3.11 - ನಾಚಿಕೇತಚಯನಮ್ - ಕೃಷ್ಣ ಯಜುರ್ವೇದ ತೈತ್ತಿರೀಯ ಬ್ರಾಹ್ಮಣ ಕಾಠ ಪ್ರಶ್ನಃ ಪಾಠಃ - ಲೋಕೋಸಿ ಸ್ವರ್ಗೋಸಿ

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ಕಾಠಕೇ ದ್ವಿತೀಯಃ ಪ್ರಶ್ನಃ - ನಾಚಿಕೇತಚಯನಮ್
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಅನುವಾಕಂ 1 - ಇಷ್ಟಕೋಪಧಾನಮನ್ತ್ರಾಃ
ಲೋಕೋ-ಽಸಿ ಸ್ವರ್ಗೋ-ಽಸಿ । ಅನನ್ತೋ-ಽಸ್ಯ ಪಾರೋ-ಽಸಿ ।
ಅಕ್ಷಿತೋ-ಽಸ್ಯ ಕ್ಷಯ್ಯೋ-ಽಸಿ । ತಪಸಃ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ । ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ । ತನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 1 ॥

ತಪೋ-ಽಸಿ ಲೋಕೇ ಶ್ರಿತಮ್ । ತೇಜಸಃ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತೃ ವಿಶ್ವಸ್ಯ ಜನಯಿತೃ ।
ತ-ತ್ತ್ವೋಪದಧೇ ಕಾಮದುಘ-ಮಕ್ಷಿತಮ್ ।
ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 2 ॥

ತೇಜೋ-ಽಸಿ ತಪಸಿ ಶ್ರಿತಮ್ । ಸಮುದ್ರಸ್ಯ ಪ್ರತಿಷ್ಠಾ ।
ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತೃವಿಶ್ವಸ್ಯ ಜನಯಿತೃ ।
ತ-ತ್ತ್ವೋಪದಧೇ ಕಾಮದುಘ-ಮಕ್ಷಿತಮ್ ।
ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 3 ॥

ಸಮುದ್ರೋ-ಽಸಿ ತೇಜಸಿ ಶ್ರಿತಃ । ಅಪಾ-ಮ್ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ ।
ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ ।
ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 4 ॥

ಆಪಃ ಸ್ಥ ಸಮುದ್ರೇ ಶ್ರಿತಾಃ । ಪೃಥಿವ್ಯಾಃ ಪ್ರತಿಷ್ಠಾ ಯುಷ್ಮಾಸು । ಇದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ । ವಿಶ್ವಸ್ಯ ಭರ್ತ್ರ್ಯೋ ವಿಶ್ವಸ್ಯ ಜನಯಿತ್ರ್ಯಃ । ತಾ ವ ಉಪದಧೇ ಕಾಮದುಘಾ ಅಕ್ಷಿತಾಃ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 5 ॥

ಪೃಥಿವ್ಯ-ಸ್ಯಫ್ಸು ಶ್ರಿತಾ । ಅಗ್ನೇಃ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ । ವಿಶ್ವಸ್ಯ ಭರ್ತ್ರೀ ವಿಶ್ವಸ್ಯ ಜನಯಿತ್ರೀ । ತಾ-ನ್ತ್ವೋಪದಧೇ ಕಾಮದುಘಾ-ಮಕ್ಷಿತಾಮ್ । ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 6 ॥

ಅಗ್ನಿರಸಿ ಪೃಥಿವ್ಯಾಗ್ ಶ್ರಿತಃ । ಅನ್ತರಿಕ್ಷಸ್ಯ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ । ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 7 ॥

ಅನ್ತರಿಕ್ಷ-ಮಸ್ಯಗ್ನೌ ಶ್ರಿತಮ್ ।
ವಾಯೋಃ ಪ್ರತಿಷ್ಠಾ । ತ್ವಯೀದಮನ್ತಃ ।
ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತೃ ವಿಶ್ವಸ್ಯ ಜನಯಿತೃ ।
ತ-ತ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 8 ॥

ವಾಯುರಸ್ಯನ್ತರಿಕ್ಷೇ ಶ್ರಿತಃ । ದಿವಃ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ ।
ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 9 ॥

ದ್ಯೌರಸಿ ವಾಯೌ ಶ್ರಿತಾ । ಆದಿತ್ಯಸ್ಯ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತ್ರೀ ವಿಶ್ವಸ್ಯ ಜನಯಿತ್ರೀ ।
ತಾ-ನ್ತ್ವೋಪದಧೇ ಕಾಮದುಘಾ-ಮಕ್ಷಿತಾಮ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 10 ॥

ಆದಿತ್ಯೋ-ಽಸಿ ದಿವಿ ಶ್ರಿತಃ । ಚನ್ದ್ರಮಸಃ ಪ್ರತಿಷ್ಠಾ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ ।
ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 11 ॥

ಚನ್ದ್ರಮಾ ಅಸ್ಯಾದಿತ್ಯೇ ಶ್ರಿತಃ ।
ನಕ್ಷತ್ರಾಣಾ-ಮ್ಪ್ರತಿಷ್ಠಾ । ತ್ವಯೀದಮನ್ತಃ ।
ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ । ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ । ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 12 ॥

ನಕ್ಷತ್ರಾಣಿ ಸ್ಥ ಚನ್ದ್ರಮಸಿ ಶ್ರಿತಾನಿ । ಸಂವಁಥ್ಸರಸ್ಯ ಪ್ರತಿಷ್ಠಾ ಯುಷ್ಮಾಸು ।
ಇದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತೄಣಿ ವಿಶ್ವಸ್ಯ ಜನಯಿತೄಣಿ ।
ತಾನಿ ವ ಉಪದಧೇ ಕಾಮದುಘಾ-ನ್ಯಕ್ಷಿತಾನಿ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 13 ॥

ಸಂವಁಥ್ಸರೋ-ಽಸಿ ನಕ್ಷತ್ರೇಷು ಶ್ರಿತಃ । ಋತೂನಾ-ಮ್ಪ್ರತಿಷ್ಠಾ । ತ್ವಯೀದಮನ್ತಃ ।
ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ । ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ । ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 14 ॥

ಋತವಃ ಸ್ಥ ಸಂವಁಥ್ಸರೇ ಶ್ರಿತಾಃ ।
ಮಾಸಾನಾ-ಮ್ಪ್ರತಿಷ್ಠಾ ಯುಷ್ಮಾಸು ।
ಇದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾರೋ ವಿಶ್ವಸ್ಯ ಜನಯಿತಾರಃ ।
ತಾನ್. ವ ಉಪದಧೇ ಕಾಮದುಘಾ-ನಕ್ಷಿತಾನ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 15 ॥

ಮಾಸಾ-ಸ್ಸ್ಥರ್ತುಷು ಶ್ರಿತಾಃ । ಅದ್ರ್ಧಮಾಸಾನಾ-ಮ್ಪ್ರತಿಷ್ಠಾ ಯುಷ್ಮಾಸು । ಇದಮನ್ತಃ ।
ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ । ವಿಶ್ವಸ್ಯ ಭರ್ತಾರೋ ವಿಶ್ವಸ್ಯ ಜನಯಿತಾರಃ । ತಾನ್. ವ ಉಪದಧೇ ಕಾಮದುಘಾ-ನಕ್ಷಿತಾನ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 16 ॥

ಅದ್ರ್ಧಮಾಸಾ-ಸ್ಸ್ಥ ಮಾಸು ಶ್ರಿತಾಃ । ಅಹೋರಾತ್ರಯೋಃ ಪ್ರತಿಷ್ಠಾ ಯುಷ್ಮಾಸು ।
ಇದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾರೋ ವಿಶ್ವಸ್ಯ ಜನಯಿತಾರಃ ।
ತಾನ್. ವ ಉಪದಧೇ ಕಾಮದುಘಾ-ನಕ್ಷಿತಾನ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 17 ॥

ಅಹೋರಾತ್ರೇ ಸ್ಥೋ-ಽದ್ರ್ಧಮಾಸೇಷು ಶ್ರಿತೇ । ಭೂತಸ್ಯ ಪ್ರತಿಷ್ಠೇ ಭವ್ಯಸ್ಯ ಪ್ರತಿಷ್ಠೇ ।
ಯುವಯೋ-ರಿದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತ್ರ್ಯೌ ವಿಶ್ವಸ್ಯ ಜನಯಿತ್ರ್ಯೌ । ತೇ ವಾಮುಪದಧೇ ಕಾಮದುಘೇ ಅಕ್ಷಿತೇ ।
ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 18 ॥

