ಪಾರ್ವತೀಮಾನಸಸ್ತೋತ್ರಂ ಚ ಶ್ರೀಗಣೇಶಾಯ ನಮಃ ।
ಕಲ್ಲೋಲೋಲ್ಲಸಿತಾಮೃತಾಬ್ಧಿಲಹರೀಮಧ್ಯೇ ವಿರಾಜನ್ಮಣಿದ್ವೀಪೇ ಕಲ್ಪಕವಾಟಿಕಾಪರಿವೃತೇ ಕಾದಮ್ಬವಾಟ್ಯುಜ್ಜ್ವಲೇ ।
ರತ್ನಸ್ತಮ್ಭಸಹಸ್ರನಿರ್ಮಿತಸಭಾಮಧ್ಯೇ ವಿಮಾನೋತ್ತಮೇ ಚಿನ್ತಾರತ್ನವಿನಿರ್ಮಿತಂ ಜನನಿ ತೇ ಸಿಹ್ಮಾಸನಂ ಭಾವಯೇ ॥ ೧॥
ಕಲ್ಲೋಲೋಲ್ಲಸಿತಾಮೃತಾಬ್ಧಿಲಹರೀಮಧ್ಯೇ ವಿರಾಜನ್ಮಣಿದ್ವೀಪೇ ಕಲ್ಪಕವಾಟಿಕಾಪರಿವೃತೇ ಕಾದಮ್ಬವಾಟ್ಯುಜ್ಜ್ವಲೇ ।
ರತ್ನಸ್ತಮ್ಭಸಹಸ್ರನಿರ್ಮಿತಸಭಾಮಧ್ಯೇ ವಿಮಾನೋತ್ತಮೇ ಚಿನ್ತಾರತ್ನವಿನಿರ್ಮಿತಂ ಜನನಿ ತೇ ಸಿಹ್ಮಾಸನಂ ಭಾವಯೇ ॥ ೧॥
ಏಣಾಙ್ಕಾನಲಭಾನುಮಣ್ಡಲಲಸಚ್ಛ್ರೀಚಕ್ರಮಧ್ಯೇ ಸ್ಥಿತಾಂ ಬಾಲಾರ್ಕದ್ಯುತಿಭಾಸುರಾಂ ಕರತಲೈಃ ಪಾಶಾಙ್ಕುಶೌ ಬಿಭ್ರತೀಮ್ ।
ಚಾಪಂ ಬಾಣಮಪಿ ಪ್ರಸನ್ನವದನಾಂ ಕೌಸುಮ್ಭವಸ್ತ್ರಾನ್ವಿತಾಂ ತಾಂ ತ್ವಾಂ ಚನ್ದ್ರಕಲಾವತಮ್ಸಮಕುಟಾಂ ಚಾರುಸ್ಮಿತಾಂ ಭಾವಯೇ ॥ ೨॥
ಚಾಪಂ ಬಾಣಮಪಿ ಪ್ರಸನ್ನವದನಾಂ ಕೌಸುಮ್ಭವಸ್ತ್ರಾನ್ವಿತಾಂ ತಾಂ ತ್ವಾಂ ಚನ್ದ್ರಕಲಾವತಮ್ಸಮಕುಟಾಂ ಚಾರುಸ್ಮಿತಾಂ ಭಾವಯೇ ॥ ೨॥
ಈಶನಾದಿಪದಂ ಶಿವೈಕಫಲದಂ ರತ್ನಾಸನಂ ತೇ ಶುಭಂ (ಫಲಕಂ) ಪಾದ್ಯಂ ಕುಙ್ಕುಮಚನ್ದನಾದಿಭರಿತೈರರ್ಘ್ಯಂ ಸರತ್ನಾಕ್ಷತೈಃ ।
