3.5 - পূর্ণা পশ্চাদুত পূর্ণা - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ন্তৃতীযকাণ্ডে পঞ্চমঃ প্রশ্নঃ - ইষ্টিশেষাভিধানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
পূর্ণা পশ্চাদুত পূর্ণা পুরস্তাদু-ন্মদ্ধ্যতঃ পৌর্ণমাসী জিগায । তস্যা-ন্দেবা অধি সংবঁসন্ত উত্তমে নাক ইহ মাদযন্তাম্ ॥ যত্তে দেবা অদধু র্ভাগধেযমমাবাস্যে সংবঁসন্তো মহিত্বা । সানো যজ্ঞ-ম্পিপৃহি বিশ্ববারে রযি-ন্নো ধেহি সুভগে সুবীরম্ ॥নিবেশনী সঙ্গমনী বসূনাং-বিঁশ্বা রূপাণি বসূন্যাবেশযন্তী । সহস্রপোষগ্ং সুভগা ররাণা সা ন আগন্. বর্চসা [আগন্. বর্চসা, সংবিঁদানা ।] 1
সংবিঁদানা ॥ অগ্নীষোমৌ প্রথমৌ বীর্যেণ বসূ-ন্রুদ্রানাদিত্যানিহ জিন্বতম্ । মাদ্ধ্যগ্ং হি পৌর্ণমাস-ঞ্জুষেথা-ম্ব্রহ্মণা বৃদ্ধৌ সুকৃতেন সাতাবথা-ঽস্মভ্যগ্ং সহবীরাগ্ং রযি-ন্নি যচ্ছতম্ ॥ আদিত্যাশ্চা-ঽঙ্গিরসশ্চাগ্নীনা-ঽদধত তে দর্শপূর্ণমাসৌ প্রৈফ্স-ন্তেষামঙ্গিরসা-ন্নিরুপ্তগ্ং হবিরাসীদথা-ঽঽদিত্যা এতৌ হোমাবপশ্য-ন্তাবজুহবুস্ততো বৈ তে দর্শপূর্ণমাসৌ [ ] 2
পূর্ব আ ঽলভন্ত দর্শপূর্ণমাসা-বালভমান এতৌ হোমৌ পুরস্তাজ্জুহুযা-থ্সাক্ষাদেব দর্শপূর্ণমাসাবা লভতে ব্রহ্মবাদিনো বদন্তি স ত্বৈ দর্শপূর্ণমাসাবা লভেত য এনযোরনু-লোমঞ্চ প্রতিলোমঞ্চ বিদ্যাদিত্যমাবাস্যাযা ঊর্ধ্ব-ন্তদনুলোম-ম্পৌর্ণমাস্যৈ প্রতীচীন-ন্ত-ত্প্রতিলোমং-যঁ-ত্পৌর্ণমাসী-ম্পূর্বামালভেত প্রতিলোমমেনাবা লভেতা-মুমপক্ষীযমাণ-মন্বপ- [-মন্বপ, ক্ষীযেত সারস্বতৌ হোমৌ] 3
-ক্ষীযেত সারস্বতৌ হোমৌ পুরস্তাজ্জুহুযাদমাবাস্যা বৈ সরস্বত্যনুলোম-মেবৈনাবা লভতে ঽমুমাপ্যাযমানমন্বা প্যাযত আগ্নাবৈষ্ণব-মেকাদশকপাল-ম্পুরস্তান্নির্বপে-থ্সরস্বত্যৈ চরুগ্ং সরস্বতে দ্বাদশকপালং-যঁদাগ্নেযো ভবত্যগ্নির্বৈ যজ্ঞমুখং-যঁজ্ঞমুখমেবর্ধি-ম্পুরস্তা-দ্ধত্তে য-দ্বৈষ্ণবো ভবতি যজ্ঞো বৈ বিষ্ণুর্যজ্ঞমেবা-ঽঽরভ্য প্রতনুতে সরস্বত্যৈ চরুর্ভবতি সরস্বতে দ্বাদশকপালো-ঽমাবাস্যা বৈ সরস্বতী পূর্ণমাস-স্সরস্বা-ন্তাবেব সাক্ষাদা রভত ঋদ্ধ্নোত্যাভ্যা-ন্দ্বাদশকপাল-স্সরস্বতে ভবতি মিথুনত্বায প্রজাত্যৈ মিথুনৌ গাবৌ দক্ষিণা সমৃদ্ধ্যৈ ॥ 4 ॥