ಪೌರ್ಣಮಾಸ್ಯಷ್ಟಕಾ ಽಮಾವಾಸ್ಯಾ । ಅನ್ನಾದಾ-ಸ್ಸ್ಥಾನ್ನದುಘೋ ಯುಷ್ಮಾಸು ।
ಇದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತ್ರ್ಯೋ ವಿಶ್ವಸ್ಯ ಜನಯಿತ್ರ್ಯಃ ।
ತಾ ವ ಉಪದಧೇ ಕಾಮದುಘಾ-ಅಕ್ಷಿತಾಃ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 19 ॥

ರಾಡಸಿ ಬೃಹತೀ ಶ್ರೀರಸೀನ್ದ್ರಪತ್ನೀ ಧರ್ಮಪತ್ನೀ । ವಿಶ್ವ-ಮ್ಭೂತಮನು ಪ್ರಭೂತಾ ।
ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತ್ರೀ ವಿಶ್ವಸ್ಯ ಜನಯಿತ್ರೀ । ತಾ-ನ್ತ್ವೋಪದಧೇ ಕಾಮದುಘಾ-ಮಕ್ಷಿತಾಮ್ ।
ಪ್ರಜಾಪತಿಸ್ತ್ವಾ ಸಾದಯತು । ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 20 ॥

ಓಜೋ-ಽಸಿ ಸಹೋ-ಽಸಿ । ಬಲಮಸಿ ಭ್ರಾಜೋ-ಽಸಿ ।
ದೇವಾನಾ-ನ್ಧಾಮಾಮೃತಮ್ । ಅಮರ್ತ್ಯ-ಸ್ತಪೋಜಾಃ । ತ್ವಯೀದಮನ್ತಃ । ವಿಶ್ವಂ-ಯಁಕ್ಷಂ-ವಿಁಶ್ವ-ಮ್ಭೂತಂ-ವಿಁಶ್ವಗ್ಂ ಸುಭೂತಮ್ ।
ವಿಶ್ವಸ್ಯ ಭರ್ತಾ ವಿಶ್ವಸ್ಯ ಜನಯಿತಾ ।
ತ-ನ್ತ್ವೋಪದಧೇ ಕಾಮದುಘ-ಮಕ್ಷಿತಮ್ । ಪ್ರಜಾಪತಿಸ್ತ್ವಾ ಸಾದಯತು ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥ 21 ॥

ಲೋಕ - ಸ್ತಪ - ಸ್ತೇಜಃ - ಸಮುದ್ರ - ಆಪಃ - ಪೃಥಿವ್ಯ - ಗ್ನಿ - ರನ್ತರಿಕ್ಷಮ್ - ವಾಯು--ರ್ ದ್ಯೌ - ರಾದಿತ್ಯ - ಶ್ಚನ್ದ್ರಮಾ - ನಕ್ಷತ್ರಾಣಿ - ಸಂವಁಥ್ಸರ - ಋತವೋ - ಮಾಸಾ - ಅದ್ರ್ಧಮಾಸಾ - ಅಹೋರಾತ್ರೇ - ಪೌರ್ಣಮಾಸೀ - ರಾಡ - ಸ್ಯೋಜೋ-ಽಸ್ಯೇಕವಿಗ್ಂಶತಿಃ (ಅ. 1)
ಲೋಕೋ-ಽಸಿ ಭರ್ತಾ ತಮ್ । ತಪಸ್ತೇಜೋ-ಽಸಿ ಭರ್ತೃ ತತ್ ।
ಸಮುದ್ರೋ-ಽಸಿ ಭರ್ತಾ ತಮ್ । ಆಪಃ ಸ್ಥ ಭರ್ತ್ರ್ಯಸ್ತಾ ವಃ । ಪೃಥಿವೀ ಭರ್ತ್ರೀ ತಾಮ್ ।
ಅಗ್ನಿರಸಿ ಭರ್ತಾ ತಮ್ । ಅನ್ತರಿಕ್ಷ-ಮ್ಭರ್ತೃ ತತ್ । ವಾಯುರಸಿ ಭರ್ತಾ ತಮ್ । ದ್ಯೌರಸಿ ಭರ್ತ್ರೀ ತಾಮ್ ।
ಆದಿತ್ಯಶ್ಚನ್ದ್ರಮಾ ಭರ್ತಾ ತಮ್ । ನಕ್ಷತ್ರಾಣಿ ಸ್ಥ ಭರ್ತೄಣಿ ತಾನಿ ವಃ । ಸಂವಁಥ್ಸರೋ-ಽಸಿ ಭರ್ತಾ ತಮ್ ।
ಋತವೋ ಮಾಸಾ ಅದ್ರ್ಧಮಾಸಾ ಭರ್ತಾರಸ್ತಾನ್. ವಃ ।
ಅಹೋರಾತ್ರೇ ಭರ್ತ್ರ್ಯೌ ತೇ ವಾಮ್ । ಪೌರ್ಣಮಾಸೀ ಭರ್ತ್ರ್ಯಸ್ತಾ ವಃ । ರಾಡಸಿ ಭರ್ತ್ರೀ ತಾಮ್ । ಓಜೋ-ಽಸಿ ಭರ್ತಾ ತಮೇಕವಿಗ್ಂಶತಿಃ ।
ಅನುವಾಕಂ 2 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ತ್ವಮಗ್ನೇ ರುದ್ರೋ ಅಸುರೋ ಮಹೋ ದಿವಃ ।
ತ್ವಗ್ಂ ಶರ್ಧೋ ಮಾರುತ-ಮ್ಪೃಕ್ಷ ಈಶಿಷೇ ।
ತ್ವಂ-ವಾಁತೈರರುಣೈರ್ಯಾಸಿ ಶಙ್ಗಯಃ ।
ತ್ವ-ಮ್ಪೂಷಾ ವಿಧತಃ ಪಾಸಿ ನು ತ್ಮನಾ ।
ದೇವಾ ದೇವೇಷು ಶ್ರಯದ್ಧ್ವಮ್ । ಪ್ರಥಮಾ ದ್ವಿತೀಯೇಷು ಶ್ರಯದ್ಧ್ವಮ್ ।
ದ್ವಿತೀಯಾ-ಸ್ತೃತೀಯೇಷು ಶ್ರಯದ್ಧ್ವಮ್ ।
ತೃತೀಯಾ-ಶ್ಚತುರ್ಥೇಷು ಶ್ರಯದ್ಧ್ವಮ್ ।
ಚತುರ್ಥಾಃ ಪಞ್ಚಮೇಷು ಶ್ರಯದ್ಧ್ವಮ್ । ಪಞ್ಚಮಾ-ಷ್ಷಷ್ಠೇಷು ಶ್ರಯದ್ಧ್ವಮ್ ॥ 22 ॥

ಷಷ್ಠಾ-ಸ್ಸಪ್ತಮೇಷು ಶ್ರಯದ್ಧ್ವಮ್ । ಸಪ್ತಮಾ ಅಷ್ಟಮೇಷು ಶ್ರಯದ್ಧ್ವಮ್ ।
ಅಷ್ಟಮಾ ನವಮೇಷು ಶ್ರಯದ್ಧ್ವಮ್ ।
ನವಮಾ ದಶಮೇಷು ಶ್ರಯದ್ಧ್ವಮ್ ।
ದಶಮಾ ಏಕಾದಶೇಷು ಶ್ರಯದ್ಧ್ವಮ್ । ಏಕದಶಾ ದ್ವಾದಶೇಷು ಶ್ರಯದ್ಧ್ವಮ್ ।
ದ್ವಾದಶಾ-ಸ್ತ್ರಯೋದಶೇಷು ಶ್ರಯದ್ಧ್ವಮ್ ।
ತ್ರಯೋದಶಾ-ಶ್ಚತುರ್ದಶೇಷು ಶ್ರಯದ್ಧ್ವಮ್ । ಚತುರ್ದಶಾಃ ಪಞ್ಚದಶೇಷು ಶ್ರಯದ್ಧ್ವಮ್ ।
ಪಞ್ಚದಶಾ-ಷ್ಷೋಡಶೇಷು ಶ್ರಯದ್ಧ್ವಮ್ ॥ 23 ॥