ಶುದ್ಧೈರಾಚಮನೀಯಕಂ ತವ ಜಲೈರ್ಭಕ್ತ್ಯಾ ಮಯಾ ಕಲ್ಪಿತಂ ಕಾರುಣ್ಯಾಮೃತವಾರಿಧೇ ತದಖಿಲಂ ಸನ್ತುಷ್ಟಯೇ ಕಲ್ಪತಾಮ್ ॥ ೩॥
ಶುದ್ಧೈರಾಚಮನೀಯಕಂ ತವ ಜಲೈರ್ಭಕ್ತ್ಯಾ ಮಯಾ ಕಲ್ಪಿತಂ ಕಾರುಣ್ಯಾಮೃತವಾರಿಧೇ ತದಖಿಲಂ ಸನ್ತುಷ್ಟಯೇ ಕಲ್ಪತಾಮ್ ॥ ೩॥
ಲಕ್ಷ್ಯೇ ಯೋಗಿಜನಸ್ಯ ರಕ್ಷಿತಜಗಜ್ಜಾಲೇ ವಿಶಾಲೇಕ್ಷಣೇ ಪ್ರಾಲೇಯಾಮ್ಬುಪಟೀರಕುಙ್ಕುಮಲಸತ್ಕರ್ಪೂರಮಿಶ್ರೋದಕೈಃ ।
ಗೋಕ್ಷೀರೈರಪಿ ನಾರಿಕೇಲಸಲಿಲೈಃ ಶುದ್ಧೋದಕೈರ್ಮನ್ತ್ರಿತೈಃ ಸ್ನಾನಂ ದೇವಿ ಧಿಯಾ ಮಯೈತದಖಿಲಂ ಸನ್ತುಷ್ಟಯೇ ಕಲ್ಪತಾಮ್ ॥ ೪॥
ಗೋಕ್ಷೀರೈರಪಿ ನಾರಿಕೇಲಸಲಿಲೈಃ ಶುದ್ಧೋದಕೈರ್ಮನ್ತ್ರಿತೈಃ ಸ್ನಾನಂ ದೇವಿ ಧಿಯಾ ಮಯೈತದಖಿಲಂ ಸನ್ತುಷ್ಟಯೇ ಕಲ್ಪತಾಮ್ ॥ ೪॥
ಹ್ರೀಙ್ಕಾರಾಙ್ಕಿತಮನ್ತ್ರಲಕ್ಷಿತತನೋ ಹೇಮಾಚಲಾತ್ಸಞ್ಚಿತೈಃ ರತ್ನೈರುಜ್ಜ್ವಲಮುತ್ತರೀಯಸಹಿತಂ ಕೌಸುಮ್ಭವರ್ಣಾಂಶುಕಮ್ ।
ಮುಕ್ತಾಸನ್ತತಿಯಜ್ಞಸೂತ್ರಮಮಲಂ ಸೌವರ್ಣತನ್ತೂತ್ಭವಂ ದತ್ತಂ ದೇವಿ ಧಿಯಾ ಮಯೈತದಖಿಲಂ ಸನ್ತುಷ್ಟಯೇ ಕಲ್ಪತಾಮ್ ॥ ೫॥
ಮುಕ್ತಾಸನ್ತತಿಯಜ್ಞಸೂತ್ರಮಮಲಂ ಸೌವರ್ಣತನ್ತೂತ್ಭವಂ ದತ್ತಂ ದೇವಿ ಧಿಯಾ ಮಯೈತದಖಿಲಂ ಸನ್ತುಷ್ಟಯೇ ಕಲ್ಪತಾಮ್ ॥ ೫॥
ಹಮ್ಸೈರಪ್ಯತಿಲೋಭನೀಯಗಮನೇ ಹಾರಾವಲೀಮುಜ್ಜ್ವಲಾಂ ಹಿನ್ದೋಲದ್ಯುತಿಹೀರಪೂರಿತತರೇ ಹೇಮಾಙ್ಗದೇಕಙ್ಕಣೇ ।
