ವಿಲಾಸೋ ವೈದೇಹೀಹೃದಯಕಮಲೋನ್ಮೀಲನಕಲಾ-
ವಿದಗ್ಧೋ ವಾಚಾಂ ಯಃ ಸಮಭವದಶೋಕಾವನಿತಲೇ ।
ಪ್ರಮಾದ್ಯಲ್ಲಙ್ಕೇಶಸ್ಮಯವಿದಲನೋದ್ದಾಮಮಹಿಮಾ
ಸ ದದ್ಯಾದಸ್ಮಾಕಂ ಸುರಭಿರಿಹ ವಾಚಾಂ ಮಧುರತಾಮ್ ॥ ೧॥
ವಿದಗ್ಧೋ ವಾಚಾಂ ಯಃ ಸಮಭವದಶೋಕಾವನಿತಲೇ ।
ಪ್ರಮಾದ್ಯಲ್ಲಙ್ಕೇಶಸ್ಮಯವಿದಲನೋದ್ದಾಮಮಹಿಮಾ
ಸ ದದ್ಯಾದಸ್ಮಾಕಂ ಸುರಭಿರಿಹ ವಾಚಾಂ ಮಧುರತಾಮ್ ॥ ೧॥
ತ್ವಿಷಾಮೀಶಂ ದೇವಂ ವಿಯತಿ ಸಮುದಞ್ಚತ್ಸ್ವಕಿರಣಂ
ಸುರದ್ರೋರ್ಮನ್ವಾನಃ ಫಲಮಿತಿ ಪರೀಪಾಕಮಧುರಮ್ ।
ಗ್ರಹೀತುಂ ತಂ ಮಾತುರ್ಬಹಿರವತರನ್ನೇವ ಜಠರಾತ್
ಸಮುದ್ಯುಕ್ತೋ ಯೋಽಭೂತ್ ಸ ವಿತರತು ಘಾಟೀಂ ಮಮ ಗಿರಾಮ್ ॥ ೨॥
ಸುರದ್ರೋರ್ಮನ್ವಾನಃ ಫಲಮಿತಿ ಪರೀಪಾಕಮಧುರಮ್ ।
ಗ್ರಹೀತುಂ ತಂ ಮಾತುರ್ಬಹಿರವತರನ್ನೇವ ಜಠರಾತ್
ಸಮುದ್ಯುಕ್ತೋ ಯೋಽಭೂತ್ ಸ ವಿತರತು ಘಾಟೀಂ ಮಮ ಗಿರಾಮ್ ॥ ೨॥
ತುರಾಸಾಹಿ ಸ್ತೋಕಂ ರಚಿತವತಿ ಯಸ್ಮಿನ್ನವಿನಯಂ
ವಿತನ್ವನ್ತಂ ಸ್ತಬ್ಧಂ ಬಧಿರಮವಶಂ ಲೋಕಮಖಿಲಮ್ ।
ಸಮಾಧಾತುಂ ಕೢಪ್ತಂ ಕತಿ ಕತಿ ಸಮೀರಂ ಸ್ತುತಿಗಿರಃ
ಸಮನ್ತಾದ್ವೈಧಾತ್ರ್ಯೋ ದಿವಿ ಸಮುದಿತಾ ನಃ ಸ ಶರಣಮ್ ॥ ೩॥
ವಿತನ್ವನ್ತಂ ಸ್ತಬ್ಧಂ ಬಧಿರಮವಶಂ ಲೋಕಮಖಿಲಮ್ ।
ಸಮಾಧಾತುಂ ಕೢಪ್ತಂ ಕತಿ ಕತಿ ಸಮೀರಂ ಸ್ತುತಿಗಿರಃ
ಸಮನ್ತಾದ್ವೈಧಾತ್ರ್ಯೋ ದಿವಿ ಸಮುದಿತಾ ನಃ ಸ ಶರಣಮ್ ॥ ೩॥
ತಪಸ್ತಪ್ತ್ವಾ ತೀವ್ರಂ ಜಗತಿ ಶರದಾಂ ಯಚ್ಛತಮಹೋ
