Goddess Lalita Tripurasundari

শ্ৰীললিতাত্ৰিশতীস্তোত্ৰম্

(Sri Lalita Trishati Stotram in Assamese)

From Brahmanda Purana

Also known as lalitatrisatistotram

Language:Sanskrit
Translation:English

The Sri Lalita Trishati is a profound devotional hymn found in the Brahmanda Purana, occurring as a dialogue between Hayagriva and the sage Agastya. It consists of 300 names of the Goddess Lalita Tripurasundari, systematically organized according to the Panchadasi Mantra. Unlike other texts that praise her grandeur, the Trishati focuses on the esoteric and meditative aspects of the Goddess. Traditionally recited by seekers for spiritual evolution and mental tranquility, it is considered one of the three core texts of Sri Vidya. Regular recitation is believed to grant immense devotion, liberation from worldly attachments, and the grace of the Divine Mother.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 165
ললিতা ত্ৰিশতী
ললিতাত্ৰিশতীস্তোত্ৰং
॥ শ্ৰীললিতাত্ৰিশতী পূৰ্ৱপীঠিকা ॥
সকুঙ্কুমৱিলেপনামলিকচুম্বিকস্তূৰিকাং
সমন্দহসিতেক্ষণাং সশৰচাপপাশাঙ্কুশাম্ ।
অশেষজনমোহিনীমৰুণমাল্যভূষাম্বৰাং
জপাকুসুমভাসুৰাং জপৱিধৌ স্মৰেদম্বিকাম্ ॥
অগস্ত্য উৱাচ--

হযগ্ৰীৱ দযাসিন্ধো ভগৱন্শিষ্যৱত্সল ।
ত্ৱত্তঃ শ্ৰুতমশেষেণ শ্ৰোতৱ্যং যদ্যদস্তি তত্ ॥ ১॥
ৰহস্য-নাম-সাহস্ৰমপি ত্ৱত্তঃ শ্ৰুতং মযা ।
ইতঃ পৰং মে নাস্ত্যেৱ শ্ৰোতৱ্যমিতি নিশ্চযঃ ॥ ২॥
তথাপি মম চিত্তস্য পৰ্যাপ্তিৰ্নৈৱ জাযতে ।
কাৰ্ত্স্ন্যাৰ্থঃ প্ৰাপ্য ইত্যেৱ শোচযিষ্যাম্যহং প্ৰভো ॥ ৩॥
কিমিদং কাৰণং ব্ৰূহি জ্ঞাতৱ্যাংশোঽস্তি ৱা পুনঃ ।
অস্তি চেন্মম তদ্ব্ৰূহি ব্ৰূহীত্যুক্তা প্ৰণম্য তম্ ॥ ৪॥
সূত উৱাচ-

সমাললম্বে তত্পাদ যুগল়ং কলশোদ্ভৱঃ ।
হযাননো ভীতভীতঃ কিমিদং কিমিদং ত্ৱিতি ॥ ৫॥
মুঞ্চমুঞ্চেতি তং চোক্ত্ৱা চিন্তাক্ৰান্তো বভূৱ সঃ ।
চিৰং ৱিচাৰ্য নিশ্চিন্ৱন্ ৱক্তৱ্যং ন মযেত্যসৌ ॥ ৬॥
তূষ্ণীং স্থিতঃ স্মৰন্নাজ্ঞাং ললিতাম্বাকৃতাং পুৰা ।
প্ৰণম্য ৱিপ্ৰং স মুনিস্তত্পাদাৱত্যজন্স্থিতঃ ॥ ৭॥
ৱৰ্ষত্ৰযাৱধি তথা গুৰুশিষ্যৌ তথা স্থিতৌ ।
তছৃংণ্ৱন্তশ্চ পশ্যন্তঃ সৰ্ৱে লোকাঃ সুৱিস্মিতাঃ ॥ ৮॥
তত্ৰ শ্ৰীললিতাদেৱী কামেশ্ৱৰসমন্ৱিতা ।
প্ৰাদুৰ্ভূতা হযগ্ৰীৱং ৰহস্যেৱমচোদযত্ ॥ ৯॥
শ্ৰীদেৱী উৱাচ-