ಮಞ್ಜೀರೌ ಮಣಿಕುಣ್ಡಲೇ ಮಕುಟಮಪ್ಯರ್ಧೇನ್ದುಚೂಡಾಮಣಿಂ ನಾಸಾಮೌಕ್ತಿಕಮಙ್ಗುಲೀಯಕಟಕೌ ಕಾಞ್ಚೀಮಪಿ ಸ್ವೀಕುರು ॥ ೬॥
ಮಞ್ಜೀರೌ ಮಣಿಕುಣ್ಡಲೇ ಮಕುಟಮಪ್ಯರ್ಧೇನ್ದುಚೂಡಾಮಣಿಂ ನಾಸಾಮೌಕ್ತಿಕಮಙ್ಗುಲೀಯಕಟಕೌ ಕಾಞ್ಚೀಮಪಿ ಸ್ವೀಕುರು ॥ ೬॥
ಸರ್ವಾಙ್ಗೇ ಘನಸಾರಕುಙ್ಕುಮಘನಶ್ರೀಗನ್ಧಪಙ್ಕಾಙ್ಕಿತಂ ಕಸ್ತೂರೀತಿಲಕಞ್ಚ ಫಾಲಫಲಕೇ ಗೋರೋಚನಾಪತ್ರಕಮ್ ।
ಗಣ್ಡಾದರ್ಶನಮಣ್ಡಲೇ ನಯನಯೋರ್ದಿವ್ಯಾಞ್ಜನಂ ತೇಽಞ್ಚಿತಂ ಕಣ್ಠಾಬ್ಜೇ ಮೃಗನಾಭಿಪಙ್ಕಮಮಲಂ ತ್ವತ್ಪ್ರೀತಯೇ ಕಲ್ಪತಾಮ್ ॥ ೭॥
ಗಣ್ಡಾದರ್ಶನಮಣ್ಡಲೇ ನಯನಯೋರ್ದಿವ್ಯಾಞ್ಜನಂ ತೇಽಞ್ಚಿತಂ ಕಣ್ಠಾಬ್ಜೇ ಮೃಗನಾಭಿಪಙ್ಕಮಮಲಂ ತ್ವತ್ಪ್ರೀತಯೇ ಕಲ್ಪತಾಮ್ ॥ ೭॥
ಕಲ್ಹಾರೋತ್ಪಲಮಲ್ಲಿಕಾಮರುವಕೈಃ ಸೌವರ್ಣಪಙ್ಕೇರುಹೈರ್ಜಾತೀಚಮ್ಪಕಮಾಲತೀವಕುಲಕೈರ್ಮನ್ದಾರಕುನ್ದಾದಿಭಿಃ ।
ಕೇತಕ್ಯಾ ಕರವೀರಕೈರ್ಬಹುವಿಧೈಃ ಕೢಪ್ತಾಃ ಸ್ರಜೋ ಮಾಲಿಕಾಃ ಸಙ್ಕಲ್ಪೇನ ಸಮರ್ಪಯಾಮಿ ವರದೇ ಸನ್ತುಷ್ಟಯೇ ಗೃಹ್ಯತಾಮ್ ॥ ೮॥
ಕೇತಕ್ಯಾ ಕರವೀರಕೈರ್ಬಹುವಿಧೈಃ ಕೢಪ್ತಾಃ ಸ್ರಜೋ ಮಾಲಿಕಾಃ ಸಙ್ಕಲ್ಪೇನ ಸಮರ್ಪಯಾಮಿ ವರದೇ ಸನ್ತುಷ್ಟಯೇ ಗೃಹ್ಯತಾಮ್ ॥ ೮॥
ಹನ್ತಾರಂ ಮದನಸ್ಯ ನನ್ದಯಸಿ ಯೈರಙ್ಗೈರನಙ್ಗೋಜ್ಜ್ವಲೈರ್ಯೈರ್ಭೃಙ್ಗಾವಲಿನೀಲಕುನ್ತಲಭರೈರ್ಬಧ್ನಾಸಿ ತಸ್ಯಾಶಯಮ್ ।
