5.1 - সাবিত্রাণি জুহোতি প্রসূত্যৈ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ম্পঞ্চমকাণ্ডে প্রথমঃ প্রশ্নঃ - উখ্যাগ্নিকথনং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
সাবিত্রাণি জুহোতি প্রসূত্যৈ চতুর্গৃহীতেন জুহোতি চতুষ্পাদঃ পশবঃ পশূনেবা-ঽব রুন্ধে চতস্রো দিশো দিক্ষ্বেব প্রতি তিষ্ঠতি ছন্দাগ্ংসি দেবেভ্যো ঽপা-ঽক্রাম-ন্ন বো ভাগানি হব্যং-বঁক্ষ্যাম ইতি তেভ্য এতচ্চতু-র্গৃহীতম-ধারয-ন্পুরো-ঽনু বাক্যাযৈ যাজ্যাযৈ দেবতাযৈ বষট্কারায যচ্চতুর্গৃহীত-ঞ্জুহোতি ছন্দাগ্স্যেব ত-ত্প্রীণাতি তান্যস্য প্রীতানি দেবেভ্যো হব্যং-বঁহন্তি য-ঙ্কামযেত [য-ঙ্কামযেত, পাপীযান্-থ্স্যাদিত্যেকৈক-] 1
পাপীযান্-থ্স্যাদিত্যেকৈক-ন্তস্য জুহুযা-দাহুতীভিরেবৈনমপ গৃহ্ণাতি পাপীযা-ন্ভবতি য-ঙ্কামযেত বসীযান্-থ্স্যাদিতি সর্বাণি তস্যা-ঽনুদ্রুত্য জুহুযাদাহুত্যৈবৈনমভি ক্রমযতি বসীযা-ন্ভবত্যথো যজ্ঞস্যৈবৈষা-ঽভিক্রান্তিরেতি বা এষ যজ্ঞমুখা-দৃদ্ধ্যা যো-ঽগ্নের্দেবতাযা এত্যষ্টাবেতানি সাবিত্রাণি ভবন্ত্যষ্টাক্ষরা গাযত্রী গাযত্রো- [গাযত্রঃ, অগ্নিস্তেনৈব] 2
-ঽগ্নিস্তেনৈব যজ্ঞমুখাদৃদ্ধ্যা অগ্নের্দেবতাযৈ নৈত্যষ্টৌ সাবিত্রাণি ভবন্ত্যাহুতির্নবমী ত্রিবৃতমেব যজ্ঞমুখে বিযাতযতি যদি কামযেত ছন্দাগ্ংসি যজ্ঞযশসেনা ঽর্পযেযমিত্যৃচমন্তমা-ঙ্কুর্যাচ্ছন্দাগ্স্যেব যজ্ঞযশসেনা ঽর্পযতি যদি কামযেত যজমানং-যঁজ্ঞযশসেনা-ঽর্পযেযমিতি যজুরন্তম-ঙ্কুর্যা-দ্যজমানমেব যজ্ঞযশসেনা-ঽর্পযত্যৃচা স্তোমগ্ং সমর্ধযে- [সমর্ধযেতি, আহ সমৃদ্ধ্যৈ] 3
-ত্যাহ সমৃদ্ধ্যৈ চতুর্ভিরভ্রিমা দত্তে চত্বারি ছন্দাগ্ংসি ছন্দোভিরেব দেবস্য ত্বা সবিতুঃ প্রসব ইত্যাহ প্রসূত্যা অগ্নির্দেবেভ্যো নিলাযত স বেণু-ম্প্রা-ঽবিশ-থ্স এতামূতিমনু সমচর-দ্য-দ্বেণো-স্সুষিরগ্ং সুষিরা-ঽভ্রির্ভবতি সযোনিত্বায স যত্রযত্রা-ঽবস-ত্ত-ত্কৃষ্ণমভব-ত্কল্মাষী ভবতি রূপসমৃদ্ধ্যা উভযতঃ, ক্ষ্ণূর্ভবতীতশ্চা-ঽ-মুতশ্চা-ঽর্কস্যা-বরুদ্ধ্যৈ ব্যামমাত্রী ভবত্যেতাবদ্বৈ পুরুষে বীর্যং-বীঁর্যসম্মিতা ঽপরিমিতা ভবত্য-পরিমিতস্যা-ঽ বরুদ্ধ্যৈ যো বনস্পতীনা-ম্ফলগ্রহি-স্স এষাং-বীঁর্যাবা-ন্ফলগ্রহির্বেণু-র্বৈণবী ভবতি বীর্যস্যা বরুদ্ধ্যৈ ॥ 4 ॥

(কামযেত - গাযত্রো - ঽর্ধযেতি - চ - সপ্তবিগ্ংশতিশ্চ) (অ. 1)
ব্যৃদ্ধং-বাঁ এত-দ্যজ্ঞস্য যদযজুষ্কেণ ক্রিযত ইমামগৃভ্ণ-ন্রশনা-মৃতস্যেত্যশ্বাভিধানীমা দত্তে যজুষ্কৃত্যৈ যজ্ঞস্য সমৃদ্ধ্যৈ প্রতূর্তং-বাঁজিন্না দ্রবেত্যশ্ব-মভি দধাতি রূপমেবা-ঽস্যৈত-ন্মহিমানং-ব্যাঁচষ্টে যুঞ্জাথাগ্ং রাসভং-যুঁবমিতি গর্দভ-মসত্যেব গর্দভ-ম্প্রতি ষ্ঠাপযতি তস্মাদশ্বা-দ্গর্দভো-ঽসত্তরো যোগেযোগে তবস্তরমিত্যাহ [তবস্তরমিত্যাহ, যোগেযোগ] 5
যোগেযোগ এবৈনং-যুঁঙ্ক্তে বাজেবাজে হবামহ ইত্যাহান্নং-বৈঁ বাজো-ঽন্নমেবাব রুন্ধে সখায ইন্দ্রমূতয ইত্যাহেন্দ্রিযমেবাব রুন্ধে ঽগ্নির্দেবেভ্যো নিলাযত ত-ম্প্রজাপতিরন্ববিন্দ-ত্প্রাজাপত্যো-ঽশ্বো ঽশ্বেন স-ম্ভরত্যনুবিত্ত্যৈ পাপবস্যসং-বাঁ এত-ত্ক্রিযতে যচ্ছ্রেযসা চ পাপীযসা চ সমান-ঙ্কর্ম কুর্বন্তি পাপীযান্.- [পাপীযান্, হ্যশ্বা-দ্গর্দভো-ঽশ্ব-] 6
