ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಪಞ್ಚಮಃ ಪ್ರಶ್ನಃ - ವಾಯವ್ಯಪಶ್ವಾದ್ಯಾನ-ನ್ನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಯದೇಕೇನ ಸಗ್ಗ್ ಸ್ಥಾಪಯತಿ ಯಜ್ಞಸ್ಯ ಸನ್ತತ್ಯಾ ಅವಿಚ್ಛೇದಾಯೈನ್ದ್ರಾಃ ಪಶವೋ ಯೇ ಮುಷ್ಕರಾ ಯದೈನ್ದ್ರಾ-ಸ್ಸನ್ತೋ-ಽಗ್ನಿಭ್ಯ ಆಲಭ್ಯನ್ತೇ ದೇವತಾಭ್ಯ-ಸ್ಸಮದ-ನ್ದಧಾತ್ಯಾಗ್ನೇಯೀ-ಸ್ತ್ರಿಷ್ಟುಭೋ ಯಾಜ್ಯಾನುವಾಕ್ಯಾಃ ಕುರ್ಯಾ-ದ್ಯದಾಗ್ನೇಯೀಸ್ತೇನಾ ಽಽಗ್ನೇಯಾ ಯ-ತ್ತ್ರಿಷ್ಟುಭ-ಸ್ತೇನೈನ್ದ್ರಾ-ಸ್ಸಮೃದ್ಧ್ಯೈ ನ ದೇವತಾಭ್ಯ-ಸ್ಸಮದ-ನ್ದಧಾತಿ ವಾಯವೇ ನಿಯುತ್ವತೇ ತೂಪರಮಾ ಲಭತೇ ತೇಜೋ-ಽಗ್ನೇರ್ವಾಯುಸ್ತೇಜಸ ಏಷ ಆ ಲಭ್ಯತೇ ತಸ್ಮಾ-ದ್ಯದ್ರಿಯಙ್ ವಾಯು- [ವಾಯುಃ, ವಾತಿ] 1
-ರ್ವಾತಿ ತದ್ರಿಯಙ್ಙ-ಗ್ನಿ-ರ್ದಹತಿ ಸ್ವಮೇವ ತ-ತ್ತೇಜೋ-ಽನ್ವೇತಿ ಯನ್ನ ನಿಯುತ್ವತೇ ಸ್ಯಾದುನ್ಮಾದ್ಯೇ-ದ್ಯಜಮಾನೋ ನಿಯುತ್ವತೇ ಭವತಿ ಯಜಮಾನಸ್ಯಾ-ಽನುನ್ಮಾದಾಯ ವಾಯುಮತೀ ಶ್ವೇತವತೀ ಯಾಜ್ಯಾನುವಾಕ್ಯೇ ಭವತ-ಸ್ಸತೇಜಸ್ತ್ವಾಯ ಹಿರಣ್ಯಗರ್ಭ-ಸ್ಸಮವರ್ತತಾಗ್ರ ಇತ್ಯಾಘಾರಮಾ ಘಾರಯತಿ ಪ್ರಜಾಪತಿರ್ವೈ ಹಿರಣ್ಯಗರ್ಭಃ ಪ್ರಜಾಪತೇ-ರನುರೂಪತ್ವಾಯ ಸರ್ವಾಣಿ ವಾ ಏಷ ರೂಪಾಣಿ ಪಶೂನಾ-ಮ್ಪ್ರತ್ಯಾ ಲಭ್ಯತೇ ಯಚ್ಛ್ಮಶ್ರುಣಸ್ತ- [ಯಚ್ಛ್ಮಶ್ರುಣಸ್ತತ್, ಪುರುಷಾಣಾಗ್ಂ] 2
-ತ್ಪುರುಷಾಣಾಗ್ಂ ರೂಪಂ-ಯಁ-ತ್ತೂಪರಸ್ತ-ದಶ್ವಾನಾಂ-ಯಁದನ್ಯತೋದ-ನ್ತ-ದ್ಗವಾಂ-ಯಁದವ್ಯಾ ಇವ ಶಫಾಸ್ತದವೀನಾಂ-ಯಁದಜಸ್ತದಜಾನಾಂ-ವಾಁಯುರ್ವೈ ಪಶೂನಾ-ಮ್ಪ್ರಿಯ-ನ್ಧಾಮ ಯ-ದ್ವಾಯವ್ಯೋ ಭವತ್ಯೇತ-ಮೇವೈನಮಭಿ ಸಞ್ಜಾನಾನಾಃ ಪಶವ ಉಪ ತಿಷ್ಠನ್ತೇ ವಾಯವ್ಯಃ ಕಾರ್ಯಾ(3)ಃ ಪ್ರಾಜಾಪತ್ಯಾ(3) ಇತ್ಯಾಹು-ರ್ಯ-ದ್ವಾಯವ್ಯ-ಙ್ಕುರ್ಯಾ-ತ್ಪ್ರಜಾಪತೇ-ರಿಯಾದ್ಯ-ತ್ಪ್ರಾಜಾಪತ್ಯ-ಙ್ಕುರ್ಯಾ-ದ್ವಾಯೋ- [-ದ್ವಾಯೋಃ, ಇಯಾದ್ಯ-] 3
-ರಿಯಾದ್ಯ-ದ್ವಾಯವ್ಯಃ ಪಶುರ್ಭವತಿ ತೇನ ವಾಯೋರ್ನೈತಿ ಯ-ತ್ಪ್ರಾಜಾಪತ್ಯಃ ಪುರೋಡಾಶೋ ಭವತಿ ತೇನ ಪ್ರಜಾಪತೇರ್ನೈತಿ ಯ-ದ್ದ್ವಾದಶಕಪಾಲಸ್ತೇನ ವೈಶ್ವಾನರಾನ್ನೈತ್ಯಾಗ್ನಾ ವೈಷ್ಣವಮೇಕಾದಶ-ಕಪಾಲ-ನ್ನಿರ್ವಪತಿ ದೀಕ್ಷಿಷ್ಯಮಾಣೋ--ಽಗ್ನಿ-ಸ್ಸರ್ವಾ ದೇವತಾ ವಿಷ್ಣುರ್ಯಜ್ಞೋ ದೇವತಾಶ್ಚೈವ ಯಜ್ಞ-ಞ್ಚಾ-ಽಽ ರಭತೇ-ಽಗ್ನಿರವಮೋ ದೇವತಾನಾಂ-ವಿಁಷ್ಣುಃ ಪರಮೋ ಯದಾಗ್ನಾ-ವೈಷ್ಣವ-ಮೇಕಾದಶಕಪಾಲ-ನ್ನಿರ್ವಪತಿ ದೇವತಾ [ದೇವತಾಃ, ಏವೋಭಯತಃ] 4
ಏವೋಭಯತಃ ಪರಿಗೃಹ್ಯ ಯಜಮಾನೋ-ಽವ ರುನ್ಧೇ ಪುರೋಡಾಶೇನ ವೈ ದೇವಾ ಅಮುಷ್ಮಿನ್ ಁಲೋಕ ಆರ್ಧ್ನುವನ್ ಚರುಣಾ-ಽಸ್ಮಿನ್. ಯಃ ಕಾಮಯೇತಾ-ಽಮುಷ್ಮಿನ್ ಁಲೋಕ ಋದ್ಧ್ನುಯಾಮಿತಿ ಸ ಪುರೋಡಾಶ-ಙ್ಕುರ್ವೀತಾ-ಽಮುಷ್ಮಿನ್ನೇವ ಲೋಕ ಋದ್ಧ್ನೋತಿ ಯದಷ್ಟಾಕಪಾಲ-ಸ್ತೇನಾ-ಽಽಗ್ನೇಯೋ ಯ-ತ್ತ್ರಿಕಪಾಲಸ್ತೇನ ವೈಷ್ಣವ-ಸ್ಸಮೃದ್ಧ್ಯೈ ಯಃ ಕಾಮಯೇತಾಸ್ಮಿನ್ ಁಲೋಕ ಋದ್ಧ್ನುಯಾಮಿತಿ ಸ ಚರು-ಙ್ಕುರ್ವೀತಾಗ್ನೇರ್ಘೃತಂ-ವಿಁಷ್ಣೋ-ಸ್ತಣ್ಡುಲಾ-ಸ್ತಸ್ಮಾ [-ಸ್ತಸ್ಮಾತ್, ಚರುಃ ಕಾರ್ಯೋ-ಽಸ್ಮಿನ್ನೇವ] 5
-ಚ್ಚರುಃ ಕಾರ್ಯೋ-ಽಸ್ಮಿನ್ನೇವ ಲೋಕ ಋದ್ಧ್ನೋತ್ಯಾದಿತ್ಯೋ ಭವತೀ ಯಂ-ವಾಁ ಅದಿತಿರಸ್ಯಾಮೇವ ಪ್ರತಿ ತಿಷ್ಠತ್ಯಥೋ ಅಸ್ಯಾಮೇವಾಧಿ ಯಜ್ಞ-ನ್ತನುತೇ ಯೋ ವೈ ಸಂವಁಥ್ಸರಮುಖ್ಯ-ಮಭೃತ್ವಾ-ಽಗ್ನಿ-ಞ್ಚಿನುತೇ ಯಥಾ ಸಾಮಿ ಗರ್ಭೋ-ಽವಪದ್ಯತೇ ತಾದೃಗೇವ ತದಾರ್ತಿಮಾರ್ಚ್ಛೇ-ದ್ವೈಶ್ವಾನರ-ನ್ದ್ವಾದಶಕಪಾಲ-ಮ್ಪುರಸ್ತಾನ್ನಿರ್ವಪೇ-ಥ್ಸಂವಁಥ್ಸರೋ ವಾ ಅಗ್ನಿ-ರ್ವೈಶ್ವಾನರೋ ಯಥಾ ಸಂವಁಥ್ಸರಮಾಪ್ತ್ವಾ [ ] 6