(বর্চসা - বৈ তে দর্শপূর্ণমাসা - বপ - তনুতে সরস্বত্যৈ - পঞ্চবিগ্ংশতিশ্চ) (অ. 1)
ঋষযো বা ইন্দ্র-ম্প্রত্যক্ষ-ন্নাপশ্য-ন্তং-বঁসিষ্ঠঃ প্রত্যক্ষমপশ্য-থ্সো-ঽব্রবী-দ্ব্রাহ্মণ-ন্তে বক্ষ্যামি যথা ত্বত্পুরোহিতাঃ প্রজাঃ প্রজনিষ্যন্তে-ঽথ মেতরেভ্য ঋষিভ্যো মা প্রবোচ ইতি তস্মা এতান্থ্স্তোম-ভাগানব্রবী-ত্ততো বসিষ্ঠপুরোহিতাঃ প্রজাঃ প্রাজাযন্ত তস্মা-দ্বাসিষ্ঠো ব্রহ্মা কার্যঃ প্রৈব জাযতে রশ্মিরসি ক্ষযায ত্বা ক্ষয-ঞ্জিন্বে- [ক্ষয-ঞ্জিন্বেতি, আহ দেবা বৈ] 5
-ত্যাহ দেবা বৈ ক্ষযো দেবেভ্য এব যজ্ঞ-ম্প্রা-ঽঽহ প্রেতিরসি ধর্মায ত্বা ধর্ম-ঞ্জিন্বেত্যাহ মনুষ্যা বৈ ধর্মো মনুষ্যেভ্য এব যজ্ঞ-ম্প্রা-ঽঽহান্বিতিরসি দিবে ত্বা দিব-ঞ্জিন্বেত্যাহৈভ্য এব লোকেভ্যো যজ্ঞ-ম্প্রা-ঽঽহবিষ্টম্ভো-ঽসি বৃষ্ট্যৈ ত্বা বৃষ্টি-ঞ্জিন্বেত্যাহ বৃষ্টিমেবা-ঽব- [বৃষ্টিমেবা-ঽব, রুন্ধে প্রবা-] 6
-রুন্ধে প্রবা-ঽস্যনুবা-ঽসীত্যাহ মিথুনত্বাযোশিগসি বসুভ্যস্ত্বা বসূঞ্জিন্বেত্যাহাষ্টৌ বসব একাদশ রুদ্রা দ্বাদশা-ঽঽদিত্যা এতাবন্তো বৈ দেবাস্তেভ্য এব যজ্ঞ-ম্প্রা-ঽঽহৌজো-ঽসি পিতৃভ্যস্ত্বা পিতৄন্ জিন্বেত্যাহ দেবানেব পিতৄননু সন্তনোতি তন্তুরসি প্রজাভ্যস্ত্বা প্রজা জিন্বে- [প্রজা জিন্ব, ইত্যাহ পিতৄনেব] 7
-ত্যাহ পিতৄনেব প্রজা অনু সন্তনোতি পৃতনাষাডসি পশুভ্যস্ত্বা পশূঞ্জিন্বেত্যাহ প্রজা এব পশূননু সন্তনোতিরেবদস্যো-ষধীভ্য স্ত্বৌষধী-র্জিন্বেত্যাহৌষধীষ্বেব পশূ-ন্প্রতিষ্ঠাপযত্যভিজিদসি যুক্তগ্রাবেন্দ্রায ত্বেন্দ্র-ঞ্জিন্বেত্যাহাভিজিত্যা অধিপতিরসি প্রাণায ত্বা প্রাণ- [প্রাণম্, জিন্বেত্যাহ] 8
-ঞ্জিন্বেত্যাহ প্রজাস্বেব প্রাণা-ন্দধাতি ত্রিবৃদসি প্রবৃদসীত্যাহ মিথুনত্বায সগ্ংরোহো-ঽসি নীরোহো-ঽসীত্যাহ প্রজাত্যৈ বসুকো-ঽসি বেষশ্রিরসি বস্যষ্টিরসীত্যাহ প্রতিষ্ঠিত্যৈ ॥ 9 ॥