অশ্ৱাননাৱযোঃ প্ৰীতিঃ শাস্ত্ৰৱিশ্ৱাসিনি ত্ৱযি ।
ৰাজ্যং দেযং শিৰো দেযং ন দেযা ষোডশাক্ষৰী ॥ ১০॥
স্ৱমাতৃ-জাৰৱত্ গোপ্যা ৱিদ্যৈষেত্যাগমা জগুঃ ।
ততোঽতিগোপনীযা মে সৰ্ৱপূৰ্তিকৰী স্তুতিঃ ॥ ১১॥
মযা কামেশ্ৱৰেণাপি কৃতা সাঙ্গোপিতা ভৃশম্ ।
মদাজ্ঞযা ৱচোদেৱ্যশ্চত্ৰৰৰ্নামসহস্ৰকম্ ॥ ১২॥
আৱাভ্যাং কথিতা মুখ্যা সৰ্ৱপূৰ্তিকৰী স্তুতিঃ ।
সৰ্ৱক্ৰিযাণাং ৱৈকল্যপূৰ্তিৰ্যজ্জপতো ভৱেত্ ॥ ১৩॥
সৰ্ৱপূৰ্তিকৰং তস্মাদিদং নাম কৃতং মযা ।
তদ্ব্ৰূহি ত্ৱমগস্ত্যায পাত্ৰমেৱ ন সংশযঃ ॥ ১৪॥
পত্ন্যস্য লোপামুদ্ৰাখ্যা মামুপাস্তেঽতিভক্তিতঃ ।
অযঞ্চ নিতৰাং ভক্তস্তস্মাদস্য ৱদস্ৱ তত্ ॥ ১৫॥
অমুঞ্চমানস্ত্ৱত্পাদৌ ৱৰ্ষত্ৰযমসৌ স্থিতঃ ।
এতজ্জ্ঞাতুমতো ভক্ত্যা হিতমেৱ নিদৰ্শনম্ ॥ ১৬॥
চিত্তপৰ্যাপ্তিৰেতস্য নান্যথা সম্ভৱিষ্যতি ।
সৰ্ৱপূৰ্তিকৰং তস্মাদনুজ্ঞাতো মযা ৱদ ॥ ১৭॥
সূত উৱাচ-
ইত্যুক্ত্ৱাঽন্তৰধাদম্বা কামেশ্ৱৰসমন্ৱিতা ।
অথোত্থাপ্য হযগ্ৰীৱঃ পাণিভ্যাং কুম্ভসম্ভৱম্ ॥ ১৮॥
সংস্থাপ্য নিকটেৱাচমুৱাচ ভৃশৱিস্মিতঃ ।
হযগ্ৰীৱ উৱাচ--
কৃতাৰ্থোঽসি কৃতাৰ্থোঽসি কৃতাৰ্থোঽসি ঘটোদ্ভৱ ॥ ১৯॥
ত্ৱত্সমো ললিতাভক্তো নাস্তি নাস্তি জগত্ত্ৰযে ।
যেনাগস্ত্য স্ৱযং দেৱী তৱ ৱক্তৱ্যমন্ৱশাত্ ॥ ২০॥
সচ্ছিষ্যেণ ত্ৱযা চাহং দৃষ্টৱানস্মি তাং শিৱাম্ ।
যতন্তে যদ্দৰ্শনায ব্ৰহ্মৱিষ্ণ্ৱীশ-পূৰ্ৱকাঃ ॥ ২১॥
অতঃ পৰং তে ৱক্ষ্যামি সৰ্ৱপূৰ্তিকৰং স্তৱম্ ।
যস্য স্মৰণমাত্ৰেণ পৰ্যাপ্তিস্তে ভৱেদ্ধৃদি ॥ ২২॥
ৰহস্যনাম-সাহ্স্ৰাদপি গুহ্যতমং মুনে ।
আৱশ্যকং ততোঽপ্যেতল্ললিতাং সমুপাসিতুম্ ॥ ২৩॥
তদহং সম্প্ৰৱক্ষ্যামি ললিতাম্বানুশাসনাত্ ।
শ্ৰীমত্পঞ্চদশাক্ষৰ্যাঃ কাদিৱৰ্ণান্ক্ৰমান্ মুনে ॥ ২৪॥
পৃথগ্ৱিংশতি নামানি কথিতানি ঘটোদ্ভৱ ।
আহত্য নাম্নাং ত্ৰিশতী সৰ্ৱসম্পূৰ্তিকাৰিণী ॥ ২৫॥
ৰহস্যাতিৰহস্যৈষা গোপনীযা প্ৰযত্নতঃ ।
তাং শৃণুষ্ৱ মহাভাগ সাৱধানেন চেতসা ॥ ২৬॥
কেৱলং নামবুদ্ধিস্তে ন কাৰ্যা তেষু কুম্ভজ ।
মন্ত্ৰাত্মকত্ৱমেতেষাং নাম্নাং নামাত্মতাপি চ ॥ ২৭॥
তস্মাদেকাগ্ৰ-মনসা শ্ৰোতৱ্যং চ ত্ৱযা সদা ।
সূত উৱাচ-
ইত্যুক্ত্ৱা তং হযগ্ৰীৱঃ প্ৰোচে নামশতত্ৰযম্ ॥ ২৮॥
॥ ইতি শ্ৰীললিতাত্ৰিশতীস্তোত্ৰস্য পূৰ্ৱপীঠিকা সম্পূৰ্ণা ।
॥ ন্যাসঃ ॥
অস্য শ্ৰীললিতাত্ৰিশতী-স্তোত্ৰ-মহামন্ত্ৰস্য ভগৱান্ হযগ্ৰীৱ ঋষিঃ,
অনুষ্টুপ্ছন্দঃ, শ্ৰীললিতামহাত্ৰিপুৰসুন্দৰী দেৱতা,
ঐং বীজম্, সৌঃ শক্তিঃ, ক্লীং কীলকম্,
মম চতুৰ্ৱিধ-ফলপুৰুষাৰ্থে জপে (ৱা) পাৰাযণে ৱিনিযোগঃ ॥
ঐং অঙ্গুষ্ঠাভ্যাং নমঃ ।
ক্লীং তৰ্জনীভ্যাং নমঃ ।
সৌঃ মধ্যমাভ্যাং নমঃ ।
ঐং অনামিকাভ্যাং নমঃ ।
ক্লীং কনিষ্ঠিকাভ্যাং নমঃ ।
সৌঃ কৰতলকৰপৃষ্ঠাভ্যাং নমঃ ॥
ঐং হৃদযায নমঃ ।
ক্লীং শিৰসে স্ৱাহা ।
সৌঃ শিখাযৈ ৱষট্ ।
ঐং কৱচায হুম্ ।
ক্লীং নেত্ৰত্ৰযায ৱৌষট্ ।
সৌঃ অস্ত্ৰায ফট্ ।
ভূৰ্ভুৱস্সুৱৰোমিতি দিগ্বন্ধঃ ॥
॥ ধ্যানম্ ॥

অতিমধুৰ-চাপহস্তামপৰিমিতামোদ-বাণ-সৌভাগ্যাম্ ।
অৰুণামতিশযকৰুণামভিনৱ-কুলসুন্দৰীং ৱন্দে ॥
॥ লং ইত্যাদি পঞ্চপূজা ॥

