Goddess Lalita Tripurasundari

ಶ್ರೀಲಲಿತಾತ್ರಿಶತೀಸ್ತೋತ್ರಮ್

(Sri Lalita Trishati Stotram in Kannada)

From Brahmanda Purana

Also known as lalitatrisatistotram

Language:Sanskrit
Translation:English

The Sri Lalita Trishati is a profound devotional hymn found in the Brahmanda Purana, occurring as a dialogue between Hayagriva and the sage Agastya. It consists of 300 names of the Goddess Lalita Tripurasundari, systematically organized according to the Panchadasi Mantra. Unlike other texts that praise her grandeur, the Trishati focuses on the esoteric and meditative aspects of the Goddess. Traditionally recited by seekers for spiritual evolution and mental tranquility, it is considered one of the three core texts of Sri Vidya. Regular recitation is believed to grant immense devotion, liberation from worldly attachments, and the grace of the Divine Mother.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 165
ಲಲಿತಾ ತ್ರಿಶತೀ
ಲಲಿತಾತ್ರಿಶತೀಸ್ತೋತ್ರಂ
॥ ಶ್ರೀಲಲಿತಾತ್ರಿಶತೀ ಪೂರ್ವಪೀಠಿಕಾ ॥
ಸಕುಙ್ಕುಮವಿಲೇಪನಾಮಲಿಕಚುಮ್ಬಿಕಸ್ತೂರಿಕಾಂ
ಸಮನ್ದಹಸಿತೇಕ್ಷಣಾಂ ಸಶರಚಾಪಪಾಶಾಙ್ಕುಶಾಮ್ ।
ಅಶೇಷಜನಮೋಹಿನೀಮರುಣಮಾಲ್ಯಭೂಷಾಮ್ಬರಾಂ
ಜಪಾಕುಸುಮಭಾಸುರಾಂ ಜಪವಿಧೌ ಸ್ಮರೇದಮ್ಬಿಕಾಮ್ ॥
ಅಗಸ್ತ್ಯ ಉವಾಚ--

ಹಯಗ್ರೀವ ದಯಾಸಿನ್ಧೋ ಭಗವನ್ಶಿಷ್ಯವತ್ಸಲ ।
ತ್ವತ್ತಃ ಶ್ರುತಮಶೇಷೇಣ ಶ್ರೋತವ್ಯಂ ಯದ್ಯದಸ್ತಿ ತತ್ ॥ ೧॥
ರಹಸ್ಯ-ನಾಮ-ಸಾಹಸ್ರಮಪಿ ತ್ವತ್ತಃ ಶ್ರುತಂ ಮಯಾ ।
ಇತಃ ಪರಂ ಮೇ ನಾಸ್ತ್ಯೇವ ಶ್ರೋತವ್ಯಮಿತಿ ನಿಶ್ಚಯಃ ॥ ೨॥
ತಥಾಪಿ ಮಮ ಚಿತ್ತಸ್ಯ ಪರ್ಯಾಪ್ತಿರ್ನೈವ ಜಾಯತೇ ।
ಕಾರ್ತ್ಸ್ನ್ಯಾರ್ಥಃ ಪ್ರಾಪ್ಯ ಇತ್ಯೇವ ಶೋಚಯಿಷ್ಯಾಮ್ಯಹಂ ಪ್ರಭೋ ॥ ೩॥
ಕಿಮಿದಂ ಕಾರಣಂ ಬ್ರೂಹಿ ಜ್ಞಾತವ್ಯಾಂಶೋಽಸ್ತಿ ವಾ ಪುನಃ ।
ಅಸ್ತಿ ಚೇನ್ಮಮ ತದ್ಬ್ರೂಹಿ ಬ್ರೂಹೀತ್ಯುಕ್ತಾ ಪ್ರಣಮ್ಯ ತಮ್ ॥ ೪॥
ಸೂತ ಉವಾಚ-

ಸಮಾಲಲಮ್ಬೇ ತತ್ಪಾದ ಯುಗಳಂ ಕಲಶೋದ್ಭವಃ ।
ಹಯಾನನೋ ಭೀತಭೀತಃ ಕಿಮಿದಂ ಕಿಮಿದಂ ತ್ವಿತಿ ॥ ೫॥
ಮುಞ್ಚಮುಞ್ಚೇತಿ ತಂ ಚೋಕ್ತ್ವಾ ಚಿನ್ತಾಕ್ರಾನ್ತೋ ಬಭೂವ ಸಃ ।
ಚಿರಂ ವಿಚಾರ್ಯ ನಿಶ್ಚಿನ್ವನ್ ವಕ್ತವ್ಯಂ ನ ಮಯೇತ್ಯಸೌ ॥ ೬॥
ತೂಷ್ಣೀಂ ಸ್ಥಿತಃ ಸ್ಮರನ್ನಾಜ್ಞಾಂ ಲಲಿತಾಮ್ಬಾಕೃತಾಂ ಪುರಾ ।
ಪ್ರಣಮ್ಯ ವಿಪ್ರಂ ಸ ಮುನಿಸ್ತತ್ಪಾದಾವತ್ಯಜನ್ಸ್ಥಿತಃ ॥ ೭॥
ವರ್ಷತ್ರಯಾವಧಿ ತಥಾ ಗುರುಶಿಷ್ಯೌ ತಥಾ ಸ್ಥಿತೌ ।
ತಛೃಂಣ್ವನ್ತಶ್ಚ ಪಶ್ಯನ್ತಃ ಸರ್ವೇ ಲೋಕಾಃ ಸುವಿಸ್ಮಿತಾಃ ॥ ೮॥
ತತ್ರ ಶ್ರೀಲಲಿತಾದೇವೀ ಕಾಮೇಶ್ವರಸಮನ್ವಿತಾ ।
ಪ್ರಾದುರ್ಭೂತಾ ಹಯಗ್ರೀವಂ ರಹಸ್ಯೇವಮಚೋದಯತ್ ॥ ೯॥
ಶ್ರೀದೇವೀ ಉವಾಚ-

