்வஸந்திஷு ॥ ௩௭॥
ஶுக்ரம் ப்ரஹ்மாணீ மே ரக்ஷேச்சாயாம் சத்ரேஶ்வரீ ததா ।
அஹங்காரம் மநோ புத்திம் ரக்ஷேந்மே தர்மதாரிணீ ॥ ௩௮॥
ப்ராணாபாநௌ ததா வ்யாநமுதாநம் ச ஸமாநகம் ।
வஜ்ரஹஸ்தா ச மே ரக்ஷேத் ப்ராணாந் கல்யாணஶோபநா ॥ ௩௯॥
ரஸே ரூபே ச கந்தே ச ஶப்தே ஸ்பர்ஶே ச யோகிநீ ।
ஸத்த்வம் ரஜஸ்தமஶ்சைவ ரக்ஷேந்நாராயணீ ஸதா ॥ ௪௦॥
ஆயூ ரக்ஷது வாராஹீ தர்மம் ரக்ஷது பார்வதீ ।
யஶஃ கீர்திம் ச லக்ஷ்மீம் ச ஸதா ரக்ஷது வைஷ்ணவீ ॥ ௪௧॥
கோத்ரமிந்த்ராணீ மே ரக்ஷேத் பஶூந் ரக்ஷேச்ச சண்டிகா ।
புத்ராந் ரக்ஷேந்மஹாலக்ஷ்மீர்பார்யாம் ரக்ஷது பைரவீ ॥ ௪௨॥
தநேஶ்வரீ தநம் ரக்ஷேத் கௌமாரீ கந்யகாம் ததா ।
பந்தாநம் ஸுபதா ரக்ஷேந்மார்கம் க்ஷேமங்கரீ ததா ॥ ௪௩॥
ராஜத்வாரே மஹாலக்ஷ்மீர்விஜயா ஸதத ஸ்திதா ।
ரக்ஷாஹீநம் து யத் ஸ்தாநம் வர்ஜிதம் கவசேந து ॥ ௪௪॥
தத்ஸர்வம் ரக்ஷ மே தேவி ஜயந்தீ பாபநாஶிநீ ।
ஸர்வரக்ஷாகரம் புண்யம் கவசம் ஸர்வதா ஜபேத் ॥ ௪௫॥
இதம் ரஹஸ்யம் விப்ரர்ஷே பக்த்யா தவ மயோதிதம் ।
பாதமேகம் ந கச்சேத் து யதீச்சேச்சுபமாத்மநஃ ॥ ௪௬॥
கவசேநாவ்ரு'தோ நித்யம் யத்ர யத்ரைவ கச்சதி ।
தத்ர தத்ரார்தலாபஶ்வ விஜயஃ ஸார்வகாலிகஃ ॥ ௪௭॥
யம் யம் சிந்தயதே காமம் தம் தம் ப்ராப்நோதி நிஶ்சிதம் ।
பரமைஶ்வர்யமதுலம் ப்ராப்ஸ்யதே பூதலே புமாந் ॥ ௪௮॥
நிர்பயோ ஜாயதே மர்த்யஃ ஸங்க்ராமேஷ்வபராஜிதஃ ।
த்ரைலோக்யே து பவேத்பூஜ்யஃ கவசேநாவ்ரு'தஃ புமாந் ॥ ௪௯॥
இதம் து தேவ்யாஃ கவசம் தேவாநாமபி துர்லபம் ।
யஃ படேத்ப்ரயதோ நித்யம் த்ரிஸந்த்யம் ஶ்ரத்தயாந்விதஃ ॥ ௫௦॥
தைவீகலா பவேத்தஸ்ய த்ரைலோக்யே சாபராஜிதஃ ।
ஜீவேத்வர்ஷஶதம் ஸாக்ரமபம்ரு'த்யுவிவர்ஜிதஃ ॥ ௫௧॥
நஶ்யந்தி வ்யாதயஃ ஸர்வே லூதாவிஸ்போடகாதயஃ ।
ஸ்தாவரம் ஜங்கமம் சைவ க்ரு'த்ரிமம் சைவ யத்விஷம் ॥ ௫௨॥
அபிசாராணி ஸர்வாணி மந்த்ரயந்த்ராணி பூதலே ।
பூசராஃ கேசராஶ்சைவ குலஜாஶ்சௌபதேஶிகாஃ ॥ ௫௩॥
ஸஹஜா குலஜா மாலா டாகிநீ ஶாகிநீ ததா ।
அந்தரிக்ஷசரா கோரா டாகிந்யஶ்ச மஹாரவாஃ ॥ ௫௪॥
க்ரஹபூதபிஶாசாஶ்ச யக்ஷகந்தர்வராக்ஷஸாஃ ।
ப்ரஹ்மராக்ஷஸவேதாலாஃ கூஷ்மாண்டா பைரவாதயஃ ॥ ௫௫॥
நஶ்யந்தி தர்ஶநாத்தஸ்ய கவசேநாவ்ரு'தோ ஹி யஃ ।
மாநோந்நதிர்பவேத்ராஜ்ஞஸ்தேஜோவ்ரு'த்திஃ பரா பவேத் ॥ ௫௬॥
யஶோவ்ரு'த்திர்பவேத் பும்ஸாம் கீர்திவ்ரு'த்திஶ்ச ஜாயதே ।
தஸ்மாத் ஜபேத் ஸதா பக்தஃ கவசம் காமதம் முநே ॥ ௫௭॥
ஜபேத் ஸப்தஶதீம் சண்டீம் க்ரு'த்வா து கவசம் புரா ।
நிர்விக்நேந பவேத் ஸித்திஶ்சண்டீஜபஸமுத்பவா ॥ ௫௮॥
யாவத்பூமண்டலம் தத்தே ஸஶைலவநகாநநம் ।
தாவத்திஷ்டதி மேதிந்யாம் ஸந்ததிஃ புத்ரபௌத்ரிகீ ॥ ௫௯॥
தேஹாந்தே பரமம் ஸ்தாநம் ஸுரைரபி ஸுதுர்லபம் ।
ப்ராப்நோதி புருஷோ நித்யம் மஹாமாயாப்ரஸாததஃ ॥ ௬௦॥
தத்ர கச்சதி கத்வாஸௌ புநஶ்சாகமநம் நஹி ।
லபதே பரமம் ஸ்தாநம் ஶிவேந ஸமதாம் வ்ரஜேத் ॥ ௬௧॥
॥ இதி ஶ்ரீமார்கண்டேயபுராணே ஹரிஹரப்ரஹ்மவிரசிதம்
தேவீகவசம் ஸமாப்தம் ॥

%
॥ ஶ்ரீதுர்காயை நமஃ ॥
॥ அத ஶ்ரீதுர்காஸப்தஶதீ ॥

விநியோகஃ
அஸ்ய ஶ்ரீ ப்ரதமசரித்ரஸ்ய । ப்ரஹ்மா ரு'ஷிஃ ।
மஹாகாலீ தேவதா । காயத்ரீ சந்தஃ । நந்தா ஶக்திஃ ।
ரக்ததந்திகா பீஜம் । அக்நிஸ்தத்த்வம் ।
ரு'க்வேதஃ ஸ்வரூபம் । ஶ்ரீமஹாகாலீப்ரீத்யர்தே
ப்ரதமசரித்ரஜபே விநியோகஃ ।
। த்யாநம் ।
ௐ கட்கம் சக்ரகதேஷுசாபபரிகாஞ்சூலம் புஶுண்டீம் ஶிரஃ
ஶங்கம் ஸந்தததீம் கரைஸ்த்ரிநயநாம் ஸர்வாங்கபூஷாவ்ரு'தாம் ।
நீலாஶ்மத்யுதிமாஸ்யபாததஶகாம் ஸேவே மஹாகாலிகாம்
யாமஸ்தௌத்ஸ்வபிதே ஹரௌ கமலஜோ ஹந்தும் மதும் கைடபம் ॥
ௐ நமஶ்சண்டிகாயை ॥
ௐ ஐம் மார்கண்டேய உவாச॥ ௧.௧॥
ஸாவர்ணிஃ ஸூர்யதநயோ யோ மநுஃ கத்யதேऽஷ்டமஃ ।
நிஶாமய ததுத்பத்திம் விஸ்தராத்கததோ மம ॥ ௧.௨॥
மஹாமாயாநுபாவேந யதா மந்வந்தராதிபஃ ।
ஸ பபூவ மஹாபாகஃ ஸாவர்ணிஸ்தநயோ ரவேஃ ॥ ௧.௩॥
ஸ்வாரோசிஷேऽந்தரே பூர்வம் சைத்ரவம்ஶஸமுத்பவஃ ।
ஸுரதோ நாம ராஜாபூத்ஸமஸ்தே க்ஷிதிமண்டலே ॥ ௧.௪॥
தஸ்ய பாலயதஃ ஸம்யக் ப்ரஜாஃ புத்ராநிவௌரஸாந் ।
பபூவுஃ ஶத்ரவோ பூபாஃ கோலாவித்வம்ஸிநஸ்ததா ॥ ௧.௫॥
தஸ்ய தைரபவத் யுத்தமதிப்ரபலதண்டிநஃ ।
ந்யூநைரபி ஸ தைர்யுத்தே கோலாவித்வம்ஸிபிர்ஜிதஃ ॥ ௧.௬॥
ததஃ ஸ்வபுரமாயாதோ நிஜதேஶாதிபோऽபவத் ।
ஆக்ராந்தஃ ஸ மஹாபாகஸ்தைஸ்ததா ப்ரபலாரிபிஃ ॥ ௧.௭॥
அமாத்யைர்பலிபிர்துஷ்டைர்துர்பலஸ்ய துராத்மபிஃ ।
கோஶோ பலம் சாபஹ்ரு'தம் தத்ராபி ஸ்வபுரே ததஃ ॥ ௧.௮॥
ததோ ம்ரு'கயாவ்யாஜேந ஹ்ரு'தஸ்வாம்யஃ ஸ பூபதிஃ ।
ஏகாகீ ஹயமாருஹ்ய ஜகாம கஹநம் வநம் ॥ ௧.௯॥
ஸ தத்ராஶ்ரமமத்ராக்ஷீத்த்விஜவர்யஸ்ய மேதஸஃ ।
ப்ரஶாந்தஶ்வாபதாகீர்ணம் முநிஶிஷ்யோபஶோபிதம் ॥ ௧.௧௦॥
தஸ்தௌ கஞ்சித்ஸ காலம் ச முநிநா தேந ஸத்க்ரு'தஃ ।
இதஶ்சேதஶ்ச விசரம்ஸ்தஸ்மிந் முநிவராஶ்ரமே ॥ ௧.௧௧॥
ஸோऽசிந்தயத்ததா தத்ர மமத்வாக்ரு'ஷ்டமாநஸஃ ।
மத்பூர்வைஃ பாலிதம் பூர்வம் மயா ஹீநம் புரம் ஹி தத் ॥ ௧.௧௨॥
மத்ப்ரு'த்யைஸ்தைரஸத்வ்ரு'த்தைர்தர்மதஃ பால்யதே ந வா ।
ந ஜாநே ஸ ப்ரதாநோ மே ஶூரோ ஹஸ்தீ ஸதாமதஃ ॥ ௧.௧௩॥
மம வைரிவஶம் யாதஃ காந் போகாநுபலப்ஸ்யதே ।
யே மமாநுகதா நித்யம் ப்ரஸாததநபோஜநைஃ ॥ ௧.௧௪॥
அநுவ்ரு'த்திம் த்ருவம் தேऽத்ய குர்வந்த்யந்யமஹீப்ரு'தாம் ।
அஸம்யக்வ்யயஶீலைஸ்தைஃ குர்வத்பிஃ ஸததம் வ்யயம் ॥ ௧.௧௫॥
ஸஞ்சிதஃ ஸோऽதிதுஃகேந க்ஷயம் கோஶோ கமிஷ்யதி ।
ஏதச்சாந்யச்ச ஸததம் சிந்தயாமாஸ பார்திவஃ ॥ ௧.௧௬॥
தத்ர விப்ராஶ்ரமாப்யாஶே வைஶ்யமேகம் ததர்ஶ ஸஃ ।
ஸ ப்ரு'ஷ்டஸ்தேந கஸ்த்வம் போ ஹேதுஶ்சாகமநேऽத்ர கஃ ॥ ௧.௧௭॥
ஸஶோக இவ கஸ்மாத்த்வம் துர்மநா இவ லக்ஷ்யஸே ।
இத்யாகர்ண்ய வசஸ்தஸ்ய பூபதேஃ ப்ரணயோதிதம் ॥ ௧.௧௮॥
ப்ரத்யுவாசஸ தம் வைஶ்யஃ ப்ரஶ்ரயாவநதோ ந்ரு'பம் ॥ ௧.௧௯॥
வைஶ்ய உவாச॥ ௧.௨௦॥
ஸமாதிர்நாம வைஶ்யோऽஹமுத்பந்நோ தநிநாம் குலே ॥ ௧.௨௧॥
புத்ரதாரைர்நிரஸ்தஶ்ச தநலோபாதஸாதுபிஃ ।
விஹீநஶ்ச தநைர்தாரைஃ புத்ரைராதாய மே தநம் ॥ ௧.௨௨॥
வநமப்யாகதோ துஃகீ நிரஸ்தஶ்சாப்தபந்துபிஃ ।
ஸோऽஹம் ந வேத்மி புத்ராணாம் குஶலாகுஶலாத்மிகாம் ॥ ௧.௨௩॥
ப்ரவ்ரு'த்திம் ஸ்வஜநாநாம் ச தாராணாம் சாத்ர ஸம்ஸ்திதஃ ।
கிம் நு தேஷாம் க்ரு'ஹே க்ஷேமமக்ஷேமம் கிம் நு ஸாம்ப்ரதம் ॥ ௧.௨௪॥
கதம் தே கிம் நு ஸத்வ்ரு'த்தா துர்வ்ரு'த்தாஃ கிம் நு மே ஸுதாஃ ॥ ௧.௨௫॥
ராஜோவாச ॥ ௧.௨௬॥
யைர்நிரஸ்தோ பவாँல்லுப்தைஃ புத்ரதாராதிபிர்தநைஃ ॥ ௧.௨௭॥
தேஷு கிம் பவதஃ ஸ்நேஹமநுபத்நாதி மாநஸம் ॥ ௧.௨௮॥
வைஶ்ய உவாச॥ ௧.௨௯॥
ஏவமேதத்யதா ப்ராஹ பவாநஸ்மத்கதம் வசஃ ॥ ௧.௩௦॥
கிம் கரோமி ந பத்நாதி மம நிஷ்டுரதாம் மநஃ ।
யைஃ ஸந்த்யஜ்ய பித்ரு'ஸ்நேஹம் தநலுப்தைர்நிராக்ரு'தஃ ॥ ௧.௩௧॥
பதிஸ்வஜநஹார்தம் ச ஹார்திதேஷ்வேவ மே மநஃ ।
கிமேதந்நாபிஜாநாமி ஜாநந்நபி மஹாமதே ॥ ௧.௩௨॥
யத்ப்ரேமப்ரவணம் சித்தம் விகுணேஷ்வபி பந்துஷு ।
தேஷாம் க்ரு'தே மே நிஃஶ்வாஸோ தௌர்மநஸ்யம் ச ஜாயதே ॥ ௧.௩௩॥
கரோமி கிம் யந்ந மநஸ்தேஷ்வப்ரீதிஷு நிஷ்டுரம் ॥ ௧.௩௪॥
மார்கண்டேய உவாச॥ ௧.௩௫॥
ததஸ்தௌ ஸஹிதௌ விப்ர தம் முநிம் ஸமுபஸ்திதௌ ॥ ௧.௩௬॥
ஸமாதிர்நாம வைஶ்யோऽஸௌ ஸ ச பார்திவஸத்தமஃ ।
க்ரு'த்வா து தௌ யதாந்யாயம் யதார்ஹம் தேந ஸம்விதம் ॥ ௧.௩௭॥
உபவிஷ்டௌ கதாஃ காஶ்சிச்சக்ரதுர்வைஶ்யபார்திவௌ ॥ ௧.௩௮॥
ராஜோவாச ॥ ௧.௩௯॥
பகவம்ஸ்த்வாமஹம் ப்ரஷ்டுமிச்சாம்யேகம் வதஸ்வ தத் ॥ ௧.௪௦॥
துஃகாய யந்மே மநஸஃ ஸ்வசித்தாயத்ததாம் விநா ।
மமத்வம் கதராஜ்யஸ்ய ராஜ்யாங்கேஷ்வகிலேஷ்வபி ॥ ௧.௪௧॥
ஜாநதோऽபி யதாஜ்ஞஸ்ய கிமேதந்முநிஸத்தம ।
அயம் ச நிக்ரு'தஃ புத்ரைர்தாரைர்ப்ரு'த்யைஸ்ததோஜ்சிதஃ ॥ ௧.௪௨॥
ஸ்வஜநேந ச ஸந்த்யக்தஸ்தேஷு ஹார்தீ ததாப்யதி ।
ஏவமேஷ ததாஹம் ச த்வாவப்யத்யந்ததுஃகிதௌ ॥ ௧.௪௩॥
த்ரு'ஷ்டதோஷேऽபி விஷயே மமத்வாக்ரு'ஷ்டமாநஸௌ ।
தத்கிமேதந்மஹாபாக யந்மோஹோ ஜ்ஞாநிநோரபி ॥ ௧.௪௪॥
மமாஸ்ய ச பவத்யேஷா விவேகாந்தஸ்ய மூடதா ॥ ௧.௪௫॥
ரு'ஷிருவாச ॥ ௧.௪௬॥
ஜ்ஞாநமஸ்தி ஸமஸ்தஸ்ய ஜந்தோர்விஷயகோசரே ॥ ௧.௪௭॥
விஷயாஶ்ச மஹாபாக யாந்தி சைவம் ப்ரு'தக்ப்ரு'தக் ।
திவாந்தாஃ ப்ராணிநஃ கேசித்ராத்ராவந்தாஸ்ததாபரே ॥ ௧.௪௮॥
கேசித்திவா ததா ராத்ரௌ ப்ராணிநஸ்துல்யத்ரு'ஷ்டயஃ ।
ஜ்ஞாநிநோ மநுஜாஃ ஸத்யம் கிம் து தே ந ஹி கேவலம் ॥ ௧.௪௯॥
யதோ ஹி ஜ்ஞாநிநஃ ஸர்வே பஶுபக்ஷிம்ரு'காதயஃ ।
ஜ்ஞாநம் ச தந்மநுஷ்யாணாம் யத்தேஷாம் ம்ரு'கபக்ஷிணாம் ॥ ௧.௫௦॥
மநுஷ்யாணாம் ச யத்தேஷாம் துல்யமந்யத்ததோபயோஃ ।
ஜ்ஞாநேऽபி ஸதி பஶ்யைதாந் பதங்காஞ்சாவசஞ்சுஷு ॥ ௧.௫௧॥
கணமோக்ஷாத்ரு'தாந் மோஹாத்பீட்யமாநாநபி க்ஷுதா ।
மாநுஷா மநுஜவ்யாக்ர ஸாபிலாஷாஃ ஸுதாந் ப்ரதி ॥ ௧.௫௨॥
லோபாத் ப்ரத்யுபகாராய நந்வேதாந் கிம் ந பஶ்யஸி ।
ததாபி மமதாவர்த்தே மோஹகர்தே நிபாதிதாஃ ॥ ௧.௫௩॥
மஹாமாயாப்ரபாவேண ஸம்ஸாரஸ்திதிகாரிணா ।
தந்நாத்ர விஸ்மயஃ கார்யோ யோகநித்ரா ஜகத்பதேஃ ॥ ௧.௫௪॥
மஹாமாயா ஹரேஶ்சைஷா தயா ஸம்மோஹ்யதே ஜகத் ।
ஜ்ஞாநிநாமபி சேதாம்ஸி தேவீ பகவதீ ஹி ஸா ॥ ௧.௫௫॥
பலாதாக்ரு'ஷ்ய மோஹாய மஹாமாயா ப்ரயச்சதி ।
தயா விஸ்ரு'ஜ்யதே விஶ்வம் ஜகதேதச்சராசரம் ॥ ௧.௫௬॥
ஸைஷா ப்ரஸந்நா வரதா ந்ரு'ணாம் பவதி முக்தயே ।
ஸா வித்யா பரமா முக்தேர்ஹேதுபூதா ஸநாதநீ ॥ ௧.௫௭॥
ஸம்ஸாரபந்தஹேதுஶ்ச ஸைவ ஸர்வேஶ்வரேஶ்வரீ ॥ ௧.௫௮॥
ராஜோவாச ॥ ௧.௫௯॥
பகவந் கா ஹி ஸா தேவீ மஹாமாயேதி யாம் பவாந் ॥ ௧.௬௦॥
ப்ரவீதி கதமுத்பந்நா ஸா கர்மாஸ்யாஶ்ச கிம் த்விஜ ।
யத்ப்ரபாவா ச ஸா தேவீ யத்ஸ்வரூபா யதுத்பவா ॥ ௧.௬௧॥
தத்ஸர்வம் ஶ்ரோதுமிச்சாமி த்வத்தோ ப்ரஹ்மவிதாம் வர ॥ ௧.௬௨॥
ரு'ஷிருவாச ॥ ௧.௬௩॥
நித்யைவ ஸா ஜகந்மூர்திஸ்தயா ஸர்வமிதம் ததம் ॥ ௧.௬௪॥
ததாபி தத்ஸமுத்பத்திர்பஹுதா ஶ்ரூயதாம் மம ।
தேவாநாம் கார்யஸித்த்யர்தமாவிர்பவதி ஸா யதா ॥ ௧.௬௫॥
உத்பந்நேதி ததா லோகே ஸா நித்யாப்யபிதீயதே ।
யோகநித்ராம் யதா விஷ்ணுர்ஜகத்யேகார்ணவீக்ரு'தே ॥ ௧.௬௬॥
ஆஸ்தீர்ய ஶேஷமபஜத் கல்பாந்தே பகவாந் ப்ரபுஃ ।
ததா த்வாவஸுரௌ கோரௌ விக்யாதௌ மதுகைடபௌ ॥ ௧.௬௭॥
விஷ்ணுகர்ணமலோத்பூதௌ ஹந்தும் ப்ரஹ்மாணமுத்யதௌ ।
ஸ நாபிகமலே விஷ்ணோஃ ஸ்திதோ ப்ரஹ்மா ப்ரஜாபதிஃ ॥ ௧.௬௮॥
த்ரு'ஷ்ட்வா தாவஸுரௌ சோக்ரௌ ப்ரஸுப்தம் ச ஜநார்தநம் ।
துஷ்டாவ யோகநித்ராம் தாமேகாக்ரஹ்ரு'தயஃ ஸ்திதஃ ॥ ௧.௬௯॥
விபோதநார்தாய ஹரேர்ஹரிநேத்ரக்ரு'தாலயாம் ।
விஶ்வேஶ்வரீம் ஜகத்தாத்ரீம் ஸ்திதிஸம்ஹாரகாரிணீம் ॥ ௧.௭௦॥
நித்ராம் பகவதீம் விஷ்ணோரதுலாம் தேஜஸஃ ப்ரபுஃ ॥ ௧.௭௧॥
ப்ரஹ்மோவாச ॥ ௧.௭௨॥
த்வம் ஸ்வாஹா த்வம் ஸ்வதா த்வம் ஹி வஷட்காரஃ ஸ்வராத்மிகா ॥ ௧.௭௩॥
ஸுதா த்வமக்ஷரே நித்யே த்ரிதா மாத்ராத்மிகா ஸ்திதா ।
அர்தமாத்ரா ஸ்திதா நித்யா யாநுச்சார்யாவிஶேஷதஃ ॥ ௧.௭௪॥
த்வமேவ ஸந்த்யா ஸாவித்ரீ த்வம் தேவி ஜநநீ பரா ।
த்வயைதத்தார்யதே விஶ்வம் த்வயைதத் ஸ்ரு'ஜ்யதே ஜகத் ॥ ௧.௭௫॥
த்வயைதத் பால்யதே தேவி த்வமத்ஸ்யந்தே ச ஸர்வதா ।
விஸ்ரு'ஷ்டௌ ஸ்ரு'ஷ்டிரூபா த்வம் ஸ்திதிரூபா ச பாலநே ॥ ௧.௭௬॥
ததா ஸம்ஹ்ரு'திரூபாந்தே ஜகதோऽஸ்ய ஜகந்மயே ।
மஹாவித்யா மஹாமாயா மஹாமேதா மஹாஸ்ம்ரு'திஃ ॥ ௧.௭௭॥
மஹாமோஹா ச பவதீ மஹாதேவீ மஹேஶ்வரீ ।
ப்ரக்ரு'திஸ்த்வம் ச ஸர்வஸ்ய குணத்ரயவிபாவிநீ ॥ ௧.௭௮॥
காலராத்ரிர்மஹாராத்ரிர்மோஹராத்ரிஶ்ச தாருணா ।
த்வம் ஶ்ரீஸ்த்வமீஶ்வரீ த்வம் ஹ்ரீஸ்த்வம் புத்திர்போதலக்ஷணா ॥ ௧.௭௯॥
லஜ்ஜா புஷ்டிஸ்ததா துஷ்டிஸ்த்வம் ஶாந்திஃ க்ஷாந்திரேவ ச ।
கட்கிநீ ஶூலிநீ கோரா கதிநீ சக்ரிணீ ததா ॥ ௧.௮௦॥
ஶங்கிநீ சாபிநீ பாணபுஶுண்டீபரிகாயுதா ।
ஸௌம்யா ஸௌம்யதராஶேஷஸௌம்யேப்யஸ்த்வதிஸுந்தரீ ॥ ௧.௮௧॥
பராபராணாம் பரமா த்வமேவ பரமேஶ்வரீ ।
யச்ச கிஞ்சித்க்வசித்வஸ்து ஸதஸத்வாகிலாத்மிகே ॥ ௧.௮௨॥
தஸ்ய ஸர்வஸ்ய யா ஶக்திஃ ஸா த்வம் கிம் ஸ்தூயஸே மயா ।
யயா த்வயா ஜகத்ஸ்ரஷ்டா ஜகத்பாத்யத்தி யோ ஜகத் ॥ ௧.௮௩॥
ஸோऽபி நித்ராவஶம் நீதஃ கஸ்த்வாம் ஸ்தோதுமிஹேஶ்வரஃ ।
விஷ்ணுஃ ஶரீரக்ரஹணமஹமீஶாந ஏவ ச ॥ ௧.௮௪॥
காரிதாஸ்தே யதோऽதஸ்த்வாம் கஃ ஸ்தோதும் ஶக்திமாந் பவேத் ।
ஸா த்வமித்தம் ப்ரபாவைஃ ஸ்வைருதாரைர்தேவி ஸம்ஸ்துதா ॥ ௧.௮௫॥
மோஹயைதௌ துராதர்ஷாவஸுரௌ மதுகைடபௌ ।
ப்ரபோதம் ச ஜகத்ஸ்வாமீ நீயதாமச்யுதோ லகு ॥ ௧.௮௬॥
போதஶ்ச க்ரியதாமஸ்ய ஹந்துமேதௌ மஹாஸுரௌ ॥ ௧.௮௭॥
ரு'ஷிருவாச ॥ ௧.௮௮॥
ஏவம் ஸ்துதா ததா தேவீ தாமஸீ தத்ர வேதஸா ॥ ௧.௮௯॥
விஷ்ணோஃ ப்ரபோதநார்தாய நிஹந்தும் மதுகைடபௌ ।
நேத்ராஸ்யநாஸிகாபாஹுஹ்ரு'தயேப்யஸ்ததோரஸஃ ॥ ௧.௯௦॥
நிர்கம்ய தர்ஶநே தஸ்தௌ ப்ரஹ்மணோऽவ்யக்தஜந்மநஃ ।
உத்தஸ்தௌ ச ஜகந்நாதஸ்தயா முக்தோ ஜநார்தநஃ ॥ ௧.௯௧॥
ஏகார்ணவேऽஹிஶயநாத்ததஃ ஸ தத்ரு'ஶே ச தௌ ।
மதுகைடபௌ துராத்மாநாவதிவீர்யபராக்ரமௌ ॥ ௧.௯௨॥
க்ரோதரக்தேக்ஷணாவத்தும் ப்ரஹ்மாணம் ஜநிதோத்யமௌ ।
ஸமுத்தாய ததஸ்தாப்யாம் யுயுதே பகவாந் ஹரிஃ ॥ ௧.௯௩॥
பஞ்சவர்ஷஸஹஸ்ராணி பாஹுப்ரஹரணோ விபுஃ ।
தாவப்யதிபலோந்மத்தௌ மஹாமாயாவிமோஹிதௌ ॥ ௧.௯௪॥
உக்தவந்தௌ வரோऽஸ்மத்தோ வ்ரியதாமிதி கேஶவம் ॥ ௧.௯௫॥
ஶ்ரீபகவாநுவாச ॥ ௧.௯௬॥
பவேதாமத்ய மே துஷ்டௌ மம வத்யாவுபாவபி ॥ ௧.௯௭॥
கிமந்யேந வரேணாத்ர ஏதாவத்தி வ்ரு'தம் மயா ॥ ௧.௯௮॥
ரு'ஷிருவாச ॥ ௧.௯௯॥
வஞ்சிதாப்யாமிதி ததா ஸர்வமாபோமயம் ஜகத் ॥ ௧.௧௦௦॥
விலோக்ய தாப்யாம் கதிதோ பகவாந் கமலேக்ஷணஃ ।
ஆவாம் ஜஹி ந யத்ரோர்வீ ஸலிலேந பரிப்லுதா ॥ ௧.௧௦௧॥
ரு'ஷிருவாச ॥ ௧.௧௦௨॥
ததேத்யுக்த்வா பகவதா ஶங்கசக்ரகதாப்ரு'தா ।
க்ரு'த்வா சக்ரேண வை சிந்நே ஜகநே ஶிரஸீ தயோஃ ॥ ௧.௧௦௩॥
ஏவமேஷா ஸமுத்பந்நா ப்ரஹ்மணா ஸம்ஸ்துதா ஸ்வயம் ।
ப்ரபாவமஸ்யா தேவ்யாஸ்து பூயஃ ஶ‍்ரு'ணு வதாமி தே ॥ ௧.௧௦௪॥
। ஐம் ௐ ।
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
மதுகைடபவதோ நாம ப்ரதமோऽத்யாயஃ ॥ ௧॥
உவாச௧௪, அர்தஶ்லோகாஃ ௨௪, ஶ்லோகாஃ ௬௬, ஏவமாதிதஃ ॥ ௧௦௪॥