(জিন্বেত্য - ব - প্রজা জিন্ব - প্রাণন্ - ত্রিগ্ংশচ্চ) (অ. 2)
অগ্নিনা দেবেন পৃতনা জযামি গাযত্রেণ ছন্দসা ত্রিবৃতা স্তোমেন রথন্তরেণ সাম্না বষট্কারেণ বজ্রেণ পূর্বজা-ন্ভ্রাতৃব্যানধরা-ন্পাদযাম্যবৈনা-ন্বাধে প্রত্যেনান্নুদে-ঽস্মিন্ ক্ষযে-ঽস্মি-ন্ভূমিলোকে যো-ঽস্মা-ন্দ্বেষ্টি যঞ্চ বয-ন্দ্বিষ্মো বিষ্ণোঃ ক্রমেণা-ঽত্যেনান্ ক্রামামীন্দ্রেণ দেবেন পৃতনা জযামি ত্রৈষ্টুভেন ছন্দসা পঞ্চদশেন স্তোমেন বৃহতা সাম্না বষট্কারেণ বজ্রেণ [বজ্রেণ, সহজান্. বিশ্বেভির্দেবেভিঃ পৃতনা] 10
সহজান্. বিশ্বেভির্দেবেভিঃ পৃতনা জযামি জাগতেন ছন্দসা সপ্তদশেন স্তোমেন বামদেব্যেন সাম্না বষট্কারেণ বজ্রেণা পরজানিন্দ্রেণ সযুজো বযগ্ং সাসহ্যাম পৃতন্যতঃ । ঘ্নন্তো বৃত্রাণ্যপ্রতি । যত্তে অগ্নে তেজস্তেনাহ-ন্তেজস্বী ভূযাসং-যঁত্তে অগ্নে বর্চস্তেনাহং-বঁর্চস্বী ভূযাসং-যঁত্তে অগ্নে হরস্তেনাহগ্ং হরস্বী ভূযাসম্ ॥ 11 ॥

(বৃহতা সাম্না বষট্কারেণ বজ্রেণ - ষট্চত্বারিগ্ংশচ্চ) (অ. 3)
যে দেবা যজ্ঞহনো যজ্ঞমুষঃ পৃথিব্যামদ্ধ্যাসতে । অগ্নির্মা তেভ্যো রক্ষতু গচ্ছেম সুকৃতো বযম্ ॥ আ-ঽগন্ম মিত্রাবরুণা বরেণ্যা রাত্রীণা-ম্ভাগো যুবযোর্যো অস্তি । নাক-ঙ্গৃহ্ণানা-স্সুকৃতস্য লোকে তৃতীযে পৃষ্ঠে অধি রোচনে দিবঃ ॥ যে দেবা যজ্ঞহনো যজ্ঞমুষো-ঽন্তরিক্ষে-ঽদ্ধ্যাসতে । বাযুর্মা তেভ্যো রক্ষতু গচ্ছেম সুকৃতো বযম্ ॥ যাস্তে রাত্রী-স্সবিত- [রাত্রী-স্সবিতঃ, দেবযানীরন্তরা] 12
-র্দেবযানীরন্তরা দ্যাবাপৃথিবী বিযন্তি । গৃহৈশ্চ সর্বৈঃ প্রজযা ন্বগ্রে সুবো রুহাণাস্তরতা রজাগ্ংসি ॥ যে দেবা যজ্ঞহনো যজ্ঞমুষো দিব্যদ্ধ্যাসতে । সূর্যো মা তেভ্যো রক্ষতু গচ্ছেম সুকৃতো বযম্ ॥ যেনেন্দ্রায সমভরঃ পযাগ্স্যুত্তমেন হবিষা জাতবেদঃ । তেনা-ঽগ্নে ত্বমুত বর্ধযেমগ্ং সজাতানাগ্ শ্রৈষ্ঠ্য আ ধেহ্যেনম্ ॥ যজ্ঞহনো বৈ দেবা যজ্ঞমুষ- [দেবা যজ্ঞমুষঃ, সন্তি ত এষু] 13