ಕಾಲ ಆಗತೇ ವಿಜಾಯತ ಏವಮೇವ ಸಂವಁಥ್ಸರಮಾಪ್ತ್ವಾ ಕಾಲ ಆಗತೇ-ಽಗ್ನಿ-ಞ್ಚಿನುತೇ ನಾ-ಽಽರ್ತಿಮಾರ್ಚ್ಛತ್ಯೇಷಾ ವಾ ಅಗ್ನೇಃ ಪ್ರಿಯಾ ತನೂರ್ಯ-ದ್ವೈಶ್ವಾನರಃ ಪ್ರಿಯಾಮೇವಾಸ್ಯ ತನುವಮವ ರುನ್ಧೇ ತ್ರೀಣ್ಯೇತಾನಿ ಹವೀಗ್ಂಷಿ ಭವನ್ತಿ ತ್ರಯ ಇಮೇ ಲೋಕಾ ಏಷಾಂ-ಲೋಁಕಾನಾಗ್ಂ ರೋಹಾಯ ॥ 7 ॥
(ಯದ್ರಿಯಂ-ವಾಁಯು - ರ್ಯಚ್ಛ್ಮಶ್ರುಣಸ್ತ-ದ್- ವಾಯೋ - ರ್ನಿರ್ವಪತಿ ದೇವತಾ - ಸ್ತಸ್ಮಾ - ದಾಪ್ತ್ವಾ - ಷ್ಟಾತ್ರಿಗ್ಂಶಚ್ಚ ) (ಅ. 1)
ಪ್ರಜಾಪತಿಃ ಪ್ರಜಾ-ಸ್ಸೃಷ್ಟ್ವಾ ಪ್ರೇಣಾ-ಽನು ಪ್ರಾವಿಶ-ತ್ತಾಭ್ಯಃ ಪುನ-ಸ್ಸಮ್ಭವಿತು-ನ್ನಾಶಕ್ನೋ-ಥ್ಸೋ-ಽಬ್ರವೀದೃದ್ಧ್ನವದಿ-ಥ್ಸ ಯೋ ಮೇತಃ ಪುನಃ ಸಞ್ಚಿನವದಿತಿ ತ-ನ್ದೇವಾ-ಸ್ಸಮಚಿನ್ವ-ನ್ತತೋ ವೈ ತ ಆರ್ಧ್ನುವನ್ ಯ-ಥ್ಸಮಚಿನ್ವ-ನ್ತಚ್ಚಿತ್ಯಸ್ಯ ಚಿತ್ಯತ್ವಂ-ಯಁ ಏವಂ-ವಿಁದ್ವಾನಗ್ನಿ-ಞ್ಚಿನುತ ಋದ್ಧ್ನೋತ್ಯೇವ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುರಗ್ನಿವಾ- [ಇತ್ಯಾಹುರಗ್ನಿವಾನ್, ಅಸಾನೀತಿ ವಾ] 8
-ನಸಾನೀತಿ ವಾ ಅಗ್ನಿಶ್ಚೀಯತೇ ಽಗ್ನಿವಾನೇವ ಭವತಿ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುರ್ದೇವಾ ಮಾ ವೇದನ್ನಿತಿ ವಾ ಅಗ್ನಿಶ್ಚೀಯತೇ ವಿದುರೇನ-ನ್ದೇವಾಃ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುರ್ಗೃಹ್ಯಸಾನೀತಿ ವಾ ಅಗ್ನಿಶ್ಚೀಯತೇ ಗೃಹ್ಯೇವ ಭವತಿ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುಃ ಪಶುಮಾನಸಾನೀತಿ ವಾ ಅಗ್ನಿ- [ವಾ ಅಗ್ನಿಃ, ಚೀಯತೇ ಪಶುಮಾನೇವ] 9
-ಶ್ಚೀಯತೇ ಪಶುಮಾನೇವ ಭವತಿ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹು-ಸ್ಸಪ್ತ ಮಾ ಪುರುಷಾ ಉಪ ಜೀವಾನಿತಿ ವಾ ಅಗ್ನಿಶ್ಚೀಯತೇ ತ್ರಯಃ ಪ್ರಾಞ್ಚಸ್ತ್ರಯಃ ಪ್ರತ್ಯಞ್ಚ ಆತ್ಮಾ ಸಪ್ತಮ ಏತಾವನ್ತ ಏವೈನಮಮುಷ್ಮಿನ್ ಁಲೋಕ ಉಪ ಜೀವನ್ತಿ ಪ್ರಜಾಪತಿರಗ್ನಿಮಚಿಕೀಷತ ತ-ಮ್ಪೃಥಿವ್ಯಬ್ರವೀನ್ನ ಮಯ್ಯಗ್ನಿ-ಞ್ಚೇಷ್ಯಸೇ-ಽತಿ ಮಾ ಧಕ್ಷ್ಯತಿ ಸಾ ತ್ವಾ-ಽತಿದಹ್ಯಮಾನಾ ವಿ ಧವಿಷ್ಯೇ [ವಿ ಧವಿಷ್ಯೇ, ಸ ಪಾಪೀಯಾ-] 10
ಸ ಪಾಪೀಯಾ-ನ್ಭವಿಷ್ಯಸೀತಿ ಸೋ-ಽಬ್ರವೀ-ತ್ತಥಾ ವಾ ಅಹ-ಙ್ಕರಿಷ್ಯಾಮಿ ಯಥಾ ತ್ವಾ ನಾತಿಧಕ್ಷ್ಯತೀತಿ ಸ ಇಮಾಮಭ್ಯಮೃಶ-ತ್ಪ್ರಜಾಪತಿಸ್ತ್ವಾ ಸಾದಯತು ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದೇತೀಮಾಮೇವೇಷ್ಟಕಾ-ಙ್ಕೃತ್ವೋಪಾ-ಧತ್ತಾ-ನತಿದಾಹಾಯ ಯ-ತ್ಪ್ರತ್ಯಗ್ನಿ-ಞ್ಚಿನ್ವೀತ ತದಭಿ ಮೃಶೇ-ತ್ಪ್ರಜಾಪತಿಸ್ತ್ವಾ ಸಾದಯತು ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದೇ- [-ದ್ಧ್ರುವಾ ಸೀದ, ಇತೀಮಾಮೇವೇಷ್ಟಕಾ] 11
-ತೀಮಾಮೇವೇಷ್ಟಕಾ-ಙ್ಕೃತ್ವೋಪ ಧತ್ತೇ-ಽನತಿದಾಹಾಯ ಪ್ರಜಾಪತಿರಕಾಮಯತ ಪ್ರಜಾಯೇಯೇತಿ ಸ ಏತಮುಖ್ಯಮಪಶ್ಯ-ತ್ತಗ್ಂ ಸಂವಁಥ್ಸರಮಬಿಭಸ್ತತೋ ವೈ ಸ ಪ್ರಾಜಾಯತ ತಸ್ಮಾ-ಥ್ಸಂವಁಥ್ಸರ-ಮ್ಭಾರ್ಯಃ ಪ್ರೈವ ಜಾಯತೇ ತಂ-ವಁಸವೋ-ಽಬ್ರುವ-ನ್ಪ್ರ ತ್ವಮಜನಿಷ್ಠಾ ವಯ-ಮ್ಪ್ರಜಾಯಾಮಹಾ ಇತಿ ತಂ-ವಁಸುಭ್ಯಃ ಪ್ರಾಯಚ್ಛ-ತ್ತ-ನ್ತ್ರೀಣ್ಯಹಾನ್ಯಬಿಭರು-ಸ್ತೇನ [-ಸ್ತೇನ, ತ್ರೀಣಿ] 12
ತ್ರೀಣಿ ಚ ಶತಾನ್ಯಸೃಜನ್ತ ತ್ರಯಸ್ತ್ರಿಗ್ಂಶತ-ಞ್ಚ ತಸ್ಮಾ-ತ್ತ್ರ್ಯಹ-ಮ್ಭಾರ್ಯಃ ಪ್ರೈವ ಜಾಯತೇ ತಾ-ನ್ರುದ್ರಾ ಅಬ್ರುವ-ನ್ಪ್ರ ಯೂಯಮಜನಿಢ್ವಂ-ವಁಯ-ಮ್ಪ್ರಜಾಯಾಮಹಾ ಇತಿ ತಗ್ಂ ರುದ್ರೇಭ್ಯಃ ಪ್ರಾಯಚ್ಛ-ನ್ತಗ್ಂ ಷಡಹಾನ್ಯಬಿಭರುಸ್ತೇನ ತ್ರೀಣಿ ಚ ಶತಾನ್ಯಸೃಜನ್ತ ತ್ರಯಸ್ತ್ರಿಗ್ಂಶತ-ಞ್ಚ ತಸ್ಮಾ-ಥ್ಷಡಹ-ಮ್ಭಾರ್ಯಃ ಪ್ರೈವ ಜಾಯತೇ ತಾನಾದಿತ್ಯಾ ಅಬ್ರುವ-ನ್ಪ್ರ ಯೂಯಮಜನಿಢ್ವಂ-ವಁಯ- [-ಁವಯಮ್, ಪ್ರ ಜಾಯಾಮಹಾ] 13