ಸುರಾಣಾಂ ಸರ್ವೇಷಾಂ ಸಮಭಿಲಷಿತಂ ಚಾಪ್ಯಸುಲಭಮ್ ।
ತದಸ್ಮಿನ್ ಬ್ರಹ್ಮಾಸ್ತ್ರಂ ಸಮಜನಿ ಯಯಾ ಕುಣ್ಠಿತಬಲಂ
ನಮಸ್ತಸ್ಯೈ ಶಕ್ತ್ಯೈ ಪ್ರಣತಜನಗತ್ಯೈ ಭವತು ಮೇ ॥ ೪॥
ಸುರಾಣಾಂ ಸರ್ವೇಷಾಂ ಸಮಭಿಲಷಿತಂ ಚಾಪ್ಯಸುಲಭಮ್ ।
ತದಸ್ಮಿನ್ ಬ್ರಹ್ಮಾಸ್ತ್ರಂ ಸಮಜನಿ ಯಯಾ ಕುಣ್ಠಿತಬಲಂ
ನಮಸ್ತಸ್ಯೈ ಶಕ್ತ್ಯೈ ಪ್ರಣತಜನಗತ್ಯೈ ಭವತು ಮೇ ॥ ೪॥
ಪುರಸ್ತಾದುಲ್ಲೋಲೋಚ್ಚಲದಲಘುವೀಚೀತರಲಿತಂ
ಪಯೋಧಿಂ ಸಂವೀಕ್ಷ್ಯ ದ್ರುತಗಲಿತಧೈರ್ಯೇ ಕಪಿಕುಲೇ ।
ಜಜೃಮ್ಭೇ ಗಮ್ಭೀರಾ ತನುರಧಿಮಹೇನ್ದ್ರಕ್ಷಿತಿಧರಂ
ಯದೀಯಾ ದಿವ್ಯಾ ಸಾ ಭವತು ಮಮ ಭವ್ಯಾಯ ಮಹತೇ ॥ ೫॥
ಪಯೋಧಿಂ ಸಂವೀಕ್ಷ್ಯ ದ್ರುತಗಲಿತಧೈರ್ಯೇ ಕಪಿಕುಲೇ ।
ಜಜೃಮ್ಭೇ ಗಮ್ಭೀರಾ ತನುರಧಿಮಹೇನ್ದ್ರಕ್ಷಿತಿಧರಂ
ಯದೀಯಾ ದಿವ್ಯಾ ಸಾ ಭವತು ಮಮ ಭವ್ಯಾಯ ಮಹತೇ ॥ ೫॥
ಮಹಾವೇಗೇ ತಸ್ಮಿನ್ ತರತಿ ಜಲಧಿಂ ಸಾಹ್ಯವಿಧಯೇ
ಸಮಾಯಾತಾಃ ಕೇಚಿನ್ನ ಪರಿಗಣಿತಾಃ ಕಾರ್ಯವಶತಃ ।
ವಿನಶ್ಯದ್ವಿಶ್ವಾಸೇ ಮರಣಶರಣೇ ದುರ್ಗತಜನೇ
ಸುಖಂ ವಾ ದುಃಖಂ ವಾ ಕಿಮು ಕಲಯತೇ ಕಾರ್ಯಪರತಾ ॥ ೬॥
ಸಮಾಯಾತಾಃ ಕೇಚಿನ್ನ ಪರಿಗಣಿತಾಃ ಕಾರ್ಯವಶತಃ ।
ವಿನಶ್ಯದ್ವಿಶ್ವಾಸೇ ಮರಣಶರಣೇ ದುರ್ಗತಜನೇ
ಸುಖಂ ವಾ ದುಃಖಂ ವಾ ಕಿಮು ಕಲಯತೇ ಕಾರ್ಯಪರತಾ ॥ ೬॥
ಗಭೀರಪ್ರೋನ್ಮೀಲನ್ನತವಲಿತನಾಭೀವಿಲಸಿತಂ
ಮದೋದ್ಯಲ್ಲೋಲಮ್ಬದ್ಯುತಿರುಚಿರರೋಮಾವಲಿಯುತಮ್ ।