-হ্যশ্বা-দ্গর্দভো-ঽশ্ব-ম্পূর্ব-ন্নযন্তি পাপবস্য-সস্য ব্যাবৃত্ত্যৈ তস্মাচ্ছ্রেযাগ্ংস-ম্পাপীযা-ন্পশ্চাদন্বেতি বহুর্বৈ ভবতো ভ্রাতৃব্যো ভবতীব খলু বা এষ যো-ঽগ্নি-ঞ্চিনুতে বজ্র্যশ্বঃ প্রতূর্বন্নেহ্যব-ক্রামন্ন-শস্তীরিত্যাহ বজ্রেণৈব পাপ্মান-ম্ভ্রাতৃব্যমব ক্রামতি রুদ্রস্য গাণপত্যাদিত্যাহ রৌদ্রা বৈ পশবো রুদ্রাদেব [ ] 7
পশূ-ন্নির্যাচ্যা-ঽঽত্মনে কর্ম কুরুতে পূষ্ণা সযুজা সহেত্যাহ পূষা বা অদ্ধ্বনাগ্ং সন্নেতা সমষ্ট্যৈ পুরীষাযতনো বা এষ যদগ্নিরঙ্গিরসো বা এতমগ্রে দেবতানাগ্ং সমভর-ন্পৃথিব্যা-স্সধস্থাদগ্নি-ম্পুরীষ্য-মঙ্গিরস্ব-দচ্ছেহীত্যাহ সাযতনমেবৈন-ন্দেবতাভি-স্স-ম্ভরত্যগ্নি-ম্পুরীষ্য-মঙ্গিরস্ব- দচ্ছেম ইত্যাহ যেন [ ] 8
সঙ্গচ্ছতে বাজমেবাস্য বৃঙ্ক্তে প্রজাপতযে প্রতিপ্রোচ্যাগ্নি-স্সম্ভৃত্য ইত্যাহুরিযং-বৈঁ প্রজাপতিস্তস্যা এতচ্ছ্রোত্রং-যঁদ্বল্মীকো-ঽগ্নি-ম্পুরীষ্য-মঙ্গিরস্ব-দ্ভরিষ্যাম ইতি বল্মীকবপামুপ তিষ্ঠতে সাক্ষাদেব প্রজাপতযে প্রতিপ্রোচ্যা-ঽগ্নিগ্ং স-ম্ভরত্যগ্নি-ম্পুরীষ্য-মঙ্গিরস্ব-দ্ভরাম ইত্যাহ যেন সগঞ্চ্ছতে বাজমেবাস্য বৃঙ্ক্তে ঽন্বগ্নিরুষসামগ্র- [-ঽন্বগ্নিরুষসামগ্রম্, অখ্যদিত্যাহা-] 9
-মখ্যদিত্যাহা-নুখ্যাত্যা আগত্য বাজ্যদ্ধ্বন আক্রম্য বাজি-ন্পৃথিবীমিত্যাহেচ্ছত্যেবৈন-ম্পূর্বযা বিন্দত্যুত্তরযা দ্বাভ্যামা ক্রমযতি প্রতিষ্ঠিত্যা অনুরূপাভ্যা-ন্তস্মাদনুরূপাঃ পশবঃ প্রজাযন্তে দ্যৌস্তে পৃষ্ঠ-ম্পৃথিবী সধস্থমিত্যাহৈভ্যো বা এতং-লোঁকেভ্যঃ প্রজাপতি-স্সমৈরয-দ্রূপমেবাস্যৈ-তন্মহিমানং-ব্যাঁচষ্টে বজ্রী বা এষ যদশ্বো দ-দ্ভিরন্যতোদদ্ভ্যো ভূযাং-লোঁমভিরুভযাদদ্ভ্যো য-ন্দ্বিষ্যা-ত্তমধস্পদ-ন্ধ্যাযে-দ্বজ্রেণৈবৈনগ্গ্ স্তৃণুতে ॥ 10 ॥

(আহ - পাপীযান্ - রুদ্রাদেব - যেনা - ঽগ্রং - ঁবজ্রী বৈ - সপ্তদশ চ) (অ. 2)
উত্ক্রামো-দক্রমীদিতি দ্বাভ্যামুত্ক্রমযতি প্রতিষ্ঠিত্যা অনুরূপাভ্যা-ন্তস্মাদনুরূপাঃ পশবঃ প্রজাযন্তে ঽপ উপ সৃজতি যত্র বা আপ উপ গচ্ছন্তি তদোষধযঃ প্রতি তিষ্ঠন্ত্যোষধীঃ প্রতিতিষ্ঠন্তীঃ পশবো-ঽনু প্রতি তিষ্ঠন্তি পশূন্. যজ্ঞো যজ্ঞং-যঁজমানো যজমান-ম্প্রজাস্তস্মাদপ উপ সৃজতি প্রতিষ্ঠিত্যৈ যদদ্ধ্বর্যু-রনগ্নাবাহুতি-ঞ্জুহুযাদন্ধো ঽদ্ধ্বর্যু- [-ঽদ্ধ্বর্যুঃ, স্যা-দ্রক্ষাগ্ংসি] 11
-স্স্যা-দ্রক্ষাগ্ংসি যজ্ঞগ্ং হন্যুর্হিরণ্যমুপাস্য জুহোত্যগ্নিবত্যেব জুহোতি নান্ধো-ঽদ্ধ্বর্যুর্ভবতি ন যজ্ঞগ্ং রক্ষাগ্ংসি ঘ্নন্তি জিঘর্ম্যগ্নি-ম্মনসা ঘৃতেনেত্যাহ মনসা হি পুরুষো যজ্ঞমভিগচ্ছতি প্রতিক্ষ্যন্ত-ম্ভুবনানি বিশ্বেত্যাহ সর্বগ্গ্ হ্যেষ প্রত্য-ঙ্ক্ষেতি পৃথু-ন্তিরশ্চা বযসা বৃহন্তমিত্যাহা-ঽল্পো হ্যেষ জাতো মহা- [মহান্, ভবতি] 12
-ন্ভবতি ব্যচিষ্ঠমন্নগ্ং রভসং-বিঁদানমিত্যাহা ঽন্নমেবা-ঽস্মৈ স্বদযতি সর্বমস্মৈ স্বদতে য এবং-বেঁদা ঽঽত্বা জিঘর্মি বচসা ঘৃতেনেত্যাহ তস্মা-দ্য-ত্পুরুষো মনসা-ঽভিগচ্ছতি ত-দ্বাচা বদত্য রক্ষসেত্যাহ রক্ষসামপহত্যৈ মর্যশ্রী-স্স্পৃহয-দ্বর্ণো অগ্নিরিত্যাহা-পচিতিমেবা-ঽস্মি-ন্দধাত্য-পচিতিমা-ন্ভবতি য এবং- [য এবম্, বেদ মনসা ত্বৈ] 13
-ঁবেদ মনসা ত্বৈ তামাপ্তুমর্হতি যামদ্ধ্বর্যুর-নগ্নাবাহুতি-ঞ্জুহোতি মনস্বতীভ্যা-ঞ্জুহোত্যাহুত্যোরাপ্ত্যৈ দ্বাভ্যা-ম্প্রতিষ্ঠিত্যৈ যজ্ঞমুখে যজ্ঞমুখে বৈ ক্রিযমাণে যজ্ঞগ্ং রক্ষাগ্ংসি জিঘাগ্ং সন্ত্যেতর্হি খলু বা এত-দ্যজ্ঞমুখং-যঁর্হ্যেন-দাহুতি-রশ্ঞুতে পরি লিখতি রক্ষসামপহত্যৈ তিসৃভিঃ পরি লিখতি ত্রিবৃদ্বা অগ্নির্যাবানেবা-ঽগ্নিস্তস্মা-দ্রক্ষাগ্স্যপ হন্তি [হন্তি, গাযত্রিযা পরি] 14