-ಮ್ಪ್ರ ಜಾಯಾಮಹಾ ಇತಿ ತಮಾದಿತ್ಯೇಭ್ಯಃ ಪ್ರಾಯಚ್ಛ-ನ್ತ-ನ್ದ್ವಾದಶಾಹಾನ್ಯಬಿಭರುಸ್ತೇನ ತ್ರೀಣಿ ಚ ಶತಾನ್ಯಸೃಜನ್ತ ತ್ರಯಸ್ತ್ರಿಗ್ಂಶತ-ಞ್ಚ ತಸ್ಮಾ-ದ್ದ್ವಾದಶಾಹ-ಮ್ಭಾರ್ಯಃ ಪ್ರೈವ ಜಾಯತೇ ತೇನ ವೈ ತೇ ಸಹಸ್ರಮಸೃಜನ್ತೋಖಾಗ್ಂ ಸಹಸ್ರತಮೀಂ-ಯಁ ಏವಮುಖ್ಯಗ್ಂ ಸಾಹಸ್ರಂ-ವೇಁದ ಪ್ರ ಸಹಸ್ರ-ಮ್ಪಶೂನಾಪ್ನೋತಿ ॥ 14 ॥
(ಅಗ್ನಿವಾನ್ - ಪಶುಮಾನಸಾನೀತಿ ವಾ ಅಗ್ನಿ - ರ್ಧವಿಷ್ಯೇ - ಮೃಶೇ-ತ್ಪ್ರಜಾಪತಿಸ್ತ್ವಾ ಸಾದಯತು ತಯಾ ದೇವತಯಾ-ಽಙ್ಗಿರಸ್ವ ಧ್ರುವಾ ಸೀದ - ತೇನ - ತಾನಾದಿತ್ಯಾ ಅಬ್ರುವ-ನ್ಪ್ರ ಯೂಯಮಜನಿಢ್ವಂ-ವಁಯಂ - ಚತ್ವಾರಿಗ್ಂಶಚ್ಚ) (ಅ. 2)
ಯಜುಷಾ ವಾ ಏಷಾ ಕ್ರಿಯತೇ ಯಜುಷಾ ಪಚ್ಯತೇ ಯಜುಷಾ ವಿ ಮುಚ್ಯತೇ ಯದುಖಾ ಸಾ ವಾ ಏಷೈತರ್ಹಿ ಯಾತಯಾಮ್ನೀ ಸಾ ನ ಪುನಃ ಪ್ರಯುಜ್ಯೇತ್ಯಾಹುರಗ್ನೇ ಯುಕ್ಷ್ವಾ ಹಿ ಯೇ ತವ ಯುಕ್ಷ್ವಾ ಹಿ ದೇವಹೂತಮಾಗ್ಂ ಇತ್ಯುಖಾಯಾ-ಞ್ಜುಹೋತಿ ತೇನೈವೈನಾ-ಮ್ಪುನಃ ಪ್ರಯುಙ್ಕ್ತೇ ತೇನಾಯಾತಯಾಮ್ನೀ ಯೋ ವಾ ಅಗ್ನಿಂ-ಯೋಁಗ ಆಗತೇ ಯುನಕ್ತಿ ಯುಙ್ಕ್ತೇ ಯುಞ್ಜಾನೇಷ್ವಗ್ನೇ [ಯುಞ್ಜಾನೇಷ್ವಗ್ನೇ, ಯುಕ್ಷ್ವಾ ಹಿ] 15
ಯುಕ್ಷ್ವಾ ಹಿ ಯೇ ತವ ಯುಕ್ಷ್ವಾ ಹಿ ದೇವಹೂತಮಾಗ್ಂ ಇತ್ಯಾಹೈಷ ವಾ ಅಗ್ನೇರ್ಯೋಗಸ್ತೇನೈವೈನಂ-ಯುಁನಕ್ತಿ ಯುಙ್ಕ್ತೇ ಯುಞ್ಜಾನೇಷು ಬ್ರಹ್ಮವಾದಿನೋ ವದನ್ತಿ ನ್ಯಙ್ಙಗ್ನಿಶ್ಚೇತವ್ಯಾ(3) ಉತ್ತಾನಾ(3) ಇತಿ ವಯಸಾಂ-ವಾಁ ಏಷ ಪ್ರತಿಮಯಾ ಚೀಯತೇ ಯದಗ್ನಿರ್ಯನ್ನ್ಯಞ್ಚ-ಞ್ಚಿನುಯಾ-ತ್ಪೃಷ್ಟಿತ ಏನಮಾಹುತಯ ಋಚ್ಛೇಯುರ್ಯದುತ್ತಾನ-ನ್ನ ಪತಿತುಗ್ಂ ಶಕ್ನುಯಾದಸುವರ್ಗ್ಯೋ-ಽಸ್ಯ ಸ್ಯಾ-ತ್ಪ್ರಾಚೀನ-ಮುತ್ತಾನ- [-ಮುತ್ತಾನಮ್, ಪುರುಷಶೀರ್ಷಮುಪ ದಧಾತಿ] 16
-ಮ್ಪುರುಷಶೀರ್ಷಮುಪ ದಧಾತಿ ಮುಖತ ಏವೈನಮಾಹುತಯ ಋಚ್ಛನ್ತಿ ನೋತ್ತಾನ-ಞ್ಚಿನುತೇ ಸುವರ್ಗ್ಯೋ-ಽಸ್ಯ ಭವತಿ ಸೌರ್ಯಾ ಜುಹೋತಿ ಚಕ್ಷುರೇವಾಸ್ಮಿ-ನ್ಪ್ರತಿ ದಧಾತಿ ದ್ವಿರ್ಜುಹೋತಿ ದ್ವೇ ಹಿ ಚಕ್ಷುಷೀ ಸಮಾನ್ಯಾ ಜುಹೋತಿ ಸಮಾನಗ್ಂ ಹಿ ಚಕ್ಷು-ಸ್ಸಮೃದ್ಧ್ಯೈ ದೇವಾಸುರಾ-ಸ್ಸಂಯಁತ್ತಾ ಆಸ-ನ್ತೇ ವಾಮಂ-ವಁಸು ಸ-ನ್ನ್ಯದಧತ ತದ್ದೇವಾ ವಾಮಭೃತಾ-ಽವೃಞ್ಜತ ತದ್ವಾಮಭೃತೋ ವಾಮಭೃತ್ತ್ವಂ-ಯಁದ್ವಾಮಭೃತ ಮುಪದಧಾತಿ ವಾಮಮೇವ ತಯಾ ವಸು ಯಜಮಾನೋ ಭ್ರಾತೃವ್ಯಸ್ಯ ವೃಙ್ಕ್ತೇ ಹಿರಣ್ಯಮೂರ್ಧ್ನೀ ಭವತಿ ಜ್ಯೋತಿರ್ವೈ ಹಿರಣ್ಯ-ಞ್ಜ್ಯೋತಿರ್ವಾಮ-ಞ್ಜ್ಯೋತಿಷೈವಾಸ್ಯ ಜ್ಯೋತಿರ್ವಾಮಂ-ವೃಁಙ್ಕ್ತೇ ದ್ವಿಯಜುರ್ಭವತಿ ಪ್ರತಿಷ್ಠಿತ್ಯೈ ॥ 17 ॥
(ಯುಞ್ಜಾನೇಷ್ವಗ್ನೇ-ಪ್ರಾಚೀನಮುತ್ತಾನಂ - ಁವಾಮಭೃತಂ - ಚತುರ್ವಿಗ್ಂಶತಿಶ್ಚ) (ಅ. 3)
ಆಪೋ ವರುಣಸ್ಯ ಪತ್ನಯ ಆಸ-ನ್ತಾ ಅಗ್ನಿರಭ್ಯದ್ಧ್ಯಾಯ-ತ್ತಾ-ಸ್ಸಮಭವ-ತ್ತಸ್ಯ ರೇತಃ ಪರಾ-ಽಪತ-ತ್ತದಿಯಮಭವದ್ಯ-ದ್ದ್ವಿತೀಯ-ಮ್ಪರಾ-ಽಪತ-ತ್ತದಸಾವಭವದಿಯಂ-ವೈಁ ವಿರಾಡಸೌ ಸ್ವರಾಡ್ ಯ-ದ್ವಿರಾಜಾವುಪದಧಾತೀಮೇ ಏವೋಪ ಧತ್ತೇ ಯದ್ವಾ ಅಸೌ ರೇತಃ ಸಿಞ್ಚತಿ ತದಸ್ಯಾ-ಮ್ಪ್ರತಿ ತಿಷ್ಠತಿ ತ-ತ್ಪ್ರ ಜಾಯತೇ ತಾ ಓಷಧಯೋ [ಓಷಧಯಃ, ವೀರುಧೋ] 18
ವೀರುಧೋ ಭವನ್ತಿ ತಾ ಅಗ್ನಿರತ್ತಿ ಯ ಏವಂ-ವೇಁದ ಪ್ರೈವ ಜಾಯತೇ-ಽನ್ನಾದೋ ಭವತಿ ಯೋ ರೇತಸ್ವೀ ಸ್ಯಾ-ತ್ಪ್ರಥಮಾಯಾ-ನ್ತಸ್ಯ ಚಿತ್ಯಾಮುಭೇ ಉಪ ದದ್ಧ್ಯಾದಿಮೇ ಏವಾಸ್ಮೈ ಸಮೀಚೀ ರೇತಃ ಸಿಞ್ಚತೋ ಯ-ಸ್ಸಿಕ್ತರೇತಾ-ಸ್ಸ್ಯಾ-ತ್ಪ್ರಥಮಾಯಾ-ನ್ತಸ್ಯ ಚಿತ್ಯಾಮನ್ಯಾಮುಪ ದದ್ಧ್ಯಾದುತ್ತಮಾಯಾಮನ್ಯಾಗ್ಂ ರೇತ ಏವಾಸ್ಯ ಸಿಕ್ತಮಾಭ್ಯಾಮುಭಯತಃ ಪರಿ ಗೃಹ್ಣಾತಿ ಸಂವಁಥ್ಸರ-ನ್ನ ಕ- [ಸಂವಁಥ್ಸರ-ನ್ನ ಕಮ್, ಚನ ಪ್ರತ್ಯವರೋಹೇನ್ನ] 19
-ಞ್ಚನ ಪ್ರತ್ಯವರೋಹೇನ್ನ ಹೀಮೇ ಕಞ್ಚನ ಪ್ರತ್ಯವರೋಹತಸ್ತದೇನಯೋರ್ವ್ರತಂ-ಯೋಁ ವಾ ಅಪ ಶೀರ್ಷಾಣಮಗ್ನಿ-ಞ್ಚಿನುತೇ-ಽಪಶೀರ್ಷಾ-ಽಮುಷ್ಮಿನ್ ಁಲೋಕೇ ಭವತಿ ಯ-ಸ್ಸಶೀರ್ಷಾಣ-ಞ್ಚಿನುತೇ ಸಶೀರ್ಷಾ ಽಮುಷ್ಮಿನ್ ಁಲೋಕೇ ಭವತಿ ಚಿತ್ತಿ-ಞ್ಜುಹೋಮಿ ಮನಸಾ ಘೃತೇನ ಯಥಾ ದೇವಾ ಇಹಾ-ಽಽಗಮನ್ ವೀತಿಹೋತ್ರಾ ಋತಾವೃಧಃ ಸಮುದ್ರಸ್ಯ ವಯುನಸ್ಯ ಪತ್ಮನ್ ಜುಹೋಮಿ ವಿಶ್ವಕರ್ಮಣೇ ವಿಶ್ವಾ-ಽಹಾ-ಽಮರ್ತ್ಯಗ್ಂ ಹವಿರಿತಿ ಸ್ವಯಮಾತೃಣ್ಣಾಮುಪಧಾಯ ಜುಹೋ- [ಜುಹೋತಿ, ಏತದ್ವಾ] 20
