ପାର୍ଵତୀମାନସସ୍ତୋତ୍ରଂ ଚ ଶ୍ରୀଗଣେଶାଯ ନମଃ ।
କଲ୍ଲୋଲୋଲ୍ଲସିତାମୃତାବ୍ଧିଲହରୀମଧ୍ଯେ ଵିରାଜନ୍ମଣିଦ୍ଵୀପେ କଲ୍ପକଵାଟିକାପରିଵୃତେ କାଦମ୍ବଵାଟ୍ଯୁଜ୍ଜ୍ଵଲେ ।
ରତ୍ନସ୍ତମ୍ଭସହସ୍ରନିର୍ମିତସଭାମଧ୍ଯେ ଵିମାନୋତ୍ତମେ ଚିନ୍ତାରତ୍ନଵିନିର୍ମିତଂ ଜନନି ତେ ସିହ୍ମାସନଂ ଭାଵଯେ ॥ ୧॥
କଲ୍ଲୋଲୋଲ୍ଲସିତାମୃତାବ୍ଧିଲହରୀମଧ୍ଯେ ଵିରାଜନ୍ମଣିଦ୍ଵୀପେ କଲ୍ପକଵାଟିକାପରିଵୃତେ କାଦମ୍ବଵାଟ୍ଯୁଜ୍ଜ୍ଵଲେ ।
ରତ୍ନସ୍ତମ୍ଭସହସ୍ରନିର୍ମିତସଭାମଧ୍ଯେ ଵିମାନୋତ୍ତମେ ଚିନ୍ତାରତ୍ନଵିନିର୍ମିତଂ ଜନନି ତେ ସିହ୍ମାସନଂ ଭାଵଯେ ॥ ୧॥
ଏଣାଙ୍କାନଲଭାନୁମଣ୍ଡଲଲସଚ୍ଛ୍ରୀଚକ୍ରମଧ୍ଯେ ସ୍ଥିତାଂ ବାଲାର୍କଦ୍ଯୁତିଭାସୁରାଂ କରତଲୈଃ ପାଶାଙ୍କୁଶୌ ବିଭ୍ରତୀମ୍ ।
ଚାପଂ ବାଣମପି ପ୍ରସନ୍ନଵଦନାଂ କୌସୁମ୍ଭଵସ୍ତ୍ରାନ୍ଵିତାଂ ତାଂ ତ୍ଵାଂ ଚନ୍ଦ୍ରକଲାଵତମ୍ସମକୁଟାଂ ଚାରୁସ୍ମିତାଂ ଭାଵଯେ ॥ ୨॥
ଚାପଂ ବାଣମପି ପ୍ରସନ୍ନଵଦନାଂ କୌସୁମ୍ଭଵସ୍ତ୍ରାନ୍ଵିତାଂ ତାଂ ତ୍ଵାଂ ଚନ୍ଦ୍ରକଲାଵତମ୍ସମକୁଟାଂ ଚାରୁସ୍ମିତାଂ ଭାଵଯେ ॥ ୨॥
ଈଶନାଦିପଦଂ ଶିଵୈକଫଲଦଂ ରତ୍ନାସନଂ ତେ ଶୁଭଂ (ଫଲକଂ) ପାଦ୍ଯଂ କୁଙ୍କୁମଚନ୍ଦନାଦିଭରିତୈରର୍ଘ୍ଯଂ ସରତ୍ନାକ୍ଷତୈଃ ।
ଶୁଦ୍ଧୈରାଚମନୀଯକଂ ତଵ ଜଲୈର୍ଭକ୍ତ୍ଯା ମଯା କଲ୍ପିତଂ କାରୁଣ୍ଯାମୃତଵାରିଧେ ତଦଖିଲଂ ସନ୍ତୁଷ୍ଟଯେ କଲ୍ପତାମ୍ ॥ ୩॥
ଶୁଦ୍ଧୈରାଚମନୀଯକଂ ତଵ ଜଲୈର୍ଭକ୍ତ୍ଯା ମଯା କଲ୍ପିତଂ କାରୁଣ୍ଯାମୃତଵାରିଧେ ତଦଖିଲଂ ସନ୍ତୁଷ୍ଟଯେ କଲ୍ପତାମ୍ ॥ ୩॥
