Brahman

কৈবল্যোপনিষদ্

(Kaivalya Upanishad in Bengali)

Language:Sanskrit
Translation:English

The Kaivalya Upanishad belongs to the Atharva Veda and is counted among the Yoga Upanishads — a group of texts that deal directly with the nature of liberation and the practices that lead to it. The word kaivalya means absolute aloneness or independence — not loneliness, but the recognition that the Self stands alone, complete in itself, needing nothing outside to be whole. The text is short (about twenty-five verses) and moves quickly from a seeker's questions to the highest teaching. The Upanishad opens with the sage Ashvalayana approaching Brahma and asking how the highest can be known.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ওঁ ভদ্রং কর্ণেভিঃ শৃণুযাম দেবা ভদ্রং পশ্যেমাক্ষভির্যজত্রাঃ।
স্থিরৈরঙ্গৈস্তুষ্টুবাসস্তনূভির্ব্যশেম দেবহিতং যদাযুঃ॥
স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ।
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু॥
ওঁ শান্তিঃ! শান্তিঃ!! শান্তিঃ!!!
ওঁ অথাশ্বলাযনো ভগবন্তং পরমেষ্ঠিনমুপসমেত্যোবাচ ।
অধীহি ভগবন্ব্রহ্মবিদ্যাং বরিষ্ঠাং সদা সদ্ভিঃ সেব্যমানাং নিগূঢাম্ ।
যযাঽচিরাত্সর্বপাপং ব্যপোহ্য পরাত্পরং পুরুষং যাতি বিদ্বান্ ॥ ১॥
তস্মৈ স হোবাচ পিতামহশ্চ শ্রদ্ধাভক্তিধ্যানযোগাদবৈহি ॥ ২॥
ন কর্মণা ন প্রজযা ধনেন ত্যাগেনৈকে অমৃতত্বমানশুঃ ।
পরেণ নাকং নিহিতং গুহাযাং বিভ্রাজতে যদ্যতযো বিশন্তি ॥ ৩॥
বেদান্তবিজ্ঞানসুনিশ্চিতার্থাঃ সংন্যাসযোগাদ্যতযঃ শুদ্ধসত্ত্বাঃ ।
তে ব্রহ্মলোকেষু পরান্তকালে পরামৃতাঃ পরিমুচ্যন্তি সর্বে ॥ ৪॥
বিবিক্তদেশে চ সুখাসনস্থঃ শুচিঃ সমগ্রীবশিরঃশরীরঃ ।
অত্যাশ্রমস্থঃ সকলেন্দ্রিযাণি নিরুধ্য ভক্ত্যা স্বগুরুং প্রণম্য ।
হৃত্পুণ্ডরীকং বিরজং বিশুদ্ধং বিচিন্ত্য মধ্যে বিশদং বিশোকম্ ॥ ৫॥
অচিন্ত্যমব্যক্তমনন্তরূপং শিবং প্রশান্তমমৃতং ব্রহ্মযোনিম্ ।
তথাদিমধ্যান্তবিহীনমেকং বিভুং চিদানন্দমরূপমদ্ভুতম্ ॥৬॥
উমাসহাযং পরমেশ্বরং প্রভুং ত্রিলোচনং নীলকণ্ঠং প্রশান্তম্ ।
ধ্যাত্বা মুনির্গচ্ছতি ভূতযোনিং সমস্তসাক্ষিং তমসঃ পরস্তাত্ ॥ ৭॥
স ব্রহ্মা স শিবঃ সেন্দ্রঃ সোঽক্ষরঃ পরমঃ স্বরাট্ ।
স এব বিষ্ণুঃ স প্রাণঃ স কালোঽগ্নিঃ স চন্দ্রমাঃ ॥ ৮॥
স এব সর্বং যদ্ভূতং যচ্চ ভব্যং সনাতনম্ ।
জ্ঞাত্বা তং মৃত্যুমত্যেতি নান্যঃ পন্থা বিমুক্তযে ॥ ৯॥
সর্বভূতস্থমাত্মানং সর্বভূতানি চাত্মনি ।
সম্পশ্যন্ব্রহ্ম পরমং যাতি নান্যেন হেতুনা ॥ ১০॥
আত্মানমরণিং কৃত্বা প্রণবং চোত্তরারণিম্ ।
