2.6 - সৌত্রামণিঃ কৌকিলী হোত্রং চ - কৃষ্ণ যজুর্বেদ তৈত্তিরীয ব্রাহ্মণ পাঠঃ - স্বাদ্বীং ত্বা

কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে ষষ্ঠঃ প্রপাঠকঃ - সৌত্রামণিঃ কৌকিলী হোত্র-ঞ্চ
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
অনুবাকং 1 - গ্রহাঃ

স্বাদ্বী-ন্ত্বা স্বাদুনা । তীব্রা-ন্তীব্রেণ । অমৃতা-মমৃতেন । মধুমতী-ম্মধুমতা । সৃজামি সগ্ং সোমেন । সোমো-ঽস্যশ্বিভ্যা-ম্পচ্যস্ব । সরস্বত্যৈ পচ্যস্ব । ইন্দ্রায সুত্রাম্ণে পচ্যস্ব ॥ পরীতোষিঞ্চতা সুতম্ । সোমো য উত্তমগ্ং হবিঃ ॥ 1 ॥
দধন্বা যো নর্যো অফ্স্বন্তরা । সুষাব সোমমদ্রিভিঃ ॥ পুনাতু তে পরিস্রুতম্ । সোমগ্ং সূর্যস্য দুহিতা । বারেণ শশ্বতা তনা । বাযুঃ পূতঃ পবিত্রেণ । প্রাঙ্খ্সোমো অতিদ্রুতঃ । ইন্দ্রস্য যুজ্য-স্সখা ॥ বাযুঃ পূতঃ পবিত্রেণ । প্রত্যঙ্খ্সোমো অতিদ্রুতঃ ॥ 2 ॥
ইন্দ্রস্য যুজ্য-স্সখা ॥ ব্রহ্ম ক্ষত্র-ম্পবতে তেজ ইন্দ্রিযম্ । সুরযা সোমঃ সুত আসুতো মদায । শুক্রেণ দেব দেবতাঃ পিপৃগ্ধি । রসেনান্নং-যঁজমানায ধেহি ॥ কুবিদঙ্গ যবমন্তো যব-ঞ্চিত্ । যথা দান্ত্যনুপূর্বং-বিঁযূয । ইহেহৈষা-ঙ্কৃণুত ভোজনানি । যে বরঃইষো নমোবৃক্তি-ন্ন জগ্মুঃ ॥ উপযাম-গৃহীতো-ঽস্যশ্বিভ্যা-ন্ত্বা জুষ্ট-ঙ্গৃহ্ণামি ॥ 3 ॥
সরস্বত্যা ইন্দ্রায সুত্রাম্ণে ॥ এষ তে যোনিস্তেজসে ত্বা । বীর্যায ত্বা বলায ত্বা ॥ তেজো-ঽসি তেজো মযি ধেহি । বীর্যমসি বীর্য-ম্মযি ধেহি । বলমসি বল-ম্মযি ধেহি ॥ নানা হি বা-ন্দেবহিতগ্ং সদঃ কৃতম্ । মা সগ্ংসৃক্ষাথা-ম্পরমে ব্যোমন্ন্ । সুরা ত্বমসি শুষ্মিণী সোম এষঃ । মা মা হিগ্ংসী-স্স্বাং-যোঁনিমাবিশন্ন্ ॥ 4 ॥
উপযামগৃহীতো-ঽস্যাশ্বিন-ন্তেজঃ । সারস্বতং-বীঁর্যম্ । ঐন্দ্র-ম্বলম্ ॥ এষ তে যোনির্মোদায ত্বা । আনন্দায ত্বা মহসে ত্বা ॥ ওজো-ঽস্যোজো মযি ধেহি । মন্যুরসি মন্যু-ম্মযি ধেহি । মহো-ঽসি মহো মযি ধেহি । সহো-ঽসি সহো মযি ধেহি ॥ যা ব্যাঘ্রং-বিঁষূচিকা । উভৌ বৃক-ঞ্চ রক্ষতি । শ্যেন-ম্পতত্রিণগ্ং সিগ্ংহম্ । সেম-ম্পাত্বগ্ংহসঃ ॥ স-ম্পৃচঃ স্থ স-ম্মা ভদ্রেণ পৃঙ্ক্ত । বিপৃচঃ স্থ বি মা পাপ্মনা পৃঙ্ক্ত ॥ 5 ॥

(হবিঃ - প্রত্যঙ্খ্সোমো আতিদ্রুতো - গৃহ্ণা - ম্যাবিশন্ - বিষূচিকা পঞ্চ চ) (অ. 1)
অনুবাকং 2 - গ্রহোপস্থানম্

সোমো রাজা-ঽমৃতগ্ং সুতঃ । ঋজীষেণাজহান্মৃত্যুম্ । ঋতেন সত্যমিন্দ্রিযম্ । বিপানগ্ং শুক্রমন্ধসঃ । ইন্দ্রস্যেন্দ্রিযম্ । ইদ-ম্পযো-ঽমৃত-ম্মধু ॥ সোমমদ্ভ্যো ব্যপিবত্ । ছন্দসা হগ্ংস-শ্শুচিষত্ । ঋতেন সত্যমিন্দ্রিযম্ । অদ্ভ্যঃ, ক্ষীরং-ব্যঁপিবত্ ॥ 6 ॥
ক্রুঙ্ঙাঙ্গিরসো ধিযা । ঋতেন সত্যমিন্দ্রিযম্ । অন্না-ত্পরিস্রুতো রসম্ । ব্রহ্মণা ব্যপিব-ত্ক্ষত্রম্ । ঋতেন সত্যমিন্দ্রিযম্ ॥ রেতো মূত্রং-বিঁজহাতি । যোনি-ম্প্রবিশদিন্দ্রিযম্ । গর্ভো জরাযুণা-ঽঽবৃতঃ । উল্ব-ঞ্জহাতি জন্মনা । ঋতেন সত্যমিন্দ্রিযম্ ॥ 7 ॥
বেদেন রূপে ব্যকরোত্ । সতাসতী প্রজাপতিঃ । ঋতেন সত্যমিন্দ্রিযম্ ॥ সোমেন সোমৌ ব্যপিবত্ । সুতাসুতৌ প্রজাপতিঃ । ঋতেন সত্যমিন্দ্রিযম্ । দৃষ্ট্বা রূপে ব্যাকরোত্ । সত্যানৃতে প্রজাপতিঃ । অশ্রদ্ধা-মনৃতে-ঽদধাত্ । শ্রদ্ধাগ্ং সত্যে প্রজাপতিঃ । ঋতেন সত্যমিন্দ্রিযম্ ॥ দৃষ্ট্বা পরিস্রুতো রসম্ । শুক্রেণ শুক্রং-ব্যঁপিবত্ । পয-স্সোম-ম্প্রজাপতিঃ । ঋতেন সত্যমিন্দ্রিযম্ । বিপানগ্ং শুক্রমন্ধসঃ । ইন্দ্রস্যেন্দ্রিযম্ । ইদ-ম্পযো-ঽমৃত-ম্মধু ॥ 8 ॥

(অদ্ভ্যঃ, ক্ষীরং-ব্যঁপিব - জ্জন্মনর্তেন সত্যমিন্দ্রিযগ্গ্ - শ্রদ্ধাগ্ং সত্যে প্রজাপতিরষ্টৌ চ) (অ. 2)
(সোমো রাজা বিপানগ্ং সোমমদ্ভ্যো-ঽন্না-দ্রেতো মূত্রং-বেঁদেন সতাসতী সোমেন সুতাসুতৌ দৃষ্ট্বা রূপে দৃষ্ট্বা পরিস্রুতো রসং-বিঁপান-ন্দশ )
অনুবাকং 3 - গ্রহহোমঃ

সুরাবন্ত-ম্বর্হিষদগ্ং সুবীরম্ । যজ্ঞগ্ং হিন্বন্তি মহিষা নমোভিঃ । দধানা-স্সোম-ন্দিবি দেবতাসু । মদেমেন্দ্রং-যঁজমানা-স্স্বর্কাঃ ॥ যস্তে রস-স্সম্ভৃত ওষধীষু । সোমস্য শুষ্ম-স্সুরযা সুতস্য । তেন জিন্ব যজমান-ম্মদেন । সরস্বতী-মশ্বিনা-বিন্দ্র-মগ্নিম্ ॥ যমশ্বিনা নমুচেরাসুরাদধি । সরস্বত্যসনোদিন্দ্রিযায ॥ 9 ॥
ইম-ন্তগ্ং শুক্র-ম্মধুমন্ত-মিন্দুম্ । সোমগ্ং রাজানমিহ ভক্ষযামি ॥ যদত্র রিপ্তগ্ং রসিনঃ সুতস্য । যদিন্দ্রো অপিবচ্ছচীভিঃ । অহ-ন্তদস্য মনসা শিবেন । সোমগ্ং রাজানমিহ ভক্ষযামি ॥ পিতৃভ্যঃ স্বধাবিভ্যঃ স্বধা নমঃ । পিতামহেভ্যঃ স্বধাবিভ্যঃ স্বধা নমঃ । প্রপিতামহেভ্য-স্স্বধাবিভ্যঃ স্বধা নমঃ । অক্ষ-ন্পিতরঃ ॥ 10 ॥
অমীমদন্ত পিতরঃ । অতীতৃপন্ত পিতরঃ । অমীমৃজন্ত পিতরঃ । পিতর-শ্শুন্ধদ্ধ্বম্ ॥ পুনন্তু মা পিতরঃ সোম্যাসঃ । পুনন্তু মা পিতামহাঃ । পুনন্তু প্রপিতামহাঃ । পবিত্রেণ শতাযুষা । পুনন্তু মা পিতামহাঃ । পুনন্তু প্রপিতামহাঃ ॥ 11 ॥
পবিত্রেণ শতাযুষা ॥ বিশ্বমাযু-র্ব্যশ্নবৈ । অগ্ন আযূগ্ংষি পবস আ সুবোর্জমিষ-ঞ্চ নঃ । আরে বাধস্ব দুচ্ছুনাম্ ॥ অগ্নে পবস্ব স্বপা অস্মে বর্চঃ সুবীর্যম্ । দধ-ত্পোষগ্ং রযি-ম্মযি ॥। পবমান-স্সুবর্জনঃ । পবিত্রেণ বিচর্ষণিঃ । যঃ পোতা স পুনাতু মা ॥ পুনন্তু মা দেবজনাঃ । পুনন্তু মন বো ধিযা । পুনন্তু বিশ্ব আযবঃ ॥। জাতবেদঃ পবিত্রবত্ । পবিত্রেণ পুনাহি মা । শুক্রেণ দেব দীদ্যত্ । অগ্নে ক্রত্বা ক্রতূগ্ংরনু ॥ যত্তে পবিত্র-মর্চিষি । অগ্নে বিততমন্তরা । ব্রহ্ম তেন পুনীমহে ॥। উভাভ্যা-ন্দেব সবিতঃ । পবিত্রেণ সবেন চ । ইদ-ম্ব্রহ্ম পুনীমহে ॥ বৈশ্বদেবী পুনতী দেব্যাগাত্ । যস্যৈ বহ্বী-স্তনুবো বীতপৃষ্ঠাঃ । তযা মদন্ত-স্সধমাদ্যেষু । বযগ্গ্ স্যাম পতযো রযীণাম্ ॥॥ যে সমানা-স্সমনসঃ । পিতরো যমরাজ্যে । তেষাং-লোঁক-স্স্বধা নমঃ । যজ্ঞো দেবেষু কল্পতাম্ ॥ 12 ॥
যে সজাতা-স্সমনসঃ । জীবা জীবেষু মামকাঃ । তেষাগ্ শ্রীর্মযি কল্পতাম্ । অস্মিল্ ঁলোকে শতগ্ং সমাঃ ॥ দ্বে স্রুতী অশৃণব-ম্পিতৃণাম্ । অহ-ন্দেবানামুত মর্ত্যানাম্ । যাভ্যামিদং-বিঁশ্বমেজ-থ্সমেতি । যদন্তরা পিতর-ম্মাতর-ঞ্চ ॥ ইদগ্ং হবিঃ প্রজনন-ম্মে অস্তু । দশবীরগ্ং সর্বগণগ্গ্ স্বস্তযে । আত্মসনি প্রজাসনি । পশুসন্যভযসনি লোকসনি । অগ্নিঃ প্রজা-ম্বহুলা-ম্মে করোতু । অন্ন-ম্পযো রেতো অস্মাসু ধত্ত । রাযস্পোষ-মিষমূর্জমস্মাসু দীধর-থ্স্বাহা ॥ 13 ॥