গাযত্রিযা পরি লিখতি তেজো বৈ গাযত্রী তেজসৈবৈন-ম্পরিগৃহ্ণাতি ত্রিষ্টুভা পরি লিখতীন্দ্রিযং-বৈঁ ত্রিষ্টু-গিন্দ্রিযেণৈবৈন-ম্পরি গৃহ্ণাত্যনুষ্টুভা পরি লিখত্যনুষ্টু-ফ্সর্বাণি ছন্দাগ্ংসি পরিভূঃ পর্যাপ্ত্যৈ মদ্ধ্যতো-ঽনুষ্টুভা বাগ্বা অনুষ্টু-প্তস্মা-ন্মদ্ধ্যতো বাচা বদামো গাযত্রিযা প্রথমযা পরি লিখত্যথা-ঽনুষ্টুভা-ঽথ ত্রিষ্টুভা তেজো বৈ গাযত্রী যজ্ঞো ঽনুষ্টুগিন্দ্রিয-ন্ত্রিষ্টু-প্তেজসা চৈবেন্দ্রিযেণ চোভযতো যজ্ঞ-ম্পরি গৃহ্ণাতি ॥ 15 ॥

(অন্ধো-ঽদ্ধ্বর্যু - র্মহান্ - ভবতি য এবগ্ং - হন্তি - ত্রিষ্টুভা তেজো বৈ গাযত্রী - ত্রযোদশ চ) (অ. 3)
দেবস্য ত্বা সবিতুঃ প্রসব ইতি খনতি প্রসূত্যা অথো ধূম-মেবৈতেন জনযতি জ্যোতিষ্মন্ত-ন্ত্বা-ঽগ্নে সুপ্রতীক-মিত্যাহ জ্যোতিরেবৈতেন জনযতি সো-ঽগ্নির্জাতঃ প্রজা-শ্শুচা-ঽঽর্পয-ত্ত-ন্দেবা অর্ধর্চেনা-শমযঞ্ছিব-ম্প্রজাভ্যো-ঽহিগ্ং সন্তমিত্যাহ প্রজাভ্য এবৈনগ্ং শমযতি দ্বাভ্যা-ঙ্খনতি প্রতিষ্ঠিত্যা অপা-ম্পৃষ্ঠমসীতি পুষ্করপর্ণমা [পুষ্করপর্ণমা, হরত্যপাং-বাঁ] 16
হরত্যপাং-বাঁ এত-ত্পৃষ্ঠং-যঁ-ত্পুষ্করপর্ণগ্ং রূপেণৈবৈনদা হরতি পুষ্করপর্ণেন স-ম্ভরতি যোনির্বা অগ্নেঃ পুষ্করপর্ণগ্ং সযোনিমেবাগ্নিগ্ং সম্ভরতি কৃষ্ণাজিনেন সম্ভরতি যজ্ঞো বৈ কৃষ্ণাজিনং-যঁজ্ঞেনৈব যজ্ঞগ্ং সম্ভরতি য-দ্গ্রাম্যাণা-ম্পশূনা-ঞ্চর্মণা সম্ভরে-দ্গ্রাম্যা-ন্পশূঞ্ছুচা-ঽর্পযে-ত্কৃষ্ণাজিনেন সম্ভরত্যারণ্যানেব পশূ- [পশূন্, শুচা-ঽর্পযতি] 17
-ঞ্ছুচা-ঽর্পযতি তস্মা-থ্সমাব-ত্পশূনা-ম্প্রজাযমানানা-মারণ্যাঃ পশবঃ কনীযাগ্ংস-শ্শুচা হ্যৃতা লোমত-স্সম্ভরত্যতো হ্যস্য মেদ্ধ্য-ঙ্কৃষ্ণাজিন-ঞ্চ পুষ্করপর্ণ-ঞ্চ সগ্গ্ স্তৃণাতীযং-বৈঁ কৃষ্ণাজিনমসৌ পুষ্করপর্ণ-মাভ্যা-মেবৈন-মুভযতঃ পরিগৃহ্ণাত্য-গ্নির্দেবেভ্যো নিলাযত তমথর্বা-ঽন্বপশ্যদথর্বা ত্বা প্রথমো নিরমন্থদগ্ন ই- [নিরমন্থদগ্ন ইতি, আহ য এবৈন-] 18
-ত্যাহ য এবৈন-মন্বপশ্য-ত্তেনৈবৈনগ্ং সম্ভরতি ত্বামগ্নে পুষ্করাদধীত্যাহ পুষ্করপর্ণে হ্যেনমুপশ্রিত-মবিন্দ-ত্তমু ত্বা দদ্ধ্যঙ্ঙৃষিরিত্যাহ দদ্ধ্যঙ্ বা আথর্বণ-স্তেজস্ব্যাসী-ত্তেজ এবাস্মি-ন্দধাতি তমু ত্বা পাথ্যো বৃষেত্যাহ পূর্বমেবোদিত-মুত্তরেণাভি গৃণাতি [গৃণাতি, চতসৃভি-স্সম্ভরতি] 19
চতসৃভি-স্সম্ভরতি চত্বারি ছন্দাগ্ংসি ছন্দোভিরেব গাযত্রীভির্ব্রাহ্মণস্য গাযত্রো হি ব্রাহ্মণ-স্ত্রিষ্টুগ্ভী রাজন্যস্য ত্রৈষ্টুভো হি রাজন্যো য-ঙ্কামযেত বসীযান্-থ্স্যাদিত্যুভযীভিস্তস্য সম্ভরে-ত্তেজশ্চৈবা-ঽস্মা ইন্দ্রিয-ঞ্চ সমীচী দধাত্যষ্টাভি-স্সম্ভরত্যষ্টাক্ষরা গাযত্রী গাযত্রো ঽগ্নির্যাবানেবা-ঽগ্নিস্তগ্ং সম্ভরতি সীদ হোতরিত্যা- -হ দেবতা এবাস্মৈ সগ্ং সাদযতি নি হোতেতি মনুষ্যান্-থ্সগ্ং সীদস্বেতি বযাগ্ংসি জনিষ্বা হি জেন্যো অগ্রে অহ্নামিত্যাহ দেব মনুষ্যানেবা-ঽস্মৈ সগ্ংসন্না-ন্প্রজনযতি ॥ 20

(ঐ - ব পশূ - নিতি - গৃণাতি - হোতরিতি - সপ্তবিগ্ংশতিশ্চ) (অ. 4)
ক্রূরমিব বা অস্যা এত-ত্করোতি য-ত্খনত্যপ উপ সৃজত্যাপো বৈ শান্তা-শ্শান্তাভিরেবা-ঽস্যৈ শুচগ্ং শমযতি স-ন্তে বাযুর্মাতরিশ্বা দধাত্বিত্যাহ প্রাণো বৈ বাযুঃ প্রাণেনৈবাস্যৈ প্রাণগ্ং স-ন্দধাতি স-ন্তে বাযুরিত্যাহ তস্মা-দ্বাযুপ্রচ্যুতা দিবো বৃষ্টিরীর্তে তস্মৈ চ দেবি বষডস্তু [বষডস্তু, তুভ্যমিত্যাহ] 21
