॥ ఏకాదశః సర్గః ॥
॥ సానన్దదామోదరః ॥
సుచిరమనునయనే ప్రీణయిత్వా మృగాక్షీం గతవతి కృతవేశే కేశవే కుఞ్జశయ్యామ్ ।
రచితరుచిరభూషాం దృష్టిమోషే ప్రదోషే స్ఫురతి నిరవసాదాం కాపి రాధాం జగాద ॥ 59 ॥
రచితరుచిరభూషాం దృష్టిమోషే ప్రదోషే స్ఫురతి నిరవసాదాం కాపి రాధాం జగాద ॥ 59 ॥
॥ గీతం 20 ॥
విరచితచాటువచనరచనం చరణే రచితప్రణిపాతమ్ ।
సమ్ప్రతి మఞ్జులవఞ్జులసీమని కేలిశయనమనుయాతమ్ ॥
ముగ్ధే మధుమథనమనుగతమనుసర రాధికే ॥ 1 ॥
సమ్ప్రతి మఞ్జులవఞ్జులసీమని కేలిశయనమనుయాతమ్ ॥
ముగ్ధే మధుమథనమనుగతమనుసర రాధికే ॥ 1 ॥
ఘనజఘనస్తనభారభరే దరమన్థరచరణవిహారమ్ ।
ముఖరితమణీమఞ్జీరముపైహి విధేహి మరాలవికారమ్ ॥ 2 ॥
ముఖరితమణీమఞ్జీరముపైహి విధేహి మరాలవికారమ్ ॥ 2 ॥
శృణు రమణీయతరం తరుణీజనమోహనమధుపవిరావమ్ ।
కుసుమశరాసనశాసనబన్దిని పికనికరే భజ భావమ్ ॥ 3 ॥
కుసుమశరాసనశాసనబన్దిని పికనికరే భజ భావమ్ ॥ 3 ॥
అనిలతరలకిసలయనికరేణ కరేణ లతానికురమ్బమ్ ।
ప్రేరణమివ కరభోరు కరోతి గతిం ప్రతిముఞ్చ విలమ్బమ్ ॥ 4 ॥
ప్రేరణమివ కరభోరు కరోతి గతిం ప్రతిముఞ్చ విలమ్బమ్ ॥ 4 ॥
స్ఫురితమనఙ్గతరఙ్గవశాదివ సూచితహరిపరిరమ్భమ్ ।
పృచ్ఛ మనోహరహారవిమలజలధారమముం కుచకుమ్భమ్ ॥ 5 ॥
పృచ్ఛ మనోహరహారవిమలజలధారమముం కుచకుమ్భమ్ ॥ 5 ॥
అధిగతమఖిలసఖీభిరిదం తవ వపురపి రతిరణసజ్జమ్ ।
చణ్డి రసితరశనారవడిణ్డిమమభిసర సరసమలజ్జమ్ ॥ 6 ॥
చణ్డి రసితరశనారవడిణ్డిమమభిసర సరసమలజ్జమ్ ॥ 6 ॥
స్మరశరసుభగనఖేన కరేణ సఖీమవలమ్బ్య సలీలమ్ ।
చల వలయక్వణీతైరవబోధయ హరమపి నిజగతిశీలమ్ ॥ 7 ॥
చల వలయక్వణీతైరవబోధయ హరమపి నిజగతిశీలమ్ ॥ 7 ॥
శ్రీజయదేవభణితమధరీకృతహారముదాసితవామమ్ ।
హరివినిహితమనసామధితిష్ఠతు కణ్ఠతటీమవిరామమ్ ॥ 8 ॥
హరివినిహితమనసామధితిష్ఠతు కణ్ఠతటీమవిరామమ్ ॥ 8 ॥
సా మాం ద్రక్ష్యతి వక్ష్యతి స్మరకథాం ప్రత్యఙ్గమాలిఙ్గనైః ప్రీతిం యాస్యతి రమ్యతే సఖి సమాగత్యేతి చిన్తాకులః ।
స త్వాం పశ్యతి వేపతే పులకయత్యానన్దతి స్విద్యతి ప్రత్యుద్గచ్ఛతి మూర్చ్ఛతి స్థిరతమఃపుఞ్జే నికుఞ్జే ప్రియః ॥ 60 ॥
స త్వాం పశ్యతి వేపతే పులకయత్యానన్దతి స్విద్యతి ప్రత్యుద్గచ్ఛతి మూర్చ్ఛతి స్థిరతమఃపుఞ్జే నికుఞ్జే ప్రియః ॥ 60 ॥