(ইন্দ্রিযায - পিতরঃ - শতাযুষা পুনন্তু মা পিতামহাঃ পুনন্তু প্রপিতামহাঃ-কল্পতাগ্-স্বস্তযে পঞ্চ চ) (অ. 3)
অনুবাকং 4 - উপহোমাঃ

সীসেন তন্ত্র-ম্মনসা মনীষিণঃ । ঊর্ণাসূত্রেণ কবযো বযন্তি । অশ্বিনা যজ্ঞগ্ং সবিতা সরস্বতী । ইন্দ্রস্য রূপং-বঁরুণো ভিষজ্যন্ন্ ॥ তদস্য রূপমমৃতগ্ং শচীভিঃ । তিস্রো দধুর্দেবতা-স্সগ্ংররাণাঃ । লোমানি শষ্পৈ-র্বহুধা ন তোক্মভিঃ । ত্বগস্য মাগ্ংসমভবন্ন লাজাঃ ॥ তদশ্বিনা ভিষজা রুদ্রবর্তনী । সরস্বতী বযতি পেশো অন্তরঃ ॥ 14 ॥
অস্থি মজ্জান-ম্মাসরৈঃ । কারোতরেণ দধতো গবা-ন্ত্বচি ॥ সরস্বতী মনসা পেশলং-বঁসু । নাসত্যাভ্যাং-বঁযতি দর্শতং-বঁপুঃ । রস-ম্পরিস্রুতা ন রোহিতম্ । নগ্নহুর্ধীরস্তসর-ন্ন বেম ॥ পযসা শুক্রমমৃত-ঞ্জনিত্রম্ । সুরযা মূত্রাজ্জনযন্তি রেতঃ । অপামতি-ন্দুর্মতি-ম্বাধমানাঃ । ঊবদ্ধ্যং-বাঁতগ্ং সবুব-ন্তদারাত্ ॥ 15 ॥
ইন্দ্রঃ সুত্রামা হৃদযেন সত্যম্ । পুরোডাশেন সবিতা জজান । যকৃ-ত্ক্লোমানং-বঁরুণো ভিষজ্যন্ন্ । মতস্নে বাযব্যৈর্ন মিনাতি পিত্তম্ ॥ আন্ত্রাণি স্থালী মধু পিন্বমানা । গুদা পাত্রাণি সুদুঘা ন ধেনুঃ । শ্যেনস্য পত্র-ন্ন প্লীহা শচীভিঃ । আসন্দী নাভিরুদর-ন্ন মাতা ॥ কুম্ভো বনিষ্ঠুর্জনিতা শচীভিঃ । যস্মিন্নগ্রে যোন্যা-ঙ্গর্ভো অন্তঃ ॥ 16 ॥
প্লাশীর্ব্যক্ত-শ্শতধার উথ্সঃ । দুহে ন কুম্ভীগ্ স্বধা-ম্পিতৃভ্যঃ ॥ মুখগ্ং সদস্য শির ইথ্সদেন । জিহ্বা পবিত্রমশ্বিনা সগ্ং সরস্বতী । চপ্প-ন্ন পাযুর্ভিষগস্য বালঃ । বস্তির্ন শেপো হরসা তরস্বী ॥ অশ্বিভ্যা-ঞ্চক্ষুরমৃত-ঙ্গ্রহাভ্যাম্ । ছাগেন তেজো হবিষা শৃতেন । পক্ষ্মাণি গোধূমৈঃ ক্বলৈরুতানি । পেশো ন শুক্লমসিতং-বঁসাতে ॥ 17 ॥
অবির্ন মেষো নসি বীর্যায । প্রাণস্য পন্থা অমৃতো গ্রহাভ্যাম্ । সরস্বত্যুপবাকৈর্ব্যানম্ । নস্যানি বরঃই-র্বদরৈ-র্জজান ॥ ইন্দ্রস্য রূপমৃষভো বলায । কর্ণাভ্যাগ্ শ্রোত্রমমৃত-ঙ্গ্রহাভ্যাম্ । যবা ন বরঃই-র্ভ্রুবি কেসরাণি । কর্কন্ধু জজ্ঞে মধু সারঘ-ম্মুখাত্ ॥ আত্মন্নুপস্থে ন বৃকস্য লোম । মুখে শ্মশ্রূণি ন ব্যাঘ্রলোমম্ ॥ 18 ॥
কেশা ন শীর.ষন্. যশসে শ্রিযৈ শিখা । সিগ্ংহস্য লোম ত্বিষি-রিন্দ্রিযাণি ॥ অঙ্গান্যাত্মন্-ভিষজা তদশ্বিনা । আত্মানমঙ্গৈ-স্সমধা-থ্সরস্বতী । ইন্দ্রস্য রূপগ্ং শতমানমাযুঃ । চন্দ্রেণ জ্যোতিরমৃত-ন্দধানা ॥ সরস্বতী যোন্যা-ঙ্গর্ভমন্তঃ । অশ্বিভ্যা-ম্পত্নী সুকৃত-ম্বিভর্তি । অপাগ্ং রসেন বরুণো ন সাম্না । ইন্দ্রগ্গ্ শ্রিযৈ জনযন্নফ্সু রাজা ॥ তেজঃ পশূনাগ্ং হবিরিন্দ্রিযাবত্ । পরিস্রুতা পযসা সারঘ-ম্মধু । অশ্বিভ্যা-ন্দুগ্ধ-ম্ভিষজা সরস্বত্যা সুতাসুতাভ্যাম্ । অমৃত-স্সোম ইন্দুঃ ॥ 19 ॥

(অন্তর - আরা - দন্ত--র্ বসাতে - ব্যাঘ্রলোমগ্ং - রাজা চত্বারি চ) (অ. 4)
অনুবাকং 5 - অভিষেকঃ

মিত্রো-ঽসি বরুণো-ঽসি । সমহং-বিঁশ্বৈর্দেবৈঃ ॥ ক্ষত্রস্য নাভিরসি । ক্ষত্রস্য যোনিরসি ॥ স্যোনামাসীদ । সুষদামাসীদ । মা ত্বা হিগ্ংসীত্ । মা মা হিগ্ংসীত্ ॥ নিষসাদ ধৃতব্রতো বরুণঃ । পস্ত্যাস্বা ॥ 20 ॥
সাম্রাজ্যায সুক্রতুঃ ॥ দেবস্য ত্বা সবিতুঃ প্রসবে । অশ্বিনো-র্বাহুভ্যাম্ । পূষ্ণো হস্তাভ্যাম্ । অশ্বিনো-র্ভৈষজ্যেন । তেজসে ব্রহ্মবর্চসাযাভিষিঞ্চামি ॥ দেবস্য ত্বা সবিতুঃ প্রসবে । অশ্বিনো-র্বাহুভ্যাম্ । পূষ্ণো হস্তাভ্যাম্ । সরস্বত্যৈ ভৈষজ্যেন ॥ 21 ॥
বীর্যাযান্নাদ্যাযাভিষিঞ্চামি ॥ দেবস্য ত্বা সবিতুঃ প্রসবে । অশ্বিনো-র্বাহুভ্যাম্ । পূষ্ণো হস্তাভ্যাম্ । ইন্দ্রস্যেন্দ্রিযেণ । শ্রিযৈ যশসে বলাযাভিষিঞ্চামি ॥ কো-ঽসি কতমো-ঽসি । কস্মৈ ত্বা কায ত্বা ॥ সুশ্লোকাঁ(4) সুমড্গলাঁ(4) সত্যরাজা(3)ন্ ॥ শিরো মে শ্রীঃ ॥ 22 ॥
যশো মুখম্ । ত্বিষিঃ কেশাশ্চ শ্মশ্রূণি । রাজা মে প্রাণো-ঽমৃতম্ । সম্রাট্ চক্ষুঃ । বিরাট্ছ্রোত্রম্ । জিহ্বা মে ভদ্রম্ । বাম্মহঃ । মনো মন্যুঃ । স্বরাড্ভামঃ । মোদাঃ প্রমোদা অঙ্গুলীরঙ্গানি ॥ 23 ॥
চিত্ত-ম্মে সহঃ । বাহূ মে বলমিন্দ্রিযম্ । হস্তৌ মে কর্ম বীর্যম্ । আত্মা ক্ষত্রমুরো মম । পৃষ্টীর্মে রাষ্ট্রমুদরমগ্ংসৌ । গ্রীবাশ্চ শ্রোণ্যৌ । ঊরূ অরত্নী জানুনী । বিশো মে-ঽঙ্গানি সর্বতঃ । নাভির্মে চিত্তং-বিঁজ্ঞানম্ । পাযুর্মে-ঽপচিতির্ভসত্ ॥ 24 ॥
আনন্দনন্দাবাণ্ডৌ মে । ভগ-স্সৌভাগ্য-ম্পসঃ ॥ জঙ্ঘাভ্যা-ম্পদ্ভ্যা-ন্ধর্মো-ঽস্মি । বিশি রাজা প্রতিষ্ঠিতঃ ॥ প্রতি ক্ষত্রে প্রতিতিষ্ঠামি রাষ্ট্রে । প্রত্যশ্বেষু প্রতিতিষ্ঠামি গোষু । প্রত্যঙ্গেষু প্রতিতিষ্ঠাম্যাত্মন্ন্ । প্রতি প্রাণেষু প্রতিতিষ্ঠামি পুষ্টে । প্রতি দ্যাবাপৃথিব্যোঃ । প্রতিতিষ্ঠামি যজ্ঞে ॥ 25 ॥
ত্রযা দেবা একাদশ । ত্রযস্ত্রিগ্ংশা-স্সুরাধসঃ । বৃহস্পতি পুরোহিতাঃ । দেবস্য সবিতু-স্সবে । দেবা দেবৈরবন্তু মা । প্রথমা দ্বিতীযৈঃ । দ্বিতীযাস্তৃতীযৈঃ । তৃতীযা-স্সত্যেন । সত্যং-যঁজ্ঞেন ।যজ্ঞো যজুর্ভিঃ ॥ 26 ॥
যজূগ্ংষি সামভিঃ । সামান্যৃগ্ভিঃ । ঋচো যাজ্যাভিঃ । যাজ্যা বষট্কারৈঃ । বষট্কারা আহুতিভিঃ । আহুতযো মে কামান্-থ্সমর্ধযন্তু ॥ ভূ-স্স্বাহা ॥ লোমানি প্রযতির্মম । ত্বম্ম আনতিরাগতিঃ । মাগ্ংস-ম্ম উপনতিঃ । ব স্বস্থি । মজ্জা ম আনতিঃ ॥ 27 ॥

