પાર્વતીમાનસસ્તોત્રં ચ શ્રીગણેશાય નમઃ ।
કલ્લોલોલ્લસિતામૃતાબ્ધિલહરીમધ્યે વિરાજન્મણિદ્વીપે કલ્પકવાટિકાપરિવૃતે કાદમ્બવાટ્યુજ્જ્વલે ।
રત્નસ્તમ્ભસહસ્રનિર્મિતસભામધ્યે વિમાનોત્તમે ચિન્તારત્નવિનિર્મિતં જનનિ તે સિહ્માસનં ભાવયે ॥ ૧॥
કલ્લોલોલ્લસિતામૃતાબ્ધિલહરીમધ્યે વિરાજન્મણિદ્વીપે કલ્પકવાટિકાપરિવૃતે કાદમ્બવાટ્યુજ્જ્વલે ।
રત્નસ્તમ્ભસહસ્રનિર્મિતસભામધ્યે વિમાનોત્તમે ચિન્તારત્નવિનિર્મિતં જનનિ તે સિહ્માસનં ભાવયે ॥ ૧॥
એણાઙ્કાનલભાનુમણ્ડલલસચ્છ્રીચક્રમધ્યે સ્થિતાં બાલાર્કદ્યુતિભાસુરાં કરતલૈઃ પાશાઙ્કુશૌ બિભ્રતીમ્ ।
ચાપં બાણમપિ પ્રસન્નવદનાં કૌસુમ્ભવસ્ત્રાન્વિતાં તાં ત્વાં ચન્દ્રકલાવતમ્સમકુટાં ચારુસ્મિતાં ભાવયે ॥ ૨॥
ચાપં બાણમપિ પ્રસન્નવદનાં કૌસુમ્ભવસ્ત્રાન્વિતાં તાં ત્વાં ચન્દ્રકલાવતમ્સમકુટાં ચારુસ્મિતાં ભાવયે ॥ ૨॥
ઈશનાદિપદં શિવૈકફલદં રત્નાસનં તે શુભં (ફલકં) પાદ્યં કુઙ્કુમચન્દનાદિભરિતૈરર્ઘ્યં સરત્નાક્ષતૈઃ ।
શુદ્ધૈરાચમનીયકં તવ જલૈર્ભક્ત્યા મયા કલ્પિતં કારુણ્યામૃતવારિધે તદખિલં સન્તુષ્ટયે કલ્પતામ્ ॥ ૩॥
શુદ્ધૈરાચમનીયકં તવ જલૈર્ભક્ત્યા મયા કલ્પિતં કારુણ્યામૃતવારિધે તદખિલં સન્તુષ્ટયે કલ્પતામ્ ॥ ૩॥
લક્ષ્યે યોગિજનસ્ય રક્ષિતજગજ્જાલે વિશાલેક્ષણે પ્રાલેયામ્બુપટીરકુઙ્કુમલસત્કર્પૂરમિશ્રોદકૈઃ ।
ગોક્ષીરૈરપિ નારિકેલસલિલૈઃ શુદ્ધોદકૈર્મન્ત્રિતૈઃ સ્નાનં દેવિ ધિયા મયૈતદખિલં સન્તુષ્ટયે કલ્પતામ્ ॥ ૪॥
ગોક્ષીરૈરપિ નારિકેલસલિલૈઃ શુદ્ધોદકૈર્મન્ત્રિતૈઃ સ્નાનં દેવિ ધિયા મયૈતદખિલં સન્તુષ્ટયે કલ્પતામ્ ॥ ૪॥
હ્રીઙ્કારાઙ્કિતમન્ત્રલક્ષિતતનો હેમાચલાત્સઞ્ચિતૈઃ રત્નૈરુજ્જ્વલમુત્તરીયસહિતં કૌસુમ્ભવર્ણાંશુકમ્ ।
મુક્તાસન્તતિયજ્ઞસૂત્રમમલં સૌવર્ણતન્તૂત્ભવં દત્તં દેવિ ધિયા મયૈતદખિલં સન્તુષ્ટયે કલ્પતામ્ ॥ ૫॥
મુક્તાસન્તતિયજ્ઞસૂત્રમમલં સૌવર્ણતન્તૂત્ભવં દત્તં દેવિ ધિયા મયૈતદખિલં સન્તુષ્ટયે કલ્પતામ્ ॥ ૫॥
હમ્સૈરપ્યતિલોભનીયગમને હારાવલીમુજ્જ્વલાં હિન્દોલદ્યુતિહીરપૂરિતતરે હેમાઙ્ગદેકઙ્કણે ।
