વિલાસો વૈદેહીહૃદયકમલોન્મીલનકલા-
વિદગ્ધો વાચાં યઃ સમભવદશોકાવનિતલે ।
પ્રમાદ્યલ્લઙ્કેશસ્મયવિદલનોદ્દામમહિમા
સ દદ્યાદસ્માકં સુરભિરિહ વાચાં મધુરતામ્ ॥ ૧॥
વિદગ્ધો વાચાં યઃ સમભવદશોકાવનિતલે ।
પ્રમાદ્યલ્લઙ્કેશસ્મયવિદલનોદ્દામમહિમા
સ દદ્યાદસ્માકં સુરભિરિહ વાચાં મધુરતામ્ ॥ ૧॥
ત્વિષામીશં દેવં વિયતિ સમુદઞ્ચત્સ્વકિરણં
સુરદ્રોર્મન્વાનઃ ફલમિતિ પરીપાકમધુરમ્ ।
ગ્રહીતું તં માતુર્બહિરવતરન્નેવ જઠરાત્
સમુદ્યુક્તો યોઽભૂત્ સ વિતરતુ ઘાટીં મમ ગિરામ્ ॥ ૨॥
સુરદ્રોર્મન્વાનઃ ફલમિતિ પરીપાકમધુરમ્ ।
ગ્રહીતું તં માતુર્બહિરવતરન્નેવ જઠરાત્
સમુદ્યુક્તો યોઽભૂત્ સ વિતરતુ ઘાટીં મમ ગિરામ્ ॥ ૨॥
તુરાસાહિ સ્તોકં રચિતવતિ યસ્મિન્નવિનયં
વિતન્વન્તં સ્તબ્ધં બધિરમવશં લોકમખિલમ્ ।
સમાધાતું કૢપ્તં કતિ કતિ સમીરં સ્તુતિગિરઃ
સમન્તાદ્વૈધાત્ર્યો દિવિ સમુદિતા નઃ સ શરણમ્ ॥ ૩॥
વિતન્વન્તં સ્તબ્ધં બધિરમવશં લોકમખિલમ્ ।
સમાધાતું કૢપ્તં કતિ કતિ સમીરં સ્તુતિગિરઃ
સમન્તાદ્વૈધાત્ર્યો દિવિ સમુદિતા નઃ સ શરણમ્ ॥ ૩॥
તપસ્તપ્ત્વા તીવ્રં જગતિ શરદાં યચ્છતમહો
સુરાણાં સર્વેષાં સમભિલષિતં ચાપ્યસુલભમ્ ।
તદસ્મિન્ બ્રહ્માસ્ત્રં સમજનિ યયા કુણ્ઠિતબલં
નમસ્તસ્યૈ શક્ત્યૈ પ્રણતજનગત્યૈ ભવતુ મે ॥ ૪॥
સુરાણાં સર્વેષાં સમભિલષિતં ચાપ્યસુલભમ્ ।
તદસ્મિન્ બ્રહ્માસ્ત્રં સમજનિ યયા કુણ્ઠિતબલં
નમસ્તસ્યૈ શક્ત્યૈ પ્રણતજનગત્યૈ ભવતુ મે ॥ ૪॥
પુરસ્તાદુલ્લોલોચ્ચલદલઘુવીચીતરલિતં
પયોધિં સંવીક્ષ્ય દ્રુતગલિતધૈર્યે કપિકુલે ।
જજૃમ્ભે ગમ્ભીરા તનુરધિમહેન્દ્રક્ષિતિધરં
યદીયા દિવ્યા સા ભવતુ મમ ભવ્યાય મહતે ॥ ૫॥
પયોધિં સંવીક્ષ્ય દ્રુતગલિતધૈર્યે કપિકુલે ।
જજૃમ્ભે ગમ્ભીરા તનુરધિમહેન્દ્રક્ષિતિધરં
યદીયા દિવ્યા સા ભવતુ મમ ભવ્યાય મહતે ॥ ૫॥
મહાવેગે તસ્મિન્ તરતિ જલધિં સાહ્યવિધયે