(পস্ত্যাস্বা - সরস্বত্যৈ ভৈষজ্যেন - শ্রী - রঙ্গানি - ভস--দ্যজ্ঞে - যজ্ঞো যজুর্ভি - রুপনতির্দ্বে চ) (অ. 5)
অনুবাকং 6 - অবভৃথঃ

য-দ্দেবা দেবহেডনম্ । দেবাসশ্চকৃমা বযম্ । অগ্নির্মা তস্মাদেনসঃ । বিশ্বা-ন্মুঞ্চত্বগ্ংহসঃ ॥ যদি দিবা যদি নক্তম্ । এনাগ্ংসি চকৃমা বযম্ । বাযুর্মা তস্মাদেনসঃ । বিশ্বা-ন্মুঞ্চত্বগ্ংহসঃ ॥ যদি জাগ্র-দ্যদি স্বপ্নে । এনাগ্ংসি চকৃমা বযম্ ॥ 28 ॥
সূর্যো মা তস্মাদেনসঃ । বিশ্বা-ন্মুঞ্চত্বগ্ংহসঃ ॥ যদ্গ্রামে যদরণ্যে । য-থ্সভাযাং-যঁদিন্দ্রিযে । যচ্ছূদ্রে যদর্যে । এনশ্চকৃমা বযম্ । যদেকস্যাধি ধর্মণি । তস্যাবযজনমসি ॥ যদাপো অঘ্নিযা বরুণেতি শপামহে । ততো বরুণ নো মুঞ্চ ॥ 29 ॥
অবভৃথ নিচঙ্কুণ নিচেরুরসি নিচঙ্কুণ । অব দেবৈ-র্দেবকৃতমেনো-ঽযাট্ । অব মর্ত্যৈর্মর্ত্যকৃতম্ । উরোরা নো দেব রিষস্পাহি ॥ সুমিত্রা ন আপ ওষধয-স্সন্তু । দুর্মিত্রাস্তস্মৈ ভূযাসুঃ । যো-ঽস্মা-ন্দ্বেষ্টি । য-ঞ্চ বয-ন্দ্বিষ্মঃ ॥ দ্রুপদাদিবে-ন্মুমুচানঃ । স্বিন্ন-স্স্নাত্বী মলাদিব ॥ 30 ॥
পূত-ম্পবিত্রেণেবাজ্যম্ । আপঃ শুন্ধন্তু মৈনসঃ ॥ উদ্বয-ন্তমসস্পরি । পশ্যন্তো জ্যোতিরুত্তরম্ । দেব-ন্দেবত্রা সূর্যম্ । অগন্ম জ্যোতিরুত্তমম্ ॥ প্রতিযুতো বরুণস্য পাশঃ । প্রত্যস্তো বরুণস্য পাশঃ ॥ এধো-ঽস্যেধিষীমহি । সমিদসি ॥ 31 ॥
তেজো-ঽসি তেজো মযি ধেহি ॥ অপো অন্বচারিষম্ । রসেন সমসৃক্ষ্মহি । পযস্বাগ্ং অগ্ন আ-ঽগমম্ । ত-ম্মা সগ্ংসৃজ বর্চসা । প্রজযা চ ধনেন চ ॥ সমাববর্তি পৃথিবী । সমুষাঃ । সমু সূর্যঃ । সমু বিশ্বমিদ-ঞ্জগত্ । বৈশ্বানর জ্যোতি-র্ভূযাসম্ । বিভু-ঙ্কামং-ব্যঁশ্নবৈ ॥ ভূ-স্স্বাহা ॥ 32 ॥

(স্বপ্ন এনাগ্ংসি চকৃমা বযং - মুঞ্চ - মলাদিব - সমিদসি - জগ-ত্ত্রীণি চ) (অ. 6)
অনুবাকং 7 - ঐন্দ্রে প্রশ্নৌ প্রযাজানামেকাদশ মৈত্রাবরুণপ্রৈষাঃ

হোতা যক্ষ-থ্সমিধেন্দ্র-মিডস্পদে । নাভা পৃথিব্যা অধি । দিবো বর্ষ্মন্-থ্সমিদ্ধ্যতে । ওজিষ্ঠশ্চর্ষণীসহান্ । বেত্বাজ্যস্য হোতর্যজ ॥ হোতা যক্ষত্তনূনপাতম্ । ঊতিভি-র্জেতার-মপরাজিতম্ । ইন্দ্র-ন্দেবগ্ং সুবর্বিদম্ । পথিভি-র্মধুমত্তমৈঃ । নরাশগ্ংসেন তেজসা ॥ 33 ॥
বেত্বাজ্যস্য হোতর্যজ ॥ হোতা যক্ষদিডাভি-রিন্দ্র-মীডিতম্ । আজুহ্বান-মমর্ত্যম্ । দেবো দেবৈ-স্সবীর্যঃ । বজ্রহস্তঃ পুরন্দরঃ । বেত্বাজ্যস্য হোতর্যজ ॥ হোতা যক্ষ-দ্বরঃইষীন্দ্র-ন্নিষদ্বরম্ । বৃষভ-ন্নর্যাপসম্ । বসুভী রুদ্রৈরাদিত্যৈঃ । সযুগ্ভি-র্বরঃইরা ঽসদত্ ॥ 34 ॥
বেত্বাজ্যস্য হোতর্যজ ॥ হোতা যক্ষদোজো ন বীর্যম্ । সহো দ্বার ইন্দ্রমবর্ধযন্ন্ । সুপ্রাযণা বিশ্রযন্তামৃতাবৃধঃ । দ্বার ইন্দ্রায মীঢুষে । বিযন্ত্বাজ্যস্য হোতর্যজ ॥ হোতা যক্ষদুষে ইন্দ্রস্য ধেনূ । সুদুঘে মাতরৌ মহী । সবাতরৌ ন তেজসী । বথ্সমিন্দ্র-মবর্ধতাম্ ॥ 35 ॥
বীতামাজ্যস্য হোতর্যজ ॥ হোতা যক্ষ-দ্দৈব্যা হোতারা । ভিষজা সখাযা । হবিষেন্দ্র-ম্ভিষজ্যতঃ । কবী দেবৌ প্রচেতসৌ । ইন্দ্রায ধত্ত ইন্দ্রিযম্ । বীতামাজ্যস্য হোতর্যজ ॥ হোতা যক্ষত্তিস্রো দেবীঃ । ত্রযস্ত্রিধাতবো-ঽপসঃ । ইডা সরস্বতী ভারতী ॥ 36 ॥
মহীন্দ্রপত্নীর্-হবিষ্মতীঃ । বিযন্ত্বাজ্যস্য হোতর্যজ ॥ হোতা যক্ষত্ত্বষ্টার-মিন্দ্র-ন্দেবম্ । ভিষজগ্ং সুযজ-ঙ্ঘৃতশ্রিযম্ । পুরুরূপগ্ং সুরেতস-ম্মঘোনিম্ । ইন্দ্রায ত্বষ্টা দধদিন্দ্রিযাণি । বেত্বাজ্যস্য হোতর্যজ ॥ হোতা যক্ষ-দ্বনস্পতিম্ । শমিতারগ্ং শতক্রতুম্ । ধিযো জোষ্টার-মিন্দ্রিযম্ ॥ 37 ॥
মদ্ধ্বা সমঞ্জন্পথিভিঃ সুগেভিঃ । স্বদাতি হব্য-ম্মধুনা ঘৃতেন । বেত্বাজ্যস্য হোতর্যজ ॥ হোতা যক্ষদিন্দ্রগ্গ্ স্বাহা-ঽঽজ্যস্য । স্বাহা মেদসঃ । স্বাহা স্তোকানাম্ । স্বাহা স্বাহাকৃতীনাম্ । স্বাহা হব্যসূক্তীনাম্ । স্বাহা দেবাগ্ং আজ্যপান্ । স্বাহেন্দ্রগ্ং হোত্রাজ্জুষাণাঃ । ইন্দ্র আজ্যস্য বিযন্তু । হোতর্যজ ॥ 38 ॥

(তেজসা-ঽসদ-দবর্ধতাং-ভারতী-ন্দ্রিযং-জুষাণা দ্বে চ) (অ. 7)
(সমিধেন্দ্র-ন্তনূনপাতমিডাভি-র্বর্হিষ্যোজ উষে দৈব্যা তিস্রস্ত্বষ্টারং-বঁনস্পতিমিন্দ্রম্ । সমিধেন্দ্র-ঞ্চতুর্বেত্বেকো বিযন্তু দ্বির্বীতামেকো বিযন্তু দ্বির্বেত্বেকো বিযন্তু হোতর্যজ )
অনুবাকং 8 - ঐন্দ্রে প্রশ্নৌ প্রযাজযাজ্যাঃ

