ৱিলাসো ৱৈদেহীহৃদযকমলোন্মীলনকলা-
ৱিদগ্ধো ৱাচাং যঃ সমভৱদশোকাৱনিতলে ।
প্ৰমাদ্যল্লঙ্কেশস্মযৱিদলনোদ্দামমহিমা
স দদ্যাদস্মাকং সুৰভিৰিহ ৱাচাং মধুৰতাম্ ॥ ১॥
ৱিদগ্ধো ৱাচাং যঃ সমভৱদশোকাৱনিতলে ।
প্ৰমাদ্যল্লঙ্কেশস্মযৱিদলনোদ্দামমহিমা
স দদ্যাদস্মাকং সুৰভিৰিহ ৱাচাং মধুৰতাম্ ॥ ১॥
ত্ৱিষামীশং দেৱং ৱিযতি সমুদঞ্চত্স্ৱকিৰণং
সুৰদ্ৰোৰ্মন্ৱানঃ ফলমিতি পৰীপাকমধুৰম্ ।
গ্ৰহীতুং তং মাতুৰ্বহিৰৱতৰন্নেৱ জঠৰাত্
সমুদ্যুক্তো যোঽভূত্ স ৱিতৰতু ঘাটীং মম গিৰাম্ ॥ ২॥
সুৰদ্ৰোৰ্মন্ৱানঃ ফলমিতি পৰীপাকমধুৰম্ ।
গ্ৰহীতুং তং মাতুৰ্বহিৰৱতৰন্নেৱ জঠৰাত্
সমুদ্যুক্তো যোঽভূত্ স ৱিতৰতু ঘাটীং মম গিৰাম্ ॥ ২॥
তুৰাসাহি স্তোকং ৰচিতৱতি যস্মিন্নৱিনযং
ৱিতন্ৱন্তং স্তব্ধং বধিৰমৱশং লোকমখিলম্ ।
সমাধাতুং কৢপ্তং কতি কতি সমীৰং স্তুতিগিৰঃ
সমন্তাদ্ৱৈধাত্ৰ্যো দিৱি সমুদিতা নঃ স শৰণম্ ॥ ৩॥
ৱিতন্ৱন্তং স্তব্ধং বধিৰমৱশং লোকমখিলম্ ।
সমাধাতুং কৢপ্তং কতি কতি সমীৰং স্তুতিগিৰঃ
সমন্তাদ্ৱৈধাত্ৰ্যো দিৱি সমুদিতা নঃ স শৰণম্ ॥ ৩॥
তপস্তপ্ত্ৱা তীৱ্ৰং জগতি শৰদাং যচ্ছতমহো
সুৰাণাং সৰ্ৱেষাং সমভিলষিতং চাপ্যসুলভম্ ।
তদস্মিন্ ব্ৰহ্মাস্ত্ৰং সমজনি যযা কুণ্ঠিতবলং
নমস্তস্যৈ শক্ত্যৈ প্ৰণতজনগত্যৈ ভৱতু মে ॥ ৪॥
সুৰাণাং সৰ্ৱেষাং সমভিলষিতং চাপ্যসুলভম্ ।
তদস্মিন্ ব্ৰহ্মাস্ত্ৰং সমজনি যযা কুণ্ঠিতবলং
নমস্তস্যৈ শক্ত্যৈ প্ৰণতজনগত্যৈ ভৱতু মে ॥ ৪॥
পুৰস্তাদুল্লোলোচ্চলদলঘুৱীচীতৰলিতং
পযোধিং সংৱীক্ষ্য দ্ৰুতগলিতধৈৰ্যে কপিকুলে ।
জজৃম্ভে গম্ভীৰা তনুৰধিমহেন্দ্ৰক্ষিতিধৰং
যদীযা দিৱ্যা সা ভৱতু মম ভৱ্যায মহতে ॥ ৫॥
পযোধিং সংৱীক্ষ্য দ্ৰুতগলিতধৈৰ্যে কপিকুলে ।
জজৃম্ভে গম্ভীৰা তনুৰধিমহেন্দ্ৰক্ষিতিধৰং
যদীযা দিৱ্যা সা ভৱতু মম ভৱ্যায মহতে ॥ ৫॥
মহাৱেগে তস্মিন্ তৰতি জলধিং সাহ্যৱিধযে