ಷೋಡಶಾ-ಸ್ಸಪ್ತದಶೇಷು ಶ್ರಯದ್ಧ್ವಮ್ । ಸಪ್ತದಶಾ ಅಷ್ಟಾದಶೇಷು ಶ್ರಯದ್ಧ್ವಮ್ ।
ಅಷ್ಟಾದಶಾ ಏಕಾನ್ನವಿಗ್ಂಶೇಷು ಶ್ರಯದ್ಧ್ವಮ್ ।
ಏಕಾನ್ನವಿಗ್ಂಶಾ ವಿಗ್ಂಶೇಷು ಶ್ರಯದ್ಧ್ವಮ್ ।
ವಿಗ್ಂಶಾ ಏಕವಿಗ್ಂಶೇಷು ಶ್ರಯದ್ಧ್ವಮ್ ।
ಏಕವಿಗ್ಂಶಾ ದ್ವಾವಿಗ್ಂಶೇಷು ಶ್ರಯದ್ಧ್ವಮ್ ।
ದ್ವಾವಿಗ್ಂಶಾ ಸ್ತ್ರಯೋವಿಗ್ಂಶೇಷು ಶ್ರಯದ್ಧ್ವಮ್ ।
ತ್ರಯೋವಿಗ್ಂಶಾ ಶ್ಚತುರ್ವಿಗ್ಂಶೇಷು ಶ್ರಯದ್ಧ್ವಮ್ ।
ಚತುರ್ವಿಗ್ಂಶಾಃ ಪಞ್ಚವಿಗ್ಂಶೇಷು ಶ್ರಯದ್ಧ್ವಮ್ ।
ಪಞ್ಚವಿಗ್ಂಶಾ-ಷ್ಷಡ್ವಿಗ್ಂಶೇಷು ಶ್ರಯದ್ಧ್ವಮ್ ॥ 24 ॥

ಷಡ್ವಿಗ್ಂಶಾ-ಸ್ಸಪ್ತವಿಗ್ಂಶೇಷು ಶ್ರಯದ್ಧ್ವಮ್ ।
ಸಪ್ತವಿಗ್ಂಶಾ ಅಷ್ಟಾವಿಗ್ಂಶೇಷು ಶ್ರಯದ್ಧ್ವಮ್ ।
ಅಷ್ಟಾವಿಗ್ಂಶಾ ಏಕಾನ್ನತ್ರಿಗ್ಂಶೇಷು ಶ್ರಯದ್ಧ್ವಮ್ ।
ಏಕಾನ್ನತ್ರಿಗ್ಂಶಾ ಸ್ತ್ರಿಗ್ಂಶೇಷು ಶ್ರಯದ್ಧ್ವಮ್ ।
ತ್ರಿಗ್ಂಶಾ ಏಕತ್ರಿಗ್ಂಶೇಷು ಶ್ರಯದ್ಧ್ವಮ್ ।
ಏಕತ್ರಿಗ್ಂಶಾ ದ್ವಾತ್ರಿಗ್ಂಶೇಷು ಶ್ರಯದ್ಧ್ವಮ್ ।
ದ್ವಾತ್ರಿಗ್ಂಶಾ ಸ್ತ್ರಯಸ್ತ್ರಿಗ್ಂಶೇಷು
ಶ್ರಯದ್ಧ್ವಮ್ ।
ದೇವಾಸ್ತ್ರಿರೇ-ಕಾದಶಾ ಸ್ತ್ರಿಸ್ತ್ರಯಸ್ತ್ರಿಗ್ಂಶಾಃ ।
ಉತ್ತರೇ ಭವತ । ಉತ್ತರ ವರ್ತ್ಮಾನ ಉತ್ತರ ಸತ್ವಾನಃ ।
ಯತ್ಕಾಮ ಇದ-ಞ್ಜುಹೋಮಿ । ತನ್ಮೇ ಸಮೃದ್ಧ್ಯತಾಮ್ ।
ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ । ಭೂರ್ಭುವಸ್ವಃ ಸ್ವಾಹಾ ॥ 25 ॥

(ಷಷ್ಠೇಷು ಶ್ರಯದ್ಧವಗ್ಂ - ಷೋಡಶೇಷು ಶ್ರಯದ್ಧವಗ್ಂ - ಷಡ್ವಿಗ್ಂಶೇಷು ಶ್ರಯದ್ಧ್ವ - ಮುತ್ತರಸತ್ವಾನಶ್ಚತ್ವಾರಿ ಚ) (ಅ. 2)
ಅನುವಾಕಂ 3 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ಅಗ್ನಾವಿಷ್ಣೂ ಸಜೋಷಸಾ । ಇಮಾ ವರ್ಧನ್ತು ವಾಙ್ಗಿರಃ । ದ್ಯುಮ್ನೈ ರ್ವಾಜೇಭಿ-ರಾಗತಮ್ । ರಾಜ್ಞೀ ವಿರಾಜ್ಞೀ । ಸಮ್ರಾಜ್ಞೀ ಸ್ವರಾಜ್ಞೀ । ಅರ್ಚಿ-ಶ್ಶೋಚಿಃ । ತಪೋ ಹರೋ ಭಾಃ । ಅಗ್ನಿ-ಸ್ಸೋಮೋ ಬೃಹಸ್ಪತಿಃ ।
ವಿಶ್ವೇ ದೇವಾ ಭುವನಸ್ಯ ಗೋಪಾಃ । ತೇ ಸರ್ವೇ ಸಙ್ಗತ್ಯ । ಇದ-ಮ್ಮೇ ಪ್ರಾವತಾ ವಚಃ । ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ ।
ಭೂ-ರ್ಭುವಸ್-ಸ್ವಸ್ ಸ್ವಾಹಾ ॥ 26 ॥

(ಸಙ್ಗತ್ಯ ತ್ರೀಣಿ ಚ) (ಅ. 3)
ಅನುವಾಕಂ 4 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ಅನ್ನಪತೇ ಽನ್ನಸ್ಯ ನೋ ದೇಹಿ । ಅನಮೀವಸ್ಯ ಶುಷ್ಮಿಣಃ । ಪ್ರಪ್ರದಾತಾರನ್ತಾರಿಷಃ । ಊರ್ಜ-ನ್ನೋ ಧೇಹಿ ದ್ವಿಪದೇ ಚತುಷ್ಪದೇ । ಅಗ್ನೇ ಪೃಥಿವೀಪತೇ । ಸೋಮ ವೀರುಧಾ-ಮ್ಪತೇ । ತ್ವಷ್ಟಃ ಸಮಿಧಾ-ಮ್ಪತೇ ।
ವಿಷ್ಣವಾಶಾನಾ-ಮ್ಪತೇ । ಮಿತ್ರ ಸತ್ಯಾನಾ-ಮ್ಪತೇ । ವರುಣ ಧರ್ಮಣಾ-ಮ್ಪತೇ ॥ 27 ॥

ಮರುತೋ ಗಣಾನಾ-ಮ್ಪತಯಃ । ರುದ್ರ ಪಶೂನಾ-ಮ್ಪತೇ । ಇನ್ದ್ರೌಜಸಾ-ಮ್ಪತೇ । ಬೃಹಸ್ಪತೇ ಬ್ರಹ್ಮಣಸ್ಪತೇ ।
ಆ ರುಚಾ ರೋಚೇ-ಽಹಗ್ಗ್ ಸ್ವಯಮ್ ।
ರುಚಾ ರುರುಚೇ-ರೋಚಮಾನಃ । ಅತೀತ್ಯಾದ-ಸ್ಸ್ವರಾಭರೇಹ । ತಸ್ಮಿನ್. ಯೋನೌ ಪ್ರಜನೌ ಪ್ರಜಾಯೇಯ । ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ ।
ಭೂರ್ಭುವ-ಸ್ಸ್ವಃ ಸ್ವಾಹಾ ॥ 28 ॥

[ವರುಣ ಧರ್ಮಣಾ-ಮ್ಪತೇ ಸ್ವಃ - ಸ್ವಾಹಾ ] (ಅ. 4)
ಅನುವಾಕಂ 5 - ಚತುರ್ಭಿರನುವಾಕೈ-ಶ್ಚತಸ್ರ ಆಹುತೀರ್ಜುಹೋತಿ
ಸಪ್ತ ತೇ ಅಗ್ನೇ ಸಮಿಧಃ ಸಪ್ತ ಜಿಹ್ವಾಃ ।
ಸಪ್ತರ್ಷಯ-ಸ್ಸಪ್ತಧಾಮ ಪ್ರಿಯಾಣಿ ।
ಸಪ್ತ ಹೋತ್ರಾ ಅನು ವಿದ್ವಾನ್ ।
ಸಪ್ತ ಯೋನೀ-ರಾಪೃಣಸ್ವಾ ಘೃತೇನ । ಪ್ರಾಚೀ ದಿಕ್ । ಅಗ್ನಿ ರ್ದೇವತಾ । ಅಗ್ನಿಗ್ಂ ಸ ದಿಶಾ-ನ್ದೇವ-ನ್ದೇವತಾನಾ-ಮೃಚ್ಛತು । ಯೋ ಮೈತಸ್ಯೈ
ದಿಶೋ ಽಭಿದಾಸತಿ । ದಕ್ಷಿಣಾ ದಿಕ್ । ಇನ್ದ್ರೋ ದೇವತಾ ॥ 29 ॥