ಅಶ್ವಾನನಾವಯೋಃ ಪ್ರೀತಿಃ ಶಾಸ್ತ್ರವಿಶ್ವಾಸಿನಿ ತ್ವಯಿ ।
ರಾಜ್ಯಂ ದೇಯಂ ಶಿರೋ ದೇಯಂ ನ ದೇಯಾ ಷೋಡಶಾಕ್ಷರೀ ॥ ೧೦॥
ಸ್ವಮಾತೃ-ಜಾರವತ್ ಗೋಪ್ಯಾ ವಿದ್ಯೈಷೇತ್ಯಾಗಮಾ ಜಗುಃ ।
ತತೋಽತಿಗೋಪನೀಯಾ ಮೇ ಸರ್ವಪೂರ್ತಿಕರೀ ಸ್ತುತಿಃ ॥ ೧೧॥
ಮಯಾ ಕಾಮೇಶ್ವರೇಣಾಪಿ ಕೃತಾ ಸಾಙ್ಗೋಪಿತಾ ಭೃಶಮ್ ।
ಮದಾಜ್ಞಯಾ ವಚೋದೇವ್ಯಶ್ಚತ್ರರರ್ನಾಮಸಹಸ್ರಕಮ್ ॥ ೧೨॥
ಆವಾಭ್ಯಾಂ ಕಥಿತಾ ಮುಖ್ಯಾ ಸರ್ವಪೂರ್ತಿಕರೀ ಸ್ತುತಿಃ ।
ಸರ್ವಕ್ರಿಯಾಣಾಂ ವೈಕಲ್ಯಪೂರ್ತಿರ್ಯಜ್ಜಪತೋ ಭವೇತ್ ॥ ೧೩॥
ಸರ್ವಪೂರ್ತಿಕರಂ ತಸ್ಮಾದಿದಂ ನಾಮ ಕೃತಂ ಮಯಾ ।
ತದ್ಬ್ರೂಹಿ ತ್ವಮಗಸ್ತ್ಯಾಯ ಪಾತ್ರಮೇವ ನ ಸಂಶಯಃ ॥ ೧೪॥
ಪತ್ನ್ಯಸ್ಯ ಲೋಪಾಮುದ್ರಾಖ್ಯಾ ಮಾಮುಪಾಸ್ತೇಽತಿಭಕ್ತಿತಃ ।
ಅಯಞ್ಚ ನಿತರಾಂ ಭಕ್ತಸ್ತಸ್ಮಾದಸ್ಯ ವದಸ್ವ ತತ್ ॥ ೧೫॥
ಅಮುಞ್ಚಮಾನಸ್ತ್ವತ್ಪಾದೌ ವರ್ಷತ್ರಯಮಸೌ ಸ್ಥಿತಃ ।
ಏತಜ್ಜ್ಞಾತುಮತೋ ಭಕ್ತ್ಯಾ ಹಿತಮೇವ ನಿದರ್ಶನಮ್ ॥ ೧೬॥
ಚಿತ್ತಪರ್ಯಾಪ್ತಿರೇತಸ್ಯ ನಾನ್ಯಥಾ ಸಮ್ಭವಿಷ್ಯತಿ ।
ಸರ್ವಪೂರ್ತಿಕರಂ ತಸ್ಮಾದನುಜ್ಞಾತೋ ಮಯಾ ವದ ॥ ೧೭॥
ಸೂತ ಉವಾಚ-
ಇತ್ಯುಕ್ತ್ವಾಽನ್ತರಧಾದಮ್ಬಾ ಕಾಮೇಶ್ವರಸಮನ್ವಿತಾ ।
ಅಥೋತ್ಥಾಪ್ಯ ಹಯಗ್ರೀವಃ ಪಾಣಿಭ್ಯಾಂ ಕುಮ್ಭಸಮ್ಭವಮ್ ॥ ೧೮॥
ಸಂಸ್ಥಾಪ್ಯ ನಿಕಟೇವಾಚಮುವಾಚ ಭೃಶವಿಸ್ಮಿತಃ ।
ಹಯಗ್ರೀವ ಉವಾಚ--
ಕೃತಾರ್ಥೋಽಸಿ ಕೃತಾರ್ಥೋಽಸಿ ಕೃತಾರ್ಥೋಽಸಿ ಘಟೋದ್ಭವ ॥ ೧೯॥
ತ್ವತ್ಸಮೋ ಲಲಿತಾಭಕ್ತೋ ನಾಸ್ತಿ ನಾಸ್ತಿ ಜಗತ್ತ್ರಯೇ ।
ಯೇನಾಗಸ್ತ್ಯ ಸ್ವಯಂ ದೇವೀ ತವ ವಕ್ತವ್ಯಮನ್ವಶಾತ್ ॥ ೨೦॥
ಸಚ್ಛಿಷ್ಯೇಣ ತ್ವಯಾ ಚಾಹಂ ದೃಷ್ಟವಾನಸ್ಮಿ ತಾಂ ಶಿವಾಮ್ ।
ಯತನ್ತೇ ಯದ್ದರ್ಶನಾಯ ಬ್ರಹ್ಮವಿಷ್ಣ್ವೀಶ-ಪೂರ್ವಕಾಃ ॥ ೨೧॥
ಅತಃ ಪರಂ ತೇ ವಕ್ಷ್ಯಾಮಿ ಸರ್ವಪೂರ್ತಿಕರಂ ಸ್ತವಮ್ ।
ಯಸ್ಯ ಸ್ಮರಣಮಾತ್ರೇಣ ಪರ್ಯಾಪ್ತಿಸ್ತೇ ಭವೇದ್ಧೃದಿ ॥ ೨೨॥
ರಹಸ್ಯನಾಮ-ಸಾಹ್ಸ್ರಾದಪಿ ಗುಹ್ಯತಮಂ ಮುನೇ ।
ಆವಶ್ಯಕಂ ತತೋಽಪ್ಯೇತಲ್ಲಲಿತಾಂ ಸಮುಪಾಸಿತುಮ್ ॥ ೨೩॥
ತದಹಂ ಸಮ್ಪ್ರವಕ್ಷ್ಯಾಮಿ ಲಲಿತಾಮ್ಬಾನುಶಾಸನಾತ್ ।
ಶ್ರೀಮತ್ಪಞ್ಚದಶಾಕ್ಷರ್ಯಾಃ ಕಾದಿವರ್ಣಾನ್ಕ್ರಮಾನ್ ಮುನೇ ॥ ೨೪॥
ಪೃಥಗ್ವಿಂಶತಿ ನಾಮಾನಿ ಕಥಿತಾನಿ ಘಟೋದ್ಭವ ।
ಆಹತ್ಯ ನಾಮ್ನಾಂ ತ್ರಿಶತೀ ಸರ್ವಸಮ್ಪೂರ್ತಿಕಾರಿಣೀ ॥ ೨೫॥
ರಹಸ್ಯಾತಿರಹಸ್ಯೈಷಾ ಗೋಪನೀಯಾ ಪ್ರಯತ್ನತಃ ।
ತಾಂ ಶೃಣುಷ್ವ ಮಹಾಭಾಗ ಸಾವಧಾನೇನ ಚೇತಸಾ ॥ ೨೬॥
ಕೇವಲಂ ನಾಮಬುದ್ಧಿಸ್ತೇ ನ ಕಾರ್ಯಾ ತೇಷು ಕುಮ್ಭಜ ।
ಮನ್ತ್ರಾತ್ಮಕತ್ವಮೇತೇಷಾಂ ನಾಮ್ನಾಂ ನಾಮಾತ್ಮತಾಪಿ ಚ ॥ ೨೭॥
ತಸ್ಮಾದೇಕಾಗ್ರ-ಮನಸಾ ಶ್ರೋತವ್ಯಂ ಚ ತ್ವಯಾ ಸದಾ ।
ಸೂತ ಉವಾಚ-
ಇತ್ಯುಕ್ತ್ವಾ ತಂ ಹಯಗ್ರೀವಃ ಪ್ರೋಚೇ ನಾಮಶತತ್ರಯಮ್ ॥ ೨೮॥
॥ ಇತಿ ಶ್ರೀಲಲಿತಾತ್ರಿಶತೀಸ್ತೋತ್ರಸ್ಯ ಪೂರ್ವಪೀಠಿಕಾ ಸಮ್ಪೂರ್ಣಾ ।
॥ ನ್ಯಾಸಃ ॥
ಅಸ್ಯ ಶ್ರೀಲಲಿತಾತ್ರಿಶತೀ-ಸ್ತೋತ್ರ-ಮಹಾಮನ್ತ್ರಸ್ಯ ಭಗವಾನ್ ಹಯಗ್ರೀವ ಋಷಿಃ,
ಅನುಷ್ಟುಪ್ಛನ್ದಃ, ಶ್ರೀಲಲಿತಾಮಹಾತ್ರಿಪುರಸುನ್ದರೀ ದೇವತಾ,
ಐಂ ಬೀಜಮ್, ಸೌಃ ಶಕ್ತಿಃ, ಕ್ಲೀಂ ಕೀಲಕಮ್,
ಮಮ ಚತುರ್ವಿಧ-ಫಲಪುರುಷಾರ್ಥೇ ಜಪೇ (ವಾ) ಪಾರಾಯಣೇ ವಿನಿಯೋಗಃ ॥
ಐಂ ಅಙ್ಗುಷ್ಠಾಭ್ಯಾಂ ನಮಃ ।
ಕ್ಲೀಂ ತರ್ಜನೀಭ್ಯಾಂ ನಮಃ ।
ಸೌಃ ಮಧ್ಯಮಾಭ್ಯಾಂ ನಮಃ ।
ಐಂ ಅನಾಮಿಕಾಭ್ಯಾಂ ನಮಃ ।
ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ ।
ಸೌಃ ಕರತಲಕರಪೃಷ್ಠಾಭ್ಯಾಂ ನಮಃ ॥
ಐಂ ಹೃದಯಾಯ ನಮಃ ।
ಕ್ಲೀಂ ಶಿರಸೇ ಸ್ವಾಹಾ ।
ಸೌಃ ಶಿಖಾಯೈ ವಷಟ್ ।
ಐಂ ಕವಚಾಯ ಹುಮ್ ।
ಕ್ಲೀಂ ನೇತ್ರತ್ರಯಾಯ ವೌಷಟ್ ।
ಸೌಃ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥
॥ ಧ್ಯಾನಮ್ ॥

ಅತಿಮಧುರ-ಚಾಪಹಸ್ತಾಮಪರಿಮಿತಾಮೋದ-ಬಾಣ-ಸೌಭಾಗ್ಯಾಮ್ ।
ಅರುಣಾಮತಿಶಯಕರುಣಾಮಭಿನವ-ಕುಲಸುನ್ದರೀಂ ವನ್ದೇ ॥
॥ ಲಂ ಇತ್ಯಾದಿ ಪಞ್ಚಪೂಜಾ ॥

