॥ অষ্টমঃ সৰ্গঃ ॥
॥ ৱিলক্ষ্যলক্ষ্মীপতিঃ ॥
অথ কথমপি যামিনীং ৱিনীয স্মৰশৰজৰ্জৰিতাপি সা প্ৰভাতে ।
অনুনযৱচনং ৱদন্তমগ্ৰে প্ৰণতমপি প্ৰিযমাহ সাভ্যসূযম্ ॥ 49 ॥
অথ কথমপি যামিনীং ৱিনীয স্মৰশৰজৰ্জৰিতাপি সা প্ৰভাতে ।
অনুনযৱচনং ৱদন্তমগ্ৰে প্ৰণতমপি প্ৰিযমাহ সাভ্যসূযম্ ॥ 49 ॥
॥ গীতং 17 ॥
ৰজনিজনিতগুৰুজাগৰৰাগকষাযিতমলসনিৱেশম্ ।
ৱহতি নযনমনুৰাগমিৱ স্ফুটমুদিতৰসাভিনিৱেশম্ ॥
ৱহতি নযনমনুৰাগমিৱ স্ফুটমুদিতৰসাভিনিৱেশম্ ॥
হৰিহৰি যাহি মাধৱ যাহি কেশৱ মাৱদ কৈতৱৱাদং তামনুসৰ সৰসীৰুহলোচন যা তৱ হৰতি ৱিষাদম্॥ 50॥
কজ্জলমলিনৱিলোচনচুম্বনৱিৰচিতনীলিমৰূপম্ ।
দশনৱসনমৰুণং তৱ কৃষ্ণ তনোতি তনোৰনুৰূপম্ ॥ 2 ॥
দশনৱসনমৰুণং তৱ কৃষ্ণ তনোতি তনোৰনুৰূপম্ ॥ 2 ॥
ৱপুৰনুহৰতি তৱ স্মৰসঙ্গৰখৰনখৰক্ষতৰেখম্ ।
মৰকতশকলকলিতকলধৌতলিপিৰেৱ ৰতিজযলেখম্ ॥ 3 ॥
মৰকতশকলকলিতকলধৌতলিপিৰেৱ ৰতিজযলেখম্ ॥ 3 ॥
চৰণকমলগলদলক্তকসিক্তমিদং তৱ হৃদযমুদাৰম্ ।
দৰ্শযতীৱ বহিৰ্মদনদ্ৰুমনৱকিসলযপৰিৱাৰম্ ॥ 4 ॥
দৰ্শযতীৱ বহিৰ্মদনদ্ৰুমনৱকিসলযপৰিৱাৰম্ ॥ 4 ॥
দশনপদং ভৱদধৰগতং মম জনযতি চেতসি খেদম্ ।
কথযতি কথমধুনাপি মযা সহ তৱ ৱপুৰেতদভেদম্ ॥ 5 ॥
কথযতি কথমধুনাপি মযা সহ তৱ ৱপুৰেতদভেদম্ ॥ 5 ॥
বহিৰিৱ মলিনতৰং তৱ কৃষ্ণ মনোঽপি ভৱিষ্যতি নূনম্ ।
কথমথ ৱঞ্চযসে জনমনুগতমসমশৰজ্ৱৰদূনম্ ॥ 6 ॥
কথমথ ৱঞ্চযসে জনমনুগতমসমশৰজ্ৱৰদূনম্ ॥ 6 ॥
ভ্ৰমতি ভৱানবলাকৱলায ৱনেষু কিমত্ৰ ৱিচিত্ৰম্ ।
প্ৰথযতি পূতনিকৈৱ ৱধূৱধনিৰ্দযবালচৰিত্ৰম্ ॥ 7 ॥
প্ৰথযতি পূতনিকৈৱ ৱধূৱধনিৰ্দযবালচৰিত্ৰম্ ॥ 7 ॥
শ্ৰীজযদেৱভণিতৰতিৱঞ্চিতখণ্ডিতযুৱতিৱিলাপম্ ।
শৃণুত সুধামধুৰং ৱিবুধা ৱিবুধালযতোঽপি দুৰাপম্ ॥ 8 ॥
শৃণুত সুধামধুৰং ৱিবুধা ৱিবুধালযতোঽপি দুৰাপম্ ॥ 8 ॥
তদেৱং পশ্যন্ত্যাঃ প্ৰসৰদনুৰাগং বহিৰিৱ প্ৰিযাপাদালক্তচ্ছুৰিতমৰুণচ্ছাযহৃদযম্ ।
মমাদ্য প্ৰখ্যাতপ্ৰণযভৰভঙ্গেন কিতৱ ত্ৱদালোকঃ শোকাদপি কিমপি লজ্জাং জনযতি ॥ 50 ॥
মমাদ্য প্ৰখ্যাতপ্ৰণযভৰভঙ্গেন কিতৱ ত্ৱদালোকঃ শোকাদপি কিমপি লজ্জাং জনযতি ॥ 50 ॥
॥ ইতি গীতগোৱিন্দে খণ্ডিতাৱৰ্ণনে ৱিলক্ষ্যলক্ষ্মীপতিৰ্নাম অষ্ঠমঃ সৰ্গঃ ॥