સમાયાતાઃ કેચિન્ન પરિગણિતાઃ કાર્યવશતઃ ।
વિનશ્યદ્વિશ્વાસે મરણશરણે દુર્ગતજને
સુખં વા દુઃખં વા કિમુ કલયતે કાર્યપરતા ॥ ૬॥
સમાયાતાઃ કેચિન્ન પરિગણિતાઃ કાર્યવશતઃ ।
વિનશ્યદ્વિશ્વાસે મરણશરણે દુર્ગતજને
સુખં વા દુઃખં વા કિમુ કલયતે કાર્યપરતા ॥ ૬॥
ગભીરપ્રોન્મીલન્નતવલિતનાભીવિલસિતં
મદોદ્યલ્લોલમ્બદ્યુતિરુચિરરોમાવલિયુતમ્ ।
સમુન્મીલત્સાન્દ્રત્રિવલિજિતગઙ્ગામ્બુલલિતં
નતાઙ્ગીવૃન્દં કો ભવતિ વિમુખો વીક્ષ્ય યદૃતે ॥ ૭॥
મદોદ્યલ્લોલમ્બદ્યુતિરુચિરરોમાવલિયુતમ્ ।
સમુન્મીલત્સાન્દ્રત્રિવલિજિતગઙ્ગામ્બુલલિતં
નતાઙ્ગીવૃન્દં કો ભવતિ વિમુખો વીક્ષ્ય યદૃતે ॥ ૭॥
સ્ફુટન્મલ્લીમાલાકલિતકબરીભારરુચિરાઃ
સમઞ્ચદ્વક્ષોજદ્વયવિહતકોકીમદભરાઃ ।
સમૃધ્યત્તારુણ્યા નિશિ વિવસના વીક્ષ્ય યુવતી-
ર્વિના તં ધીરાગ્ર્યં જગતિ ગણયેત્ તુચ્છમિહ કઃ ॥ ૮॥
સમઞ્ચદ્વક્ષોજદ્વયવિહતકોકીમદભરાઃ ।
સમૃધ્યત્તારુણ્યા નિશિ વિવસના વીક્ષ્ય યુવતી-
ર્વિના તં ધીરાગ્ર્યં જગતિ ગણયેત્ તુચ્છમિહ કઃ ॥ ૮॥
ત્રિલોકીકલ્યાણી ત્રિષવણપરાણામભિમતા
ત્રયીવેદ્યા સ્તુત્યા ત્રિદશપતિસન્ત્રાણનિપુણા ।
દિદીપે શાખેવ ક્ષિતિનિપતિતા પ્રોન્નતતરો-
રશોકોદ્યાને યન્નયનસુભગા દીપ્તિકલિકા ॥ ૯॥
ત્રયીવેદ્યા સ્તુત્યા ત્રિદશપતિસન્ત્રાણનિપુણા ।
દિદીપે શાખેવ ક્ષિતિનિપતિતા પ્રોન્નતતરો-
રશોકોદ્યાને યન્નયનસુભગા દીપ્તિકલિકા ॥ ૯॥
દયાસારદ્રોણી દરદલિતપઙ્કેરુહરુચિઃ
શરજ્જ્યોત્સ્નાધારા શમધનજનાનન્દજનની ।
અશોકોદ્યાનેઽર્ચિઃકલિતકરુણી કાપિ રુરુચે
યદગ્રે કલ્યાણી કલયતુ સ નઃ કામિતમિહ ॥ ૧૦॥
શરજ્જ્યોત્સ્નાધારા શમધનજનાનન્દજનની ।
અશોકોદ્યાનેઽર્ચિઃકલિતકરુણી કાપિ રુરુચે
યદગ્રે કલ્યાણી કલયતુ સ નઃ કામિતમિહ ॥ ૧૦॥
વિલુપ્તે વિશ્વાસે વિગતવતિ ધૈર્યે દ્રુમતલે
નિરૂપાભિર્હંહો વિનયરહિતાભિઃ પરિવૃતૌ ।