ಲಂ ಪೃಥಿವ್ಯಾತ್ಮಿಕಾಯೈ ಶ್ರೀಲಲಿತಾಮ್ಬಿಕಾಯೈ ಗನ್ಧಂ ಸಮರ್ಪಯಾಮಿ ।
ಹಂ ಆಕಾಶಾತ್ಮಿಕಾಯೈ ಶ್ರೀಲಲಿತಾಮ್ಬಿಕಾಯೈ ಪುಷ್ಪೈಃ ಪೂಜಯಾಮಿ ।
ಯಂ ವಾಯ್ವಾತ್ಮಿಕಾಯೈ ಶ್ರೀಲಲಿತಾಮ್ಬಿಕಾಯೈ ಧೂಪಮಾಘ್ರಾಪಯಾಮಿ ।
ರಂ ವಹ್ಯಾತ್ಮಿಕಾಯೈ ಶ್ರೀಲಲಿತಾಮ್ಬಿಕಾಯೈ ದೀಪಂ ದರ್ಶಯಾಮಿ ।
ವಂ ಅಮೃತಾತ್ಮಿಕಾಯೈ ಶ್ರೀಲಲಿತಾಮ್ಬಿಕಾಯೈ ಅಮೃತಂ ಮಹಾನೈವೇದ್ಯಂ ನಿವೇದಯಾಮಿ ।
ಸಂ ಸರ್ವಾತ್ಮಿಕಾಯೈ ಶ್ರೀಲಲಿತಾಮ್ಬಿಕಾಯೈ ಸರ್ವೋಪಚಾರಪೂಜಾಂ ಸಮರ್ಪಯಾಮಿ ॥
॥ ಅಥ ಶ್ರೀಲಲಿತಾತ್ರಿಶತೀ ಸ್ತೋತ್ರಮ್ ॥
ಕಕಾರರೂಪಾ ಕಲ್ಯಾಣೀ ಕಲ್ಯಾಣಗುಣಶಾಲಿನೀ ।
ಕಲ್ಯಾಣಶೈಲನಿಲಯಾ ಕಮನೀಯಾ ಕಲಾವತೀ ॥ ೧॥
ಕಮಲಾಕ್ಷೀ ಕಲ್ಮಷಘ್ನೀ ಕರುಣಾಮೃತಸಾಗರಾ ।
ಕದಮ್ಬ-ಕಾನನಾವಾಸಾ ಕದಮ್ಬ- ಕುಸುಮಪ್ರಿಯಾ ॥ ೨॥
ಕನ್ದರ್ಪವಿದ್ಯಾ ಕನ್ದರ್ಪ-ಜನಕಾಪಾಙ್ಗವೀಕ್ಷಣಾ ।
ಕರ್ಪೂರವೀಟೀ-ಸೌರಭ್ಯ-ಕಲ್ಲೋಲಿತ-ಕಕುಪ್ತಟಾ ॥ ೩॥
ಕಲಿದೋಷಹರಾ ಕಞ್ಜಲೋಚನಾ ಕಮ್ರವಿಗ್ರಹಾ ।
ಕರ್ಮಾದಿಸಾಕ್ಷಿಣೀ ಕಾರಯಿತ್ರೀ ಕರ್ಮಫಲಪ್ರದಾ ॥ ೪॥
ಏಕಾರರೂಪಾ ಚೈಕಾಕ್ಷರ್ಯೇಕಾನೇಕಾಕ್ಷರಾಕೃತಿಃ ।
ಏತತ್ತದಿತ್ಯನಿರ್ದೇಶ್ಯಾ ಚೈಕಾನನ್ದಚಿದಾಕೃತಿಃ ॥ ೫॥
ಏವಮಿತ್ಯಾಗಮಾಬೋಧ್ಯಾ ಚೈಕಭಕ್ತಿಮದರ್ಚಿತಾ ।
ಏಕಾಗ್ರಚಿತ್ತ-ನಿರ್ಧ್ಯಾತಾ ಚೈಷಣಾ-ರಹಿತಾದೃತಾ ॥ ೬॥
ಏಲಾಸುಗನ್ಧಿಚಿಕುರಾ ಚೈನಃ ಕೂಟವಿನಾಶಿನೀ ।
ಏಕಭೋಗಾ ಚೈಕರಸಾ ಚೈಕೈಶ್ವರ್ಯಪ್ರದಾಯಿನೀ ॥ ೭॥
ಏಕಾತಪತ್ರ-ಸಾಮ್ರಾಜ್ಯಪ್ರದಾ ಚೈಕಾನ್ತಪೂಜಿತಾ ।
ಏಧಮಾನಪ್ರಭಾ ಚೈಜದನೇಕಜಗದೀಶ್ವರೀ ॥ ೮॥
ಏಕವೀರಾದಿ-ಸಂಸೇವ್ಯಾ ಚೈಕಪ್ರಾಭವ-ಶಾಲಿನೀ ।
ಈಕಾರರೂಪಾ ಚೇಶಿತ್ರೀ ಚೇಪ್ಸಿತಾರ್ಥ-ಪ್ರದಾಯಿನೀ ॥ ೯॥
ಈದೃಗಿತ್ಯವಿನಿರ್ದೇಶ್ಯಾ ಚೇಶ್ವರತ್ವ-ವಿಧಾಯಿನೀ ।
ಈಶಾನಾದಿ-ಬ್ರಹ್ಮಮಯೀ ಚೇಶಿತ್ವಾದ್ಯಷ್ಟಸಿದ್ಧಿದಾ ॥ ೧೦॥
ಈಕ್ಷಿತ್ರೀಕ್ಷಣ-ಸೃಷ್ಟಾಣ್ಡಕೋಟಿರೀಶ್ವರವಲ್ಲಭಾ ।
ಈಡಿತಾ ಚೇಶ್ವರಾರ್ಧಾಙ್ಗಶರೀರೇಶಾಧಿದೇವತಾ ॥ ೧೧॥
ಈಶ್ವರಪ್ರೇರಣಕರೀ ಚೇಶತಾಣ್ಡವ-ಸಾಕ್ಷಿಣೀ ।
ಈಶ್ವರೋತ್ಸಙ್ಗನಿಲಯಾ ಚೇತಿಬಾಧಾ-ವಿನಾಶಿನೀ ॥ ೧೨॥
ಈಹಾವಿರಾಹಿತಾ ಚೇಶಶಕ್ತಿರೀಷತ್ಸ್ಮಿತಾನನಾ ।
ಲಕಾರರೂಪಾ ಲಲಿತಾ ಲಕ್ಷ್ಮೀವಾಣೀನಿಷೇವಿತಾ ॥ ೧೩॥
ಲಾಕಿನೀ ಲಲನಾರೂಪಾ ಲಸದ್ದಾಡಿಮಪಾಟಲಾ ।
ಲಲನ್ತಿಕಾ-ಲಸತ್ಫಾಲಾ ಲಲಾಟನಯನಾರ್ಚಿತಾ ॥ ೧೪॥
ಲಕ್ಷಣೋಜ್ಜ್ವಲ-ದಿವ್ಯಾಙ್ಗೀ ಲಕ್ಷಕೋಟ್ಯಣ್ಡ-ನಾಯಿಕಾ ।
ಲಕ್ಷ್ಯಾರ್ಥಾ ಲಕ್ಷಣಾಗಮ್ಯಾ ಲಬ್ಧಕಾಮಾ ಲತಾತನುಃ ॥ ೧೫॥
ಲಲಾಮರಾಜದಲಿಕಾ ಲಮ್ಬಿಮುಕ್ತಾಲತಾಞ್ಚಿತಾ ।
ಲಮ್ಬೋದರಪ್ರಸೂರ್ಲಭ್ಯಾ ಲಜ್ಜಾಢ್ಯಾ ಲಯವರ್ಜಿತಾ ॥ ೧೬॥
ಹ್ರೀಂಕಾರರೂಪಾ ಹ್ರೀಂಕಾರನಿಲಯಾ ಹ್ರೀಂಪದಪ್ರಿಯಾ ।
ಹ್ರೀಂಕಾರಬೀಜಾ ಹ್ರೀಂಕಾರಮನ್ತ್ರಾ ಹ್ರೀಂಕಾರಲಕ್ಷಣಾ ॥ ೧೭॥
ಹ್ರೀಂಕಾರಜಪಸುಪ್ರೀತಾ ಹ್ರೀಂಮತೀ ಹ್ರೀಂವಿಭೂಷಣಾ ।
ಹ್ರೀಂಶೀಲಾ ಹ್ರೀಂಪದಾರಾಧ್ಯಾ ಹ್ರೀಂಗರ್ಭಾ ಹ್ರೀಂಪದಾಭಿಧಾ ॥ ೧೮॥
ಹ್ರೀಂಕಾರವಾಚ್ಯಾ ಹ್ರೀಂಕಾರಪೂಜ್ಯಾ ಹ್ರೀಂಕಾರಪೀಠಿಕಾ ।
ಹ್ರೀಂಕಾರವೇದ್ಯಾ ಹ್ರೀಂಕಾರಚಿನ್ತ್ಯಾ ಹ್ರೀಂ ಹ್ರೀಂಶರೀರಿಣೀ ॥ ೧೯॥
ಹಕಾರರೂಪಾ ಹಲಧೃತ್ಪೂಜಿತಾ ಹರಿಣೇಕ್ಷಣಾ ।
ಹರಪ್ರಿಯಾ ಹರಾರಾಧ್ಯಾ ಹರಿಬ್ರಹ್ಮೇನ್ದ್ರವನ್ದಿತಾ ॥ ೨೦॥