লং পৃথিৱ্যাত্মিকাযৈ শ্ৰীললিতাম্বিকাযৈ গন্ধং সমৰ্পযামি ।
হং আকাশাত্মিকাযৈ শ্ৰীললিতাম্বিকাযৈ পুষ্পৈঃ পূজযামি ।
যং ৱায্ৱাত্মিকাযৈ শ্ৰীললিতাম্বিকাযৈ ধূপমাঘ্ৰাপযামি ।
ৰং ৱহ্যাত্মিকাযৈ শ্ৰীললিতাম্বিকাযৈ দীপং দৰ্শযামি ।
ৱং অমৃতাত্মিকাযৈ শ্ৰীললিতাম্বিকাযৈ অমৃতং মহানৈৱেদ্যং নিৱেদযামি ।
সং সৰ্ৱাত্মিকাযৈ শ্ৰীললিতাম্বিকাযৈ সৰ্ৱোপচাৰপূজাং সমৰ্পযামি ॥
॥ অথ শ্ৰীললিতাত্ৰিশতী স্তোত্ৰম্ ॥
ককাৰৰূপা কল্যাণী কল্যাণগুণশালিনী ।
কল্যাণশৈলনিলযা কমনীযা কলাৱতী ॥ ১॥
কমলাক্ষী কল্মষঘ্নী কৰুণামৃতসাগৰা ।
কদম্ব-কাননাৱাসা কদম্ব- কুসুমপ্ৰিযা ॥ ২॥
কন্দৰ্পৱিদ্যা কন্দৰ্প-জনকাপাঙ্গৱীক্ষণা ।
কৰ্পূৰৱীটী-সৌৰভ্য-কল্লোলিত-ককুপ্তটা ॥ ৩॥
কলিদোষহৰা কঞ্জলোচনা কম্ৰৱিগ্ৰহা ।
কৰ্মাদিসাক্ষিণী কাৰযিত্ৰী কৰ্মফলপ্ৰদা ॥ ৪॥
একাৰৰূপা চৈকাক্ষৰ্যেকানেকাক্ষৰাকৃতিঃ ।
এতত্তদিত্যনিৰ্দেশ্যা চৈকানন্দচিদাকৃতিঃ ॥ ৫॥
এৱমিত্যাগমাবোধ্যা চৈকভক্তিমদৰ্চিতা ।
একাগ্ৰচিত্ত-নিৰ্ধ্যাতা চৈষণা-ৰহিতাদৃতা ॥ ৬॥
এলাসুগন্ধিচিকুৰা চৈনঃ কূটৱিনাশিনী ।
একভোগা চৈকৰসা চৈকৈশ্ৱৰ্যপ্ৰদাযিনী ॥ ৭॥
একাতপত্ৰ-সাম্ৰাজ্যপ্ৰদা চৈকান্তপূজিতা ।
এধমানপ্ৰভা চৈজদনেকজগদীশ্ৱৰী ॥ ৮॥
একৱীৰাদি-সংসেৱ্যা চৈকপ্ৰাভৱ-শালিনী ।
ঈকাৰৰূপা চেশিত্ৰী চেপ্সিতাৰ্থ-প্ৰদাযিনী ॥ ৯॥
ঈদৃগিত্যৱিনিৰ্দেশ্যা চেশ্ৱৰত্ৱ-ৱিধাযিনী ।
ঈশানাদি-ব্ৰহ্মমযী চেশিত্ৱাদ্যষ্টসিদ্ধিদা ॥ ১০॥
ঈক্ষিত্ৰীক্ষণ-সৃষ্টাণ্ডকোটিৰীশ্ৱৰৱল্লভা ।
ঈডিতা চেশ্ৱৰাৰ্ধাঙ্গশৰীৰেশাধিদেৱতা ॥ ১১॥
ঈশ্ৱৰপ্ৰেৰণকৰী চেশতাণ্ডৱ-সাক্ষিণী ।
ঈশ্ৱৰোত্সঙ্গনিলযা চেতিবাধা-ৱিনাশিনী ॥ ১২॥
ঈহাৱিৰাহিতা চেশশক্তিৰীষত্স্মিতাননা ।
লকাৰৰূপা ললিতা লক্ষ্মীৱাণীনিষেৱিতা ॥ ১৩॥
লাকিনী ললনাৰূপা লসদ্দাডিমপাটলা ।
ললন্তিকা-লসত্ফালা ললাটনযনাৰ্চিতা ॥ ১৪॥
লক্ষণোজ্জ্ৱল-দিৱ্যাঙ্গী লক্ষকোট্যণ্ড-নাযিকা ।
লক্ষ্যাৰ্থা লক্ষণাগম্যা লব্ধকামা লতাতনুঃ ॥ ১৫॥
ললামৰাজদলিকা লম্বিমুক্তালতাঞ্চিতা ।
লম্বোদৰপ্ৰসূৰ্লভ্যা লজ্জাঢ্যা লযৱৰ্জিতা ॥ ১৬॥
হ্ৰীংকাৰৰূপা হ্ৰীংকাৰনিলযা হ্ৰীংপদপ্ৰিযা ।
হ্ৰীংকাৰবীজা হ্ৰীংকাৰমন্ত্ৰা হ্ৰীংকাৰলক্ষণা ॥ ১৭॥
হ্ৰীংকাৰজপসুপ্ৰীতা হ্ৰীংমতী হ্ৰীংৱিভূষণা ।
হ্ৰীংশীলা হ্ৰীংপদাৰাধ্যা হ্ৰীংগৰ্ভা হ্ৰীংপদাভিধা ॥ ১৮॥
হ্ৰীংকাৰৱাচ্যা হ্ৰীংকাৰপূজ্যা হ্ৰীংকাৰপীঠিকা ।
হ্ৰীংকাৰৱেদ্যা হ্ৰীংকাৰচিন্ত্যা হ্ৰীং হ্ৰীংশৰীৰিণী ॥ ১৯॥
হকাৰৰূপা হলধৃত্পূজিতা হৰিণেক্ষণা ।
হৰপ্ৰিযা হৰাৰাধ্যা হৰিব্ৰহ্মেন্দ্ৰৱন্দিতা ॥ ২০॥