ಸಮುನ್ಮೀಲತ್ಸಾನ್ದ್ರತ್ರಿವಲಿಜಿತಗಙ್ಗಾಮ್ಬುಲಲಿತಂ
ನತಾಙ್ಗೀವೃನ್ದಂ ಕೋ ಭವತಿ ವಿಮುಖೋ ವೀಕ್ಷ್ಯ ಯದೃತೇ ॥ ೭॥
ಮದೋದ್ಯಲ್ಲೋಲಮ್ಬದ್ಯುತಿರುಚಿರರೋಮಾವಲಿಯುತಮ್ ।
ಸಮುನ್ಮೀಲತ್ಸಾನ್ದ್ರತ್ರಿವಲಿಜಿತಗಙ್ಗಾಮ್ಬುಲಲಿತಂ
ನತಾಙ್ಗೀವೃನ್ದಂ ಕೋ ಭವತಿ ವಿಮುಖೋ ವೀಕ್ಷ್ಯ ಯದೃತೇ ॥ ೭॥
ಸ್ಫುಟನ್ಮಲ್ಲೀಮಾಲಾಕಲಿತಕಬರೀಭಾರರುಚಿರಾಃ
ಸಮಞ್ಚದ್ವಕ್ಷೋಜದ್ವಯವಿಹತಕೋಕೀಮದಭರಾಃ ।
ಸಮೃಧ್ಯತ್ತಾರುಣ್ಯಾ ನಿಶಿ ವಿವಸನಾ ವೀಕ್ಷ್ಯ ಯುವತೀ-
ರ್ವಿನಾ ತಂ ಧೀರಾಗ್ರ್ಯಂ ಜಗತಿ ಗಣಯೇತ್ ತುಚ್ಛಮಿಹ ಕಃ ॥ ೮॥
ಸಮಞ್ಚದ್ವಕ್ಷೋಜದ್ವಯವಿಹತಕೋಕೀಮದಭರಾಃ ।
ಸಮೃಧ್ಯತ್ತಾರುಣ್ಯಾ ನಿಶಿ ವಿವಸನಾ ವೀಕ್ಷ್ಯ ಯುವತೀ-
ರ್ವಿನಾ ತಂ ಧೀರಾಗ್ರ್ಯಂ ಜಗತಿ ಗಣಯೇತ್ ತುಚ್ಛಮಿಹ ಕಃ ॥ ೮॥
ತ್ರಿಲೋಕೀಕಲ್ಯಾಣೀ ತ್ರಿಷವಣಪರಾಣಾಮಭಿಮತಾ
ತ್ರಯೀವೇದ್ಯಾ ಸ್ತುತ್ಯಾ ತ್ರಿದಶಪತಿಸನ್ತ್ರಾಣನಿಪುಣಾ ।
ದಿದೀಪೇ ಶಾಖೇವ ಕ್ಷಿತಿನಿಪತಿತಾ ಪ್ರೋನ್ನತತರೋ-
ರಶೋಕೋದ್ಯಾನೇ ಯನ್ನಯನಸುಭಗಾ ದೀಪ್ತಿಕಲಿಕಾ ॥ ೯॥
ತ್ರಯೀವೇದ್ಯಾ ಸ್ತುತ್ಯಾ ತ್ರಿದಶಪತಿಸನ್ತ್ರಾಣನಿಪುಣಾ ।
ದಿದೀಪೇ ಶಾಖೇವ ಕ್ಷಿತಿನಿಪತಿತಾ ಪ್ರೋನ್ನತತರೋ-
ರಶೋಕೋದ್ಯಾನೇ ಯನ್ನಯನಸುಭಗಾ ದೀಪ್ತಿಕಲಿಕಾ ॥ ೯॥
ದಯಾಸಾರದ್ರೋಣೀ ದರದಲಿತಪಙ್ಕೇರುಹರುಚಿಃ
ಶರಜ್ಜ್ಯೋತ್ಸ್ನಾಧಾರಾ ಶಮಧನಜನಾನನ್ದಜನನೀ ।