ಹಯಾರೂಢಾ-ಸೇವಿತಾಙ್ಘ್ರಿರ್ಹಯಮೇಧ-ಸಮರ್ಚಿತಾ ।
ಹರ್ಯಕ್ಷವಾಹನಾ ಹಂಸವಾಹನಾ ಹತದಾನವಾ ॥ ೨೧॥
ಹತ್ಯಾದಿಪಾಪಶಮನೀ ಹರಿದಶ್ವಾದಿಸೇವಿತಾ ।
ಹಸ್ತಿಕುಮ್ಭೋತ್ತುಙ್ಗಕುಚಾ ಹಸ್ತಿಕೃತ್ತಿ-ಪ್ರಿಯಾಙ್ಗನಾ ॥ ೨೨॥
ಹರಿದ್ರಾಕುಙ್ಕುಮಾದಿಗ್ಧಾ ಹರ್ಯಶ್ವಾದ್ಯಮರಾರ್ಚಿತಾ ।
ಹರಿಕೇಶಸಖೀ ಹಾದಿವಿದ್ಯಾ ಹಾಲಾಮದಾಲಸಾ ॥ ೨೩॥ (ಹಾಲಾಮದೋಲ್ಲಸಾ)
ಸಕಾರರೂಪಾ ಸರ್ವಜ್ಞಾ ಸರ್ವೇಶೀ ಸರ್ವಮಙ್ಗಲಾ ।
ಸರ್ವಕರ್ತ್ರೀ ಸರ್ವಭರ್ತ್ರೀ ಸರ್ವಹನ್ತ್ರೀ ಸನಾತನಾ ॥ ೨೪॥
ಸರ್ವಾನವದ್ಯಾ ಸರ್ವಾಙ್ಗಸುನ್ದರೀ ಸರ್ವಸಾಕ್ಷಿಣೀ ।
ಸರ್ವಾತ್ಮಿಕಾ ಸರ್ವಸೌಖ್ಯದಾತ್ರೀ ಸರ್ವವಿಮೋಹಿನೀ ॥ ೨೫॥
ಸರ್ವಾಧಾರಾ ಸರ್ವಗತಾ ಸರ್ವಾವಗುಣವರ್ಜಿತಾ ।
ಸರ್ವಾರುಣಾ ಸರ್ವಮಾತಾ ಸರ್ವಭೂಷಣಭೂಷಿತಾ ॥ ೨೬॥
ಕಕಾರಾರ್ಥಾ ಕಾಲಹನ್ತ್ರೀ ಕಾಮೇಶೀ ಕಾಮಿತಾರ್ಥದಾ ।
ಕಾಮಸಞ್ಜೀವಿನೀ ಕಲ್ಯಾ ಕಠಿನಸ್ತನಮಣ್ಡಲಾ ॥ ೨೭॥
ಕರಭೋರುಃ ಕಲಾನಾಥಮುಖೀ ಕಚಜಿತಾಮ್ಬುದಾ ।
ಕಟಾಕ್ಷಸ್ಯನ್ದಿಕರುಣಾ ಕಪಾಲಿಪ್ರಾಣನಾಯಿಕಾ ॥ ೨೮॥
ಕಾರುಣ್ಯವಿಗ್ರಹಾ ಕಾನ್ತಾ ಕಾನ್ತಿಧೂತ-ಜಪಾವಲಿಃ ।
ಕಲಾಲಾಪಾ ಕಮ್ಬುಕಣ್ಠೀ ಕರನಿರ್ಜಿತ-ಪಲ್ಲವಾ ॥ ೨೯॥
ಕಲ್ಪವಲ್ಲೀ-ಸಮಭುಜಾ ಕಸ್ತೂರೀ-ತಿಲಕಾಞ್ಚಿತಾ ।
ಹಕಾರಾರ್ಥಾ ಹಂಸಗತಿರ್ಹಾಟಕಾಭರಣೋಜ್ಜ್ವಲಾ ॥ ೩೦॥
ಹಾರಹಾರಿ-ಕುಚಾಭೋಗಾ ಹಾಕಿನೀ ಹಲ್ಯವರ್ಜಿತಾ ।
ಹರಿತ್ಪತಿ-ಸಮಾರಾಧ್ಯಾ ಹಠಾತ್ಕಾರ-ಹತಾಸುರಾ ॥ ೩೧॥
ಹರ್ಷಪ್ರದಾ ಹವಿರ್ಭೋಕ್ತ್ರೀ ಹಾರ್ದ-ಸನ್ತಮಸಾಪಹಾ ।
ಹಲ್ಲೀಸಲಾಸ್ಯಸನ್ತುಷ್ಟಾ ಹಂಸಮನ್ತ್ರಾರ್ಥ-ರೂಪಿಣೀ ॥ ೩೨॥
ಹಾನೋಪಾದಾನ-ನಿರ್ಮುಕ್ತಾ ಹರ್ಷಿಣೀ ಹರಿಸೋದರೀ ।
ಹಾಹಾಹೂಹೂ-ಮುಖಸ್ತುತ್ಯಾ ಹಾನಿವೃದ್ಧಿ-ವಿವರ್ಜಿತಾ ॥ ೩೩॥
ಹಯ್ಯಙ್ಗವೀನ-ಹೃದಯಾ ಹರಿಗೋಪಾರುಣಾಂಶುಕಾ ।
ಲಕಾರಾಖ್ಯಾ ಲತಾಪೂಜ್ಯಾ ಲಯಸ್ಥಿತ್ಯುದ್ಭವೇಶ್ವರೀ ॥ ೩೪॥
ಲಾಸ್ಯದರ್ಶನ-ಸನ್ತುಷ್ಟಾ ಲಾಭಾಲಾಭ-ವಿವರ್ಜಿತಾ ।
ಲಙ್ಘ್ಯೇತರಾಜ್ಞಾ ಲಾವಣ್ಯ-ಶಾಲಿನೀ ಲಘುಸಿದ್ಧಿದಾ ॥ ೩೫॥
ಲಾಕ್ಷಾರಸ-ಸವರ್ಣಾಭಾ ಲಕ್ಷ್ಮಣಾಗ್ರಜ-ಪೂಜಿತಾ ।
ಲಭ್ಯೇತರಾ ಲಬ್ಧಭಕ್ತಿ-ಸುಲಭಾ ಲಾಙ್ಗಲಾಯುಧಾ ॥ ೩೬॥
ಲಗ್ನಚಾಮರ-ಹಸ್ತ-ಶ್ರೀಶಾರದಾ-ಪರಿವೀಜಿತಾ ।
ಲಜ್ಜಾಪದ-ಸಮಾರಾಧ್ಯಾ ಲಮ್ಪಟಾ ಲಕುಲೇಶ್ವರೀ ॥ ೩೭॥
ಲಬ್ಧಮಾನಾ ಲಬ್ಧರಸಾ ಲಬ್ಧಸಮ್ಪತ್ಸಮುನ್ನತಿಃ ।
ಹ್ರೀಂಕಾರಿಣೀ ಹ್ರೀಂಕಾರಾದ್ಯಾ ಹ್ರೀಂಮಧ್ಯಾ ಹ್ರೀಂಶಿಖಾಮಣಿಃ ॥ ೩೮॥
ಹ್ರೀಂಕಾರ-ಕುಣ್ಡಾಗ್ನಿಶಿಖಾ ಹ್ರೀಂಕಾರ-ಶಶಿಚನ್ದ್ರಿಕಾ ।
ಹ್ರೀಂಕಾರ-ಭಾಸ್ಕರರುಚಿರ್ಹ್ರೀಂಕಾರಾಮ್ಭೋದ-ಚಞ್ಚಲಾ ॥ ೩೯॥
ಹ್ರೀಂಕಾರಕನ್ದಾಙ್ಕುರಿಕಾ ಹ್ರೀಂಕಾರೈಕ-ಪರಾಯಣಾ ।
ಹ್ರೀಂಕಾರ-ದೀರ್ಘಿಕಾಹಂಸೀ ಹ್ರೀಂಕಾರೋದ್ಯಾನ-ಕೇಕಿನೀ ॥ ೪೦॥
ಹ್ರೀಂಕಾರಾರಣ್ಯ-ಹರಿಣೀ ಹ್ರೀಂಕಾರಾವಾಲ-ವಲ್ಲರೀ ।
ಹ್ರೀಂಕಾರ-ಪಞ್ಜರಶುಕೀ ಹ್ರೀಂಕಾರಾಙ್ಗಣ-ದೀಪಿಕಾ ॥ ೪೧॥
ಹ್ರೀಂಕಾರ-ಕನ್ದರಾಸಿಂಹೀ ಹ್ರೀಂಕಾರಾಮ್ಭೋಜ-ಭೃಙ್ಗಿಕಾ ।
ಹ್ರೀಂಕಾರಸುಮನೋ-ಮಾಧ್ವೀ ಹ್ರೀಂಕಾರ-ತರುಮಞ್ಜರೀ ॥ ೪೨॥
ಸಕಾರಾಖ್ಯಾ ಸಮರಸಾ ಸಕಲಾಗಮ-ಸಂಸ್ತುತಾ ।
ಸರ್ವವೇದಾನ್ತ-ತಾತ್ಪರ್ಯಭೂಮಿಃ ಸದಸದಾಶ್ರಯಾ ॥ ೪೩॥
ಸಕಲಾ ಸಚ್ಚಿದಾನನ್ದಾ ಸಾಧ್ಯಾ ಸದ್ಗತಿದಾಯಿನೀ ।