হযাৰূঢা-সেৱিতাঙ্ঘ্ৰিৰ্হযমেধ-সমৰ্চিতা ।
হৰ্যক্ষৱাহনা হংসৱাহনা হতদানৱা ॥ ২১॥
হত্যাদিপাপশমনী হৰিদশ্ৱাদিসেৱিতা ।
হস্তিকুম্ভোত্তুঙ্গকুচা হস্তিকৃত্তি-প্ৰিযাঙ্গনা ॥ ২২॥
হৰিদ্ৰাকুঙ্কুমাদিগ্ধা হৰ্যশ্ৱাদ্যমৰাৰ্চিতা ।
হৰিকেশসখী হাদিৱিদ্যা হালামদালসা ॥ ২৩॥ (হালামদোল্লসা)
সকাৰৰূপা সৰ্ৱজ্ঞা সৰ্ৱেশী সৰ্ৱমঙ্গলা ।
সৰ্ৱকৰ্ত্ৰী সৰ্ৱভৰ্ত্ৰী সৰ্ৱহন্ত্ৰী সনাতনা ॥ ২৪॥
সৰ্ৱানৱদ্যা সৰ্ৱাঙ্গসুন্দৰী সৰ্ৱসাক্ষিণী ।
সৰ্ৱাত্মিকা সৰ্ৱসৌখ্যদাত্ৰী সৰ্ৱৱিমোহিনী ॥ ২৫॥
সৰ্ৱাধাৰা সৰ্ৱগতা সৰ্ৱাৱগুণৱৰ্জিতা ।
সৰ্ৱাৰুণা সৰ্ৱমাতা সৰ্ৱভূষণভূষিতা ॥ ২৬॥
ককাৰাৰ্থা কালহন্ত্ৰী কামেশী কামিতাৰ্থদা ।
কামসঞ্জীৱিনী কল্যা কঠিনস্তনমণ্ডলা ॥ ২৭॥
কৰভোৰুঃ কলানাথমুখী কচজিতাম্বুদা ।
কটাক্ষস্যন্দিকৰুণা কপালিপ্ৰাণনাযিকা ॥ ২৮॥
কাৰুণ্যৱিগ্ৰহা কান্তা কান্তিধূত-জপাৱলিঃ ।
কলালাপা কম্বুকণ্ঠী কৰনিৰ্জিত-পল্লৱা ॥ ২৯॥
কল্পৱল্লী-সমভুজা কস্তূৰী-তিলকাঞ্চিতা ।
হকাৰাৰ্থা হংসগতিৰ্হাটকাভৰণোজ্জ্ৱলা ॥ ৩০॥
হাৰহাৰি-কুচাভোগা হাকিনী হল্যৱৰ্জিতা ।
হৰিত্পতি-সমাৰাধ্যা হঠাত্কাৰ-হতাসুৰা ॥ ৩১॥
হৰ্ষপ্ৰদা হৱিৰ্ভোক্ত্ৰী হাৰ্দ-সন্তমসাপহা ।
হল্লীসলাস্যসন্তুষ্টা হংসমন্ত্ৰাৰ্থ-ৰূপিণী ॥ ৩২॥
হানোপাদান-নিৰ্মুক্তা হৰ্ষিণী হৰিসোদৰী ।
হাহাহূহূ-মুখস্তুত্যা হানিৱৃদ্ধি-ৱিৱৰ্জিতা ॥ ৩৩॥
হয্যঙ্গৱীন-হৃদযা হৰিগোপাৰুণাংশুকা ।
লকাৰাখ্যা লতাপূজ্যা লযস্থিত্যুদ্ভৱেশ্ৱৰী ॥ ৩৪॥
লাস্যদৰ্শন-সন্তুষ্টা লাভালাভ-ৱিৱৰ্জিতা ।
লঙ্ঘ্যেতৰাজ্ঞা লাৱণ্য-শালিনী লঘুসিদ্ধিদা ॥ ৩৫॥
লাক্ষাৰস-সৱৰ্ণাভা লক্ষ্মণাগ্ৰজ-পূজিতা ।
লভ্যেতৰা লব্ধভক্তি-সুলভা লাঙ্গলাযুধা ॥ ৩৬॥
লগ্নচামৰ-হস্ত-শ্ৰীশাৰদা-পৰিৱীজিতা ।
লজ্জাপদ-সমাৰাধ্যা লম্পটা লকুলেশ্ৱৰী ॥ ৩৭॥
লব্ধমানা লব্ধৰসা লব্ধসম্পত্সমুন্নতিঃ ।
হ্ৰীংকাৰিণী হ্ৰীংকাৰাদ্যা হ্ৰীংমধ্যা হ্ৰীংশিখামণিঃ ॥ ৩৮॥
হ্ৰীংকাৰ-কুণ্ডাগ্নিশিখা হ্ৰীংকাৰ-শশিচন্দ্ৰিকা ।
হ্ৰীংকাৰ-ভাস্কৰৰুচিৰ্হ্ৰীংকাৰাম্ভোদ-চঞ্চলা ॥ ৩৯॥
হ্ৰীংকাৰকন্দাঙ্কুৰিকা হ্ৰীংকাৰৈক-পৰাযণা ।
হ্ৰীংকাৰ-দীৰ্ঘিকাহংসী হ্ৰীংকাৰোদ্যান-কেকিনী ॥ ৪০॥
হ্ৰীংকাৰাৰণ্য-হৰিণী হ্ৰীংকাৰাৱাল-ৱল্লৰী ।
হ্ৰীংকাৰ-পঞ্জৰশুকী হ্ৰীংকাৰাঙ্গণ-দীপিকা ॥ ৪১॥
হ্ৰীংকাৰ-কন্দৰাসিংহী হ্ৰীংকাৰাম্ভোজ-ভৃঙ্গিকা ।
হ্ৰীংকাৰসুমনো-মাধ্ৱী হ্ৰীংকাৰ-তৰুমঞ্জৰী ॥ ৪২॥
সকাৰাখ্যা সমৰসা সকলাগম-সংস্তুতা ।
সৰ্ৱৱেদান্ত-তাত্পৰ্যভূমিঃ সদসদাশ্ৰযা ॥ ৪৩॥
সকলা সচ্চিদানন্দা সাধ্যা সদ্গতিদাযিনী ।