ತಾನೀಮಾನಿ ತವಾಮ್ಬ ಕೋಮಲತರಾಣ್ಯಾಮೋದಲೀಲಾ ಗೃಹಾಣ್ಯಾಮೋದಾಯ ದಶಾಙ್ಗಗುಗ್ಗುಲುಘೃತೈರ್ಧೂಪೈರಹಂ ಧೂಪಯೇ ॥ ೯॥
ತಾನೀಮಾನಿ ತವಾಮ್ಬ ಕೋಮಲತರಾಣ್ಯಾಮೋದಲೀಲಾ ಗೃಹಾಣ್ಯಾಮೋದಾಯ ದಶಾಙ್ಗಗುಗ್ಗುಲುಘೃತೈರ್ಧೂಪೈರಹಂ ಧೂಪಯೇ ॥ ೯॥
ಲಕ್ಷ್ಮೀಮುಜ್ಜ್ವಲಯಾಮಿ ರತ್ನನಿವಹೋತ್ಭಾಸ್ವತ್ತ್ತರೇ ಮನ್ದಿರೇ ಮಾಲಾರೂಪವಿಲಮ್ಬಿತೈರ್ಮಣಿಮಯಸ್ತಮ್ಭೇಷು ಸಮ್ಭಾವಿತೈಃ ।
ಚಿತ್ರೈರ್ಹಾಟಕಪುತ್ರಿಕಾಕರಧೃತೈಃಗವ್ಯೈರ್ಘೃತೈರ್ವರ್ಧಿತೈರ್ದಿವ್ಯೈರ್ದೀಪಗಣೈರ್ಧಿಯಾ ಗಿರಿಸುತೇ ಸನ್ತುಷ್ಟಯೇ ಕಲ್ಪತಾಮ್ ॥ ೧೦॥
ಚಿತ್ರೈರ್ಹಾಟಕಪುತ್ರಿಕಾಕರಧೃತೈಃಗವ್ಯೈರ್ಘೃತೈರ್ವರ್ಧಿತೈರ್ದಿವ್ಯೈರ್ದೀಪಗಣೈರ್ಧಿಯಾ ಗಿರಿಸುತೇ ಸನ್ತುಷ್ಟಯೇ ಕಲ್ಪತಾಮ್ ॥ ೧೦॥
ಹ್ರೀಙ್ಕಾರೇಶ್ವರಿ ತಪ್ತಹಾಟಕಕೃತೈಃ ಸ್ಥಾಲೀಸಹಸ್ರೈರ್ಭೃತಂ ದಿವ್ಯಾನ್ನಂ ಘೃತಸೂಪಶಾಕಭರಿತಂ ಚಿತ್ರಾನ್ನಭೇದಂ ತಥಾ ।
ದುಗ್ಧಾನ್ನಂ ಮಧುಶರ್ಕರಾದಧಿಯುತಂ ಮಾಣಿಕ್ಯಪಾತ್ರೇ ಸ್ಥಿತಂ ಮಾಷಾಪೂಪಸಹಸ್ರಮಮ್ಬ ಸಫಲಂ ನೈವೇದ್ಯಮಾವೇದಯೇ ॥ ೧೧॥
ದುಗ್ಧಾನ್ನಂ ಮಧುಶರ್ಕರಾದಧಿಯುತಂ ಮಾಣಿಕ್ಯಪಾತ್ರೇ ಸ್ಥಿತಂ ಮಾಷಾಪೂಪಸಹಸ್ರಮಮ್ಬ ಸಫಲಂ ನೈವೇದ್ಯಮಾವೇದಯೇ ॥ ೧೧॥
ಸಚ್ಛಾಯೈರ್ವರಕೇತಕೀದಲರುಚಾ ತಾಮ್ಬೂಲವಲ್ಲೀದಲೈಃ ಪೂಗೈರ್ಭೂರಿಗುಣೈಃ ಸುಗನ್ಧಿಮಧುರೈಃ ಕರ್ಪೂರಖಣ್ಡೋಜ್ಜ್ವಲೈಃ ।