জ্ঞাননির্মথনাভ্যাসাত্পাশং দহতি পণ্ডিতঃ ॥ ১১॥
স এব মাযাপরিমোহিতাত্মা শরীরমাস্থায করোতি সর্বম্ ।
স্ত্র্যন্নপানাদিবিচিত্রভোগৈঃ স এব জাগ্রত্পরিতৃপ্তিমেতি ॥ ১২॥
স্বপ্নে স জীবঃ সুখদুঃখভোক্তা স্বমাযযা কল্পিতজীবলোকে ।
সুষুপ্তিকালে সকলে বিলীনে তমোঽভিভূতঃ সুখরূপমেতি ॥ ১৩॥
পুনশ্চ জন্মান্তরকর্মযোগাত্স এব জীবঃ স্বপিতি প্রবুদ্ধঃ ।
পুরত্রযে ক্রীডতি যশ্চ জীবস্ততস্তু জাতং সকলং বিচিত্রম্ ।
আধারমানন্দমখণ্ডবোধং যস্মিঁল্লযং যাতি পুরত্রযং চ ॥ ১৪॥
এতস্মাজ্জাযতে প্রাণো মনঃ সর্বেন্দ্রিযাণি চ ।
খং বাযুর্জ্যোতিরাপশ্চ পৃথ্বী বিশ্বস্য ধারিণী ॥ ১৫॥
যত্পরং ব্রহ্ম সর্বাত্মা বিশ্বস্যাযতনং মহত্ ।
সূক্ষ্মাত্সূক্ষ্মতরং নিত্যং তত্ত্বমেব ত্বমেব তত্ ॥ ১৬॥
জাগ্রত্স্বপ্নসুষুপ্ত্যাদিপ্রপঞ্চং যত্প্রকাশতে ।
তদ্ব্রহ্মাহমিতি জ্ঞাত্বা সর্ববন্ধৈঃ প্রমুচ্যতে ॥ ১৭॥
ত্রিষু ধামসু যদ্ভোগ্যং ভোক্তা ভোগশ্চ যদ্ভবেত্ ।
তেভ্যো বিলক্ষণঃ সাক্ষী চিন্মাত্রোঽহং সদাশিবঃ ॥ ১৮॥
ময্যেব সকলং জাতং মযি সর্বং প্রতিষ্ঠিতম্ ।
মযি সর্বং লযং যাতি তদ্ব্রহ্মাদ্বযমস্ম্যহম্ ॥ ১৯॥
অণোরণীযানহমেব তদ্বন্মহানহং বিশ্বমহং বিচিত্রম্ ।
পুরাতনোঽহং পুরুষোঽহমীশো হিরণ্মযোঽহং শিবরূপমস্মি ॥ ২০॥
অপাণিপাদোঽহমচিন্ত্যশক্তিঃ পশ্যাম্যচক্ষুঃ স শৃণোম্যকর্ণঃ ।
অহং বিজানামি বিবিক্তরূপো ন চাস্তি বেত্তা মম চিত্সদাঽহম্ ॥ ২১
বেদৈরনেকৈরহমেব বেদ্যো বেদান্তকৃদ্বেদবিদেব চাহম্ ।
ন পুণ্যপাপে মম নাস্তি নাশো ন জন্ম দেহেন্দ্রিযবুদ্ধিরস্তি ॥ ২২॥
ন ভূমিরাপো ন চ বহ্নিরস্তি ন চানিলো মেঽস্তি ন চাম্বরং চ ।
এবং বিদিত্বা পরমাত্মরূপং গুহাশযং নিষ্কলমদ্বিতীযম্ ॥ ২৩
সমস্তসাক্ষিং সদসদ্বিহীনং প্রযাতি শুদ্ধং পরমাত্মরূপম্ ॥২৪
যঃ শতরুদ্রিযমধীতে সোঽগ্নিপূতো ভবতি সুরাপানাত্পূতো ভবতি
স ব্রহ্মহত্যাযাঃ পূতো ভবতি স সুবর্ণস্তেযাত্পূতো ভবতি
স কৃত্যাকৃত্যাত্পূতো ভবতি তস্মাদবিমুক্তমাশ্রিতো
ভবত্যত্যাশ্রমী সর্বদা সকৃদ্বা জপেত্ ॥
অনেন জ্ঞানমাপ্নোতি সংসারার্ণবনাশনম্ । তস্মাদেবং
বিদিত্বৈনং কৈবল্যং পদমশ্নুতে কৈবল্যং পদমশ্নুত ইতি ॥

More Brahman Stotras

भावनोपनिषद्
Bhavanopanishad
चाक्षुषोपनिषद् (चक्षुष्मती विद्या)
Chakshushopanishad (Chakshushmati Vidya)
कालिकोपनिषत्
Kalikopanisat
माण्डूक्य उपनिषद्
Mandukya Upanishad
नारायण उपनिषद्
Narayana Upanishad
शिवसङ्कल्पोपनिषत् (शिव सङ्कल्पमस्तु)
Shiva Sankalpa Upanishad
गणेशतापिन्युपनिषत्
Ganesatapinyupanisat
श्री सूर्योपनिषद्
Shri Suryopanishad
View All Kaivalya Upanishad Collection →

Explore More

Kaivalya Upanishad CollectionWealthObstaclesHealthProtectionWisdomHome