விநியோகஃ
அஸ்ய ஶ்ரீ மத்யமசரித்ரஸ்ய விஷ்ணுர்ரு'ஷிஃ ।
ஶ்ரீமஹாலக்ஷ்மீர்தேவதா ।
உஷ்ணிக் சந்தஃ । ஶாகம்பரீ ஶக்திஃ । துர்கா பீஜம் ।
வாயுஸ்தத்த்வம் ।
யஜுர்வேதஃ ஸ்வரூபம் । ஶ்ரீமஹாலக்ஷ்மீப்ரீத்யர்தே
மத்யமசரித்ரஜபே விநியோகஃ ।
। த்யாநம் ।
ௐ அக்ஷஸ்ரக்பரஶூ கதேஷுகுலிஶம் பத்மம் தநுஃ குண்டிகாம்
தண்டம் ஶக்திமஸிம் ச சர்ம ஜலஜம் கண்டாம் ஸுராபாஜநம் ।
ஶூலம் பாஶஸுதர்ஶநே ச தததீம் ஹஸ்தைஃ ப்ரவாலப்ரபாம்
ஸேவே ஸைரிபமர்திநீமிஹ மஹாலக்ஷ்மீம் ஸரோஜஸ்திதாம் ॥
ௐ ஹ்ரீம் ரு'ஷிருவாச ॥ ௨.௧॥
தேவாஸுரமபூத்யுத்தம் பூர்ணமப்தஶதம் புரா ।
மஹிஷேऽஸுராணாமதிபே தேவாநாம் ச புரந்தரே ॥ ௨.௨॥
தத்ராஸுரைர்மஹாவீர்யைர்தேவஸைந்யம் பராஜிதம் ।
ஜித்வா ச ஸகலாந் தேவாநிந்த்ரோऽபூந்மஹிஷாஸுரஃ ॥ ௨.௩॥
ததஃ பராஜிதா தேவாஃ பத்மயோநிம் ப்ரஜாபதிம் ।
புரஸ்க்ரு'த்ய கதாஸ்தத்ர யத்ரேஶகருடத்வஜௌ ॥ ௨.௪॥
யதாவ்ரு'த்தம் தயோஸ்தத்வந்மஹிஷாஸுரசேஷ்டிதம் ।
த்ரிதஶாஃ கதயாமாஸுர்தேவாபிபவவிஸ்தரம் ॥ ௨.௫॥
ஸூர்யேந்த்ராக்ந்யநிலேந்தூநாம் யமஸ்ய வருணஸ்ய ச ।
அந்யேஷாம் சாதிகாராந்ஸ ஸ்வயமேவாதிதிஷ்டதி ॥ ௨.௬॥
ஸ்வர்காந்நிராக்ரு'தாஃ ஸர்வே தேந தேவகணா புவி ।
விசரந்தி யதா மர்த்யா மஹிஷேண துராத்மநா ॥ ௨.௭॥
ஏதத்வஃ கதிதம் ஸர்வமமராரிவிசேஷ்டிதம் ।
ஶரணம் வஃ ப்ரபந்நாஃ ஸ்மோ வதஸ்தஸ்ய விசிந்த்யதாம் ॥ ௨.௮॥
இத்தம் நிஶம்ய தேவாநாம் வசாம்ஸி மதுஸூதநஃ ।
சகார கோபம் ஶம்புஶ்ச ப்ருகுடீகுடிலாநநௌ ॥ ௨.௯॥
ததோऽதிகோபபூர்ணஸ்ய சக்ரிணோ வதநாத்ததஃ ।
நிஶ்சக்ராம மஹத்தேஜோ ப்ரஹ்மணஃ ஶங்கரஸ்ய ச ॥ ௨.௧௦॥
அந்யேஷாம் சைவ தேவாநாம் ஶக்ராதீநாம் ஶரீரதஃ ।
நிர்கதம் ஸுமஹத்தேஜஸ்தச்சைக்யம் ஸமகச்சத ॥ ௨.௧௧॥
அதீவ தேஜஸஃ கூடம் ஜ்வலந்தமிவ பர்வதம் ।
தத்ரு'ஶுஸ்தே ஸுராஸ்தத்ர ஜ்வாலாவ்யாப்ததிகந்தரம் ॥ ௨.௧௨॥
அதுலம் தத்ர தத்தேஜஃ ஸர்வதேவஶரீரஜம் ।
ஏகஸ்தம் ததபூந்நாரீ வ்யாப்தலோகத்ரயம் த்விஷா ॥ ௨.௧௩॥
யதபூச்சாம்பவம் தேஜஸ்தேநாஜாயத தந்முகம் ।
யாம்யேந சாபவந் கேஶா பாஹவோ விஷ்ணுதேஜஸா ॥ ௨.௧௪॥
ஸௌம்யேந ஸ்தநயோர்யுக்மம் மத்யம் சைந்த்ரேண சாபவத் ।
வாருணேந ச ஜங்கோரூ நிதம்பஸ்தேஜஸா புவஃ ॥ ௨.௧௫॥
ப்ரஹ்மணஸ்தேஜஸா பாதௌ ததங்குல்யோऽர்கதேஜஸா ।
வஸூநாம் ச கராங்குல்யஃ கௌபேரேண ச நாஸிகா ॥ ௨.௧௬॥
தஸ்யாஸ்து தந்தாஃ ஸம்பூதாஃ ப்ராஜாபத்யேந தேஜஸா ।
நயநத்ரிதயம் ஜஜ்ஞே ததா பாவகதேஜஸா ॥ ௨.௧௭॥
ப்ருவௌ ச ஸந்த்யயோஸ்தேஜஃ ஶ்ரவணாவநிலஸ்ய ச ।
அந்யேஷாம் சைவ தேவாநாம் ஸம்பவஸ்தேஜஸாம் ஶிவா ॥ ௨.௧௮॥
ததஃ ஸமஸ்ததேவாநாம் தேஜோராஶிஸமுத்பவாம் ।
தாம் விலோக்ய முதம் ப்ராபுரமரா மஹிஷார்திதாஃ ।
ததோ தேவா ததுஸ்தஸ்யை ஸ்வாநி ஸ்வாந்யாயுதாநி ச ॥ ௨.௧௯॥
ஶூலம் ஶூலாத்விநிஷ்க்ரு'ஷ்ய ததௌ தஸ்யை பிநாகத்ரு'க் ।
சக்ரம் ச தத்தவாந் க்ரு'ஷ்ணஃ ஸமுத்பாட்ய ஸ்வசக்ரதஃ ॥ ௨.௨௦॥
ஶங்கம் ச வருணஃ ஶக்திம் ததௌ தஸ்யை ஹுதாஶநஃ ।
மாருதோ தத்தவாம்ஶ்சாபம் பாணபூர்ணே ததேஷுதீ ॥ ௨.௨௧॥
வஜ்ரமிந்த்ரஃ ஸமுத்பாட்ய குலிஶாதமராதிபஃ ।
ததௌ தஸ்யை ஸஹஸ்ராக்ஷோ கண்டாமைராவதாத்கஜாத் ॥ ௨.௨௨॥
காலதண்டாத்யமோ தண்டம் பாஶம் சாம்புபதிர்ததௌ ।
ப்ரஜாபதிஶ்சாக்ஷமாலாம் ததௌ ப்ரஹ்மா கமண்டலும் ॥ ௨.௨௩॥
ஸமஸ்தரோமகூபேஷு நிஜரஶ்மீந் திவாகரஃ ।
காலஶ்ச தத்தவாந் கட்கம் தஸ்யை சர்ம ச நிர்மலம் ॥ ௨.௨௪॥
க்ஷீரோதஶ்சாமலம் ஹாரமஜரே ச ததாம்பரே ।
சூடாமணிம் ததா திவ்யம் குண்டலே கடகாநி ச ॥ ௨.௨௫॥
அர்தசந்த்ரம் ததா ஶுப்ரம் கேயூராந் ஸர்வபாஹுஷு ।
நூபுரௌ விமலௌ தத்வத் க்ரைவேயகமநுத்தமம் ॥ ௨.௨௬॥
அங்குலீயகரத்நாநி ஸமஸ்தாஸ்வங்குலீஷு ச ।
விஶ்வகர்மா ததௌ தஸ்யை பரஶும் சாதிநிர்மலம் ॥ ௨.௨௭॥
அஸ்த்ராண்யநேகரூபாணி ததாபேத்யம் ச தம்ஶநம் ।
அம்லாநபங்கஜாம் மாலாம் ஶிரஸ்யுரஸி சாபராம் ॥ ௨.௨௮॥
அததஜ்ஜலதிஸ்தஸ்யை பங்கஜம் சாதிஶோபநம் ।
ஹிமவாந் வாஹநம் ஸிம்ஹம் ரத்நாநி விவிதாநி ச ॥ ௨.௨௯॥
ததாவஶூந்யம் ஸுரயா பாநபாத்ரம் தநாதிபஃ ।
ஶேஷஶ்ச ஸர்வநாகேஶோ மஹாமணிவிபூஷிதம் ॥ ௨.௩௦॥
நாகஹாரம் ததௌ தஸ்யை தத்தே யஃ ப்ரு'திவீமிமாம் ।
அந்யைரபி ஸுரைர்தேவீ பூஷணைராயுதைஸ்ததா ॥ ௨.௩௧॥
ஸம்மாநிதா நநாதோச்சைஃ ஸாட்டஹாஸம் முஹுர்முஹுஃ ।
தஸ்யா நாதேந கோரேண க்ரு'த்ஸ்நமாபூரிதம் நபஃ ॥ ௨.௩௨॥
அமாயதாதிமஹதா ப்ரதிஶப்தோ மஹாநபூத் ।
சுக்ஷுபுஃ ஸகலா லோகாஃ ஸமுத்ராஶ்ச சகம்பிரே ॥ ௨.௩௩॥
சசால வஸுதா சேலுஃ ஸகலாஶ்ச மஹீதராஃ ।
ஜயேதி தேவாஶ்ச முதா தாமூசுஃ ஸிம்ஹவாஹிநீம் ॥ ௨.௩௪॥
துஷ்டுவுர்முநயஶ்சைநாம் பக்திநம்ராத்மமூர்தயஃ ।
த்ரு'ஷ்ட்வா ஸமஸ்தம் ஸங்க்ஷுப்தம் த்ரைலோக்யமமராரயஃ ॥ ௨.௩௫॥
ஸந்நத்தாகிலஸைந்யாஸ்தே ஸமுத்தஸ்துருதாயுதாஃ ।
ஆஃ கிமேததிதி க்ரோதாதாபாஷ்ய மஹிஷாஸுரஃ ॥ ௨.௩௬॥
அப்யதாவத தம் ஶப்தமஶேஷைரஸுரைர்வ்ரு'தஃ ।
ஸ ததர்ஶ ததோ தேவீம் வ்யாப்தலோகத்ரயாம் த்விஷா ॥ ௨.௩௭॥
பாதாக்ராந்த்யா நதபுவம் கிரீடோல்லிகிதாம்பராம் ।
க்ஷோபிதாஶேஷபாதாலாம் தநுர்ஜ்யாநிஃஸ்வநேந தாம் ॥ ௨.௩௮॥
திஶோ புஜஸஹஸ்ரேண ஸமந்தாத்வ்யாப்ய ஸம்ஸ்திதாம் ।
ததஃ ப்ரவவ்ரு'தே யுத்தம் தயா தேவ்யா ஸுரத்விஷாம் ॥ ௨.௩௯॥
ஶஸ்த்ராஸ்த்ரைர்பஹுதா முக்தைராதீபிததிகந்தரம் ।
மஹிஷாஸுரஸேநாநீஶ்சிக்ஷுராக்யோ மஹாஸுரஃ ॥ ௨.௪௦॥
யுயுதே சாமரஶ்சாந்யைஶ்சதுரங்கபலாந்விதஃ ।
ரதாநாமயுதைஃ ஷட்பிருதக்ராக்யோ மஹாஸுரஃ ॥ ௨.௪௧॥
அயுத்யதாயுதாநாம் ச ஸஹஸ்ரேண மஹாஹநுஃ ।
பஞ்சாஶத்பிஶ்ச நியுதைரஸிலோமா மஹாஸுரஃ ॥ ௨.௪௨॥
அயுதாநாம் ஶதைஃ ஷட்பிர்பாஷ்கலோ யுயுதே ரணே ।
கஜவாஜிஸஹஸ்ரௌகைரநேகைஃ பரிவாரிதஃ ॥ ௨.௪௩॥
வ்ரு'தோ ரதாநாம் கோட்யா ச யுத்தே தஸ்மிந்நயுத்யத ।
பிடாலாக்யோऽயுதாநாம் ச பஞ்சாஶத்பிரதாயுதைஃ ॥ ௨.௪௪॥
யுயுதே ஸம்யுகே தத்ர ரதாநாம் பரிவாரிதஃ ।
அந்யே ச தத்ராயுதஶோ ரதநாகஹயைர்வ்ரு'தாஃ ॥ ௨.௪௫॥
யுயுதுஃ ஸம்யுகே தேவ்யா ஸஹ தத்ர மஹாஸுராஃ ।
கோடிகோடிஸஹஸ்ரைஸ்து ரதாநாம் தந்திநாம் ததா ॥ ௨.௪௬॥
ஹயாநாம் ச வ்ரு'தோ யுத்தே தத்ராபூந்மஹிஷாஸுரஃ ।
தோமரைர்பிந்திபாலைஶ்ச ஶக்திபிர்முஸலைஸ்ததா ॥ ௨.௪௭॥
யுயுதுஃ ஸம்யுகே தேவ்யா கட்கைஃ பரஶுபட்டிஶைஃ ।
கேசிச்ச சிக்ஷிபுஃ ஶக்தீஃ கேசித் பாஶாம்ஸ்ததாபரே ॥ ௨.௪௮॥
தேவீம் கட்கப்ரஹாரைஸ்து தே தாம் ஹந்தும் ப்ரசக்ரமுஃ ।
ஸாபி தேவீ ததஸ்தாநி ஶஸ்த்ராண்யஸ்த்ராணி சண்டிகா ॥ ௨.௪௯॥
லீலயைவ ப்ரசிச்சேத நிஜஶஸ்த்ராஸ்த்ரவர்ஷிணீ ।
அநாயஸ்தாநநா தேவீ ஸ்தூயமாநா ஸுரர்ஷிபிஃ ॥ ௨.௫௦॥
முமோசாஸுரதேஹேஷு ஶஸ்த்ராண்யஸ்த்ராணி சேஶ்வரீ ।
ஸோऽபி க்ருத்தோ துதஸடோ தேவ்யா வாஹநகேஸரீ ॥ ௨.௫௧॥
சசாராஸுரஸைந்யேஷு வநேஷ்விவ ஹுதாஶநஃ ।
நிஃஶ்வாஸாந் முமுசே யாம்ஶ்ச யுத்யமாநா ரணேऽம்பிகா ॥ ௨.௫௨॥
த ஏவ ஸத்யஃ ஸம்பூதா கணாஃ ஶதஸஹஸ்ரஶஃ ।
யுயுதுஸ்தே பரஶுபிர்பிந்திபாலாஸிபட்டிஶைஃ ॥ ௨.௫௩॥
நாஶயந்தோऽஸுரகணாந் தேவீஶக்த்யுபப்ரு'ம்ஹிதாஃ ।
அவாதயந்த படஹாந் கணாஃ ஶங்காம்ஸ்ததாபரே ॥ ௨.௫௪॥
ம்ரு'தங்காம்ஶ்ச ததைவாந்யே தஸ்மிந் யுத்தமஹோத்ஸவே ।
ததோ தேவீ த்ரிஶூலேந கதயா ஶக்திவ்ரு'ஷ்டிபிஃ ॥ ௨.௫௫॥
கட்காதிபிஶ்ச ஶதஶோ நிஜகாந மஹாஸுராந் ।
பாதயாமாஸ சைவாந்யாந் கண்டாஸ்வநவிமோஹிதாந் ॥ ௨.௫௬॥
அஸுராந் புவி பாஶேந பத்த்வா சாந்யாநகர்ஷயத் ।
கேசித் த்விதாக்ரு'தாஸ்தீக்ஷ்ணைஃ கட்கபாதைஸ்ததாபரே ॥ ௨.௫௭॥
விபோதிதா நிபாதேந கதயா புவி ஶேரதே ।
வேமுஶ்ச கேசித்ருதிரம் முஸலேந ப்ரு'ஶம் ஹதாஃ ॥ ௨.௫௮॥
கேசிந்நிபதிதா பூமௌ பிந்நாஃ ஶூலேந வக்ஷஸி ।
நிரந்தராஃ ஶரௌகேண க்ரு'தாஃ கேசித்ரணாஜிரே ॥ ௨.௫௯॥
ஶ்யேநாநுகாரிணஃ ப்ராணாந் முமுசுஸ்த்ரிதஶார்தநாஃ ।
கேஷாஞ்சித் பாஹவஶ்சிந்நாஶ்சிந்நக்ரீவாஸ்ததாபரே ॥ ௨.௬௦॥
ஶிராம்ஸி பேதுரந்யேஷாமந்யே மத்யே விதாரிதாஃ ।
விச்சிந்நஜங்காஸ்த்வபரே பேதுருர்வ்யாம் மஹாஸுராஃ ॥ ௨.௬௧॥
ஏகபாஹ்வக்ஷிசரணாஃ கேசித்தேவ்யா த்விதாக்ரு'தாஃ ।
சிந்நேऽபி சாந்யே ஶிரஸி பதிதாஃ புநருத்திதாஃ ॥ ௨.௬௨॥
கபந்தா யுயுதுர்தேவ்யா க்ரு'ஹீதபரமாயுதாஃ ।
நந்ரு'துஶ்சாபரே தத்ர யுத்தே தூர்யலயாஶ்ரிதாஃ ॥ ௨.௬௩॥
கபந்தாஶ்சிந்நஶிரஸஃ கட்கஶக்த்ய்ரு'ஷ்டிபாணயஃ ।
திஷ்ட திஷ்டேதி பாஷந்தோ தேவீமந்யே மஹாஸுராஃ ॥ ௨.௬௪॥
பாதிதை ரதநாகாஶ்வைரஸுரைஶ்ச வஸுந்தரா ।
அகம்யா ஸாபவத்தத்ர யத்ராபூத் ஸ மஹாரணஃ ॥ ௨.௬௫॥
ஶோணிதௌகா மஹாநத்யஃ ஸத்யஸ்தத்ர ப்ரஸுஸ்ருவுஃ ।
மத்யே சாஸுரஸைந்யஸ்ய வாரணாஸுரவாஜிநாம் ॥ ௨.௬௬॥
க்ஷணேந தந்மஹாஸைந்யமஸுராணாம் ததாம்பிகா ।
நிந்யே க்ஷயம் யதா வஹ்நிஸ்த்ரு'ணதாருமஹாசயம் ॥ ௨.௬௭॥
ஸ ச ஸிம்ஹோ மஹாநாதமுத்ஸ்ரு'ஜந் துதகேஸரஃ ।
ஶரீரேப்யோऽமராரீணாமஸூநிவ விசிந்வதி ॥ ௨.௬௮॥
தேவ்யா கணைஶ்ச தைஸ்தத்ர க்ரு'தம் யுத்தம் ததாஸுரைஃ ।
யதைஷாம் துதுஷுர்தேவாஃ புஷ்பவ்ரு'ஷ்டிமுசோ திவி ॥ ௨.௬௯॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
மஹிஷாஸுரஸைந்யவதோ நாம த்விதீயோऽத்யாயஃ ॥ ௨॥
உவாச௧, அர்தஶ்லோகாஃ ௬௮, ஶ்லோகாஃ ௬௯, ஏவமாதிதஃ ॥ ௧௭௩॥