ಇನ್ದ್ರಗ್ಂ ಸ ದಿಶಾ-ನ್ದೇವ-ನ್ದೇವತಾನಾ-ಮೃಚ್ಛತು ।
ಯೋ ಮೈತಸ್ಯೈ ದಿಶೋ ಽಭಿದಾಸತಿ । ಪ್ರತೀಚೀ ದಿಕ್ । ಸೋಮೋ ದೇವತಾ । ಸೋಮಗ್ಂ ಸ ದಿಶಾ-ನ್ದೇವ-ನ್ದೇವತಾನಾ-ಮೃಚ್ಛತು । ಯೋ ಮೈತಸ್ಯೈ ದಿಶೋ ಽಭಿದಾಸತಿ । ಉದೀಚೀ ದಿಕ್ । ಮಿತ್ರಾವರುಣೌ ದೇವತಾ ।
ಮಿತ್ರಾವರುಣೌ ಸ ದಿಶಾ-ನ್ದೇವೌ ದೇವತಾನಾ-ಮೃಚ್ಛತು । ಯೋ ಮೈತಸ್ಯೈ ದಿಶೋ ಽಭಿದಾಸತಿ ॥ 30 ॥

ಊದ್ರ್ಧ್ವಾ ದಿಕ್ । ಬೃಹಸ್ಪತಿ ರ್ದೇವತಾ ।
ಬೃಹಸ್ಪತಿಗ್ಂ ಸ ದಿಶಾ-ನ್ದೇವ-ನ್ದೇವತಾನಾ-ಮೃಚ್ಛತು । ಯೋ ಮೈತಸ್ಯೈ ದಿಶೋ ಽಭಿದಾಸತಿ ।
ಇಯನ್ದಿಕ್ । ಅದಿತಿ ರ್ದೇವತಾ । ಅದಿತಿಗ್ಂ ಸ ದಿಶಾ-ನ್ದೇವೀ-ನ್ದೇವತಾನಾ-ಮೃಚ್ಛತು ।
ಯೋ ಮೈತಸ್ಯೈ ದಿಶೋ ಽಭಿದಾಸತಿ ।
ಪುರುಷೋ ದಿಕ್ । ಪುರುಷೋ ಮೇ ಕಾಮಾ-ನ್ಥ್ಸಮರ್ಧಯತು ॥ 31 ॥

ಅನ್ಧೋ ಜಾಗೃವಿಃ ಪ್ರಾಣ । ಅಸಾವೇಹಿ । ಬಧಿರ ಆಕ್ರನ್ದಯಿತ-ರಪಾನ । ಅಸಾವೇಹಿ । ಉಷಸ-ಮುಷಸ-ಮಶೀಯ । ಅಹಮಸೋ ಜ್ಯೋತಿರಶೀಯ ।
ಅಹಮಸೋ ಽಪೋಶೀಯ । ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ । ಭೂರ್ಭುವ-ಸ್ಸ್ವಃ ಸ್ವಾಹಾ ॥ 32 ॥

(ದಕ್ಷಿಣಾ ದಿಗಿನ್ದ್ರೋ ದೇವತಾ - ಮಿತ್ರಾವರುಣೌ ಸ ದಿಶಾ-ನ್ದೇವೌ ದೇವತಾನಾಮೃಚ್ಛತು
ಯೋ ಮೈತಸ್ಯೈ ದಿಶೋ-ಽಭಿದಾ - ಸತ್ಯದ್ರ್ಧಯತು - +ನವ ಚ) (ಅ. 5)
ಅನುವಾಕಂ 6 - ಉಪಸ್ಥಾನಮ್
ಯತ್ತೇ-ಽಚಿತಂ-ಯಁದು ಚಿತನ್ತೇ ಅಗ್ನೇ । ಯತ್ತ ಊನಂ-ಯಁದು ತೇ-ಽತಿರಿಕ್ತಮ್ । ಆದಿತ್ಯಾಸ್ತ-ದಙ್ಗಿರಸ-ಶ್ಚಿನ್ವನ್ತು । ವಿಶ್ವೇ ತೇ ದೇವಾಶ್ಚಿತಿ-ಮಾಪೂರಯನ್ತು ।
ಚಿತಶ್ಚಾಸಿ ಸಞ್ಚಿತಶ್ಚಾ-ಸ್ಯಗ್ನೇ । ಏತಾವಾಗ್ಶ್ಚಾಸಿ ಭೂಯಾಗ್ಶ್ಚಾಸ್ಯಗ್ನೇ ॥ ಲೋಕ-ಮ್ಪೃಣ ಚ್ಛಿದ್ರ-ಮ್ಪೃಣ । ಅಥೋ ಸೀದ ಶಿವಾ ತ್ವಮ್ ।
ಇನ್ದ್ರಾಗ್ನೀ ತ್ವಾ ಬೃಹಸ್ಪತಿಃ । ಅಸ್ಮಿನ್. ಯೋನಾವಸೀಷದನ್ನ್ ॥ 33 ॥

ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥
ತಾ ಅಸ್ಯ ಸೂದದೋಹಸಃ ।
ಸೋಮಗ್ಗ್ ಶ್ರೀಣನ್ತಿ ಪೃಶ್ನಯಃ ।
ಜನ್ಮ-ನ್ದೇವಾನಾಂ-ವಿಁಶಃ ।
ತ್ರಿಷ್ವಾ ರೋಚನೇ ದಿವಃ ।
ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದ ॥
ಅಗ್ನೇ ದೇವಾಗ್ಂ ಇಹಾವಹ । ಜಜ್ಞಾನೋ ವೃಕ್ತ ಬರ್ಹಿಷೇ । ಅಸಿ ಹೋತಾ ನ ಈಡ್ಯಃ ॥
ಅಗನ್ಮ ಮಹಾ ಮನಸಾ ಯವಿಷ್ಠಮ್ ॥ 34 ॥

ಯೋ ದೀದಾಯ ಸಮಿದ್ಧ-ಸ್ಸ್ವೇ ದುರೋಣೇ । ಚಿತ್ರಭಾನೂ ರೋದಸೀ ಅನ್ತರುರ್ವೀ ।
ಸ್ವಾಹುತಂ-ವಿಁಶ್ವತಃ ಪ್ರತ್ಯಞ್ಚಮ್ ॥ ಮೇಧಾಕಾರಂ-ವಿಁದಥಸ್ಯ ಪ್ರಸಾಧನಮ್ ।
ಅಗ್ನಿಗ್ಂ ಹೋತಾರ-ಮ್ಪರಿಭೂತಮ-ಮ್ಮತಿಮ್ । ತ್ವಾಮರ್ಭಸ್ಯ ಹವಿಷಃ ಸಮಾನಮಿತ್ ।
ತ್ವಾ-ಮ್ಮಹೋ ವೃಣತೇ ನರೋ ನಾನ್ಯನ್-ತ್ವತ್ ॥ ಮನುಷ್ವತ್ತ್ವಾ ನಿಧೀಮಹಿ ।
ಮನುಷ್ವ-ಥ್ಸಮಿಧೀಮಹಿ ।
ಅಗ್ನೇ ಮನುಷ್ವ-ದಙ್ಗಿರಃ ॥ 35 ॥

ದೇವಾ-ನ್ದೇವಾಯತೇ ಯಜ ॥ ಅಗ್ನಿರ್-ಹಿ ವಾಜಿನಂ-ವಿಁಶೇ । ದದಾತಿ ವಿಶ್ವಚರ್ಷಣಿಃ ।
ಅಗ್ನೀ ರಾಯೇ ಸ್ವಾಭುವಮ್ । ಸ ಪ್ರೀತೋ ಯಾತಿ ವಾರ್ಯಮ್ । ಇಷಗ್ಗ್ ಸ್ತೋತೃಭ್ಯ ಆಭರ ॥
ಪೃಷ್ಟೋ ದಿವಿ ಪೃಷ್ಟೋ ಅಗ್ನಿಃ ಪೃಥಿವ್ಯಾಮ್ । ಪೃಷ್ಟೋ ವಿಶ್ವಾ ಓಷಧೀ-ರಾವಿವೇಶ ।
ವೈಶ್ವಾನರ-ಸ್ಸಹಸಾ ಪೃಷ್ಟೋ ಅಗ್ನಿಃ ।
ಸ ನೋ ದಿವಾ ಸ ರಿಷಃ ಪಾತು ನಕ್ತಮ್ ॥ 36 ॥

[ಅಸೀಷದನ್. - ಯವಿಷ್ಠ - ಮಙ್ಗಿರೋ - ನಕ್ತಂ ] (ಅ. 6)
ಅನುವಾಕಂ 7 - ನಾಚಿಕೇತಬ್ರಾಹ್ಮಣ-ನ್ತತ್ರ ಆಗ್ನಿದೇವತೋಪಾಸನಮ್
ಅಯಂ-ವಾಁವ ಯಃ ಪವತೇ । ಸೋ-ಽಗ್ನಿ ನಾರ್ಚಿಕೇತಃ ।
ಸ ಯ-ತ್ಪ್ರಾ-ಮ್ಪವತೇ । ತದಸ್ಯ ಶಿರಃ । ಅಥ ಯ-ದ್ದಕ್ಷಿಣಾ । ಸ ದಕ್ಷಿಣಃ ಪಕ್ಷಃ ।
ಅಥ ಯ-ತ್ಪ್ರತ್ಯಕ್ । ತ-ತ್ಪುಚ್ಛಮ್ । ಯ ದುದಙ್ಙ್ ।
ಸ ಉತ್ತರಃ ಪಕ್ಷಃ ॥ 37 ॥

