Brahman

কৈৱল্যোপনিষদ্

(Kaivalya Upanishad in Assamese)

Language:Sanskrit
Translation:English

The Kaivalya Upanishad belongs to the Atharva Veda and is counted among the Yoga Upanishads — a group of texts that deal directly with the nature of liberation and the practices that lead to it. The word kaivalya means absolute aloneness or independence — not loneliness, but the recognition that the Self stands alone, complete in itself, needing nothing outside to be whole. The text is short (about twenty-five verses) and moves quickly from a seeker's questions to the highest teaching. The Upanishad opens with the sage Ashvalayana approaching Brahma and asking how the highest can be known.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ওঁ ভদ্ৰং কৰ্ণেভিঃ শৃণুযাম দেৱা ভদ্ৰং পশ্যেমাক্ষভিৰ্যজত্ৰাঃ।
স্থিৰৈৰঙ্গৈস্তুষ্টুৱাসস্তনূভিৰ্ৱ্যশেম দেৱহিতং যদাযুঃ॥
স্ৱস্তি ন ইন্দ্ৰো ৱৃদ্ধশ্ৰৱাঃ স্ৱস্তি নঃ পূষা ৱিশ্ৱৱেদাঃ।
স্ৱস্তি নস্তাৰ্ক্ষ্যো অৰিষ্টনেমিঃ স্ৱস্তি নো বৃহস্পতিৰ্দধাতু॥
ওঁ শান্তিঃ! শান্তিঃ!! শান্তিঃ!!!
ওঁ অথাশ্ৱলাযনো ভগৱন্তং পৰমেষ্ঠিনমুপসমেত্যোৱাচ ।
অধীহি ভগৱন্ব্ৰহ্মৱিদ্যাং ৱৰিষ্ঠাং সদা সদ্ভিঃ সেৱ্যমানাং নিগূঢাম্ ।
যযাঽচিৰাত্সৰ্ৱপাপং ৱ্যপোহ্য পৰাত্পৰং পুৰুষং যাতি ৱিদ্ৱান্ ॥ ১॥
তস্মৈ স হোৱাচ পিতামহশ্চ শ্ৰদ্ধাভক্তিধ্যানযোগাদৱৈহি ॥ ২॥
ন কৰ্মণা ন প্ৰজযা ধনেন ত্যাগেনৈকে অমৃতত্ৱমানশুঃ ।
পৰেণ নাকং নিহিতং গুহাযাং ৱিভ্ৰাজতে যদ্যতযো ৱিশন্তি ॥ ৩॥
ৱেদান্তৱিজ্ঞানসুনিশ্চিতাৰ্থাঃ সংন্যাসযোগাদ্যতযঃ শুদ্ধসত্ত্ৱাঃ ।
তে ব্ৰহ্মলোকেষু পৰান্তকালে পৰামৃতাঃ পৰিমুচ্যন্তি সৰ্ৱে ॥ ৪॥
ৱিৱিক্তদেশে চ সুখাসনস্থঃ শুচিঃ সমগ্ৰীৱশিৰঃশৰীৰঃ ।
অত্যাশ্ৰমস্থঃ সকলেন্দ্ৰিযাণি নিৰুধ্য ভক্ত্যা স্ৱগুৰুং প্ৰণম্য ।
হৃত্পুণ্ডৰীকং ৱিৰজং ৱিশুদ্ধং ৱিচিন্ত্য মধ্যে ৱিশদং ৱিশোকম্ ॥ ৫॥
অচিন্ত্যমৱ্যক্তমনন্তৰূপং শিৱং প্ৰশান্তমমৃতং ব্ৰহ্মযোনিম্ ।
তথাদিমধ্যান্তৱিহীনমেকং ৱিভুং চিদানন্দমৰূপমদ্ভুতম্ ॥৬॥
উমাসহাযং পৰমেশ্ৱৰং প্ৰভুং ত্ৰিলোচনং নীলকণ্ঠং প্ৰশান্তম্ ।
ধ্যাত্ৱা মুনিৰ্গচ্ছতি ভূতযোনিং সমস্তসাক্ষিং তমসঃ পৰস্তাত্ ॥ ৭॥
স ব্ৰহ্মা স শিৱঃ সেন্দ্ৰঃ সোঽক্ষৰঃ পৰমঃ স্ৱৰাট্ ।
স এৱ ৱিষ্ণুঃ স প্ৰাণঃ স কালোঽগ্নিঃ স চন্দ্ৰমাঃ ॥ ৮॥
স এৱ সৰ্ৱং যদ্ভূতং যচ্চ ভৱ্যং সনাতনম্ ।
জ্ঞাত্ৱা তং মৃত্যুমত্যেতি নান্যঃ পন্থা ৱিমুক্তযে ॥ ৯॥
সৰ্ৱভূতস্থমাত্মানং সৰ্ৱভূতানি চাত্মনি ।
সম্পশ্যন্ব্ৰহ্ম পৰমং যাতি নান্যেন হেতুনা ॥ ১০॥
আত্মানমৰণিং কৃত্ৱা প্ৰণৱং চোত্তৰাৰণিম্ ।