। த்யாநம் ।
ௐ உத்யத்பாநுஸஹஸ்ரகாந்திமருணக்ஷௌமாம் ஶிரோமாலிகாம்
ரக்தாலிப்தபயோதராம் ஜபவடீம் வித்யாமபீதிம் வரம் ।
ஹஸ்தாப்ஜைர்தததீம் த்ரிநேத்ரவிலஸத்வக்த்ராரவிந்தஶ்ரியம்
தேவீம் பத்தஹிமாம்ஶுரத்நமுகுடாம் வந்தேऽரவிந்தஸ்திதாம் ।
ௐ ரு'ஷிருவாச ॥ ௩.௧॥
நிஹந்யமாநம் தத்ஸைந்யமவலோக்ய மஹாஸுரஃ ।
ஸேநாநீஶ்சிக்ஷுரஃ கோபாத்யயௌ யோத்துமதாம்பிகாம் ॥ ௩.௨॥
ஸ தேவீம் ஶரவர்ஷேண வவர்ஷ ஸமரேऽஸுரஃ ।
யதா மேருகிரேஃ ஶ‍்ரு'ங்கம் தோயவர்ஷேண தோயதஃ ॥ ௩.௩॥
தஸ்ய சித்வா ததோ தேவீ லீலயைவ ஶரோத்கராந் ।
ஜகாந துரகாந்பாணைர்யந்தாரம் சைவ வாஜிநாம் ॥ ௩.௪॥
சிச்சேத ச தநுஃ ஸத்யோ த்வஜம் சாதிஸமுச்ச்ரு'தம் ।
விவ்யாத சைவ காத்ரேஷு சிந்நதந்வாநமாஶுகைஃ ॥ ௩.௫॥
ஸச்சிந்நதந்வா விரதோ ஹதாஶ்வோ ஹதஸாரதிஃ ।
அப்யதாவத தாம் தேவீம் கட்கசர்மதரோऽஸுரஃ ॥ ௩.௬॥
ஸிம்ஹமாஹத்ய கட்கேந தீக்ஷ்ணதாரேண மூர்தநி ।
ஆஜகாந புஜே ஸவ்யே தேவீமப்யதிவேகவாந் ॥ ௩.௭॥
தஸ்யாஃ கட்கோ புஜம் ப்ராப்ய பபால ந்ரு'பநந்தந ।
ததோ ஜக்ராஹ ஶூலம் ஸ கோபாதருணலோசநஃ ॥ ௩.௮॥
சிக்ஷேப ச ததஸ்தத்து பத்ரகால்யாம் மஹாஸுரஃ ।
ஜாஜ்வல்யமாநம் தேஜோபீ ரவிபிம்பமிவாம்பராத் ॥ ௩.௯॥
த்ரு'ஷ்ட்வா ததாபதச்சூலம் தேவீ ஶூலமமுஞ்சத ।
தேந தச்சததா நீதம் ஶூலம் ஸ ச மஹாஸுரஃ ॥ ௩.௧௦॥
ஹதே தஸ்மிந்மஹாவீர்யே மஹிஷஸ்ய சமூபதௌ ।
ஆஜகாம கஜாரூடஶ்சாமரஸ்த்ரிதஶார்தநஃ ॥ ௩.௧௧॥
ஸோऽபி ஶக்திம் முமோசாத தேவ்யாஸ்தாமம்பிகா த்ருதம் ।
ஹுங்காராபிஹதாம் பூமௌ பாதயாமாஸ நிஷ்ப்ரபாம் ॥ ௩.௧௨॥
பக்நாம் ஶக்திம் நிபதிதாம் த்ரு'ஷ்ட்வா க்ரோதஸமந்விதஃ ।
சிக்ஷேப சாமரஃ ஶூலம் பாணைஸ்ததபி ஸாச்சிநத் ॥ ௩.௧௩॥
ததஃ ஸிம்ஹஃ ஸமுத்பத்ய கஜகும்பாந்தரே ஸ்திதஃ ।
பாஹுயுத்தேந யுயுதே தேநோச்சைஸ்த்ரிதஶாரிணா ॥ ௩.௧௪॥
யுத்யமாநௌ ததஸ்தௌ து தஸ்மாந்நாகாந்மஹீம் கதௌ ।
யுயுதாதேऽதிஸம்ரப்தௌ ப்ரஹாரைரதிதாருணைஃ ॥ ௩.௧௫॥
ததோ வேகாத் கமுத்பத்ய நிபத்ய ச ம்ரு'காரிணா ।
கரப்ரஹாரேண ஶிரஶ்சாமரஸ்ய ப்ரு'தக் க்ரு'தம் ॥ ௩.௧௬॥
உதக்ரஶ்ச ரணே தேவ்யா ஶிலாவ்ரு'க்ஷாதிபிர்ஹதஃ ।
தந்தமுஷ்டிதலைஶ்சைவ கராலஶ்ச நிபாதிதஃ ॥ ௩.௧௭॥
தேவீ க்ருத்தா கதாபாதைஶ்சூர்ணயாமாஸ சோத்ததம் ।
பாஷ்கலம் பிந்திபாலேந பாணைஸ்தாம்ரம் ததாந்தகம் ॥ ௩.௧௮॥
உக்ராஸ்யமுக்ரவீர்யம் ச ததைவ ச மஹாஹநும் ।
த்ரிநேத்ரா ச த்ரிஶூலேந ஜகாந பரமேஶ்வரீ ॥ ௩.௧௯॥
பிடாலஸ்யாஸிநா காயாத் பாதயாமாஸ வை ஶிரஃ ।
துர்தரம் துர்முகம் சோபௌ ஶரைர்நிந்யே யமக்ஷயம் ॥ ௩.௨௦॥
ஏவம் ஸங்க்ஷீயமாணே து ஸ்வஸைந்யே மஹிஷாஸுரஃ ।
மாஹிஷேண ஸ்வரூபேண த்ராஸயாமாஸ தாந் கணாந் ॥ ௩.௨௧॥
காம்ஶ்சித்துண்டப்ரஹாரேண குரக்ஷேபைஸ்ததாபராந் ।
லாங்கூலதாடிதாம்ஶ்சாந்யாந் ஶ‍்ரு'ங்காப்யாம் ச விதாரிதாந் ॥ ௩.௨௨॥
வேகேந காம்ஶ்சிதபராந்நாதேந ப்ரமணேந ச ।
நிஃஶ்வாஸபவநேநாந்யாந்பாதயாமாஸ பூதலே ॥ ௩.௨௩॥
நிபாத்ய ப்ரமதாநீகமப்யதாவத ஸோऽஸுரஃ ।
ஸிம்ஹம் ஹந்தும் மஹாதேவ்யாஃ கோபம் சக்ரே ததோऽம்பிகா ॥ ௩.௨௪॥
ஸோऽபி கோபாந்மஹாவீர்யஃ குரக்ஷுண்ணமஹீதலஃ ।
ஶ‍்ரு'ங்காப்யாம் பர்வதாநுச்சாம்ஶ்சிக்ஷேப ச நநாத ச ॥ ௩.௨௫॥
வேகப்ரமணவிக்ஷுண்ணா மஹீ தஸ்ய வ்யஶீர்யத ।
லாங்கூலேநாஹதஶ்சாப்திஃ ப்லாவயாமாஸ ஸர்வதஃ ॥ ௩.௨௬॥
துதஶ‍்ரு'ங்கவிபிந்நாஶ்ச கண்டம் கண்டம் யயுர்கநாஃ ।
ஶ்வாஸாநிலாஸ்தாஃ ஶதஶோ நிபேதுர்நபஸோऽசலாஃ ॥ ௩.௨௭॥
இதி க்ரோதஸமாத்மாதமாபதந்தம் மஹாஸுரம் ।
த்ரு'ஷ்ட்வா ஸா சண்டிகா கோபம் தத்வதாய ததாகரோத் ॥ ௩.௨௮॥
ஸா க்ஷிப்த்வா தஸ்ய வை பாஶம் தம் பபந்த மஹாஸுரம் ।
தத்யாஜ மாஹிஷம் ரூபம் ஸோऽபி பத்தோ மஹாம்ரு'தே ॥ ௩.௨௯॥
ததஃ ஸிம்ஹோऽபவத்ஸத்யோ யாவத்தஸ்யாம்பிகா ஶிரஃ ।
சிநத்தி தாவத் புருஷஃ கட்கபாணிரத்ரு'ஶ்யத ॥ ௩.௩௦॥
தத ஏவாஶு புருஷம் தேவீ சிச்சேத ஸாயகைஃ ।
தம் கட்கசர்மணா ஸார்தம் ததஃ ஸோऽபூந்மஹாகஜஃ ॥ ௩.௩௧॥
கரேண ச மஹாஸிம்ஹம் தம் சகர்ஷ ஜகர்ஜ ச ।
கர்ஷதஸ்து கரம் தேவீ கட்கேந நிரக்ரு'ந்தத ॥ ௩.௩௨॥
ததோ மஹாஸுரோ பூயோ மாஹிஷம் வபுராஸ்திதஃ ।
ததைவ க்ஷோபயாமாஸ த்ரைலோக்யம் ஸசராசரம் ॥ ௩.௩௩॥
ததஃ க்ருத்தா ஜகந்மாதா சண்டிகா பாநமுத்தமம் ।
பபௌ புநஃ புநஶ்சைவ ஜஹாஸாருணலோசநா ॥ ௩.௩௪॥
நநர்த சாஸுரஃ ஸோऽபி பலவீர்யமதோத்ததஃ ।
விஷாணாப்யாம் ச சிக்ஷேப சண்டிகாம் ப்ரதி பூதராந் ॥ ௩.௩௫॥
ஸா ச தாந்ப்ரஹிதாம்ஸ்தேந சூர்ணயந்தீ ஶரோத்கரைஃ ।
உவாசதம் மதோத்தூதமுகராகாகுலாக்ஷரம் ॥ ௩.௩௬॥
தேவ்யுவாச॥ ௩.௩௭॥
கர்ஜ கர்ஜ க்ஷணம் மூட மது யாவத்பிபாம்யஹம் ।
மயா த்வயி ஹதேऽத்ரைவ கர்ஜிஷ்யந்த்யாஶு தேவதாஃ ॥ ௩.௩௮॥
ரு'ஷிருவாச ॥ ௩.௩௯॥
ஏவமுக்த்வா ஸமுத்பத்ய ஸாரூடா தம் மஹாஸுரம் ।
பாதேநாக்ரம்ய கண்டே ச ஶூலேநைநமதாடயத் ॥ ௩.௪௦॥
ததஃ ஸோऽபி பதாக்ராந்தஸ்தயா நிஜமுகாத்ததா ।
அர்தநிஷ்க்ராந்த ஏவாஸீத்தேவ்யா வீர்யேண ஸம்வ்ரு'தஃ ॥ ௩.௪௧॥
அர்தநிஷ்க்ராந்த ஏவாஸௌ யுத்யமாநோ மஹாஸுரஃ ।
தயா மஹாஸிநா தேவ்யா ஶிரஶ்சித்த்வா நிபாதிதஃ ॥ ௩.௪௨॥
ததோ ஹாஹாக்ரு'தம் ஸர்வம் தைத்யஸைந்யம் நநாஶ தத் ।
ப்ரஹர்ஷம் ச பரம் ஜக்முஃ ஸகலா தேவதாகணாஃ ॥ ௩.௪௩॥
துஷ்டுவுஸ்தாம் ஸுரா தேவீம் ஸஹதிவ்யைர்மஹர்ஷிபிஃ ।
ஜகுர்கந்தர்வபதயோ நந்ரு'துஶ்சாப்ஸரோகணாஃ ॥ ௩.௪௪॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
மஹிஷாஸுரவதோ நாம த்ரு'தீயோऽத்யாயஃ ॥ ௩॥
உவாச௩, அர்தஶ்லோகாஃ ௪௧, ஶ்லோகாஃ ௪௪, ஏவமாதிதஃ ॥ ௨௧௭॥

। த்யாநம் ।
ௐ காலாப்ராபாம் கடாக்ஷைரரிகுலபயதாம் மௌலிபத்தேந்துரேகாம்
ஶங்கம் சக்ரம் க்ரு'பாணம் த்ரிஶிகமபி கரைருத்வஹந்தீம் த்ரிநேத்ராம் ।
ஸிம்ஹஸ்கந்தாதிரூடாம் த்ரிபுவநமகிலம் தேஜஸா பூரயந்தீம்
த்யாயேத்துர்காம் ஜயாக்யாம் த்ரிதஶபரிவ்ரு'தாம் ஸேவிதாம் ஸித்திகாமைஃ ॥
ௐ ரு'ஷிருவாச ॥ ௪.௧॥
ஶக்ராதயஃ ஸுரகணா நிஹதேऽதிவீர்யே
தஸ்மிந்துராத்மநி ஸுராரிபலே ச தேவ்யா ।
தாம் துஷ்டுவுஃ ப்ரணதிநம்ரஶிரோதராம்ஸா
வாக்பிஃ ப்ரஹர்ஷபுலகோத்கமசாருதேஹாஃ ॥ ௪.௨॥
தேவ்யா யயா ததமிதம் ஜகதாத்மஶக்த்யா
நிஃஶேஷதேவகணஶக்திஸமூஹமூர்த்யா ।
தாமம்பிகாமகிலதேவமஹர்ஷிபூஜ்யாம்
பக்த்யா நதாஃ ஸ்ம விததாது ஶுபாநி ஸா நஃ ॥ ௪.௩॥
யஸ்யாஃ ப்ரபாவமதுலம் பகவாநநந்தோ
ப்ரஹ்மா ஹரஶ்ச ந ஹி வக்துமலம் பலம் ச ।
ஸா சண்டிகாகிலஜகத்பரிபாலநாய
நாஶாய சாஶுபபயஸ்ய மதிம் கரோது ॥ ௪.௪॥
யா ஶ்ரீஃ ஸ்வயம் ஸுக்ரு'திநாம் பவநேஷ்வலக்ஷ்மீஃ
பாபாத்மநாம் க்ரு'ததியாம் ஹ்ரு'தயேஷு புத்திஃ ।
ஶ்ரத்தா ஸதாம் குலஜநப்ரபவஸ்ய லஜ்ஜா
தாம் த்வாம் நதாஃ ஸ்ம பரிபாலய தேவி விஶ்வம் ॥ ௪.௫॥
கிம் வர்ணயாம தவ ரூபமசிந்த்யமேதத்
கிஞ்சாதிவீர்யமஸுரக்ஷயகாரி பூரி ।
கிம் சாஹவேஷு சரிதாநி தவாதி யாநி
ஸர்வேஷு தேவ்யஸுரதேவகணாதிகேஷு ॥ ௪.௬॥
ஹேதுஃ ஸமஸ்தஜகதாம் த்ரிகுணாபி தோஷை-
ர்ந ஜ்ஞாயஸே ஹரிஹராதிபிரப்யபாரா ।
ஸர்வாஶ்ரயாகிலமிதம் ஜகதம்ஶபூத-
மவ்யாக்ரு'தா ஹி பரமா ப்ரக்ரு'திஸ்த்வமாத்யா ॥ ௪.௭॥
யஸ்யாஃ ஸமஸ்தஸுரதா ஸமுதீரணேந
த்ரு'ப்திம் ப்ரயாதி ஸகலேஷு மகேஷு தேவி ।
ஸ்வாஹாஸி வை பித்ரு'கணஸ்ய ச த்ரு'ப்திஹேது-
ருச்சார்யஸே த்வமத ஏவ ஜநைஃ ஸ்வதா ச ॥ ௪.௮॥
யா முக்திஹேதுரவிசிந்த்யமஹாவ்ரதா த்வம்
அப்யஸ்யஸே ஸுநியதேந்த்ரியதத்த்வஸாரைஃ ।
மோக்ஷார்திபிர்முநிபிரஸ்தஸமஸ்ததோஷை-
ர்வித்யாஸி ஸா பகவதீ பரமா ஹி தேவி ॥ ௪.௯॥
ஶப்தாத்மிகா ஸுவிமலர்க்யஜுஷாம் நிதாந-
முத்கீதரம்யபதபாடவதாம் ச ஸாம்நாம் ।
தேவி த்ரயீ பகவதீ பவபாவநாய
வார்தாஸி ஸர்வஜகதாம் பரமார்திஹந்த்ரீ ॥ ௪.௧௦॥
மேதாஸி தேவி விதிதாகிலஶாஸ்த்ரஸாரா
துர்காஸி துர்கபவஸாகரநௌரஸங்கா ।
ஶ்ரீஃ கைடபாரிஹ்ரு'தயைகக்ரு'தாதிவாஸா
கௌரீ த்வமேவ ஶஶிமௌலிக்ரு'தப்ரதிஷ்டா ॥ ௪.௧௧॥
ஈஷத்ஸஹாஸமமலம் பரிபூர்ணசந்த்ர-
பிம்பாநுகாரி கநகோத்தமகாந்திகாந்தம் ।
அத்யத்புதம் ப்ரஹ்ரு'தமாத்தருஷா ததாபி
வக்த்ரம் விலோக்ய ஸஹஸா மஹிஷாஸுரேண ॥ ௪.௧௨॥
த்ரு'ஷ்ட்வா து தேவி குபிதம் ப்ருகுடீகரால-
முத்யச்சஶாங்கஸத்ரு'ஶச்சவி யந்ந ஸத்யஃ ।
ப்ராணாந் முமோச மஹிஷஸ்தததீவ சித்ரம்
கைர்ஜீவ்யதே ஹி குபிதாந்தகதர்ஶநேந ॥ ௪.௧௩॥
தேவி ப்ரஸீத பரமா பவதீ பவாய
ஸத்யோ விநாஶயஸி கோபவதீ குலாநி ।
விஜ்ஞாதமேதததுநைவ யதஸ்தமேத-
ந்நீதம் பலம் ஸுவிபுலம் மஹிஷாஸுரஸ்ய ॥ ௪.௧௪॥
தே ஸம்மதா ஜநபதேஷு தநாநி தேஷாம்
தேஷாம் யஶாம்ஸி ந ச ஸீததி பந்துவர்கஃ ।
தந்யாஸ்த ஏவ நிப்ரு'தாத்மஜப்ரு'த்யதாரா
யேஷாம் ஸதாப்யுதயதா பவதீ ப்ரஸந்நா ॥ ௪.௧௫॥
தர்ம்யாணி தேவி ஸகலாநி ஸதைவ கர்மா-
ண்யத்யாத்ரு'தஃ ப்ரதிதிநம் ஸுக்ரு'தீ கரோதி ।
ஸ்வர்கம் ப்ரயாதி ச ததோ பவதீ ப்ரஸாதா-
ல்லோகத்ரயேऽபி பலதா நநு தேவி தேந ॥ ௪.௧௬॥
துர்கே ஸ்ம்ரு'தா ஹரஸி பீதிமஶேஷஜந்தோஃ
ஸ்வஸ்தைஃ ஸ்ம்ரு'தா மதிமதீவ ஶுபாம் ததாஸி ।
தாரித்ர்யதுஃகபயஹாரிணி கா த்வதந்யா
ஸர்வோபகாரகரணாய ஸதார்த்ரசித்தா ॥ ௪.௧௭॥
ஏபிர்ஹதைர்ஜகதுபைதி ஸுகம் ததைதே
குர்வந்து நாம நரகாய சிராய பாபம் ।
ஸங்க்ராமம்ரு'த்யுமதிகம்ய திவம் ப்ரயாந்து
மத்வேதி நூநமஹிதாந்விநிஹம்ஸி தேவி ॥ ௪.௧௮॥
த்ரு'ஷ்ட்வைவ கிம் ந பவதீ ப்ரகரோதி பஸ்ம
ஸர்வாஸுராநரிஷு யத்ப்ரஹிணோஷி ஶஸ்த்ரம் ।
லோகாந்ப்ரயாந்து ரிபவோऽபி ஹி ஶஸ்த்ரபூதா
இத்தம் மதிர்பவதி தேஷ்வஹிதேஷுஸாத்வீ ॥ ௪.௧௯॥
கட்கப்ரபாநிகரவிஸ்புரணைஸ்ததோக்ரைஃ
ஶூலாக்ரகாந்திநிவஹேந த்ரு'ஶோऽஸுராணாம் ।
யந்நாகதா விலயமம்ஶுமதிந்துகண்ட-
யோக்யாநநம் தவ விலோகயதாம் ததேதத் ॥ ௪.௨௦॥
துர்வ்ரு'த்தவ்ரு'த்தஶமநம் தவ தேவி ஶீலம்
ரூபம் ததைததவிசிந்த்யமதுல்யமந்யைஃ ।
வீர்யம் ச ஹந்த்ரு' ஹ்ரு'ததேவபராக்ரமாணாம்
வைரிஷ்வபி ப்ரகடிதைவ தயா த்வயேத்தம் ॥ ௪.௨௧॥
கேநோபமா பவது தேऽஸ்ய பராக்ரமஸ்ய
ரூபம் ச ஶத்ருபயகார்யதிஹாரி குத்ர ।
சித்தே க்ரு'பா ஸமரநிஷ்டுரதா ச த்ரு'ஷ்டா
த்வய்யேவ தேவி வரதே புவநத்ரயேऽபி ॥ ௪.௨௨॥
த்ரைலோக்யமேததகிலம் ரிபுநாஶநேந
த்ராதம் த்வயா ஸமரமூர்தநி தேऽபி ஹத்வா ।
நீதா திவம் ரிபுகணா பயமப்யபாஸ்தம்
அஸ்மாகமுந்மதஸுராரிபவம் நமஸ்தே ॥ ௪.௨௩॥
ஶூலேந பாஹி நோ தேவி பாஹி கட்கேந சாம்பிகே ।
கண்டாஸ்வநேந நஃ பாஹி சாபஜ்யாநிஃஸ்வநேந ச ॥ ௪.௨௪॥
ப்ராச்யாம் ரக்ஷ ப்ரதீச்யாம் ச சண்டிகே ரக்ஷ தக்ஷிணே ।
ப்ராமணேநாத்மஶூலஸ்ய உத்தரஸ்யாம் ததேஶ்வரி ॥ ௪.௨௫॥
ஸௌம்யாநி யாநி ரூபாணி த்ரைலோக்யே விசரந்தி தே ।
யாநி சாத்யந்தகோராணி தை ரக்ஷாஸ்மாம்ஸ்ததா புவம் ॥ ௪.௨௬॥
கட்கஶூலகதாதீநி யாநி சாஸ்த்ராநி தேऽம்பிகே ।
கரபல்லவஸங்கீநி தைரஸ்மாந்ரக்ஷ ஸர்வதஃ ॥ ௪.௨௭॥
ரு'ஷிருவாச ॥ ௪.௨௮॥
ஏவம் ஸ்துதா ஸுரைர்திவ்யைஃ குஸுமைர்நந்தநோத்பவைஃ ।
அர்சிதா ஜகதாம் தாத்ரீ ததா கந்தாநுலேபநைஃ ॥ ௪.௨௯॥
பக்த்யா ஸமஸ்தைஸ்த்ரிதஶைர்திவ்யைர்தூபைஃ ஸுதூபிதா ।
ப்ராஹ ப்ரஸாதஸுமுகீ ஸமஸ்தாந் ப்ரணதாந் ஸுராந் ॥ ௪.௩௦॥
தேவ்யுவாச॥ ௪.௩௧॥
வ்ரியதாம் த்ரிதஶாஃ ஸர்வே யதஸ்மத்தோऽபிவாஞ்சிதம் ॥ ௪.௩௨॥
தேவா ஊசுஃ ॥ ௪.௩௩॥
பகவத்யா க்ரு'தம் ஸர்வம் ந கிஞ்சிதவஶிஷ்யதே ॥ ௪.௩௪॥
யதயம் நிஹதஃ ஶத்ருரஸ்மாகம் மஹிஷாஸுரஃ ।
யதி சாபி வரோ தேயஸ்த்வயாஸ்மாகம் மஹேஶ்வரி ॥ ௪.௩௫॥
ஸம்ஸ்ம்ரு'தா ஸம்ஸ்ம்ரு'தா த்வம் நோ ஹிம்ஸேதாஃ பரமாபதஃ ।
யஶ்ச மர்த்யஃ ஸ்தவைரேபிஸ்த்வாம் ஸ்தோஷ்யத்யமலாநநே ॥ ௪.௩௬॥
தஸ்ய வித்தர்த்திவிபவைர்தநதாராதிஸம்பதாம் ।
வ்ரு'த்தயேऽஸ்மத்ப்ரஸந்நா த்வம் பவேதாஃ ஸர்வதாம்பிகே ॥ ௪.௩௭॥
ரு'ஷிருவாச ॥ ௪.௩௮॥
இதி ப்ரஸாதிதா தேவைர்ஜகதோऽர்தே ததாத்மநஃ ।
ததேத்யுக்த்வா பத்ரகாலீ பபூவாந்தர்ஹிதா ந்ரு'ப ॥ ௪.௩௯॥
இத்யேதத்கதிதம் பூப ஸம்பூதா ஸா யதா புரா ।
தேவீ தேவஶரீரேப்யோ ஜகத்த்ரயஹிதைஷிணீ ॥ ௪.௪௦॥
புநஶ்ச கௌரீதேஹாத்ஸா ஸமுத்பூதா யதாபவத் ।
வதாய துஷ்டதைத்யாநாம் ததா ஶும்பநிஶும்பயோஃ ॥ ௪.௪௧॥
ரக்ஷணாய ச லோகாநாம் தேவாநாமுபகாரிணீ ।
தச்ச்ரு'ணுஷ்வ மயாக்யாதம் யதாவத்கதயாமி தே ॥ ௪.௪௨॥
। ஹ்ரீம் ௐ ।
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே
தேவீமாஹாத்ம்யே ஶக்ராதிஸ்துதிர்நாம சதுர்தோऽத்யாயஃ ॥ ௪॥
உவாச௫, அர்தஶ்லோகௌ ௨, ஶ்லோகாஃ ௩௫, ஏவமாதிதஃ ॥ ௨௫௯॥

