Goddess Lalita Tripurasundari

શ્રીલલિતાત્રિશતીસ્તોત્રમ્

(Sri Lalita Trishati Stotram in Gujarati)

From Brahmanda Purana

Also known as lalitatrisatistotram

Language:Sanskrit
Translation:English

The Sri Lalita Trishati is a profound devotional hymn found in the Brahmanda Purana, occurring as a dialogue between Hayagriva and the sage Agastya. It consists of 300 names of the Goddess Lalita Tripurasundari, systematically organized according to the Panchadasi Mantra. Unlike other texts that praise her grandeur, the Trishati focuses on the esoteric and meditative aspects of the Goddess. Traditionally recited by seekers for spiritual evolution and mental tranquility, it is considered one of the three core texts of Sri Vidya. Regular recitation is believed to grant immense devotion, liberation from worldly attachments, and the grace of the Divine Mother.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 165
લલિતા ત્રિશતી
લલિતાત્રિશતીસ્તોત્રં
॥ શ્રીલલિતાત્રિશતી પૂર્વપીઠિકા ॥
સકુઙ્કુમવિલેપનામલિકચુમ્બિકસ્તૂરિકાં
સમન્દહસિતેક્ષણાં સશરચાપપાશાઙ્કુશામ્ ।
અશેષજનમોહિનીમરુણમાલ્યભૂષામ્બરાં
જપાકુસુમભાસુરાં જપવિધૌ સ્મરેદમ્બિકામ્ ॥
અગસ્ત્ય ઉવાચ--

હયગ્રીવ દયાસિન્ધો ભગવન્શિષ્યવત્સલ ।
ત્વત્તઃ શ્રુતમશેષેણ શ્રોતવ્યં યદ્યદસ્તિ તત્ ॥ ૧॥
રહસ્ય-નામ-સાહસ્રમપિ ત્વત્તઃ શ્રુતં મયા ।
ઇતઃ પરં મે નાસ્ત્યેવ શ્રોતવ્યમિતિ નિશ્ચયઃ ॥ ૨॥
તથાપિ મમ ચિત્તસ્ય પર્યાપ્તિર્નૈવ જાયતે ।
કાર્ત્સ્ન્યાર્થઃ પ્રાપ્ય ઇત્યેવ શોચયિષ્યામ્યહં પ્રભો ॥ ૩॥
કિમિદં કારણં બ્રૂહિ જ્ઞાતવ્યાંશોઽસ્તિ વા પુનઃ ।
અસ્તિ ચેન્મમ તદ્બ્રૂહિ બ્રૂહીત્યુક્તા પ્રણમ્ય તમ્ ॥ ૪॥
સૂત ઉવાચ-

સમાલલમ્બે તત્પાદ યુગળં કલશોદ્ભવઃ ।
હયાનનો ભીતભીતઃ કિમિદં કિમિદં ત્વિતિ ॥ ૫॥
મુઞ્ચમુઞ્ચેતિ તં ચોક્ત્વા ચિન્તાક્રાન્તો બભૂવ સઃ ।
ચિરં વિચાર્ય નિશ્ચિન્વન્ વક્તવ્યં ન મયેત્યસૌ ॥ ૬॥
તૂષ્ણીં સ્થિતઃ સ્મરન્નાજ્ઞાં લલિતામ્બાકૃતાં પુરા ।
પ્રણમ્ય વિપ્રં સ મુનિસ્તત્પાદાવત્યજન્સ્થિતઃ ॥ ૭॥
વર્ષત્રયાવધિ તથા ગુરુશિષ્યૌ તથા સ્થિતૌ ।
તછૃંણ્વન્તશ્ચ પશ્યન્તઃ સર્વે લોકાઃ સુવિસ્મિતાઃ ॥ ૮॥
તત્ર શ્રીલલિતાદેવી કામેશ્વરસમન્વિતા ।
પ્રાદુર્ભૂતા હયગ્રીવં રહસ્યેવમચોદયત્ ॥ ૯॥
શ્રીદેવી ઉવાચ-