-স্সন্তি ত এষু লোকেষ্বাসত আদদানা বিমথ্নানা যো দদাতি যো যজতে তস্য । যে দেবা যজ্ঞহনঃ পৃথিব্যামদ্ধ্যাসতে যে অন্তরিক্ষে যে দিবীত্যাহেমানেব লোকাগ্স্তীর্ত্বা সগৃহ-স্সপশু-স্সুবর্গং-লোঁকমেত্যপ বৈ সোমেনেজানাদ্দেবতাশ্চ যজ্ঞশ্চ ক্রামন্ত্যাগ্নেয-ম্পঞ্চকপালমুদবসানীয-ন্নির্বপেদগ্নি-স্সর্বা দেবতাঃ [দেবতাঃ, পাঙ্ক্তো যজ্ঞো] 14
পাঙ্ক্তো যজ্ঞো দেবতাশ্চৈব যজ্ঞঞ্চাব রুন্ধেগাযত্রো বা অগ্নির্গাযত্র ছন্দাস্ত-ঞ্ছন্দসা ব্যর্ধযতি য-ত্পঞ্চকপাল-ঙ্করোত্যষ্টাকপালঃ কার্যো-ঽষ্টাক্ষরা গাযত্রী গাযত্রো-ঽগ্নি-র্গাযত্র ছন্দা-স্স্বেনৈবৈন-ঞ্ছন্দসা সমর্ধযতি পঙ্ক্ত্যৌ যাজ্যানুবাক্যে ভবতঃ পাঙ্ক্তো যজ্ঞস্তেনৈব যজ্ঞান্নৈতি ॥ 15 ॥

(সবিত-র্দেবা যজ্ঞমুষঃ - সর্বা দেবতা - স্ত্রিচত্বারিগ্ংশচ্চ) (অ. 4)
সূর্যো মা দেবো দেবেভ্যঃ পাতু বাযুরন্তরিক্ষা-দ্যজমানো-ঽগ্নির্মা পাতু চক্ষুষঃ । সক্ষ শূষ সবিতর্বিশ্বচর্ষণ এতেভিঃ সোম নামভির্বিধেম তে তেভিঃ সোম নামভির্বিধেম তে ॥ অহ-ম্পরস্তাদ-হমবস্তাদহ-ঞ্জ্যোতিষা বি তমো ববার । যদন্তরিক্ষ-ন্তদু মে পিতা-ঽভূদহগ্ং সূর্যমুভযতো দদর্শাহ-ম্ভূযা সমুত্তম-স্সমানানা- [সমুত্তম-স্সমানানাম্, আ সমুদ্রা-] 16
-মা সমুদ্রা-দা-ঽন্তরিক্ষাত্-প্রজাপতিরুদধি-ঞ্চ্যাবযাতীন্দ্রঃ প্রস্নৌতু মরুতো বর্ষযন্তূন্নম্ভয পৃথিবী-ম্ভিন্ধীদ-ন্দিব্য-ন্নভঃ । উদ্নো দিব্যস্য নো দেহীশানো বিসৃজা দৃতিম্ ॥ পশবো বা এতে যদাদিত্য এষ রুদ্রো যদগ্নিরোষধীঃ প্রাস্যাগ্নাবাদিত্য-ঞ্জুহোতি রুদ্রাদেব পশূনন্তর্দধাত্যথো ওষধীষ্বেব পশূ- [পশূন্, প্রতিষ্ঠাপযতি] 17
-ন্প্রতিষ্ঠাপযতি কবির্যজ্ঞস্য বিতনোতি পন্থা-ন্নাকস্য পৃষ্ঠে অধি রোচনে দিবঃ । যেন হব্যং-বঁহসি যাসি দূত ইতঃ প্রচেতা অমুত-স্সনীযান্ ॥ যাস্তে বিশ্বা-স্সমিধ-স্সন্ত্যগ্নেযাঃ পৃথিব্যা-ম্বর্হিষি সূর্যে যাঃ । তাস্তে গচ্ছন্ত্বাহুতি-ঙ্ঘৃতস্য দেবাযতে যজমানায শর্ম ॥ আশাসান-স্সুবীর্যগ্ং রাযস্পোষগ্গ্ স্বশ্বিযম্ । বৃহস্পতিনা রাযা স্বগাকৃতো মহ্যং-যঁজমানায তিষ্ঠ ॥ 18 ॥