ಮುಕ್ತಾಚೂರ್ಣವಿರಾಜಿತೈರ್ಬಹುವಿಧೈರ್ವಕ್ತ್ರಾಮ್ಬುಜಾಮೋದನೈಃ ಪೂರ್ಣಾ ರತ್ನಕಲಾಚಿಕಾ ತವ ಮುದೇ ನ್ಯಸ್ತಾ ಪುರಸ್ತಾದುಮೇ ॥ ೧೨॥
ಮುಕ್ತಾಚೂರ್ಣವಿರಾಜಿತೈರ್ಬಹುವಿಧೈರ್ವಕ್ತ್ರಾಮ್ಬುಜಾಮೋದನೈಃ ಪೂರ್ಣಾ ರತ್ನಕಲಾಚಿಕಾ ತವ ಮುದೇ ನ್ಯಸ್ತಾ ಪುರಸ್ತಾದುಮೇ ॥ ೧೨॥
ಕನ್ಯಾಭಿಃ ಕಮನೀಯಕಾನ್ತಿಭಿರಲಙ್ಕಾರಾಮಲಾರಾರ್ತಿಕಾ ಪಾತ್ರೇ ಮೌಕ್ತಿಕಚಿತ್ರಪಙ್ಕ್ತಿವಿಲಸದ್ಕರ್ಪೂರದೀಪಾವಲಿಃ ।
(ದೀಪಾಲಿಭಿಃ) ಉತತ್ತತ್ತಾಲಮೃದಙ್ಗಗೀತಸಹಿತಂ ನೃತ್ಯತ್ಪದಾಮ್ಭೋರುಹಂ ಮನ್ತ್ರಾರಾಧನಪೂರ್ವಕಂ ಸುವಿಹಿತಂ ನೀರಾಜನಂ ಗೃಹ್ಯತಾಮ್ ॥ ೧೩॥
(ದೀಪಾಲಿಭಿಃ) ಉತತ್ತತ್ತಾಲಮೃದಙ್ಗಗೀತಸಹಿತಂ ನೃತ್ಯತ್ಪದಾಮ್ಭೋರುಹಂ ಮನ್ತ್ರಾರಾಧನಪೂರ್ವಕಂ ಸುವಿಹಿತಂ ನೀರಾಜನಂ ಗೃಹ್ಯತಾಮ್ ॥ ೧೩॥
ಲಕ್ಷ್ಮೀರ್ಮೌಕ್ತಿಕಲಕ್ಷಕಲ್ಪಿತಸಿತಚ್ಛತ್ರಂ ತು ಧತ್ತೇ ರಸಾದ್ಇನ್ದ್ರಾಣೀ ಚ ರತಿಶ್ಚ ಚಾಮರವರೇ ಧತ್ತೇ ಸ್ವಯಂ ಭಾರತೀ ।
ವೀಣಾಮೇಣವಿಲೋಚನಾಃ ಸುಮನಸಾಂ ನೃತ್ಯನ್ತಿ ತದ್ರಾಗವದ್ಭಾವೈರಾಙ್ಗಿಕಸಾತ್ತ್ವಿಕೈಃ ಸ್ಫುಟರಸಂ ಮಾತಸ್ತದಾಕರ್ಣ್ಯತಾಮ್ ॥ ೧೪॥
ವೀಣಾಮೇಣವಿಲೋಚನಾಃ ಸುಮನಸಾಂ ನೃತ್ಯನ್ತಿ ತದ್ರಾಗವದ್ಭಾವೈರಾಙ್ಗಿಕಸಾತ್ತ್ವಿಕೈಃ ಸ್ಫುಟರಸಂ ಮಾತಸ್ತದಾಕರ್ಣ್ಯತಾಮ್ ॥ ೧೪॥