અશ્વાનનાવયોઃ પ્રીતિઃ શાસ્ત્રવિશ્વાસિનિ ત્વયિ ।
રાજ્યં દેયં શિરો દેયં ન દેયા ષોડશાક્ષરી ॥ ૧૦॥
સ્વમાતૃ-જારવત્ ગોપ્યા વિદ્યૈષેત્યાગમા જગુઃ ।
તતોઽતિગોપનીયા મે સર્વપૂર્તિકરી સ્તુતિઃ ॥ ૧૧॥
મયા કામેશ્વરેણાપિ કૃતા સાઙ્ગોપિતા ભૃશમ્ ।
મદાજ્ઞયા વચોદેવ્યશ્ચત્રરર્નામસહસ્રકમ્ ॥ ૧૨॥
આવાભ્યાં કથિતા મુખ્યા સર્વપૂર્તિકરી સ્તુતિઃ ।
સર્વક્રિયાણાં વૈકલ્યપૂર્તિર્યજ્જપતો ભવેત્ ॥ ૧૩॥
સર્વપૂર્તિકરં તસ્માદિદં નામ કૃતં મયા ।
તદ્બ્રૂહિ ત્વમગસ્ત્યાય પાત્રમેવ ન સંશયઃ ॥ ૧૪॥
પત્ન્યસ્ય લોપામુદ્રાખ્યા મામુપાસ્તેઽતિભક્તિતઃ ।
અયઞ્ચ નિતરાં ભક્તસ્તસ્માદસ્ય વદસ્વ તત્ ॥ ૧૫॥
અમુઞ્ચમાનસ્ત્વત્પાદૌ વર્ષત્રયમસૌ સ્થિતઃ ।
એતજ્જ્ઞાતુમતો ભક્ત્યા હિતમેવ નિદર્શનમ્ ॥ ૧૬॥
ચિત્તપર્યાપ્તિરેતસ્ય નાન્યથા સમ્ભવિષ્યતિ ।
સર્વપૂર્તિકરં તસ્માદનુજ્ઞાતો મયા વદ ॥ ૧૭॥
સૂત ઉવાચ-
ઇત્યુક્ત્વાઽન્તરધાદમ્બા કામેશ્વરસમન્વિતા ।
અથોત્થાપ્ય હયગ્રીવઃ પાણિભ્યાં કુમ્ભસમ્ભવમ્ ॥ ૧૮॥
સંસ્થાપ્ય નિકટેવાચમુવાચ ભૃશવિસ્મિતઃ ।
હયગ્રીવ ઉવાચ--
કૃતાર્થોઽસિ કૃતાર્થોઽસિ કૃતાર્થોઽસિ ઘટોદ્ભવ ॥ ૧૯॥
ત્વત્સમો લલિતાભક્તો નાસ્તિ નાસ્તિ જગત્ત્રયે ।
યેનાગસ્ત્ય સ્વયં દેવી તવ વક્તવ્યમન્વશાત્ ॥ ૨૦॥
સચ્છિષ્યેણ ત્વયા ચાહં દૃષ્ટવાનસ્મિ તાં શિવામ્ ।
યતન્તે યદ્દર્શનાય બ્રહ્મવિષ્ણ્વીશ-પૂર્વકાઃ ॥ ૨૧॥
અતઃ પરં તે વક્ષ્યામિ સર્વપૂર્તિકરં સ્તવમ્ ।
યસ્ય સ્મરણમાત્રેણ પર્યાપ્તિસ્તે ભવેદ્ધૃદિ ॥ ૨૨॥
રહસ્યનામ-સાહ્સ્રાદપિ ગુહ્યતમં મુને ।
આવશ્યકં તતોઽપ્યેતલ્લલિતાં સમુપાસિતુમ્ ॥ ૨૩॥
તદહં સમ્પ્રવક્ષ્યામિ લલિતામ્બાનુશાસનાત્ ।
શ્રીમત્પઞ્ચદશાક્ષર્યાઃ કાદિવર્ણાન્ક્રમાન્ મુને ॥ ૨૪॥
પૃથગ્વિંશતિ નામાનિ કથિતાનિ ઘટોદ્ભવ ।
આહત્ય નામ્નાં ત્રિશતી સર્વસમ્પૂર્તિકારિણી ॥ ૨૫॥
રહસ્યાતિરહસ્યૈષા ગોપનીયા પ્રયત્નતઃ ।
તાં શૃણુષ્વ મહાભાગ સાવધાનેન ચેતસા ॥ ૨૬॥
કેવલં નામબુદ્ધિસ્તે ન કાર્યા તેષુ કુમ્ભજ ।
મન્ત્રાત્મકત્વમેતેષાં નામ્નાં નામાત્મતાપિ ચ ॥ ૨૭॥
તસ્માદેકાગ્ર-મનસા શ્રોતવ્યં ચ ત્વયા સદા ।
સૂત ઉવાચ-
ઇત્યુક્ત્વા તં હયગ્રીવઃ પ્રોચે નામશતત્રયમ્ ॥ ૨૮॥
॥ ઇતિ શ્રીલલિતાત્રિશતીસ્તોત્રસ્ય પૂર્વપીઠિકા સમ્પૂર્ણા ।
॥ ન્યાસઃ ॥
અસ્ય શ્રીલલિતાત્રિશતી-સ્તોત્ર-મહામન્ત્રસ્ય ભગવાન્ હયગ્રીવ ઋષિઃ,
અનુષ્ટુપ્છન્દઃ, શ્રીલલિતામહાત્રિપુરસુન્દરી દેવતા,
ઐં બીજમ્, સૌઃ શક્તિઃ, ક્લીં કીલકમ્,
મમ ચતુર્વિધ-ફલપુરુષાર્થે જપે (વા) પારાયણે વિનિયોગઃ ॥
ઐં અઙ્ગુષ્ઠાભ્યાં નમઃ ।
ક્લીં તર્જનીભ્યાં નમઃ ।
સૌઃ મધ્યમાભ્યાં નમઃ ।
ઐં અનામિકાભ્યાં નમઃ ।
ક્લીં કનિષ્ઠિકાભ્યાં નમઃ ।
સૌઃ કરતલકરપૃષ્ઠાભ્યાં નમઃ ॥
ઐં હૃદયાય નમઃ ।
ક્લીં શિરસે સ્વાહા ।
સૌઃ શિખાયૈ વષટ્ ।
ઐં કવચાય હુમ્ ।
ક્લીં નેત્રત્રયાય વૌષટ્ ।
સૌઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્બન્ધઃ ॥
॥ ધ્યાનમ્ ॥

અતિમધુર-ચાપહસ્તામપરિમિતામોદ-બાણ-સૌભાગ્યામ્ ।
અરુણામતિશયકરુણામભિનવ-કુલસુન્દરીં વન્દે ॥
॥ લં ઇત્યાદિ પઞ્ચપૂજા ॥