সমিদ্ধ ইন্দ্র উষসামনীকে । পুরোরুচা পূর্বকৃদ্বাবৃধানঃ । ত্রিভির্দেবৈস্ত্রিগ্ংশতা বজ্রবাহুঃ । জঘান বৃত্রং-বিঁ দুরো ববার ॥ নরাশগ্ংসঃ প্রতি শূরো মিমানঃ । তনূনপাত্-প্রতি যজ্ঞস্য ধাম । গোভি-র্বপাবা-ন্মধুনা সমঞ্জন্ন্ । হিরণ্যৈশ্চন্দ্রী যজতি প্রচেতাঃ ॥ ঈডিতো দেবৈর্হরিবাগ্ং অভিষ্টিঃ । আজুহ্বানো হবিষা শর্ধমানঃ ॥ 39 ॥
পুরদংরো মঘবান্. বজ্রবাহুঃ । আযাতু যজ্ঞমুপ নো জুষাণঃ ॥ জুষাণো বরঃইর্হরিবান্ন ইন্দ্রঃ । প্রাচীনগ্ং সীদত্প্রদিশা পৃথিব্যাঃ । উরুব্যচাঃ প্রথমানগ্গ্ স্যোনম্ । আদিত্যৈরক্তং-বঁসুভি-স্সজোষাঃ ॥ ইন্দ্র-ন্দুরঃ কবষ্যো ধাবমানাঃ । বৃষাণং-যঁন্তু জনয-স্সুপত্নীঃ । দ্বারো দেবীরভিতো বিশ্রযন্তাম্ । সুবীরা বীর-ম্প্রথমানা মহোভিঃ ॥ 40 ॥
উষাসা নক্তা বৃহতী বৃহন্তম্ । পযস্বতী সুদুঘে শূরমিন্দ্রম্ । পেশস্বতী তন্তুনা সংব্যঁযন্তী । দেবানা-ন্দেবং-যঁজত-স্সুরুক্মে ॥ দৈব্যা মিমানা মনসা পুরুত্রা । হোতারাবিন্দ্র-ম্প্রথমা সুবাচা । মূর্ধন্. যজ্ঞস্য মধুনা দধানা । প্রাচীন-ঞ্জ্যোতির্হবিষা বৃধাতঃ ॥ তিস্রো দেবীর্হবিষা বর্ধমানাঃ । ইন্দ্র-ঞ্জুষাণা বৃষণ-ন্ন পত্নীঃ ॥ 41 ॥
অচ্ছিন্ন-ন্তন্তু-ম্পযসা সরস্বতী । ইডা দেবী ভারতী বিশ্বতূর্তিঃ ॥ ত্বষ্টা দধদিন্দ্রায শুষ্মম্ । অপাকো-ঽচিষ্টুর্যশসে পুরূণি । বৃষা যজন্ বৃষণ-ম্ভূরিরেতাঃ । মূর্ধন্. যজ্ঞস্য সমনক্তু দেবান্ ॥ বনস্পতি-রবসৃষ্টো ন পাশৈঃ । ত্মন্যা সমঞ্জঞ্ছমিতা ন দেবঃ । ইন্দ্রস্য হব্যৈর্জঠর-ম্পৃণানঃ । স্বদাতি হব্য-ম্মধুনা ঘৃতেন ॥ স্তোকানামিন্দু-ম্প্রতি শূর ইন্দ্রঃ । বৃষাযমাণো বৃষভ-স্তুরাষাট্ । ঘৃতপ্রুষা মধুনা হব্যমুন্দন্ন্ । মূর্ধন্. যজ্ঞস্য জুষতাগ্ স্বাহা ॥ 42 ॥

(শর্ধমানো - মহোভিঃ - পত্নী--র্ ঘৃতেন চত্বারি চ) (অ. 8)
অনুবাকং 9 - ঐন্দ্রে প্রশ্নৌ বপাদীনাং-যাঁজ্যানুবাক্যাঃ

আচর্ষণিপ্রা বৃষভো জনানাম্ । রাজা কৃষ্টীনা-ম্পুরুহূত ইন্দ্রঃ । স্তুত-শ্শ্রবস্যন্নবসোপমদ্রিক্ । যুক্ত্বা হরী বৃষণা ঽঽযাহ্যর্বাম্ ॥, বিবেষ যন্মা ধিষণা জজান স্তবৈ পুরা পার্যাদিন্দ্র মহ্নঃ । অগ্ংহসো যত্র পীপরদ্যথা নো নাবেব যান্ত মুভযে হবন্তে ॥॥ তগ্ং সধ্রীচীরূতযো বৃষ্ণিযানি । পৌগ্গ্স্যানি নিযুতঃ সশ্চুরিন্দ্রম্ । সমুদ্র-ন্ন সিন্ধব উক্থশুষ্মাঃ । উরুব্যচসগিংর আবিশন্তি ॥॥ সত্যমিত্তন্ন ত্বাবাগ্ং অন্যো অস্তি । ইন্দ্র দেবো ন মর্ত্যো জ্যাযান্ । অহন্নহি-ম্পরিশযানমর্ণঃ । অবাসৃজো-ঽপো অচ্ছা সমুদ্রম্ ॥ প্রসসাহিষে পুরুহূত শত্রূন্ । জ্যেষ্ঠস্তে শুষ্ম ইহ রাতিরস্তু । ইন্দ্রাভর দক্ষিণেনা বসূনি । পতি-স্সিন্ধূনামসি রেবতীনাম্ ॥ স শেবৃধমধিধা দ্যুম্নমস্মে । মহি ক্ষত্র-ঞ্জনাষাডিন্দ্র তব্যম্ । রক্ষা চ নো মঘোনঃ পাহি সূরীন্ । রাযে চ ন-স্স্বপত্যা ইষে ধাঃ ॥ 43 ॥

(রেবতীনা-ঞ্চত্বারি চ) (অ. 9)
অনুবাকং 10 - ঐন্দ্রে প্রশ্নৌ অনুযাজানামেকাদশ মৈত্রাবরুণপ্রৈষাঃ

দেব-ম্বর্হিরিন্দ্রগ্ং সুদেব-ন্দেবৈঃ । বীরব-থ্স্তীর্ণং-বেঁদ্যামবর্ধযত্ । বস্তোর্বৃত-ম্প্রাক্তোর্ভৃতম্ । রাযা বর্হিষ্মতো-ঽত্যগাত্ । বসুবনে বসুধেযস্য বেতু যজ ॥ দেবীর্দ্বার ইন্দ্রগ্ং সঙ্ঘাতে । বিড্বীর্যামন্নবর্ধযন্ন্ । আ বথ্সেন তরুণেন কুমারেণ চ মীবিতা অপার্বাণম্ । রেণুককাট-ন্নুদন্তাম্ । বসুবনে বসুধেযস্য বিযন্তু যজ ॥ 44 ॥
দেবী উষাসা নক্তা । ইন্দ্রং-যঁজ্ঞে প্রযত্যহ্বেতাম্ । দৈবীর্বিশঃ প্রাযাসিষ্টাম্ । সুপ্রীতে সুধিতে অভূতাম্ । বসুবনে বসুধেযস্য বীতাং-যঁজ ॥ দেবী জোষ্ট্রী বসুধিতী । দেবমিন্দ্রমবর্ধতাম্ । অযাব্যন্যা-ঽঘা দ্বেষাগ্ংসি । আ-ঽন্যা বাক্ষী-দ্বসু বার্যাণি । যজমানায শিক্ষিতে ॥ 45 ॥
বসুবনে বসুধেযস্য বীতাং-যঁজ ॥ দেবী ঊর্জাহুতী দুঘে সুদুঘে । পযসেন্দ্রমবর্ধতাম্ । ইষমূর্জমন্যা ঽবাক্ষীত্ । সগ্ধিগ্ং সপীতিমন্যা । নবেন পূর্ব-ন্দযমানে । পুরাণেন নবম্ । অধাতা-মূর্জমূর্জাহুতী বসু বার্যাণি । যজমানায শিক্ষিতে । বসুবনে বসুধেযস্য বীতাং-যঁজ ॥ 46 ॥
দেবা দৈব্যা হোতারা । দেবমিন্দ্রমবর্ধতাম্ । হতাঘশগ্ং সাবাভার্ষ্টাং-বঁসু বার্যাণি । যজমানায শিক্ষিতৌ । বসুবনে বসুধেযস্য বীতাং-যঁজ ॥ দেবীস্তিস্রস্তিস্রো দেবীঃ । পতিমিন্দ্রমবর্ধযন্ন্ । অস্পৃক্ষদ্ভারতী দিবম্ । রুদ্রৈর্যজ্ঞগ্ং সরস্বতী । ইডা বসুমতী গৃহান্ ॥ 47 ॥
বসুবনে বসুধেযস্য বিযন্তু যজ ॥ দেব ইন্দ্রো নরাশগ্ংসঃ । ত্রিবরূথ-স্ত্রিবন্ধুরঃ । দেবমিন্দ্রমবর্ধযত্ । শতেন শিতিপৃষ্ঠানামাহিতঃ । সহস্রেণ প্রবর্ততে । মিত্রাবরুণেদস্য হোত্রমর্হতঃ । বৃহস্পতিঃ স্তোত্রম্ । অশ্বিনা-ঽঽদ্ধ্বর্যবম্ । বসুবনে বসুধেযস্য বেতু যজ ॥ 48 ॥
দেব ইন্দ্রো বনস্পতিঃ । হিরণ্যপর্ণো মধুশাখ-স্সুপিপ্পলঃ । দেবমিন্দ্রমবর্ধযত্ । দিবমগ্রেণাপ্রাত্ । আ-ঽন্তরিক্ষ-ম্পৃথিবীমদৃগ্ংহীত্ । বসুবনে বসুধেযস্য বেতু যজ ॥ দেব-ম্বরঃইর্বারিতীনাম্ । দেবমিন্দ্রমবর্ধযত্ । স্বাসস্থ-মিন্দ্রেণাসন্নম্ । অন্যা বর্হীগ্ষ্যভ্যভূত্ । বসুবনে বসুধেযস্য বেতু যজ ॥ দেবো অগ্নি-স্স্বিষ্টকৃত্ । দেবমিন্দ্রমবর্ধযত্ । স্বিষ্ট-ঙ্কুর্বন্-থ্স্বিষ্টকৃত্ । স্বিষ্টমদ্য করোতু নঃ । বসুবনে বসুধেযস্য বেতু যজ ॥ 49 ॥

(বিযন্তু যজ - শিক্ষিতে - শিক্ষিতে বসুবনে বসুধেযস্য বীতাং-যঁজ-গৃহান্.-বেতু যজা-ভূ-থ্ষট্চ) (অ. 10)
দেব-ম্বর্হি-র্দেবীর্দ্বারো দেবী উষাসা নক্তা দেবী জোষ্ট্রী দেবী ঊর্জাহুতী দেবা দৈব্যা হোতারা শিক্ষিতৌ দেবীস্তিস্রস্তিস্রো দেবীঃ পতি-ন্দেব ইন্দ্রো নরাশগ্ংসো দেব ইন্দ্রো বনস্পতি-র্দেব-ম্বর্হির্বারিতীনা-ন্দেবো অগ্নি-স্স্বিষ্টকৃ-দ্দেবম্ । বেতু বিযন্তু চতুর্বীতামেকো বিযন্তু চতুর্বেতু । অবর্ধযদবর্ধয-ন্ত্রিরবর্ধতামেকো ঽবর্ধযগ্গ্ শ্চতুরবর্ধযত্ । বস্তোরা বথ্সেন দৈবীরযাবীষগ্ং হতাস্পৃক্ষচ্ছতেন দিবমিন্দ্রগ্গ্ স্বাসস্থগ্গ্ স্বিষ্টম্ । শিক্ষিতে শিক্ষিতে শিক্ষিতৌ ।
অনুবাকং 11 - পশুত্রযে প্রয জার্থা মৈত্রাবরুণপ্রৈষাঃ