জ্ঞাননিৰ্মথনাভ্যাসাত্পাশং দহতি পণ্ডিতঃ ॥ ১১॥
স এৱ মাযাপৰিমোহিতাত্মা শৰীৰমাস্থায কৰোতি সৰ্ৱম্ ।
স্ত্ৰ্যন্নপানাদিৱিচিত্ৰভোগৈঃ স এৱ জাগ্ৰত্পৰিতৃপ্তিমেতি ॥ ১২॥
স্ৱপ্নে স জীৱঃ সুখদুঃখভোক্তা স্ৱমাযযা কল্পিতজীৱলোকে ।
সুষুপ্তিকালে সকলে ৱিলীনে তমোঽভিভূতঃ সুখৰূপমেতি ॥ ১৩॥
পুনশ্চ জন্মান্তৰকৰ্মযোগাত্স এৱ জীৱঃ স্ৱপিতি প্ৰবুদ্ধঃ ।
পুৰত্ৰযে ক্ৰীডতি যশ্চ জীৱস্ততস্তু জাতং সকলং ৱিচিত্ৰম্ ।
আধাৰমানন্দমখণ্ডবোধং যস্মিঁল্লযং যাতি পুৰত্ৰযং চ ॥ ১৪॥
এতস্মাজ্জাযতে প্ৰাণো মনঃ সৰ্ৱেন্দ্ৰিযাণি চ ।
খং ৱাযুৰ্জ্যোতিৰাপশ্চ পৃথ্ৱী ৱিশ্ৱস্য ধাৰিণী ॥ ১৫॥
যত্পৰং ব্ৰহ্ম সৰ্ৱাত্মা ৱিশ্ৱস্যাযতনং মহত্ ।
সূক্ষ্মাত্সূক্ষ্মতৰং নিত্যং তত্ত্ৱমেৱ ত্ৱমেৱ তত্ ॥ ১৬॥
জাগ্ৰত্স্ৱপ্নসুষুপ্ত্যাদিপ্ৰপঞ্চং যত্প্ৰকাশতে ।
তদ্ব্ৰহ্মাহমিতি জ্ঞাত্ৱা সৰ্ৱবন্ধৈঃ প্ৰমুচ্যতে ॥ ১৭॥
ত্ৰিষু ধামসু যদ্ভোগ্যং ভোক্তা ভোগশ্চ যদ্ভৱেত্ ।
তেভ্যো ৱিলক্ষণঃ সাক্ষী চিন্মাত্ৰোঽহং সদাশিৱঃ ॥ ১৮॥
ময্যেৱ সকলং জাতং মযি সৰ্ৱং প্ৰতিষ্ঠিতম্ ।
মযি সৰ্ৱং লযং যাতি তদ্ব্ৰহ্মাদ্ৱযমস্ম্যহম্ ॥ ১৯॥
অণোৰণীযানহমেৱ তদ্ৱন্মহানহং ৱিশ্ৱমহং ৱিচিত্ৰম্ ।
পুৰাতনোঽহং পুৰুষোঽহমীশো হিৰণ্মযোঽহং শিৱৰূপমস্মি ॥ ২০॥
অপাণিপাদোঽহমচিন্ত্যশক্তিঃ পশ্যাম্যচক্ষুঃ স শৃণোম্যকৰ্ণঃ ।
অহং ৱিজানামি ৱিৱিক্তৰূপো ন চাস্তি ৱেত্তা মম চিত্সদাঽহম্ ॥ ২১
ৱেদৈৰনেকৈৰহমেৱ ৱেদ্যো ৱেদান্তকৃদ্ৱেদৱিদেৱ চাহম্ ।
ন পুণ্যপাপে মম নাস্তি নাশো ন জন্ম দেহেন্দ্ৰিযবুদ্ধিৰস্তি ॥ ২২॥
ন ভূমিৰাপো ন চ ৱহ্নিৰস্তি ন চানিলো মেঽস্তি ন চাম্বৰং চ ।
এৱং ৱিদিত্ৱা পৰমাত্মৰূপং গুহাশযং নিষ্কলমদ্ৱিতীযম্ ॥ ২৩
সমস্তসাক্ষিং সদসদ্ৱিহীনং প্ৰযাতি শুদ্ধং পৰমাত্মৰূপম্ ॥২৪
যঃ শতৰুদ্ৰিযমধীতে সোঽগ্নিপূতো ভৱতি সুৰাপানাত্পূতো ভৱতি
স ব্ৰহ্মহত্যাযাঃ পূতো ভৱতি স সুৱৰ্ণস্তেযাত্পূতো ভৱতি
স কৃত্যাকৃত্যাত্পূতো ভৱতি তস্মাদৱিমুক্তমাশ্ৰিতো
ভৱত্যত্যাশ্ৰমী সৰ্ৱদা সকৃদ্ৱা জপেত্ ॥
অনেন জ্ঞানমাপ্নোতি সংসাৰাৰ্ণৱনাশনম্ । তস্মাদেৱং
ৱিদিত্ৱৈনং কৈৱল্যং পদমশ্নুতে কৈৱল্যং পদমশ্নুত ইতি ॥

More Brahman Stotras

भावनोपनिषद्
Bhavanopanishad
चाक्षुषोपनिषद् (चक्षुष्मती विद्या)
Chakshushopanishad (Chakshushmati Vidya)
कालिकोपनिषत्
Kalikopanisat
माण्डूक्य उपनिषद्
Mandukya Upanishad
नारायण उपनिषद्
Narayana Upanishad
शिवसङ्कल्पोपनिषत् (शिव सङ्कल्पमस्तु)
Shiva Sankalpa Upanishad
गणेशतापिन्युपनिषत्
Ganesatapinyupanisat
श्री सूर्योपनिषद्
Shri Suryopanishad
View All Kaivalya Upanishad Collection →

Explore More

Kaivalya Upanishad CollectionWealthObstaclesHealthProtectionWisdomHome