લં પૃથિવ્યાત્મિકાયૈ શ્રીલલિતામ્બિકાયૈ ગન્ધં સમર્પયામિ ।
હં આકાશાત્મિકાયૈ શ્રીલલિતામ્બિકાયૈ પુષ્પૈઃ પૂજયામિ ।
યં વાય્વાત્મિકાયૈ શ્રીલલિતામ્બિકાયૈ ધૂપમાઘ્રાપયામિ ।
રં વહ્યાત્મિકાયૈ શ્રીલલિતામ્બિકાયૈ દીપં દર્શયામિ ।
વં અમૃતાત્મિકાયૈ શ્રીલલિતામ્બિકાયૈ અમૃતં મહાનૈવેદ્યં નિવેદયામિ ।
સં સર્વાત્મિકાયૈ શ્રીલલિતામ્બિકાયૈ સર્વોપચારપૂજાં સમર્પયામિ ॥
॥ અથ શ્રીલલિતાત્રિશતી સ્તોત્રમ્ ॥
કકારરૂપા કલ્યાણી કલ્યાણગુણશાલિની ।
કલ્યાણશૈલનિલયા કમનીયા કલાવતી ॥ ૧॥
કમલાક્ષી કલ્મષઘ્ની કરુણામૃતસાગરા ।
કદમ્બ-કાનનાવાસા કદમ્બ- કુસુમપ્રિયા ॥ ૨॥
કન્દર્પવિદ્યા કન્દર્પ-જનકાપાઙ્ગવીક્ષણા ।
કર્પૂરવીટી-સૌરભ્ય-કલ્લોલિત-કકુપ્તટા ॥ ૩॥
કલિદોષહરા કઞ્જલોચના કમ્રવિગ્રહા ।
કર્માદિસાક્ષિણી કારયિત્રી કર્મફલપ્રદા ॥ ૪॥
એકારરૂપા ચૈકાક્ષર્યેકાનેકાક્ષરાકૃતિઃ ।
એતત્તદિત્યનિર્દેશ્યા ચૈકાનન્દચિદાકૃતિઃ ॥ ૫॥
એવમિત્યાગમાબોધ્યા ચૈકભક્તિમદર્ચિતા ।
એકાગ્રચિત્ત-નિર્ધ્યાતા ચૈષણા-રહિતાદૃતા ॥ ૬॥
એલાસુગન્ધિચિકુરા ચૈનઃ કૂટવિનાશિની ।
એકભોગા ચૈકરસા ચૈકૈશ્વર્યપ્રદાયિની ॥ ૭॥
એકાતપત્ર-સામ્રાજ્યપ્રદા ચૈકાન્તપૂજિતા ।
એધમાનપ્રભા ચૈજદનેકજગદીશ્વરી ॥ ૮॥
એકવીરાદિ-સંસેવ્યા ચૈકપ્રાભવ-શાલિની ।
ઈકારરૂપા ચેશિત્રી ચેપ્સિતાર્થ-પ્રદાયિની ॥ ૯॥
ઈદૃગિત્યવિનિર્દેશ્યા ચેશ્વરત્વ-વિધાયિની ।
ઈશાનાદિ-બ્રહ્મમયી ચેશિત્વાદ્યષ્ટસિદ્ધિદા ॥ ૧૦॥
ઈક્ષિત્રીક્ષણ-સૃષ્ટાણ્ડકોટિરીશ્વરવલ્લભા ।
ઈડિતા ચેશ્વરાર્ધાઙ્ગશરીરેશાધિદેવતા ॥ ૧૧॥
ઈશ્વરપ્રેરણકરી ચેશતાણ્ડવ-સાક્ષિણી ।
ઈશ્વરોત્સઙ્ગનિલયા ચેતિબાધા-વિનાશિની ॥ ૧૨॥
ઈહાવિરાહિતા ચેશશક્તિરીષત્સ્મિતાનના ।
લકારરૂપા લલિતા લક્ષ્મીવાણીનિષેવિતા ॥ ૧૩॥
લાકિની લલનારૂપા લસદ્દાડિમપાટલા ।
લલન્તિકા-લસત્ફાલા લલાટનયનાર્ચિતા ॥ ૧૪॥
લક્ષણોજ્જ્વલ-દિવ્યાઙ્ગી લક્ષકોટ્યણ્ડ-નાયિકા ।
લક્ષ્યાર્થા લક્ષણાગમ્યા લબ્ધકામા લતાતનુઃ ॥ ૧૫॥
લલામરાજદલિકા લમ્બિમુક્તાલતાઞ્ચિતા ।
લમ્બોદરપ્રસૂર્લભ્યા લજ્જાઢ્યા લયવર્જિતા ॥ ૧૬॥
હ્રીંકારરૂપા હ્રીંકારનિલયા હ્રીંપદપ્રિયા ।
હ્રીંકારબીજા હ્રીંકારમન્ત્રા હ્રીંકારલક્ષણા ॥ ૧૭॥
હ્રીંકારજપસુપ્રીતા હ્રીંમતી હ્રીંવિભૂષણા ।
હ્રીંશીલા હ્રીંપદારાધ્યા હ્રીંગર્ભા હ્રીંપદાભિધા ॥ ૧૮॥
હ્રીંકારવાચ્યા હ્રીંકારપૂજ્યા હ્રીંકારપીઠિકા ।
હ્રીંકારવેદ્યા હ્રીંકારચિન્ત્યા હ્રીં હ્રીંશરીરિણી ॥ ૧૯॥
હકારરૂપા હલધૃત્પૂજિતા હરિણેક્ષણા ।
હરપ્રિયા હરારાધ્યા હરિબ્રહ્મેન્દ્રવન્દિતા ॥ ૨૦॥