ଲକ୍ଷ୍ଯେ ଯୋଗିଜନସ୍ଯ ରକ୍ଷିତଜଗଜ୍ଜାଲେ ଵିଶାଲେକ୍ଷଣେ ପ୍ରାଲେଯାମ୍ବୁପଟୀରକୁଙ୍କୁମଲସତ୍କର୍ପୂରମିଶ୍ରୋଦକୈଃ ।
ଗୋକ୍ଷୀରୈରପି ନାରିକେଲସଲିଲୈଃ ଶୁଦ୍ଧୋଦକୈର୍ମନ୍ତ୍ରିତୈଃ ସ୍ନାନଂ ଦେଵି ଧିଯା ମଯୈତଦଖିଲଂ ସନ୍ତୁଷ୍ଟଯେ କଲ୍ପତାମ୍ ॥ ୪॥
ଗୋକ୍ଷୀରୈରପି ନାରିକେଲସଲିଲୈଃ ଶୁଦ୍ଧୋଦକୈର୍ମନ୍ତ୍ରିତୈଃ ସ୍ନାନଂ ଦେଵି ଧିଯା ମଯୈତଦଖିଲଂ ସନ୍ତୁଷ୍ଟଯେ କଲ୍ପତାମ୍ ॥ ୪॥
ହ୍ରୀଙ୍କାରାଙ୍କିତମନ୍ତ୍ରଲକ୍ଷିତତନୋ ହେମାଚଲାତ୍ସଞ୍ଚିତୈଃ ରତ୍ନୈରୁଜ୍ଜ୍ଵଲମୁତ୍ତରୀଯସହିତଂ କୌସୁମ୍ଭଵର୍ଣାଂଶୁକମ୍ ।
ମୁକ୍ତାସନ୍ତତିଯଜ୍ଞସୂତ୍ରମମଲଂ ସୌଵର୍ଣତନ୍ତୂତ୍ଭଵଂ ଦତ୍ତଂ ଦେଵି ଧିଯା ମଯୈତଦଖିଲଂ ସନ୍ତୁଷ୍ଟଯେ କଲ୍ପତାମ୍ ॥ ୫॥
ମୁକ୍ତାସନ୍ତତିଯଜ୍ଞସୂତ୍ରମମଲଂ ସୌଵର୍ଣତନ୍ତୂତ୍ଭଵଂ ଦତ୍ତଂ ଦେଵି ଧିଯା ମଯୈତଦଖିଲଂ ସନ୍ତୁଷ୍ଟଯେ କଲ୍ପତାମ୍ ॥ ୫॥
ହମ୍ସୈରପ୍ଯତିଲୋଭନୀଯଗମନେ ହାରାଵଲୀମୁଜ୍ଜ୍ଵଲାଂ ହିନ୍ଦୋଲଦ୍ଯୁତିହୀରପୂରିତତରେ ହେମାଙ୍ଗଦେକଙ୍କଣେ ।
ମଞ୍ଜୀରୌ ମଣିକୁଣ୍ଡଲେ ମକୁଟମପ୍ଯର୍ଧେନ୍ଦୁଚୂଡାମଣିଂ ନାସାମୌକ୍ତିକମଙ୍ଗୁଲୀଯକଟକୌ କାଞ୍ଚୀମପି ସ୍ଵୀକୁରୁ ॥ ୬॥
ମଞ୍ଜୀରୌ ମଣିକୁଣ୍ଡଲେ ମକୁଟମପ୍ଯର୍ଧେନ୍ଦୁଚୂଡାମଣିଂ ନାସାମୌକ୍ତିକମଙ୍ଗୁଲୀଯକଟକୌ କାଞ୍ଚୀମପି ସ୍ଵୀକୁରୁ ॥ ୬॥
ସର୍ଵାଙ୍ଗେ ଘନସାରକୁଙ୍କୁମଘନଶ୍ରୀଗନ୍ଧପଙ୍କାଙ୍କିତଂ କସ୍ତୂରୀତିଲକଞ୍ଚ ଫାଲଫଲକେ ଗୋରୋଚନାପତ୍ରକମ୍ ।
ଗଣ୍ଡାଦର୍ଶନମଣ୍ଡଲେ ନଯନଯୋର୍ଦିଵ୍ଯାଞ୍ଜନଂ ତେଽଞ୍ଚିତଂ କଣ୍ଠାବ୍ଜେ ମୃଗନାଭିପଙ୍କମମଲଂ ତ୍ଵତ୍ପ୍ରୀତଯେ କଲ୍ପତାମ୍ ॥ ୭॥
