॥ ষষ্ঠঃ সৰ্গঃ ॥
॥ কুণ্ঠৱৈকুণ্ঠঃ ॥
অথ তাং গন্তুমশক্তাং চিৰমনুৰক্তাং লতাগৃহে দৃষ্ট্ৱা ।
তচ্চৰিতং গোৱিন্দে মনসিজমন্দে সখী প্ৰাহ ॥ 37 ॥
অথ তাং গন্তুমশক্তাং চিৰমনুৰক্তাং লতাগৃহে দৃষ্ট্ৱা ।
তচ্চৰিতং গোৱিন্দে মনসিজমন্দে সখী প্ৰাহ ॥ 37 ॥
॥ গীতং 12 ॥
পশ্যতি দিশি দিশি ৰহসি ভৱন্তম্ ।
তদধৰমধুৰমধূনি পিবন্তম্ ॥
নাথ হৰে জগন্নাথ হৰে সীদতি ৰাধা ৱাসগৃহে - ধ্ৰুৱম্ ॥ 1 ॥
তদধৰমধুৰমধূনি পিবন্তম্ ॥
নাথ হৰে জগন্নাথ হৰে সীদতি ৰাধা ৱাসগৃহে - ধ্ৰুৱম্ ॥ 1 ॥
ত্ৱদভিসৰণৰভসেন ৱলন্তী ।
পততি পদানি কিযন্তি চলন্তী ॥ 2 ॥
পততি পদানি কিযন্তি চলন্তী ॥ 2 ॥
ৱিহিতৱিশদবিসকিসলযৱলযা ।
জীৱতি পৰমিহ তৱ ৰতিকলযা ॥ 3 ॥
জীৱতি পৰমিহ তৱ ৰতিকলযা ॥ 3 ॥
মুহুৰৱলোকিতমণ্ডনলীলা ।
মধুৰিপুৰহমিতি ভাৱনশীলা ॥ 4 ॥
মধুৰিপুৰহমিতি ভাৱনশীলা ॥ 4 ॥
ত্ৱৰিতমুপৈতি ন কথমভিসাৰম্ ।
হৰিৰিতি ৱদতি সখীমনুৱাৰম্ ॥ 5 ॥
হৰিৰিতি ৱদতি সখীমনুৱাৰম্ ॥ 5 ॥
শ্লিষ্যতি চুম্বতি জলধৰকল্পম্ ।
হৰিৰুপগতইতি তিমিৰমনল্পম্ ॥ 6 ॥
হৰিৰুপগতইতি তিমিৰমনল্পম্ ॥ 6 ॥
ভৱতি ৱিলম্বিনি ৱিগলিতলজ্জা ।
ৱিলপতি ৰোদিতি ৱাসকসজ্জা ॥ 7 ॥
ৱিলপতি ৰোদিতি ৱাসকসজ্জা ॥ 7 ॥
শ্ৰীজযদেৱকৱেৰিদমুদিতম্ ।
ৰসিকজনং তনুতামতিমুদিতম্ ॥ 8 ॥
ৰসিকজনং তনুতামতিমুদিতম্ ॥ 8 ॥
ৱিপুলপুলকপালিঃ স্ফীতসীত্কাৰমন্ত-ৰ্জনিতজডিমকাকুৱ্যাকুলং ৱ্যাহৰন্তী ।
তৱ কিতৱ ৱিধত্তেঽমন্দকন্দৰ্পচিন্তাং ৰসজলধিনিমগ্না ধ্যানলগ্না মৃগাক্ষী ॥ 38 ॥
তৱ কিতৱ ৱিধত্তেঽমন্দকন্দৰ্পচিন্তাং ৰসজলধিনিমগ্না ধ্যানলগ্না মৃগাক্ষী ॥ 38 ॥
অঙ্গেষ্ৱাভৰণং কৰোতি বহুশঃ পত্ৰেঽপি সঞ্চাৰিণি প্ৰাপ্তং ত্ৱাং পৰিশঙ্কতে ৱিতনুতে শয্যাং চিৰং ধ্যাযতি ।
ইত্যাকল্পৱিকল্পতল্পৰচনাসঙ্কল্পলীলাশত-ৱ্যাসক্তাপি ৱিনা ত্ৱযা ৱৰতনুৰ্নৈষা নিশাং নেষ্যতি ॥ 39 ॥
ইত্যাকল্পৱিকল্পতল্পৰচনাসঙ্কল্পলীলাশত-ৱ্যাসক্তাপি ৱিনা ত্ৱযা ৱৰতনুৰ্নৈষা নিশাং নেষ্যতি ॥ 39 ॥
কিং ৱিশ্ৰাম্যসি কৃষ্ণভোগিভৱনে ভাণ্ডীৰভূমীৰুহি ভ্ৰাত ৰ্যাহি নদৃষ্টিগোচৰমিতস্সানন্দনন্দাস্পদম্।
ৰধাযাৱচনং তদধ্ৱগমুখান্নন্দান্তিকেগোপতো গোৱিন্দস্যজযন্তি সাযমতিথিপ্ৰাশস্ত্যগৰ্ভাগিৰঃ॥ 40 ॥
ৰধাযাৱচনং তদধ্ৱগমুখান্নন্দান্তিকেগোপতো গোৱিন্দস্যজযন্তি সাযমতিথিপ্ৰাশস্ত্যগৰ্ভাগিৰঃ॥ 40 ॥
॥ ইতি গীতগোৱিন্দে ৱাসকসজ্জাৱৰ্ণনে কুণ্ঠৱৈকুণ্ঠো নাম ষষ্ঠঃ সৰ্গঃ ॥