હયારૂઢા-સેવિતાઙ્ઘ્રિર્હયમેધ-સમર્ચિતા ।
હર્યક્ષવાહના હંસવાહના હતદાનવા ॥ ૨૧॥
હત્યાદિપાપશમની હરિદશ્વાદિસેવિતા ।
હસ્તિકુમ્ભોત્તુઙ્ગકુચા હસ્તિકૃત્તિ-પ્રિયાઙ્ગના ॥ ૨૨॥
હરિદ્રાકુઙ્કુમાદિગ્ધા હર્યશ્વાદ્યમરાર્ચિતા ।
હરિકેશસખી હાદિવિદ્યા હાલામદાલસા ॥ ૨૩॥ (હાલામદોલ્લસા)
સકારરૂપા સર્વજ્ઞા સર્વેશી સર્વમઙ્ગલા ।
સર્વકર્ત્રી સર્વભર્ત્રી સર્વહન્ત્રી સનાતના ॥ ૨૪॥
સર્વાનવદ્યા સર્વાઙ્ગસુન્દરી સર્વસાક્ષિણી ।
સર્વાત્મિકા સર્વસૌખ્યદાત્રી સર્વવિમોહિની ॥ ૨૫॥
સર્વાધારા સર્વગતા સર્વાવગુણવર્જિતા ।
સર્વારુણા સર્વમાતા સર્વભૂષણભૂષિતા ॥ ૨૬॥
કકારાર્થા કાલહન્ત્રી કામેશી કામિતાર્થદા ।
કામસઞ્જીવિની કલ્યા કઠિનસ્તનમણ્ડલા ॥ ૨૭॥
કરભોરુઃ કલાનાથમુખી કચજિતામ્બુદા ।
કટાક્ષસ્યન્દિકરુણા કપાલિપ્રાણનાયિકા ॥ ૨૮॥
કારુણ્યવિગ્રહા કાન્તા કાન્તિધૂત-જપાવલિઃ ।
કલાલાપા કમ્બુકણ્ઠી કરનિર્જિત-પલ્લવા ॥ ૨૯॥
કલ્પવલ્લી-સમભુજા કસ્તૂરી-તિલકાઞ્ચિતા ।
હકારાર્થા હંસગતિર્હાટકાભરણોજ્જ્વલા ॥ ૩૦॥
હારહારિ-કુચાભોગા હાકિની હલ્યવર્જિતા ।
હરિત્પતિ-સમારાધ્યા હઠાત્કાર-હતાસુરા ॥ ૩૧॥
હર્ષપ્રદા હવિર્ભોક્ત્રી હાર્દ-સન્તમસાપહા ।
હલ્લીસલાસ્યસન્તુષ્ટા હંસમન્ત્રાર્થ-રૂપિણી ॥ ૩૨॥
હાનોપાદાન-નિર્મુક્તા હર્ષિણી હરિસોદરી ।
હાહાહૂહૂ-મુખસ્તુત્યા હાનિવૃદ્ધિ-વિવર્જિતા ॥ ૩૩॥
હય્યઙ્ગવીન-હૃદયા હરિગોપારુણાંશુકા ।
લકારાખ્યા લતાપૂજ્યા લયસ્થિત્યુદ્ભવેશ્વરી ॥ ૩૪॥
લાસ્યદર્શન-સન્તુષ્ટા લાભાલાભ-વિવર્જિતા ।
લઙ્ઘ્યેતરાજ્ઞા લાવણ્ય-શાલિની લઘુસિદ્ધિદા ॥ ૩૫॥
લાક્ષારસ-સવર્ણાભા લક્ષ્મણાગ્રજ-પૂજિતા ।
લભ્યેતરા લબ્ધભક્તિ-સુલભા લાઙ્ગલાયુધા ॥ ૩૬॥
લગ્નચામર-હસ્ત-શ્રીશારદા-પરિવીજિતા ।
લજ્જાપદ-સમારાધ્યા લમ્પટા લકુલેશ્વરી ॥ ૩૭॥
લબ્ધમાના લબ્ધરસા લબ્ધસમ્પત્સમુન્નતિઃ ।
હ્રીંકારિણી હ્રીંકારાદ્યા હ્રીંમધ્યા હ્રીંશિખામણિઃ ॥ ૩૮॥
હ્રીંકાર-કુણ્ડાગ્નિશિખા હ્રીંકાર-શશિચન્દ્રિકા ।
હ્રીંકાર-ભાસ્કરરુચિર્હ્રીંકારામ્ભોદ-ચઞ્ચલા ॥ ૩૯॥
હ્રીંકારકન્દાઙ્કુરિકા હ્રીંકારૈક-પરાયણા ।
હ્રીંકાર-દીર્ઘિકાહંસી હ્રીંકારોદ્યાન-કેકિની ॥ ૪૦॥
હ્રીંકારારણ્ય-હરિણી હ્રીંકારાવાલ-વલ્લરી ।
હ્રીંકાર-પઞ્જરશુકી હ્રીંકારાઙ્ગણ-દીપિકા ॥ ૪૧॥
હ્રીંકાર-કન્દરાસિંહી હ્રીંકારામ્ભોજ-ભૃઙ્ગિકા ।
હ્રીંકારસુમનો-માધ્વી હ્રીંકાર-તરુમઞ્જરી ॥ ૪૨॥
સકારાખ્યા સમરસા સકલાગમ-સંસ્તુતા ।
સર્વવેદાન્ત-તાત્પર્યભૂમિઃ સદસદાશ્રયા ॥ ૪૩॥
સકલા સચ્ચિદાનન્દા સાધ્યા સદ્ગતિદાયિની ।