ಹ್ರೀಙ್ಕಾರತ್ರಯಸಮ್ಪುಟೇನ ಮನುನೋಪಾಸ್ಯೇ ತ್ರಯೀಮೌಲಿಭಿರ್ವಾಕ್ಯೈರ್ಲಕ್ಷ್ಯತನೋ ತವ ಸ್ತುತಿವಿಧೌ ಕೋ ವಾ ಕ್ಷಮೇತಾಮ್ಬಿಕೇ ।
ಸಲ್ಲಾಪಾಃ ಸ್ತುತಯಃ ಪ್ರದಕ್ಷಿಣಶತಂ ಸಞ್ಚಾರ ಏವಾಸ್ತು ತೇ ಸಂವೇಶೋ ನಮಸಃ ಸಹಸ್ರಮಖಿಲಂ ತ್ವತ್ಪ್ರೀತಯೇ ಕಲ್ಪತಾಮ್ ॥ ೧೫॥
ಸಲ್ಲಾಪಾಃ ಸ್ತುತಯಃ ಪ್ರದಕ್ಷಿಣಶತಂ ಸಞ್ಚಾರ ಏವಾಸ್ತು ತೇ ಸಂವೇಶೋ ನಮಸಃ ಸಹಸ್ರಮಖಿಲಂ ತ್ವತ್ಪ್ರೀತಯೇ ಕಲ್ಪತಾಮ್ ॥ ೧೫॥
ಶ್ರೀಮನ್ತ್ರಾಕ್ಷರಮಾಲಯಾ ಗಿರಿಸುತಾಂ ಯಃ ಪೂಜಯೇಚ್ಚೇತಸಾ ಸನ್ಧ್ಯಾಸು ಪ್ರತಿವಾಸರಂ ಸುನಿಯತಸ್ತಸ್ಯಾಮಲಂ ಸ್ಯಾನ್ಮನಃ ।
ಚಿತ್ತಾಮ್ಭೋರುಹಮಣ್ಡಪೇ ಗಿರಿಸುತಾ ನೃತ್ತಂ ವಿಧತ್ತೇರಸಾದ್ವಾಣೀ ವಕ್ತ್ರಸರೋರುಹೇ ಜಲಧಿಜಾ ಗೇಹೇ ಜಗನ್ಮಙ್ಗಲಾ ॥ ೧೬॥
ಚಿತ್ತಾಮ್ಭೋರುಹಮಣ್ಡಪೇ ಗಿರಿಸುತಾ ನೃತ್ತಂ ವಿಧತ್ತೇರಸಾದ್ವಾಣೀ ವಕ್ತ್ರಸರೋರುಹೇ ಜಲಧಿಜಾ ಗೇಹೇ ಜಗನ್ಮಙ್ಗಲಾ ॥ ೧೬॥
ಇತಿ ಗಿರಿವರಪುತ್ರೀಪಾದರಾಜೀವಭೂಷಾ ಭುವನಮಮಲಯನ್ತೀ ಸೂಕ್ತಿಸೌರಭ್ಯಸಾರೈಃ ।
ಶಿವಪದಮಕರನ್ದಸ್ಯನ್ದಿನೀಯಂ ನಿಬದ್ಧಾ ಮದಯತು ಕವಿಭೃಙ್ಗಾನ್ಮಾತೃಕಾಪುಷ್ಪಮಾಲಾ ॥ ೧೭॥
ಶಿವಪದಮಕರನ್ದಸ್ಯನ್ದಿನೀಯಂ ನಿಬದ್ಧಾ ಮದಯತು ಕವಿಭೃಙ್ಗಾನ್ಮಾತೃಕಾಪುಷ್ಪಮಾಲಾ ॥ ೧೭॥
ಇತಿ ಶ್ರೀಮಚ್ಛಙ್ಕರಭಗವತ್ಪಾದವಿರಚಿತಃ ಮನ್ತ್ರಮಾತೃಕಾಪುಷ್ಪಮಾಲಾಸ್ತವಃ ಸಮ್ಪೂರ್ಣಃ ॥