হোতা যক্ষ-থ্সমিধা-ঽগ্নি-মিডস্পদে । অশ্বিনেন্দ্রগ্ং সরস্বতীম্ । অজো ধূম্রো ন গোধূমৈঃ ক্বলৈর্ভেষজম্ । মধু শষ্পৈর্ন তেজ ইন্দ্রিযম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষত্তনূনপা-থ্সরস্বতী । অবির্মেষো ন ভেষজম্ । পথা মধুমতা ঽঽভরন্ন্ । অশ্বিনেন্দ্রায বীর্যম্ ॥ 50 ॥
বদরৈরুপবাকাভি-র্ভেষজ-ন্তোক্মভিঃ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষন্নরাশগ্ংসন-ন্নগ্নহুম্ । পতিগ্ং সুরাযৈ ভেষজম্ । মেষ-স্সরস্বতী ভিষক্ । রথো ন চন্দ্র্যশ্বিনোর্বপা ইন্দ্রস্য বীর্যম্ । বদরৈরুপবাকাভি-র্ভেষজ-ন্তোক্মভিঃ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ 51 ॥
হোতা যক্ষদিডেডিত আজুহ্বান-স্সরস্বতীম্ । ইন্দ্র-ম্বলেন বর্ধযন্ন্ । ঋষভেণ গবেন্দ্রিযম্ । অশ্বিনেন্দ্রায বীর্যম্ । যবৈঃ কর্কন্ধুভিঃ । মধু লাজৈর্ন মাসরম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষ-দ্বরঃই-স্সুষ্টরীমো-ঽর্ণম্রদাঃ । ভিষন্নাসত্যা ॥ 52 ॥
ভিষজা-ঽশ্বিনা-ঽশ্বা শিশুমতী । ভিষগ্ধেনু-স্সরস্বতী । ভিষগ্দুহ ইন্দ্রায ভেষজম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষদ্দুরো দিশঃ । কবষ্যো ন ব্যচস্বতীঃ । অশ্বিভ্যা-ন্ন দুরো দিশঃ । ইন্দ্রো ন রোদসী দুঘে । দুহে কামান্-থ্সরস্বতী ॥ 53 ॥
অশ্বিনেন্দ্রায ভেষজম্ । শুক্র-ন্ন জ্যোতিরিন্দ্রিযম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষ-থ্সুপেশসোষে নক্ত-ন্দিবা । অশ্বিনা সঞ্জানানে । সমঞ্জাতে সরস্বত্যা । ত্বিষিমিন্দ্রে ন ভেষজম্ । শ্যেনো ন রজসা হৃদা । পয-স্সোমঃ পরিস্রুতা ঘৃত-ম্মধু ॥ 54 ॥
বিযন্ত্বাজ্যস্য হোতর্যজ ॥ হোতা যক্ষদ্দৈব্যা হোতারা ভিষজা-ঽশ্বিনা । ইন্দ্র-ন্ন জাগৃবী দিবা নক্ত-ন্ন ভেষজৈঃ । শূষগ্ং সরস্বতী ভিষক্ । সীসেন দুহ ইন্দ্রিযম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষ-ত্তিস্রো দেবীর্ন ভেষজম্ । ত্রযস্ত্রিধাতবো-ঽপসঃ । রূপমিন্দ্রে হিরণ্যযম্ ॥ 55 ॥
অশ্বিনেডা ন ভারতী । বাচা সরস্বতী । মহ ইন্দ্রায দধুরিন্দ্রিযম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষত্ত্বষ্টার-মিন্দ্রমশ্বিনা । ভিষজ-ন্ন সরস্বতীম্ । ওজো ন জূতিরিন্দ্রিযম্ । বৃকো ন রভসো ভিষক্ । যশ-স্সুরযা ভেষজম্ ॥ 56 ॥
শ্রিযা ন মাসরম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষ-দ্বনস্পতিম্ । শমিতারগ্ং শতক্রতুম্ । ভীম-ন্ন মন্যুগ্ং রাজানং-ব্যাঁঘ্র-ন্নমসা-ঽশ্বিনা ভামম্ । সরস্বতী ভিষক্ । ইন্দ্রায দুহ ইন্দ্রিযম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ 57 ॥
হোতা যক্ষদগ্নিগ্গ্ স্বাহা-ঽঽজ্যস্য স্তোকানাম্ । স্বাহা মেদসা-ম্পৃথক্ । স্বাহা ছাগমশ্বিভ্যাম্ । স্বাহা মেষগ্ং সরস্বত্যৈ । স্বাহার্ষভ-মিন্দ্রায সিগ্ংহায সহসেন্দ্রিযম্ । স্বাহা-ঽগ্নি-ন্ন ভেষজম্ । স্বাহা সোমমিন্দ্রিযম্ । স্বাহেন্দ্রগ্ং সুত্রামাণগ্ং সবিতারং-বঁরুণ-ম্ভিষজা-ম্পতিম্ । স্বাহা বনস্পতি-ম্প্রিয-ম্পাথো ন ভেষজম্ । স্বাহা দেবাগ্ং আজ্যপান্ ॥ 58 ॥
স্বাহা-ঽগ্নিগ্ং হোত্রাজ্জুষাণো অগ্নি-র্ভেষজম্ । পয-স্সোমঃ পরিস্রুতা ঘৃত-ম্মধু । বিযন্ত্বাজ্যস্য হোতর্যজ ॥ হোতা যক্ষদশ্বিনা সরস্বতীমিন্দ্রগ্ং সুত্রামাণম্ । ইমে সোমা-স্সুরামাণঃ । ছাগৈর্ন মেষৈর্-ঋষভৈ-স্সুতাঃ । শষ্পৈর্ন তোক্মভিঃ । লাজৈর্মহস্বন্তঃ । মদা মাসরেণ পরিষ্কৃতাঃ । শুক্রাঃ পযস্বন্তো-ঽমৃতাঃ । প্রস্থিতা বো মধুশ্চুতঃ । তানশ্বিনা সরস্বতীন্দ্রঃ সুত্রামা বৃত্রহা । জুষন্তাগ্ং সৌম্য-ম্মধু । পিবন্তু মদন্তু বিযন্তু সোমম্ । হোতর্যজ ॥ 59 ॥

(বীর্যং - ঁবিযন্ত্বাজ্যস্য হোতর্যজ - নাসত্যা - সরস্বতী - মধু - হিরণ্যযং - ভেষজং - ঁবিযন্ত্বাজ্যস্য হোতর্যজা - জ্যপা - নমৃতাঃ পঞ্চ চ) (অ. 11)
সমিধা-ঽগ্নিগ্ং ষট্ । তনূনপা-থ্সপ্ত । নরাশগ্ংসমৃষিঃ । ইডেডিতো যবৈরষ্টৌ । বর্হি-স্সপ্ত । দুরো-ঽশ্বিনা শুক্রন্নব । সুপেশসোষে নক্তমৃষিঃ। দৈব্যা হোতারা সীসেন রসঃ । তিস্রস্ত্বষ্টারমষ্টাবষ্টৌ । বনস্পতিমৃষিঃ । অগ্নি-ন্ত্রযোদশ । অশ্বিনা দ্বাদশ ত্রযোদশ । সমিধা-ঽগ্নি-ম্বদরৈ-র্বদরৈ-র্যবৈরশ্বিনা ত্বিষিমশ্বিনা ন ভেষজগ্ং রূপমশ্বিনা ভীম-ম্ভামম্ ।
অনুবাকং 12 - পশুত্রযে প্রযাজযাজ্যা আপ্রিযঃ

সমিদ্ধো অগ্নিরশ্বিনা । তপ্তো ঘর্মো বিরাট্-থ্সুতঃ । দুহে ধেনু-স্সরস্বতী । সোমগ্ং শুক্রমিহেন্দ্রিযম্ ॥ তনূপা ভিষজা সুতে । অশ্বিনোভা সরস্বতী । মদ্ধ্বা রজাগ্ংসীন্দ্রিযম্ । ইন্দ্রায পথিভি-র্বহান্ ॥ ইন্দ্রাযেন্দুগ্ং সরস্বতী । নরাশগ্ংসেন নগ্নহুঃ ॥ 60 ॥
অধাতামশ্বিনা মধু । ভেষজ-ম্ভিষজা সুতে ॥ আজুহ্বানা সরস্বতী । ইন্দ্রাযেন্দ্রিযাণি বীর্যম্ । ইডাভিরশ্বিনাবিষম্ । সমূর্জগ্ং সগ্ং রযি-ন্দধুঃ ॥ অশ্বিনা নমুচে-স্সুতম্ । সোমগ্ং শুক্র-ম্পরিস্রুতা । সরস্বতী তমাভরত্ । বর্হিষেন্দ্রায পাতবে ॥ 61 ॥
কবষ্যো ন ব্যচস্বতীঃ । অশ্বিভ্যা-ন্ন দুরো দিশঃ । ইন্দ্রো ন রোদসী দুঘে । দুহে কামান্-থ্সরস্বতী ॥ উষাসা নক্তমশ্বিনা । দিবেন্দ্রগ্ং সাযমিন্দ্রিযৈঃ । সজান্নানে সুপেশসা । সমঞ্জাতে সরস্বত্যা ॥ পাত-ন্নো অশ্বিনা দিবা । পাহি নক্তগ্ং সরস্বতি ॥ 62 ॥
দৈব্যা হোতারা ভিষজা । পাতমিন্দ্রগ্ং সচা সুতে ॥ তিস্রস্ত্রেধা সরস্বতী । অশ্বিনা ভারতীডা । তীব্র-ম্পরিস্রুতা সোমম্ । ইন্দ্রায সুষবুর্মদম্ ॥ অশ্বিনা ভেষজ-ম্মধু । ভেষজ-ন্ন-স্সরস্বতী । ইন্দ্রে ত্বষ্টা যশ-শ্শ্রিযম্ । রূপগ্ং রূপমধু-স্সুতে ॥ ঋতুথেন্দ্রো বনস্পতিঃ । শশমানঃ পরিস্রুতা । কীলালমশ্বিভ্যা-ম্মধু । দুহে ধেনু-স্সরস্বতী ॥ গোভির্ন সোমমশ্বিনা । মাসরেণ পরিষ্কৃতা । সমধাতাগ্ং সরস্বত্যা । স্বাহেন্দ্রে সুত-ম্মধু ॥ 63 ॥

(নগ্নহুঃ - পাতবে - সরস্ব - ত্যধু-স্সুতে-ঽষ্টৌ চ) (অ. 12)
অনুবাকং 13 - পশুত্রযে বপাদীনাং-যাঁজ্যানুবাক্যাঃ