ಅಶೋಕೋದ್ಯಾನೇಽರ್ಚಿಃಕಲಿತಕರುಣೀ ಕಾಪಿ ರುರುಚೇ
ಯದಗ್ರೇ ಕಲ್ಯಾಣೀ ಕಲಯತು ಸ ನಃ ಕಾಮಿತಮಿಹ ॥ ೧೦॥
ಶರಜ್ಜ್ಯೋತ್ಸ್ನಾಧಾರಾ ಶಮಧನಜನಾನನ್ದಜನನೀ ।
ಅಶೋಕೋದ್ಯಾನೇಽರ್ಚಿಃಕಲಿತಕರುಣೀ ಕಾಪಿ ರುರುಚೇ
ಯದಗ್ರೇ ಕಲ್ಯಾಣೀ ಕಲಯತು ಸ ನಃ ಕಾಮಿತಮಿಹ ॥ ೧೦॥
ವಿಲುಪ್ತೇ ವಿಶ್ವಾಸೇ ವಿಗತವತಿ ಧೈರ್ಯೇ ದ್ರುಮತಲೇ
ನಿರೂಪಾಭಿರ್ಹಂಹೋ ವಿನಯರಹಿತಾಭಿಃ ಪರಿವೃತೌ ।
ನಿದೇಶೇ ಯೋ ಭಾವಃ ಸಮಜನಿ ರಹೋ ಭೂಷಣವರೇ
ಚಿರಾದ್ ದೃಷ್ಟೇ ದೇವ್ಯಾ ತಮನುಗದಿತುಂ ಕೋ ನು ಚತುರಃ ॥ ೧೧॥
ನಿರೂಪಾಭಿರ್ಹಂಹೋ ವಿನಯರಹಿತಾಭಿಃ ಪರಿವೃತೌ ।
ನಿದೇಶೇ ಯೋ ಭಾವಃ ಸಮಜನಿ ರಹೋ ಭೂಷಣವರೇ
ಚಿರಾದ್ ದೃಷ್ಟೇ ದೇವ್ಯಾ ತಮನುಗದಿತುಂ ಕೋ ನು ಚತುರಃ ॥ ೧೧॥
ಪಟೀಯಾನ್ ಪಾಥೋಧೇಃ ಸಲಿಲಮಖಿಲಂ ಶೋಷಕಲಿಲಂ
ವಿಧಾತುಂ ಲಙ್ಕಾಂ ವಾ ಭಸಿತಕಲುಷಾಂ ಮಾರುತಸಖಃ ।
ಯದೀಯಂ ವಾಲಾಗ್ರಂ ಸ್ವಯಮಧಿಗತೋ ನಾದಹದಹೋ
ಸ ಮೇ ದೇವೋ ಹಾರ್ದಂ ವ್ಯಪನಯತು ಗಾಢಾನ್ಧತಮಸಮ್ ॥ ೧೨॥
ವಿಧಾತುಂ ಲಙ್ಕಾಂ ವಾ ಭಸಿತಕಲುಷಾಂ ಮಾರುತಸಖಃ ।
ಯದೀಯಂ ವಾಲಾಗ್ರಂ ಸ್ವಯಮಧಿಗತೋ ನಾದಹದಹೋ
ಸ ಮೇ ದೇವೋ ಹಾರ್ದಂ ವ್ಯಪನಯತು ಗಾಢಾನ್ಧತಮಸಮ್ ॥ ೧೨॥
ಸಮುತ್ಸಾಹಂ ಬ್ರೂಮಃ ಕಥಮಿವ ಕಪೀನಾಂ ಯದುದಿತೇ
ಸಮುತ್ಕಣ್ಠಾ ಸರ್ವಙ್ಕಷಪಟುನಿ ಗಮ್ಭೀರವಚಸಿ ।
ಅಹೋ ದೃಷ್ಟಾ ಸೀತೇತ್ಯಮೃತರಸನಿಷ್ಯನ್ದಮಧುರೇ