સનકાદિ-મુનિધ્યેયા સદાશિવ-કુટુમ્બિની ॥ ૪૪॥
સકાલાધિષ્ઠાનરૂપા સત્યરૂપા સમાકૃતિઃ ।
સર્વપ્રપઞ્ચ-નિર્માત્રી સમાનાધિક-વર્જિતા ॥ ૪૫॥
સર્વોત્તુઙ્ગા સઙ્ગહીના સગુણા સકલેષ્ટદા । (સકલેશ્વરી)
કકારિણી કાવ્યલોલા કામેશ્વર-મનોહરા ॥ ૪૬॥
કામેશ્વર-પ્રાણનાડી કામેશોત્સઙ્ગ-વાસિની ।
કામેશ્વરાલિઙ્ગિતાઙ્ગી કામેશ્વર-સુખપ્રદા ॥ ૪૭॥
કામેશ્વર-પ્રણયિની કામેશ્વર-વિલાસિની ।
કામેશ્વર-તપઃસિદ્ધિઃ કામેશ્વર-મનઃપ્રિયા ॥ ૪૮॥
કામેશ્વર-પ્રાણનાથા કામેશ્વર-વિમોહિની ।
કામેશ્વર-બ્રહ્મવિદ્યા કામેશ્વર-ગૃહેશ્વરી ॥ ૪૯॥
કામેશ્વરાહ્લાદકરી કામેશ્વર-મહેશ્વરી ।
કામેશ્વરી કામકોટિ-નિલયા કાઙ્ક્ષિતાર્થદા ॥ ૫૦॥
લકારિણી લબ્ધરૂપા લબ્ધધીર્લબ્ધવાઞ્છિતા ।
લબ્ધપાપ-મનોદૂરા લબ્ધાહઙ્કાર-દુર્ગમા ॥ ૫૧॥
લબ્ધશક્તિર્લબ્ધદેહા લબ્ધૈશ્વર્ય-સમુન્નતિઃ ।
લબ્ધવૃદ્ધિર્લબ્ધલીલા લબ્ધયૌવન-શાલિની ॥ ૫૨॥ (લબ્ધબુધિઃ)
લબ્ધાતિશય-સર્વાઙ્ગ-સૌન્દર્યા લબ્ધ-વિભ્રમા ।
લબ્ધરાગા લબ્ધપતિર્લબ્ધનાનાગમ-સ્થિતિઃ ॥ ૫૩॥ (લબ્ધગતિ)
લબ્ધભોગા લબ્ધસુખા લબ્ધહર્ષાભિપૂરિતા । (પૂજિતા)
હ્રીંકારમૂર્તિર્હ્રીંકાર-સૌધશૃઙ્ગ-કપોતિકા ॥ ૫૪॥
હ્રીંકાર-દુગ્ધાબ્ધિ-સુધા હ્રીંકાર-કમલેન્દિરા ।
હ્રીંકાર-મણિદીપાર્ચિર્હ્રીંકાર-તરુશારિકા ॥ ૫૫॥
હ્રીંકાર-પેટકમણિર્હ્રીંકારદર્શ-બિમ્બિતા ।
હ્રીંકાર-કોશાસિલતા હ્રીંકારાસ્થાન-નર્તકી ॥ ૫૬॥
હ્રીંકાર-શુક્તિકા-મુક્તામણિર્હ્રીંકાર-બોધિતા ।
હ્રીંકારમય-સૌવર્ણ-સ્તમ્ભ-વિદ્રુમ-પુત્રિકા ॥ ૫૭॥
હ્રીંકાર-વેદોપનિષદ્ હ્રીંકારાધ્વર-દક્ષિણા ।
હ્રીંકાર-નન્દનારામ-નવકલ્પક-વલ્લરી ॥ ૫૮॥
હ્રીંકાર-હિમવદ્ગઙ્ગા હ્રીંકારાર્ણવ-કૌસ્તુભા ।
હ્રીંકાર-મન્ત્રસર્વસ્વા હ્રીંકારપર-સૌખ્યદા ॥ ૫૯॥
॥ ઇતિ શ્રીલલિતાત્રિશતીસ્તોત્રં સમ્પૂર્ણમ્ ॥
॥ શ્રીલલિતા ત્રિશતી ઉત્તરપીઠિકા ॥
શ્રીહયગ્રીવ ઉવાચ-
ઇત્યેવં તે મયાઽઽખ્યાતં દેવ્યા નામશતત્રયમ્ ।
રહસ્યાતિરહસ્યત્વાદ્ગોપનીયં ત્વયા મુને ॥ ૧॥ (૬૦)
શિવવર્ણાનિ નામાનિ શ્રીદેવ્યા કથિતાનિ હિ ।
શક્તયક્ષરાણિ નામાનિ કામેશ-કથિતાનિ ચ ॥ ૨॥
ઉભયાક્ષર-નામાનિ હ્યુભાભ્યાં કથિતાનિ વૈ ।
તદન્યૈર્ગ્રથિતં સ્તોત્રમેતસ્ય સદૃશં કિમુ ॥ ૩॥
નાનેન સદૃશં સ્તોત્રં શ્રીદેવી-પ્રીતિદાયકમ્ ।
લોકત્રયેઽપિ કલ્યાણં સમ્ભવેન્નાત્ર સંશયઃ ॥ ૪॥
સૂત ઉવાચ-
ઇતિ હયમુખગીતં સ્તોત્રરાજં નિશમ્ય
પ્રગલિત-કલુષોઽભૂચ્ચિત્ત-પર્યાપ્તિમેત્ય ।
નિજગુરુમથ નત્વા કુમ્ભજન્મા તદુક્તં
પુનરધિક-રહસ્યં જ્ઞાતુમેવં જગાદ ॥ ૫॥
અગસ્ત્ય ઉવાચ--