অশ্বিনা হবিরিন্দ্রিযম্ । নমুচের্ধিযা সরস্বতী । আ শুক্রমাসুরাদ্বসু । মঘমিন্দ্রায জভ্রিরে ॥ যমশ্বিনা সরস্বতী । হবিষেন্দ্র-মবর্ধযন্ন্ । স বিভেদ বলং (বলং) মঘম্ । নমুচাবাসুরে সচা । তমিন্দ্র-ম্পশব-স্সচা ॥ অশ্বিনোভা সরস্বতী ॥ 64 ॥
দধানা অভ্যনূষত । হবিষা যজ্ঞমিন্দ্রিযম্ ॥ য ইন্দ্র ইন্দ্রিয-ন্দধুঃ । সবিতা বরুণো ভগঃ । স সুত্রামা হবিষ্পতিঃ । যজমানায সশ্চত ॥ সবিতা বরুণো দধত্ । যজমানায দাশুষে । আদত্ত নমুচের্বসু । সুত্রামা বলমিন্দ্রিযম্ ॥ 65 ॥
বরুণঃ, ক্ষত্রমিন্দ্রিযম্ । ভগেন সবিতা শ্রিযম্ । সুত্রামা যশসা বলম্ । দধানা যজ্ঞমাশত ॥ অশ্বিনা গোভিরিন্দ্রিযম্ । অশ্বেভি-র্বীর্য-ম্বলম্ । হবিষেন্দ্রগ্ং সরস্বতী । যজমান-মবর্ধযন্ন্ ॥ তা নাসত্যা সুপেশসা । হিরণ্যবর্তনী নরা । সরস্বতী হবিষ্মতী । ইন্দ্র কমর্সু নো-ঽবত ॥ তা ভিষজা সুকর্মণা । সা সুদুঘা সরস্বতী । স বৃত্রহা শতক্রতুঃ । ইন্দ্রায দধুরিন্দ্রিযম্ ॥ 66 ॥

(উভা সরস্বতী - বলমিন্দ্রিযং - নরা ষট্চ) (অ. 13)
অনুবাকং 14 - পশুত্রযে অনূযাজপ্রৈষাঃ

দেব-ম্বর্হি-স্সরস্বতী । সুদেবমিন্দ্রে অশ্বিনা । তেজো ন চক্ষুরক্ষ্যোঃ । বর্হিষা দধুরিন্দ্রিযম্ । বসুবনে বসুধেযস্য বিযন্তু যজ ॥ দেবীর্দ্বারো অশ্বিনা । ভিষজেন্দ্রে সরস্বতী । প্রাণ-ন্ন বীর্য-ন্নসি । দ্বারো দধুরিন্দ্রিযম্ । বসুবনে বসুধেযস্য বিযন্তু যজ ॥ 67 ॥
দেবী উষাসাবশ্বিনা । ভিষজেন্দ্রে সরস্বতী । বল-ন্ন বাচমাস্যে । উষাভ্যা-ন্দধুরিন্দ্রিযম্ । বসুবনে বসুধেযস্য বিযন্তু যজ ॥ দেবী জোষ্ট্রী অশ্বিনা । সুত্রামেন্দ্রে সরস্বতী । শ্রোত্র-ন্ন কর্ণযোর্যশঃ । জোষ্ট্রীভ্যা-ন্দধুরিন্দ্রিযম্ । বসুবনে বসুধেযস্য বিযন্তু যজ ॥ 68 ॥
দেবী ঊর্জাহুতী দুঘে সুদুঘে । পযসেন্দ্রগ্ং সরস্বত্যশ্বিনা ভিষজা-ঽবত । শুক্র-ন্ন জ্যোতি-স্স্তনযোরাহুতী ধত্ত ইন্দ্রিযম্ । বসুবনে বসুধেযস্য বিযন্তু যজ ॥ দেবা দেবানা-ম্ভিষজা । হোতারাবিন্দ্র-মশ্বিনা । বষট্কারৈ-স্সরস্বতী । ত্বিষি-ন্ন হৃদযে মতিম্ । হোতৃভ্যা-ন্দধুরিন্দ্রিযম্ । বসুবনে বসুধেযস্য বিযন্তু যজ ॥ 69 ॥
দেবী-স্তিস্র-স্তিস্রো দেবীঃ । সরস্বত্যশ্বিনা ভারতীডা । শূষ-ন্ন মদ্ধ্যে নাভ্যাম্ । ইন্দ্রায দধুরিন্দ্রিযম্ । বসুবনে বসুধেযস্য বিযন্তু যজ ॥ দেব ইন্দ্রো নরাশগ্ংসঃ । ত্রিবরূথ-স্সরস্বত্যা ঽশ্বিভ্যামীযতে রথঃ । রেতো ন রূপমমৃত-ঞ্জনিত্রম্ । ইন্দ্রায ত্বষ্টা দধদিন্দ্রিযাণি । বসুবনে বসুধেযস্য বিযন্তু যজ ॥ 70 ॥
দেব ইন্দ্রো বনস্পতিঃ । হিরণ্যপর্ণো অশ্বিভ্যাম্ । সরস্বত্যা-স্সুপিপ্পলঃ । ইন্দ্রায পচ্যতে মধু । ওজো ন জূতিমৃষভো ন ভামম্ । বনস্পতির্নো দধদিন্দ্রিযাণি । বসুবনে বসুধেযস্য বিযন্তু যজ ॥ দেব-ম্বর্হির্বারিতীনাম্ । অদ্ধ্বরে স্তীর্ণমশ্বিভ্যাম্ । ঊর্ণম্রদা-স্সরস্বত্যাঃ ॥ 71 ॥
স্যোনমিন্দ্র তে সদঃ । ঈশাযৈ মন্যুগ্ং রাজান-ম্বর্হিষা দধুরিন্দ্রিযম্ । বসুবনে বসুধেযস্য বিযন্তু যজ ॥ দেবো অগ্নি-স্স্বিষ্টকৃত্ । দেবান্.যক্ষ-দ্যথাযথম্ । হোতারা-বিন্দ্রমশ্বিনা । বাচা বাচগ্ং সরস্বতীম্ । অগ্নিগ্ং সোমগ্গ্ স্বিষ্টকৃত্ । স্বিষ্ট ইন্দ্রঃ সুত্রামা সবিতা বরুণো ভিষক্ । ইষ্টো দেবো বনস্পতিঃ । স্বিষ্টা দেবা আজ্যপাঃ । ইষ্টো অগ্নিরগ্নিনা । হোতা হোত্রে স্বিষ্টকৃত্ । যশো ন দধদিন্দ্রিযম্ । ঊর্জমপচিতিগ্গ্ স্বধাম্ । বসুবনে বসুধেযস্য বিযন্তু যজ ॥ 72 ॥

(দ্বারো দধুরিন্দ্রিযং-বঁসুবনে বসুধেযস্য বিযন্তু যজ - জোষ্ট্রীভ্যা-ন্দধুরিন্দ্রিযং-বঁসুবনে বসুধেযস্য বিযন্তু যজ -হোতৃভ্যা-ন্দধুরিন্দ্রিযং-বঁসুবনে বসুধেযস্য বিযন্তু যজে - ন্দ্রিযাণি বসুবনে বসুধেযস্য বিযন্তু যজ - সরস্বত্যা - বনস্পতি-ষ্ষট্চ) (অ. 14)
(দেব-ম্বর্হি-র্দেবী-র্দ্বারো দেবী উষাসাবশ্বিনা দেবী জোষ্ট্র দেবী ঊর্জাহূতী দেবা দেবানা-ম্ভিষজা বষট্কারৈ-র্দেবীস্তিস্রস্তিস্রো দেবী-স্সরস্বতী দেব ইন্দ্রো নরাশগ্ংসো দেব ইন্দ্রো বনস্পতির্দেব-ম্বর্হির্বারিতীনা-ন্দেবোঅগ্নি-স্স্বিষ্টকৃ-দ্দেবান্) ।
(সমিধা-ঽগ্নি-ন্দেব-ম্বর্হি-স্সরস্বত্যাশ্বিনা সর্বং-বিঁযন্তু । দ্বারস্তিস্র-স্সংর্ব বিযন্তু । অজ ইন্দ্রমোজো-ঽগ্নি-ম্পর-স্সরস্বতীম্ । নক্তম্পূর্ব-স্সরস্বতি । অন্যত্র সরস্বতি । ভিষ-ক্পূর্ব-ন্দুহ ইন্দ্রিযম্ । অন্যত্র দধুরিন্দ্রিযম্ । সৌত্রামণ্যাগ্ং সুতাসুতী । অঞ্জন্ত্যযং-যঁজমানঃ)
অনুবাকং 15 - সূক্তবাকপ্রৈষঃ

অগ্নিমদ্য হোতারমবৃণীত । অযগ্ং সুতাসুতী যজমানঃ । পচ-ন্পক্তীঃ । পচ-ন্পুরোডাশান্ । গৃহ্ণ-ন্গ্রহান্ । বদ্ধ্নন্নশ্বিভ্যা-ঞ্ছাগগ্ং সরস্বত্যা ইন্দ্রায । বদ্ধ্নন্-থ্সরস্বত্যৈ মেষমিন্দ্রাযাশ্বিভ্যাম্ । বদ্ধ্নন্নিন্দ্রাযর্ষভ-মশ্বিভ্যাগ্ং সরস্বত্যৈ । সূপস্থা অদ্য দেবো বনস্পতিরভবত্ । অশ্বিভ্যা-ঞ্ছাগেন সরস্বত্যা ইন্দ্রায ॥ 73 ॥
সরস্বত্যৈ মেষেণেন্দ্রাযাশ্বিভ্যাম্ । ইন্দ্রাযর্ষভেণাশ্বিভ্যাগ্ং সরস্বত্যৈ । অক্ষগ্গ্স্তান্মেদস্তঃ প্রতি পচতা-ঽগ্রভীষুঃ । অবীবৃধন্ত গ্রহৈঃ । অপাতামশ্বিনা সরস্বতীন্দ্রঃ সুত্রামা বৃত্রহা । সোমান্-থ্সুরাম্ণঃ । উপো উক্থামদা-শ্শ্রৌদ্বিমদা অদন্ন্ । অবীবৃধ-ন্তাঙ্গূষৈঃ । ত্বামদ্যর্ষ আর্ষেযর্ষীণা-ন্নপাদবৃণীত । অযগ্ং সুতাসুতী যজমানঃ । বহুভ্য আসঙ্গতেভ্যঃ । এষ মে দেবেষু বসু বার্যা যক্ষ্যত ইতি । তা যা দেবা দেবদানান্যদুঃ । তান্যস্মা আ চ শাস্ব । আ চ গুরস্ব । ইষিতশ্চ হোতরসি ভদ্রবাচ্যায প্রেষিতো মানুষঃ । সূক্তবাকায সূক্তা ব্রূহি ॥ 74 ॥