ଗଣ୍ଡାଦର୍ଶନମଣ୍ଡଲେ ନଯନଯୋର୍ଦିଵ୍ଯାଞ୍ଜନଂ ତେଽଞ୍ଚିତଂ କଣ୍ଠାବ୍ଜେ ମୃଗନାଭିପଙ୍କମମଲଂ ତ୍ଵତ୍ପ୍ରୀତଯେ କଲ୍ପତାମ୍ ॥ ୭॥
କଲ୍ହାରୋତ୍ପଲମଲ୍ଲିକାମରୁଵକୈଃ ସୌଵର୍ଣପଙ୍କେରୁହୈର୍ଜାତୀଚମ୍ପକମାଲତୀଵକୁଲକୈର୍ମନ୍ଦାରକୁନ୍ଦାଦିଭିଃ ।
କେତକ୍ଯା କରଵୀରକୈର୍ବହୁଵିଧୈଃ କୢପ୍ତାଃ ସ୍ରଜୋ ମାଲିକାଃ ସଙ୍କଲ୍ପେନ ସମର୍ପଯାମି ଵରଦେ ସନ୍ତୁଷ୍ଟଯେ ଗୃହ୍ଯତାମ୍ ॥ ୮॥
କେତକ୍ଯା କରଵୀରକୈର୍ବହୁଵିଧୈଃ କୢପ୍ତାଃ ସ୍ରଜୋ ମାଲିକାଃ ସଙ୍କଲ୍ପେନ ସମର୍ପଯାମି ଵରଦେ ସନ୍ତୁଷ୍ଟଯେ ଗୃହ୍ଯତାମ୍ ॥ ୮॥
ହନ୍ତାରଂ ମଦନସ୍ଯ ନନ୍ଦଯସି ଯୈରଙ୍ଗୈରନଙ୍ଗୋଜ୍ଜ୍ଵଲୈର୍ଯୈର୍ଭୃଙ୍ଗାଵଲିନୀଲକୁନ୍ତଲଭରୈର୍ବଧ୍ନାସି ତସ୍ଯାଶଯମ୍ ।
ତାନୀମାନି ତଵାମ୍ବ କୋମଲତରାଣ୍ଯାମୋଦଲୀଲା ଗୃହାଣ୍ଯାମୋଦାଯ ଦଶାଙ୍ଗଗୁଗ୍ଗୁଲୁଘୃତୈର୍ଧୂପୈରହଂ ଧୂପଯେ ॥ ୯॥
ତାନୀମାନି ତଵାମ୍ବ କୋମଲତରାଣ୍ଯାମୋଦଲୀଲା ଗୃହାଣ୍ଯାମୋଦାଯ ଦଶାଙ୍ଗଗୁଗ୍ଗୁଲୁଘୃତୈର୍ଧୂପୈରହଂ ଧୂପଯେ ॥ ୯॥
ଲକ୍ଷ୍ମୀମୁଜ୍ଜ୍ଵଲଯାମି ରତ୍ନନିଵହୋତ୍ଭାସ୍ଵତ୍ତ୍ତରେ ମନ୍ଦିରେ ମାଲାରୂପଵିଲମ୍ବିତୈର୍ମଣିମଯସ୍ତମ୍ଭେଷୁ ସମ୍ଭାଵିତୈଃ ।
ଚିତ୍ରୈର୍ହାଟକପୁତ୍ରିକାକରଧୃତୈଃଗଵ୍ଯୈର୍ଘୃତୈର୍ଵର୍ଧିତୈର୍ଦିଵ୍ଯୈର୍ଦୀପଗଣୈର୍ଧିଯା ଗିରିସୁତେ ସନ୍ତୁଷ୍ଟଯେ କଲ୍ପତାମ୍ ॥ ୧୦॥
ଚିତ୍ରୈର୍ହାଟକପୁତ୍ରିକାକରଧୃତୈଃଗଵ୍ଯୈର୍ଘୃତୈର୍ଵର୍ଧିତୈର୍ଦିଵ୍ଯୈର୍ଦୀପଗଣୈର୍ଧିଯା ଗିରିସୁତେ ସନ୍ତୁଷ୍ଟଯେ କଲ୍ପତାମ୍ ॥ ୧୦॥