তুভ্যমিত্যাহ ষড্বা ঋতব ঋতুষ্বেব বৃষ্টি-ন্দধাতি তস্মা-থ্সর্বানৃতূন্. বর্ষতি য-দ্বষট্কুর্যা-দ্যাতযামা-ঽস্য বষট্কার-স্স্যাদ্যন্ন বষট্কুর্যা-দ্রক্ষাগ্ংসি যজ্ঞগ্ং হন্যুর্বডিত্যাহ পরোক্ষমেব বষ-ট্করোতি নাস্য যাতযামা বষট্কারো ভবতি ন যজ্ঞগ্ং রক্ষাগ্ংসি ঘ্নন্তি সুজাতো জ্যোতিষা সহেত্যনুষ্টুভোপ নহ্যত্যনুষ্টু- [নহ্যত্যনুষ্টুপ্, সর্বাণি ছন্দাগ্ংসি] 22
-ফ্সর্বাণি ছন্দাগ্ংসি ছন্দাগ্ংসি খলু বা অগ্নেঃ প্রিযা তনূঃ প্রিযযৈবৈন-ন্তনুবা পরি দধাতি বেদুকো বাসো ভবতিয এবং-বেঁদ বারুণো বা অগ্নিরুপনদ্ধ উদু তিষ্ঠ স্বদ্ধ্বরোর্ধ্ব ঊ ষুণ ঊতয ইতি সাবিত্রীভ্যামু-ত্তিষ্ঠতি সবিতৃপ্রসূত এবাস্যোর্ধ্বাং-বঁরুণমেনিমু-থ্সৃজতি দ্বাভ্যা-ম্প্রতিষ্ঠিত্যৈ স জাতো গর্ভো অসি [গর্ভো অসি, রোদস্যোরিত্যাহেমে] 23
রোদস্যোরিত্যাহেমে বৈ রোদসী তযোরেষ গর্ভো যদগ্নি-স্তস্মা-দেবমাহাগ্নে চারুর্বিভৃত ওষধীষ্বিত্যাহ যদা হ্যেতং-বিঁভরন্ত্যথ চারুতরো ভবতি প্র মাতৃভ্যো অধি কনিক্রদ-দ্গা ইত্যাহৌষধযো বা অস্য মাতরস্তাভ্য এবৈন-ম্প্রচ্যাবযতি স্থিরো ভব বীড্বঙ্গ ইতি গর্দভ আ সাদযতি [আ সাদযতি, স-ন্নহ্যত্যেবৈন-] 24
স-ন্নহ্যত্যেবৈন-মেতযা স্থেম্নে গর্দভেন সম্ভরতি তস্মা-দ্গর্দভঃ পশূনা-ম্ভারভারিতমো গর্দভেন স-ম্ভরতি তস্মা-দ্গর্দভো-ঽপ্যনালেশে-ঽত্যন্যা-ন্পশূ-ন্মেদ্যত্যন্নগ্গ্ হ্যেনেনা-ঽর্কগ্ং সম্ভরন্তি গর্দভেন সম্ভরতি তস্মা-দ্গর্দভো দ্বিরেতা-স্সন্ কনিষ্ঠ-ম্পশূনা-ম্প্রজাযতে-ঽগ্নির্হ্যস্য যোনি-ন্নির্দহতি প্রজাসু বা এষ এতর্হ্যারূঢ- [এতর্হ্যারূঢঃ, স ঈশ্বরঃ প্রজা-শ্শুচা] 25
-স্স ঈশ্বরঃ প্রজা-শ্শুচা প্রদহঃ শিবো ভব প্রজাভ্য ইত্যাহ প্রজাভ্য এবৈনগ্ং শমযতি মানুষীভ্যস্ত্বমঙ্গির ইত্যাহ মানব্যো হি প্রজা মা দ্যাবাপৃথিবী অভি শূশুচো মা-ঽন্তরিক্ষ-ম্মা বনস্পতীনিত্যাহৈভ্য এবৈনং-লোঁকেভ্যঃ শমযতি প্রৈতু বাজী কনিক্রদদিত্যাহ বাজী হ্যেষ নানদ-দ্রাসভঃ পত্বে- [পত্বেতি, আহ রাসভ ইতি] 26
-ত্যাহ রাসভ ইতি হ্যেতমৃষযো-ঽবদ-ন্ভরন্নগ্নি-ম্পুরীষ্যমিত্যাহা-ঽগ্নিগ্গ্ হ্যেষ ভরতি মা পাদ্যাযুষঃ পুরেত্যাহা-ঽঽযুরেবা-ঽস্মি-ন্দধাতি তস্মা-দ্গর্দভ-স্সর্বমাযুরেতি তস্মা-দ্গর্দভে পুরা-ঽঽযুষঃ প্রমীতে বিভ্যতি বৃষা-ঽগ্নিং-বৃঁষণ-ম্ভরন্নিত্যাহ বৃষা হ্যেষ বৃষা-ঽগ্নিরপা-ঙ্গর্ভগ্ং - [বৃষা-ঽগ্নিরপা-ঙ্গর্ভম্, সমুদ্রিয-] 27
সমুদ্রিয-মিত্যাহা-ঽপাগ্ হ্যেষ গর্ভো যদগ্নিরগ্ন আ যাহি বীতয ইতি বা ইমৌ লোকৌ ব্যৈতামগ্ন আ যাহি বীতয ইতি যদাহা ঽনযোর্লোকযো-র্বীত্যৈ প্রচ্যুতো বা এষ আযতনাদগতঃ প্রতিষ্ঠাগ্ং স এতর্হ্যদ্ধ্বর্যু-ঞ্চ যজমান-ঞ্চ দ্ধ্যাযত্যৃতগ্ং সত্যমিত্যাহেযং-বাঁ ঋতমসৌ [ ] 28
সত্যমনযোরেবৈন-ম্প্রতি ষ্ঠাপযতি না-ঽঽর্তিমার্চ্ছত্যদ্ধ্বর্যুর্ন যজমানো বরুণো বা এষ যজমানমভ্যৈতি যদগ্নিরুপনদ্ধ ওষধযঃ প্রতি গৃহ্ণীতাগ্নিমেত-মিত্যাহ শান্ত্যৈ ব্যস্যন্ বিশ্বা অমতীররাতী-রিত্যাহ রক্ষসামপহত্যৈ নিষীদ-ন্নো অপ দুর্মতিগ্ং হনদিত্যাহ প্রতিষ্ঠিত্যা ওষধযঃ প্রতিমোদদ্ধ্ব- [প্রতিমোদদ্ধ্বম্, এনমিত্যাহৌষধযো] 29