ಅಥ ಯ-ಥ್ಸಂವಾಁತಿ । ತದಸ್ಯ ಸಮಞ್ಚನ-ಞ್ಚ ಪ್ರಸಾರಣ-ಞ್ಚ । ಅಥೋ ಸಪನ್ದೇವಾಸ್ಯ ಸಾ ॥ ಸಗ್ಂ ಹ ವಾ ಅಸ್ಮೈ ಸ ಕಾಮಃ ಪದ್ಯತೇ ।
ಯ-ತ್ಕಾಮೋ ಯಜತೇ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ।
ಯ ಉ ಚೈನ-ಮೇವಂ-ವೇಁದ ॥ ಯೋ ಹ ವಾ ಅಗ್ನೇ ರ್ನಾಚಿಕೇತಸ್ಯಾಯತನ-ಮ್ಪ್ರತಿಷ್ಠಾಂ-ವೇಁದ । ಆಯತನವಾ-ನ್ಭವತಿ । ಗಚ್ಛತಿ ಪ್ರತಿಷ್ಠಾಮ್ ॥ 38 ॥

ಹಿರಣ್ಯಂ-ವಾಁ ಅಗ್ನೇ ರ್ನಾಚಿಕೇತಸ್ಯಾಯತನ-ಮ್ಪ್ರತಿಷ್ಠಾ । ಯ ಏವಂ-ವೇಁದ ।
ಆಯತನವಾ-ನ್ಭವತಿ । ಗಚ್ಛತಿ ಪ್ರತಿಷ್ಠಾಮ್ ॥
ಯೋ ಹ ವಾ ಅಗ್ನೇ ರ್ನಾಚಿಕೇತಸ್ಯ ಶರೀರಂ-ವೇಁದ ।
ಸ ಶರೀರ ಏವ ಸ್ವರ್ಗಂ-ಲೋಁಕಮೇತಿ ।
ಹಿರಣ್ಯಂ-ವಾಁ ಅಗ್ನೇ ರ್ನಾಚಿಕೇತಸ್ಯ ಶರೀರಮ್ ।
ಯ ಏವಂ-ವೇಁದ । ಸ ಶರೀರ ಏವ ಸ್ವರ್ಗಂ-ಲೋಁಕಮೇತಿ ॥ ಅಥೋ ಯಥಾ ರುಕ್ಮ ಉತ್-ತಪ್ತೋ
ಭಾಯ್ಯಾತ್ ॥ 39 ॥

ಏವಮೇವ ಸ ತೇಜಸಾ ಯಶಸಾ ।
ಅಸ್ಮಿಗ್ಗ್ಶ್ಚ ಲೋಕೇ-ಽಮುಷ್ಮಿಗ್ಗ್ಶ್ಚ ಭಾತಿ ॥
ಉರವೋ ಹ ವೈ ನಾಮೈತೇ ಲೋಕಾಃ ।
ಯೇ-ಽವರೇಣಾದಿತ್ಯಮ್ । ಅಥ ಹೈತೇ ವರೀಯಾಗ್ಂಸೋ ಲೋಕಾಃ । ಯೇ ಪರೇಣಾದಿತ್ಯಮ್ । ಅನ್ತವನ್ತಗ್ಂ ಹ ವಾ ಏಷ ಕ್ಷಯ್ಯಂ-ಲೋಁಕ-ಞ್ಜಯತಿ ।
ಯೋ-ಽವರೇಣಾದಿತ್ಯಮ್ ।
ಅಥ ಹೈಷೋ-ಽನನ್ತ-ಮಪಾರ-ಮಕ್ಷಯ್ಯಂ-ಲೋಁಕ-ಞ್ಜಯತಿ । ಯಃ ಪರೇಣಾದಿತ್ಯಮ್ ॥ 40 ॥

ಅನನ್ತಗ್ಂ ಹ ವಾ ಅಪಾರ-ಮಕ್ಷಯ್ಯಂ-ಲೋಁಕ-ಞ್ಜಯತಿ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ।
ಯ ಉ ಚೈನ-ಮೇವಂ-ವೇಁದ ॥
ಅಥೋ ಯಥಾ ರಥೇ ತಿಷ್ಠ-ನ್ಪಕ್ಷಸೀ ಪರ್ಯಾ-ವರ್ತಮಾನೇ ಪ್ರತ್ಯಪೇಕ್ಷತೇ ।
ಏವ-ಮಹೋರಾತ್ರೇ ಪ್ರತ್ಯಪೇಕ್ಷತೇ ।
ನಾಸ್ಯಾ-ಹೋರಾತ್ರೇ ಲೋಕಮಾಪ್ನುತಃ ।
ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ।
ಯ ಉ ಚೈನ-ಮೇವಂ-ವೇಁದ ॥ 41 ॥

(ಉತ್ತರಃ ಪಕ್ಷೋ - ಗಚ್ಛತಿ ಪ್ರತಿಷ್ಠಾಂ - ಭಾಯ್ಯಾ--ದ್ಯಃ ಪರೇಣಾದಿತ್ಯ - +ಮಷ್ಟೌ ಚ) (ಅ. 7)
ಅನುವಾಕಂ 8 - ನಾಚಿಕೇತೋಪಾಖ್ಯಾನಮ್
ಉಶನ್. ಹ ವೈ ವಾಜಶ್ರವಸ-ಸ್ಸರ್ವವೇದಸ-ನ್ದದೌ । ತಸ್ಯ ಹ ನಚಿಕೇತಾ ನಾಮ ಪುತ್ರ ಆಸ । ತಗ್ಂ ಹ ಕುಮಾರಗ್ಂ ಸನ್ತಮ್ । ದಕ್ಷಿಣಾಸು ನೀಯಮಾನಾಸು ಶ್ರದ್ಧಾ ಽಽವಿವೇಶ । ಸ ಹೋವಾಚ ।
ತತ ಕಸ್ಮೈ ಮಾ-ನ್ದಾಸ್ಯಸೀತಿ । ದ್ವಿತೀಯ-ನ್ತೃತೀಯಮ್ ॥ ತಗ್ಂ ಹ ಪರೀತ ಉವಾಚ।
ಮೃತ್ಯವೇ ತ್ವಾ ದದಾಮೀತಿ ॥ ತಗ್ಂ ಹ ಸ್ಮೋತ್ಥಿತಂ-ವಾಁಗಭಿವದತಿ ॥ 42 ॥

ಗೌತಮ ಕುಮಾರಮಿತಿ । ಸ ಹೋವಾಚ । ಪರೇಹಿ ಮೃತ್ಯೋ ರ್ಗೃಹಾನ್ । ಮೃತ್ಯವೇ ವೈ ತ್ವಾ-ಽದಾ-ಮಿತಿ ॥ ತಂ-ವೈಁ ಪ್ರವಸನ್ತ-ಙ್ಗನ್ತಾಸೀತಿ ಹೋವಾಚ । ತಸ್ಯ ಸ್ಮ ತಿಸ್ರೋ ರಾತ್ರೀ-ರನಾಶ್ವಾ-ನ್ಗೃಹೇ ವಸತಾತ್ । ಸ ಯದಿ ತ್ವಾ ಪೃಚ್ಛೇತ್ । ಕುಮಾರ ಕತಿ ರಾತ್ರೀ-ರವಾಥ್ಸೀ-ರಿತಿ । ತಿಸ್ರ ಇತಿ ಪ್ರತಿ ಬ್ರೂತಾತ್ । ಕಿ-ಮ್ಪ್ರಥಮಾಗ್ಂ ರಾತ್ರಿ-ಮಾಶ್ಞಾ ಇತಿ ॥ 43 ॥

ಪ್ರಜಾ-ನ್ತ ಇತಿ । ಕಿ-ನ್ದ್ವಿತೀಯಾ-ಮಿತಿ । ಪಶೂಗ್ಸ್ತ ಇತಿ ।
ಕಿ-ನ್ತೃತೀಯಾ-ಮಿತಿ । ಸಾಧುಕೃತ್ಯಾ-ನ್ತ ಇತಿ ॥ ತಂ-ವೈಁ ಪ್ರವಸನ್ತ-ಞ್ಜಗಾಮ । ತಸ್ಯ ಹ ತಿಸ್ರೋ ರಾತ್ರೀ-ರನಾಶ್ವಾ-ನ್ಗೃಹ ಉವಾಸ । ತಮಾಗತ್ಯ ಪಪ್ರಚ್ಛ ।
ಕುಮಾರ ಕತಿ ರಾತ್ರೀ-ರವಾಥ್ಸೀ-ರಿತಿ । ತಿಸ್ರ ಇತಿ ಪ್ರತ್ಯುವಾಚ ॥ 44 ॥