விநியோகஃ
அஸ்ய ஶ்ரீ உத்தரசரித்ரஸ்ய ருத்ர ரு'ஷிஃ ।
ஶ்ரீமஹாஸரஸ்வதீ தேவதா ।
அநுஷ்டுப் சந்தஃ । பீமா ஶக்திஃ । ப்ராமரீ பீஜம் ।
ஸூர்யஸ்தத்த்வம் ।
ஸாமவேதஃ ஸ்வரூபம் । ஶ்ரீமஹாஸரஸ்வதீப்ரீத்யர்தே
உத்தரசரித்ரபாடே விநியோகஃ ।
। த்யாநம் ।
கண்டாஶூலஹலாநி ஶங்கமுஸலே சக்ரம் தநுஃ ஸாயகம்
ஹஸ்தாப்ஜைர்தததீம் கநாந்தவிலஸச்சீதாம்ஶுதுல்யப்ரபாம் ।
கௌரீதேஹஸமுத்பவாம் த்ரிஜகதாமாதாரபூதாம் மஹா-
பூர்வாமத்ர ஸரஸ்வதீமநுபஜே ஶும்பாதிதைத்யார்திநீம் ॥
ௐ க்லீம் ரு'ஷிருவாச ॥ ௫.௧॥
புரா ஶும்பநிஶும்பாப்யாமஸுராப்யாம் ஶசீபதேஃ ।
த்ரைலோக்யம் யஜ்ஞபாகாஶ்ச ஹ்ரு'தா மதபலாஶ்ரயாத் ॥ ௫.௨॥
தாவேவ ஸூர்யதாம் தத்வததிகாரம் ததைந்தவம் ।
கௌபேரமத யாம்யம் ச சக்ராதே வருணஸ்ய ச ॥ ௫.௩॥
தாவேவ பவநர்த்திம் ச சக்ரதுர்வஹ்நிகர்ம ச ।
ததோ தேவா விநிர்தூதா ப்ரஷ்டராஜ்யாஃ பராஜிதாஃ ॥ ௫.௪॥
ஹ்ரு'தாதிகாராஸ்த்ரிதஶாஸ்தாப்யாம் ஸர்வே நிராக்ரு'தாஃ ।
மஹாஸுராப்யாம் தாம் தேவீம் ஸம்ஸ்மரந்த்யபராஜிதாம் ॥ ௫.௫॥
தயாஸ்மாகம் வரோ தத்தோ யதாபத்ஸு ஸ்ம்ரு'தாகிலாஃ ।
பவதாம் நாஶயிஷ்யாமி தத்க்ஷணாத்பரமாபதஃ ॥ ௫.௬॥
இதி க்ரு'த்வா மதிம் தேவா ஹிமவந்தம் நகேஶ்வரம் ।
ஜக்முஸ்தத்ர ததோ தேவீம் விஷ்ணுமாயாம் ப்ரதுஷ்டுவுஃ ॥ ௫.௭॥
தேவா ஊசுஃ ॥ ௫.௮॥
நமோ தேவ்யை மஹாதேவ்யை ஶிவாயை ஸததம் நமஃ ।
நமஃ ப்ரக்ரு'த்யை பத்ராயை நியதாஃ ப்ரணதாஃ ஸ்ம தாம் ॥ ௫.௯॥
ரௌத்ராயை நமோ நித்யாயை கௌர்யை தாத்ர்யை நமோ நமஃ ।
ஜ்யோத்ஸ்நாயை சேந்துரூபிண்யை ஸுகாயை ஸததம் நமஃ ॥ ௫.௧௦॥
கல்யாண்யை ப்ரணதாம் வ்ரு'த்த்யை ஸித்த்யை குர்மோ நமோ நமஃ ।
நைர்ரு'த்யை பூப்ரு'தாம் லக்ஷ்ம்யை ஶர்வாண்யை தே நமோ நமஃ ॥ ௫.௧௧॥
துர்காயை துர்கபாராயை ஸாராயை ஸர்வகாரிண்யை ।
க்யாத்யை ததைவ க்ரு'ஷ்ணாயை தூம்ராயை ஸததம் நமஃ ॥ ௫.௧௨॥
அதிஸௌம்யாதிரௌத்ராயை நதாஸ்தஸ்யை நமோ நமஃ ।
நமோ ஜகத்ப்ரதிஷ்டாயை தேவ்யை க்ரு'த்யை நமோ நமஃ ॥ ௫.௧௩॥
யா தேவீ ஸர்வபூதேஷு விஷ்ணுமாயேதி ஶப்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௧௪-௧௬॥
யா தேவீ ஸர்வபூதேஷு சேதநேத்யபிதீயதே ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௧௭-௧௯॥
யா தேவீ ஸர்வபூதேஷு புத்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௨௦-௨௨॥
யா தேவீ ஸர்வபூதேஷு நித்ராரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௨௩-௨௫॥
யா தேவீ ஸர்வபூதேஷு க்ஷுதாரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௨௬-௨௮॥
யா தேவீ ஸர்வபூதேஷு சாயாரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௨௯-௩௧॥
யா தேவீ ஸர்வபூதேஷு ஶக்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௩௨-௩௪॥
யா தேவீ ஸர்வபூதேஷு த்ரு'ஷ்ணாரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௩௫-௩௭॥
யா தேவீ ஸர்வபூதேஷு க்ஷாந்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௩௮-௪௦॥
யா தேவீ ஸர்வபூதேஷு ஜாதிரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௪௧-௪௩॥
யா தேவீ ஸர்வபூதேஷு லஜ்ஜாரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௪௪-௪௬॥
யா தேவீ ஸர்வபூதேஷு ஶாந்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௪௭-௪௯॥
யா தேவீ ஸர்வபூதேஷு ஶ்ரத்தாரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௫௦-௫௨॥
யா தேவீ ஸர்வபூதேஷு காந்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௫௩-௫௫॥
யா தேவீ ஸர்வபூதேஷு லக்ஷ்மீரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௫௬-௫௮॥
யா தேவீ ஸர்வபூதேஷு வ்ரு'த்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௫௯-௬௧॥
யா தேவீ ஸர்வபூதேஷு ஸ்ம்ரு'திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௬௨-௬௪॥
யா தேவீ ஸர்வபூதேஷு தயாரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௬௫-௬௭॥
யா தேவீ ஸர்வபூதேஷு துஷ்டிரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௬௮-௭௦॥
யா தேவீ ஸர்வபூதேஷு மாத்ரு'ரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௭௧-௭௩॥
யா தேவீ ஸர்வபூதேஷு ப்ராந்திரூபேண ஸம்ஸ்திதா ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௭௪-௭௬॥
இந்த்ரியாணாமதிஷ்டாத்ரீ பூதாநாம் சாகிலேஷு யா ।
பூதேஷு ஸததம் தஸ்யை வ்யாப்த்யை தேவ்யை நமோ நமஃ ॥ ௫.௭௭॥
சிதிரூபேண யா க்ரு'த்ஸ்நமேதத் வ்யாப்ய ஸ்திதா ஜகத் ।
நமஸ்தஸ்யை நமஸ்தஸ்யை நமஸ்தஸ்யை நமோ நமஃ ॥ ௫.௭௮-௮௦॥
ஸ்துதா ஸுரைஃ பூர்வமபீஷ்டஸம்ஶ்ரயா-
த்ததா ஸுரேந்த்ரேண திநேஷு ஸேவிதா ।
கரோது ஸா நஃ ஶுபஹேதுரீஶ்வரீ
ஶுபாநி பத்ராண்யபிஹந்து சாபதஃ ॥ ௫.௮௧॥
யா ஸாம்ப்ரதம் சோத்தததைத்யதாபிதை-
ரஸ்மாபிரீஶா ச ஸுரைர்நமஸ்யதே ।
யா ச ஸ்ம்ரு'தா தத்க்ஷணமேவ ஹந்தி நஃ
ஸர்வாபதோ பக்திவிநம்ரமூர்திபிஃ ॥ ௫.௮௨॥
ரு'ஷிருவாச ॥ ௫.௮௩॥
ஏவம் ஸ்தவாபியுக்தாநாம் தேவாநாம் தத்ர பார்வதீ ।
ஸ்நாதுமப்யாயயௌ தோயே ஜாஹ்நவ்யா ந்ரு'பநந்தந ॥ ௫.௮௪॥
ஸாப்ரவீத்தாந் ஸுராந் ஸுப்ரூர்பவத்பிஃ ஸ்தூயதேऽத்ர கா ।
ஶரீரகோஶதஶ்சாஸ்யாஃ ஸமுத்பூதாப்ரவீச்சிவா ॥ ௫.௮௫॥
ஸ்தோத்ரம் மமைதத்க்ரியதே ஶும்பதைத்யநிராக்ரு'தைஃ ।
தேவைஃ ஸமேதைஃ ஸமரே நிஶும்பேந பராஜிதைஃ ॥ ௫.௮௬॥
ஶரீரகோஶாத்யத்தஸ்யாஃ பார்வத்யா நிஃஸ்ரு'தாம்பிகா ।
கௌஶிகீதி ஸமஸ்தேஷு ததோ லோகேஷு கீயதே ॥ ௫.௮௭॥
தஸ்யாம் விநிர்கதாயாம் து க்ரு'ஷ்ணாபூத்ஸாபி பார்வதீ ।
காலிகேதி ஸமாக்யாதா ஹிமாசலக்ரு'தாஶ்ரயா ॥ ௫.௮௮॥
ததோऽம்பிகாம் பரம் ரூபம் பிப்ராணாம் ஸுமநோஹரம் ।
ததர்ஶ சண்டோ முண்டஶ்ச ப்ரு'த்யௌ ஶும்பநிஶும்பயோஃ ॥ ௫.௮௯॥
தாப்யாம் ஶும்பாய சாக்யாதா ஸாதீவ ஸுமநோஹரா ।
காப்யாஸ்தே ஸ்த்ரீ மஹாராஜ பாஸயந்தீ ஹிமாசலம் ॥ ௫.௯௦॥
நைவ தாத்ரு'க் க்வசித்ரூபம் த்ரு'ஷ்டம் கேநசிதுத்தமம் ।
ஜ்ஞாயதாம் காப்யஸௌ தேவீ க்ரு'ஹ்யதாம் சாஸுரேஶ்வர ॥ ௫.௯௧॥
ஸ்த்ரீரத்நமதிசார்வங்கீ த்யோதயந்தீ திஶஸ்த்விஷா ।
ஸா து திஷ்டதி தைத்யேந்த்ர தாம் பவாந் த்ரஷ்டுமர்ஹதி ॥ ௫.௯௨॥
யாநி ரத்நாநி மணயோ கஜாஶ்வாதீநி வை ப்ரபோ ।
த்ரைலோக்யே து ஸமஸ்தாநி ஸாம்ப்ரதம் பாந்தி தே க்ரு'ஹே ॥ ௫.௯௩॥
ஐராவதஃ ஸமாநீதோ கஜரத்நம் புரந்தராத் ।
பாரிஜாததருஶ்சாயம் ததைவோச்சைஃஶ்ரவா ஹயஃ ॥ ௫.௯௪॥
விமாநம் ஹம்ஸஸம்யுக்தமேதத்திஷ்டதி தேऽங்கணே ।
ரத்நபூதமிஹாநீதம் யதாஸீத்வேதஸோऽத்புதம் ॥ ௫.௯௫॥
நிதிரேஷ மஹாபத்மஃ ஸமாநீதோ தநேஶ்வராத் ।
கிஞ்ஜல்கிநீம் ததௌ சாப்திர்மாலாமம்லாநபங்கஜாம் ॥ ௫.௯௬॥
சத்ரம் தே வாருணம் கேஹே காஞ்சநஸ்ராவி திஷ்டதி ।
ததாயம் ஸ்யந்தநவரோ யஃ புராஸீத்ப்ரஜாபதேஃ ॥ ௫.௯௭॥
ம்ரு'த்யோருத்க்ராந்திதா நாம ஶக்திரீஶ த்வயா ஹ்ரு'தா ।
பாஶஃ ஸலிலராஜஸ்ய ப்ராதுஸ்தவ பரிக்ரஹே ॥ ௫.௯௮॥
நிஶும்பஸ்யாப்திஜாதாஶ்ச ஸமஸ்தா ரத்நஜாதயஃ ।
வஹ்நிரபி ததௌ துப்யமக்நிஶௌசே ச வாஸஸீ ॥ ௫.௯௯॥
ஏவம் தைத்யேந்த்ர ரத்நாநி ஸமஸ்தாந்யாஹ்ரு'தாநி தே ।
ஸ்த்ரீரத்நமேஷா கல்யாணீ த்வயா கஸ்மாந்ந க்ரு'ஹ்யதே ॥ ௫.௧௦௦॥
ரு'ஷிருவாச ॥ ௫.௧௦௧॥
நிஶம்யேதி வசஃ ஶும்பஃ ஸ ததா சண்டமுண்டயோஃ ।
ப்ரேஷயாமாஸ ஸுக்ரீவம் தூதம் தேவ்யா மஹாஸுரம் ॥ ௫.௧௦௨॥
இதி சேதி ச வக்தவ்யா ஸா கத்வா வசநாந்மம ।
யதா சாப்யேதி ஸம்ப்ரீத்யா ததா கார்யம் த்வயா லகு ॥ ௫.௧௦௩॥
ஸ தத்ர கத்வா யத்ராஸ்தே ஶைலோத்தேஶேऽதிஶோபநே ।
தாம் ச தேவீம் ததஃ ப்ராஹ ஶ்லக்ஷ்ணம் மதுரயா கிரா ॥ ௫.௧௦௪॥
தூத உவாச॥ ௫.௧௦௫॥
தேவி தைத்யேஶ்வரஃ ஶும்பஸ்த்ரைலோக்யே பரமேஶ்வரஃ ।
தூதோऽஹம் ப்ரேஷிதஸ்தேந த்வத்ஸகாஶமிஹாகதஃ ॥ ௫.௧௦௬॥
அவ்யாஹதாஜ்ஞஃ ஸர்வாஸு யஃ ஸதா தேவயோநிஷு ।
நிர்ஜிதாகிலதைத்யாரிஃ ஸ யதாஹ ஶ‍்ரு'ணுஷ்வ தத் ॥ ௫.௧௦௭॥
மம த்ரைலோக்யமகிலம் மம தேவா வஶாநுகாஃ ।
யஜ்ஞபாகாநஹம் ஸர்வாநுபாஶ்நாமி ப்ரு'தக் ப்ரு'தக் ॥ ௫.௧௦௮॥
த்ரைலோக்யே வரரத்நாநி மம வஶ்யாந்யஶேஷதஃ ।
ததைவ கஜரத்நம் ச ஹ்ரு'தம் தேவேந்த்ரவாஹநம் ॥ ௫.௧௦௯॥
க்ஷீரோதமதநோத்பூதமஶ்வரத்நம் மமாமரைஃ ।
உச்சைஃஶ்ரவஸஸம்ஜ்ஞம் தத்ப்ரணிபத்ய ஸமர்பிதம் ॥ ௫.௧௧௦॥
யாநி சாந்யாநி தேவேஷு கந்தர்வேஷூரகேஷு ச ।
ரத்நபூதாநி பூதாநி தாநி மய்யேவ ஶோபநே ॥ ௫.௧௧௧॥
ஸ்த்ரீரத்நபூதாம் த்வாம் தேவி லோகே மந்யாமஹே வயம் ।
ஸா த்வமஸ்மாநுபாகச்ச யதோ ரத்நபுஜோ வயம் ॥ ௫.௧௧௨॥
மாம் வா மமாநுஜம் வாபி நிஶும்பமுருவிக்ரமம் ।
பஜ த்வம் சஞ்சலாபாங்கி ரத்நபூதாஸி வை யதஃ ॥ ௫.௧௧௩॥
பரமைஶ்வர்யமதுலம் ப்ராப்ஸ்யஸே மத்பரிக்ரஹாத் ।
ஏதத்புத்த்யா ஸமாலோச்ய மத்பரிக்ரஹதாம் வ்ரஜ ॥ ௫.௧௧௪॥
ரு'ஷிருவாச ॥ ௫.௧௧௫॥
இத்யுக்தா ஸா ததா தேவீ கம்பீராந்தஃஸ்மிதா ஜகௌ ।
துர்கா பகவதீ பத்ரா யயேதம் தார்யதே ஜகத் ॥ ௫.௧௧௬॥
தேவ்யுவாச॥ ௫.௧௧௭॥
ஸத்யமுக்தம் த்வயா நாத்ர மித்யா கிஞ்சித்த்வயோதிதம் ।
த்ரைலோக்யாதிபதிஃ ஶும்போ நிஶும்பஶ்சாபி தாத்ரு'ஶஃ ॥ ௫.௧௧௮॥
கிம் த்வத்ர யத்ப்ரதிஜ்ஞாதம் மித்யா தத்க்ரியதே கதம் ।
ஶ்ரூயதாமல்பபுத்தித்வாத்ப்ரதிஜ்ஞா யா க்ரு'தா புரா ॥ ௫.௧௧௯॥
யோ மாம் ஜயதி ஸங்க்ராமே யோ மே தர்பம் வ்யபோஹதி ।
யோ மே ப்ரதிபலோ லோகே ஸ மே பர்தா பவிஷ்யதி ॥ ௫.௧௨௦॥
ததாகச்சது ஶும்போऽத்ர நிஶும்போ வா மஹாபலஃ ।
மாம் ஜித்வா கிம் சிரேணாத்ர பாணிம் க்ரு'ஹ்ணாது மே லகு ॥ ௫.௧௨௧॥
தூத உவாச॥ ௫.௧௨௨॥
அவலிப்தாஸி மைவம் த்வம் தேவி ப்ரூஹி மமாக்ரதஃ ।
த்ரைலோக்யே கஃ புமாம்ஸ்திஷ்டேதக்ரே ஶும்பநிஶும்பயோஃ ॥ ௫.௧௨௩॥
அந்யேஷாமபி தைத்யாநாம் ஸர்வே தேவா ந வை யுதி ।
திஷ்டந்தி ஸம்முகே தேவி கிம் புநஃ ஸ்த்ரீ த்வமேகிகா ॥ ௫.௧௨௪॥
இந்த்ராத்யாஃ ஸகலா தேவாஸ்தஸ்துர்யேஷாம் ந ஸம்யுகே ।
ஶும்பாதீநாம் கதம் தேஷாம் ஸ்த்ரீ ப்ரயாஸ்யஸி ஸம்முகம் ॥ ௫.௧௨௫॥
ஸா த்வம் கச்ச மயைவோக்தா பார்ஶ்வம் ஶும்பநிஶும்பயோஃ ।
கேஶாகர்ஷணநிர்தூதகௌரவா மா கமிஷ்யஸி ॥ ௫.௧௨௬॥
தேவ்யுவாச॥ ௫.௧௨௭॥
ஏவமேதத் பலீ ஶும்போ நிஶும்பஶ்சாபிதாத்ரு'ஶஃ ।
கிம் கரோமி ப்ரதிஜ்ஞா மே யதநாலோசிதா புரா ॥ ௫.௧௨௮॥
ஸ த்வம் கச்ச மயோக்தம் தே யதேதத்ஸர்வமாத்ரு'தஃ ।
ததாசக்ஷ்வாஸுரேந்த்ராய ஸ ச யுக்தம் கரோது யத் ॥ ௫.௧௨௯॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
தேவ்யா தூதஸம்வாதோ நாம பஞ்சமோऽத்யாயஃ ॥ ௫॥
உவாச௯, த்ரிபாந்மந்த்ராஃ ௬௬, ஶ்லோகாஃ ௫௪, ஏவமாதிதஃ ॥ ௩௮௮॥