નિદેશે યો ભાવઃ સમજનિ રહો ભૂષણવરે
ચિરાદ્ દૃષ્ટે દેવ્યા તમનુગદિતું કો નુ ચતુરઃ ॥ ૧૧॥
નિરૂપાભિર્હંહો વિનયરહિતાભિઃ પરિવૃતૌ ।
નિદેશે યો ભાવઃ સમજનિ રહો ભૂષણવરે
ચિરાદ્ દૃષ્ટે દેવ્યા તમનુગદિતું કો નુ ચતુરઃ ॥ ૧૧॥
પટીયાન્ પાથોધેઃ સલિલમખિલં શોષકલિલં
વિધાતું લઙ્કાં વા ભસિતકલુષાં મારુતસખઃ ।
યદીયં વાલાગ્રં સ્વયમધિગતો નાદહદહો
સ મે દેવો હાર્દં વ્યપનયતુ ગાઢાન્ધતમસમ્ ॥ ૧૨॥
વિધાતું લઙ્કાં વા ભસિતકલુષાં મારુતસખઃ ।
યદીયં વાલાગ્રં સ્વયમધિગતો નાદહદહો
સ મે દેવો હાર્દં વ્યપનયતુ ગાઢાન્ધતમસમ્ ॥ ૧૨॥
સમુત્સાહં બ્રૂમઃ કથમિવ કપીનાં યદુદિતે
સમુત્કણ્ઠા સર્વઙ્કષપટુનિ ગમ્ભીરવચસિ ।
અહો દૃષ્ટા સીતેત્યમૃતરસનિષ્યન્દમધુરે
નિષોદદ્બાલાનામિવ સ જયતાન્માતૃવચને ॥ ૧૩॥
સમુત્કણ્ઠા સર્વઙ્કષપટુનિ ગમ્ભીરવચસિ ।
અહો દૃષ્ટા સીતેત્યમૃતરસનિષ્યન્દમધુરે
નિષોદદ્બાલાનામિવ સ જયતાન્માતૃવચને ॥ ૧૩॥
યદાનીતે સાન્દ્રસ્ફુરદનુપમાનન્દલહરી
યથા ધેનોર્વત્સેઽસ્રવદિવ જગન્મૂર્તિહૃદયે ।
સ દેવીમૂર્ધાલઙ્કરણમહિતે દૃષ્ટિવિષયે
મણૌ સ્યાન્મે ભૂત્યૈ પ્રણતજનચિન્તામણિવરે ॥ ૧૪॥
યથા ધેનોર્વત્સેઽસ્રવદિવ જગન્મૂર્તિહૃદયે ।
સ દેવીમૂર્ધાલઙ્કરણમહિતે દૃષ્ટિવિષયે
મણૌ સ્યાન્મે ભૂત્યૈ પ્રણતજનચિન્તામણિવરે ॥ ૧૪॥
જયતુ જયતુ રમ્યં બ્રહ્મચર્યસ્ય ભાગ્યં
જયતુ જયતુ દેવ્યા અઞ્જનાયાશ્ચ ભાગ્યમ્ ।
જયતુ ચ રઘુવીરે ભક્તિમદ્ભાગધેયં
જયતુ વિશરણાનાં પક્ત્રિમં ભાગધેયમ્ ॥ ૧૫॥
જયતુ જયતુ દેવ્યા અઞ્જનાયાશ્ચ ભાગ્યમ્ ।
જયતુ ચ રઘુવીરે ભક્તિમદ્ભાગધેયં
જયતુ વિશરણાનાં પક્ત્રિમં ભાગધેયમ્ ॥ ૧૫॥
ભૈરોજીરઙ્ગનાથેન કૃતં સ્તોત્રં હનુમતઃ ।
ભૂયાદ્ ભૂત્યૈ રસવિદાં ભક્તિભાજાં હનુમતિ ॥ ૧૬॥
ભૂયાદ્ ભૂત્યૈ રસવિદાં ભક્તિભાજાં હનુમતિ ॥ ૧૬॥
॥ ઇતિ ભૈરજીરઙ્ગનાથકૃતં શ્રીહનુમત્પ્રસાદસ્તોત્રં સમ્પૂર્ણમ્ ॥