ಸನಕಾದಿ-ಮುನಿಧ್ಯೇಯಾ ಸದಾಶಿವ-ಕುಟುಮ್ಬಿನೀ ॥ ೪೪॥
ಸಕಾಲಾಧಿಷ್ಠಾನರೂಪಾ ಸತ್ಯರೂಪಾ ಸಮಾಕೃತಿಃ ।
ಸರ್ವಪ್ರಪಞ್ಚ-ನಿರ್ಮಾತ್ರೀ ಸಮಾನಾಧಿಕ-ವರ್ಜಿತಾ ॥ ೪೫॥
ಸರ್ವೋತ್ತುಙ್ಗಾ ಸಙ್ಗಹೀನಾ ಸಗುಣಾ ಸಕಲೇಷ್ಟದಾ । (ಸಕಲೇಶ್ವರೀ)
ಕಕಾರಿಣೀ ಕಾವ್ಯಲೋಲಾ ಕಾಮೇಶ್ವರ-ಮನೋಹರಾ ॥ ೪೬॥
ಕಾಮೇಶ್ವರ-ಪ್ರಾಣನಾಡೀ ಕಾಮೇಶೋತ್ಸಙ್ಗ-ವಾಸಿನೀ ।
ಕಾಮೇಶ್ವರಾಲಿಙ್ಗಿತಾಙ್ಗೀ ಕಾಮೇಶ್ವರ-ಸುಖಪ್ರದಾ ॥ ೪೭॥
ಕಾಮೇಶ್ವರ-ಪ್ರಣಯಿನೀ ಕಾಮೇಶ್ವರ-ವಿಲಾಸಿನೀ ।
ಕಾಮೇಶ್ವರ-ತಪಃಸಿದ್ಧಿಃ ಕಾಮೇಶ್ವರ-ಮನಃಪ್ರಿಯಾ ॥ ೪೮॥
ಕಾಮೇಶ್ವರ-ಪ್ರಾಣನಾಥಾ ಕಾಮೇಶ್ವರ-ವಿಮೋಹಿನೀ ।
ಕಾಮೇಶ್ವರ-ಬ್ರಹ್ಮವಿದ್ಯಾ ಕಾಮೇಶ್ವರ-ಗೃಹೇಶ್ವರೀ ॥ ೪೯॥
ಕಾಮೇಶ್ವರಾಹ್ಲಾದಕರೀ ಕಾಮೇಶ್ವರ-ಮಹೇಶ್ವರೀ ।
ಕಾಮೇಶ್ವರೀ ಕಾಮಕೋಟಿ-ನಿಲಯಾ ಕಾಙ್ಕ್ಷಿತಾರ್ಥದಾ ॥ ೫೦॥
ಲಕಾರಿಣೀ ಲಬ್ಧರೂಪಾ ಲಬ್ಧಧೀರ್ಲಬ್ಧವಾಞ್ಛಿತಾ ।
ಲಬ್ಧಪಾಪ-ಮನೋದೂರಾ ಲಬ್ಧಾಹಙ್ಕಾರ-ದುರ್ಗಮಾ ॥ ೫೧॥
ಲಬ್ಧಶಕ್ತಿರ್ಲಬ್ಧದೇಹಾ ಲಬ್ಧೈಶ್ವರ್ಯ-ಸಮುನ್ನತಿಃ ।
ಲಬ್ಧವೃದ್ಧಿರ್ಲಬ್ಧಲೀಲಾ ಲಬ್ಧಯೌವನ-ಶಾಲಿನೀ ॥ ೫೨॥ (ಲಬ್ಧಬುಧಿಃ)
ಲಬ್ಧಾತಿಶಯ-ಸರ್ವಾಙ್ಗ-ಸೌನ್ದರ್ಯಾ ಲಬ್ಧ-ವಿಭ್ರಮಾ ।
ಲಬ್ಧರಾಗಾ ಲಬ್ಧಪತಿರ್ಲಬ್ಧನಾನಾಗಮ-ಸ್ಥಿತಿಃ ॥ ೫೩॥ (ಲಬ್ಧಗತಿ)
ಲಬ್ಧಭೋಗಾ ಲಬ್ಧಸುಖಾ ಲಬ್ಧಹರ್ಷಾಭಿಪೂರಿತಾ । (ಪೂಜಿತಾ)
ಹ್ರೀಂಕಾರಮೂರ್ತಿರ್ಹ್ರೀಂಕಾರ-ಸೌಧಶೃಙ್ಗ-ಕಪೋತಿಕಾ ॥ ೫೪॥
ಹ್ರೀಂಕಾರ-ದುಗ್ಧಾಬ್ಧಿ-ಸುಧಾ ಹ್ರೀಂಕಾರ-ಕಮಲೇನ್ದಿರಾ ।
ಹ್ರೀಂಕಾರ-ಮಣಿದೀಪಾರ್ಚಿರ್ಹ್ರೀಂಕಾರ-ತರುಶಾರಿಕಾ ॥ ೫೫॥
ಹ್ರೀಂಕಾರ-ಪೇಟಕಮಣಿರ್ಹ್ರೀಂಕಾರದರ್ಶ-ಬಿಮ್ಬಿತಾ ।
ಹ್ರೀಂಕಾರ-ಕೋಶಾಸಿಲತಾ ಹ್ರೀಂಕಾರಾಸ್ಥಾನ-ನರ್ತಕೀ ॥ ೫೬॥
ಹ್ರೀಂಕಾರ-ಶುಕ್ತಿಕಾ-ಮುಕ್ತಾಮಣಿರ್ಹ್ರೀಂಕಾರ-ಬೋಧಿತಾ ।
ಹ್ರೀಂಕಾರಮಯ-ಸೌವರ್ಣ-ಸ್ತಮ್ಭ-ವಿದ್ರುಮ-ಪುತ್ರಿಕಾ ॥ ೫೭॥
ಹ್ರೀಂಕಾರ-ವೇದೋಪನಿಷದ್ ಹ್ರೀಂಕಾರಾಧ್ವರ-ದಕ್ಷಿಣಾ ।
ಹ್ರೀಂಕಾರ-ನನ್ದನಾರಾಮ-ನವಕಲ್ಪಕ-ವಲ್ಲರೀ ॥ ೫೮॥
ಹ್ರೀಂಕಾರ-ಹಿಮವದ್ಗಙ್ಗಾ ಹ್ರೀಂಕಾರಾರ್ಣವ-ಕೌಸ್ತುಭಾ ।
ಹ್ರೀಂಕಾರ-ಮನ್ತ್ರಸರ್ವಸ್ವಾ ಹ್ರೀಂಕಾರಪರ-ಸೌಖ್ಯದಾ ॥ ೫೯॥
॥ ಇತಿ ಶ್ರೀಲಲಿತಾತ್ರಿಶತೀಸ್ತೋತ್ರಂ ಸಮ್ಪೂರ್ಣಮ್ ॥
॥ ಶ್ರೀಲಲಿತಾ ತ್ರಿಶತೀ ಉತ್ತರಪೀಠಿಕಾ ॥
ಶ್ರೀಹಯಗ್ರೀವ ಉವಾಚ-
ಇತ್ಯೇವಂ ತೇ ಮಯಾಽಽಖ್ಯಾತಂ ದೇವ್ಯಾ ನಾಮಶತತ್ರಯಮ್ ।
ರಹಸ್ಯಾತಿರಹಸ್ಯತ್ವಾದ್ಗೋಪನೀಯಂ ತ್ವಯಾ ಮುನೇ ॥ ೧॥ (೬೦)
ಶಿವವರ್ಣಾನಿ ನಾಮಾನಿ ಶ್ರೀದೇವ್ಯಾ ಕಥಿತಾನಿ ಹಿ ।
ಶಕ್ತಯಕ್ಷರಾಣಿ ನಾಮಾನಿ ಕಾಮೇಶ-ಕಥಿತಾನಿ ಚ ॥ ೨॥
ಉಭಯಾಕ್ಷರ-ನಾಮಾನಿ ಹ್ಯುಭಾಭ್ಯಾಂ ಕಥಿತಾನಿ ವೈ ।
ತದನ್ಯೈರ್ಗ್ರಥಿತಂ ಸ್ತೋತ್ರಮೇತಸ್ಯ ಸದೃಶಂ ಕಿಮು ॥ ೩॥
ನಾನೇನ ಸದೃಶಂ ಸ್ತೋತ್ರಂ ಶ್ರೀದೇವೀ-ಪ್ರೀತಿದಾಯಕಮ್ ।
ಲೋಕತ್ರಯೇಽಪಿ ಕಲ್ಯಾಣಂ ಸಮ್ಭವೇನ್ನಾತ್ರ ಸಂಶಯಃ ॥ ೪॥
ಸೂತ ಉವಾಚ-
ಇತಿ ಹಯಮುಖಗೀತಂ ಸ್ತೋತ್ರರಾಜಂ ನಿಶಮ್ಯ
ಪ್ರಗಲಿತ-ಕಲುಷೋಽಭೂಚ್ಚಿತ್ತ-ಪರ್ಯಾಪ್ತಿಮೇತ್ಯ ।
ನಿಜಗುರುಮಥ ನತ್ವಾ ಕುಮ್ಭಜನ್ಮಾ ತದುಕ್ತಂ
ಪುನರಧಿಕ-ರಹಸ್ಯಂ ಜ್ಞಾತುಮೇವಂ ಜಗಾದ ॥ ೫॥
ಅಗಸ್ತ್ಯ ಉವಾಚ--