(সমানানা-মোষধীষ্বেব পশূন্ - মহ্যং-যঁজমানা - যৈকঞ্চ) (অ. 5)
স-ন্ত্বা নহ্যামি পযসা ঘৃতেন স-ন্ত্বা নহ্যাম্যপ ওষধীভিঃ । স-ন্ত্বা নহ্যামি প্রজযা-ঽহমদ্য সা দীক্ষিতা সনবো বাজমস্মে ॥ প্রৈতু ব্রহ্মণস্পত্নী বেদিং-বঁর্ণেন সীদতু । অথাহমনুকামিনী স্বে লোকে বিশা ইহ ॥ সুপ্রজসস্ত্বা বযগ্ং সুপত্নীরুপ সেদিম । অগ্নে সপত্নদম্ভনমদব্ধাসো অদাভ্যম্ ॥ ইমং-বিঁষ্যামি বরুণস্য পাশং- [পাশম্, যমবদ্ধ্নীত] 19
-ঁযমবদ্ধ্নীত সবিতা সুকেতঃ । ধাতুশ্চ যোনৌ সুকৃতস্য লোকে স্যোন-ম্মে সহ পত্যা করোমি ॥ প্রেহ্যুদেহ্যৃতস্য বামীরন্বগ্নিস্তে-ঽগ্র-ন্নযত্বদিতির্মদ্ধ্য-ন্দদতাগ্ং রুদ্রাবসৃষ্টা-ঽসি যুবা নাম মা মা হিগ্ংসীর্বসুভ্যো রুদ্রেভ্য আদিত্যেভ্যো বিশ্বেভ্যো বো দেবেভ্যঃ পন্নেজনীর্গৃহ্ণামি যজ্ঞায বঃ পন্নেজনী-স্সাদযামি বিশ্বস্য তে বিশ্বাবতো বৃষ্ণিযাবত- [বৃষ্ণিযাবতঃ, তবাগ্নে বামীরনু] 20
-স্তবাগ্নে বামীরনু সদৃংশি বিশ্বা রেতাগ্ংসি ধিষীযা-ঽগ-ন্দেবান্. যজ্ঞো নি দেবীর্দেবেভ্যো যজ্ঞমশিষন্নস্মিন্-থ্সুন্বতি যজমান আশিষ-স্স্বাহাকৃতা-স্সমুদ্রেষ্ঠা গন্ধর্বমাতিষ্ঠতানু । বাতস্য পত্মন্নিড ঈডিতাঃ ॥ 21 ॥

(পাশং - ঁবৃষ্ণিযাবত - স্ত্রিগ্ংশচ্চ) (অ. 6)
বষট্কারো বৈ গাযত্রিযৈ শিরো-ঽছিন-ত্তস্যৈ রসঃ পরা-ঽপত-থ্স পৃথিবী-ম্প্রাবিশথ্স খদিরো-ঽভবদ্যস্য খাদির-স্স্রুবো ভবতি ছন্দসামেব রসেনাব দ্যতি সরসা অস্যা-ঽঽহুতযো ভবন্তি তৃতীযস্যামিতো দিবি সোম আসী-ত্ত-ঙ্গাযত্র্যা-ঽ হর-ত্তস্য পর্ণমচ্ছিদ্যত ত-ত্পর্ণো-ঽভব-ত্ত-ত্পর্ণস্য পর্ণত্বং-যঁস্য পর্ণমযী জুহূ- [জুহূঃ, ভবতি সৌম্যা] 22
-র্ভবতি সৌম্যা অস্যা-ঽঽহুতযো ভবন্তি জুষন্তে-ঽস্য দেবা আহুতীর্দেবা বৈ ব্রহ্মন্নবদন্ত ত-ত্পর্ণ উপা-ঽশৃণো-থ্সুশ্রবা বৈ নাম যস্য পর্ণমযী জুহূর্ভবতি ন পাপগ্গ্ শ্লোকগ্ং শৃণোতি ব্রহ্ম বৈ পর্ণো বিণ্মরুতো-ঽন্নং-বিঁণ্মারুতো-ঽশ্বত্থো যস্য পর্ণমযী জুহূর্ভবত্যা-শ্বত্-থ্যুপভৃদ্- ব্রহ্মণৈবান্নমব রুন্ধে-ঽথো ব্রহ্মৈ- [রুন্ধে-ঽথো ব্রহ্ম, এব বিশ্যদ্ধ্যূহতি] 23