সনকাদি-মুনিধ্যেযা সদাশিৱ-কুটুম্বিনী ॥ ৪৪॥
সকালাধিষ্ঠানৰূপা সত্যৰূপা সমাকৃতিঃ ।
সৰ্ৱপ্ৰপঞ্চ-নিৰ্মাত্ৰী সমানাধিক-ৱৰ্জিতা ॥ ৪৫॥
সৰ্ৱোত্তুঙ্গা সঙ্গহীনা সগুণা সকলেষ্টদা । (সকলেশ্ৱৰী)
ককাৰিণী কাৱ্যলোলা কামেশ্ৱৰ-মনোহৰা ॥ ৪৬॥
কামেশ্ৱৰ-প্ৰাণনাডী কামেশোত্সঙ্গ-ৱাসিনী ।
কামেশ্ৱৰালিঙ্গিতাঙ্গী কামেশ্ৱৰ-সুখপ্ৰদা ॥ ৪৭॥
কামেশ্ৱৰ-প্ৰণযিনী কামেশ্ৱৰ-ৱিলাসিনী ।
কামেশ্ৱৰ-তপঃসিদ্ধিঃ কামেশ্ৱৰ-মনঃপ্ৰিযা ॥ ৪৮॥
কামেশ্ৱৰ-প্ৰাণনাথা কামেশ্ৱৰ-ৱিমোহিনী ।
কামেশ্ৱৰ-ব্ৰহ্মৱিদ্যা কামেশ্ৱৰ-গৃহেশ্ৱৰী ॥ ৪৯॥
কামেশ্ৱৰাহ্লাদকৰী কামেশ্ৱৰ-মহেশ্ৱৰী ।
কামেশ্ৱৰী কামকোটি-নিলযা কাঙ্ক্ষিতাৰ্থদা ॥ ৫০॥
লকাৰিণী লব্ধৰূপা লব্ধধীৰ্লব্ধৱাঞ্ছিতা ।
লব্ধপাপ-মনোদূৰা লব্ধাহঙ্কাৰ-দুৰ্গমা ॥ ৫১॥
লব্ধশক্তিৰ্লব্ধদেহা লব্ধৈশ্ৱৰ্য-সমুন্নতিঃ ।
লব্ধৱৃদ্ধিৰ্লব্ধলীলা লব্ধযৌৱন-শালিনী ॥ ৫২॥ (লব্ধবুধিঃ)
লব্ধাতিশয-সৰ্ৱাঙ্গ-সৌন্দৰ্যা লব্ধ-ৱিভ্ৰমা ।
লব্ধৰাগা লব্ধপতিৰ্লব্ধনানাগম-স্থিতিঃ ॥ ৫৩॥ (লব্ধগতি)
লব্ধভোগা লব্ধসুখা লব্ধহৰ্ষাভিপূৰিতা । (পূজিতা)
হ্ৰীংকাৰমূৰ্তিৰ্হ্ৰীংকাৰ-সৌধশৃঙ্গ-কপোতিকা ॥ ৫৪॥
হ্ৰীংকাৰ-দুগ্ধাব্ধি-সুধা হ্ৰীংকাৰ-কমলেন্দিৰা ।
হ্ৰীংকাৰ-মণিদীপাৰ্চিৰ্হ্ৰীংকাৰ-তৰুশাৰিকা ॥ ৫৫॥
হ্ৰীংকাৰ-পেটকমণিৰ্হ্ৰীংকাৰদৰ্শ-বিম্বিতা ।
হ্ৰীংকাৰ-কোশাসিলতা হ্ৰীংকাৰাস্থান-নৰ্তকী ॥ ৫৬॥
হ্ৰীংকাৰ-শুক্তিকা-মুক্তামণিৰ্হ্ৰীংকাৰ-বোধিতা ।
হ্ৰীংকাৰময-সৌৱৰ্ণ-স্তম্ভ-ৱিদ্ৰুম-পুত্ৰিকা ॥ ৫৭॥
হ্ৰীংকাৰ-ৱেদোপনিষদ্ হ্ৰীংকাৰাধ্ৱৰ-দক্ষিণা ।
হ্ৰীংকাৰ-নন্দনাৰাম-নৱকল্পক-ৱল্লৰী ॥ ৫৮॥
হ্ৰীংকাৰ-হিমৱদ্গঙ্গা হ্ৰীংকাৰাৰ্ণৱ-কৌস্তুভা ।
হ্ৰীংকাৰ-মন্ত্ৰসৰ্ৱস্ৱা হ্ৰীংকাৰপৰ-সৌখ্যদা ॥ ৫৯॥
॥ ইতি শ্ৰীললিতাত্ৰিশতীস্তোত্ৰং সম্পূৰ্ণম্ ॥
॥ শ্ৰীললিতা ত্ৰিশতী উত্তৰপীঠিকা ॥
শ্ৰীহযগ্ৰীৱ উৱাচ-
ইত্যেৱং তে মযাঽঽখ্যাতং দেৱ্যা নামশতত্ৰযম্ ।
ৰহস্যাতিৰহস্যত্ৱাদ্গোপনীযং ত্ৱযা মুনে ॥ ১॥ (৬০)
শিৱৱৰ্ণানি নামানি শ্ৰীদেৱ্যা কথিতানি হি ।
শক্তযক্ষৰাণি নামানি কামেশ-কথিতানি চ ॥ ২॥
উভযাক্ষৰ-নামানি হ্যুভাভ্যাং কথিতানি ৱৈ ।
তদন্যৈৰ্গ্ৰথিতং স্তোত্ৰমেতস্য সদৃশং কিমু ॥ ৩॥
নানেন সদৃশং স্তোত্ৰং শ্ৰীদেৱী-প্ৰীতিদাযকম্ ।
লোকত্ৰযেঽপি কল্যাণং সম্ভৱেন্নাত্ৰ সংশযঃ ॥ ৪॥
সূত উৱাচ-
ইতি হযমুখগীতং স্তোত্ৰৰাজং নিশম্য
প্ৰগলিত-কলুষোঽভূচ্চিত্ত-পৰ্যাপ্তিমেত্য ।
নিজগুৰুমথ নত্ৱা কুম্ভজন্মা তদুক্তং
পুনৰধিক-ৰহস্যং জ্ঞাতুমেৱং জগাদ ॥ ৫॥
অগস্ত্য উৱাচ--