అక్ష్ణోర్నిక్షిపదఞ్జనం శ్రవణయోస్తాపిచ్ఛగుచ్ఛావలీం మూర్ధ్ని శ్యామసరోజదామ కుచయోః కస్తూరికాపాత్రకమ్ ।
ధూర్తానామభిసారసత్వరహృదాం విష్వఙ్నికుఞ్జే సఖి ధ్వాన్తం నీలనిచోలచారు సదృశాం ప్రత్యఙ్గమాలిఙ్గతి ॥ 61 ॥
ధూర్తానామభిసారసత్వరహృదాం విష్వఙ్నికుఞ్జే సఖి ధ్వాన్తం నీలనిచోలచారు సదృశాం ప్రత్యఙ్గమాలిఙ్గతి ॥ 61 ॥
కాశ్మీరగౌరవపుషామభిసారికాణాం ఆబద్ధరేఖమభితో రుచిమఞ్జరీభిః ।
ఏతత్తమాలదలనీలతమం తమిశ్రం తత్ప్రేమహేమనికషోపలతాం తనోతి ॥ 62 ॥
ఏతత్తమాలదలనీలతమం తమిశ్రం తత్ప్రేమహేమనికషోపలతాం తనోతి ॥ 62 ॥
హారావలీతరలకాఞ్చనకాఞ్చిదామ-కేయూరకఙ్కణమణిద్యుతిదీపితస్య ।
ద్వారే నికుఞ్జనిలయస్యహరిం నిరీక్ష్య వ్రీడావతీమథ సఖీ నిజగాహ రాధామ్ ॥ 63 ॥
ద్వారే నికుఞ్జనిలయస్యహరిం నిరీక్ష్య వ్రీడావతీమథ సఖీ నిజగాహ రాధామ్ ॥ 63 ॥
॥ గీతం 21 ॥
మఞ్జుతరకుఞ్జతలకేలిసదనే ।
విలస రతిరభసహసితవదనే ॥
ప్రవిశ రాధే మాధవసమీపమిహ ॥ 1 ॥
విలస రతిరభసహసితవదనే ॥
ప్రవిశ రాధే మాధవసమీపమిహ ॥ 1 ॥
నవభవదశోకదలశయనసారే ।
విలస కుచకలశతరలహారే ॥ 2 ॥
విలస కుచకలశతరలహారే ॥ 2 ॥
కుసుమచయరచితశుచివాసగేహే ।
విలస కుసుమసుకుమారదేహే ॥ 3 ॥
విలస కుసుమసుకుమారదేహే ॥ 3 ॥
చలమలయవనపవనసురభిశీతే ।
విలస రసవలితలలితగీతే ॥ 4 ॥
విలస రసవలితలలితగీతే ॥ 4 ॥
మధుముదితమధుపకులకలితరావే ।
విలస మదనరససరసభావే ॥ 5 ॥
విలస మదనరససరసభావే ॥ 5 ॥
మధుతరలపికనికరనినదముఖరే ।
విలస దశనరుచిరుచిరశిఖరే ॥ 6 ॥
విలస దశనరుచిరుచిరశిఖరే ॥ 6 ॥
వితత బహువల్లినవపల్లవఘనే ।
విలస చిరమలసపీనజఘనే ॥ 7 ॥
విలస చిరమలసపీనజఘనే ॥ 7 ॥
విహితపద్మావతీసుఖసమాజే ।
భణతి జయదేవకవిరాజే ॥ 8 ॥
భణతి జయదేవకవిరాజే ॥ 8 ॥
త్వాం చిత్తేన చిరం వహన్నయమతిశ్రాన్తో భృశం తాపితః కన్దర్పేణ తు పాతుమిచ్ఛతి సుధాసమ్బాధబిమ్బాధరమ్ ।
అస్యాఙ్గం తదలఙ్కురు క్షణమిహ భ్రూక్షేపలక్ష్మీలవ-క్రీతే దాస ఇవోపసేవితపదామ్భోజే కుతః సమ్భ్రమః ॥ 64 ॥
అస్యాఙ్గం తదలఙ్కురు క్షణమిహ భ్రూక్షేపలక్ష్మీలవ-క్రీతే దాస ఇవోపసేవితపదామ్భోజే కుతః సమ్భ్రమః ॥ 64 ॥
సా ససాధ్వససానన్దం గోవిన్దే లోలలోచనా ।
సిఞ్జానమఞ్జుమఞ్జీరం ప్రవివేశ నివేశనమ్ ॥ 65 ॥
సిఞ్జానమఞ్జుమఞ్జీరం ప్రవివేశ నివేశనమ్ ॥ 65 ॥