(ইন্দ্রায - যজমান-স্সপ্ত চ) (অ. 15)
অনুবাকং 16 - পিতৃযজ্ঞযাজ্যানুবাক্যাঃ

উশন্তস্ত্বা হবামহ উশন্ত-স্সমিধীমহি । উশন্নুশত আ বহ পিতৄন্ হবিষে অত্তবে ॥, আ নো অগ্নে সুকেতুনা । রযিং-বিঁশ্বাযুপোষসম্ । মার্ডীক-ন্ধেহি জীবসে ॥। ত্বগ্ং সোম মহে ভগম্ । ত্বং-যূঁন ঋতাযতে । দক্ষ-ন্দধাসি জীবসে ॥,ত্বগ্ং সোম প্রচিকিতো মনীষা ত্বগ্ং রজিষ্ঠমনু নেষি পন্থাম্ । তব প্রণীতী পিতরো ন ইন্দো দেবেষু রত্নম ভজন্ত ধীরাঃ ॥। ত্বযা হি নঃ পিতরঃ সোম পূর্বে কর্মাণি চক্রুঃ পবমান ধীরাঃ । বন্বন্নবাতঃ পরিধীগ্ং রপোর্ণু বীরেভিরশ্বৈর্মঘবা ভবা নঃ ॥, ত্বগ্ং সোম পিতৃভিঃ সংবিঁদানো-ঽনু দ্যাবাপৃথিবী আ ততন্থ । তস্মৈ ত ইন্দো হবিষা বিধেম বযগ্গ্ স্যাম পতযো রযীণাম্ ॥ । বর্হিষদঃ পিতর ঊত্যর্বাগিমা বো হব্যা চকৃমা জুষধ্বম্ । ত আ গতা-ঽবসা শ-ন্তমেনাথাস্মভ্যগ্ং শং-যোঁররপো দধাত ॥, আ-ঽহ-ম্পিতৄন্-থ্সুবিদত্রাগ্ং অবিথ্সি নপাত-ঞ্চ বিক্রমণ-ঞ্চ বিষ্ণোঃ । বর্হিষদো যে স্বধযা সুতস্য ভজন্ত পিত্বস্ত ইহা-ঽঽ গমিষ্ঠাঃ ॥ । উপহূতাঃ পিতরঃ সোম্যাসো বর্হিষ্যেষু নিধিষু প্রিযেষু । ত আ গমন্তু ত ইহ শ্রুবন্ত্বধি ব্রুবন্তু তে অবন্ত্বস্মান্ ॥, অগ্নিষ্বাত্তাঃ পিতর এহ গচ্ছত সদঃ সদ-স্সদত সুপ্রণীতযঃ । অত্তা হবীগ্ংষি প্রযতানি বর্হিষ্যথা রযিগ্ং সর্ববীর-ন্দধাতন ॥ ॥ অগ্নিষ্বাত্তানৃতুমতো হবামহে । নরাশগ্ংসে সোমপীথং-যঁ আশুঃ । তে নো অর্বন্ত-স্সুহবা ভবন্তু । শ-ন্নো ভবন্তু দ্বিপদে শ-ঞ্চতুষ্পদে ॥ যে অগ্নিষ্বাত্তা যে-ঽনগ্নিষ্বাত্তাঃ ॥ 75 ॥
অগ্ংহোমুচঃ পিতরঃ সোম্যাসঃ । পরে-ঽবরে-ঽমৃতাসো ভবন্তঃ । অধিব্রুবন্তু তে অবন্ত্বস্মান্ ॥ বান্যাযৈ দুগ্ধে জুষমাণাঃ করম্ভম্ । উদীরাণা অবরে পরে চ । অগ্নিষ্বাত্তা ঋতুভিঃ সংবিঁদানাঃ । ইন্দ্রবন্তো হবিরিদ-ঞ্জুষন্তাম্ ॥ যদগ্নে কব্যবাহন পিতৄন্ যক্ষ্যৃতাবৃধঃ । প্র চ হব্যানি বক্ষ্যসি দেবেভ্যশ্চ পিতৃভ্য আ ॥, ত্বমগ্ন ঈডিতো জাতবেদো-ঽবাড্ঢব্যানি সুরভীণি কৃত্বা । প্রাদাঃ পিতৃভ্যঃ স্বধযা তে অক্ষন্নদ্ধি ত্ব-ন্দেব প্রযতা হবীগ্ংষি । । মাতলী কব্যৈর্যমো অঙ্গিরোভি র্বৃহস্পতির্-ঋক্বভি র্বাবৃধানঃ । যাগ্শ্চ দেবা বাবৃধুর্যে চ দেবান্-থ্স্বাহা-ঽন্যে স্বধযা-ঽন্যে মদন্তি ॥ ॥ যে তাতৃপুর্দেবত্রা জেহমানাঃ । হোত্রাবৃধ-স্স্তোমতষ্টাসো অর্কৈঃ । আ-ঽগ্নে যাহি সুবিদত্রেভিরর্বাম্ । সত্যৈঃ কব্যৈঃ পিতৃভি-র্ঘর্মসদ্ভিঃ ॥ হব্যবাহমজর-ম্পুরুপ্রিযম্ । অগ্নি-ঙ্ঘৃতেন হবিষা সপর্যন্ন্ । উপাসদ-ঙ্কব্যবাহ-ম্পিতৃণাম্ । স নঃ প্রজাং-বীঁরবতীগ্ং সমৃণ্বতু ॥ 76 ॥

(অনগ্নিষ্বাত্তা - জেহমানা-স্সপ্ত চ) (অ. 16)
অনুবাকং 17 - ঐন্দ্রো পশৌ একাদশ প্রযাজাঃ

হোতা যক্ষদিডস্পদে । সমিধান-ম্মহদ্যশঃ । সুষমিদ্ধং-বঁরেণ্যম্ । অগ্নিমিন্দ্রং-বঁযোধসম্ । গাযত্রী-ঞ্ছন্দ ইন্দ্রিযম্ । ত্র্যবি-ঙ্গাং-বঁযো দধত্ । বেত্বাজ্যস্য হোতর্যজ ॥ হোতা যক্ষচ্ছুচিব্রতম্ । তনূনপাতমুদ্ভিদম্ । য-ঙ্গর্ভমদিতির্দধে ॥ 77 ॥
শুচিমিন্দ্রং-বঁযোধসম্ । উষ্ণিহ-ঞ্ছন্দ ইন্দ্রিযম্ । দিত্যবাহ-ঙ্গাং-বঁযো দধত্ । বেত্বাজ্যস্য হোতর্যজ ॥ হোতা যক্ষদীডেন্যম্ । ঈডিতং-বৃঁত্রহন্তমম্ । ইডাভিরীড্যগ্ং সহঃ । সোমমিন্দ্রং-বঁযোধসম্ । অনুষ্টুভ-ঞ্ছন্দ ইন্দ্রিযম্ । ত্রিবথ্স-ঙ্গাং-বঁযো দধত্ ॥ 78 ॥
বেত্বাজ্যস্য হোতর্যজ ॥ হোতা যক্ষ-থ্সুবর্হিষদম্ । পূষণ্বন্ত-মমর্ত্যম্ । সীদন্ত-ম্বর্হিষি প্রিযে । অমৃতেন্দ্রং-বঁযোধসম্ । বৃহতী-ঞ্ছন্দ ইন্দ্রিযম্ । পঞ্চাবি-ঙ্গাং-বঁযো দধত্ । বেত্বাজ্যস্য হোতর্যজ ॥ হোতা যক্ষ-দ্ব্যচস্বতীঃ । সুপ্রাযণা ঋতাবৃধঃ ॥ 79 ॥
দ্বারো দেবীর্হিরণ্যযীঃ । ব্রহ্মাণ ইন্দ্রং-বঁযোধসম্ । পঙ্ক্তি-ঞ্ছন্দ ইহেন্দ্রিযম্ । তুর্যবাহ-ঙ্গাং-বঁযো দধত্ । বেত্বাজ্যস্য হোতর্যজ ॥ হোতা যক্ষ-থ্সুপেশসে । সুশিল্পে বৃহতী উভে । নক্তোষাসা ন দর্শতে । বিশ্বমিন্দ্রং-বঁযোধসম্ । ত্রিষ্টুভ-ঞ্ছন্দ ইন্দ্রিযম্ ॥ 80 ॥
পষ্ঠবাহ-ঙ্গাং-বঁযো দধত্ । বেত্বাজ্যস্য হোতর্যজ ॥ হোতা যক্ষ-ত্প্রচেতসা । দেবানামুত্তমং-যঁশঃ । হোতারা দৈব্যা কবী । সযুজেন্দ্রং-বঁযোধসম্ । জগতী-ঞ্ছন্দ ইহেন্দ্রিযম্ । অনড্বাহ-ঙ্গাং-বঁযো দধত্ । বেত্বাজ্যস্য হোতর্যজ ॥ হোতা যক্ষ-ত্পেশস্বতীঃ ॥ 81 ॥
তিস্রো দেবীর্হিরণ্যযীঃ । ভারতী-র্বৃহতীর্মহীঃ । পতিমিন্দ্রং-বঁযোধসম্ । বিরাজ-ঞ্ছন্দ ইহেন্দ্রিযম্ । ধেনু-ঙ্গা-ন্ন বযো দধত্ । বেত্বাজ্যস্য হোতর্যজ ॥ হোতা যক্ষ-থ্সুরেতসম্ । ত্বষ্টার-ম্পুষ্টিবর্ধনম্ । রূপাণি বিভ্রত-ম্পৃথক্ । পুষ্টিমিন্দ্রং-বঁযোধসম্ ॥ 82 ॥
দ্বিপদ-ঞ্ছন্দ ইহেন্দ্রিযম্ । উক্ষাণ-ঙ্গা-ন্ন বযো দধত্ । বেত্বাজ্যস্য হোতর্যজ ॥ হোতা যক্ষচ্ছতক্রতুম্ । হিরণ্যপর্ণ-মুক্থিনম্ । রশনা-ম্বিভ্রতং-বঁশিম্ । ভগমিন্দ্রং-বঁযোধসম্ । ককুভ-ঞ্ছন্দ ইহেন্দ্রিযম্ । বশাং-বেঁহত-ঙ্গা-ন্ন বযো দধত্ । বেত্বাজ্যস্য হোতর্যজ ॥ হোতা যক্ষ-থ্স্বাহাকৃতীঃ । অগ্নি-ঙ্গৃহপতি-ম্পৃথক্ । বরুণ-ম্ভেষজ-ঙ্কবিম্ । ক্ষত্রমিন্দ্রং-বঁযোধসম্ । অতিচ্ছন্দস-ঞ্ছন্দ ইন্দ্রিযম্ । বৃহদৃষভ-ঙ্গাং-বঁযো দধত্ । বেত্বাজ্যস্য হোতর্যজ ॥ 83 ॥