অশ্ৱানন মহাভাগ ৰহস্যমপি মে ৱদ ।
শিৱৱৰ্ণানি কান্যত্ৰ শক্তিৱৰ্ণানি কানি হি ॥ ৬॥
উভযোৰপি ৱৰ্ণানি কানি ৱা ৱদ দেশিক ।
ইতি পৃষ্টঃ কুম্ভজেন হযগ্ৰীৱোঽৱদত্ পুনঃ ॥ ৭॥
হযগ্ৰীৱ উৱাচ-

তৱ গোপ্যং কিমস্তীহ সাক্ষাদম্বানুশাসনাত্ ।
ইদং ত্ৱতিৰহস্যং তে ৱক্ষ্যামি শৃণু কুম্ভজ ॥ ৮॥
এতদ্ৱিজ্ঞান-মাত্ৰেণ শ্ৰীৱিদ্যা সিদ্ধিদা ভৱেত্ ।
কত্ৰযং হদ্বযং চৈৱ শৈৱো ভাগঃ প্ৰকীৰ্তিতঃ ॥ ৯॥
শক্ত্যক্ষৰাণি শেষাণি হ্ৰীংকাৰ উভযাত্মকঃ ।
এৱং ৱিভাগমজ্ঞাত্ৱা যে ৱিদ্যাজপ-শালিনঃ ॥ ১০॥
ন তেষাং সিদ্ধিদা ৱিদ্যা কল্পকোটি-শতৈৰপি ।
চতুৰ্ভিঃ শিৱচক্ৰৈশ্চ শক্তিচক্ৰৈশ্চ পঞ্চভিঃ ॥ ১১॥
নৱচক্ৰৈশ্চ সংসিদ্ধং শ্ৰীচক্ৰং শিৱযোৰ্ৱপুঃ ।
ত্ৰিকোণমষ্টকোণং চ দশকোণদ্বযং তথা ॥ ১২॥
চতুৰ্দশাৰং চৈতানি শক্তিচক্ৰাণি পঞ্চ চ ।
বিন্দুশ্চাষ্টদলং পদ্মং পদ্মং ষোডশ-পত্ৰকম্ ॥ ১৩॥
চতুৰশ্ৰং চ চত্ৱাৰি শিৱচক্ৰাণ্যনুক্ৰমাত্ ।
ত্ৰিকোণে বৈন্দৱং শ্লিষ্টং অষ্টাৰেঽষ্ট-দলাম্বুজম্ ॥ ১৪॥
দশাৰযোঃ ষোডশাৰং ভূগৃহং ভুৱনাশ্ৰকে ।
শৈৱানামপি শাক্তানাং চক্ৰাণাং চ পৰস্পৰম্ ॥ ১৫॥
অৱিনাভাৱ-সম্বন্ধং যো জানাতি স চক্ৰৱিত্ ।
ত্ৰিকোণৰূপিণী শক্তিৰ্বিন্দুৰূপপৰঃ শিৱঃ ॥ ১৬॥
অৱিনাভাৱ-সম্বন্ধং তস্মাদ্বিন্দু-ত্ৰিকোণযোঃ ।
এৱং ৱিভাগমজ্ঞাত্ৱা শ্ৰীচক্ৰং যঃ সমৰ্চযেত্ ॥ ১৭॥
ন তত্ফলমৱাপ্নোতি ললিতাম্বা ন তুষ্যতি ।
যে চ জানন্তি লোকেঽস্মিন্ শ্ৰীৱিদ্যা-চক্ৰৱেদিনঃ ॥ ১৮॥
সামান্য-ৱেদিনঃ সৰ্ৱে ৱিশেষজ্ঞোঽতিদুৰ্লভঃ ।
স্ৱযং ৱিদ্যা-ৱিশেষজ্ঞো ৱিশেষজ্ঞং সমৰ্চযেত্ ॥ ১৯॥
তস্মৈ দেযং ততো গ্ৰাহ্যমশক্তস্তস্য দাপযেত্ ।
অন্ধং তমঃ প্ৰৱিশন্তি যেঽৱিদ্যাং সমুপাসতে ॥ ২০॥
ইতি শ্ৰুতিৰপাহৈতানৱিদ্যোপাসকান্পুনঃ ।
ৱিদ্যান্যোপাসকানেৱ নিন্দত্যাৰুণিকী শ্ৰুতিঃ ॥ ২১॥
অশ্ৰুতা সশ্ৰুতাসশ্চ যজ্চানো যেঽপ্যযজ্ৱনঃ ।
স্ৱৰ্যন্তো নাপেক্ষন্তে ইন্দ্ৰমগ্নিঞ্চ যে ৱিদুঃ ॥ ২২॥
সিকতা ইৱ সংযন্তি ৰশ্মিভিঃ সমুদীৰিতাঃ ।
অস্মাল্লোকাদমুষ্মাচ্চেত্যাহ চাৰণ্যক-শ্ৰুতিঃ ॥ ২৩॥
যস্য নো পশ্চিমং জন্ম যদি ৱা শঙ্কৰঃ স্ৱযম্ ।
তেনৈৱ লভ্যতে ৱিদ্যা শ্ৰীমত্পঞ্চদশাক্ষৰী ॥ ২৪॥
ইতি মন্ত্ৰেষু বহুধা ৱিদ্যাযা মহিমোচ্যতে ।
মোক্ষৈকহেতুৱিদ্যা তু শ্ৰীৱিদ্যা নাত্ৰ সংশযঃ ॥ ২৫॥
ন শিল্পাদি-জ্ঞানযুক্তে ৱিদ্ৱচ্ছব্দঃ প্ৰযুজ্যতে ।
মোক্ষৈকহেতুৱিদ্যা সা শ্ৰীৱিদ্যৈৱ ন সংশযঃ ॥ ২৬॥
তস্মাদ্ৱিদ্যা-ৱিদেৱাত্ৰ ৱিদ্ৱান্ৱিদ্ৱানিতীৰ্যতে ।
স্ৱযং ৱিদ্যাৱিদে দদ্যাত্খ্যাপযেত্তদ্গুণান্সুধীঃ ॥ ২৭॥
স্ৱযংৱিদ্যা-ৰহস্যজ্ঞো ৱিদ্যা-মাহাত্ম্য-ৱেদ্যপি
ৱিদ্যাৱিদং নাৰ্চযেচ্চেত্কো ৱা তং পূজযেজ্জনঃ ॥ ২৮॥
প্ৰসঙ্গাদিদমুক্তং তে প্ৰকৃতং শৃণু কুম্ভজ ।
যঃ কীৰ্তযেত্সকৃত্ভক্ত্যা দিৱ্য-নামশত-ত্ৰযম্ ॥ ২৯॥
তস্য পুণ্যমহং ৱক্ষ্যে শৃণু ত্ৱং কুম্ভসম্ভৱ ।
ৰহস্যনাম-সাহস্ৰপাঠে যত্ফলমীৰিতম্ ॥ ৩০॥
তত্ফলং কোটিগুণিতমেক-নামজপাদ্ভৱেত্ ।
কামেশ্ৱৰী-কামেশাভ্যাং কৃতং নামশতত্ৰযম্ ॥ ৩১॥
নান্যেন তুলযেদেতত্ স্তোত্ৰেণান্য-কৃতেন চ ।