અશ્વાનન મહાભાગ રહસ્યમપિ મે વદ ।
શિવવર્ણાનિ કાન્યત્ર શક્તિવર્ણાનિ કાનિ હિ ॥ ૬॥
ઉભયોરપિ વર્ણાનિ કાનિ વા વદ દેશિક ।
ઇતિ પૃષ્ટઃ કુમ્ભજેન હયગ્રીવોઽવદત્ પુનઃ ॥ ૭॥
હયગ્રીવ ઉવાચ-

તવ ગોપ્યં કિમસ્તીહ સાક્ષાદમ્બાનુશાસનાત્ ।
ઇદં ત્વતિરહસ્યં તે વક્ષ્યામિ શૃણુ કુમ્ભજ ॥ ૮॥
એતદ્વિજ્ઞાન-માત્રેણ શ્રીવિદ્યા સિદ્ધિદા ભવેત્ ।
કત્રયં હદ્બયં ચૈવ શૈવો ભાગઃ પ્રકીર્તિતઃ ॥ ૯॥
શક્ત્યક્ષરાણિ શેષાણિ હ્રીંકાર ઉભયાત્મકઃ ।
એવં વિભાગમજ્ઞાત્વા યે વિદ્યાજપ-શાલિનઃ ॥ ૧૦॥
ન તેષાં સિદ્ધિદા વિદ્યા કલ્પકોટિ-શતૈરપિ ।
ચતુર્ભિઃ શિવચક્રૈશ્ચ શક્તિચક્રૈશ્ચ પઞ્ચભિઃ ॥ ૧૧॥
નવચક્રૈશ્ચ સંસિદ્ધં શ્રીચક્રં શિવયોર્વપુઃ ।
ત્રિકોણમષ્ટકોણં ચ દશકોણદ્બયં તથા ॥ ૧૨॥
ચતુર્દશારં ચૈતાનિ શક્તિચક્રાણિ પઞ્ચ ચ ।
બિન્દુશ્ચાષ્ટદલં પદ્મં પદ્મં ષોડશ-પત્રકમ્ ॥ ૧૩॥
ચતુરશ્રં ચ ચત્વારિ શિવચક્રાણ્યનુક્રમાત્ ।
ત્રિકોણે બૈન્દવં શ્લિષ્ટં અષ્ટારેઽષ્ટ-દલામ્બુજમ્ ॥ ૧૪॥
દશારયોઃ ષોડશારં ભૂગૃહં ભુવનાશ્રકે ।
શૈવાનામપિ શાક્તાનાં ચક્રાણાં ચ પરસ્પરમ્ ॥ ૧૫॥
અવિનાભાવ-સમ્બન્ધં યો જાનાતિ સ ચક્રવિત્ ।
ત્રિકોણરૂપિણી શક્તિર્બિન્દુરૂપપરઃ શિવઃ ॥ ૧૬॥
અવિનાભાવ-સમ્બન્ધં તસ્માદ્બિન્દુ-ત્રિકોણયોઃ ।
એવં વિભાગમજ્ઞાત્વા શ્રીચક્રં યઃ સમર્ચયેત્ ॥ ૧૭॥
ન તત્ફલમવાપ્નોતિ લલિતામ્બા ન તુષ્યતિ ।
યે ચ જાનન્તિ લોકેઽસ્મિન્ શ્રીવિદ્યા-ચક્રવેદિનઃ ॥ ૧૮॥
સામાન્ય-વેદિનઃ સર્વે વિશેષજ્ઞોઽતિદુર્લભઃ ।
સ્વયં વિદ્યા-વિશેષજ્ઞો વિશેષજ્ઞં સમર્ચયેત્ ॥ ૧૯॥
તસ્મૈ દેયં તતો ગ્રાહ્યમશક્તસ્તસ્ય દાપયેત્ ।
અન્ધં તમઃ પ્રવિશન્તિ યેઽવિદ્યાં સમુપાસતે ॥ ૨૦॥
ઇતિ શ્રુતિરપાહૈતાનવિદ્યોપાસકાન્પુનઃ ।
વિદ્યાન્યોપાસકાનેવ નિન્દત્યારુણિકી શ્રુતિઃ ॥ ૨૧॥
અશ્રુતા સશ્રુતાસશ્ચ યજ્ચાનો યેઽપ્યયજ્વનઃ ।
સ્વર્યન્તો નાપેક્ષન્તે ઇન્દ્રમગ્નિઞ્ચ યે વિદુઃ ॥ ૨૨॥
સિકતા ઇવ સંયન્તિ રશ્મિભિઃ સમુદીરિતાઃ ।
અસ્માલ્લોકાદમુષ્માચ્ચેત્યાહ ચારણ્યક-શ્રુતિઃ ॥ ૨૩॥
યસ્ય નો પશ્ચિમં જન્મ યદિ વા શઙ્કરઃ સ્વયમ્ ।
તેનૈવ લભ્યતે વિદ્યા શ્રીમત્પઞ્ચદશાક્ષરી ॥ ૨૪॥
ઇતિ મન્ત્રેષુ બહુધા વિદ્યાયા મહિમોચ્યતે ।
મોક્ષૈકહેતુવિદ્યા તુ શ્રીવિદ્યા નાત્ર સંશયઃ ॥ ૨૫॥
ન શિલ્પાદિ-જ્ઞાનયુક્તે વિદ્વચ્છબ્દઃ પ્રયુજ્યતે ।
મોક્ષૈકહેતુવિદ્યા સા શ્રીવિદ્યૈવ ન સંશયઃ ॥ ૨૬॥
તસ્માદ્વિદ્યા-વિદેવાત્ર વિદ્વાન્વિદ્વાનિતીર્યતે ।
સ્વયં વિદ્યાવિદે દદ્યાત્ખ્યાપયેત્તદ્ગુણાન્સુધીઃ ॥ ૨૭॥
સ્વયંવિદ્યા-રહસ્યજ્ઞો વિદ્યા-માહાત્મ્ય-વેદ્યપિ
વિદ્યાવિદં નાર્ચયેચ્ચેત્કો વા તં પૂજયેજ્જનઃ ॥ ૨૮॥
પ્રસઙ્ગાદિદમુક્તં તે પ્રકૃતં શૃણુ કુમ્ભજ ।
યઃ કીર્તયેત્સકૃત્ભક્ત્યા દિવ્ય-નામશત-ત્રયમ્ ॥ ૨૯॥
તસ્ય પુણ્યમહં વક્ષ્યે શૃણુ ત્વં કુમ્ભસમ્ભવ ।
રહસ્યનામ-સાહસ્રપાઠે યત્ફલમીરિતમ્ ॥ ૩૦॥
તત્ફલં કોટિગુણિતમેક-નામજપાદ્ભવેત્ ।
કામેશ્વરી-કામેશાભ્યાં કૃતં નામશતત્રયમ્ ॥ ૩૧॥
નાન્યેન તુલયેદેતત્ સ્તોત્રેણાન્ય-કૃતેન ચ ।