ಅಶ್ವಾನನ ಮಹಾಭಾಗ ರಹಸ್ಯಮಪಿ ಮೇ ವದ ।
ಶಿವವರ್ಣಾನಿ ಕಾನ್ಯತ್ರ ಶಕ್ತಿವರ್ಣಾನಿ ಕಾನಿ ಹಿ ॥ ೬॥
ಉಭಯೋರಪಿ ವರ್ಣಾನಿ ಕಾನಿ ವಾ ವದ ದೇಶಿಕ ।
ಇತಿ ಪೃಷ್ಟಃ ಕುಮ್ಭಜೇನ ಹಯಗ್ರೀವೋಽವದತ್ ಪುನಃ ॥ ೭॥
ಹಯಗ್ರೀವ ಉವಾಚ-

ತವ ಗೋಪ್ಯಂ ಕಿಮಸ್ತೀಹ ಸಾಕ್ಷಾದಮ್ಬಾನುಶಾಸನಾತ್ ।
ಇದಂ ತ್ವತಿರಹಸ್ಯಂ ತೇ ವಕ್ಷ್ಯಾಮಿ ಶೃಣು ಕುಮ್ಭಜ ॥ ೮॥
ಏತದ್ವಿಜ್ಞಾನ-ಮಾತ್ರೇಣ ಶ್ರೀವಿದ್ಯಾ ಸಿದ್ಧಿದಾ ಭವೇತ್ ।
ಕತ್ರಯಂ ಹದ್ಬಯಂ ಚೈವ ಶೈವೋ ಭಾಗಃ ಪ್ರಕೀರ್ತಿತಃ ॥ ೯॥
ಶಕ್ತ್ಯಕ್ಷರಾಣಿ ಶೇಷಾಣಿ ಹ್ರೀಂಕಾರ ಉಭಯಾತ್ಮಕಃ ।
ಏವಂ ವಿಭಾಗಮಜ್ಞಾತ್ವಾ ಯೇ ವಿದ್ಯಾಜಪ-ಶಾಲಿನಃ ॥ ೧೦॥
ನ ತೇಷಾಂ ಸಿದ್ಧಿದಾ ವಿದ್ಯಾ ಕಲ್ಪಕೋಟಿ-ಶತೈರಪಿ ।
ಚತುರ್ಭಿಃ ಶಿವಚಕ್ರೈಶ್ಚ ಶಕ್ತಿಚಕ್ರೈಶ್ಚ ಪಞ್ಚಭಿಃ ॥ ೧೧॥
ನವಚಕ್ರೈಶ್ಚ ಸಂಸಿದ್ಧಂ ಶ್ರೀಚಕ್ರಂ ಶಿವಯೋರ್ವಪುಃ ।
ತ್ರಿಕೋಣಮಷ್ಟಕೋಣಂ ಚ ದಶಕೋಣದ್ಬಯಂ ತಥಾ ॥ ೧೨॥
ಚತುರ್ದಶಾರಂ ಚೈತಾನಿ ಶಕ್ತಿಚಕ್ರಾಣಿ ಪಞ್ಚ ಚ ।
ಬಿನ್ದುಶ್ಚಾಷ್ಟದಲಂ ಪದ್ಮಂ ಪದ್ಮಂ ಷೋಡಶ-ಪತ್ರಕಮ್ ॥ ೧೩॥
ಚತುರಶ್ರಂ ಚ ಚತ್ವಾರಿ ಶಿವಚಕ್ರಾಣ್ಯನುಕ್ರಮಾತ್ ।
ತ್ರಿಕೋಣೇ ಬೈನ್ದವಂ ಶ್ಲಿಷ್ಟಂ ಅಷ್ಟಾರೇಽಷ್ಟ-ದಲಾಮ್ಬುಜಮ್ ॥ ೧೪॥
ದಶಾರಯೋಃ ಷೋಡಶಾರಂ ಭೂಗೃಹಂ ಭುವನಾಶ್ರಕೇ ।
ಶೈವಾನಾಮಪಿ ಶಾಕ್ತಾನಾಂ ಚಕ್ರಾಣಾಂ ಚ ಪರಸ್ಪರಮ್ ॥ ೧೫॥
ಅವಿನಾಭಾವ-ಸಮ್ಬನ್ಧಂ ಯೋ ಜಾನಾತಿ ಸ ಚಕ್ರವಿತ್ ।
ತ್ರಿಕೋಣರೂಪಿಣೀ ಶಕ್ತಿರ್ಬಿನ್ದುರೂಪಪರಃ ಶಿವಃ ॥ ೧೬॥
ಅವಿನಾಭಾವ-ಸಮ್ಬನ್ಧಂ ತಸ್ಮಾದ್ಬಿನ್ದು-ತ್ರಿಕೋಣಯೋಃ ।
ಏವಂ ವಿಭಾಗಮಜ್ಞಾತ್ವಾ ಶ್ರೀಚಕ್ರಂ ಯಃ ಸಮರ್ಚಯೇತ್ ॥ ೧೭॥
ನ ತತ್ಫಲಮವಾಪ್ನೋತಿ ಲಲಿತಾಮ್ಬಾ ನ ತುಷ್ಯತಿ ।
ಯೇ ಚ ಜಾನನ್ತಿ ಲೋಕೇಽಸ್ಮಿನ್ ಶ್ರೀವಿದ್ಯಾ-ಚಕ್ರವೇದಿನಃ ॥ ೧೮॥
ಸಾಮಾನ್ಯ-ವೇದಿನಃ ಸರ್ವೇ ವಿಶೇಷಜ್ಞೋಽತಿದುರ್ಲಭಃ ।
ಸ್ವಯಂ ವಿದ್ಯಾ-ವಿಶೇಷಜ್ಞೋ ವಿಶೇಷಜ್ಞಂ ಸಮರ್ಚಯೇತ್ ॥ ೧೯॥
ತಸ್ಮೈ ದೇಯಂ ತತೋ ಗ್ರಾಹ್ಯಮಶಕ್ತಸ್ತಸ್ಯ ದಾಪಯೇತ್ ।
ಅನ್ಧಂ ತಮಃ ಪ್ರವಿಶನ್ತಿ ಯೇಽವಿದ್ಯಾಂ ಸಮುಪಾಸತೇ ॥ ೨೦॥
ಇತಿ ಶ್ರುತಿರಪಾಹೈತಾನವಿದ್ಯೋಪಾಸಕಾನ್ಪುನಃ ।
ವಿದ್ಯಾನ್ಯೋಪಾಸಕಾನೇವ ನಿನ್ದತ್ಯಾರುಣಿಕೀ ಶ್ರುತಿಃ ॥ ೨೧॥
ಅಶ್ರುತಾ ಸಶ್ರುತಾಸಶ್ಚ ಯಜ್ಚಾನೋ ಯೇಽಪ್ಯಯಜ್ವನಃ ।
ಸ್ವರ್ಯನ್ತೋ ನಾಪೇಕ್ಷನ್ತೇ ಇನ್ದ್ರಮಗ್ನಿಞ್ಚ ಯೇ ವಿದುಃ ॥ ೨೨॥
ಸಿಕತಾ ಇವ ಸಂಯನ್ತಿ ರಶ್ಮಿಭಿಃ ಸಮುದೀರಿತಾಃ ।
ಅಸ್ಮಾಲ್ಲೋಕಾದಮುಷ್ಮಾಚ್ಚೇತ್ಯಾಹ ಚಾರಣ್ಯಕ-ಶ್ರುತಿಃ ॥ ೨೩॥
ಯಸ್ಯ ನೋ ಪಶ್ಚಿಮಂ ಜನ್ಮ ಯದಿ ವಾ ಶಙ್ಕರಃ ಸ್ವಯಮ್ ।
ತೇನೈವ ಲಭ್ಯತೇ ವಿದ್ಯಾ ಶ್ರೀಮತ್ಪಞ್ಚದಶಾಕ್ಷರೀ ॥ ೨೪॥
ಇತಿ ಮನ್ತ್ರೇಷು ಬಹುಧಾ ವಿದ್ಯಾಯಾ ಮಹಿಮೋಚ್ಯತೇ ।
ಮೋಕ್ಷೈಕಹೇತುವಿದ್ಯಾ ತು ಶ್ರೀವಿದ್ಯಾ ನಾತ್ರ ಸಂಶಯಃ ॥ ೨೫॥
ನ ಶಿಲ್ಪಾದಿ-ಜ್ಞಾನಯುಕ್ತೇ ವಿದ್ವಚ್ಛಬ್ದಃ ಪ್ರಯುಜ್ಯತೇ ।
ಮೋಕ್ಷೈಕಹೇತುವಿದ್ಯಾ ಸಾ ಶ್ರೀವಿದ್ಯೈವ ನ ಸಂಶಯಃ ॥ ೨೬॥
ತಸ್ಮಾದ್ವಿದ್ಯಾ-ವಿದೇವಾತ್ರ ವಿದ್ವಾನ್ವಿದ್ವಾನಿತೀರ್ಯತೇ ।
ಸ್ವಯಂ ವಿದ್ಯಾವಿದೇ ದದ್ಯಾತ್ಖ್ಯಾಪಯೇತ್ತದ್ಗುಣಾನ್ಸುಧೀಃ ॥ ೨೭॥
ಸ್ವಯಂವಿದ್ಯಾ-ರಹಸ್ಯಜ್ಞೋ ವಿದ್ಯಾ-ಮಾಹಾತ್ಮ್ಯ-ವೇದ್ಯಪಿ
ವಿದ್ಯಾವಿದಂ ನಾರ್ಚಯೇಚ್ಚೇತ್ಕೋ ವಾ ತಂ ಪೂಜಯೇಜ್ಜನಃ ॥ ೨೮॥
ಪ್ರಸಙ್ಗಾದಿದಮುಕ್ತಂ ತೇ ಪ್ರಕೃತಂ ಶೃಣು ಕುಮ್ಭಜ ।
ಯಃ ಕೀರ್ತಯೇತ್ಸಕೃತ್ಭಕ್ತ್ಯಾ ದಿವ್ಯ-ನಾಮಶತ-ತ್ರಯಮ್ ॥ ೨೯॥
ತಸ್ಯ ಪುಣ್ಯಮಹಂ ವಕ್ಷ್ಯೇ ಶೃಣು ತ್ವಂ ಕುಮ್ಭಸಮ್ಭವ ।
ರಹಸ್ಯನಾಮ-ಸಾಹಸ್ರಪಾಠೇ ಯತ್ಫಲಮೀರಿತಮ್ ॥ ೩೦॥
ತತ್ಫಲಂ ಕೋಟಿಗುಣಿತಮೇಕ-ನಾಮಜಪಾದ್ಭವೇತ್ ।
ಕಾಮೇಶ್ವರೀ-ಕಾಮೇಶಾಭ್ಯಾಂ ಕೃತಂ ನಾಮಶತತ್ರಯಮ್ ॥ ೩೧॥
ನಾನ್ಯೇನ ತುಲಯೇದೇತತ್ ಸ್ತೋತ್ರೇಣಾನ್ಯ-ಕೃತೇನ ಚ ।