। த்யாநம் ।
ௐ நாகாதீஶ்வரவிஷ்டராம் பணிபணோத்தம்ஸோரு ரத்நாவலீ-
பாஸ்வத்தேஹலதாம் திவாகரநிபாம் நேத்ரத்ரயோத்பாஸிதாம் ।
மாலாகும்பகபாலநீரஜகராம் சந்த்ரார்தசூடாம் பராம்
ஸர்வஜ்ஞேஶ்வரபைரவாங்கநிலயாம் பத்மாவதீம் சிந்தயே ॥
ௐ ரு'ஷிருவாச ॥ ௬.௧॥
இத்யாகர்ண்ய வசோ தேவ்யாஃ ஸ தூதோऽமர்ஷபூரிதஃ ।
ஸமாசஷ்ட ஸமாகம்ய தைத்யராஜாய விஸ்தராத் ॥ ௬.௨॥
தஸ்ய தூதஸ்ய தத்வாக்யமாகர்ண்யாஸுரராட் ததஃ ।
ஸக்ரோதஃ ப்ராஹ தைத்யாநாமதிபம் தூம்ரலோசநம் ॥ ௬.௩॥
ஹே தூம்ரலோசநாஶு த்வம் ஸ்வஸைந்யபரிவாரிதஃ ।
தாமாநய பலாத்துஷ்டாம் கேஶாகர்ஷணவிஹ்வலாம் ॥ ௬.௪॥
தத்பரித்ராணதஃ கஶ்சித்யதி வோத்திஷ்டதேऽபரஃ ।
ஸ ஹந்தவ்யோऽமரோ வாபி யக்ஷோ கந்தர்வ ஏவ வா ॥ ௬.௫॥
ரு'ஷிருவாச ॥ ௬.௬॥
தேநாஜ்ஞப்தஸ்ததஃ ஶீக்ரம் ஸ தைத்யோ தூம்ரலோசநஃ ।
வ்ரு'தஃ ஷஷ்ட்யா ஸஹஸ்ராணாமஸுராணாம் த்ருதம் யயௌ ॥ ௬.௭॥
ஸ த்ரு'ஷ்ட்வா தாம் ததோ தேவீம் துஹிநாசலஸம்ஸ்திதாம் ।
ஜகாதோச்சைஃ ப்ரயாஹீதி மூலம் ஶும்பநிஶும்பயோஃ ॥ ௬.௮॥
ந சேத்ப்ரீத்யாத்ய பவதீ மத்பர்தாரமுபைஷ்யதி ।
ததோ பலாந்நயாம்யேஷ கேஶாகர்ஷணவிஹ்வலாம் ॥ ௬.௯॥
தேவ்யுவாச॥ ௬.௧௦॥
தைத்யேஶ்வரேண ப்ரஹிதோ பலவாந்பலஸம்வ்ரு'தஃ ।
பலாந்நயஸி மாமேவம் ததஃ கிம் தே கரோம்யஹம் ॥ ௬.௧௧॥
ரு'ஷிருவாச ॥ ௬.௧௨॥
இத்யுக்தஃ ஸோऽப்யதாவத்தாமஸுரோ தூம்ரலோசநஃ ।
ஹுங்காரேணைவ தம் பஸ்ம ஸா சகாராம்பிகா ததா ॥ ௬.௧௩॥
அத க்ருத்தம் மஹாஸைந்யமஸுராணாம் ததாம்பிகா ।
வவர்ஷ ஸாயகைஸ்தீக்ஷ்ணைஸ்ததா ஶக்திபரஶ்வதைஃ ॥ ௬.௧௪॥
ததோ துதஸடஃ கோபாத்க்ரு'த்வா நாதம் ஸுபைரவம் ।
பபாதாஸுரஸேநாயாம் ஸிம்ஹோ தேவ்யாஃ ஸ்வவாஹநஃ ॥ ௬.௧௫॥
காம்ஶ்சித்கரப்ரஹாரேண தைத்யாநாஸ்யேந சாபராந் ।
ஆக்ராந்த்யா சாதரேணாந்யாந் ஜகாந ஸ மஹாஸுராந் ॥ ௬.௧௬॥
கேஷாஞ்சித்பாடயாமாஸ நகைஃ கோஷ்டாநி கேஸரீ ।
ததா தலப்ரஹாரேண ஶிராம்ஸி க்ரு'தவாந்ப்ரு'தக் ॥ ௬.௧௭॥
விச்சிந்நபாஹுஶிரஸஃ க்ரு'தாஸ்தேந ததாபரே ।
பபௌ ச ருதிரம் கோஷ்டாதந்யேஷாம் துதகேஸரஃ ॥ ௬.௧௮॥
க்ஷணேந தத்பலம் ஸர்வம் க்ஷயம் நீதம் மஹாத்மநா ।
தேந கேஸரிணா தேவ்யா வாஹநேநாதிகோபிநா ॥ ௬.௧௯॥
ஶ்ருத்வா தமஸுரம் தேவ்யா நிஹதம் தூம்ரலோசநம் ।
பலம் ச க்ஷயிதம் க்ரு'த்ஸ்நம் தேவீகேஸரிணா ததஃ ॥ ௬.௨௦॥
சுகோப தைத்யாதிபதிஃ ஶும்பஃ ப்ரஸ்புரிதாதரஃ ।
ஆஜ்ஞாபயாமாஸ ச தௌ சண்டமுண்டௌ மஹாஸுரௌ ॥ ௬.௨௧॥
ஹே சண்ட ஹே முண்ட பலைர்பஹுபிஃ பரிவாரிதௌ ।
தத்ர கச்சத கத்வா ச ஸா ஸமாநீயதாம் லகு ॥ ௬.௨௨॥
கேஶேஷ்வாக்ரு'ஷ்ய பத்த்வா வா யதி வஃ ஸம்ஶயோ யுதி ।
ததாஶேஷாயுதைஃ ஸர்வைரஸுரைர்விநிஹந்யதாம் ॥ ௬.௨௩॥
தஸ்யாம் ஹதாயாம் துஷ்டாயாம் ஸிம்ஹே ச விநிபாதிதே ।
ஶீக்ரமாகம்யதாம் பத்த்வா க்ரு'ஹீத்வா தாமதாம்பிகாம் ॥ ௬.௨௪॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
ஶும்பநிஶும்பஸேநாநீதூம்ரலோசநவதோ நாம ஷஷ்டோऽத்யாயஃ ॥ ௬॥
உவாச௪, ஶ்லோகாஃ ௨௪, ஏவமாதிதஃ ॥ ௪௧௨॥

। த்யாநம் ।
ௐ த்யாயேயம் ரத்நபீடே ஶுககலபடிதம் ஶ‍்ரு'ண்வதீம் ஶ்யாமலாங்கீம்
ந்யஸ்தைகாம்க்ரிம் ஸரோஜே ஶஶிஶகலதராம் வல்லகீம் வாதயந்தீம் ।
கல்ஹாராபத்தமாலாம் நியமிதவிலஸச்சோலிகாம் ரத்நவஸ்த்ராம்
மாதங்கீ ஶங்கபாத்ராம் மதுரமதுமதாம் சித்ரகோத்பாஸிபாலாம் ॥
ௐ ரு'ஷிருவாச ॥ ௭.௧॥
ஆஜ்ஞப்தாஸ்தே ததோ தைத்யாஶ்சண்டமுண்டபுரோகமாஃ ।
சதுரங்கபலோபேதா யயுரப்யுத்யதாயுதாஃ ॥ ௭.௨॥
தத்ரு'ஶுஸ்தே ததோ தேவீமீஷத்தாஸாம் வ்யவஸ்திதாம் ।
ஸிம்ஹஸ்யோபரி ஶைலேந்த்ரஶ‍்ரு'ங்கே மஹதி காஞ்சநே ॥ ௭.௩॥
தே த்ரு'ஷ்ட்வா தாம் ஸமாதாதுமுத்யமம் சக்ருருத்யதாஃ ।
ஆக்ரு'ஷ்டசாபாஸிதராஸ்ததாந்யே தத்ஸமீபகாஃ ॥ ௭.௪॥
ததஃ கோபம் சகாரோச்சைரம்பிகா தாநரீந்ப்ரதி ।
கோபேந சாஸ்யா வதநம் மஷீவர்ணமபூத்ததா ॥ ௭.௫॥
ப்ருகுடீகுடிலாத்தஸ்யா லலாடபலகாத்த்ருதம் ।
காலீ கராலவதநா விநிஷ்க்ராந்தாஸிபாஶிநீ ॥ ௭.௬॥
விசித்ரகட்வாங்கதரா நரமாலாவிபூஷணா ।
த்வீபிசர்மபரீதாநா ஶுஷ்கமாம்ஸாதிபைரவா ॥ ௭.௭॥
அதிவிஸ்தாரவதநா ஜிஹ்வாலலநபீஷணா ।
நிமக்நாரக்தநயநா நாதாபூரிததிங்முகா ॥ ௭.௮॥
ஸா வேகேநாபிபதிதா காதயந்தீ மஹாஸுராந் ।
ஸைந்யே தத்ர ஸுராரீணாமபக்ஷயத தத்பலம் ॥ ௭.௯॥
பார்ஷ்ணிக்ராஹாங்குஶக்ராஹயோதகண்டாஸமந்விதாந் ।
ஸமாதாயைகஹஸ்தேந முகே சிக்ஷேப வாரணாந் ॥ ௭.௧௦॥
ததைவ யோதம் துரகை ரதம் ஸாரதிநா ஸஹ ।
நிக்ஷிப்ய வக்த்ரே தஶநைஶ்சர்வயந்த்யதிபைரவம் ॥ ௭.௧௧॥
ஏகம் ஜக்ராஹ கேஶேஷு க்ரீவாயாமத சாபரம் ।
பாதேநாக்ரம்ய சைவாந்யமுரஸாந்யமபோதயத் ॥ ௭.௧௨॥
தைர்முக்தாநி ச ஶஸ்த்ராணி மஹாஸ்த்ராணி ததாஸுரைஃ ।
முகேந ஜக்ராஹ ருஷா தஶநைர்மதிதாந்யபி ॥ ௭.௧௩॥
பலிநாம் தத்பலம் ஸர்வமஸுராணாம் துராத்மநாம் ।
மமர்தாபக்ஷயச்சாந்யாநந்யாம்ஶ்சாதாடயத்ததா ॥ ௭.௧௪॥
அஸிநா நிஹதாஃ கேசித்கேசித்கட்வாங்கதாடிதாஃ ।
ஜக்முர்விநாஶமஸுரா தந்தாக்ராபிஹதாஸ்ததா ॥ ௭.௧௫॥
க்ஷணேந தத்பலம் ஸர்வமஸுராணாம் நிபாதிதம் ।
த்ரு'ஷ்ட்வா சண்டோऽபிதுத்ராவ தாம் காலீமதிபீஷணாம் ॥ ௭.௧௬॥
ஶரவர்ஷைர்மஹாபீமைர்பீமாக்ஷீம் தாம் மஹாஸுரஃ ।
சாதயாமாஸ சக்ரைஶ்ச முண்டஃ க்ஷிப்தைஃ ஸஹஸ்ரஶஃ ॥ ௭.௧௭॥
தாநி சக்ராண்யநேகாநி விஶமாநாநி தந்முகம் ।
பபுர்யதார்கபிம்பாநி ஸுபஹூநி கநோதரம் ॥ ௭.௧௮॥
ததோ ஜஹாஸாதிருஷா பீமம் பைரவநாதிநீ ।
காலீ கராலவதநா துர்தர்ஶதஶநோஜ்ஜ்வலா ॥ ௭.௧௯॥
உத்தாய ச மஹாஸிம்ஹம் தேவீ சண்டமதாவத ।
க்ரு'ஹீத்வா சாஸ்ய கேஶேஷு ஶிரஸ்தேநாஸிநாச்சிநத் ॥ ௭.௨௦॥
அத முண்டோऽப்யதாவத்தாம் த்ரு'ஷ்ட்வா சண்டம் நிபாதிதம் ।
தமப்யபாதயத்பூமௌ ஸா கட்காபிஹதம் ருஷா ॥ ௭.௨௧॥
ஹதஶேஷம் ததஃ ஸைந்யம் த்ரு'ஷ்ட்வா சண்டம் நிபாதிதம் ।
முண்டம் ச ஸுமஹாவீர்யம் திஶோ பேஜே பயாதுரம் ॥ ௭.௨௨॥
ஶிரஶ்சண்டஸ்ய காலீ ச க்ரு'ஹீத்வா முண்டமேவ ச ।
ப்ராஹ ப்ரசண்டாட்டஹாஸமிஶ்ரமப்யேத்ய சண்டிகாம் ॥ ௭.௨௩॥
மயா தவாத்ரோபஹ்ரு'தௌ சண்டமுண்டௌ மஹாபஶூ ।
யுத்தயஜ்ஞே ஸ்வயம் ஶும்பம் நிஶும்பம் ச ஹநிஷ்யஸி ॥ ௭.௨௪॥
ரு'ஷிருவாச ॥ ௭.௨௫॥
தாவாநீதௌ ததோ த்ரு'ஷ்ட்வா சண்டமுண்டௌ மஹாஸுரௌ ।
உவாசகாலீம் கல்யாணீ லலிதம் சண்டிகா வசஃ ॥ ௭.௨௬॥
யஸ்மாச்சண்டம் ச முண்டம் ச க்ரு'ஹீத்வா த்வமுபாகதா ।
சாமுண்டேதி ததோ லோகே க்யாதா தேவீ பவிஷ்யஸி ॥ ௭.௨௭॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
சண்டமுண்டவதோ நாம ஸப்தமோऽத்யாயஃ ॥ ௭॥
உவாச௨, ஶ்லோகாஃ ௨௫, ஏவமாதிதஃ ॥ ௪௩௯॥