-ತ್ಯೇತದ್ವಾ ಅಗ್ನೇ-ಶ್ಶಿರ-ಸ್ಸಶೀರ್ಷಾಣಮೇವಾಗ್ನಿ-ಞ್ಚಿನುತೇ ಸಶೀರ್ಷಾ-ಽಮುಷ್ಮಿನ್ ಁಲೋಕೇ ಭವತಿ ಯ ಏವಂ-ವೇಁದ ಸುವರ್ಗಾಯ ವಾ ಏಷ ಲೋಕಾಯ ಚೀಯತೇ ಯದಗ್ನಿಸ್ತಸ್ಯ ಯದಯಥಾಪೂರ್ವ-ಙ್ಕ್ರಿಯತೇ ಽಸುವರ್ಗ್ಯಮಸ್ಯ ತ-ಥ್ಸುವರ್ಗ್ಯೋ ಽಗ್ನಿಶ್ಚಿತಿಮುಪಧಾಯಾಭಿ ಮೃಶೇಚ್ಚಿತ್ತಿಮಚಿತ್ತಿ-ಞ್ಚಿನವದ್ವಿ ವಿದ್ವಾ-ನ್ಪೃಷ್ಠೇವ ವೀತಾ ವೃಜಿನಾ ಚ ಮರ್ತಾ-ನ್ರಾಯೇ ಚ ನ-ಸ್ಸ್ವಪತ್ಯಾಯ ದೇವ ದಿತಿ-ಞ್ಚ ರಾಸ್ವಾ-ದಿತಿಮುರುಷ್ಯೇತಿ ಯಥಾಪೂರ್ವಮೇವೈನಾಮುಪ ಧತ್ತೇ ಪ್ರಾಞ್ಚಮೇನ-ಞ್ಚಿನುತೇ ಸುವರ್ಗ್ಯೋ-ಽಸ್ಯ ಭವತಿ ॥ 21 ॥
(ಓಷಧಯಃ - ಕಂ - ಜುಹೋತಿ - ಸ್ವಪತ್ಯಾಯಾ - ಷ್ಟಾದಶ ಚ) (ಅ. 4)
ವಿಶ್ವಕರ್ಮಾ ದಿಶಾ-ಮ್ಪತಿ-ಸ್ಸ ನಃ ಪಶೂ-ನ್ಪಾತು ಸೋ-ಽಸ್ಮಾ-ನ್ಪಾತು ತಸ್ಮೈ ನಮಃ ಪ್ರಜಾಪತೀ ರುದ್ರೋ ವರುಣೋ ಽಗ್ನಿರ್ದಿಶಾ-ಮ್ಪತಿ-ಸ್ಸ ನಃ ಪಶೂ-ನ್ಪಾತು ಸೋ-ಽಸ್ಮಾ-ನ್ಪಾತು ತಸ್ಮೈ ನಮ ಏತಾ ವೈ ದೇವತಾ ಏತೇಷಾ-ಮ್ಪಶೂನಾ-ಮಧಿಪತಯ-ಸ್ತಾಭ್ಯೋ ವಾ ಏಷ ಆ ವೃಶ್ಚ್ಯತೇ ಯಃ ಪಶುಶೀರ್ಷಾಣ್ಯುಪ ದಧಾತಿ ಹಿರಣ್ಯೇಷ್ಟಕಾ ಉಪ ದಧಾತ್ಯೇತಾಭ್ಯ ಏವ ದೇವತಾಭ್ಯೋ ನಮಸ್ಕರೋತಿ ಬ್ರಹ್ಮವಾದಿನೋ [ಬ್ರಹ್ಮವಾದಿನಃ, ವದನ್ತ್ಯಗ್ನೌ ಗ್ರಾಮ್ಯಾ-] 22
ವದನ್ತ್ಯಗ್ನೌ ಗ್ರಾಮ್ಯಾ-ನ್ಪಶೂ-ನ್ಪ್ರ ದಧಾತಿ ಶುಚಾ-ಽಽರಣ್ಯಾನರ್ಪಯತಿ ಕಿ-ನ್ತತ ಉಚ್ಛಿಗ್ಂಷತೀತಿ ಯದ್ಧಿರಣ್ಯೇಷ್ಟಕಾ ಉಪದಧಾತ್ಯಮೃತಂ-ವೈಁ ಹಿರಣ್ಯಮಮೃತೇನೈವ ಗ್ರಾಮ್ಯೇಭ್ಯಃ ಪಶುಭ್ಯೋ ಭೇಷಜ-ಙ್ಕರೋತಿ ನೈನಾನ್ ಹಿನಸ್ತಿ ಪ್ರಾಣೋ ವೈ ಪ್ರಥಮಾ ಸ್ವಯಮಾತೃಣ್ಣಾ ವ್ಯಾನೋ ದ್ವಿತೀಯಾ-ಽಪಾನಸ್ತೃತೀಯಾ-ಽನು ಪ್ರಾ-ಽಣ್ಯಾ-ತ್ಪ್ರಥಮಾಗ್ ಸ್ವಯಮಾತೃಣ್ಣಾಮುಪಧಾಯ ಪ್ರಾಣೇನೈವ ಪ್ರಾಣಗ್ಂ ಸಮರ್ಧಯತಿ ವ್ಯನ್ಯಾ- [ಸಮರ್ಧಯತಿ ವ್ಯನ್ಯಾತ್, ದ್ವಿತೀಯಾಮುಪಧಾಯ] 23
-ದ್ದ್ವಿತೀಯಾಮುಪಧಾಯ ವ್ಯಾನೇನೈವ ವ್ಯಾನಗ್ಂ ಸಮರ್ಧಯತ್ಯಪಾನ್ ಯಾತ್ತೃತೀಯಾಮುಪಧಾಯಾ-ಪಾನೇನೈವಾಪಾನಗ್ಂ ಸಮರ್ಧಯತ್ಯಥೋ ಪ್ರಾಣೈರೇವೈನಗ್ಂ ಸಮಿನ್ಧೇ ಭೂರ್ಭುವ-ಸ್ಸುವರಿತಿ ಸ್ವಯಮಾತೃಣ್ಣಾ ಉಪ ದಧಾತೀಮೇ ವೈ ಲೋಕಾ-ಸ್ಸ್ವಯಮಾತೃಣ್ಣಾ ಏತಾಭಿಃ ಖಲುವೈ ವ್ಯಾಹೃತೀಭಿಃ ಪ್ರಜಾಪತಿಃ ಪ್ರಾ-ಽಜಾಯತ ಯದೇತಾಭಿರ್ವ್ಯಾಹೃತೀಭಿ-ಸ್ಸ್ವಯಮಾತೃಣ್ಣಾ ಉಪದಧಾತೀಮಾನೇವ ಲೋಕಾನುಪಧಾಯೈಷು [ ] 24
ಲೋಕೇಷ್ವಧಿ ಪ್ರಜಾಯತೇ ಪ್ರಾಣಾಯ ವ್ಯಾನಾಯಾಪಾನಾಯ ವಾಚೇ ತ್ವಾ ಚಕ್ಷುಷೇ ತ್ವಾ ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದಾಗ್ನಿನಾ ವೈ ದೇವಾ-ಸ್ಸುವರ್ಗಂ-ಲೋಁಕಮಜಿಗಾಗ್ಂಸ-ನ್ತೇನ ಪತಿತು-ನ್ನಾಶಕ್ನುವ-ನ್ತ ಏತಾಶ್ಚತಸ್ರ-ಸ್ಸ್ವಯಮಾತೃಣ್ಣಾ ಅಪಶ್ಯ-ನ್ತಾ ದಿಕ್ಷೂಪಾದಧತ ತೇನ ಸರ್ವತಶ್ಚಕ್ಷುಷಾ ಸುವರ್ಗಂ-ಲೋಁಕಮಾಯನ್ ಯಚ್ಚತಸ್ರ-ಸ್ಸ್ವಯಮಾತೃಣ್ಣಾ ದಿಕ್ಷೂಪದಧಾತಿ ಸರ್ವತಶ್ಚಕ್ಷುಷೈವ ತದಗ್ನಿನಾ ಯಜಮಾನ-ಸ್ಸುವರ್ಗಂ-ಲೋಁಕಮೇತಿ ॥ 25 ॥
(ಬ್ರಹ್ಮವಾದಿನೋ - ವ್ಯನ್ಯಾ - ದೇಷು - ಯಜಮಾನ - ಸ್ತ್ರೀಣಿ ಚ) (ಅ. 5)
ಅಗ್ನ ಆ ಯಾಹಿ ವೀತಯ ಇತ್ಯಾಹಾ-ಹ್ವತೈವೈನ-ಮಗ್ನಿ-ನ್ದೂತಂ-ವೃಁಣೀಮಹ ಇತ್ಯಾಹ ಹೂತ್ವೈವೈನಂ-ವೃಁಣೀತೇ ಽಗ್ನಿನಾ-ಽಗ್ನಿ-ಸ್ಸಮಿದ್ಧ್ಯತ ಇತ್ಯಾಹ ಸಮಿನ್ಧ ಏವೈನಮಗ್ನಿರ್ವೃತ್ರಾಣಿ ಜಙ್ಘನದಿತ್ಯಾಹ ಸಮಿದ್ಧ ಏವಾಸ್ಮಿನ್ನಿನ್ದ್ರಿಯ-ನ್ದಧಾತ್ಯಗ್ನೇ-ಸ್ಸ್ತೋಮ-ಮ್ಮನಾಮಹ ಇತ್ಯಾಹ ಮನುತ ಏವೈನಮೇತಾನಿ ವಾ ಅಹ್ನಾಗ್ಂ ರೂಪಾ- [ರೂಪಾಣಿ, ಅನ್ವಹಮೇವೈನ-] 26