મઞ્જીરૌ મણિકુણ્ડલે મકુટમપ્યર્ધેન્દુચૂડામણિં નાસામૌક્તિકમઙ્ગુલીયકટકૌ કાઞ્ચીમપિ સ્વીકુરુ ॥ ૬॥
મઞ્જીરૌ મણિકુણ્ડલે મકુટમપ્યર્ધેન્દુચૂડામણિં નાસામૌક્તિકમઙ્ગુલીયકટકૌ કાઞ્ચીમપિ સ્વીકુરુ ॥ ૬॥
સર્વાઙ્ગે ઘનસારકુઙ્કુમઘનશ્રીગન્ધપઙ્કાઙ્કિતં કસ્તૂરીતિલકઞ્ચ ફાલફલકે ગોરોચનાપત્રકમ્ ।
ગણ્ડાદર્શનમણ્ડલે નયનયોર્દિવ્યાઞ્જનં તેઽઞ્ચિતં કણ્ઠાબ્જે મૃગનાભિપઙ્કમમલં ત્વત્પ્રીતયે કલ્પતામ્ ॥ ૭॥
ગણ્ડાદર્શનમણ્ડલે નયનયોર્દિવ્યાઞ્જનં તેઽઞ્ચિતં કણ્ઠાબ્જે મૃગનાભિપઙ્કમમલં ત્વત્પ્રીતયે કલ્પતામ્ ॥ ૭॥
કલ્હારોત્પલમલ્લિકામરુવકૈઃ સૌવર્ણપઙ્કેરુહૈર્જાતીચમ્પકમાલતીવકુલકૈર્મન્દારકુન્દાદિભિઃ ।
કેતક્યા કરવીરકૈર્બહુવિધૈઃ કૢપ્તાઃ સ્રજો માલિકાઃ સઙ્કલ્પેન સમર્પયામિ વરદે સન્તુષ્ટયે ગૃહ્યતામ્ ॥ ૮॥
કેતક્યા કરવીરકૈર્બહુવિધૈઃ કૢપ્તાઃ સ્રજો માલિકાઃ સઙ્કલ્પેન સમર્પયામિ વરદે સન્તુષ્ટયે ગૃહ્યતામ્ ॥ ૮॥
હન્તારં મદનસ્ય નન્દયસિ યૈરઙ્ગૈરનઙ્ગોજ્જ્વલૈર્યૈર્ભૃઙ્ગાવલિનીલકુન્તલભરૈર્બધ્નાસિ તસ્યાશયમ્ ।
તાનીમાનિ તવામ્બ કોમલતરાણ્યામોદલીલા ગૃહાણ્યામોદાય દશાઙ્ગગુગ્ગુલુઘૃતૈર્ધૂપૈરહં ધૂપયે ॥ ૯॥
તાનીમાનિ તવામ્બ કોમલતરાણ્યામોદલીલા ગૃહાણ્યામોદાય દશાઙ્ગગુગ્ગુલુઘૃતૈર્ધૂપૈરહં ધૂપયે ॥ ૯॥
લક્ષ્મીમુજ્જ્વલયામિ રત્નનિવહોત્ભાસ્વત્ત્તરે મન્દિરે માલારૂપવિલમ્બિતૈર્મણિમયસ્તમ્ભેષુ સમ્ભાવિતૈઃ ।
ચિત્રૈર્હાટકપુત્રિકાકરધૃતૈઃગવ્યૈર્ઘૃતૈર્વર્ધિતૈર્દિવ્યૈર્દીપગણૈર્ધિયા ગિરિસુતે સન્તુષ્ટયે કલ્પતામ્ ॥ ૧૦॥
ચિત્રૈર્હાટકપુત્રિકાકરધૃતૈઃગવ્યૈર્ઘૃતૈર્વર્ધિતૈર્દિવ્યૈર્દીપગણૈર્ધિયા ગિરિસુતે સન્તુષ્ટયે કલ્પતામ્ ॥ ૧૦॥
હ્રીઙ્કારેશ્વરિ તપ્તહાટકકૃતૈઃ સ્થાલીસહસ્રૈર્ભૃતં દિવ્યાન્નં ઘૃતસૂપશાકભરિતં ચિત્રાન્નભેદં તથા ।
દુગ્ધાન્નં મધુશર્કરાદધિયુતં માણિક્યપાત્રે સ્થિતં માષાપૂપસહસ્રમમ્બ સફલં નૈવેદ્યમાવેદયે ॥ ૧૧॥
દુગ્ધાન્નં મધુશર્કરાદધિયુતં માણિક્યપાત્રે સ્થિતં માષાપૂપસહસ્રમમ્બ સફલં નૈવેદ્યમાવેદયે ॥ ૧૧॥
સચ્છાયૈર્વરકેતકીદલરુચા તામ્બૂલવલ્લીદલૈઃ પૂગૈર્ભૂરિગુણૈઃ સુગન્ધિમધુરૈઃ કર્પૂરખણ્ડોજ્જ્વલૈઃ ।