সমাযাতাঃ কেচিন্ন পৰিগণিতাঃ কাৰ্যৱশতঃ ।
ৱিনশ্যদ্ৱিশ্ৱাসে মৰণশৰণে দুৰ্গতজনে
সুখং ৱা দুঃখং ৱা কিমু কলযতে কাৰ্যপৰতা ॥ ৬॥
সমাযাতাঃ কেচিন্ন পৰিগণিতাঃ কাৰ্যৱশতঃ ।
ৱিনশ্যদ্ৱিশ্ৱাসে মৰণশৰণে দুৰ্গতজনে
সুখং ৱা দুঃখং ৱা কিমু কলযতে কাৰ্যপৰতা ॥ ৬॥
গভীৰপ্ৰোন্মীলন্নতৱলিতনাভীৱিলসিতং
মদোদ্যল্লোলম্বদ্যুতিৰুচিৰৰোমাৱলিযুতম্ ।
সমুন্মীলত্সান্দ্ৰত্ৰিৱলিজিতগঙ্গাম্বুললিতং
নতাঙ্গীৱৃন্দং কো ভৱতি ৱিমুখো ৱীক্ষ্য যদৃতে ॥ ৭॥
মদোদ্যল্লোলম্বদ্যুতিৰুচিৰৰোমাৱলিযুতম্ ।
সমুন্মীলত্সান্দ্ৰত্ৰিৱলিজিতগঙ্গাম্বুললিতং
নতাঙ্গীৱৃন্দং কো ভৱতি ৱিমুখো ৱীক্ষ্য যদৃতে ॥ ৭॥
স্ফুটন্মল্লীমালাকলিতকবৰীভাৰৰুচিৰাঃ
সমঞ্চদ্ৱক্ষোজদ্ৱযৱিহতকোকীমদভৰাঃ ।
সমৃধ্যত্তাৰুণ্যা নিশি ৱিৱসনা ৱীক্ষ্য যুৱতী-
ৰ্ৱিনা তং ধীৰাগ্ৰ্যং জগতি গণযেত্ তুচ্ছমিহ কঃ ॥ ৮॥
সমঞ্চদ্ৱক্ষোজদ্ৱযৱিহতকোকীমদভৰাঃ ।
সমৃধ্যত্তাৰুণ্যা নিশি ৱিৱসনা ৱীক্ষ্য যুৱতী-
ৰ্ৱিনা তং ধীৰাগ্ৰ্যং জগতি গণযেত্ তুচ্ছমিহ কঃ ॥ ৮॥
ত্ৰিলোকীকল্যাণী ত্ৰিষৱণপৰাণামভিমতা
ত্ৰযীৱেদ্যা স্তুত্যা ত্ৰিদশপতিসন্ত্ৰাণনিপুণা ।
দিদীপে শাখেৱ ক্ষিতিনিপতিতা প্ৰোন্নততৰো-
ৰশোকোদ্যানে যন্নযনসুভগা দীপ্তিকলিকা ॥ ৯॥
ত্ৰযীৱেদ্যা স্তুত্যা ত্ৰিদশপতিসন্ত্ৰাণনিপুণা ।
দিদীপে শাখেৱ ক্ষিতিনিপতিতা প্ৰোন্নততৰো-
ৰশোকোদ্যানে যন্নযনসুভগা দীপ্তিকলিকা ॥ ৯॥
দযাসাৰদ্ৰোণী দৰদলিতপঙ্কেৰুহৰুচিঃ
শৰজ্জ্যোত্স্নাধাৰা শমধনজনানন্দজননী ।
অশোকোদ্যানেঽৰ্চিঃকলিতকৰুণী কাপি ৰুৰুচে
যদগ্ৰে কল্যাণী কলযতু স নঃ কামিতমিহ ॥ ১০॥
শৰজ্জ্যোত্স্নাধাৰা শমধনজনানন্দজননী ।
অশোকোদ্যানেঽৰ্চিঃকলিতকৰুণী কাপি ৰুৰুচে
যদগ্ৰে কল্যাণী কলযতু স নঃ কামিতমিহ ॥ ১০॥
ৱিলুপ্তে ৱিশ্ৱাসে ৱিগতৱতি ধৈৰ্যে দ্ৰুমতলে
নিৰূপাভিৰ্হংহো ৱিনযৰহিতাভিঃ পৰিৱৃতৌ ।