ହ୍ରୀଙ୍କାରେଶ୍ଵରି ତପ୍ତହାଟକକୃତୈଃ ସ୍ଥାଲୀସହସ୍ରୈର୍ଭୃତଂ ଦିଵ୍ଯାନ୍ନଂ ଘୃତସୂପଶାକଭରିତଂ ଚିତ୍ରାନ୍ନଭେଦଂ ତଥା ।
ଦୁଗ୍ଧାନ୍ନଂ ମଧୁଶର୍କରାଦଧିଯୁତଂ ମାଣିକ୍ଯପାତ୍ରେ ସ୍ଥିତଂ ମାଷାପୂପସହସ୍ରମମ୍ବ ସଫଲଂ ନୈଵେଦ୍ଯମାଵେଦଯେ ॥ ୧୧॥
ଦୁଗ୍ଧାନ୍ନଂ ମଧୁଶର୍କରାଦଧିଯୁତଂ ମାଣିକ୍ଯପାତ୍ରେ ସ୍ଥିତଂ ମାଷାପୂପସହସ୍ରମମ୍ବ ସଫଲଂ ନୈଵେଦ୍ଯମାଵେଦଯେ ॥ ୧୧॥
ସଚ୍ଛାଯୈର୍ଵରକେତକୀଦଲରୁଚା ତାମ୍ବୂଲଵଲ୍ଲୀଦଲୈଃ ପୂଗୈର୍ଭୂରିଗୁଣୈଃ ସୁଗନ୍ଧିମଧୁରୈଃ କର୍ପୂରଖଣ୍ଡୋଜ୍ଜ୍ଵଲୈଃ ।
ମୁକ୍ତାଚୂର୍ଣଵିରାଜିତୈର୍ବହୁଵିଧୈର୍ଵକ୍ତ୍ରାମ୍ବୁଜାମୋଦନୈଃ ପୂର୍ଣା ରତ୍ନକଲାଚିକା ତଵ ମୁଦେ ନ୍ଯସ୍ତା ପୁରସ୍ତାଦୁମେ ॥ ୧୨॥
ମୁକ୍ତାଚୂର୍ଣଵିରାଜିତୈର୍ବହୁଵିଧୈର୍ଵକ୍ତ୍ରାମ୍ବୁଜାମୋଦନୈଃ ପୂର୍ଣା ରତ୍ନକଲାଚିକା ତଵ ମୁଦେ ନ୍ଯସ୍ତା ପୁରସ୍ତାଦୁମେ ॥ ୧୨॥
କନ୍ଯାଭିଃ କମନୀଯକାନ୍ତିଭିରଲଙ୍କାରାମଲାରାର୍ତିକା ପାତ୍ରେ ମୌକ୍ତିକଚିତ୍ରପଙ୍କ୍ତିଵିଲସଦ୍କର୍ପୂରଦୀପାଵଲିଃ ।
(ଦୀପାଲିଭିଃ) ଉତତ୍ତତ୍ତାଲମୃଦଙ୍ଗଗୀତସହିତଂ ନୃତ୍ଯତ୍ପଦାମ୍ଭୋରୁହଂ ମନ୍ତ୍ରାରାଧନପୂର୍ଵକଂ ସୁଵିହିତଂ ନୀରାଜନଂ ଗୃହ୍ଯତାମ୍ ॥ ୧୩॥
(ଦୀପାଲିଭିଃ) ଉତତ୍ତତ୍ତାଲମୃଦଙ୍ଗଗୀତସହିତଂ ନୃତ୍ଯତ୍ପଦାମ୍ଭୋରୁହଂ ମନ୍ତ୍ରାରାଧନପୂର୍ଵକଂ ସୁଵିହିତଂ ନୀରାଜନଂ ଗୃହ୍ଯତାମ୍ ॥ ୧୩॥
ଲକ୍ଷ୍ମୀର୍ମୌକ୍ତିକଲକ୍ଷକଲ୍ପିତସିତଚ୍ଛତ୍ରଂ ତୁ ଧତ୍ତେ ରସାଦ୍ଇନ୍ଦ୍ରାଣୀ ଚ ରତିଶ୍ଚ ଚାମରଵରେ ଧତ୍ତେ ସ୍ଵଯଂ ଭାରତୀ ।
ଵୀଣାମେଣଵିଲୋଚନାଃ ସୁମନସାଂ ନୃତ୍ଯନ୍ତି ତଦ୍ରାଗଵଦ୍ଭାଵୈରାଙ୍ଗିକସାତ୍ତ୍ଵିକୈଃ ସ୍ଫୁଟରସଂ ମାତସ୍ତଦାକର୍ଣ୍ଯତାମ୍ ॥ ୧୪॥