-মেনমিত্যাহৌষধযো বা অগ্নের্ভাগধেয-ন্তাভিরেবৈনগ্ং সমর্ধযতি পুষ্পাবতী-স্সুপিপ্পলা ইত্যাহ তস্মাদোষধযঃ ফল-ঙ্গৃহ্ণন্ত্য যং-বোঁ গর্ভ ঋত্বিযঃ প্রত্নগ্ং সধস্থমা-ঽসদদিত্যাহ যাভ্য এবৈন-ম্প্রচ্যাবযতি তাস্বেবৈন-ম্প্রতিষ্ঠাপযতি দ্বাভ্যামুপাবহরতি প্রতিষ্ঠিত্যৈ ॥ 30 ॥

(অস্ত্ব - নুষ্টু - বসি - সাদযত্যা - রূঢঃ-পত্বেতি-গর্ভ-মসৌ - মোদদ্ধ্বং - দ্বিচত্বারিগ্ংশচ্চ) (অ. 5)
বারুণো বা অগ্নিরুপনদ্ধো বি পাজসেতি বিস্রগ্ংসযতি সবিতৃপ্রসূত এবাস্য বিষূচীং-বঁরুণমেনিং-বিঁসৃজত্যপ উপ সৃজত্যাপো বৈ শান্তা-শ্শান্তাভিরেবাস্য শুচগ্ং শমযতি তিসৃভিরুপ সৃজতি ত্রিবৃদ্বা অগ্নির্যাবানেবা-গ্নিস্তস্য শুচগ্ং শমযতি মিত্র-স্সগ্ংসৃজ্য পৃথিবীমিত্যাহ মিত্রো বৈ শিবো দেবানা-ন্তেনৈবৈ- [দেবানা-ন্তেনৈব, এনগ্ং সগ্ং সৃজতি] 31
-নগ্ং সগ্ং সৃজতি শান্ত্যৈ যদ্গ্রাম্যাণা-ম্পাত্রাণা-ঙ্কপালৈ-স্সগ্ংসৃজে-দ্গ্রাম্যাণি পাত্রাণি শুচা-ঽর্পযেদর্মকপালৈ-স্সগ্ং সৃজত্যেতানি বা অনুপজীবনীযানি তান্যেব শুচা-ঽর্পযতি শর্করাভি-স্সগ্ং সৃজতি ধৃত্যা অথো শন্ত্বাযা জলোমৈ-স্সগ্ং সৃজত্যেষা বা অগ্নেঃ প্রিযা তনূর্যদজা প্রিযযৈবৈন-ন্তনুবা সগ্ং সৃজত্যথো তেজসা কৃষ্ণাজিনস্য লোমভি-স্সগ্ং - [লোমভি-স্সম্, সৃজতি যজ্ঞো বৈ] 32
সৃজতি যজ্ঞো বৈ কৃষ্ণাজিনং-যঁজ্ঞেনৈব যজ্ঞগ্ং সগ্ং সৃজতি রুদ্রা-স্সভৃত্য পৃথিবীমিত্যাহৈতা বা এত-ন্দেবতা অগ্রে সমভর-ন্তাভিরেবৈনগ্ং সম্ভরতি মখস্য শিরো-ঽসীত্যাহ যজ্ঞো বৈ মখস্তস্যৈত-চ্ছিরো যদুখা তস্মাদেবমাহ যজ্ঞস্য পদে স্থ ইত্যাহ যজ্ঞস্য হ্যেতে [ ] 33
পদে অথো প্রতিষ্ঠিত্যৈ প্রা-ঽন্যাভি-র্যচ্ছত্যন্বন্যৈ-র্মন্ত্রযতে মিথুনত্বায ত্র্যুদ্ধি-ঙ্করোতি ত্রয ইমে লোকা এষাং-লোঁকানামাপ্ত্যৈ ছন্দোভিঃ করোতি বীর্যং-বৈঁ ছন্দাগ্ংসি বীর্যেণৈবৈনা-ঙ্করোতি যজুষা বিল-ঙ্করোতি ব্যাবৃত্ত্যা ইযতী-ঙ্করোতি প্রজাপতিনা যজ্ঞমুখেন সম্মিতা-ন্দ্বিস্তনা-ঙ্করোতি যাবাপৃথিব্যোর্দোহায চতুঃস্তনা-ঙ্করোতি পশূনা-ন্দোহাযাষ্টাস্তনা-ঙ্করোতি ছন্দসা-ন্দোহায নবাশ্রি-মভিচরতঃ কুর্যা-ত্ত্রিবৃতমেব বজ্রগ্ং সম্ভৃত্য ভ্রাতৃব্যায প্রহরতি স্তৃত্যৈ কৃত্বায সা মহীমুখামিতি নি দধাতি দেবতাস্বেবৈনা-ম্প্রতিষ্ঠাপযতি ॥ 34 ॥

(তেনৈব - লোমভি-স্স - মেতে - অভিচরত - একবিগ্ংশতিশ্চ) (অ. 6)
সপ্তভির্ধূপযতি সপ্ত বৈ শীর্ষণ্যাঃ প্রাণা-শ্শির এত-দ্যজ্ঞস্য যদুখা শীর্ষন্নেব যজ্ঞস্য প্রাণা-ন্দধাতি তস্মা-থ্সপ্ত শীর্ষ-ন্প্রাণা অশ্বশকেন ধূপযতি প্রাজাপত্যো বা অশ্বঃ সযোনিত্বাযা-দিতিস্ত্বেত্যাহেযং-বাঁ অদিতিরদিত্যৈবাদিত্যা-ঙ্খনত্যস্যা অক্রূরঙ্কারায ন হি স্ব-স্স্বগ্ং হিনস্তি দেবানা-ন্ত্বা পত্নীরিত্যাহ দেবানাং- [দেবানাম্, বা এতা-ম্পত্নযো-ঽগ্রে-ঽ] 35
-ঁবা এতা-ম্পত্নযো-ঽগ্রে-ঽ-কুর্ব-ন্তাভিরেবৈনা-ন্দধাতি ধিষণাস্ত্বেত্যাহ বিদ্যা বৈ ধিষণা বিদ্যাভি-রেবৈনা-মভীন্ধে গ্নাস্ত্বেত্যাহ ছন্দাগ্ংসি বৈ গ্না শ্ছন্দোভি-রেবৈনাগ্ শ্রপযতি বরূত্রযস্ত্বেত্যাহ হোত্রা বৈ বরূত্রযো হোত্রাভিরেবৈনা-ম্পচতি জনযস্ত্বেত্যাহ দেবানাং-বৈঁ পত্নী- [পত্নীঃ, জনযস্তাভি-] 36
-র্জনযস্তাভি-রেবৈনা-ম্পচতি ষড্ভিঃ পচতি ষড্বা ঋতব ঋতুভিরেবৈনা-ম্পচতি দ্বিঃ পচন্ত্বিত্যাহ তস্মা-দ্দ্বি-স্সংবঁথ্সরস্য সস্য-ম্পচ্যতে বারুণ্যুখা-ঽভীদ্ধা মৈত্রিযোপৈতি শান্ত্যৈ দেবস্ত্বা সবিতো-দ্বপত্বিত্যাহ সবিতৃপ্রসূত এবৈনা-ম্ব্রহ্মণা দেবতাভিরু-দ্বপত্যপদ্যমানা পৃথিব্যাশা দিশ আ পৃণে- [আ পৃণ, ইত্যাহ] 37