-ಣ್ಯನ್ವಹಮೇವೈನ-ಞ್ಚಿನುತೇ ಽವಾಹ್ನಾಗ್ಂ ರೂಪಾಣಿ ರುನ್ಧೇ ಬ್ರಹ್ಮವಾದಿನೋ ವದನ್ತಿ ಕಸ್ಮಾ-ಥ್ಸತ್ಯಾದ್ಯಾತಯಾಮ್ನೀರನ್ಯಾ ಇಷ್ಟಕಾ ಅಯಾತಯಾಮ್ನೀ ಲೋಕ-ಮ್ಪೃಣೇತ್ಯೈನ್ದ್ರಾಗ್ನೀ ಹಿ ಬಾರ್ಹಸ್ಪತ್ಯೇತಿ ಬ್ರೂಯಾದಿನ್ದ್ರಾಗ್ನೀ ಚ ಹಿ ದೇವಾನಾ-ಮ್ಬೃಹಸ್ಪತಿಶ್ಚಾ-ಯಾತಯಾಮಾನೋ ಽನುಚರವತೀ ಭವತ್ಯಜಾಮಿತ್ವಾಯಾ -ನುಷ್ಟುಭಾ-ಽನು ಚರತ್ಯಾತ್ಮಾ ವೈ ಲೋಕ-ಮ್ಪೃಣಾ ಪ್ರಾಣೋ ಽನುಷ್ಟು-ಪ್ತಸ್ಮಾ-ತ್ಪ್ರಾಣ-ಸ್ಸರ್ವಾಣ್ಯಙ್ಗಾನ್ಯನು ಚರತಿ ತಾ ಅಸ್ಯ ಸೂದದೋಹಸ [ಸೂದದೋಹಸಃ, ಇತ್ಯಾಹ] 27
ಇತ್ಯಾಹ ತಸ್ಮಾ-ತ್ಪರುಷಿಪರುಷಿ ರಸ-ಸ್ಸೋಮಗ್ಗ್ ಶ್ರೀಣನ್ತಿ ಪೃಶ್ಞಯ ಇತ್ಯಾಹಾನ್ನಂ-ವೈಁ ಪೃಶ್ಞ್ಯನ್ನಮೇವಾವ ರುನ್ಧೇ-ಽರ್ಕೋ ವಾ ಅಗ್ನಿರರ್ಕೋ-ಽನ್ನಮನ್ನಮೇವಾವ ರುನ್ಧೇ ಜನ್ಮ-ನ್ದೇವಾನಾಂ-ವಿಁಶಸ್ತ್ರಿಷ್ವಾ ರೋಚನೇ ದಿವ ಇತ್ಯಾಹೇಮಾನೇವಾಸ್ಮೈ ಲೋಕಾನ್ ಜ್ಯೋತಿಷ್ಮತಃ ಕರೋತಿ ಯೋ ವಾ ಇಷ್ಟಕಾನಾ-ಮ್ಪ್ರತಿಷ್ಠಾಂ-ವೇಁದ ಪ್ರತ್ಯೇವ ತಿಷ್ಠತಿ ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದೇತ್ಯಾಹೈಷಾ ವಾ ಇಷ್ಟಕಾನಾ-ಮ್ಪ್ರತಿಷ್ಠಾ ಯ ಏವಂ-ವೇಁದ ಪ್ರತ್ಯೇವತಿಷ್ಠತಿ ॥ 28 ॥
(ರೂಪಾಣಿ - ಸೂದದೋಹಸ - ಸ್ತಯಾ - ಷೋಡಶ ಚ) (ಅ. 6)
ಸುವರ್ಗಾಯ ವಾ ಏಷ ಲೋಕಾಯ ಚೀಯತೇ ಯದಗ್ನಿರ್ವಜ್ರ ಏಕಾದಶಿನೀ ಯದಗ್ನಾವೇಕಾದಶಿನೀ-ಮ್ಮಿನುಯಾ-ದ್ವಜ್ರೇಣೈನಗ್ಂ ಸುವರ್ಗಾಲ್ಲೋಕಾದನ್ತರ್ದದ್ಧ್ಯಾದ್ಯನ್ನ ಮಿನುಯಾ-ಥ್ಸ್ವರುಭಿಃ ಪಶೂನ್ ವ್ಯರ್ಧಯೇದೇಕಯೂಪ-ಮ್ಮಿನೋತಿ ನೈನಂ-ವಁಜ್ರೇಣ ಸುವರ್ಗಾಲ್ಲೋಕಾದನ್ತರ್ದಧಾತಿ ನ ಸ್ವರುಭಿಃ ಪಶೂನ್ ವ್ಯರ್ಧಯತಿ ವಿ ವಾ ಏಷ ಇನ್ದ್ರಿಯೇಣ ವೀರ್ಯೇಣರ್ಧ್ಯತೇ ಯೋ-ಽಗ್ನಿ-ಞ್ಚಿನ್ವ-ನ್ನಧಿಕ್ರಾಮತ್ಯೈನ್ದ್ರಿಯ- [-ನ್ನಧಿಕ್ರಾಮತ್ಯೈನ್ದ್ರಿಯಾ, ಋಚಾ ಽಽಕ್ರಮಣ-] 29
-ರ್ಚಾ ಽಽಕ್ರಮಣ-ಮ್ಪ್ರತೀಷ್ಟಕಾಮುಪ ದದ್ಧ್ಯಾನ್ನೇನ್ದ್ರಿಯೇಣ ವೀರ್ಯೇಣ ವ್ಯೃದ್ಧ್ಯತೇ ರುದ್ರೋ ವಾ ಏಷ ಯದಗ್ನಿಸ್ತಸ್ಯ ತಿಸ್ರ-ಶ್ಶರವ್ಯಾಃ ಪ್ರತೀಚೀ ತಿರಶ್ಚ್ಯನೂಚೀ ತಾಭ್ಯೋ ವಾ ಏಷ ಆ ವೃಶ್ಚ್ಯತೇ ಯೋ-ಽಗ್ನಿ-ಞ್ಚಿನುತೇ ಽಗ್ನಿ-ಞ್ಚಿತ್ವಾ ತಿಸೃಧನ್ವಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾ-ತ್ತಾಭ್ಯ ಏವ ನಮಸ್ಕರೋತ್ಯಥೋ ತಾಭ್ಯ ಏವಾ-ಽಽತ್ಮಾನ-ನ್ನಿಷ್ಕ್ರೀಣೀತೇ ಯತ್ತೇ ರುದ್ರ ಪುರೋ [ರುದ್ರ ಪುರಃ, ಧನುಸ್ತ-ದ್ವಾತೋ] 30
ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರ ಸಂವಁಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರ ದಕ್ಷಿಣಾ ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರ ಪರಿವಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರ ಪಶ್ಚಾದ್ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರೇದಾವಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರೋತ್ತರಾ-ದ್ಧನುಸ್ತ- [ದ್ಧನುಸ್ತತ್, ವಾತೋ] 31
-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರೇದುವಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರೋಪರಿ ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರ ವಥ್ಸರೇಣ ನಮಸ್ಕರೋಮಿ ರುದ್ರೋ ವಾ ಏಷ ಯದಗ್ನಿ-ಸ್ಸ ಯಥಾ ವ್ಯಾಘ್ರಃ ಕ್ರುದ್ಧ-ಸ್ತಿಷ್ಠತ್ಯೇವಂ-ವಾಁ ಏಷ ಏತರ್ಹಿ ಸಞ್ಚಿತಮೇತೈರುಪ ತಿಷ್ಠತೇ ನಮಸ್ಕಾರೈ-ರೇವೈನಗ್ಂ ಶಮಯತಿ ಯೇ-ಽಗ್ನಯಃ - [ಯೇ-ಽಗ್ನಯಃ, ಪುರೀಷ್ಯಾಃ] 32