শ্ৰিযঃ পৰম্পৰা যস্য ভাৱি ৱা চোত্তৰোত্তৰম্ ॥ ৩২॥
তেনৈৱ লভ্যতে চৈতত্পশ্চাচ্ছ্ৰেযঃ পৰীক্ষযেত্ ।
অস্যা নাম্নাং ত্ৰিশত্যাস্তু মহিমা কেন ৱৰ্ণ্যতে ॥ ৩৩॥
যা স্ৱযং শিৱযোৰ্ৱক্ত্ৰ-পদ্মাভ্যাং পৰিনিঃসৃতা ।
নিত্যং ষোডশ-সঙ্খ্যাকান্ৱিপ্ৰানাদৌ তু ভোজযেত্ ॥ ৩৪॥
অভ্যক্তাংস্তিল-তৈলেন স্নাতানুষ্ণেন ৱাৰিণা ।
অভ্যৰ্চ গন্ধপুষ্পাদ্যৈঃ কামেশ্ৱৰ্যাদি-নামভিঃ ॥ ৩৫॥
সূপাপূপৈঃ শৰ্কৰাদ্যৈঃ পাযসৈঃ ফলসংযুতৈঃ ।
ৱিদ্যাৱিদো ৱিশেষেণ ভোজযেত্ ষোডশ দ্ৱিজান্ ॥ ৩৬॥
এৱং নিত্যাৰ্চনং কুৰ্যাদাদৌ ব্ৰাহ্মণ-ভোজনম্ ।
ত্ৰিশতীনামভিঃ পশ্চাদ্ব্ৰাহ্মণান্ক্ৰমশোঽৰ্চযেত্ ॥ ৩৭॥
তৈলাভ্যঙ্গাদিকং দত্ৱা ৱিভৱে সতি ভক্তিতঃ ।
শুক্ল-প্ৰতিপদাৰভ্য পৌৰ্ণমাস্যৱধি ক্ৰমাত্ ॥ ৩৮॥
দিৱসে দিৱসে ৱিপ্ৰা ভোজ্যা ৱিংশতি-সঙ্খ্যযা ।
দশভিঃ পঞ্চভিৰ্ৱাপি ত্ৰীভিৰেকেন ৱা দিনৈঃ ॥ ৩৯॥
ত্ৰিংশত্ষষ্টিঃ শতং ৱিপ্ৰাঃ সম্ভোজ্যাস্ত্ৰিশতং ক্ৰমাত্ ।
এৱং যঃ কুৰুতে ভক্ত্যা জন্মমধ্যে সকৃন্নৰঃ ॥ ৪০॥
তস্যৈৱ সফলং জন্ম মুক্তিস্তস্য কৰে স্থিৰা ।
ৰহস্যনাম-সাহস্ত্ৰ-ভোজনেঽপ্যেৱমেৱ হি ॥ ৪১॥
আদৌ নিত্যবলিং কুৰ্যাত্-পশ্চাদ্-ব্ৰাহ্মণভোজনম্ ।
ৰহস্যনাম-সাহস্ৰ-মহিমা যো মযোদিতঃ ॥ ৪২॥
স শীকৰাণুৰত্ৰৈক-নাম্নো মহিম-ৱাৰিধেঃ ।
ৱাগ্দেৱী-ৰচিতে নামসাহস্নে যদ্যদীৰিতম্ ॥ ৪৩॥
তত্ফলং কোটিগুণিতং নাম্নোঽপ্যেকস্য কীৰ্তনাত্ ।
এতদন্যৈৰ্জপৈঃ স্তোত্ৰৈৰৰ্চনৈৰ্যত্ফলং ভৱেত্ ॥ ৪৪॥
তত্ফলং কোটিগুণিতং ভৱেন্নাম-শতত্ৰযাত্ ।
ৱাগ্দেৱী-ৰচিতে স্তোত্ৰে তাদৃশো মহিমা যদি ॥ ৪৫॥
সাক্ষাত্কামেশ-কামেশী-কৃতেঽস্মিন্ গৃহ্যতামিতি ।
সকৃত্ সঙ্কীৰ্তনাদেৱ নাম্নাম্নস্মিন্ শতত্ৰযে ॥ ৪৬॥
ভৱেচ্চিত্তস্য পৰ্যাপ্তিৰ্ন্যূনমন্যানপেক্ষিণী ।
ন জ্ঞাতৱ্যমিতোঽপ্যন্যন্-ন জপ্তৱ্যং চ কুম্ভজ ॥ ৪৭॥
যদ্যত্সাধ্যতমং কাৰ্যং তত্তদৰ্থমিদং জপেত্ ।
তত্তত্ফলমৱাপ্নোতি পশ্চাত্কাৰ্যং পৰীক্ষযেত্ ॥ ৪৮॥
যে যে প্ৰযোগাস্তন্ত্ৰেষু তৈস্তৈৰ্যত্সাধ্যতে ফলম্ ।
তত্সৰ্ৱং সিদ্ধ্যতি ক্ষিপ্ৰং নামত্ৰিশত-কীৰ্তনাত্ ॥ ৪৯॥
আযুষ্কৰং পুষ্টিকৰং পুত্ৰদং ৱশ্যকাৰকম্ ।
ৱিদ্যাপ্ৰদং কীৰ্তিকৰং সুকৱিত্ৱ-প্ৰদাযকম্ ॥ ৫০॥
সৰ্ৱসম্পত্প্ৰদং সৰ্ৱভোগদং সৰ্ৱসৌখ্যদম্ ।
সৰ্ৱাভীষ্টপ্ৰদং চৈৱ দেৱ্যা নামশতত্ৰযম্ ॥ ৫১॥
এতজ্জপপৰো ভূযান্নান্যদিচ্ছেত্ কদাচন ।
এতত্কীৰ্তনসন্তুষ্টা শ্ৰীদেৱী ললিতাম্বিকা ॥ ৫২॥
ভক্তস্য যদ্যদিষ্টং স্যাত্তত্তত্ পূৰযতে ধ্ৰুৱম্ ।
তস্মাত্ কুম্ভোদ্ভৱ মুনে কীৰ্তয ত্ৱমিদং সদা ॥ ৫৩॥
নাপৰং কিঞ্চিদপি তে বোদ্ধৱ্যমৱশিষ্যতে ।
ইতি তে কথিতং স্তোত্ৰং ললিতা-প্ৰীতিদাযকম্ ॥ ৫৪॥
নাৱিদ্যাৱেদিনে ব্ৰূযান্নাভক্তায কদাচন ।
ন শঠায ন দুষ্টায নাৱিশ্ৱাসায কৰ্হিচিত্ ॥ ৫৫॥
যো ব্ৰূযাত্ ত্ৰিশতীং নাম্নাং তস্যানৰ্থো মহান্ভৱেত্ ।
ইত্যাজ্ঞা শাঙ্কৰী প্ৰোক্তা তস্মাদ্গোপ্যমিদং ত্ৱযা ॥ ৫৬॥
ললিতা-প্ৰেৰিতেনৈৱ মযোক্তং স্তোত্ৰমুত্তমম্ ।
ৰহস্যনাম-সাহস্ৰাদপি গোপ্যমিদং মুনে ॥ ৫৭॥
সূত উৱাচ-