ಶ್ರಿಯಃ ಪರಮ್ಪರಾ ಯಸ್ಯ ಭಾವಿ ವಾ ಚೋತ್ತರೋತ್ತರಮ್ ॥ ೩೨॥
ತೇನೈವ ಲಭ್ಯತೇ ಚೈತತ್ಪಶ್ಚಾಚ್ಛ್ರೇಯಃ ಪರೀಕ್ಷಯೇತ್ ।
ಅಸ್ಯಾ ನಾಮ್ನಾಂ ತ್ರಿಶತ್ಯಾಸ್ತು ಮಹಿಮಾ ಕೇನ ವರ್ಣ್ಯತೇ ॥ ೩೩॥
ಯಾ ಸ್ವಯಂ ಶಿವಯೋರ್ವಕ್ತ್ರ-ಪದ್ಮಾಭ್ಯಾಂ ಪರಿನಿಃಸೃತಾ ।
ನಿತ್ಯಂ ಷೋಡಶ-ಸಙ್ಖ್ಯಾಕಾನ್ವಿಪ್ರಾನಾದೌ ತು ಭೋಜಯೇತ್ ॥ ೩೪॥
ಅಭ್ಯಕ್ತಾಂಸ್ತಿಲ-ತೈಲೇನ ಸ್ನಾತಾನುಷ್ಣೇನ ವಾರಿಣಾ ।
ಅಭ್ಯರ್ಚ ಗನ್ಧಪುಷ್ಪಾದ್ಯೈಃ ಕಾಮೇಶ್ವರ್ಯಾದಿ-ನಾಮಭಿಃ ॥ ೩೫॥
ಸೂಪಾಪೂಪೈಃ ಶರ್ಕರಾದ್ಯೈಃ ಪಾಯಸೈಃ ಫಲಸಂಯುತೈಃ ।
ವಿದ್ಯಾವಿದೋ ವಿಶೇಷೇಣ ಭೋಜಯೇತ್ ಷೋಡಶ ದ್ವಿಜಾನ್ ॥ ೩೬॥
ಏವಂ ನಿತ್ಯಾರ್ಚನಂ ಕುರ್ಯಾದಾದೌ ಬ್ರಾಹ್ಮಣ-ಭೋಜನಮ್ ।
ತ್ರಿಶತೀನಾಮಭಿಃ ಪಶ್ಚಾದ್ಬ್ರಾಹ್ಮಣಾನ್ಕ್ರಮಶೋಽರ್ಚಯೇತ್ ॥ ೩೭॥
ತೈಲಾಭ್ಯಙ್ಗಾದಿಕಂ ದತ್ವಾ ವಿಭವೇ ಸತಿ ಭಕ್ತಿತಃ ।
ಶುಕ್ಲ-ಪ್ರತಿಪದಾರಭ್ಯ ಪೌರ್ಣಮಾಸ್ಯವಧಿ ಕ್ರಮಾತ್ ॥ ೩೮॥
ದಿವಸೇ ದಿವಸೇ ವಿಪ್ರಾ ಭೋಜ್ಯಾ ವಿಂಶತಿ-ಸಙ್ಖ್ಯಯಾ ।
ದಶಭಿಃ ಪಞ್ಚಭಿರ್ವಾಪಿ ತ್ರೀಭಿರೇಕೇನ ವಾ ದಿನೈಃ ॥ ೩೯॥
ತ್ರಿಂಶತ್ಷಷ್ಟಿಃ ಶತಂ ವಿಪ್ರಾಃ ಸಮ್ಭೋಜ್ಯಾಸ್ತ್ರಿಶತಂ ಕ್ರಮಾತ್ ।
ಏವಂ ಯಃ ಕುರುತೇ ಭಕ್ತ್ಯಾ ಜನ್ಮಮಧ್ಯೇ ಸಕೃನ್ನರಃ ॥ ೪೦॥
ತಸ್ಯೈವ ಸಫಲಂ ಜನ್ಮ ಮುಕ್ತಿಸ್ತಸ್ಯ ಕರೇ ಸ್ಥಿರಾ ।
ರಹಸ್ಯನಾಮ-ಸಾಹಸ್ತ್ರ-ಭೋಜನೇಽಪ್ಯೇವಮೇವ ಹಿ ॥ ೪೧॥
ಆದೌ ನಿತ್ಯಬಲಿಂ ಕುರ್ಯಾತ್-ಪಶ್ಚಾದ್-ಬ್ರಾಹ್ಮಣಭೋಜನಮ್ ।
ರಹಸ್ಯನಾಮ-ಸಾಹಸ್ರ-ಮಹಿಮಾ ಯೋ ಮಯೋದಿತಃ ॥ ೪೨॥
ಸ ಶೀಕರಾಣುರತ್ರೈಕ-ನಾಮ್ನೋ ಮಹಿಮ-ವಾರಿಧೇಃ ।
ವಾಗ್ದೇವೀ-ರಚಿತೇ ನಾಮಸಾಹಸ್ನೇ ಯದ್ಯದೀರಿತಮ್ ॥ ೪೩॥
ತತ್ಫಲಂ ಕೋಟಿಗುಣಿತಂ ನಾಮ್ನೋಽಪ್ಯೇಕಸ್ಯ ಕೀರ್ತನಾತ್ ।
ಏತದನ್ಯೈರ್ಜಪೈಃ ಸ್ತೋತ್ರೈರರ್ಚನೈರ್ಯತ್ಫಲಂ ಭವೇತ್ ॥ ೪೪॥
ತತ್ಫಲಂ ಕೋಟಿಗುಣಿತಂ ಭವೇನ್ನಾಮ-ಶತತ್ರಯಾತ್ ।
ವಾಗ್ದೇವೀ-ರಚಿತೇ ಸ್ತೋತ್ರೇ ತಾದೃಶೋ ಮಹಿಮಾ ಯದಿ ॥ ೪೫॥
ಸಾಕ್ಷಾತ್ಕಾಮೇಶ-ಕಾಮೇಶೀ-ಕೃತೇಽಸ್ಮಿನ್ ಗೃಹ್ಯತಾಮಿತಿ ।
ಸಕೃತ್ ಸಙ್ಕೀರ್ತನಾದೇವ ನಾಮ್ನಾಮ್ನಸ್ಮಿನ್ ಶತತ್ರಯೇ ॥ ೪೬॥
ಭವೇಚ್ಚಿತ್ತಸ್ಯ ಪರ್ಯಾಪ್ತಿರ್ನ್ಯೂನಮನ್ಯಾನಪೇಕ್ಷಿಣೀ ।
ನ ಜ್ಞಾತವ್ಯಮಿತೋಽಪ್ಯನ್ಯನ್-ನ ಜಪ್ತವ್ಯಂ ಚ ಕುಮ್ಭಜ ॥ ೪೭॥
ಯದ್ಯತ್ಸಾಧ್ಯತಮಂ ಕಾರ್ಯಂ ತತ್ತದರ್ಥಮಿದಂ ಜಪೇತ್ ।
ತತ್ತತ್ಫಲಮವಾಪ್ನೋತಿ ಪಶ್ಚಾತ್ಕಾರ್ಯಂ ಪರೀಕ್ಷಯೇತ್ ॥ ೪೮॥
ಯೇ ಯೇ ಪ್ರಯೋಗಾಸ್ತನ್ತ್ರೇಷು ತೈಸ್ತೈರ್ಯತ್ಸಾಧ್ಯತೇ ಫಲಮ್ ।
ತತ್ಸರ್ವಂ ಸಿದ್ಧ್ಯತಿ ಕ್ಷಿಪ್ರಂ ನಾಮತ್ರಿಶತ-ಕೀರ್ತನಾತ್ ॥ ೪೯॥
ಆಯುಷ್ಕರಂ ಪುಷ್ಟಿಕರಂ ಪುತ್ರದಂ ವಶ್ಯಕಾರಕಮ್ ।
ವಿದ್ಯಾಪ್ರದಂ ಕೀರ್ತಿಕರಂ ಸುಕವಿತ್ವ-ಪ್ರದಾಯಕಮ್ ॥ ೫೦॥
ಸರ್ವಸಮ್ಪತ್ಪ್ರದಂ ಸರ್ವಭೋಗದಂ ಸರ್ವಸೌಖ್ಯದಮ್ ।
ಸರ್ವಾಭೀಷ್ಟಪ್ರದಂ ಚೈವ ದೇವ್ಯಾ ನಾಮಶತತ್ರಯಮ್ ॥ ೫೧॥
ಏತಜ್ಜಪಪರೋ ಭೂಯಾನ್ನಾನ್ಯದಿಚ್ಛೇತ್ ಕದಾಚನ ।
ಏತತ್ಕೀರ್ತನಸನ್ತುಷ್ಟಾ ಶ್ರೀದೇವೀ ಲಲಿತಾಮ್ಬಿಕಾ ॥ ೫೨॥
ಭಕ್ತಸ್ಯ ಯದ್ಯದಿಷ್ಟಂ ಸ್ಯಾತ್ತತ್ತತ್ ಪೂರಯತೇ ಧ್ರುವಮ್ ।
ತಸ್ಮಾತ್ ಕುಮ್ಭೋದ್ಭವ ಮುನೇ ಕೀರ್ತಯ ತ್ವಮಿದಂ ಸದಾ ॥ ೫೩॥
ನಾಪರಂ ಕಿಞ್ಚಿದಪಿ ತೇ ಬೋದ್ಧವ್ಯಮವಶಿಷ್ಯತೇ ।
ಇತಿ ತೇ ಕಥಿತಂ ಸ್ತೋತ್ರಂ ಲಲಿತಾ-ಪ್ರೀತಿದಾಯಕಮ್ ॥ ೫೪॥
ನಾವಿದ್ಯಾವೇದಿನೇ ಬ್ರೂಯಾನ್ನಾಭಕ್ತಾಯ ಕದಾಚನ ।
ನ ಶಠಾಯ ನ ದುಷ್ಟಾಯ ನಾವಿಶ್ವಾಸಾಯ ಕರ್ಹಿಚಿತ್ ॥ ೫೫॥
ಯೋ ಬ್ರೂಯಾತ್ ತ್ರಿಶತೀಂ ನಾಮ್ನಾಂ ತಸ್ಯಾನರ್ಥೋ ಮಹಾನ್ಭವೇತ್ ।
ಇತ್ಯಾಜ್ಞಾ ಶಾಙ್ಕರೀ ಪ್ರೋಕ್ತಾ ತಸ್ಮಾದ್ಗೋಪ್ಯಮಿದಂ ತ್ವಯಾ ॥ ೫೬॥
ಲಲಿತಾ-ಪ್ರೇರಿತೇನೈವ ಮಯೋಕ್ತಂ ಸ್ತೋತ್ರಮುತ್ತಮಮ್ ।
ರಹಸ್ಯನಾಮ-ಸಾಹಸ್ರಾದಪಿ ಗೋಪ್ಯಮಿದಂ ಮುನೇ ॥ ೫೭॥
ಸೂತ ಉವಾಚ-