॥ గీతం 22 ॥
రాధావదనవిలోకనవికసితవివిధవికారవిభఙ్గమ్ ।
జలనిధిమివ విధుమణ్డలదర్శనతరలితతుఙ్గతరఙ్గమ్ ॥
హరిమేకరసం చిరమభిలషితవిలాసం సా దదార్శ గురుహర్షవశంవదవదనమనఙ్గనివాసమ్ ॥ 1 ॥
జలనిధిమివ విధుమణ్డలదర్శనతరలితతుఙ్గతరఙ్గమ్ ॥
హరిమేకరసం చిరమభిలషితవిలాసం సా దదార్శ గురుహర్షవశంవదవదనమనఙ్గనివాసమ్ ॥ 1 ॥
హారమమలతరతారమురసి దధతం పరిరభ్య విదూరమ్ ।
స్ఫుటతరఫేనకదమ్బకరమ్బితమివ యమునాజలపూరమ్ ॥ 2 ॥
స్ఫుటతరఫేనకదమ్బకరమ్బితమివ యమునాజలపూరమ్ ॥ 2 ॥
శ్యామలమృదులకలేవరమణ్డలమధిగతగౌరదుకూలమ్ ।
నీలనలినమివ పీతపరాగపతలభరవలయితమూలమ్ ॥ 3 ॥
నీలనలినమివ పీతపరాగపతలభరవలయితమూలమ్ ॥ 3 ॥
తరలదృగఞ్చలచలనమనోహరవదనజనితరతిరాగమ్ ।
స్ఫుటకమలోదరఖేలితఖఞ్జనయుగమివ శరది తడాగమ్ ॥ 4 ॥
స్ఫుటకమలోదరఖేలితఖఞ్జనయుగమివ శరది తడాగమ్ ॥ 4 ॥
వదనకమలపరిశీలనమిలితమిహిరసమకుణ్డలశోభమ్ ।
స్మితరుచిరుచిరసముల్లసితాధరపల్లవకృతరతిలోభమ్ ॥ 5 ॥
స్మితరుచిరుచిరసముల్లసితాధరపల్లవకృతరతిలోభమ్ ॥ 5 ॥
శశికిరణచ్ఛురితోదరజలధరసున్దరసకుసుమకేశమ్ ।
తిమిరోదితవిధుమణ్దలనిర్మలమలయజతిలకనివేశమ్ ॥ 6 ॥
తిమిరోదితవిధుమణ్దలనిర్మలమలయజతిలకనివేశమ్ ॥ 6 ॥
విపులపులకభరదన్తురితం రతికేలికలాభిరధీరమ్ ।
మణిగణకిరణసమూహసముజ్జ్వలభూషణసుభగశరీరమ్ ॥ 7 ॥
మణిగణకిరణసమూహసముజ్జ్వలభూషణసుభగశరీరమ్ ॥ 7 ॥
శ్రీజయదేవభణితవిభవద్విగుణీకృతభూషణభారమ్ ।
ప్రణమత హృది సుచిరం వినిధాయ హరిం సుకృతోదయసారమ్ ॥ 8 ॥
ప్రణమత హృది సుచిరం వినిధాయ హరిం సుకృతోదయసారమ్ ॥ 8 ॥
అతిక్రమ్యాపాఙ్గం శ్రవణపథపర్యన్తగమన-ప్రయాసేనేవాక్ష్ణోస్తరలతరతారం పతితయోః ।
ఇదానీం రాధాయాః ప్రియతమసమాలోకసమయే పపాత స్వేదామ్బుప్రసర ఇవ హర్షాశ్రునికరః ॥ 66 ॥
ఇదానీం రాధాయాః ప్రియతమసమాలోకసమయే పపాత స్వేదామ్బుప్రసర ఇవ హర్షాశ్రునికరః ॥ 66 ॥
భవన్త్యాస్తల్పాన్తం కృతకపటకణ్డూతిపిహిత-స్మితం యాతే గేహాద్బహిరవహితాలీపరిజనే ।
ప్రియాస్యం పశ్యన్త్యాః స్మరశరసమాకూలసుభగం సలజ్జా లజ్జాపి వ్యగమదివ దూరం మృగదృశః ॥ 67 ॥
ప్రియాస్యం పశ్యన్త్యాః స్మరశరసమాకూలసుభగం సలజ్జా లజ్జాపి వ్యగమదివ దూరం మృగదృశః ॥ 67 ॥
॥ ఇతి శ్రీగీతగోవిన్దే రాధికామిలనే సానన్దదామోదరో నామైకాదశః సర్గః ॥