-ত্যাহ তস্মাদগ্নি-স্সর্বা দিশো-ঽনু বিভাত্যুত্তিষ্ঠ বৃহতী ভবোর্ধ্বা তিষ্ঠ ধ্রুবা ত্বমিত্যাহ প্রতিষ্ঠিত্যা অসুর্য-ম্পাত্রমনাচ্ছৃণ্ণমা-চ্ছৃণত্তি দেবত্রা-ঽকরজক্ষীরেণা-ঽঽচ্ছৃণত্তি পরমং-বাঁ এত-ত্পযো যদজক্ষীর-ম্পরমেণৈবৈনা-ম্পযসা-ঽঽচ্ছৃণত্তি যজুষা ব্যাবৃত্ত্যৈ ছন্দোভিরা চ্ছৃণত্তি ছন্দোভির্বা এষা ক্রিযতে ছন্দোভিরেব ছন্দাগ্স্যা চ্ছৃণত্তি ॥ 38 ॥

(আহ দেবানাং - ঁবৈ পত্নীঃ - পৃণৈ - ষা - ষট্ চ) (অ. 7)
একবিগ্ংশত্যা মাষৈঃ পুরুষশীর্ষ-মচ্ছৈত্যমেদ্ধ্যা বৈ মাষা অমেদ্ধ্য-ম্পুরুষশীর্ষ-মমেদ্ধ্যৈরেবা-স্যা-মেদ্ধ্য-ন্নিরবদায মেদ্ধ্য-ঙ্কৃত্বা ঽঽহরত্যেকবিগ্ংশতি-র্ভবন্ত্যেকবিগ্ংশো বৈ পুরুষঃ পুরুষস্যা-ঽঽপ্ত্যৈ ব্যৃদ্ধং-বাঁ এত-ত্প্রাণৈরমেদ্ধ্যং-যঁ-ত্পুরুষশীর্ষগ্ং সপ্তধা বিতৃণ্ণাং-বঁল্মীকবপা-ম্প্রতি নি দধাতি সপ্ত বৈ শীর্ষণ্যাঃ প্রাণাঃ প্রাণৈরেবৈন-থ্সমর্ধযতি মেদ্ধ্যত্বায যাবন্তো [যাবন্তঃ, বৈ মৃত্যুবন্ধব-] 39
বৈ মৃত্যুবন্ধব-স্তেষাং-যঁম আধিপত্য-ম্পরীযায যমগাথাভিঃ পরিগাযতি যমাদেবৈন-দ্বৃঙ্ক্তে তিসৃভিঃ পরিগাযতি ত্রয ইমে লোকা এভ্য এবৈনল্লোকেভ্যো বৃঙ্ক্তে তস্মা-দ্গাযতে ন দেয-ঙ্গাথা হি ত-দ্বৃঙ্ক্তে ঽগ্নিভ্যঃ পশূনা লভতে কামা বা অগ্নযঃ কামানেবাব রুন্ধে য-ত্পশূ-ন্না-ঽঽলভেতা-ঽনবরুদ্ধা অস্য [ ] 40
পশবঃ স্যুর্য-ত্পর্যগ্নিকৃতানু-থ্সৃজে-দ্যজ্ঞবেশস-ঙ্কুর্যা-দ্য-থ্সগ্গ্স্থাপযে-দ্যাতযামানি শীর্ষাণি স্যুর্য-ত্পশূনালভতে তেনৈব পশূনব রুন্ধে য-ত্পর্যগ্নিকৃতানু-থ্সৃজতি শীর্ষ্ণা-মযাতযামত্বায প্রাজাপত্যেন সগ্গ্ স্থাপযতি যজ্ঞো বৈ প্রজাপতির্যজ্ঞ এব যজ্ঞ-ম্প্রতিষ্ঠাপযতি প্রজাপতিঃ প্রজা অসৃজত স রিরিচানো-ঽমন্যত স এতা আপ্রীরপশ্য-ত্তাভির্বৈ স মুখত [স মুখতঃ, আত্মানমা ঽপ্রীণীত] 41
আত্মানমা ঽপ্রীণীত যদেতা আপ্রিযো ভবন্তি যজ্ঞো বৈ প্রজাপতি-র্যজ্ঞমেবৈতাভির্মুখত আ প্রীণাত্য-পরিমিতছন্দসো ভবন্ত্যপরিমিতঃ প্রজাপতিঃ প্রজাপতেরাপ্ত্যা ঊনাতিরিক্তা মিথুনাঃ প্রজাত্যৈ লোমশং-বৈঁ নামৈতচ্ছন্দঃ প্রজাপতেঃ পশবো লোমশাঃ পশূনেবা-ঽব রুন্ধে সর্বাণি বা এতা রূপাণি সর্বাণি রূপাণ্যগ্নৌ চিত্যে ক্রিযন্তে তস্মাদেতা অগ্নেশ্চিত্যস্য [অগ্নেশ্চিত্যস্য, ভবন্ত্যেকবিগ্ং শতিগ্ং] 42
ভবন্ত্যেকবিগ্ং শতিগ্ং সামিধেনীরন্বাহ রুগ্বা একবিগ্ংশো রুচমেব গচ্ছত্যথো প্রতিষ্ঠামেব প্রতিষ্ঠা হ্যেকবিগ্ংশ-শ্চতুর্বিগ্ংশতিমন্বাহ চতুর্বিগ্ংশতিরর্ধমাসা-স্সংবঁথ্সর-স্সংবঁথ্সরো-ঽগ্নির্বৈশ্বানর-স্সাক্ষাদেব বৈশ্বানরমব রুন্ধে পরাচীরন্বাহ পরাঙিব হি সুবর্গো লোক-স্সমাস্ত্বা-ঽগ্ন ঋতবো বর্ধযন্ত্বিত্যাহ সমাভিরেবা-ঽগ্নিং-বঁর্ধয- [-ঽগ্নিং-বঁর্ধযতি, ঋতুভিঃ সংবঁথ্সরং-বিঁশ্বা] 43
-ত্যৃতুভিঃ সংবঁথ্সরং-বিঁশ্বা আ ভাহি প্রদিশঃ পৃথিব্যা ইত্যাহ তস্মাদগ্নি-স্সর্বা দিশো-ঽনু বিভাতি প্রত্যৌহতামশ্বিনা মৃত্যুমস্মাদিত্যাহ মৃত্যুমেবা-ঽস্মাদপ নুদত্যুদ্বয-ন্তমসস্পরীত্যাহ পাপ্মা বৈ তমঃ পাপ্মানমেবাস্মাদপ হন্ত্যগন্ম জ্যোতিরুত্তম-মিত্যাহা-ঽসৌ বা আদিত্যো জ্যোতিরুত্তম-মাদিত্যস্যৈব সাযুজ্য-ঙ্গচ্ছতি ন সংবঁথ্সরস্তিষ্ঠতি নাস্য শ্রীস্তিষ্ঠতি যস্যৈতাঃ ক্রিযন্তে জ্যোতিষ্মতী-মুত্তমামন্বাহ জ্যোতিরেবাস্মা উপরিষ্টা-দ্দধাতি সুবর্গস্য লোকস্যানুখ্যাত্যৈ ॥ 44 ॥