ಕಿ-ಮ್ಪ್ರಥಮಾಗ್ಂ ರಾತ್ರಿ-ಮಾಶ್ಞಾ ಇತಿ । ಪ್ರಜಾ-ನ್ತ ಇತಿ । ಕಿ-ನ್ದ್ವಿತೀಯಾ-ಮಿತಿ । ಪಶೂಗ್ಸ್ತ ಇತಿ । ಕಿ-ನ್ತೃತೀಯಾ-ಮಿತಿ । ಸಾಧುಕೃತ್ಯಾ-ನ್ತ ಇತಿ ॥ ನಮಸ್ತೇ ಅಸ್ತು ಭಗವ ಇತಿ ಹೋವಾಚ । ವರಂ-ವೃಁಣೀಷ್ವೇತಿ ॥ ಪಿತರಮೇವ ಜೀವನ್ನಯಾನೀತಿ ॥
ದ್ವಿತೀಯಂ-ವೃಁಣೀಷ್ವೇತಿ ॥ 45 ॥

ಇಷ್ಟಾಪೂರ್ತಯೋ ರ್ಮೇ ಽಕ್ಷಿತಿ-ಮ್ಬ್ರೂಹೀತಿ ಹೋವಾಚ ।
ತಸ್ಮೈ ಹೈತಮಗ್ನಿ-ನ್ನಾಚಿಕೇತ-ಮುವಾಚ ।
ತತೋ ವೈ ತಸ್ಯೇ-ಷ್ಟಾಪೂರ್ತೇ ನಾ ಕ್ಷೀಯೇತೇ ॥
ನಾಸ್ಯೇಷ್ಟಾ-ಪೂರ್ತೇ ಕ್ಷೀಯೇತೇ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ । ಯ ಉ ಚೈನ-ಮೇವಂ-ವೇಁದ ॥ ತೃತೀಯಂ-ವೃಁಣೀಷ್ವೇತಿ । ಪುನ ಮೃರ್ತ್ಯೋ ರ್ಮೇ ಽಪಜಿತಿ-ಮ್ಬ್ರೂಹೀತಿ ಹೋವಾಚ । ತಸ್ಮೈ ಹೈತಮಗ್ನಿ-ನ್ನಾಚಿಕೇತ-ಮುವಾಚ । ತತೋ ವೈ ಸೋ-ಽಪ ಪುನ ರ್ಮೃತ್ಯು-ಮಜಯತ್ ॥ 46 ॥

ಅಪ ಪುನ ರ್ಮೃತ್ಯು-ಞ್ಜಯತಿ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ॥ ಯ ಉ ಚೈನ-ಮೇವಂ-ವೇಁದ ॥ ಪ್ರಜಾಪತಿ ರ್ವೈ ಪ್ರಜಾಕಾಮ-ಸ್ತಪೋ-ಽತಪ್ಯತ ।
ಸ ಹಿರಣ್ಯ-ಮುದಾಸ್ಯತ್ । ತ-ದಗ್ನೌ ಪ್ರಾಸ್ಯತ್ ।
ತ-ದಸ್ಮೈ ನಾಚ್ಛದಯತ್ । ತ-ದ್ದ್ವಿತೀಯ-ಮ್ಪ್ರಾಸ್ಯತ್ । ತ-ದಸ್ಮೈ ನೈ ವಾಚ್ಛದಯತ್ । ತ-ತ್ತೃತೀಯ-ಮ್ಪ್ರಾಸ್ಯತ್ ॥ 47 ॥

ತ-ದಸ್ಮೈ ನೈ ವಾಚ್ಛದಯತ್ । ತ-ದಾತ್ಮ-ನ್ನೇವ ಹೃದಯ್ಯೇ-ಽಗ್ನೌ ವೈಶ್ವಾನರೇ ಪ್ರಾಸ್ಯತ್ ।
ತ-ದಸ್ಮಾ ಅಚ್ಛದಯತ್ । ತಸ್ಮಾದ್ಧಿರಣ್ಯ-ಙ್ಕನಿಷ್ಠ-ನ್ಧನಾನಾಮ್ । ಭುಞ್ಜ-ತ್ಪ್ರಿಯತಮಮ್ । ಹೃದಯಜಗ್ಂ ಹಿ । ಸ ವೈ ತಮೇವ ನಾವಿನ್ದತ್ ।
ಯಸ್ಮೈ ತಾ-ನ್ದಕ್ಷಿಣಾ-ಮನೇಷ್ಯತ್ ।
ತಾಗ್ ಸ್ವಾಯೈವ ಹಸ್ತಾಯ ದಕ್ಷಿಣಾಯಾನಯತ್ ।
ತಾ-ಮ್ಪ್ರತ್ಯಗೃಹ್ಣಾತ್ ॥ 48 ॥

ದಕ್ಷಾಯ ತ್ವಾ ದಕ್ಷಿಣಾ-ಮ್ಪ್ರತಿಗೃಹ್ಣಾಮೀತಿ ।
ಸೋ ಽದಕ್ಷತ ದಕ್ಷಿಣಾ-ಮ್ಪ್ರತಿಗೃಹ್ಯ ।
ದಕ್ಷತೇ ಹ ವೈ ದಕ್ಷಿಣಾ-ಮ್ಪ್ರತಿಗೃಹ್ಯ ।
ಯ ಏವಂ-ವೇಁದ ॥ ಏತದ್ಧ ಸ್ಮ ವೈ ತ-ದ್ವಿದ್ವಾಗ್ಂಸೋ ವಾಜಶ್ರವಸಾ ಗೋತಮಾಃ ।
ಅಪ್ಯನೂದೇಶ್ಯಾ-ನ್ದಕ್ಷಿಣಾ-ಮ್ಪ್ರತಿಗೃಹ್ಣನ್ತಿ ।
ಉಭಯೇನ ವಯ-ನ್ದಕ್ಷಿಷ್ಯಾಮಹ ಏವ ದಕ್ಷಿಣಾ-ಮ್ಪ್ರತಿಗೃಹ್ಯೇತಿ ।
ತೇ ಽದಕ್ಷನ್ತ ದಕ್ಷಿಣಾ-ಮ್ಪ್ರತಿಗೃಹ್ಯ ।
ದಕ್ಷತೇ ಹ ವೈ ದಕ್ಷಿಣಾ-ಮ್ಪ್ರತಿಗೃಹ್ಯ ।
ಯ ಏವಂ-ವೇಁದ ।
ಪ್ರ ಹಾನ್ಯಂ-ವ್ಲೀಁನಾತಿ ॥ 49 ॥

(ವದ - ತ್ಯಾಶ್ನಾ ಇತ್ - ಯುವಾಚ - ದ್ವಿತೀಯಂ-ವೃಁಣೀಷ್ವೇ - ತ್ಯಜಯತ್ - ತೃತೀಯ-ಮ್ಪ್ರಾಸ್ಯ - ದಗೃಹ್ಣಾ--ದ್ಯ ಏವಂ-ವೇಁದೈಕ-ಞ್ಚ) (ಅ. 8)
ಅನುವಾಕಂ 9 - ಚಯನಪ್ರಯೋಗಃ
ತಗ್ಂ ಹೈತ-ಮೇಕೇ ಪಶುಬನ್ಧ ಏವೋತ್ತರವೇದ್ಯಾ-ಞ್ಚಿನ್ವತೇ । ಉತ್ತರವೇದಿಸಮ್ಮಿತ ಏಷೋ-ಽಗ್ನಿರಿತಿ ವದನ್ತಃ । ತನ್ನ ತಥಾ ಕುರ್ಯಾತ್ । ಏತ-ಮಗ್ನಿ-ಙ್ಕಾಮೇನ ವ್ಯರ್ಧಯೇತ್ । ಸ ಏನ-ಙ್ಕಾಮೇನ ವ್ಯೃದ್ಧಃ । ಕಾಮೇನ ವ್ಯರ್ಧಯೇತ್ ।
ಸೌಮ್ಯೇ ವಾವೈ ನಮಧ್ವರೇ ಚಿನ್ವೀತ ।
ಯತ್ರ ವಾ ಭೂಯಿಷ್ಠಾ ಆಹುತಯೋ ಹೂಯೇರನ್ನ್ ।
ಏತ-ಮಗ್ನಿ-ಙ್ಕಾಮೇನ ಸಮರ್ಧಯತಿ । ಸ ಏನ-ಙ್ಕಾಮೇನ ಸಮೃದ್ಧಃ ॥ 50 ॥