। த்யாநம் ।
ௐ அருணாம் கருணாதரங்கிதாக்ஷீம்
த்ரு'தபாஶாங்குஶபாணாசாபஹஸ்தாம் ।
அணிமாதிபிராவ்ரு'தாம் மயூகை-
ரஹமித்யேவ விபாவயே பவாநீம் ॥
ௐ ரு'ஷிருவாச ॥ ௮.௧॥
சண்டே ச நிஹதே தைத்யே முண்டே ச விநிபாதிதே ।
பஹுலேஷு ச ஸைந்யேஷு க்ஷயிதேஷ்வஸுரேஶ்வரஃ ॥ ௮.௨॥
ததஃ கோபபராதீநசேதாஃ ஶும்பஃ ப்ரதாபவாந் ।
உத்யோகம் ஸர்வஸைந்யாநாம் தைத்யாநாமாதிதேஶ ஹ ॥ ௮.௩॥
அத்ய ஸர்வபலைர்தைத்யாஃ ஷடஶீதிருதாயுதாஃ ।
கம்பூநாம் சதுரஶீதிர்நிர்யாந்து ஸ்வபலைர்வ்ரு'தாஃ ॥ ௮.௪॥
கோடிவீர்யாணி பஞ்சாஶதஸுராணாம் குலாநி வை ।
ஶதம் குலாநி தௌம்ராணாம் நிர்கச்சந்து மமாஜ்ஞயா ॥ ௮.௫॥
காலகா தௌர்ஹ்ரு'தா மௌர்வாஃ காலிகேயாஸ்ததாஸுராஃ ।
யுத்தாய ஸஜ்ஜா நிர்யாந்து ஆஜ்ஞயா த்வரிதா மம ॥ ௮.௬॥
இத்யாஜ்ஞாப்யாஸுரபதிஃ ஶும்போ பைரவஶாஸநஃ ।
நிர்ஜகாம மஹாஸைந்யஸஹஸ்ரைர்பஹுபிர்வ்ரு'தஃ ॥ ௮.௭॥
ஆயாந்தம் சண்டிகா த்ரு'ஷ்ட்வா தத்ஸைந்யமதிபீஷணம் ।
ஜ்யாஸ்வநைஃ பூரயாமாஸ தரணீககநாந்தரம் ॥ ௮.௮॥
ததஃ ஸிம்ஹோ மஹாநாதமதீவ க்ரு'தவாந்ந்ரு'ப ।
கண்டாஸ்வநேந தாந்நாதாநம்பிகா சோபப்ரு'ம்ஹயத் ॥ ௮.௯॥
தநுர்ஜ்யாஸிம்ஹகண்டாநாம் நாதாபூரிததிங்முகா ।
நிநாதைர்பீஷணைஃ காலீ ஜிக்யே விஸ்தாரிதாநநா ॥ ௮.௧௦॥
தம் நிநாதமுபஶ்ருத்ய தைத்யஸைந்யைஶ்சதுர்திஶம் ।
தேவீ ஸிம்ஹஸ்ததா காலீ ஸரோஷைஃ பரிவாரிதாஃ ॥ ௮.௧௧॥
ஏதஸ்மிந்நந்தரே பூப விநாஶாய ஸுரத்விஷாம் ।
பவாயாமரஸிம்ஹாநாமதிவீர்யபலாந்விதாஃ ॥ ௮.௧௨॥
ப்ரஹ்மேஶகுஹவிஷ்ணூநாம் ததேந்த்ரஸ்ய ச ஶக்தயஃ ।
ஶரீரேப்யோ விநிஷ்க்ரம்ய தத்ரூபைஶ்சண்டிகாம் யயுஃ ॥ ௮.௧௩॥
யஸ்ய தேவஸ்ய யத்ரூபம் யதா பூஷணவாஹநம் ।
தத்வதேவ ஹி தச்சக்திரஸுராந்யோத்துமாயயௌ ॥ ௮.௧௪॥
ஹம்ஸயுக்தவிமாநாக்ரே ஸாக்ஷஸூத்ரகமண்டலுஃ ।
ஆயாதா ப்ரஹ்மணஃ ஶக்திர்ப்ரஹ்மாணீத்யபிதீயதே ॥ ௮.௧௫॥
மாஹேஶ்வரீ வ்ரு'ஷாரூடா த்ரிஶூலவரதாரிணீ ।
மஹாஹிவலயா ப்ராப்தா சந்த்ரரேகாவிபூஷணா ॥ ௮.௧௬॥
கௌமாரீ ஶக்திஹஸ்தா ச மயூரவரவாஹநா ।
யோத்துமப்யாயயௌ தைத்யாநம்பிகா குஹரூபிணீ ॥ ௮.௧௭॥
ததைவ வைஷ்ணவீ ஶக்திர்கருடோபரி ஸம்ஸ்திதா ।
ஶங்கசக்ரகதாஶார்ங்ககட்கஹஸ்தாப்யுபாயயௌ ॥ ௮.௧௮॥
யஜ்ஞவாராஹமதுலம் ரூபம் யா பிப்ரதோ ஹரேஃ ।
ஶக்திஃ ஸாப்யாயயௌ தத்ர வாராஹீம் பிப்ரதீ தநும் ॥ ௮.௧௯॥
நாரஸிம்ஹீ ந்ரு'ஸிம்ஹஸ்ய பிப்ரதீ ஸத்ரு'ஶம் வபுஃ ।
ப்ராப்தா தத்ர ஸடாக்ஷேபக்ஷிப்தநக்ஷத்ரஸம்ஹதிஃ ॥ ௮.௨௦॥
வஜ்ரஹஸ்தா ததைவைந்த்ரீ கஜராஜோபரி ஸ்திதா ।
ப்ராப்தா ஸஹஸ்ரநயநா யதா ஶக்ரஸ்ததைவ ஸா ॥ ௮.௨௧॥
ததஃ பரிவ்ரு'தஸ்தாபிரீஶாநோ தேவஶக்திபிஃ ।
ஹந்யந்தாமஸுராஃ ஶீக்ரம் மம ப்ரீத்யாஹ சண்டிகாம் ॥ ௮.௨௨॥
ததோ தேவீஶரீராத்து விநிஷ்க்ராந்தாதிபீஷணா ।
சண்டிகா ஶக்திரத்யுக்ரா ஶிவாஶதநிநாதிநீ ॥ ௮.௨௩॥
ஸா சாஹ தூம்ரஜடிலமீஶாநமபராஜிதா ।
தூத த்வம் கச்ச பகவந் பார்ஶ்வம் ஶும்பநிஶும்பயோஃ ॥ ௮.௨௪॥
ப்ரூஹி ஶும்பம் நிஶும்பம் ச தாநவாவதிகர்விதௌ ।
யே சாந்யே தாநவாஸ்தத்ர யுத்தாய ஸமுபஸ்திதாஃ ॥ ௮.௨௫॥
த்ரைலோக்யமிந்த்ரோ லபதாம் தேவாஃ ஸந்து ஹவிர்புஜஃ ।
யூயம் ப்ரயாத பாதாலம் யதி ஜீவிதுமிச்சத ॥ ௮.௨௬॥
பலாவலேபாதத சேத்பவந்தோ யுத்தகாங்க்ஷிணஃ ।
ததாகச்சத த்ரு'ப்யந்து மச்சிவாஃ பிஶிதேந வஃ ॥ ௮.௨௭॥
யதோ நியுக்தோ தௌத்யேந தயா தேவ்யா ஶிவஃ ஸ்வயம் ।
ஶிவதூதீதி லோகேऽஸ்மிம்ஸ்ததஃ ஸா க்யாதிமாகதா ॥ ௮.௨௮॥
தேऽபி ஶ்ருத்வா வசோ தேவ்யாஃ ஶர்வாக்யாதம் மஹாஸுராஃ ।
அமர்ஷாபூரிதா ஜக்முர்யத்ர காத்யாயநீ ஸ்திதா ॥ ௮.௨௯॥
ததஃ ப்ரதமமேவாக்ரே ஶரஶக்த்ய்ரு'ஷ்டிவ்ரு'ஷ்டிபிஃ ।
வவர்ஷுருத்ததாமர்ஷாஸ்தாம் தேவீமமராரயஃ ॥ ௮.௩௦॥
ஸா ச தாந் ப்ரஹிதாந் பாணாஞ்சூலஶக்திபரஶ்வதாந் ।
சிச்சேத லீலயாத்மாததநுர்முக்தைர்மஹேஷுபிஃ ॥ ௮.௩௧॥
தஸ்யாக்ரதஸ்ததா காலீ ஶூலபாதவிதாரிதாந் ।
கட்வாங்கபோதிதாம்ஶ்சாரீந்குர்வதீ வ்யசரத்ததா ॥ ௮.௩௨॥
கமண்டலுஜலாக்ஷேபஹதவீர்யாந் ஹதௌஜஸஃ ।
ப்ரஹ்மாணீ சாகரோச்சத்ரூந்யேந யேந ஸ்ம தாவதி ॥ ௮.௩௩॥
மாஹேஶ்வரீ த்ரிஶூலேந ததா சக்ரேண வைஷ்ணவீ ।
தைத்யாஞ்ஜகாந கௌமாரீ ததா ஶக்த்யாதிகோபநா ॥ ௮.௩௪॥
ஐந்த்ரீ குலிஶபாதேந ஶதஶோ தைத்யதாநவாஃ ।
பேதுர்விதாரிதாஃ ப்ரு'த்வ்யாம் ருதிரௌகப்ரவர்ஷிணஃ ॥ ௮.௩௫॥
துண்டப்ரஹாரவித்வஸ்தா தம்ஷ்ட்ராக்ரக்ஷதவக்ஷஸஃ ।
வாராஹமூர்த்யா ந்யபதம்ஶ்சக்ரேண ச விதாரிதாஃ ॥ ௮.௩௬॥
நகைர்விதாரிதாம்ஶ்சாந்யாந் பக்ஷயந்தீ மஹாஸுராந் ।
நாரஸிம்ஹீ சசாராஜௌ நாதாபூர்ணதிகம்பரா ॥ ௮.௩௭॥
சண்டாட்டஹாஸைரஸுராஃ ஶிவதூத்யபிதூஷிதாஃ ।
பேதுஃ ப்ரு'திவ்யாம் பதிதாம்ஸ்தாம்ஶ்சகாதாத ஸா ததா ॥ ௮.௩௮॥
இதி மாத்ரு'கணம் க்ருத்தம் மர்தயந்தம் மஹாஸுராந் ।
த்ரு'ஷ்ட்வாப்யுபாயைர்விவிதைர்நேஶுர்தேவாரிஸைநிகாஃ ॥ ௮.௩௯॥
பலாயநபராந்த்ரு'ஷ்ட்வா தைத்யாந்மாத்ரு'கணார்திதாந் ।
யோத்துமப்யாயயௌ க்ருத்தோ ரக்தபீஜோ மஹாஸுரஃ ॥ ௮.௪௦॥
ரக்தபிந்துர்யதா பூமௌ பதத்யஸ்ய ஶரீரதஃ ।
ஸமுத்பததி மேதிந்யாம் தத்ப்ரமாணோ மஹாஸுரஃ ॥ ௮.௪௧॥
யுயுதே ஸ கதாபாணிரிந்த்ரஶக்த்யா மஹாஸுரஃ ।
ததஶ்சைந்த்ரீ ஸ்வவஜ்ரேண ரக்தபீஜமதாடயத் ॥ ௮.௪௨॥
குலிஶேநாஹதஸ்யாஶு பஹு ஸுஸ்ராவ ஶோணிதம் ।
ஸமுத்தஸ்துஸ்ததோ யோதாஸ்தத்ரூபாஸ்தத்பராக்ரமாஃ ॥ ௮.௪௩॥
யாவந்தஃ பதிதாஸ்தஸ்ய ஶரீராத்ரக்தபிந்தவஃ ।
தாவந்தஃ புருஷா ஜாதாஸ்தத்வீர்யபலவிக்ரமாஃ ॥ ௮.௪௪॥
தே சாபி யுயுதுஸ்தத்ர புருஷா ரக்தஸம்பவாஃ ।
ஸமம் மாத்ரு'பிரத்யுக்ரஶஸ்த்ரபாதாதிபீஷணம் ॥ ௮.௪௫॥
புநஶ்ச வஜ்ரபாதேந க்ஷதமஸ்ய ஶிரோ யதா ।
வவாஹ ரக்தம் புருஷாஸ்ததோ ஜாதாஃ ஸஹஸ்ரஶஃ ॥ ௮.௪௬॥
வைஷ்ணவீ ஸமரே சைநம் சக்ரேணாபிஜகாந ஹ ।
கதயா தாடயாமாஸ ஐந்த்ரீ தமஸுரேஶ்வரம் ॥ ௮.௪௭॥
வைஷ்ணவீசக்ரபிந்நஸ்ய ருதிரஸ்ராவஸம்பவைஃ ।
ஸஹஸ்ரஶோ ஜகத்வ்யாப்தம் தத்ப்ரமாணைர்மஹாஸுரைஃ ॥ ௮.௪௮॥
ஶக்த்யா ஜகாந கௌமாரீ வாராஹீ ச ததாஸிநா ।
மாஹேஶ்வரீ த்ரிஶூலேந ரக்தபீஜம் மஹாஸுரம் ॥ ௮.௪௯॥
ஸ சாபி கதயா தைத்யஃ ஸர்வா ஏவாஹநத் ப்ரு'தக் ।
மாத்ரூ'ஃ கோபஸமாவிஷ்டோ ரக்தபீஜோ மஹாஸுரஃ ॥ ௮.௫௦॥
தஸ்யாஹதஸ்ய பஹுதா ஶக்திஶூலாதிபிர்புவி ।
பபாத யோ வை ரக்தௌகஸ்தேநாஸஞ்சதஶோऽஸுராஃ ॥ ௮.௫௧॥
தைஶ்சாஸுராஸ்ரு'க்ஸம்பூதைரஸுரைஃ ஸகலம் ஜகத் ।
வ்யாப்தமாஸீத்ததோ தேவா பயமாஜக்முருத்தமம் ॥ ௮.௫௨॥
தாந் விஷண்ணாந் ஸுராந் த்ரு'ஷ்ட்வா சண்டிகா ப்ராஹஸத்வரம் ।
உவாசகாலீம் சாமுண்டே விஸ்தீர்ணம் வதநம் குரு ॥ ௮.௫௩॥
மச்சஸ்த்ரபாதஸம்பூதாந் ரக்தபிந்தூந் மஹாஸுராந் ।
ரக்தபிந்தோஃ ப்ரதீச்ச த்வம் வக்த்ரேணாநேந வேகிநா ॥ ௮.௫௪॥
பக்ஷயந்தீ சர ரணே ததுத்பந்நாந்மஹாஸுராந் ।
ஏவமேஷ க்ஷயம் தைத்யஃ க்ஷேணரக்தோ கமிஷ்யதி ॥ ௮.௫௫॥
பக்ஷ்யமாணாஸ்த்வயா சோக்ரா ந சோத்பத்ஸ்யந்தி சாபரே ।
இத்யுக்த்வா தாம் ததோ தேவீ ஶூலேநாபிஜகாந தம் ॥ ௮.௫௬॥
முகேந காலீ ஜக்ரு'ஹே ரக்தபீஜஸ்ய ஶோணிதம் ।
ததோऽஸாவாஜகாநாத கதயா தத்ர சண்டிகாம் ॥ ௮.௫௭॥
ந சாஸ்யா வேதநாம் சக்ரே கதாபாதோऽல்பிகாமபி ।
தஸ்யாஹதஸ்ய தேஹாத்து பஹு ஸுஸ்ராவ ஶோணிதம் ॥ ௮.௫௮॥
யதஸ்ததஸ்தத்வக்த்ரேண சாமுண்டா ஸம்ப்ரதீச்சதி ।
முகே ஸமுத்கதா யேऽஸ்யா ரக்தபாதாந்மஹாஸுராஃ ॥ ௮.௫௯॥
தாம்ஶ்சகாதாத சாமுண்டா பபௌ தஸ்ய ச ஶோணிதம் ।
தேவீ ஶூலேந வஜ்ரேண பாணைரஸிபிர்ரு'ஷ்டிபிஃ ॥ ௮.௬௦॥
ஜகாந ரக்தபீஜம் தம் சாமுண்டாபீதஶோணிதம் ।
ஸ பபாத மஹீப்ரு'ஷ்டே ஶஸ்த்ரஸங்கஸமாஹதஃ ॥ ௮.௬௧॥
நீரக்தஶ்ச மஹீபால ரக்தபீஜோ மஹாஸுரஃ ।
ததஸ்தே ஹர்ஷமதுலமவாபுஸ்த்ரிதஶா ந்ரு'ப ॥ ௮.௬௨॥
தேஷாம் மாத்ரு'கணோ ஜாதோ நநர்தாஸ்ரு'ங்மதோத்ததஃ ॥ ௮.௬௩॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
ரக்தபீஜவதோ நாமாஷ்டமோऽத்யாயஃ ॥ ௮॥
உவாச௧, அர்தஶ்லோகஃ ௧, ஶ்லோகாஃ ௬௧, ஏவமாதிதஃ ॥ ௫௦௨॥

। த்யாநம் ।
ௐ பந்தூககாஞ்சநநிபம் ருசிராக்ஷமாலாம்
பாஶாங்குஶௌ ச வரதாம் நிஜபாஹுதண்டைஃ ।
பிப்ராணமிந்துஶகலாபரணம் த்ரிநேத்ர-
மர்தாம்பிகேஶமநிஶம் வபுராஶ்ரயாமி ॥
ௐ ராஜோவாச ॥ ௯.௧॥
விசித்ரமிதமாக்யாதம் பகவந் பவதா மம ।
தேவ்யாஶ்சரிதமாஹாத்ம்யம் ரக்தபீஜவதாஶ்ரிதம் ॥ ௯.௨॥
பூயஶ்சேச்சாம்யஹம் ஶ்ரோதும் ரக்தபீஜே நிபாதிதே ।
சகார ஶும்போ யத்கர்ம நிஶும்பஶ்சாதிகோபநஃ ॥ ௯.௩॥
ரு'ஷிருவாச ॥ ௯.௪॥
சகார கோபமதுலம் ரக்தபீஜே நிபாதிதே ।
ஶும்பாஸுரோ நிஶும்பஶ்ச ஹதேஷ்வந்யேஷு சாஹவே ॥ ௯.௫॥
ஹந்யமாநம் மஹாஸைந்யம் விலோக்யாமர்ஷமுத்வஹந் ।
அப்யதாவந்நிஶும்போऽத முக்யயாஸுரஸேநயா ॥ ௯.௬॥
தஸ்யாக்ரதஸ்ததா ப்ரு'ஷ்டே பார்ஶ்வயோஶ்ச மஹாஸுராஃ ।
ஸந்தஷ்டௌஷ்டபுடாஃ க்ருத்தா ஹந்தும் தேவீமுபாயயுஃ ॥ ௯.௭॥
ஆஜகாம மஹாவீர்யஃ ஶும்போऽபி ஸ்வபலைர்வ்ரு'தஃ ।
நிஹந்தும் சண்டிகாம் கோபாத்க்ரு'த்வா யுத்தம் து மாத்ரு'பிஃ ॥ ௯.௮॥
ததோ யுத்தமதீவாஸீத்தேவ்யா ஶும்பநிஶும்பயோஃ ।
ஶரவர்ஷமதீவோக்ரம் மேகயோரிவ வர்ஷதோஃ ॥ ௯.௯॥
சிச்சேதாஸ்தாஞ்சராம்ஸ்தாப்யாம் சண்டிகா ஸ்வஶரோத்கரைஃ ।
தாடயாமாஸ சாங்கேஷு ஶஸ்த்ரௌகைரஸுரேஶ்வரௌ ॥ ௯.௧௦॥
நிஶும்போ நிஶிதம் கட்கம் சர்ம சாதாய ஸுப்ரபம் ।
அதாடயந்மூர்த்நி ஸிம்ஹம் தேவ்யா வாஹநமுத்தமம் ॥ ௯.௧௧॥
தாடிதே வாஹநே தேவீ க்ஷுரப்ரேணாஸிமுத்தமம் ।
நிஶும்பஸ்யாஶு சிச்சேத சர்ம சாப்யஷ்டசந்த்ரகம் ॥ ௯.௧௨॥
சிந்நே சர்மணி கட்கே ச ஶக்திம் சிக்ஷேப ஸோऽஸுரஃ ।
தாமப்யஸ்ய த்விதா சக்ரே சக்ரேணாபிமுகாகதாம் ॥ ௯.௧௩॥
கோபாத்மாதோ நிஶும்போऽத ஶூலம் ஜக்ராஹ தாநவஃ ।
ஆயாதம் முஷ்டிபாதேந தேவீ தச்சாப்யசூர்ணயத் ॥ ௯.௧௪॥
ஆவித்யாத கதாம் ஸோऽபி சிக்ஷேப சண்டிகாம் ப்ரதி ।
ஸாபி தேவ்யாஸ் த்ரிஶூலேந பிந்நா பஸ்மத்வமாகதா ॥ ௯.௧௫॥
ததஃ பரஶுஹஸ்தம் தமாயாந்தம் தைத்யபுங்கவம் ।
ஆஹத்ய தேவீ பாணௌகைரபாதயத பூதலே ॥ ௯.௧௬॥
தஸ்மிந்நிபதிதே பூமௌ நிஶும்பே பீமவிக்ரமே ।
ப்ராதர்யதீவ ஸங்க்ருத்தஃ ப்ரயயௌ ஹந்துமம்பிகாம் ॥ ௯.௧௭॥
ஸ ரதஸ்தஸ்ததாத்யுச்சைர்க்ரு'ஹீதபரமாயுதைஃ ।
புஜைரஷ்டாபிரதுலைர்வ்யாப்யாஶேஷம் பபௌ நபஃ ॥ ௯.௧௮॥
தமாயாந்தம் ஸமாலோக்ய தேவீ ஶங்கமவாதயத் ।
ஜ்யாஶப்தம் சாபி தநுஷஶ்சகாராதீவ துஃஸஹம் ॥ ௯.௧௯॥
பூரயாமாஸ ககுபோ நிஜகண்டாஸ்வநேந ச ।
ஸமஸ்ததைத்யஸைந்யாநாம் தேஜோவதவிதாயிநா ॥ ௯.௨௦॥
ததஃ ஸிம்ஹோ மஹாநாதைஸ்த்யாஜிதேபமஹாமதைஃ ।
பூரயாமாஸ ககநம் காம் ததைவ திஶோ தஶ ॥ ௯.௨௧॥
ததஃ காலீ ஸமுத்பத்ய ககநம் க்ஷ்மாமதாடயத் ।
கராப்யாம் தந்நிநாதேந ப்ராக்ஸ்வநாஸ்தே திரோஹிதாஃ ॥ ௯.௨௨॥
அட்டாட்டஹாஸமஶிவம் ஶிவதூதீ சகார ஹ ।
வைஃ ஶப்தைரஸுராஸ்த்ரேஸுஃ ஶும்பஃ கோபம் பரம் யயௌ ॥ ௯.௨௩॥
துராத்மம்ஸ்திஷ்ட திஷ்டேதி வ்யாஜஹாராம்பிகா யதா ।
ததா ஜயேத்யபிஹிதம் தேவைராகாஶஸம்ஸ்திதைஃ ॥ ௯.௨௪॥
ஶும்பேநாகத்ய யா ஶக்திர்முக்தா ஜ்வாலாதிபீஷணா ।
ஆயாந்தீ வஹ்நிகூடாபா ஸா நிரஸ்தா மஹோல்கயா ॥ ௯.௨௫॥
ஸிம்ஹநாதேந ஶும்பஸ்ய வ்யாப்தம் லோகத்ரயாந்தரம் ।
நிர்காதநிஃஸ்வநோ கோரோ ஜிதவாநவநீபதே ॥ ௯.௨௬॥
ஶும்பமுக்தாஞ்சராந்தேவீ ஶும்பஸ்தத்ப்ரஹிதாஞ்சராந் ।
சிச்சேத ஸ்வஶரைருக்ரைஃ ஶதஶோऽத ஸஹஸ்ரஶஃ ॥ ௯.௨௭॥
ததஃ ஸா சண்டிகா க்ருத்தா ஶூலேநாபிஜகாந தம் ।
ஸ ததாபிஹதோ பூமௌ மூர்ச்சிதோ நிபபாத ஹ ॥ ௯.௨௮॥
ததோ நிஶும்பஃ ஸம்ப்ராப்ய சேதநாமாத்தகார்முகஃ ।
ஆஜகாந ஶரைர்தேவீம் காலீம் கேஸரிணம் ததா ॥ ௯.௨௯॥
புநஶ்ச க்ரு'த்வா பாஹூநாமயுதம் தநுஜேஶ்வரஃ ।
சக்ராயுதேந திதிஜஶ்சாதயாமாஸ சண்டிகாம் ॥ ௯.௩௦॥
ததோ பகவதீ க்ருத்தா துர்கா துர்கார்திநாஶிநீ ।
சிச்சேத தேவீ சக்ராணி ஸ்வஶரைஃ ஸாயகாம்ஶ்ச தாந் ॥ ௯.௩௧॥
ததோ நிஶும்போ வேகேந கதாமாதாய சண்டிகாம் ।
அப்யதாவத வை ஹந்தும் தைத்யஸைந்யஸமாவ்ரு'தஃ ॥ ௯.௩௨॥
தஸ்யாபதத ஏவாஶு கதாம் சிச்சேத சண்டிகா ।
கட்கேந ஶிததாரேண ஸ ச ஶூலம் ஸமாததே ॥ ௯.௩௩॥
ஶூலஹஸ்தம் ஸமாயாந்தம் நிஶும்பமமரார்தநம் ।
ஹ்ரு'தி விவ்யாத ஶூலேந வேகாவித்தேந சண்டிகா ॥ ௯.௩௪॥
பிந்நஸ்ய தஸ்ய ஶூலேந ஹ்ரு'தயாந்நிஃஸ்ரு'தோऽபரஃ ।
மஹாபலோ மஹாவீர்யஸ்திஷ்டேதி புருஷோ வதந் ॥ ௯.௩௫॥
தஸ்ய நிஷ்க்ராமதோ தேவீ ப்ரஹஸ்ய ஸ்வநவத்ததஃ ।
ஶிரஶ்சிச்சேத கட்கேந ததோऽஸாவபதத்புவி ॥ ௯.௩௬॥
ததஃ ஸிம்ஹஶ்சகாதோக்ரதம்ஷ்ட்ராக்ஷுண்ணஶிரோதராந் ।
அஸுராம்ஸ்தாம்ஸ்ததா காலீ ஶிவதூதீ ததாபராந் ॥ ௯.௩௭॥
கௌமாரீஶக்திநிர்பிந்நாஃ கேசிந்நேஶுர்மஹாஸுராஃ ।
ப்ரஹ்மாணீமந்த்ரபூதேந தோயேநாந்யே நிராக்ரு'தாஃ ॥ ௯.௩௮॥
மாஹேஶ்வரீத்ரிஶூலேந பிந்நாஃ பேதுஸ்ததாபரே ।
வாராஹீதுண்டகாதேந கேசிச்சூர்ணீக்ரு'தா புவி ॥ ௯.௩௯॥
கண்டம் கண்டம் ச சக்ரேண வைஷ்ணவ்யா தாநவாஃ க்ரு'தாஃ ।
வஜ்ரேண சைந்த்ரீஹஸ்தாக்ரவிமுக்தேந ததாபரே ॥ ௯.௪௦॥
கேசித்விநேஶுரஸுராஃ கேசிந்நஷ்டா மஹாஹவாத் ।
பக்ஷிதாஶ்சாபரே காலீஶிவதூதீம்ரு'காதிபைஃ ॥ ௯.௪௧॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
நிஶும்பவதோ நாம நவமோऽத்யாயஃ ॥ ௯॥
உவாச௨, அர்தஶ்லோகாஃ ௩௯, ஶ்லோகாஃ ௪௧, ஏவமாதிதஃ ॥ ௫௪௩॥