ಏವಮುಕ್ತ್ವಾ ಹಯಗ್ರೀವಃ ಕುಮ್ಭಜಂ ತಾಪಸೋತ್ತಮಮ್ ।
ಸ್ತೋತ್ರೇಣಾನೇನ ಲಲಿತಾಂ ಸ್ತುತ್ವಾ ತ್ರಿಪುರಸುನ್ದರೀಮ್ ॥
ಆನನ್ದಲಹರೀ-ಮಗ್ನಮಾನಸಃ ಸಮವರ್ತತ ॥ ೫೮॥ (೧೧೭)
॥ ಇತಿ ಶ್ರೀಬ್ರಹ್ಮಾಣ್ಡಪುರಾಣೇ ಉತ್ತರಾಖಣ್ಡೇ ಶ್ರೀಲಲಿತೋಪಾಖ್ಯಾನೇ ಸ್ತೋತ್ರಖಣ್ಡೇ
ಶ್ರೀಹಯಗ್ರೀವಾಗಸ್ತ್ಯ-ಸಂವಾದೇ ಶ್ರೀಲಲಿತಾಮ್ಬಾತ್ರಿಶತೀ-ಸ್ತೋತ್ರಕಥನಂ
ಸರ್ವಸಮ್ಪೂರ್ತಿಕರಂ ಸಮ್ಪೂರ್ಣಮ್ ॥

More Lalita Tripurasundari Stotras

विन्ध्येश्वरीस्तोत्रम्
Vindhyeshwari Stotram
गर्भरक्षाम्बिका स्तोत्रम्
Garbharakshambika Stotram
गोदा चतुश्श्लोकी
Goda Catussloki
कात्यायनि मन्त्र
Katyayani Mantra
मीनाक्षी पञ्च रत्न स्तोत्रम्
Meenakshi Pancharatna Stotram
नवरत्न मालिका स्तोत्रम्
Navaratna Malika Stotram
पद्मावती स्तोत्रं
Padmavati Stotram
ॐ पृथ्वि त्वया धृता
Prthvi Tvaya Dhrita Loka
View All Devi & Shakti Collection →

Explore More

Devi & Shakti CollectionWealthObstaclesHealthProtectionWisdomHome