શ્રિયઃ પરમ્પરા યસ્ય ભાવિ વા ચોત્તરોત્તરમ્ ॥ ૩૨॥
તેનૈવ લભ્યતે ચૈતત્પશ્ચાચ્છ્રેયઃ પરીક્ષયેત્ ।
અસ્યા નામ્નાં ત્રિશત્યાસ્તુ મહિમા કેન વર્ણ્યતે ॥ ૩૩॥
યા સ્વયં શિવયોર્વક્ત્ર-પદ્માભ્યાં પરિનિઃસૃતા ।
નિત્યં ષોડશ-સઙ્ખ્યાકાન્વિપ્રાનાદૌ તુ ભોજયેત્ ॥ ૩૪॥
અભ્યક્તાંસ્તિલ-તૈલેન સ્નાતાનુષ્ણેન વારિણા ।
અભ્યર્ચ ગન્ધપુષ્પાદ્યૈઃ કામેશ્વર્યાદિ-નામભિઃ ॥ ૩૫॥
સૂપાપૂપૈઃ શર્કરાદ્યૈઃ પાયસૈઃ ફલસંયુતૈઃ ।
વિદ્યાવિદો વિશેષેણ ભોજયેત્ ષોડશ દ્વિજાન્ ॥ ૩૬॥
એવં નિત્યાર્ચનં કુર્યાદાદૌ બ્રાહ્મણ-ભોજનમ્ ।
ત્રિશતીનામભિઃ પશ્ચાદ્બ્રાહ્મણાન્ક્રમશોઽર્ચયેત્ ॥ ૩૭॥
તૈલાભ્યઙ્ગાદિકં દત્વા વિભવે સતિ ભક્તિતઃ ।
શુક્લ-પ્રતિપદારભ્ય પૌર્ણમાસ્યવધિ ક્રમાત્ ॥ ૩૮॥
દિવસે દિવસે વિપ્રા ભોજ્યા વિંશતિ-સઙ્ખ્યયા ।
દશભિઃ પઞ્ચભિર્વાપિ ત્રીભિરેકેન વા દિનૈઃ ॥ ૩૯॥
ત્રિંશત્ષષ્ટિઃ શતં વિપ્રાઃ સમ્ભોજ્યાસ્ત્રિશતં ક્રમાત્ ।
એવં યઃ કુરુતે ભક્ત્યા જન્મમધ્યે સકૃન્નરઃ ॥ ૪૦॥
તસ્યૈવ સફલં જન્મ મુક્તિસ્તસ્ય કરે સ્થિરા ।
રહસ્યનામ-સાહસ્ત્ર-ભોજનેઽપ્યેવમેવ હિ ॥ ૪૧॥
આદૌ નિત્યબલિં કુર્યાત્-પશ્ચાદ્-બ્રાહ્મણભોજનમ્ ।
રહસ્યનામ-સાહસ્ર-મહિમા યો મયોદિતઃ ॥ ૪૨॥
સ શીકરાણુરત્રૈક-નામ્નો મહિમ-વારિધેઃ ।
વાગ્દેવી-રચિતે નામસાહસ્ને યદ્યદીરિતમ્ ॥ ૪૩॥
તત્ફલં કોટિગુણિતં નામ્નોઽપ્યેકસ્ય કીર્તનાત્ ।
એતદન્યૈર્જપૈઃ સ્તોત્રૈરર્ચનૈર્યત્ફલં ભવેત્ ॥ ૪૪॥
તત્ફલં કોટિગુણિતં ભવેન્નામ-શતત્રયાત્ ।
વાગ્દેવી-રચિતે સ્તોત્રે તાદૃશો મહિમા યદિ ॥ ૪૫॥
સાક્ષાત્કામેશ-કામેશી-કૃતેઽસ્મિન્ ગૃહ્યતામિતિ ।
સકૃત્ સઙ્કીર્તનાદેવ નામ્નામ્નસ્મિન્ શતત્રયે ॥ ૪૬॥
ભવેચ્ચિત્તસ્ય પર્યાપ્તિર્ન્યૂનમન્યાનપેક્ષિણી ।
ન જ્ઞાતવ્યમિતોઽપ્યન્યન્-ન જપ્તવ્યં ચ કુમ્ભજ ॥ ૪૭॥
યદ્યત્સાધ્યતમં કાર્યં તત્તદર્થમિદં જપેત્ ।
તત્તત્ફલમવાપ્નોતિ પશ્ચાત્કાર્યં પરીક્ષયેત્ ॥ ૪૮॥
યે યે પ્રયોગાસ્તન્ત્રેષુ તૈસ્તૈર્યત્સાધ્યતે ફલમ્ ।
તત્સર્વં સિદ્ધ્યતિ ક્ષિપ્રં નામત્રિશત-કીર્તનાત્ ॥ ૪૯॥
આયુષ્કરં પુષ્ટિકરં પુત્રદં વશ્યકારકમ્ ।
વિદ્યાપ્રદં કીર્તિકરં સુકવિત્વ-પ્રદાયકમ્ ॥ ૫૦॥
સર્વસમ્પત્પ્રદં સર્વભોગદં સર્વસૌખ્યદમ્ ।
સર્વાભીષ્ટપ્રદં ચૈવ દેવ્યા નામશતત્રયમ્ ॥ ૫૧॥
એતજ્જપપરો ભૂયાન્નાન્યદિચ્છેત્ કદાચન ।
એતત્કીર્તનસન્તુષ્ટા શ્રીદેવી લલિતામ્બિકા ॥ ૫૨॥
ભક્તસ્ય યદ્યદિષ્ટં સ્યાત્તત્તત્ પૂરયતે ધ્રુવમ્ ।
તસ્માત્ કુમ્ભોદ્ભવ મુને કીર્તય ત્વમિદં સદા ॥ ૫૩॥
નાપરં કિઞ્ચિદપિ તે બોદ્ધવ્યમવશિષ્યતે ।
ઇતિ તે કથિતં સ્તોત્રં લલિતા-પ્રીતિદાયકમ્ ॥ ૫૪॥
નાવિદ્યાવેદિને બ્રૂયાન્નાભક્તાય કદાચન ।
ન શઠાય ન દુષ્ટાય નાવિશ્વાસાય કર્હિચિત્ ॥ ૫૫॥
યો બ્રૂયાત્ ત્રિશતીં નામ્નાં તસ્યાનર્થો મહાન્ભવેત્ ।
ઇત્યાજ્ઞા શાઙ્કરી પ્રોક્તા તસ્માદ્ગોપ્યમિદં ત્વયા ॥ ૫૬॥
લલિતા-પ્રેરિતેનૈવ મયોક્તં સ્તોત્રમુત્તમમ્ ।
રહસ્યનામ-સાહસ્રાદપિ ગોપ્યમિદં મુને ॥ ૫૭॥
સૂત ઉવાચ-