। த்யாநம் ।
ௐ உத்தப்தஹேமருசிராம் ரவிசந்த்ரவஹ்நி-
நேத்ராம் தநுஶ்ஶரயுதாங்குஶபாஶஶூலம் ।
ரம்யைர்புஜைஶ்ச தததீம் ஶிவஶக்திரூபாம்
காமேஶ்வரீம் ஹ்ரு'தி பஜாமி த்ரு'தேந்துலேகாம் ॥
ௐ ரு'ஷிருவாச ॥ ௧௦.௧॥
நிஶும்பம் நிஹதம் த்ரு'ஷ்ட்வா ப்ராதரம் ப்ராணஸம்மிதம் ।
ஹந்யமாநம் பலம் சைவ ஶும்பஃ க்ருத்தோऽப்ரவீத்வசஃ ॥ ௧௦.௨॥
பலாவலேபதுஷ்டே த்வம் மா துர்கே கர்வமாவஹ ।
அந்யாஸாம் பலமாஶ்ரித்ய யுத்த்யஸே சாதிமாநிநீ ॥ ௧௦.௩॥
தேவ்யுவாச॥ ௧௦.௪॥
ஏகைவாஹம் ஜகத்யத்ர த்விதீயா கா மமாபரா ।
பஶ்யைதா துஷ்ட மய்யேவ விஶந்த்யோ மத்விபூதயஃ ॥ ௧௦.௫॥
ததஃ ஸமஸ்தாஸ்தா தேவ்யோ ப்ரஹ்மாணீப்ரமுகா லயம் ।
தஸ்யா தேவ்யாஸ்தநௌ ஜக்முரேகைவாஸீத்ததாம்பிகா ॥ ௧௦.௬॥
தேவ்யுவாச॥ ௧௦.௭॥
அஹம் விபூத்யா பஹுபிரிஹ ரூபைர்யதாஸ்திதா ।
தத்ஸம்ஹ்ரு'தம் மயைகைவ திஷ்டாம்யாஜௌ ஸ்திரோ பவ ॥ ௧௦.௮॥
ரு'ஷிருவாச ॥ ௧௦.௯॥
ததஃ ப்ரவவ்ரு'தே யுத்தம் தேவ்யாஃ ஶும்பஸ்ய சோபயோஃ ।
பஶ்யதாம் ஸர்வதேவாநாமஸுராணாம் ச தாருணம் ॥ ௧௦.௧௦॥
ஶரவர்ஷைஃ ஶிதைஃ ஶஸ்த்ரைஸ்ததா சாஸ்த்ரைஃ ஸுதாருணைஃ ।
தயோர்யுத்தமபூத்பூயஃ ஸர்வலோகபயங்கரம் ॥ ௧௦.௧௧॥
திவ்யாந்யஸ்த்ராணி ஶதஶோ முமுசே யாந்யதாம்பிகா ।
பபஞ்ஜ தாநி தைத்யேந்த்ரஸ்தத்ப்ரதீகாதகர்த்ரு'பிஃ ॥ ௧௦.௧௨॥
முக்தாநி தேந சாஸ்த்ராணி திவ்யாநி பரமேஶ்வரீ ।
பபஞ்ஜ லீலயைவோக்ரஹுங்காரோச்சாரணாதிபிஃ ॥ ௧௦.௧௩॥
ததஃ ஶரஶதைர்தேவீமாச்சாதயத ஸோऽஸுரஃ ।
ஸாபி தத்குபிதா தேவீ தநுஶ்சிச்சேத சேஷுபிஃ ॥ ௧௦.௧௪॥
சிந்நே தநுஷி தைத்யேந்த்ரஸ்ததா ஶக்திமதாததே ।
சிச்சேத தேவீ சக்ரேண தாமப்யஸ்ய கரே ஸ்திதாம் ॥ ௧௦.௧௫॥
ததஃ கட்கமுபாதாய ஶதசந்த்ரம் ச பாநுமத் ।
அப்யதா வத தாம் தேவீம் தைத்யாநாமதிபேஶ்வரஃ ॥ ௧௦.௧௬॥
தஸ்யாபதத ஏவாஶு கட்கம் சிச்சேத சண்டிகா ।
தநுர்முக்தைஃ ஶிதைர்பாணைஶ்சர்ம சார்ககராமலம் ।
அஶ்வாம்ஶ்ச பாதயாமாஸ ரதம் ஸாரதிநா ஸஹ ॥ ௧௦.௧௭॥
ஹதாஶ்வஃ ஸ ததா தைத்யஶ்சிந்நதந்வா விஸாரதிஃ ।
ஜக்ராஹ முத்கரம் கோரமம்பிகாநிதநோத்யதஃ ॥ ௧௦.௧௮॥
சிச்சேதாபததஸ்தஸ்ய முத்கரம் நிஶிதைஃ ஶரைஃ ।
ததாபி ஸோऽப்யதாவத்தாம் முஷ்டிமுத்யம்ய வேகவாந் ॥ ௧௦.௧௯॥
ஸ முஷ்டிம் பாதயாமாஸ ஹ்ரு'தயே தைத்யபுங்கவஃ ।
தேவ்யாஸ்தம் சாபி ஸா தேவீ தலேநோரஸ்யதாடயத் ॥ ௧௦.௨௦॥
தலப்ரஹாராபிஹதோ நிபபாத மஹீதலே ।
ஸ தைத்யராஜஃ ஸஹஸா புநரேவ ததோத்திதஃ ॥ ௧௦.௨௧॥
உத்பத்ய ச ப்ரக்ரு'ஹ்யோச்சைர்தேவீம் ககநமாஸ்திதஃ ।
தத்ராபி ஸா நிராதாரா யுயுதே தேந சண்டிகா ॥ ௧௦.௨௨॥
நியுத்தம் கே ததா தைத்யஶ்சண்டிகா ச பரஸ்பரம் ।
சக்ரதுஃ ப்ரதமம் ஸித்தமுநிவிஸ்மயகாரகம் ॥ ௧௦.௨௩॥
ததோ நியுத்தம் ஸுசிரம் க்ரு'த்வா தேநாம்பிகா ஸஹ ।
உத்பாட்ய ப்ராமயாமாஸ சிக்ஷேப தரணீதலே ॥ ௧௦.௨௪॥
ஸ க்ஷிப்தோ தரணீம் ப்ராப்ய முஷ்டிமுத்யம்ய வேகவாந் ।
அப்யதாவத துஷ்டாத்மா சண்டிகாநிதநேச்சயா ॥ ௧௦.௨௫॥
தமாயாந்தம் ததோ தேவீ ஸர்வதைத்யஜநேஶ்வரம் ।
ஜகத்யாம் பாதயாமாஸ பித்த்வா ஶூலேந வக்ஷஸி ॥ ௧௦.௨௬॥
ஸ கதாஸுஃ பபாதோர்வ்யாம் தேவீ ஶூலாக்ரவிக்ஷதஃ ।
சாலயந் ஸகலாம் ப்ரு'த்வீம் ஸாப்தித்வீபாம் ஸபர்வதாம் ॥ ௧௦.௨௭॥
ததஃ ப்ரஸந்நமகிலம் ஹதே தஸ்மிந் துராத்மநி ।
ஜகத்ஸ்வாஸ்த்யமதீவாப நிர்மலம் சாபவந்நபஃ ॥ ௧௦.௨௮॥
உத்பாதமேகாஃ ஸோல்கா யே ப்ராகாஸம்ஸ்தே ஶமம் யயுஃ ।
ஸரிதோ மார்கவாஹிந்யஸ்ததாஸம்ஸ்தத்ர பாதிதே ॥ ௧௦.௨௯॥
ததோ தேவகணாஃ ஸர்வே ஹர்ஷநிர்பரமாநஸாஃ ।
பபூவுர்நிஹதே தஸ்மிந் கந்தர்வா லலிதம் ஜகுஃ ॥ ௧௦.௩௦॥
அவாதயம்ஸ்ததைவாந்யே நந்ரு'துஶ்சாப்ஸரோகணாஃ ।
வவுஃ புண்யாஸ்ததா வாதாஃ ஸுப்ரபோऽபூத்திவாகரஃ ॥ ௧௦.௩௧॥
ஜஜ்வலுஶ்சாக்நயஃ ஶாந்தாஃ ஶாந்தா திக்ஜநிதஸ்வநாஃ ॥ ௧௦.௩௨॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே
தேவீமாஹாத்ம்யே ஶும்பவதோ நாம தஶமோऽத்யாயஃ ॥ ௧௦॥

। த்யாநம் ।
ௐ பாலரவித்யுதிமிந்துகிரீடாம் துங்ககுசாம் நயநத்ரயயுக்தாம் ।
ஸ்மேரமுகீம் வரதாங்குஶபாஶாபீதிகராம் ப்ரபஜே புவநேஶீம் ॥
ௐ ரு'ஷிருவாச ॥ ௧௧.௧॥
தேவ்யா ஹதே தத்ர மஹாஸுரேந்த்ரே
ஸேந்த்ராஃ ஸுரா வஹ்நிபுரோகமாஸ்தாம் ।
காத்யாயநீம் துஷ்டுவுரிஷ்டலாபாத்
விகாஶிவக்த்ராப்ஜவிகாஶிதாஶாஃ ॥ ௧௧.௨॥
தேவி ப்ரபந்நார்திஹரே ப்ரஸீத
ப்ரஸீத மாதர்ஜகதோऽகிலஸ்ய ।
ப்ரஸீத விஶ்வேஶ்வரி பாஹி விஶ்வம்
த்வமீஶ்வரீ தேவி சராசரஸ்ய ॥ ௧௧.௩॥
ஆதாரபூதா ஜகதஸ்த்வமேகா
மஹீஸ்வரூபேண யதஃ ஸ்திதாஸி ।
அபாம் ஸ்வரூபஸ்திதயா த்வயைத-
தாப்யாயதே க்ரு'த்ஸ்நமலங்க்யவீர்யே ॥ ௧௧.௪॥
த்வம் வைஷ்ணவீஶக்திரநந்தவீர்யா
விஶ்வஸ்ய பீஜம் பரமாஸி மாயா ।
ஸம்மோஹிதம் தேவி ஸமஸ்தமேதத்
த்வம் வை ப்ரஸந்நா புவி முக்திஹேதுஃ ॥ ௧௧.௫॥
வித்யாஃ ஸமஸ்தாஸ்தவ தேவி பேதாஃ
ஸ்த்ரியஃ ஸமஸ்தாஃ ஸகலா ஜகத்ஸு ।
த்வயைகயா பூரிதமம்பயைதத்
கா தே ஸ்துதிஃ ஸ்தவ்யபராபரோக்திஃ ॥ ௧௧.௬॥
ஸர்வபூதா யதா தேவீ புக்திமுக்திப்ரதாயிநீ ।
த்வம் ஸ்துதா ஸ்துதயே கா வா பவந்து பரமோக்தயஃ ॥ ௧௧.௭॥
ஸர்வஸ்ய புத்திரூபேண ஜநஸ்ய ஹ்ரு'தி ஸம்ஸ்திதே ।
ஸ்வர்காபவர்கதே தேவி நாராயணி நமோऽஸ்து தே ॥ ௧௧.௮॥
கலாகாஷ்டாதிரூபேண பரிணாமப்ரதாயிநி ।
விஶ்வஸ்யோபரதௌ ஶக்தே நாராயணி நமோऽஸ்து தே ॥ ௧௧.௯॥
ஸர்வமங்கலமாங்கல்யே ஶிவே ஸர்வார்தஸாதிகே ।
ஶரண்யே த்ர்யம்பகே கௌரி நாராயணி நமோऽஸ்து தே ॥ ௧௧.௧௦॥
ஸ்ரு'ஷ்டிஸ்திதிவிநாஶாநாம் ஶக்திபூதே ஸநாதநி ।
குணாஶ்ரயே குணமயே நாராயணி நமோऽஸ்து தே ॥ ௧௧.௧௧॥
ஶரணாகததீநார்தபரித்ராணபராயணே ।
ஸர்வஸ்யார்திஹரே தேவி நாராயணி நமோऽஸ்து தே ॥ ௧௧.௧௨॥
ஹம்ஸயுக்தவிமாநஸ்தே ப்ரஹ்மாணீரூபதாரிணி ।
கௌஶாம்பஃக்ஷரிகே தேவி நாராயணி நமோऽஸ்து தே ॥ ௧௧.௧௩॥
த்ரிஶூலசந்த்ராஹிதரே மஹாவ்ரு'ஷபவாஹிநி ।
மாஹேஶ்வரீஸ்வரூபேண நாராயணி நமோऽஸ்துதே ॥ ௧௧.௧௪॥
மயூரகுக்குடவ்ரு'தே மஹாஶக்திதரேऽநகே ।
கௌமாரீரூபஸம்ஸ்தாநே நாராயணி நமோऽஸ்து தே ॥ ௧௧.௧௫॥
ஶங்கசக்ரகதாஶார்ங்கக்ரு'ஹீதபரமாயுதே ।
ப்ரஸீத வைஷ்ணவீரூபே நாராயணி நமோऽஸ்து தே ॥ ௧௧.௧௬॥
க்ரு'ஹீதோக்ரமஹாசக்ரே தம்ஷ்ட்ரோத்த்ரு'தவஸுந்தரே ।
வராஹரூபிணி ஶிவே நாராயணி நமோऽஸ்து தே ॥ ௧௧.௧௭॥
ந்ரு'ஸிம்ஹரூபேணோக்ரேண ஹந்தும் தைத்யாந் க்ரு'தோத்யமே ।
த்ரைலோக்யத்ராணஸஹிதே நாராயணி நமோऽஸ்து தே ॥ ௧௧.௧௮॥
கிரீடிநி மஹாவஜ்ரே ஸஹஸ்ரநயநோஜ்ஜ்வலே ।
வ்ரு'த்ரப்ராணஹரே சைந்த்ரி நாராயணி நமோऽஸ்து தே ॥ ௧௧.௧௯॥
ஶிவதூதீஸ்வரூபேண ஹததைத்யமஹாபலே ।
கோரரூபே மஹாராவே நாராயணி நமோऽஸ்து தே ॥ ௧௧.௨௦॥
தம்ஷ்ட்ராகராலவதநே ஶிரோமாலாவிபூஷணே ।
சாமுண்டே முண்டமதநே நாராயணி நமோऽஸ்து தே ॥ ௧௧.௨௧॥
லக்ஷ்மி லஜ்ஜே மஹாவித்யே ஶ்ரத்தே புஷ்டி ஸ்வதே த்ருவே ।
மஹாராத்ரி மஹாமாயே நாராயணி நமோऽஸ்து தே ॥ ௧௧.௨௨॥
மேதே ஸரஸ்வதி வரே பூதி பாப்ரவி தாமஸி ।
நியதே த்வம் ப்ரஸீதேஶே நாராயணி நமோऽஸ்துதே ॥ ௧௧.௨௩॥
ஸர்வஸ்வரூபே ஸர்வேஶே ஸர்வஶக்திஸமந்விதே ।
பயேப்யஸ்த்ராஹி நோ தேவி துர்கே தேவி நமோऽஸ்து தே ॥ ௧௧.௨௪॥
ஏதத்தே வதநம் ஸௌம்யம் லோசநத்ரயபூஷிதம் ।
பாது நஃ ஸர்வபூதேப்யஃ காத்யாயநி நமோऽஸ்து தே ॥ ௧௧.௨௫॥
ஜ்வாலாகராலமத்யுக்ரமஶேஷாஸுரஸூதநம் ।
த்ரிஶூலம் பாது நோ பீதேர்பத்ரகாலி நமோऽஸ்து தே ॥ ௧௧.௨௬॥
ஹிநஸ்தி தைத்யதேஜாம்ஸி ஸ்வநேநாபூர்ய யா ஜகத் ।
ஸா கண்டா பாது நோ தேவி பாபேப்யோ நஃ ஸுதாநிவ ॥ ௧௧.௨௭॥
அஸுராஸ்ரு'க்வஸாபங்கசர்சிதஸ்தே கரோஜ்ஜ்வலஃ ।
ஶுபாய கட்கோ பவது சண்டிகே த்வாம் நதா வயம் ॥ ௧௧.௨௮॥
ரோகாநஶேஷாநபஹம்ஸி துஷ்டா
ருஷ்டா து காமாந் ஸகலாநபீஷ்டாந் ।
த்வாமாஶ்ரிதாநாம் ந விபந்நராணாம்
த்வாமாஶ்ரிதா ஹ்யாஶ்ரயதாம் ப்ரயாந்தி ॥ ௧௧.௨௯॥
ஏதத்க்ரு'தம் யத்கதநம் த்வயாத்ய
தர்மத்விஷாம் தேவி மஹாஸுராணாம் ।
ரூபைரநேகைர்பஹுதாத்மமூர்திம்
க்ரு'த்வாம்பிகே தத்ப்ரகரோதி காந்யா ॥ ௧௧.௩௦॥
வித்யாஸு ஶாஸ்த்ரேஷு விவேகதீபே-
ஷ்வாத்யேஷு வாக்யேஷு ச கா த்வதந்யா ।
மமத்வகர்தேऽதிமஹாந்தகாரே
விப்ராமயத்யேதததீவ விஶ்வம் ॥ ௧௧.௩௧॥
ரக்ஷாம்ஸி யத்ரோக்ரவிஷாஶ்ச நாகா
யத்ராரயோ தஸ்யுபலாநி யத்ர ।
தாவாநலோ யத்ர ததாப்திமத்யே
தத்ர ஸ்திதா த்வம் பரிபாஸி விஶ்வம் ॥ ௧௧.௩௨॥
விஶ்வேஶ்வரி த்வம் பரிபாஸி விஶ்வம்
விஶ்வாத்மிகா தாரயஸீஹ விஶ்வம் ।
விஶ்வேஶவந்த்யா பவதீ பவந்தி
விஶ்வாஶ்ரயா யே த்வயி பக்திநம்ராஃ ॥ ௧௧.௩௩॥
தேவி ப்ரஸீத பரிபாலய நோऽரிபீதே-
ர்நித்யம் யதாஸுரவதாததுநைவ ஸத்யஃ ।
பாபாநி ஸர்வஜகதாம் ப்ரஶமம் நயாஶு
உத்பாதபாகஜநிதாம்ஶ்ச மஹோபஸர்காந் ॥ ௧௧.௩௪॥
ப்ரணதாநாம் ப்ரஸீத த்வம் தேவி விஶ்வார்திஹாரிணி ।
த்ரைலோக்யவாஸிநாமீட்யே லோகாநாம் வரதா பவ ॥ ௧௧.௩௫॥
தேவ்யுவாச॥ ௧௧.௩௬॥
வரதாஹம் ஸுரகணா வரம் யந்மநஸேச்சத ।
தம் வ்ரு'ணுத்வம் ப்ரயச்சாமி ஜகதாமுபகாரகம் ॥ ௧௧.௩௭॥
தேவா ஊசுஃ ॥ ௧௧.௩௮॥
ஸர்வாபாதாப்ரஶமநம் த்ரைலோக்யஸ்யாகிலேஶ்வரி ।
ஏவமேவ த்வயா கார்யமஸ்மத்வைரிவிநாஶநம் ॥ ௧௧.௩௯॥
தேவ்யுவாச॥ ௧௧.௪௦॥
வைவஸ்வதேऽந்தரே ப்ராப்தே அஷ்டாவிம்ஶதிமே யுகே ।
ஶும்போ நிஶும்பஶ்சைவாந்யாவுத்பத்ஸ்யேதே மஹாஸுரௌ ॥ ௧௧.௪௧॥
நந்தகோபக்ரு'ஹே ஜாதா யஶோதாகர்பஸம்பவா ।
ததஸ்தௌ நாஶயிஷ்யாமி விந்த்யாசலநிவாஸிநீ ॥ ௧௧.௪௨॥
புநரப்யதிரௌத்ரேண ரூபேண ப்ரு'திவீதலே ।
அவதீர்ய ஹநிஷ்யாமி வைப்ரசித்தாம்ஶ்ச தாநவாந் ॥ ௧௧.௪௩॥
பக்ஷயந்த்யாஶ்ச தாநுக்ராந் வைப்ரசித்தாந் மஹாஸுராந் ।
ரக்தா தந்தா பவிஷ்யந்தி தாடிமீகுஸுமோபமாஃ ॥ ௧௧.௪௪॥
ததோ மாம் தேவதாஃ ஸ்வர்கே மர்த்யலோகே ச மாநவாஃ ।
ஸ்துவந்தோ வ்யாஹரிஷ்யந்தி ஸததம் ரக்ததந்திகாம் ॥ ௧௧.௪௫॥
பூயஶ்ச ஶதவார்ஷிக்யாமநாவ்ரு'ஷ்ட்யாமநம்பஸி ।
முநிபிஃ ஸம்ஸ்ம்ரு'தா பூமௌ ஸம்பவிஷ்யாம்யயோநிஜா ॥ ௧௧.௪௬॥
ததஃ ஶதேந நேத்ராணாம் நிரீக்ஷிஷ்யாம்யஹம் முநீந் ।
கீர்தயிஷ்யந்தி மநுஜாஃ ஶதாக்ஷீமிதி மாம் ததஃ ॥ ௧௧.௪௭॥
ததோऽஹமகிலம் லோகமாத்மதேஹஸமுத்பவைஃ ।
பரிஷ்யாமி ஸுராஃ ஶாகைராவ்ரு'ஷ்டேஃ ப்ராணதாரகைஃ ॥ ௧௧.௪௮॥
ஶாகம்பரீதி விக்யாதிம் ததா யாஸ்யாம்யஹம் புவி ।
தத்ரைவ ச வதிஷ்யாமி துர்கமாக்யம் மஹாஸுரம் ॥ ௧௧.௪௯॥
துர்காதேவீதி விக்யாதம் தந்மே நாம பவிஷ்யதி ।
புநஶ்சாஹம் யதா பீமம் ரூபம் க்ரு'த்வா ஹிமாசலே ॥ ௧௧.௫௦॥
ரக்ஷாம்ஸி பக்ஷயிஷ்யாமி முநீநாம் த்ராணகாரணாத் ।
ததா மாம் முநயஃ ஸர்வே ஸ்தோஷ்யந்த்யாநம்ரமூர்தயஃ ॥ ௧௧.௫௧॥
பீமாதேவீதி விக்யாதம் தந்மே நாம பவிஷ்யதி ।
யதாருணாக்யஸ்த்ரைலோக்யே மஹாபாதாம் கரிஷ்யதி ॥ ௧௧.௫௨॥
ததாஹம் ப்ராமரம் ரூபம் க்ரு'த்வாஸங்க்யேயஷட்பதம் ।
த்ரைலோக்யஸ்ய ஹிதார்தாய வதிஷ்யாமி மஹாஸுரம் ॥ ௧௧.௫௩॥
ப்ராமரீதி ச மாம் லோகாஸ்ததா ஸ்தோஷ்யந்தி ஸர்வதஃ ।
இத்தம் யதா யதா பாதா தாநவோத்தா பவிஷ்யதி ॥ ௧௧.௫௪॥
ததா ததாவதீர்யாஹம் கரிஷ்யாம்யரிஸங்க்ஷயம் ॥ ௧௧.௫௫॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
நாராயணீஸ்துதிர்நாமைகாதஶோऽத்யாயஃ ॥ ௧௧॥
உவாச௪, அர்தஶ்லோகஃ ௧, ஶ்லோகாஃ ௫௦, ஏவமாதிதஃ ॥ ௬௩௦॥