ଵୀଣାମେଣଵିଲୋଚନାଃ ସୁମନସାଂ ନୃତ୍ଯନ୍ତି ତଦ୍ରାଗଵଦ୍ଭାଵୈରାଙ୍ଗିକସାତ୍ତ୍ଵିକୈଃ ସ୍ଫୁଟରସଂ ମାତସ୍ତଦାକର୍ଣ୍ଯତାମ୍ ॥ ୧୪॥
ହ୍ରୀଙ୍କାରତ୍ରଯସମ୍ପୁଟେନ ମନୁନୋପାସ୍ଯେ ତ୍ରଯୀମୌଲିଭିର୍ଵାକ୍ଯୈର୍ଲକ୍ଷ୍ଯତନୋ ତଵ ସ୍ତୁତିଵିଧୌ କୋ ଵା କ୍ଷମେତାମ୍ବିକେ ।
ସଲ୍ଲାପାଃ ସ୍ତୁତଯଃ ପ୍ରଦକ୍ଷିଣଶତଂ ସଞ୍ଚାର ଏଵାସ୍ତୁ ତେ ସଂଵେଶୋ ନମସଃ ସହସ୍ରମଖିଲଂ ତ୍ଵତ୍ପ୍ରୀତଯେ କଲ୍ପତାମ୍ ॥ ୧୫॥
ସଲ୍ଲାପାଃ ସ୍ତୁତଯଃ ପ୍ରଦକ୍ଷିଣଶତଂ ସଞ୍ଚାର ଏଵାସ୍ତୁ ତେ ସଂଵେଶୋ ନମସଃ ସହସ୍ରମଖିଲଂ ତ୍ଵତ୍ପ୍ରୀତଯେ କଲ୍ପତାମ୍ ॥ ୧୫॥
ଶ୍ରୀମନ୍ତ୍ରାକ୍ଷରମାଲଯା ଗିରିସୁତାଂ ଯଃ ପୂଜଯେଚ୍ଚେତସା ସନ୍ଧ୍ଯାସୁ ପ୍ରତିଵାସରଂ ସୁନିଯତସ୍ତସ୍ଯାମଲଂ ସ୍ଯାନ୍ମନଃ ।
ଚିତ୍ତାମ୍ଭୋରୁହମଣ୍ଡପେ ଗିରିସୁତା ନୃତ୍ତଂ ଵିଧତ୍ତେରସାଦ୍ଵାଣୀ ଵକ୍ତ୍ରସରୋରୁହେ ଜଲଧିଜା ଗେହେ ଜଗନ୍ମଙ୍ଗଲା ॥ ୧୬॥
ଚିତ୍ତାମ୍ଭୋରୁହମଣ୍ଡପେ ଗିରିସୁତା ନୃତ୍ତଂ ଵିଧତ୍ତେରସାଦ୍ଵାଣୀ ଵକ୍ତ୍ରସରୋରୁହେ ଜଲଧିଜା ଗେହେ ଜଗନ୍ମଙ୍ଗଲା ॥ ୧୬॥
ଇତି ଗିରିଵରପୁତ୍ରୀପାଦରାଜୀଵଭୂଷା ଭୁଵନମମଲଯନ୍ତୀ ସୂକ୍ତିସୌରଭ୍ଯସାରୈଃ ।
ଶିଵପଦମକରନ୍ଦସ୍ଯନ୍ଦିନୀଯଂ ନିବଦ୍ଧା ମଦଯତୁ କଵିଭୃଙ୍ଗାନ୍ମାତୃକାପୁଷ୍ପମାଲା ॥ ୧୭॥
ଶିଵପଦମକରନ୍ଦସ୍ଯନ୍ଦିନୀଯଂ ନିବଦ୍ଧା ମଦଯତୁ କଵିଭୃଙ୍ଗାନ୍ମାତୃକାପୁଷ୍ପମାଲା ॥ ୧୭॥
ଇତି ଶ୍ରୀମଚ୍ଛଙ୍କରଭଗଵତ୍ପାଦଵିରଚିତଃ ମନ୍ତ୍ରମାତୃକାପୁଷ୍ପମାଲାସ୍ତଵଃ ସମ୍ପୂର୍ଣଃ ॥