(যাবন্তো - ঽস্য - মুখত - শ্চিত্যস্য - বর্ধয - ত্যাদিত্যো - ঽষ্টাবিগ্ংশতিশ্চ) (অ. 8)
ষড্ভির্দীক্ষযতি ষড্বা ঋতব ঋতুভিরেবৈন-ন্দীক্ষযতি সপ্তভির্দীক্ষযতি সপ্ত ছন্দাগ্ংসি ছন্দোভিরেবৈন-ন্দীক্ষযতি বিশ্বে দেবস্য নেতুরিত্য-নুষ্টুভোত্তমযা জুহোতি বাগ্বা অনুষ্টু-প্তস্মা-ত্প্রাণানাং-বাঁগুত্তমৈ- কস্মাদক্ষরাদনাপ্ত-ম্প্রথম-ম্পদ-ন্তস্মা-দ্য-দ্বাচো-ঽনাপ্ত-ন্তন্মনুষ্যা উপ জীবন্তি পূর্ণযা জুহোতি পূর্ণ ইব হি প্রজাপতিঃ [প্রজাপতিঃ, প্রজাপতেরাপত্যৈ] 45
প্রজাপতেরাপ্ত্যৈ ন্যূনযা জুহোতি ন্যূনাদ্ধি প্রজাপতিঃ প্রজা অসৃজত প্রজানাগ্ং সৃষ্ট্যৈ যদর্চিষি প্রবৃঞ্জ্যা-দ্ভূতমব রুন্ধীত যদঙ্গারেষু ভবিষ্যদঙ্গারেষু প্রবৃণক্তি ভবিষ্য দেবাব রুন্ধে ভবিষ্যদ্ধি ভূযো ভূতা-দ্দ্বাভ্যা-ম্প্রবৃণক্তি দ্বিপা-দ্যজমানঃ প্রতিষ্ঠিত্যৈ ব্রহ্মণা বা এষা যজুষা সম্ভৃতা যদুখা সা যদ্ভিদ্যেতা-ঽঽর্তিমার্চ্ছে- [-ঽঽর্তিমার্চ্ছেত্, যজমানো] 46
-দ্যজমানো হন্যেতা-ঽস্য যজ্ঞো মিত্রৈতামুখা-ন্তপেত্যাহ ব্রহ্ম বৈ মিত্রো ব্রহ্মন্নেবৈনা-ম্প্রতিষ্ঠাপযতি না-ঽঽর্তিমার্চ্ছতি যজমানো নাস্য যজ্ঞো হন্যতে যদি ভিদ্যেত তৈরেব কপালৈ-স্সগ্ং সৃজে-থ্সৈব ততঃ প্রাযশ্চিত্তির্যো গতশ্রী-স্স্যান্মথিত্বা তস্যাব দদ্ধ্যা-দ্ভূতো বা এষ স স্বা- [এষ স স্বাম্, দেবতামুপৈতি] 47
-ন্দেবতামুপৈতি যো ভূতিকাম-স্স্যাদ্য উখাযৈ সম্ভবে-থ্স এব তস্য স্যাদতো হ্যেষ সম্ভবত্যেষ বৈ স্বযম্ভূর্নাম ভবত্যেব য-ঙ্কামযেত ভ্রাতৃব্যমস্মৈ জনযেযমিত্য-ন্যতস্তস্যা-ঽঽহৃত্যা-ঽব দদ্ধ্যা-থ্সাক্ষাদেবাস্মৈ ভ্রাতৃব্য-ঞ্জনযত্যম্বরীষাদন্ন কামস্যাব দদ্ধ্যাদম্বরীষে বা অন্ন-ম্ভ্রিযতে সযোন্যেবান্ন- [সযোন্যেবান্নম্, অব রুন্ধে] 48
-মব রুন্ধে মুঞ্জানব দধাত্যূর্গ্বৈ মুঞ্জা ঊর্জমেবাস্মা অপি দধাত্যগ্নির্দেবেভ্যো নিলাযত স ক্রুমুক-ম্প্রা-ঽবিশ-ত্ক্রুমুকমব দধাতি যদেবাস্য তত্র ন্যক্ত-ন্ত দেবাব রুন্ধ আজ্যেন সং-যৌঁত্যেতদ্বা অগ্নেঃ প্রিয-ন্ধাম যদাজ্য-ম্প্রিযেণৈবৈন-ন্ধাম্না সমর্ধযত্যথো তেজসা [তেজসা, বৈ ককন্তীমা দধাতি] 49
বৈ কঙ্কতীমা দধাতি ভা এবাব রুন্ধে শমীমযীমা দধাতি শান্ত্যৈ সীদ ত্ব-ম্মাতুরস্যা উপস্থ ইতি তিসৃভির্জাতমুপ তিষ্ঠতে ত্রয ইমে লোকা এষ্বেব লোকেষ্বাবিদ-ঙ্গচ্ছত্যথো প্রাণানেবা-ঽঽত্ম-ন্ধত্তে ॥ 50 ॥

( প্রজাপতি--র্ ঋচ্ছেথ্ - স্বা - মেবান্নং - তেজসা - চতুস্ত্রিগ্ংশচ্চ) (অ. 9)
ন হ স্ম বৈ পুরা-ঽগ্নিরপরশুবৃক্ণ-ন্দহতি তদস্মৈ প্রযোগ এবর্ষিরস্বদয-দ্যদগ্নে যানি কানি চেতি সমিধমা দধাত্যপরশুবৃক্ণ-মেবাস্মৈ স্বদযতি সর্বমস্মৈ স্বদতে য এবং-বেঁদৌদুম্বরীমা দধাত্যূর্গ্বা উদুম্বর ঊর্জমেবাস্মা অপি দধাতি প্রজাপতিরগ্নি-মসৃজত তগ্ং সৃষ্টগ্ং রক্ষাগ্- [সৃষ্টগ্ং রক্ষাগ্ংসি, অজিঘাগ্ংসন্থ্স এত-] 51
-স্যজিঘাগ্ংসন্থ্স এত-দ্রাক্ষোঘ্নমপশ্য-ত্তেন বৈ সরক্ষাগ্স্যপা-ঽহত য-দ্রাক্ষোঘ্ন-ম্ভবত্যগ্নেরেব তেন জাতা-দ্রক্ষাগ্স্যপ হন্ত্যাশ্বত্থীমা দধাত্যশ্বত্থো বৈ বনস্পতীনাগ্ং সপত্নসাহো বিজিত্যৈ বৈকঙ্কতীমা দধাতি ভা এবাব রুন্ধে শমীমযীমা দধাতি শান্ত্যৈ সগ্ংশিত-ম্মে ব্রহ্মোদেষা-ম্বাহূ অতিরমিত্যুত্তমে ঔদুম্বরী [ঔদুম্বরী, বাচযতি ব্রহ্মণৈব] 52