ಪುರೀಷ್ಯಾಃ ಪ್ರವಿಷ್ಟಾಃ ಪೃಥಿವೀಮನು । ತೇಷಾ-ನ್ತ್ವಮಸ್ಯುತ್ತಮಃ ಪ್ರಣೋ ಜೀವಾತವೇ ಸುವ ॥ ಆಪ-ನ್ತ್ವಾ-ಽಗ್ನೇ ಮನಸಾ ಽಽಪ-ನ್ತ್ವಾ-ಽಗ್ನೇ ತಪಸಾ ಽಽಪ-ನ್ತ್ವಾ-ಽಗ್ನೇ ದೀಕ್ಷಯಾ ಽಽಪ-ನ್ತ್ವಾ-ಽಗ್ನ ಉಪಸದ್ಭಿರಾಪ-ನ್ತ್ವಾ-ಽಗ್ನೇ ಸುತ್ಯಯಾ-ಽಽಪ-ನ್ತ್ವಾ-ಽಗ್ನೇ ದಕ್ಷಿಣಾಭಿರಾಪ-ನ್ತ್ವಾ-ಽಗ್ನೇ ಽವಭೃಥೇನಾಪ-ನ್ತ್ವಾ-ಽಗ್ನೇ ವಶಯಾ ಽಽಪ-ನ್ತ್ವಾ-ಽಗ್ನೇ ಸ್ವಗಾಕಾರೇಣೇತ್ಯಾಹೈ ಷಾ ವಾ ಅಗ್ನೇರಾಪ್ತಿಸ್ತಯೈವೈನಮಾಪ್ನೋತಿ ॥ 33 ॥
(ಐನ್ದ್ರಿಯಾ - ಪುರ - ಉತ್ತರಾದ್ಧನುಸ್ತ- ದಗ್ನಯ - ಆಹಾ - ಷ್ಟೌ ಚ) (ಅ. 7)
ಗಾಯತ್ರೇಣ ಪುರಸ್ತಾದುಪ ತಿಷ್ಠತೇ ಪ್ರಾಣಮೇವಾಸ್ಮಿ-ನ್ದಧಾತಿ ಬೃಹ-ದ್ರಥನ್ತರಾಭ್ಯಾ-ಮ್ಪಕ್ಷಾವೋಜ ಏವಾಸ್ಮಿ-ನ್ದಧಾತ್ಯೃತುಸ್ಥಾಯಜ್ಞಾ-ಯಜ್ಞಿಯೇನ ಪುಚ್ಛಮೃತುಷ್ವೇವ ಪ್ರತಿ ತಿಷ್ಠತಿ ಪೃಷ್ಠೈರುಪ ತಿಷ್ಠತೇ ತೇಜೋ ವೈ ಪೃಷ್ಠಾನಿ ತೇಜ ಏವಾಸ್ಮಿ-ನ್ದಧಾತಿ ಪ್ರಜಾಪತಿರಗ್ನಿಮಸೃಜತ ಸೋ-ಽಸ್ಮಾ-ಥ್ಸೃಷ್ಟಃ ಪರಾಂಐ-ತ್ತಂ-ವಾಁರವನ್ತೀಯೇನಾ-ವಾರಯತ ತ-ದ್ವಾರವನ್ತೀಯಸ್ಯ ವಾರವನ್ತೀಯತ್ವಗ್ಗ್ ಶ್ಯೈತೇನ ಶ್ಯೇತೀ ಅಕುರುತ ತಚ್ಛ್ಯೈತಸ್ಯ ಶ್ಯೈತತ್ವಂ- [ಶ್ಯೈತತ್ವಮ್, ಯ-ದ್ವಾರವನ್ತೀಯೇನೋಪತಿಷ್ಠತೇ] 34
-ಁಯ-ದ್ವಾರವನ್ತೀಯೇನೋಪತಿಷ್ಠತೇ ವಾರಯತ ಏವೈನಗ್ಗ್ ಶ್ಯೈತೇನ ಶ್ಯೇತೀ ಕುರುತೇ ಪ್ರಜಾಪತೇರ್ಹೃದಯೇನಾ-ಪಿಪಕ್ಷ-ಮ್ಪ್ರತ್ಯುಪ ತಿಷ್ಠತೇ ಪ್ರೇಮಾಣಮೇವಾಸ್ಯ ಗಚ್ಛತಿ ಪ್ರಾಚ್ಯಾ ತ್ವಾ ದಿಶಾ ಸಾದಯಾಮಿ ಗಾಯತ್ರೇಣ ಛನ್ದಸಾ-ಽಗ್ನಿನಾ ದೇವತಯಾ-ಽಗ್ನೇ-ಶ್ಶೀರ್ಷ್ಣಾಗ್ನೇ-ಶ್ಶಿರ ಉಪ ದಧಾಮಿ ದಕ್ಷಿಣಯಾ ತ್ವಾ ದಿಶಾ ಸಾದಯಾಮಿ ತ್ರೈಷ್ಟುಭೇನ ಛನ್ದಸೇನ್ದ್ರೇಣ ದೇವತಯಾ-ಽಗ್ನೇಃ ಪಕ್ಷೇಣಾಗ್ನೇಃ ಪಕ್ಷಮುಪ ದಧಾಮಿ ಪ್ರತೀಚ್ಯಾ ತ್ವಾ ದಿಶಾ ಸಾದಯಾಮಿ [ದಿಶಾ ಸಾದಯಾಮಿ, ಜಾಗತೇನ] 35
ಜಾಗತೇನ ಛನ್ದಸಾ ಸವಿತ್ರಾ ದೇವತಯಾ-ಽಗ್ನೇಃ ಪುಚ್ಛೇನಾಗ್ನೇಃ ಪುಚ್ಛಮುಪ ದಧಾಮ್ಯುದೀಚ್ಯಾ ತ್ವಾ ದಿಶಾ ಸಾದಯಾಮ್ಯಾನುಷ್ಟುಭೇನ ಛನ್ದಸಾ ಮಿತ್ರಾವರುಣಾಭ್ಯಾಂ ಏವತಯಾ-ಽಗ್ನೇಃ ಪಕ್ಷೇಣಾಗ್ನೇಃ ಪಕ್ಷಮುಪ ದಧಾಮ್ಯೂರ್ಧ್ವಯಾ ತ್ವಾ ದಿಶಾ ಸಾದಯಾಮಿ ಪಾಙ್ಕ್ತೇನ ಛನ್ದಸಾ ಬೃಹಸ್ಪತಿನಾ ದೇವತಯಾ-ಽಗ್ನೇಃ ಪೃಷ್ಠೇನಾಗ್ನೇಃ ಪೃಷ್ಠಮುಪ ದಧಾಮಿ ಯೋ ವಾ ಅಪಾತ್ಮಾನಮಗ್ನಿ-ಞ್ಚಿನುತೇ-ಽಪಾತ್ಮಾ-ಽಮುಷ್ಮಿನ್ ಁಲೋಕೇ ಭವತಿ ಯ-ಸ್ಸಾತ್ಮಾನ-ಞ್ಚಿನುತೇ ಸಾತ್ಮಾ-ಽಮುಷ್ಮಿನ್ ಁಲೋಕೇ ಭವತ್ಯಾತ್ಮೇಷ್ಟಕಾ ಉಪ ದಧಾತ್ಯೇಷ ವಾ ಅಗ್ನೇರಾತ್ಮಾ ಸಾತ್ಮಾನಮೇವಾಗ್ನಿ-ಞ್ಚಿನುತೇ ಸಾತ್ಮಾ-ಽಮುಷ್ಮಿನ್ ಁಲೋಕೇ ಭವತಿ ಯ ಏವಂ-ವೇಁದ ॥ 36 ॥
(ಶ್ಯೈತತ್ವಂ - ಪ್ರತೀಚ್ಯಾ ತ್ವಾ ದಿಶಾ ಸಾದಯಾಮಿ - ಯ-ಸ್ಸಾತ್ಮಾನ-ಞ್ಚಿನುತೇ - ದ್ವಾವಿಗ್ಂಶತಿಶ್ಚ) (ಅ. 8)
ಅಗ್ನ ಉದಧೇ ಯಾ ತ ಇಷುರ್ಯುವಾ ನಾಮ ತಯಾ ನೋ ಮೃಡ ತಸ್ಯಾಸ್ತೇ ನಮಸ್ತಸ್ಯಾಸ್ತ ಉಪ ಜೀವನ್ತೋ ಭೂಯಾಸ್ಮಾಗ್ನೇ ದುದ್ಧ್ರ ಗಹ್ಯ ಕಿಗ್ಂಶಿಲ ವನ್ಯ ಯಾ ತ ಇಷುರ್ಯುವಾ ನಾಮ ತಯಾ ನೋ ಮೃಡ ತಸ್ಯಾಸ್ತೇ ನಮಸ್ತಸ್ಯಾಸ್ತ ಉಪ ಜೀವನ್ತೋ ಭೂಯಾಸ್ಮ ಪಞ್ಚ ವಾ ಏತೇ-ಽಗ್ನಯೋ ಯಚ್ಚಿತಯ ಉದಧಿರೇವ ನಾಮ ಪ್ರಥಮೋ ದುದ್ಧ್ರೋ [ದುದ್ಧ್ರಃ, ದ್ವಿತೀಯೋ] 37
ದ್ವಿತೀಯೋ ಗಹ್ಯಸ್ತೃತೀಯಃ ಕಿಗ್ಂಶಿಲಶ್ಚತುರ್ಥೋ ವನ್ಯಃ ಪಞ್ಚಮಸ್ತೇಭ್ಯೋ ಯದಾಹುತೀರ್ನ ಜುಹುಯಾದದ್ಧ್ವರ್ಯು-ಞ್ಚ ಯಜಮಾನ-ಞ್ಚ ಪ್ರ ದಹೇಯುರ್ಯದೇತಾ ಆಹುತೀರ್ಜುಹೋತಿ ಭಾಗಧೇಯೇನೈವೈನಾಞ್ಛಮಯತಿ ನಾ-ಽಽರ್ತಿಮಾರ್ಚ್ಛತ್ಯದ್ಧ್ವರ್ಯುರ್ನ ಯಜಮಾನೋ ವಾಮ್ಮ ಆಸ-ನ್ನಸೋಃ ಪ್ರಾಣೋ-ಽಕ್ಷ್ಯೋಶ್ಚಕ್ಷುಃ ಕರ್ಣಯೋ-ಶ್ಶ್ರೋತ್ರ-ಮ್ಬಾಹುವೋರ್ಬಲ-ಮೂರುವೋರೋಜೋ-ಽರಿಷ್ಟಾ ವಿಶ್ವಾನ್ಯಙ್ಗಾನಿ ತನೂ- [ತನೂಃ, ತನುವಾ ಮೇ] 38