-ব বিশ্যদ্ধ্যূহতি রাষ্ট্রং-বৈঁ পর্ণো বিডশ্বত্থো য-ত্পর্ণমযী জুহূর্ভবত্যা-শ্বত্থ্যুপভৃ-দ্রাষ্ট্রমেব বিশ্যদ্ধ্যূহতি প্রজাপতির্বা অজুহো-থ্সা যত্রা-ঽঽহুতিঃ প্রত্যতিষ্ঠ-ত্ততো বিকঙ্কত উদতিষ্ঠ-ত্ততঃ প্রজা অসৃজত যস্য বৈকঙ্কতী ধ্রুবা ভবতি প্রত্যবাস্যা ঽঽহুতযস্তিষ্ঠন্ত্যথো প্রৈব জাযত এতদ্বৈ স্রুচাগ্ং রূপং-যঁস্যৈবগ্ং রূপা-স্স্রুচো ভবন্তি সর্বাণ্যেবৈনগ্ং রূপাণি পশূনামুপতিষ্ঠন্তে নাস্যাপ-রূপমাত্মঞ্জাযতে ॥ 24 ॥

(জুহূ - রথো ব্রহ্ম - স্রুচাগ্ং - সপ্তদশ চ) (অ. 7)
উপযামগৃহীতো-ঽসি প্রজাপতযে ত্বা জ্যোতিষ্মতে জ্যোতিষ্মন্ত-ঙ্গৃহ্ণামি দক্ষায দক্ষবৃধে রাত-ন্দেবেভ্যো-ঽগ্নি জিহ্বেভ্যস্ত্বর্তাযুভ্য ইন্দ্রজ্যেষ্ঠেভ্যো বরুণরাজভ্যো বাতাপিভ্যঃ পর্জন্যাত্মভ্যো দিবে ত্বা-ঽন্তরিক্ষায ত্বা পৃথিব্যৈ ত্বা-ঽপেন্দ্র দ্বিষতো মনো-ঽপ জিজ্যাসতো জহ্যপ যো নো-ঽরাতীযতি ত-ঞ্জহি প্রাণায ত্বা-ঽপানায ত্বা ব্যানায ত্বা সতে ত্বা-ঽসতে ত্বা-ঽদ্ভ্যস্ত্বৌষধীভ্যো বিশ্বেভ্যস্ত্বা ভূতেভ্যো যতঃ প্রজা অক্খিদ্রা অজাযন্ত তস্মৈ ত্বা প্রজাপতযে বিভূদাবংনে জ্যোতিষ্মতে জ্যোতিষ্মন্ত-ঞ্জুহোমি ॥ 25 ॥

(ওষধীভ্য - শ্চতুর্দশ চ) (অ. 8)
যাং-বাঁ অদ্ধ্বর্যুশ্চ যজমানশ্চ দেবতামন্তরিতস্তস্যা আ বৃশ্চ্যেতে প্রাজাপত্য-ন্দধিগ্রহ-ঙ্গৃহ্ণীযা-ত্প্রজাপতি-স্সর্বা দেবতা দেবতাভ্য এব নিহ্নুবাতে জ্যেষ্ঠো বা এষ গ্রহাণাং-যঁস্যৈষ গৃহ্যতে জ্যৈষ্ঠ্যমেব গচ্ছতি সর্বাসাং-বাঁ এতদ্দেবতানাগ্ং রূপং-যঁদেষ গ্রহো যস্যৈষ গৃহ্যতে সর্বাণ্যেবৈনগ্ং রূপাণি পশূনামুপতিষ্ঠন্ত উপযামগৃহীতো- [উপযামগৃহীতঃ, অসি প্রজাপতযে] 26
-ঽসি প্রজাপতযে ত্বা জ্যোতিষ্মতে জ্যোতিষ্মন্ত-ঙ্গৃহ্ণামীত্যাহ জ্যোতিরেবৈনগ্ং সমানানা-ঙ্করোত্যগ্নি-জিহ্বেভ্যস্ত্বর্তাযুভ্য ইত্যাহৈতাবতীর্বৈ দেবতাস্তাভ্য এবৈনগ্ং সর্বাভ্যো গৃহ্ণাত্যপেন্দ্র দ্বিষতো মন ইত্যাহ ভ্রাতৃব্যাপনুত্ত্যৈ প্রাণায ত্বা-ঽপানায ত্বেত্যাহ প্রাণানেব যজমানে দধাতি তস্মৈ ত্বা প্রজাপতযে বিভূদাবংনে জ্যোতিষ্মতে জ্যোতিষ্মন্ত-ঞ্জুহোমী- [জ্যোতিষ্মন্ত-ঞ্জুহোমি, ইত্যাহ প্রজাপতি-] 27