ನಿಷೋದದ್ಬಾಲಾನಾಮಿವ ಸ ಜಯತಾನ್ಮಾತೃವಚನೇ ॥ ೧೩॥
ಸಮುತ್ಕಣ್ಠಾ ಸರ್ವಙ್ಕಷಪಟುನಿ ಗಮ್ಭೀರವಚಸಿ ।
ಅಹೋ ದೃಷ್ಟಾ ಸೀತೇತ್ಯಮೃತರಸನಿಷ್ಯನ್ದಮಧುರೇ
ನಿಷೋದದ್ಬಾಲಾನಾಮಿವ ಸ ಜಯತಾನ್ಮಾತೃವಚನೇ ॥ ೧೩॥
ಯದಾನೀತೇ ಸಾನ್ದ್ರಸ್ಫುರದನುಪಮಾನನ್ದಲಹರೀ
ಯಥಾ ಧೇನೋರ್ವತ್ಸೇಽಸ್ರವದಿವ ಜಗನ್ಮೂರ್ತಿಹೃದಯೇ ।
ಸ ದೇವೀಮೂರ್ಧಾಲಙ್ಕರಣಮಹಿತೇ ದೃಷ್ಟಿವಿಷಯೇ
ಮಣೌ ಸ್ಯಾನ್ಮೇ ಭೂತ್ಯೈ ಪ್ರಣತಜನಚಿನ್ತಾಮಣಿವರೇ ॥ ೧೪॥
ಯಥಾ ಧೇನೋರ್ವತ್ಸೇಽಸ್ರವದಿವ ಜಗನ್ಮೂರ್ತಿಹೃದಯೇ ।
ಸ ದೇವೀಮೂರ್ಧಾಲಙ್ಕರಣಮಹಿತೇ ದೃಷ್ಟಿವಿಷಯೇ
ಮಣೌ ಸ್ಯಾನ್ಮೇ ಭೂತ್ಯೈ ಪ್ರಣತಜನಚಿನ್ತಾಮಣಿವರೇ ॥ ೧೪॥
ಜಯತು ಜಯತು ರಮ್ಯಂ ಬ್ರಹ್ಮಚರ್ಯಸ್ಯ ಭಾಗ್ಯಂ
ಜಯತು ಜಯತು ದೇವ್ಯಾ ಅಞ್ಜನಾಯಾಶ್ಚ ಭಾಗ್ಯಮ್ ।
ಜಯತು ಚ ರಘುವೀರೇ ಭಕ್ತಿಮದ್ಭಾಗಧೇಯಂ
ಜಯತು ವಿಶರಣಾನಾಂ ಪಕ್ತ್ರಿಮಂ ಭಾಗಧೇಯಮ್ ॥ ೧೫॥
ಜಯತು ಜಯತು ದೇವ್ಯಾ ಅಞ್ಜನಾಯಾಶ್ಚ ಭಾಗ್ಯಮ್ ।
ಜಯತು ಚ ರಘುವೀರೇ ಭಕ್ತಿಮದ್ಭಾಗಧೇಯಂ
ಜಯತು ವಿಶರಣಾನಾಂ ಪಕ್ತ್ರಿಮಂ ಭಾಗಧೇಯಮ್ ॥ ೧೫॥
ಭೈರೋಜೀರಙ್ಗನಾಥೇನ ಕೃತಂ ಸ್ತೋತ್ರಂ ಹನುಮತಃ ।
ಭೂಯಾದ್ ಭೂತ್ಯೈ ರಸವಿದಾಂ ಭಕ್ತಿಭಾಜಾಂ ಹನುಮತಿ ॥ ೧೬॥
ಭೂಯಾದ್ ಭೂತ್ಯೈ ರಸವಿದಾಂ ಭಕ್ತಿಭಾಜಾಂ ಹನುಮತಿ ॥ ೧೬॥
॥ ಇತಿ ಭೈರಜೀರಙ್ಗನಾಥಕೃತಂ ಶ್ರೀಹನುಮತ್ಪ್ರಸಾದಸ್ತೋತ್ರಂ ಸಮ್ಪೂರ್ಣಮ್ ॥