-ಸ್ತನುವಾ ಮೇ ಸಹ ನಮಸ್ತೇ ಅಸ್ತು ಮಾ ಮಾ ಹಿಗ್ಂಸೀರಪ ವಾ ಏತಸ್ಮಾ-ತ್ಪ್ರಾಣಾಃ ಕ್ರಾಮನ್ತಿ ಯೋ-ಽಗ್ನಿ-ಞ್ಚಿನ್ವನ್ನಧಿ ಕ್ರಾಮತಿ ವಾಮ್ಮ ಆಸ-ನ್ನಸೋಃ ಪ್ರಾಣ ಇತ್ಯಾಹ ಪ್ರಾಣಾನೇವಾ-ಽಽತ್ಮ-ನ್ಧತ್ತೇ ಯೋ ರುದ್ರೋ ಅಗ್ನೌ ಯೋ ಅಫ್ಸು ಯ ಓಷಧೀಷು ಯೋ ರುದ್ರೋ ವಿಶ್ವಾ ಭುವನಾ-ಽಽವಿವೇಶ ತಸ್ಮೈ ರುದ್ರಾಯ ನಮೋ ಅಸ್ತ್ವಾಹುತಿಭಾಗಾ ವಾ ಅನ್ಯೇ ರುದ್ರಾ ಹವಿರ್ಭಾಗಾ [ರುದ್ರಾ ಹವಿರ್ಭಾಗಾಃ, ಅನ್ಯೇ ಶತರುದ್ರೀಯಗ್ಂ] 39
ಅನ್ಯೇ ಶತರುದ್ರೀಯಗ್ಂ ಹುತ್ವಾ ಗಾವೀಧುಕ-ಞ್ಚರುಮೇತೇನ ಯಜುಷಾ ಚರಮಾಯಾಮಿಷ್ಟಕಾಯಾ-ನ್ನಿ ದದ್ಧ್ಯಾ-ದ್ಭಾಗಧೇಯೇನೈವೈನಗ್ಂ ಶಮಯತಿ ತಸ್ಯ ತ್ವೈ ಶತರುದ್ರೀಯಗ್ಂ ಹುತಮಿತ್ಯಾಹುರ್ಯಸ್ಯೈತದಗ್ನೌ ಕ್ರಿಯತ ಇತಿ ವಸವಸ್ತ್ವಾ ರುದ್ರೈಃ ಪುರಸ್ತಾ-ತ್ಪಾನ್ತು ಪಿತರಸ್ತ್ವಾ ಯಮರಾಜಾನಃ ಪಿತೃಭಿರ್ದಕ್ಷಿಣತಃ ಪಾನ್ತ್ವಾದಿತ್ಯಾಸ್ತ್ವಾ ವಿಶ್ವೈರ್ದೇವೈಃ ಪಶ್ಚಾ-ತ್ಪಾನ್ತು ದ್ಯುತಾನಸ್ತ್ವಾ ಮಾರುತೋ ಮರುದ್ಭಿರುತ್ತರತಃ ಪಾತು [ ] 40
ದೇವಾಸ್ತ್ವೇನ್ದ್ರಜ್ಯೇಷ್ಠಾ ವರುಣರಾಜಾನೋ ಽಧಸ್ತಾಚ್ಚೋ-ಪರಿಷ್ಟಾಚ್ಚ ಪಾನ್ತು ನ ವಾ ಏತೇನ ಪೂತೋ ನ ಮೇದ್ಧ್ಯೋ ನ ಪ್ರೋಕ್ಷಿತೋ ಯದೇನಮತಃ ಪ್ರಾಚೀನ-ಮ್ಪ್ರೋಕ್ಷತಿ ಯ-ಥ್ಸಞ್ಚಿತಮಾಜ್ಯೇನ ಪ್ರೋಕ್ಷತಿ ತೇನ ಪೂತಸ್ತೇನ ಮೇದ್ಧ್ಯಸ್ತೇನ ಪ್ರೋಕ್ಷಿತಃ ॥ 41 ॥
(ದುಧ್ರ - ಸ್ತನೂ - ರ್ಹವಿರ್ಭಾಗಾಃ - ಪಾತು - ದ್ವಾತ್ರಿಗ್ಂಶಚ್ಚ) (ಅ. 9)
ಸಮೀಚೀ ನಾಮಾಸಿ ಪ್ರಾಚೀ ದಿಕ್ತಸ್ಯಾಸ್ತೇ ಽಗ್ನಿರಧಿಪತಿ ರಸಿತೋ ರಕ್ಷಿತಾ ಯಶ್ಚಾಧಿಪತಿ ರ್ಯಶ್ಚ ಗೋಪ್ತಾ ತಾಭ್ಯಾ-ನ್ನಮಸ್ತೌನೋ ಮೃಡಯತಾ-ನ್ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮ್ಯೋಜಸ್ವಿನೀ ನಾಮಾಸಿ ದಕ್ಷಿಣಾ ದಿ-ಕ್ತಸ್ಯಾಸ್ತ ಇನ್ದ್ರೋ-ಽಧಿಪತಿಃ ಪೃದಾಕುಃ ಪ್ರಾಚೀ ನಾಮಾಸಿ ಪ್ರತೀಚೀ ದಿ-ಕ್ತಸ್ಯಾಸ್ತೇ [ದಿ-ಕ್ತಸ್ಯಾಸ್ತೇ, ಸೋಮೋ-ಽಧಿಪತಿ-] 42
ಸೋಮೋ-ಽಧಿಪತಿ-ಸ್ಸ್ವಜೋ ಽವಸ್ಥಾವಾ ನಾಮಾ-ಸ್ಯುದೀಚೀ ದಿ-ಕ್ತಸ್ಯಾಸ್ತೇ ವರುಣೋ-ಽಧಿಪತಿ-ಸ್ತಿರಶ್ಚ ರಾಜಿ-ರಧಿಪತ್ನೀ ನಾಮಾಸಿ ಬೃಹತೀ ದಿ-ಕ್ತಸ್ಯಾಸ್ತೇ ಬೃಹಸ್ಪತಿ-ರಧಿಪತಿ-ಶ್ಶ್ವಿತ್ರೋ ವಶಿನೀ ನಾಮಾಸೀಯ-ನ್ದಿ-ಕ್ತಸ್ಯಾಸ್ತೇ ಯಮೋ-ಽಧಿಪತಿಃ ಕಲ್ಮಾಷ ಗ್ರೀವೋ ರಕ್ಷಿತಾ ಯಶ್ಚಾಧಿಪತಿ ರ್ಯಶ್ಚ ಗೋಪ್ತಾ ತಾಭ್ಯಾ-ನ್ನಮಸ್ತೌ ನೋ ಮೃಡಯತಾ-ನ್ತೇ ಯ-ನ್ದ್ವಿಷ್ಮೋ ಯಶ್ಚ [ ] 43
ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮ್ಯೇತಾ ವೈ ದೇವತಾ ಅಗ್ನಿ-ಞ್ಚಿತಗ್ಂ ರಕ್ಷನ್ತಿ ತಾಭ್ಯೋ ಯದಾಹುತೀರ್ನ ಜುಹುಯಾ-ದದ್ಧ್ವರ್ಯು-ಞ್ಚ ಯಜಮಾನ-ಞ್ಚ ಧ್ಯಾಯೇಯುರ್ಯದೇತಾ ಆಹುತೀರ್ಜುಹೋತಿ ಭಾಗಧೇಯೇನೈವೈನಾ-ಞ್ಛಮಯತಿ ನಾ-ಽಽರ್ತಿ-ಮಾರ್ಚ್ಛತ್ಯದ್ಧ್ವರ್ಯುರ್ನ ಯಜಮಾನೋ ಹೇತಯೋ ನಾಮ ಸ್ಥ ತೇಷಾಂ-ವಃ ಁಪುರೋ ಗೃಹಾ ಅಗ್ನಿರ್ವ ಇಷವ-ಸ್ಸಲಿಲೋ ನಿಲಿಪಾ-ನ್ನಾಮ [ ] 44
ಸ್ಥ ತೇಷಾಂ-ವೋಁ ದಕ್ಷಿಣಾ ಗೃಹಾಃ ಪಿತರೋ ವ ಇಷವ-ಸ್ಸಗರೋ ವಜ್ರಿಣೋ ನಾಮ ಸ್ಥ ತೇಷಾಂ-ವಃ ಁಪಶ್ಚಾ-ದ್ಗೃಹಾ-ಸ್ಸ್ವಪ್ನೋ ವ ಇಷವೋ ಗಹ್ವರೋ ಽವಸ್ಥಾವಾನೋ ನಾಮ ಸ್ಥ ತೇಷಾಂ-ವಁ ಉತ್ತರಾ-ದ್ಗೃಹಾ ಆಪೋ ವ ಇಷವ-ಸ್ಸಮುದ್ರೋ-ಽಧಿಪತಯೋ ನಾಮ ಸ್ಥ ತೇಷಾಂ-ವಁ ಉಪರಿ ಗೃಹಾ ವರ್ಷಂ-ವಁ ಇಷವೋ-ಽವಸ್ವಾನ್ ಕ್ರವ್ಯಾ ನಾಮ ಸ್ಥ ಪಾರ್ಥಿವಾ-ಸ್ತೇಷಾಂ-ವಁ ಇಹ ಗೃಹಾ [ಗೃಹಾಃ, ಅನ್ನಂ-ವಁ] 45
ಅನ್ನಂ-ವಁ ಇಷವೋ ಽನಿಮಿಷೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ಹುತಾದೋ ವಾ ಅನ್ಯೇ ದೇವಾ ಅಹುತಾದೋ-ಽನ್ಯೇ ತಾನಗ್ನಿಚಿದೇವೋಭಯಾ-ನ್ಪ್ರೀಣಾತಿ ದದ್ಧ್ನಾ ಮಧುಮಿಶ್ರೇಣೈತಾ ಆಹುತೀರ್ಜುಹೋತಿ ಭಾಗಧೇಯೇನೈವೈನಾ-ನ್ಪ್ರೀಣಾತ್ಯಥೋ ಖಲ್ವಾಹುರಿಷ್ಟಕಾ ವೈ ದೇವಾ ಅಹುತಾದ ಇ- [ಅಹುತಾದ ಇತಿ, ಅನುಪರಿಕ್ರಾಮ-] 46