এৱমুক্ত্ৱা হযগ্ৰীৱঃ কুম্ভজং তাপসোত্তমম্ ।
স্তোত্ৰেণানেন ললিতাং স্তুত্ৱা ত্ৰিপুৰসুন্দৰীম্ ॥
আনন্দলহৰী-মগ্নমানসঃ সমৱৰ্তত ॥ ৫৮॥ (১১৭)
॥ ইতি শ্ৰীব্ৰহ্মাণ্ডপুৰাণে উত্তৰাখণ্ডে শ্ৰীললিতোপাখ্যানে স্তোত্ৰখণ্ডে
শ্ৰীহযগ্ৰীৱাগস্ত্য-সংৱাদে শ্ৰীললিতাম্বাত্ৰিশতী-স্তোত্ৰকথনং
সৰ্ৱসম্পূৰ্তিকৰং সম্পূৰ্ণম্ ॥

More Lalita Tripurasundari Stotras

विन्ध्येश्वरीस्तोत्रम्
Vindhyeshwari Stotram
गर्भरक्षाम्बिका स्तोत्रम्
Garbharakshambika Stotram
गोदा चतुश्श्लोकी
Goda Catussloki
कात्यायनि मन्त्र
Katyayani Mantra
मीनाक्षी पञ्च रत्न स्तोत्रम्
Meenakshi Pancharatna Stotram
नवरत्न मालिका स्तोत्रम्
Navaratna Malika Stotram
पद्मावती स्तोत्रं
Padmavati Stotram
ॐ पृथ्वि त्वया धृता
Prthvi Tvaya Dhrita Loka
View All Devi & Shakti Collection →

Explore More

Devi & Shakti CollectionWealthObstaclesHealthProtectionWisdomHome