বাচযতি ব্রহ্মণৈব ক্ষত্রগ্ং সগ্গ্ শ্যতি ক্ষত্রেণ ব্রহ্ম তস্মা-দ্ব্রাহ্মণো রাজন্যবানত্যন্য-ম্ব্রাহ্মণ-ন্তস্মা-দ্রাজন্যো ব্রাহ্মণবানত্যন্যগ্ং রাজন্য-ম্মৃত্যুর্বা এষ যদগ্নিরমৃতগ্ং হিরণ্যগ্ং রুক্মমন্তর-ম্প্রতিমুঞ্চতে ঽমৃতমেব মৃত্যোরন্তর্ধত্ত একবিগ্ংশতিনির্বাধো ভবত্যেকবিগ্ংশতির্বৈ দেবলোকা দ্বাদশ মাসাঃ পঞ্চর্তবস্ত্রয ইমে লোকা অসাবাদিত্য [অসাবাদিত্যঃ, একবিগ্ংশ এতাবন্তো বৈ] 53
একবিগ্ংশ এতাবন্তো বৈ দেবলোকাস্তেভ্য এব ভ্রাতৃব্যমন্তরেতি নির্বাধৈর্বৈ দেবা অসুরা-ন্নির্বাধে-ঽকুর্বত তন্নির্বাধানা-ন্নির্বাধত্ব-ন্নির্বাধী ভবতি ভ্রাতৃব্যানেব নির্বাধে কুরুতে সাবিত্রিযা প্রতিমুঞ্চতে প্রসূত্যৈ নক্তোষাসেত্যুত্তরযা ঽহোরাত্রাভ্যামেবৈন-মুদ্যচ্ছতে দেবা অগ্নি-ন্ধারয-ন্দ্রবিণোদা ইত্যাহ প্রাণা বৈ দেবা দ্রবিণোদা অহোরাত্রাভ্যামেবৈনমুদ্যত্য [ ] 54
প্রাণৈর্দাধারা ঽঽসীনঃ প্রতিমুঞ্চতে তস্মাদাসীনাঃ প্রজাঃ প্রজাযন্তে কৃষ্ণাজিনমুত্তর-ন্তেজো বৈ হিরণ্য-ম্ব্রহ্ম কৃষ্ণাজিন-ন্তেজসা চৈবৈন-ম্ব্রহ্মণা চোভযতঃ পরিগৃহ্ণাতি ষডুদ্যামগ্ং শিক্য-ম্ভবতি ষড্বা ঋতব ঋতুভিরেবৈন-মুদ্যচ্ছতে য-দ্দ্বাদশোদ্যামগ্ং সংবঁথ্সরেণৈব মৌঞ্জ-ম্ভবত্যূর্গ্বৈ মুঞ্জা ঊর্জৈবৈনগ্ং স মর্ধযতি সুপর্ণো-ঽসি গরুত্মানিত্যবেক্ষতে রূপমেবাস্যৈতন্মহিমানং-ব্যাঁচষ্টে দিব-ঙ্গচ্ছ সুবঃ পতেত্যাহ সুবর্গমেবৈনং-লোঁক-ঙ্গমযতি ॥ 55 ॥

(রক্ষাগ্স্যৌ - দুবংরি - আদিত্য - উদ্যত্য - সং - চতুর্বিগ্ংশতিশ্চ) (অ. 10)
সমিদ্ধো অঞ্জন্ কৃদর-ম্মতীনা-ঙ্ঘৃতমগ্নে মধুম-ত্পিন্বমানঃ । বাজী বহন্ বাজিন-ঞ্জাতবেদো দেবানাং-বঁক্ষি প্রিযমা সধস্থম্ ॥ ঘৃতেনাঞ্জন্থ্স-ম্পথো দেবযানা-ন্প্রজানন্ বাজ্যপ্যেতু দেবান্ । অনু ত্বা সপ্তে প্রদিশঃ সচন্তাগ্ স্বধামস্মৈ যজমানায ধেহি ॥ ঈড্যশ্চাসি বন্দ্যশ্চ বাজিন্নাশুশ্চাসি মেদ্ধ্যশ্চ সপ্তে । অগ্নিষ্ট্বা [অগ্নিষ্ট্বা, দেবৈর্বসুভি-স্সজোষাঃ] 56
দেবৈর্বসুভি-স্সজোষাঃ প্রীতং-বঁহ্নিং-বঁহতু জাতবেদাঃ ॥ স্তীর্ণ-ম্বর্হি-স্সুষ্টরীমা জুষাণোরু পৃথু প্রথমান-ম্পৃথিব্যাম্ । দেবেভির্যুক্তমদিতি-স্সজোষা-স্স্যোন-ঙ্কৃণ্বানা সুবিতে দধাতু ॥ এতা উ ব-স্সুভগা বিশ্বরূপা বিপক্ষোভি-শ্শ্রযমাণা উদাতৈঃ । ঋষ্বা-স্সতীঃ কবষ-শ্শুম্ভমানা দ্বারো দেবী-স্সুপ্রাযণা ভবন্তু ॥ অন্তরা মিত্রাবরুণা চরন্তী মুখং-যঁজ্ঞানামভি সংবিঁদানে । উষাসা বাগ্ং [উষাসা বাম্, সুহিরণ্যে সুশিল্পে] 57
সুহিরণ্যে সুশিল্পে ঋতস্য যোনাবিহ সাদযামি ॥ প্রথমা বাগ্ং সরথিনা সুবর্ণা দেবৌ পশ্যন্তৌ ভুবনানি বিশ্বা । অপিপ্রয-ঞ্চোদনা বা-ম্মিমানা হোতারা জ্যোতিঃ প্রদিশা দিশন্তা ॥ আদিত্যৈর্নো ভারতী বষ্টু যজ্ঞগ্ং সরস্বতী সহ রুদ্রৈর্ন আবীত্ । ইডোপহূতা বসুভি-স্সজোষা যজ্ঞ-ন্নো দেবীরমৃতেষু ধত্ত ॥ ত্বষ্টা বীর-ন্দেবকাম-ঞ্জজান ত্বষ্টুরর্বা জাযত আশুরশ্বঃ । 58
ত্বষ্টেদং-বিঁশ্ব-ম্ভুবন-ঞ্জজান বহোঃ কর্তারমিহ যক্ষি হোতঃ ॥ অশ্বো ঘৃতেন ত্মন্যা সমক্ত উপ দেবাগ্ং ঋতুশঃ পাথ এতু । বনস্পতি-র্দেবলোক-ম্প্রজানন্নগ্নিনা হব্যা স্বদিতানি বক্ষত্ ॥ প্রজাপতেস্তপসা বাবৃধান-স্সদ্যো জাতো দধিষে যজ্ঞমগ্নে । স্বাহাকৃতেন হবিষা পুরোগা যাহি সাদ্ধ্যা হবিরদন্তু দেবাঃ ॥ 59 ॥