મુક્તાચૂર્ણવિરાજિતૈર્બહુવિધૈર્વક્ત્રામ્બુજામોદનૈઃ પૂર્ણા રત્નકલાચિકા તવ મુદે ન્યસ્તા પુરસ્તાદુમે ॥ ૧૨॥
મુક્તાચૂર્ણવિરાજિતૈર્બહુવિધૈર્વક્ત્રામ્બુજામોદનૈઃ પૂર્ણા રત્નકલાચિકા તવ મુદે ન્યસ્તા પુરસ્તાદુમે ॥ ૧૨॥
કન્યાભિઃ કમનીયકાન્તિભિરલઙ્કારામલારાર્તિકા પાત્રે મૌક્તિકચિત્રપઙ્ક્તિવિલસદ્કર્પૂરદીપાવલિઃ ।
(દીપાલિભિઃ) ઉતત્તત્તાલમૃદઙ્ગગીતસહિતં નૃત્યત્પદામ્ભોરુહં મન્ત્રારાધનપૂર્વકં સુવિહિતં નીરાજનં ગૃહ્યતામ્ ॥ ૧૩॥
(દીપાલિભિઃ) ઉતત્તત્તાલમૃદઙ્ગગીતસહિતં નૃત્યત્પદામ્ભોરુહં મન્ત્રારાધનપૂર્વકં સુવિહિતં નીરાજનં ગૃહ્યતામ્ ॥ ૧૩॥
લક્ષ્મીર્મૌક્તિકલક્ષકલ્પિતસિતચ્છત્રં તુ ધત્તે રસાદ્ઇન્દ્રાણી ચ રતિશ્ચ ચામરવરે ધત્તે સ્વયં ભારતી ।
વીણામેણવિલોચનાઃ સુમનસાં નૃત્યન્તિ તદ્રાગવદ્ભાવૈરાઙ્ગિકસાત્ત્વિકૈઃ સ્ફુટરસં માતસ્તદાકર્ણ્યતામ્ ॥ ૧૪॥
વીણામેણવિલોચનાઃ સુમનસાં નૃત્યન્તિ તદ્રાગવદ્ભાવૈરાઙ્ગિકસાત્ત્વિકૈઃ સ્ફુટરસં માતસ્તદાકર્ણ્યતામ્ ॥ ૧૪॥
હ્રીઙ્કારત્રયસમ્પુટેન મનુનોપાસ્યે ત્રયીમૌલિભિર્વાક્યૈર્લક્ષ્યતનો તવ સ્તુતિવિધૌ કો વા ક્ષમેતામ્બિકે ।
સલ્લાપાઃ સ્તુતયઃ પ્રદક્ષિણશતં સઞ્ચાર એવાસ્તુ તે સંવેશો નમસઃ સહસ્રમખિલં ત્વત્પ્રીતયે કલ્પતામ્ ॥ ૧૫॥
સલ્લાપાઃ સ્તુતયઃ પ્રદક્ષિણશતં સઞ્ચાર એવાસ્તુ તે સંવેશો નમસઃ સહસ્રમખિલં ત્વત્પ્રીતયે કલ્પતામ્ ॥ ૧૫॥
શ્રીમન્ત્રાક્ષરમાલયા ગિરિસુતાં યઃ પૂજયેચ્ચેતસા સન્ધ્યાસુ પ્રતિવાસરં સુનિયતસ્તસ્યામલં સ્યાન્મનઃ ।
ચિત્તામ્ભોરુહમણ્ડપે ગિરિસુતા નૃત્તં વિધત્તેરસાદ્વાણી વક્ત્રસરોરુહે જલધિજા ગેહે જગન્મઙ્ગલા ॥ ૧૬॥
ચિત્તામ્ભોરુહમણ્ડપે ગિરિસુતા નૃત્તં વિધત્તેરસાદ્વાણી વક્ત્રસરોરુહે જલધિજા ગેહે જગન્મઙ્ગલા ॥ ૧૬॥
ઇતિ ગિરિવરપુત્રીપાદરાજીવભૂષા ભુવનમમલયન્તી સૂક્તિસૌરભ્યસારૈઃ ।
શિવપદમકરન્દસ્યન્દિનીયં નિબદ્ધા મદયતુ કવિભૃઙ્ગાન્માતૃકાપુષ્પમાલા ॥ ૧૭॥
શિવપદમકરન્દસ્યન્દિનીયં નિબદ્ધા મદયતુ કવિભૃઙ્ગાન્માતૃકાપુષ્પમાલા ॥ ૧૭॥
ઇતિ શ્રીમચ્છઙ્કરભગવત્પાદવિરચિતઃ મન્ત્રમાતૃકાપુષ્પમાલાસ્તવઃ સમ્પૂર્ણઃ ॥