-ত্যাহ প্রজাপতি-স্সর্বা দেবতা-স্সর্বাভ্য এবৈন-ন্দেবতাভ্যো জুহোত্যাজ্যগ্রহ-ঙ্গৃহ্ণীযা-ত্তেজস্কামস্য তেজো বা আজ্য-ন্তেজস্ব্যেব ভবতি সোমগ্রহ-ঙ্গৃহ্ণীযা-দ্ব্রহ্মবর্চসকামস্য ব্রহ্মবর্চসং-বৈঁ সোমো ব্রহ্মবর্চস্যেব ভবতি দধিগ্রহ-ঙ্গৃহ্ণীযা-ত্পশুকামস্যোর্গ্বৈ দদ্ধ্যূর্-ক্পশব ঊর্জৈবাস্মা ঊর্জ-ম্পশূনব রুন্ধে ॥ 28 ॥

(উপযামগৃহীতো - জুহোমি - ত্রিচত্বারিগ্ংশচ্চ) (অ. 9)
ত্বে ক্রতুমপি বৃঞ্জন্তি বিশ্বে দ্বির্যদেতে ত্রি-র্ভবন্ত্যূমাঃ । স্বাদো-স্স্বাদীয-স্স্বাদুনা সৃজা সমত ঊ ষু মধু মধুনা-ঽভি যোধি । উপযামগৃহীতো-ঽসি প্রজাপতযে ত্বা জুষ্ট-ঙ্গৃহ্ণাম্যেষ তে যোনিঃ প্রজাপতযে ত্বা ॥ প্রাণগ্রহা-ন্গৃহ্ণাত্যেতাবদ্বা অস্তি যাবদেতে গ্রহা-স্স্তোমাশ্ছন্দাগ্ংসি পৃষ্ঠানি দিশো যাবদেবাস্তি ত- [যাবদেবাস্তি তত্, অব রুন্ধে] 29
-দব রুন্ধে জ্যেষ্ঠা বা এতা-ন্ব্রাহ্মণাঃ পুরা বিদামক্র-ন্তস্মা-ত্তেষাগ্ং সর্বা দিশো-ঽভিজিতা অভূবন্. যস্যৈ তে গৃহ্যন্তে জ্যৈষ্ঠ্যমেব গচ্ছত্যভি দিশো জযতি পঞ্চ গৃহ্যন্তে পঞ্চ দিশ-স্সর্বাস্বেব দিক্ষ্-বৃদ্ধ্নুবন্তি নবনব গৃহ্যন্তে নব বৈ পুরুষে প্রাণাঃ প্রাণানেব যজমানেষু দধতি প্রাযণীযে চোদযনীযে চ গৃহ্যন্তে প্রাণা বৈ প্রাণগ্রহাঃ [প্রাণা বৈ প্রাণগ্রহাঃ, প্রাণৈরেব] 30
প্রাণৈরেব প্রযন্তি প্রাণৈরুদ্যন্তি দশমে-ঽহ-ন্গৃহ্যন্তে প্রাণা বৈ প্রাণগ্রহাঃ প্রাণেভ্যঃ খলু বা এত-ত্প্রজা যন্তি যদ্বামদেব্যং-যোঁনেশ্চ্যবতে দশমে-ঽহন্. বামদেব্যং-যোঁনেশ্চ্যবতে য-দ্দশমে-ঽহ-ন্গৃহ্যন্তে প্রাণেভ্য এব ত-ত্প্রজা নযন্তি । 31

(তত্ - প্রাণগ্রহাঃ - সপ্তবিগ্ংশচ্চ) (অ. 10)