એવમુક્ત્વા હયગ્રીવઃ કુમ્ભજં તાપસોત્તમમ્ ।
સ્તોત્રેણાનેન લલિતાં સ્તુત્વા ત્રિપુરસુન્દરીમ્ ॥
આનન્દલહરી-મગ્નમાનસઃ સમવર્તત ॥ ૫૮॥ (૧૧૭)
॥ ઇતિ શ્રીબ્રહ્માણ્ડપુરાણે ઉત્તરાખણ્ડે શ્રીલલિતોપાખ્યાને સ્તોત્રખણ્ડે
શ્રીહયગ્રીવાગસ્ત્ય-સંવાદે શ્રીલલિતામ્બાત્રિશતી-સ્તોત્રકથનં
સર્વસમ્પૂર્તિકરં સમ્પૂર્ણમ્ ॥

More Lalita Tripurasundari Stotras

विन्ध्येश्वरीस्तोत्रम्
Vindhyeshwari Stotram
गर्भरक्षाम्बिका स्तोत्रम्
Garbharakshambika Stotram
गोदा चतुश्श्लोकी
Goda Catussloki
कात्यायनि मन्त्र
Katyayani Mantra
मीनाक्षी पञ्च रत्न स्तोत्रम्
Meenakshi Pancharatna Stotram
नवरत्न मालिका स्तोत्रम्
Navaratna Malika Stotram
पद्मावती स्तोत्रं
Padmavati Stotram
ॐ पृथ्वि त्वया धृता
Prthvi Tvaya Dhrita Loka
View All Devi & Shakti Collection →

Explore More

Devi & Shakti CollectionWealthObstaclesHealthProtectionWisdomHome