। த்யாநம் ।
ௐ வித்யுத்தாமஸமப்ரபாம் ம்ரு'கபதிஸ்கந்தஸ்திதாம் பீஷணாம்
கந்யாபிஃ கரவாளகேடவிலஸதஸ்தாபிராஸேவிதாம் ।
ஹஸ்தைஶ்சக்ரகதாஸிகேடவிஶிகாம்ஶ்சாபம் குணம் தர்ஜநீம்
பிப்ராணாமநலாத்மிகாம் ஶஶிதராம் துர்காம் த்ரிநேத்ராம் பஜே ॥
ௐ தேவ்யுவாச॥ ௧௨.௧॥
ஏபிஃ ஸ்தவைஶ்ச மாம் நித்யம் ஸ்தோஷ்யதே யஃ ஸமாஹிதஃ ।
தஸ்யாஹம் ஸகலாம் பாதாம் ஶமயிஷ்யாம்யஸம்ஶயம் ॥ ௧௨.௨॥
மதுகைடபநாஶம் ச மஹிஷாஸுரகாதநம் ।
கீர்தயிஷ்யந்தி யே தத்வத்வதம் ஶும்பநிஶும்பயோஃ ॥ ௧௨.௩॥
அஷ்டம்யாம் ச சதுர்தஶ்யாம் நவம்யாம் சைகசேதஸஃ ।
ஶ்ரோஷ்யந்தி சைவ யே பக்த்யா மம மாஹாத்ம்யமுத்தமம் ॥ ௧௨.௪॥
ந தேஷாம் துஷ்க்ரு'தம் கிஞ்சித்துஷ்க்ரு'தோத்தா ந சாபதஃ ।
பவிஷ்யதி ந தாரித்ர்யம் ந சைவேஷ்டவியோஜநம் ॥ ௧௨.௫॥
ஶத்ருப்யோ ந பயம் தஸ்ய தஸ்யுதோ வா ந ராஜதஃ ।
ந ஶஸ்த்ராநலதோயௌகாத் கதாசித் ஸம்பவிஷ்யதி ॥ ௧௨.௬॥
தஸ்மாந்மமைதந்மாஹாத்ம்யம் படிதவ்யம் ஸமாஹிதைஃ ।
ஶ்ரோதவ்யம் ச ஸதா பக்த்யா பரம் ஸ்வஸ்த்யயநம் மஹத் ॥ ௧௨.௭॥
உபஸர்காநஶேஷாம்ஸ்து மஹாமாரீஸமுத்பவாந் ।
ததா த்ரிவிதமுத்பாதம் மாஹாத்ம்யம் ஶமயேந்மம ॥ ௧௨.௮॥
யத்ரைதத்பட்யதே ஸம்யங்நித்யமாயதநே மம ।
ஸதா ந தத்விமோக்ஷ்யாமி ஸாந்நித்யம் தத்ர மே ஸ்திதம் ॥ ௧௨.௯॥
பலிப்ரதாநே பூஜாயாமக்நிகார்யே மஹோத்ஸவே ।
ஸர்வம் மமைதந்மாஹாத்ம்யம் உச்சார்யம் ஶ்ராவ்யமேவ ச ॥ ௧௨.௧௦॥
ஜாநதாஜாநதா வாபி பலிபூஜாம் யதா க்ரு'தாம் ।
ப்ரதீக்ஷிஷ்யாம்யஹம் ப்ரீத்யா வஹ்நிஹோமம் ததாக்ரு'தம் ॥ ௧௨.௧௧॥
ஶரத்காலே மஹாபூஜா க்ரியதே யா ச வார்ஷிகீ ।
தஸ்யாம் மமைதந்மாஹாத்ம்யம் ஶ்ருத்வா பக்திஸமந்விதஃ ॥ ௧௨.௧௨॥
ஸர்வாபாதாவிநிர்முக்தோ தநதாந்யஸமந்விதஃ ।
மநுஷ்யோ மத்ப்ரஸாதேந பவிஷ்யதி ந ஸம்ஶயஃ ॥ ௧௨.௧௩॥
ஶ்ருத்வா மமைதந்மாஹாத்ம்யம் ததா சோத்பத்தயஃ ஶுபாஃ ।
பராக்ரமம் ச யுத்தேஷு ஜாயதே நிர்பயஃ புமாந் ॥ ௧௨.௧௪॥
ரிபவஃ ஸங்க்ஷயம் யாந்தி கல்யாணம் சோபபத்யதே ।
நந்ததே ச குலம் பும்ஸாம் மாஹாத்ம்யம் மம ஶ‍்ரு'ண்வதாம் ॥ ௧௨.௧௫॥
ஶாந்திகர்மணி ஸர்வத்ர ததா துஃஸ்வப்நதர்ஶநே ।
க்ரஹபீடாஸு சோக்ராஸு மாஹாத்ம்யம் ஶ‍்ரு'ணுயாந்மம ॥ ௧௨.௧௬॥
உபஸர்காஃ ஶமம் யாந்தி க்ரஹபீடாஶ்ச தாருணாஃ ।
துஃஸ்வப்நம் ச ந்ரு'பிர்த்ரு'ஷ்டம் ஸுஸ்வப்நமுபஜாயதே ॥ ௧௨.௧௭॥
பாலக்ரஹாபிபூதாநாம் பாலாநாம் ஶாந்திகாரகம் ।
ஸங்காதபேதே ச ந்ரு'ணாம் மைத்ரீகரணமுத்தமம் ॥ ௧௨.௧௮॥
துர்வ்ரு'த்தாநாமஶேஷாணாம் பலஹாநிகரம் பரம் ।
ரக்ஷோபூதபிஶாசாநாம் படநாதேவ நாஶநம் ॥ ௧௨.௧௯॥
ஸர்வம் மமைதந்மாஹாத்ம்யம் மம ஸந்நிதிகாரகம் ।
பஶுபுஷ்பார்க்யதூபைஶ்ச கந்ததீபைஸ்ததோத்தமைஃ ॥ ௧௨.௨௦॥
விப்ராணாம் போஜநைர்ஹோமைஃ ப்ரோக்ஷணீயைரஹர்நிஶம் ।
அந்யைஶ்ச விவிதைர்போகைஃ ப்ரதாநைர்வத்ஸரேண யா ॥ ௧௨.௨௧॥
ப்ரீதிர்மே க்ரியதே ஸாஸ்மிந் ஸக்ரு'துச்சரிதே ஶ்ருதே ।
ஶ்ருதம் ஹரதி பாபாநி ததாரோக்யம் ப்ரயச்சதி ॥ ௧௨.௨௨॥
ரக்ஷாம் கரோதி பூதேப்யோ ஜந்மநாம் கீர்தநம் மம ।
யுத்தேஷு சரிதம் யந்மே துஷ்டதைத்யநிபர்ஹணம் ॥ ௧௨.௨௩॥
தஸ்மிஞ்ச்ருதே வைரிக்ரு'தம் பயம் பும்ஸாம் ந ஜாயதே ।
யுஷ்மாபிஃ ஸ்துதயோ யாஶ்ச யாஶ்ச ப்ரஹ்மர்ஷிபிஃ க்ரு'தாஃ ॥ ௧௨.௨௪॥
ப்ரஹ்மணா ச க்ரு'தாஸ்தாஸ்து ப்ரயச்சந்து ஶுபாம் மதிம் ।
அரண்யே ப்ராந்தரே வாபி தாவாக்நிபரிவாரிதஃ ॥ ௧௨.௨௫॥
தஸ்யுபிர்வா வ்ரு'தஃ ஶூந்யே க்ரு'ஹீதோ வாபி ஶத்ருபிஃ ।
ஸிம்ஹவ்யாக்ராநுயாதோ வா வநே வா வநஹஸ்திபிஃ ॥ ௧௨.௨௬॥
ராஜ்ஞா க்ருத்தேந சாஜ்ஞப்தோ வத்யோ பந்தகதோऽபி வா ।
ஆகூர்ணிதோ வா வாதேந ஸ்திதஃ போதே மஹார்ணவே ॥ ௧௨.௨௭॥
பதத்ஸு சாபி ஶஸ்த்ரேஷு ஸங்க்ராமே ப்ரு'ஶதாருணே ।
ஸர்வாபாதாஸு கோராஸு வேதநாப்யர்திதோऽபி வா ॥ ௧௨.௨௮॥
ஸ்மரந் மமைதச்சரிதம் நரோ முச்யேத ஸங்கடாத் ।
மம ப்ரபாவாத்ஸிம்ஹாத்யா தஸ்யவோ வைரிணஸ்ததா ॥ ௧௨.௨௯॥
தூராதேவ பலாயந்தே ஸ்மரதஶ்சரிதம் மம ॥ ௧௨.௩௦॥
ரு'ஷிருவாச ॥ ௧௨.௩௧॥
இத்யுக்த்வா ஸா பகவதீ சண்டிகா சண்டவிக்ரமா ॥ ௧௨.௩௨॥
பஶ்யதாம் ஸர்வதேவாநாம் தத்ரைவாந்தரதீயத ।
தேऽபி தேவா நிராதங்காஃ ஸ்வாதிகாராந்யதா புரா ॥ ௧௨.௩௩॥
யஜ்ஞபாகபுஜஃ ஸர்வே சக்ருர்விநிஹதாரயஃ ।
தைத்யாஶ்ச தேவ்யா நிஹதே ஶும்பே தேவரிபௌ யுதி ॥ ௧௨.௩௪॥
ஜகத்வித்வம்ஸகே தஸ்மிந் மஹோக்ரேऽதுலவிக்ரமே ।
நிஶும்பே ச மஹாவீர்யே ஶேஷாஃ பாதாலமாயயுஃ ॥ ௧௨.௩௫॥
ஏவம் பகவதீ தேவீ ஸா நித்யாபி புநஃ புநஃ ।
ஸம்பூய குருதே பூப ஜகதஃ பரிபாலநம் ॥ ௧௨.௩௬॥
தயைதந்மோஹ்யதே விஶ்வம் ஸைவ விஶ்வம் ப்ரஸூயதே ।
ஸா யாசிதா ச விஜ்ஞாநம் துஷ்டா ரு'த்திம் ப்ரயச்சதி ॥ ௧௨.௩௭॥
வ்யாப்தம் தயைதத்ஸகலம் ப்ரஹ்மாண்டம் மநுஜேஶ்வர ।
மஹாதேவ்யா மஹாகாலீ மஹாமாரீஸ்வரூபயா ॥ ௧௨.௩௮॥
ஸைவ காலே மஹாமாரீ ஸைவ ஸ்ரு'ஷ்டிர்பவத்யஜா ।
ஸ்திதிம் கரோதி பூதாநாம் ஸைவ காலே ஸநாதநீ ॥ ௧௨.௩௯॥
பவகாலே ந்ரு'ணாம் ஸைவ லக்ஷ்மீர்வ்ரு'த்திப்ரதா க்ரு'ஹே ।
ஸைவாபாவே ததாலக்ஷ்மீர்விநாஶாயோபஜாயதே ॥ ௧௨.௪௦॥
ஸ்துதா ஸம்பூஜிதா புஷ்பைர்கந்ததூபாதிபிஸ்ததா ।
ததாதி வித்தம் புத்ராம்ஶ்ச மதிம் தர்மே கதிம் ஶுபாம் ॥ ௧௨.௪௧॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
பகவதீ வாக்யம் த்வாதஶோऽத்யாயஃ ॥ ௧௨॥
உவாச௨, அர்தஶ்லோகௌ ௨, ஶ்லோகாஃ ௩௭, ஏவமாதிதஃ ॥ ௬௭௧॥

। த்யாநம் ।
ௐ பாலார்கமண்டலாபாஸாம் சதுர்பாஹும் த்ரிலோசநாம் ।
பாஶாங்குஶவராபீதிர்தாரயந்தீம் ஶிவாம் பஜே ॥
ௐ ரு'ஷிருவாச ॥ ௧௩.௧॥
ஏதத்தே கதிதம் பூப தேவீமாஹாத்ம்யமுத்தமம் ।
ஏவம் ப்ரபாவா ஸா தேவீ யயேதம் தார்யதே ஜகத் ॥ ௧௩.௨॥
வித்யா ததைவ க்ரியதே பகவத்விஷ்ணுமாயயா ।
தயா த்வமேஷ வைஶ்யஶ்ச ததைவாந்யே விவேகிநஃ ॥ ௧௩.௩॥
மோஹ்யந்தே மோஹிதாஶ்சைவ மோஹமேஷ்யந்தி சாபரே ।
தாமுபைஹி மஹாராஜ ஶரணம் பரமேஶ்வரீம் ॥ ௧௩.௪॥
ஆராதிதா ஸைவ ந்ரு'ணாம் போகஸ்வர்காபவர்கதா ॥ ௧௩.௫॥
மார்கண்டேய உவாச॥ ௧௩.௬॥
இதி தஸ்ய வசஃ ஶ்ருத்வா ஸுரதஃ ஸ நராதிபஃ ॥ ௧௩.௭॥
ப்ரணிபத்ய மஹாபாகம் தம்ரு'ஷிம் ஸம்ஶிதவ்ரதம் ।
நிர்விண்ணோऽதிமமத்வேந ராஜ்யாபஹரணேந ச ॥ ௧௩.௮॥
ஜகாம ஸத்யஸ்தபஸே ஸ ச வைஶ்யோ மஹாமுநே ।
ஸந்தர்ஶநார்தமம்பாயா நதீபுலிநமாஸ்திதஃ ॥ ௧௩.௯॥
ஸ ச வைஶ்யஸ்தபஸ்தேபே தேவீஸூக்தம் பரம் ஜபந் ।
தௌ தஸ்மிந் புலிநே தேவ்யாஃ க்ரு'த்வா மூர்திம் மஹீமயீம் ॥ ௧௩.௧௦॥
அர்ஹணாம் சக்ரதுஸ்தஸ்யாஃ புஷ்பதூபாக்நிதர்பணைஃ ।
நிராஹாரௌ யதாத்மாநௌ தந்மநஸ்கௌ ஸமாஹிதௌ ॥ ௧௩.௧௧॥
தததுஸ்தௌ பலிம் சைவ நிஜகாத்ராஸ்ரு'குக்ஷிதம் ।
ஏவம் ஸமாராதயதோஸ்த்ரிபிர்வர்ஷைர்யதாத்மநோஃ ॥ ௧௩.௧௨॥
பரிதுஷ்டா ஜகத்தாத்ரீ ப்ரத்யக்ஷம் ப்ராஹ சண்டிகா ॥ ௧௩.௧௩॥
தேவ்யுவாச॥ ௧௩.௧௪॥
யத்ப்ரார்த்யதே த்வயா பூப த்வயா ச குலநந்தந ।
மத்தஸ்தத்ப்ராப்யதாம் ஸர்வம் பரிதுஷ்டா ததாமிதே ॥ ௧௩.௧௫॥
மார்கண்டேய உவாச॥ ௧௩.௧௬॥
ததோ வவ்ரே ந்ரு'போ ராஜ்யமவிப்ரம்ஶ்யந்யஜந்மநி ।
அத்ரைவ ச நிஜம் ராஜ்யம் ஹதஶத்ருபலம் பலாத் ॥ ௧௩.௧௭॥
ஸோऽபி வைஶ்யஸ்ததோ ஜ்ஞாநம் வவ்ரே நிர்விண்ணமாநஸஃ ।
மமேத்யஹமிதி ப்ராஜ்ஞஃ ஸங்கவிச்யுதிகாரகம் ॥ ௧௩.௧௮॥
தேவ்யுவாச॥ ௧௩.௧௯॥
ஸ்வல்பைரஹோபிர்ந்ரு'பதே ஸ்வம் ராஜ்யம் ப்ராப்ஸ்யதே பவாந் ॥ ௧௩.௨௦॥
ஹத்வா ரிபூநஸ்கலிதம் தவ தத்ர பவிஷ்யதி ॥ ௧௩.௨௧॥
ம்ரு'தஶ்ச பூயஃ ஸம்ப்ராப்ய ஜந்ம தேவாத்விவஸ்வதஃ ॥ ௧௩.௨௨॥
ஸாவர்ணிகோ மநுர்நாம பவாந்புவி பவிஷ்யதி ॥ ௧௩.௨௩॥
வைஶ்யவர்ய த்வயா யஶ்ச வரோऽஸ்மத்தோऽபிவாஞ்சிதஃ ॥ ௧௩.௨௪॥
தம் ப்ரயச்சாமி ஸம்ஸித்த்யை தவ ஜ்ஞாநம் பவிஷ்யதி ॥ ௧௩.௨௫॥
மார்கண்டேய உவாச॥ ௧௩.௨௬॥
இதி தத்த்வா தயோர்தேவீ யதாபிலஷிதம் வரம் ॥ ௧௩.௨௭॥
பபூவாந்தர்ஹிதா ஸத்யோ பக்த்யா தாப்யாமபிஷ்டுதா ।
ஏவம் தேவ்யா வரம் லப்த்வா ஸுரதஃ க்ஷத்ரியர்ஷபஃ ॥ ௧௩.௨௮॥
ஸூர்யாஜ்ஜந்ம ஸமாஸாத்ய ஸாவர்ணிர்பவிதா மநுஃ ॥ ௧௩.௨௯॥
ஏவம் தேவ்யா வரம் லப்த்வா ஸுரதஃ க்ஷத்ரியர்ஷபஃ ।
ஸூர்யாஜ்ஜந்ம ஸமாஸாத்ய ஸாவர்ணிர்பவிதா மநுஃ ॥ க்லீம் ௐ ॥
॥ ஸ்வஸ்தி ஶ்ரீமார்கண்டேயபுராணே ஸாவர்ணிகே மந்வந்தரே தேவீமாஹாத்ம்யே
ஸுரதவைஶ்யயோர்வரப்ரதாநம் நாம த்ரயோதஶோऽத்யாயஃ ॥ ௧௩॥
உவாச௬, அர்தஶ்லோகாஃ ௧௧, ஶ்லோகாஃ ௧௨, ஏவமாதிதஃ ॥ ௭௦௦॥
ஸமஸ்தா உவாசமந்த்ராஃ ௫௭, அர்தஶ்லோகாஃ ௪௨, ஶ்லோகாஃ ௫௩௫, அவதாநாநி ௬௬ ॥
॥ ஶ்ரீஸப்தஶதீதேவீமாஹாத்ம்யம் ஸமாப்தம் ॥
॥ ௐ தத் ஸத் ௐ ॥

ௐ அபராதஶதம் க்ரு'த்வா ஜகதம்பேதி சோச்சரேத் ।
யாம் கதிம் ஸமவாப்நோதி ந தாம் ப்ரஹ்மாதயஃ ஸுராஃ ॥ ௧॥
ஸாபராதோऽஸ்மி ஶரணம் ப்ராப்தஸ்த்வாம் ஜகதம்பிகே ।
இதாநீமநுகம்ப்யோऽஹம் யதேச்சஸி ததா குரு ॥ ௨॥
அஜ்ஞாநாத்விஸ்ம்ரு'தேர்ப்ராந்த்யா யந்ந்யூநமதிகம் க்ரு'தம் ।
தத்ஸர்வம் க்ஷம்யதாம் தேவி ப்ரஸீத பரமேஶ்வரி ॥ ௩॥
காமேஶ்வரி ஜகந்மாதஃ ஸச்சிதாநந்தவிக்ரஹே ।
க்ரு'ஹாணார்சாமிமாம் ப்ரீத்யா ப்ரஸீத பரமேஶ்வரி ॥ ௪॥
ஸர்வரூபமயீ தேவீ ஸர்வம் தேவீமயம் ஜகத் ।
அதோऽஹம் விஶ்வரூபாம் த்வாம் நமாமி பரமேஶ்வரீம் ॥ ௫॥
யதக்ஷரம் பரிப்ரஷ்டம் மாத்ராஹீநஞ்ச யத்பவேத் ।
பூர்ணம் பவது தத் ஸர்வம் த்வத்ப்ரஸாதாந்மஹேஶ்வரி ॥ ௬॥
யதத்ர பாடே ஜகதம்பிகே மயா
விஸர்கபிந்த்வக்ஷரஹீநமீரிதம் ।
ததஸ்து ஸம்பூர்ணதமம் ப்ரஸாததஃ
ஸங்கல்பஸித்திஶ்ச ஸதைவ ஜாயதாம் ॥ ௭॥
யந்மாத்ராபிந்துபிந்துத்விதயபதபதத்வந்த்வவர்ணாதிஹீநம்
பக்த்யாபக்த்யாநுபூர்வம் ப்ரஸபக்ரு'திவஶாத் வ்யக்தமவ்யக்தமம்ப ।
மோஹாதஜ்ஞாநதோ வா படிதமபடிதம் ஸாம்ப்ரதம் தே ஸ்தவேऽஸ்மிந்
தத் ஸர்வம் ஸாங்கமாஸ்தாம் பகவதி வரதே த்வத்ப்ரஸாதாத் ப்ரஸீத ॥ ௮॥
ப்ரஸீத பகவத்யம்ப ப்ரஸீத பக்தவத்ஸலே ।
ப்ரஸாதம் குரு மே தேவி துர்கே தேவி நமோऽஸ்து தே ॥ ௯॥
॥ இதி அபராதக்ஷமாபணஸ்தோத்ரம் ஸமாப்தம் ॥

ௐ அஹம் ருத்ரேபிர்வஸுபிஶ்சராம்யஹ-
மாதித்யைருத விஶ்வதேவைஃ ।
அஹம் மித்ராவருணோபா பிபர்ம்யஹ-
மிந்த்ராக்நீ அஹமஶ்விநோபா ॥ ௧॥
அஹம் ஸோமமாஹநஸம் பிபர்ம்யஹம்
த்வஷ்டாரமுத பூஷணம் பகம் ।
அஹம் ததாமி த்ரவிணம் ஹவிஷ்மதே
ஸுப்ராவ்யே யஜமாநாய ஸுந்வதே ॥ ௨॥
அஹம் ராஷ்ட்ரீ ஸங்கமநீ வஸூநாம்
சிகிதுஷீ ப்ரதமா யஜ்ஞியாநாம் ।
தாம் மா தேவா வ்யததுஃ புருத்ரா
பூரிஸ்தாத்ராம் பூர்யாவேஶயந்தீம் ॥ ௩॥
மயா ஸோ அந்நமத்தி யோ விபஶ்யதி
யஃ ப்ராணிதி ய ஈம் ஶ‍்ரு'ணோத்யுக்தம் ।
அமந்தவோ மாம் த உபக்ஷியந்தி
ஶ்ருதி ஶ்ருத ஶ்ரத்திவம் தே வதாமி ॥ ௪॥
அஹமேவ ஸ்வயமிதம் வதாமி ஜுஷ்டம்
தேவேபிருத மாநுஷேபிஃ ।
யம் காமயே தம் தமுக்ரம் க்ரு'ணோமி
தம் ப்ரஹ்மாணம் தம்ரு'ஷிம் தம் ஸுமேதாம் ॥ ௫॥
அஹம் ருத்ராய தநுரா தநோமி
ப்ரஹ்மத்விஷே ஶரவே ஹந்தவா உ ।
அஹம் ஜநாய ஸமதம் க்ரு'ணோம்யஹம்
த்யாவாப்ரு'திவீ ஆ விவேஶ ॥ ௬॥
அஹம் ஸுவே பிதரமஸ்ய மூர்தந்
மம யோநிரப்ஸ்வந்தஃ ஸமுத்ரே ।
ததோ வி திஷ்டே புவநாநு விஶ்வோ-
தாமூம் த்யாம் வர்ஷ்மணோப ஸ்ப்ரு'ஶாமி ॥ ௭॥
அஹமேவ வாத இவ ப்ர வாம்யா-
ரபமாணா புவநாநி விஶ்வா ।
பரோ திவா பர ஏநா ப்ரு'திவ்யை-
தாவதீ மஹிநா ஸம் பபூவ ॥ ௮॥
॥ இதி ரு'க்வேதோக்தம் தேவீஸூக்தம் ஸமாப்தம் ॥
॥ ௐ தத் ஸத் ௐ ॥