প্র দেবন্দেব্যা ধিযা ভরতা জাতবেদসম্ । হব্যা নো বক্ষদানুষক্ ॥ অযমু ষ্য প্রদেবযুর্হোতা যজ্ঞায নীযতে । রথো ন যোরভীবৃতো ঘৃণীবান্ চেততি ত্মনা ॥ অযমগ্নিরুরুষ্যত্যমৃতাদিব জন্মনঃ । সহসশ্চি-থ্সহীযা-ন্দেবো জীবাতবে কৃতঃ ॥ ইডাযাস্ত্বা পদে বয-ন্নাভা পৃথিব্যা অধি । জাতবেদো নি ধীমহ্যগ্নে হব্যায বোঢবে । 32
অগ্নে বিশ্বেভি-স্স্বনীক দেবৈরূর্ণাবন্ত-ম্প্রথম-স্সীদ যোনিম্ । কুলাযিন-ঙ্ঘৃতবন্তগ্ং সবিত্রে যজ্ঞ-ন্নয যজমানায সাধু ॥ সীদ হোত-স্স্ব উ লোকে চিকিত্বান্থ্সাদযা যজ্ঞগ্ং সুকৃতস্য যোনৌ । দেবাবীর্দেবান্. হবিষা যজাস্যগ্নে বৃহ-দ্যজমানে বযো ধাঃ ॥ নি হোতা হোতৃষদনে বিদানস্ত্বেষো দীদিবাগ্ং অসদ-থ্সুদক্ষঃ । অদব্ধব্রত-প্রমতির্বসিষ্ঠ-স্সহস্র-ম্ভর-শ্শুচিজিহ্বো অগ্নিঃ ॥ ত্ব-ন্দূতস্ত্ব- [ত্ব-ন্দূতস্ত্বম্, উ নঃ পরস্পাস্ত্বং-বঁস্য আ] 33
-মু নঃ পরস্পাস্ত্বং-বঁস্য আ বৃষভ প্রণেতা । অগ্নে তোকস্য নস্তনে তনূনামপ্রযুচ্ছ-ন্দীদ্যদ্বোধি গোপাঃ ॥ অভি ত্বা দেব সবিতরীশানং-বাঁর্যাণাম্ । সদা-ঽব-ন্ভাগমীমহে ॥ মহী দ্যৌঃ পৃথিবী চন ইমং-যঁজ্ঞ-ম্মিমিক্ষতাম্ । পিপৃতা-ন্নো ভরীমভিঃ ॥ ত্বামগ্নে পুষ্করাদদ্ধ্যথর্বা নিরমন্থত । মূর্ধ্নো বিশ্বস্য বাঘতঃ ॥ তমু- [তমু, ত্বা দদ্ধ্যঙ্ঙৃষিঃ] 34
-ত্বা দদ্ধ্যঙ্ঙৃষিঃ পুত্র ঈধে অথর্বণঃ । বৃত্রহণ-ম্পুরন্দরম্ ॥ তমু ত্বা পাথ্যো বৃষা সমীধে দস্যুহন্তমম্ । ধন-ঞ্জযগ্ং রণেরণে ॥ উত ব্রুবন্তু জন্তব উদগ্নির্বৃত্রহা-ঽজনি । ধন-ঞ্জযো রণেরণে ॥ আ যগ্ং হস্তে ন খাদিনগ্ং শিশু-ঞ্জাত-ন্ন বিভ্রতি । বিশামগ্নিগ্গ্ স্বদ্ধ্বরম্ ॥ প্রদেব-ন্দেববীতযে ভরতা বসুবিত্তমম্ । আস্বে যোনৌ নি ষীদতু ॥ আ [ ] 35
জাত-ঞ্জাতবেদসি প্রিযগ্ং শিশীতা-ঽতিথিম্ । স্যোন আ গৃহপতিম্ ॥ অগ্নিনা-ঽগ্নি-স্সমিদ্ধ্যতে কবির্গৃহপতির্যুবা । হব্যবা-ড্জুহ্বাস্যঃ ॥ ত্বগ্গ্ হ্যগ্নে অগ্নিনা বিপ্রো বিপ্রেণ সন্থ্সতা । সখা সখ্যা সমিদ্ধ্যসে ॥ ত-ম্মর্জযন্ত সুক্রতু-ম্পুরোযাবানমাজিষু । স্বেষু ক্ষযেষু বাজিনম্ ॥ যজ্ঞেন যজ্ঞমযজন্ত দেবাস্তানি ধর্মাণি প্রথমান্যাসন্ন্ । তে হ নাক-ম্মহিমানঃ সচন্তে যত্র পূর্বে সাদ্ধ্যা-স্সন্তি দেবাঃ ॥ 36 ॥