ಕಾಮೇನ ಸಮರ್ಧಯತಿ ॥ ಅಥ ಹೈನ-ಮ್ಪುರರ್ಷಯಃ । ಉತ್ತರವೇದ್ಯಾ-ಮೇವ ಸತ್ರಿಯ-ಮಚಿನ್ವತ । ತತೋ ವೈ ತೇ-ಽವಿನ್ದನ್ತ ಪ್ರಜಾಮ್ ।
ಅಭಿ ಸ್ವರ್ಗಂ-ಲೋಁಕ-ಮಜಯನ್ನ್ ।
ವಿನ್ದತ ಏವ ಪಜಾಮ್ । ಅಭಿ ಸ್ವರ್ಗಂ-ಲೋಁಕ-ಞ್ಜಯತಿ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ।
ಯ ಉ ಚೈನ-ಮೇವಂ-ವೇಁದ ॥ ಅಥ ಹೈನಂ-ವಾಁಯುರ್-ಋದ್ಧಿಕಾಮಃ ॥ 51 ॥

ಯಥಾನ್ಯುಪ್ತ-ಮೇವೋಪದಧೇ ।
ತತೋ ವೈ ಸ ಏತಾ-ಮೃದ್ಧಿ-ಮಾದ್ರ್ಧ್ನೋತ್ ।
ಯಾಮಿದಂ-ವಾಁಯುರ್-ಋದ್ಧಃ ।
ಏತಾ-ಮೃದ್ಧಿ-ಮೃದ್ಧ್ನೋತಿ ।
ಯಾಮಿದಂ-ವಾಁಯುರ್-ಋದ್ಧಃ ।
ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ।
ಯ ಉ ಚೈನ-ಮೇವಂ-ವೇಁದ ॥ ಅಥ ಹೈನ-ಙ್ಗೋಬಲೋ ವಾರ್ಷ್ಣಃ ಪಶುಕಾಮಃ । ಪಾಙ್ಕ್ತಮೇವ ಚಿಕ್ಯೇ । ಪಞ್ಚ ಪುರಸ್ತಾತ್ ॥ 52 ॥

ಪಞ್ಚ ದಕ್ಷಿಣತಃ । ಪಞ್ಚ ಪಶ್ಚಾತ್ । ಪಞ್ಚೋತ್ತರತಃ । ಏಕಾ-ಮ್ಮದ್ಧ್ಯೇ ।
ತತೋ ವೈ ಸ ಸಹಸ್ರ-ಮ್ಪಶೂ-ನ್ಪ್ರಾಪ್ನೋತ್ ।
ಪ್ರ ಸಹಸ್ರ-ಮ್ಪಶೂ-ನಾಪ್ನೋತಿ ।
ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ । ಯ ಉ ಚೈನ-ಮೇವಂ-ವೇಁದ ॥ ಅಥ ಹೈನ-ಮ್ಪ್ರಜಾಪತಿ ರ್ಜ್ಯೈಷ್ಠ್ಯಕಾಮೋ ಯಶಸ್ಕಾಮಃ ಪ್ರಜನನಕಾಮಃ ।
ತ್ರಿವೃತಮೇವ ಚಿಕ್ಯೇ ॥ 53 ॥

ಸಪ್ತ ಪುರಸ್ತಾತ್ । ತಿಸ್ರೋ ದಕ್ಷಿಣತಃ । ಸಪ್ತ ಪಶ್ಚಾತ್ । ತಿಸ್ರ ಉತ್ತರತಃ । ಏಕಾ-ಮ್ಮದ್ಧ್ಯೇ । ತತೋ ವೈ ಸ ಪ್ರ ಯಶೋ ಜ್ಯೈಷ್ಠ್ಯ-ಮಾಪ್ನೋತ್ ।
ಏತಾ-ಮ್ಪ್ರಜಾತಿ-ಮ್ಪ್ರಾಜಾಯತ । ಯಾಮಿದ-ಮ್ಪ್ರಜಾಃ ಪ್ರಜಾಯನ್ತೇ । ತ್ರಿವೃ-ದ್ವೈ ಜ್ಯೈಷ್ಠ್ಯಮ್ । ಮಾತಾ ಪಿತಾ ಪುತ್ರಃ ॥ 54 ॥

ತ್ರಿವೃ-ತ್ಪ್ರಜನನಮ್ । ಉಪಸ್ಥೋ ಯೋನಿ ರ್ಮದ್ಧ್ಯಮಾ । ಪ್ರಯಶೋ ಜ್ಯೈಷ್ಠ್ಯ-ಮಾಪ್ನೋತಿ । ಏತಾ-ಮ್ಪ್ರಜಾತಿ-ಮ್ಪ್ರಜಾಯತೇ । ಯಾಮಿದ-ಮ್ಪ್ರಜಾಃ ಪ್ರಜಾಯನ್ತೇ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ । ಯ ಉ ಚೈನಮೇವಂ-ವೇಁದ ॥ ಅಥ ಹೈನ-ಮಿನ್ದ್ರೋ ಜ್ಯೈಷ್ಠ್ಯಕಾಮಃ ।
ಊದ್ರ್ಧ್ವಾ ಏವೋಪದಧೇ । ತತೋ ವೈ ಸ ಜ್ಯೈಷ್ಠ್ಯ-ಮಗಚ್ಛತ್ ॥ 55 ॥

ಜ್ಯೈಷ್ಠ್ಯ-ಙ್ಗಚ್ಛತಿ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ । ಯ ಉ ಚೈನ-ಮೇವಂ-ವೇಁದ ॥ ಅಥ ಹೈನ-ಮಸಾವಾದಿತ್ಯ-ಸ್ಸ್ವರ್ಗಕಾಮಃ ।
ಪ್ರಾಚೀರೇವೋಪದಧೇ । ತತೋ ವೈ ಸೋ-ಽಭಿ ಸ್ವರ್ಗಂ-ಲೋಁಕ-ಮಜಯತ್ । ಅಭಿ ಸ್ವರ್ಗಂ-ಲೋಁಕ-ಞ್ಜಯತಿ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ।
ಯ ಉ ಚೈನ-ಮೇವಂ-ವೇಁದ ॥ ಸ ಯದೀಚ್ಛೇತ್ ॥ 56 ॥

ತೇಜಸ್ವೀ ಯಶಸ್ವೀ ಬ್ರಹ್ಮವರ್ಚಸೀ ಸ್ಯಾಮಿತಿ । ಪ್ರಾಂಆ ಹೋತುರ್ಧಿಷ್ಣ್ಯಾ-ದುಥ್ಸರ್ಪೇತ್ ।
ಯೇಯ-ಮ್ಪ್ರಾಗಾ-ದ್ಯಶಸ್ವತೀ । ಸಾ ಮಾ ಪ್ರೋರ್ಣೋತು ।
ತೇಜಸಾ ಯಶಸಾ ಬ್ರಹ್ಮವರ್ಚಸೇನೇತಿ ।
ತೇಜಸ್ವ್ಯೇವ ಯಶಸ್ವೀ ಬ್ರಹ್ಮವರ್ಚಸೀ ಭವತಿ ॥ ಅಥ ಯದೀಚ್ಛೇತ್ । ಭೂಯಿಷ್ಠ-ಮ್ಮೇ ಶ್ರದ್ದಧೀರನ್ನ್ । ಭೂಯಿಷ್ಠಾ ದಕ್ಷಿಣಾ ನಯೇಯುರಿತಿ ।
ದಕ್ಷಿಣಾಸು ನೀಯಮಾನಾಸು ಪ್ರಾಚ್ಯೇಹಿ ಪ್ರಾಚ್ಯೇಹೀತಿ ಪ್ರಾಚೀ ಜುಷಾಣಾ ವೇತ್ವಾಜ್ಯಸ್ಯ ಸ್ವಾಹೇತಿ ಸ್ರುವೇಣೋ-ಪಹತ್ಯಾ ಹವನೀಯೇ ಜುಹುಯಾತ್ ॥ 57 ॥