(দধে - দধ-দ্- ঋতাবৃধ - ইন্দ্রিযং - পেশস্বতী--র্ বযোধসং - ঁবেত্বাজ্যস্য হোতর্যজ সপ্ত চ) (অ. 17)
ইডস্পদে-ঽগ্নি-ঙ্গাযত্রী-ন্ত্র্যবিম্ । শুচিব্রতগ্ং শুচিমুষ্ণিহ-ন্দিত্যবাহম্ । ঈডেন্যগ্ং সোম-মনষ্টুভ-ন্ত্রিবথ্সম্ । সুবরঃইষদমমৃতেন্দ্র-ম্বৃহতী-ম্পঞ্চাবিম্ । ব্যচস্বতী-স্সুপ্রাযণা দ্বারো ব্রাহ্মাণঃ পাঙ্ক্তিমিহ তুর্যবাহম্ । সুপেশসে বিশ্বমিন্দ্র-ন্ত্রিষ্টুভ-ম্পষ্ঠবাহম্ । প্রচেতসা সযুজেন্দ্র-ঞ্জগতীমিহানড্বাহম্ । পেশস্বতীস্তিস্ত্রো ভারতীঃ পতিং-বিঁরাজমিহ ধেনু-ন্ন । সুরেতস-ন্ত্বষ্টার-ম্পুষ্টি-ন্দ্বিপদমিহোক্ষাণ-ন্ন । শতক্রতু-ম্ভগমিন্দ্র-ঙ্ককুভমিহ বশাং-বেঁহত-ঙ্গা-ন্ন । স্বাহাকৃতীঃ, ক্ষত্রমতিচ্ছন্দস-ম্বৃহদৃষভ-ঙ্গাং-বঁযঃ । ইন্দ্রিযমুষিবসুনবদশেহেন্দ্রিযমষ্ট নব দশ গা-ন্ন বযো দধ-থ্সর্ববেতু ।
অনুবাকং 18 - ঐন্দ্রো পশৌ প্রযাজযাজ্যাঃ

সমিদ্ধো অগ্নি-স্সমিধা । সুষমিদ্ধো বরেণ্যঃ । গাযত্রী ছন্দ ইন্দ্রিযম্ । ত্র্যবির্গৌর্বযো দধুঃ ॥ তনূনপা-চ্ছুচিব্রতঃ । তনূনপাচ্চ (তনূপাচ্চ) সরস্বতী । উষ্ণিক্ছন্দ ইন্দ্রিযম্ । দিত্যবাড্গৌর্বযো দধুঃ ॥ ইডাভিরগ্নিরীড্যঃ । সোমো দেবো অমর্ত্যঃ ॥ 84 ॥
অনুষ্টুপ্ছন্দ ইন্দ্রিযম্ । ত্রিবথ্সো গৌর্বযো দধুঃ ॥ সুবর্হিরগ্নিঃ পূষণ্বান্ । স্তীর্ণ-বর্হিরমর্ত্যঃ । বৃহতী ছন্দ ইন্দ্রিযম্ । পঞ্চাবি-র্গৌর্বযো দধুঃ ॥ দুরো দেবীর্দিশো মহীঃ । ব্রহ্মা দেবো বৃহস্পতিঃ । পঙ্ক্তি-শ্ছন্দ ইহেন্দ্রিযম্ । তুর্যবাড্ গৌর্বযো দধুঃ ॥ 85 ॥
উষে যহ্বী সুপেশসা । বিশ্বে দেবা অমর্ত্যাঃ । ত্রিষ্টু-প্ছন্দ ইন্দ্রিযম্ । পষ্ঠবাদ্গৌর্বযো দধুঃ ॥ দৈব্যা হোতারা ভিষজা । ইন্দ্রেণ সযুজা যুজা । জগতী ছন্দ ইহেন্দ্রিযম্ । অনড্বান্-গৌর্বযো দধুঃ ॥ তিস্র ইডা সরস্বতী । ভারতী মরুতো বিশঃ ॥ 86 ॥
বিরাট্ছন্দ ইহেন্দ্রিযম্ । ধেনুর্গৌর্ন বযো দধুঃ ॥ ত্বষ্টা তুরীপো অদ্ভুতঃ । ইন্দ্রাগ্নী পুষ্টিবর্ধনা । দ্বিপাচ্ছন্দ ইহেন্দ্রিযম্ । উক্ষা গৌর্ন বযো দধুঃ ॥ শমিতা নো বনস্পতিঃ । সবিতা প্রসুবন্ভগম্ । ককুচ্ছন্দ ইহেন্দ্রিযম্ । বশা বেহদ্গৌর্ন বযো দধুঃ ॥ স্বাহা যজ্ঞং-বঁরুণঃ । সুক্ষত্রো ভেষজ-ঙ্করত্ । অতিঃ ছন্দা-শ্ছন্দ ইন্দ্রিযম্ । বৃহদৃষভো গৌর্বযো দধুঃ ॥ 87 ॥

(অমর্ত্য - স্তুর্যবাড্গৌর্বযো দধু--র্ বিশো - বশা বেহদ্গৌর্ন বযো দধুশ্চত্বারি চ) (অ. 18)
অনুবাকং 19 - ঐন্দ্রো পশৌ বপাদীনাং-যঁজ্যানুবাক্যাঃ

বসন্তেনর্তুনা দেবাঃ । বসবস্ত্রিবৃতা স্তুতম্ । রথন্তরেণ তেজসা । হবিরিন্দ্রে বযো দধুঃ ॥ গ্রীষ্মেণ দেবা ঋতুনা । রুদ্রাঃ পঞ্চদশে স্তুতম্ । বৃহতা যশসা বলম্ । হবিরিন্দ্রে বযো দধুঃ ॥ বর.ষাভির্-ঋতুনা-ঽঽদিত্যাঃ । স্তোমে সপ্তদশে স্তুতম্ ॥ 88 ॥
বৈরূপেণ বিশৌজসা । হবিরিন্দ্রে বযো দধুঃ ॥ শারদেনর্তুনা দেবাঃ । একবিগ্ংশ ঋভবঃ স্তুতম্ । বৈরাজেন শ্রিযা শ্রিযম্ । হবিরিন্দ্রে বযো দধুঃ ॥ হেমন্তেনর্তুনা দেবাঃ । মরুতস্ত্রিণবে স্তুতম্ । বলেন শক্বরী-স্সহঃ । হবিরিন্দ্রে বযো দধুঃ ॥ শৈশিরেণর্তুনা দেবাঃ । ত্রযস্ত্রিগ্ংশে ঽমৃতগ্গ্ স্তুতম্ । সত্যেন রেবতীঃ, ক্ষত্রম্ । হবিরিন্দ্রে বযো দধুঃ ॥ 89 ॥

(স্তোমে সপ্তদশে স্তুতগ্ং - সহো হবিরিন্দ্রে বযো দধুশ্চত্বারি চ) (অ. 19)
(বসন্তেন গ্রীষ্মেণ বর্ষাভিঃ শারদেন হেমন্তেন শৈশিরেণ ষট্ )
অনুবাকং 20 - ঐন্দ্রো পশৌ অনূযাজানা-ম্মৈত্রাবরিণপ্রৈষাঃ

দেব-ম্বর্হিরিন্দ্রং-বঁযোধসম্ । দেব-ন্দেবমবর্ধযত্ । গাযত্রিযা ছন্দসেন্দ্রিযম্ । তেজ ইন্দ্রে বযো দধত্ । বসুবনে বসুধেযস্য বেতু যজ ॥ দেবীর্দ্বারো দেবমিন্দ্রং-বঁযোধসম্ । দেবীর্দেব-মবর্ধযন্ন্ । উষ্ণিহা ছন্দসেন্দ্রিযম্ । প্রাণমিন্দ্রে বযো দধত্ । বসুবনে বসুধেযস্য বিযন্তু যজ ॥ 90 ॥
দেবী দেবং-বঁযোধসম্ । উষে ইন্দ্রমবর্ধতাম্ । অনুষ্টুভা ছন্দসেন্দ্রিযম্ । বাচমিন্দ্রে বযো দধত্ । বসুবনে বসুধেযস্য বীতাং-যঁজ ॥ দেবী জোষ্ট্রী দেবমিন্দ্রং-বঁযোধসম্ । দেবী দেবমবর্ধতাম্ । বৃহত্যা ছন্দসেন্দ্রিযম্ । শ্রোত্রমিন্দ্রে বযো দধত্ । বসুবনে বসুধেযস্য বীতাং-যঁজ ॥ 91 ॥
দেবী ঊর্জাহুতী দেবমিন্দ্রং-বঁযোধসম্ । দেবী দেবমবর্ধতাম্ । পঙ্ক্ত্যা ছন্দসেন্দ্রিযম্ । শুক্রমিন্দ্রে বযো দধত্ । বসুবনে বসুধেযস্য বীতাং-যঁজ ॥ দেবা দৈব্যা হোতারা দেবমিন্দ্রং-বঁযোধসম্ । দেবা দেবমবর্ধতাম্ । ত্রিষ্টুভা ছন্দসেন্দ্রিযম্ । ত্বিষিমিন্দ্রে বযো দধত্ । বসুবনে বসুধেযস্য বীতাং-যঁজ ॥ 92 ॥
দেবী-স্তিস্র-স্তিস্রো দেবীর্বযোধসম্ । পতিমিন্দ্র-মবর্ধযন্ন্ । জগত্যা ছন্দসেন্দ্রিযম্ । বলমিন্দ্রে বযো দধত্ । বসুবনে বসুধেযস্য বিযন্তু যজ ॥ দেবো নরাশগ্ংসো দেবমিন্দ্রং-বঁযোধসম্ । দেবো দেবমবর্ধযত্ । বিরাজা ছন্দসেন্দ্রিযম্ । রেত ইন্দ্রে বযো দধত্ । বসুবনে বসুধেযস্য বেতু যজ ॥ 93 ॥
দেবো বনস্পতি-র্দেবমিন্দ্রং-বঁযোধসম্ । দেবো দেবমবর্ধযত্ । দ্বিপদা ছন্দসেন্দ্রিযম্ । ভগমিন্দ্রে বযো দধত্ । বসুবনে বসুধেযস্য বেতু যজ ॥ দেব-ম্বর্হির্বারিতীনা-ন্দেবমিন্দ্রং-বঁযোধসম্ । দেবো (দেবং) দেবমবর্ধযত্ । ককুভা ছন্দসেন্দ্রিযম্ । যশ ইন্দ্রে বযো দধত্ । বসুবনে বসুধেযস্য বেতু যজ ॥ দেবো অগ্নি-স্স্বিষ্টকৃ-দ্দেবমিন্দ্রং-বঁযোধসম্ । দেবো দেবমবর্ধযত্ । অতিচ্ছন্দসা ছন্দসেন্দ্রিযম্ । ক্ষত্রমিন্দ্রে বযো দধত্ । বসুবনে বসুধেযস্য বেতু যজ ॥ 94 ॥