নিদেশে যো ভাৱঃ সমজনি ৰহো ভূষণৱৰে
চিৰাদ্ দৃষ্টে দেৱ্যা তমনুগদিতুং কো নু চতুৰঃ ॥ ১১॥
নিৰূপাভিৰ্হংহো ৱিনযৰহিতাভিঃ পৰিৱৃতৌ ।
নিদেশে যো ভাৱঃ সমজনি ৰহো ভূষণৱৰে
চিৰাদ্ দৃষ্টে দেৱ্যা তমনুগদিতুং কো নু চতুৰঃ ॥ ১১॥
পটীযান্ পাথোধেঃ সলিলমখিলং শোষকলিলং
ৱিধাতুং লঙ্কাং ৱা ভসিতকলুষাং মাৰুতসখঃ ।
যদীযং ৱালাগ্ৰং স্ৱযমধিগতো নাদহদহো
স মে দেৱো হাৰ্দং ৱ্যপনযতু গাঢান্ধতমসম্ ॥ ১২॥
ৱিধাতুং লঙ্কাং ৱা ভসিতকলুষাং মাৰুতসখঃ ।
যদীযং ৱালাগ্ৰং স্ৱযমধিগতো নাদহদহো
স মে দেৱো হাৰ্দং ৱ্যপনযতু গাঢান্ধতমসম্ ॥ ১২॥
সমুত্সাহং ব্ৰূমঃ কথমিৱ কপীনাং যদুদিতে
সমুত্কণ্ঠা সৰ্ৱঙ্কষপটুনি গম্ভীৰৱচসি ।
অহো দৃষ্টা সীতেত্যমৃতৰসনিষ্যন্দমধুৰে
নিষোদদ্বালানামিৱ স জযতান্মাতৃৱচনে ॥ ১৩॥
সমুত্কণ্ঠা সৰ্ৱঙ্কষপটুনি গম্ভীৰৱচসি ।
অহো দৃষ্টা সীতেত্যমৃতৰসনিষ্যন্দমধুৰে
নিষোদদ্বালানামিৱ স জযতান্মাতৃৱচনে ॥ ১৩॥
যদানীতে সান্দ্ৰস্ফুৰদনুপমানন্দলহৰী
যথা ধেনোৰ্ৱত্সেঽস্ৰৱদিৱ জগন্মূৰ্তিহৃদযে ।
স দেৱীমূৰ্ধালঙ্কৰণমহিতে দৃষ্টিৱিষযে
মণৌ স্যান্মে ভূত্যৈ প্ৰণতজনচিন্তামণিৱৰে ॥ ১৪॥
যথা ধেনোৰ্ৱত্সেঽস্ৰৱদিৱ জগন্মূৰ্তিহৃদযে ।
স দেৱীমূৰ্ধালঙ্কৰণমহিতে দৃষ্টিৱিষযে
মণৌ স্যান্মে ভূত্যৈ প্ৰণতজনচিন্তামণিৱৰে ॥ ১৪॥
জযতু জযতু ৰম্যং ব্ৰহ্মচৰ্যস্য ভাগ্যং
জযতু জযতু দেৱ্যা অঞ্জনাযাশ্চ ভাগ্যম্ ।
জযতু চ ৰঘুৱীৰে ভক্তিমদ্ভাগধেযং
জযতু ৱিশৰণানাং পক্ত্ৰিমং ভাগধেযম্ ॥ ১৫॥
জযতু জযতু দেৱ্যা অঞ্জনাযাশ্চ ভাগ্যম্ ।
জযতু চ ৰঘুৱীৰে ভক্তিমদ্ভাগধেযং
জযতু ৱিশৰণানাং পক্ত্ৰিমং ভাগধেযম্ ॥ ১৫॥
ভৈৰোজীৰঙ্গনাথেন কৃতং স্তোত্ৰং হনুমতঃ ।
ভূযাদ্ ভূত্যৈ ৰসৱিদাং ভক্তিভাজাং হনুমতি ॥ ১৬॥
ভূযাদ্ ভূত্যৈ ৰসৱিদাং ভক্তিভাজাং হনুমতি ॥ ১৬॥
॥ ইতি ভৈৰজীৰঙ্গনাথকৃতং শ্ৰীহনুমত্প্ৰসাদস্তোত্ৰং সম্পূৰ্ণম্ ॥