ಭೂಯಿಷ್ಠ-ಮೇವಾಸ್ಮೈ ಶ್ರದ್ದಧತೇ । ಭೂಯಿಷ್ಠಾ ದಕ್ಷಿಣಾ ನಯನ್ತಿ ॥ ಪುರೀಷ-ಮುಪಧಾಯ । ಚಿತಿ-ಕ್ಲೃಪ್ತಿಭಿ-ರಭಿಮೃಶ್ಯ । ಅಗ್ನಿ-ಮ್ಪ್ರಣೀಯೋಪಸಮಾಧಾಯ । ಚತಸ್ರ ಏತಾ ಆಹುತೀ ರ್ಜುಹೋತಿ । ತ್ವಮಗ್ನೇ ರುದ್ರ ಇತಿ ಶತರುದ್ರೀಯಸ್ಯ ರೂಪಮ್ ।
ಅಗ್ನಾ-ವಿಷ್ಣೂ ಇತಿ ವಸೋದ್ರ್ಧಾರಾಯಾಃ । ಅನ್ನಪತ ಇತ್ಯನ್ನ ಹೋಮಃ । ಸಪ್ತ ತೇ ಅಗ್ನೇ ಸಮಿಧಃ ಸಪ್ತ ಜಿಹ್ವಾ ಇತಿ ವಿಶ್ವಪ್ರೀಃ ॥ 58 ॥

[ಸಮೃದ್ಧ - ಋದ್ಧಿಕಾಮಃ - ಪರಸ್ತಾಚ್ - ಚಿಕ್ಯೇ - ಪುತ್ರೋ - ಽಗಚ್ಛ - ದಿಚ್ಛೇ - ಜ್ಜುಹುಯಾ-ದ್- ವಿಶ್ವಪ್ರಿಃ ] (ಅ. 9)
(ಪುರರ್ಷಯೋ ವಾಯು-ರ್ಗೋಬಲ-ಸ್ಸಹಸ್ರ-ಮ್ಪ್ರಜಾಪತಿ ಸ್ತ್ರಿವೃದಿನ್ದ್ರೋ ಽಸಾವಾದಿತ್ಯ-ಸ್ಸ ಯದೀಚ್ಛೇತ್ )
ಅನುವಾಕಂ 10 - ತತ್ಪ್ರಶಂಸಾ
ಯಾ-ಮ್ಪ್ರಥಮಾ-ಮಿಷ್ಟಕಾ-ಮುಪದಧಾತಿ । ಇಮ-ನ್ತಯಾ ಲೋಕ-ಮಭಿ ಜಯತಿ ।
ಅಥೋ ಯಾ ಅಸ್ಮಿನ್ ಁಲೋಕೇ ದೇವತಾಃ ।
ತಾಸಾಗ್ಂ ಸಾಯುಜ್ಯಗ್ಂ ಸಲೋಕತಾ-ಮಾಪ್ನೋತಿ । ಯಾ-ನ್ದ್ವಿತೀಯಾ-ಮುಪದಧಾತಿ ।
ಅನ್ತರಿಕ್ಷಲೋಕ-ನ್ತಯಾ-ಽಭಿ ಜಯತಿ । ಅಥೋ ಯಾ ಅನ್ತರಿಕ್ಷ ಲೋಕೇ ದೇವತಾಃ ।
ತಾಸಾಗ್ಂ ಸಾಯುಜ್ಯಗ್ಂ ಸಲೋಕತಾ-ಮಾಪ್ನೋತಿ ।
ಯಾ-ನ್ತೃತೀಯಾ-ಮುಪದಧಾತಿ ।
ಅಮು-ನ್ತಯಾ ಲೋಕ-ಮಭಿಜಯತಿ ॥ 59 ॥

ಅಥೋ ಯಾ ಅಮುಷ್ಮಿನ್ ಁಲೋಕೇ ದೇವತಾಃ ।
ತಾಸಾಗ್ಂ ಸಾಯುಜ್ಯಗ್ಂ ಸಲೋಕತಾ-ಮಾಪ್ನೋತಿ ।
ಅಥೋ ಯಾ ಅಮೂರಿತರಾ ಅಷ್ಟಾದಶ ।
ಯ ಏವಾಮೀ ಉರವಶ್ಚ ವರೀಯಾಗ್ಂಸಶ್ಚ ಲೋಕಾಃ ।
ತಾನೇವ ತಾಭಿ-ರಭಿಜಯತಿ ॥ ಕಾಮಚಾರೋ ಹ ವಾ ಅಸ್ಯೋರುಷು ಚ ವರೀಯಸ್ಸು ಚ ಲೋಕೇಷು ಭವತಿ ।
ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ । ಯ ಉ ಚೈನ-ಮೇವಂ-ವೇಁದ ॥ ಸಂವಁಥ್ಸರೋ ವಾ ಅಗ್ನಿ ನಾರ್ಚಿಕೇತಃ । ತಸ್ಯ ವಸನ್ತ-ಶ್ಶಿರಃ ॥ 60 ॥

ಗ್ರೀಷ್ಮೋ ದಕ್ಷಿಣಃ ಪಕ್ಷಃ । ವರ್ಷಾ ಉತ್ತರಃ । ಶರ-ತ್ಪುಚ್ಛಮ್ । ಮಾಸಾಃ ಕರ್ಮಕಾರಾಃ । ಅಹೋರಾತ್ರೇ ಶತರುದ್ರೀಯಮ್ । ಪರ್ಜನ್ಯೋ ವಸೋದ್ರ್ಧಾರಾ ।
ಯಥಾ ವೈ ಪರ್ಜನ್ಯ-ಸ್ಸುವೃಷ್ಟಂ-ವೃಁಷ್ಟ್ವಾ ।
ಪ್ರಜಾಭ್ಯ-ಸ್ಸರ್ವಾನ್ ಕಾಮಾನ್-ಥ್ಸಮ್ಪೂರಯತಿ ।
ಏವ-ಮೇವ ಸ ತಸ್ಯ ಸರ್ವಾನ್ ಕಾಮಾನ್-ಥ್ಸಮ್ಪೂರಯತಿ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ ॥ 61 ॥

ಯ ಉ ಚೈನ-ಮೇವಂ-ವೇಁದ ॥ ಸಂವಁಥ್ಸರೋ ವಾ ಅಗ್ನಿ ರ್ನಾಚಿಕೇತಃ । ತಸ್ಯ ವಸನ್ತ-ಶ್ಶಿರಃ । ಗ್ರೀಷ್ಮೋ ದಕ್ಷಿಣಃ ಪಕ್ಷಃ ।
ವರ್ಷಾಃ ಪುಚ್ಛಮ್ । ಶರದುತ್ತರಃ ಪಕ್ಷಃ । ಹೇಮನ್ತೋ ಮದ್ಧ್ಯಮ್ ।
ಪೂರ್ವಪಕ್ಷಾಶ್ಚಿತಯಃ । ಅಪರಪಕ್ಷಾಃ ಪುರೀಷಮ್ । ಅಹೋರಾತ್ರಾಣೀಷ್ಟಕಾಃ ।
ಏಷ ವಾವ ಸೋ-ಽಗ್ನಿ-ರಗ್ನಿಮಯಃ ಪುನರ್ಣವಃ ।
ಅಗ್ನಿಮಯೋ ಹ ವೈ ಪುನರ್ಣವೋ ಭೂತ್ವಾ । ಸ್ವರ್ಗಂ-ಲೋಁಕ-ಮೇತಿ । ಆದಿತ್ಯಸ್ಯ ಸಾಯುಜ್ಯಮ್ । ಯೋ-ಽಗ್ನಿ-ನ್ನಾಚಿಕೇತ-ಞ್ಚಿನುತೇ । ಯ ಉ ಚೈನ-ಮೇವಂ-ವೇಁದ ॥ 62 ॥
ಅಮು-ನ್ತಯಾ ಲೋಕಮಭಿಜಯತಿ - ಶಿರ - ಶ್ಚಿನುತ - ಇಷ್ಟಕಾ-ಷ್ಷಟ್ಚ) (ಅ. 10)
(ಲೋಕ - ಸ್ತ್ವಮಗ್ನೇ - ಽಗ್ನಾವಿಷ್ಣೂ - ಅನ್ನಪತೇ - ಸಪ್ತ ತೇ ಅಗ್ನೇ - ಯತ್ತೇ ಽಚಿತಮ - ಯಂ-ವಾಁ - ವೋಶನ್. ಹ ವೈ - ತಗ್ಂ ಹೈತಂ - ಁಯಾ-ಮ್ಪ್ರಥಮಾಮಿಷ್ಟಕಾ-ನ್ದಶ)
(ಲೋಕ - ಆದಿತ್ಯ - ಓಜೋ - ಽಸ್ಯೂದ್ರ್ಧ್ವಾ ದಿಗ - ನನ್ತಗ್ಂ ಹ ವೈ - ಕಾಮೇನ - ಗ್ರೀಷ್ಮೋ ದ್ವಿಷಷ್ಟಿಃ)
(ಲೋಕೋ - ವೇದ)
॥ ಹರಿಃ ಓಮ್ ॥
॥ ತೈತ್ತರೀಯ ಯಜುಬ್ರಾಹ್ಮಣೇ ಕಾಠಕೇ ದ್ವಿತೀಯಃ ಪ್ರಶ್ನ-ಸ್ಸಮಾಪ್ತಃ ॥
+++++++++++++++++++++++++++++++++