-ತ್ಯನುಪರಿಕ್ರಾಮ-ಞ್ಜುಹೋತ್ಯಪರಿವರ್ಗಮೇವೈನಾ-ನ್ಪ್ರೀಣಾತೀಮಗ್ಗ್ ಸ್ತನಮೂರ್ಜಸ್ವನ್ತ-ನ್ಧಯಾಪಾ-ಮ್ಪ್ರಪ್ಯಾತಮಗ್ನೇ ಸರಿರಸ್ಯ ಮದ್ಧ್ಯೇ । ಉಥ್ಸ-ಞ್ಜುಷಸ್ವ ಮಧುಮನ್ತಮೂರ್ವ ಸಮುದ್ರಿಯಗ್ಂ ಸದನಮಾ ವಿಶಸ್ವ ॥ ಯೋ ವಾ ಅಗ್ನಿ-ಮ್ಪ್ರಯುಜ್ಯ ನ ವಿಮುಞ್ಚತಿ ಯಥಾ-ಽಶ್ವೋ ಯುಕ್ತೋ-ಽವಿಮುಚ್ಯಮಾನಃ, ಕ್ಷುದ್ಧ್ಯ-ನ್ಪರಾಭವತ್ಯೇವಮಸ್ಯಾಗ್ನಿಃ ಪರಾ ಭವತಿ ತ-ಮ್ಪರಾಭವನ್ತಂ-ಯಁಜಮಾನೋ-ಽನು ಪರಾ ಭವತಿ ಸೋ-ಽಗ್ನಿ-ಞ್ಚಿತ್ವಾ ಲೂಕ್ಷೋ [ಲೂಕ್ಷಃ, ಭವತೀಮಗ್ಗ್ ಸ್ತನ] 47
ಭವತೀಮಗ್ಗ್ ಸ್ತನ-ಮೂರ್ಜಸ್ವನ್ತ-ನ್ಧಯಾಪಾಮಿತ್ಯಾಜ್ಯಸ್ಯ ಪೂರ್ಣಾಗ್ ಸ್ರುಚ-ಞ್ಜುಹೋತ್ಯೇಷ ವಾ ಅಗ್ನೇರ್ವಿಮೋಕೋ ವಿಮುಚ್ಯೈವಾಸ್ಮಾ ಅನ್ನಮಪಿ ದಧಾತಿ ತಸ್ಮಾದಾಹುರ್ಯಶ್ಚೈವಂ-ವೇಁದ ಯಶ್ಚ ನ ಸುಧಾಯಗ್ಂ ಹ ವೈ ವಾಜೀ ಸುಹಿತೋ ದಧಾತೀತ್ಯಗ್ನಿರ್ವಾವ ವಾಜೀ ತಮೇವ ತ-ತ್ಪ್ರೀಣಾತಿ ಸ ಏನ-ಮ್ಪ್ರೀತಃ ಪ್ರೀಣಾತಿ ವಸೀಯಾ-ನ್ಭವತಿ ॥ 48 ॥
(ಪ್ರತೀಚೀ ದಿಕ್ತಸ್ಯಾಸ್ತೇ-ದ್ವಿಷ್ಮೋ ಯಶ್ಚ-ನಿಲಿಮ್ಪಾ ನಾ-ಮೇ ಹ ಗೃಹಾ-ಇತಿ-ಲೂಕ್ಷೋ-ವಸೀಯಾ-ನ್ಭವತಿ) (ಅ. 10)
ಇನ್ದ್ರಾಯ ರಾಜ್ಞೇ ಸೂಕರೋ ವರುಣಾಯ ರಾಜ್ಞೇ ಕೃಷ್ಣೋ ಯಮಾಯ ರಾಜ್ಞ ಋಶ್ಯ ಋಷಭಾಯ ರಾಜ್ಞೇ ಗವಯ-ಶ್ಶಾರ್ದೂಲಾಯ ರಾಜ್ಞೇ ಗೌರಃ ಪುರುಷರಾಜಾಯ ಮರ್ಕಟಃ ಕ್ಷಿಪ್ರಶ್ಯೇನಸ್ಯ ವರ್ತಿಕಾ ನೀಲಙ್ಗೋಃ ಕ್ರಿಮಿ-ಸ್ಸೋಮಸ್ಯ ರಾಜ್ಞಃ ಕುಲುಙ್ಗ-ಸ್ಸಿನ್ಧೋ-ಶ್ಶಿಗ್ಂಶುಮಾರೋ ಹಿಮವತೋ ಹಸ್ತೀ ॥ 49
(ಇನ್ದ್ರಾಯ ರಾಜ್ಞೇ-ಽಷ್ಟಾವಿಗ್ಂಶತಿಃ) (ಅ. 11)
ಮಯುಃ ಪ್ರಾಜಾಪತ್ಯ ಊಲೋ ಹಲೀಕ್ಷ್ಣೋ ವೃಷದಗ್ಂಶಸ್ತೇ ಧಾತು-ಸ್ಸರಸ್ವತ್ಯೈ ಶಾರಿಃ ಶ್ಯೇತಾ ಪುರುಷವಾ-ಖ್ಸರಸ್ವತೇ ಶುಕಃ ಶ್ಯೇತಃ ಪುರುಷವಾಗಾರಣ್ಯೋ-ಽಜೋ ನಕುಲ-ಶ್ಶಕಾ ತೇ ಪೌಷ್ಣಾ ವಾಚೇ ಕ್ರೌಞ್ಚಃ ॥ 50 ॥
(ಮಯು - ಸ್ತ್ರಯೋವಿಗ್ಂಶತಿಃ) (ಅ. 12)
ಅಪಾ-ನ್ನಪ್ತ್ರೇ ಜಷೋ ನಾಕ್ರೋ ಮಕರಃ ಕುಲೀಕಯಸ್ತೇ-ಽಕೂಪಾರಸ್ಯ ವಾಚೇ ಪೈಙ್ಗರಾಜೋ ಭಗಾಯ ಕುಷೀತಕ ಆತೀ ವಾಹಸೋ ದರ್ವಿದಾ ತೇ ವಾಯವ್ಯಾ ದಿಗ್ಭ್ಯಶ್ಚಕ್ರವಾಕಃ ॥ 51 ॥
(ಅಪಾ - ಮೇಕಾನ್ನವಿಗ್ಂಶತಿಃ) (ಅ. 13)
ಬಲಾಯಾಜಗರ ಆಖು-ಸ್ಸೃಜಯಾ ಶಯಣ್ಡಕಸ್ತೇ ಮೈತ್ರಾ ಮೃತ್ಯವೇ-ಽಸಿತೋ ಮನ್ಯವೇ ಸ್ವಜಃ ಕುಂಭೀನಸಃ ಪುಷ್ಕರಸಾದೋ ಲೋಹಿತಾಹಿಸ್ತೇ ತ್ವಾಷ್ಟ್ರಾಃ ಪ್ರತಿಶ್ರುತ್ಕಾಯೈ ವಾಹಸಃ ॥ 52 ॥
(ಬಲಾಯಾ - ಷ್ಟಾದಶ) (ಅ. 14)
ಪುರುಷಮೃಗಶ್ಚನ್ದ್ರಮಸೇ ಗೋಧಾ ಕಾಲಕಾ ದಾರ್ವಾಘಾಟಸ್ತೇ ವನಸ್ಪತೀನಾಮೇಣ್ಯಹ್ನೇ ಕೃಷ್ಣೋ ರಾತ್ರಿಯೈ ಪಿಕಃ, ಕ್ಷ್ವಿಙ್ಕಾ ನೀಲಶೀರ್ಷ್ಣೀ ತೇ-ಽರ್ಯಮ್ಣೇ ಧಾತುಃ ಕತ್ಕಟಃ ॥ 53 ॥
(ಪುರುಷಮೃಗೋ-ಽಷ್ಟಾದಶ) (ಅ. 15)
ಸೌರೀ ಬಲಾಕರ್ಶ್ಯೋ ಮಯೂರಃ ಶ್ಯೇನಸ್ತೇ ಗನ್ಧರ್ವಾಣಾಂ-ವಁಸೂನಾ-ಙ್ಕಪಿಞ್ಜಲೋ ರುದ್ರಾಣಾ-ನ್ತಿತ್ತಿರೀ ರೋಹಿ-ತ್ಕುಣ್ಡೃಣಾಚೀ ಗೋಲತ್ತಿಕಾ ತಾ ಅಫ್ಸರಸಾ-ಮರಣ್ಯಾಯ ಸೃಮರಃ ॥ 54 ॥
(ಸೌ-ರ್ಯಷ್ಟಾದಶ) (ಅ. 16)
ಪೃಷತೋ ವೈಶ್ವದೇವಃ ಪಿತ್ವೋ ನ್ಯಙ್ಕುಃ ಕಶಸ್ತೇ-ಽನುಮತ್ಯಾ ಅನ್ಯವಾಪೋ-ಽರ್ಧಮಾಸಾನಾ-ಮ್ಮಾಸಾ-ಙ್ಕಶ್ಯಪಃ ಕ್ವಯಿಃ ಕುಟರುರ್ದಾತ್ಯೌಹಸ್ತೇ ಸಿನೀವಾಲ್ಯೈ ಬೃಹಸ್ಪತಯೇ ಶಿತ್ಪುಟಃ ॥ 55 ॥
(ಪೃಷತಾ- ಽಷ್ಟಾದಶ) (ಅ. 17)
ಶಕಾ ಭೌಮೀ ಪಾನ್ತ್ರಃ ಕಶೋ ಮಾನ್ಥೀಲವಸ್ತೇ ಪಿತೃಣಾ-ಮೃತೂನಾ-ಞ್ಜಹಕಾ ಸಂವಁಥ್ಸರಾಯ ಲೋಪಾ ಕಪೋತ ಉಲೂಕ-ಶ್ಶಶಸ್ತೇ ನೈರ್ಋತಾಃ ಕೃಕವಾಕುಃ ಸಾವಿತ್ರಃ ॥ 56 ॥
(ಶಕಾ - ಽಷ್ಟಾದಶ ) (ಅ. 18)
ರುರೂ ರೌದ್ರಃ ಕೃಕಲಾಸ-ಶ್ಶಕುನಿಃ ಪಿಪ್ಪಕಾ ತೇ ಶರವ್ಯಾಯೈ ಹರಿಣೋ ಮಾರುತೋ ಬ್ರಹ್ಮಣೇ ಶಾರ್ಗಸ್ತರಕ್ಷುಃ ಕೃಷ್ಣ-ಶ್ಶ್ವಾ ಚತುರಕ್ಷೋ ಗರ್ದಭಸ್ತ ಇತರಜನಾನಾಮಗ್ನಯೇ ಧೂಙ್ಕ್ಷ್ಣಾ ॥ 57 ॥
(ರುರು - ರ್ವಿಗ್ಂಶತಿಃ) (ಅ. 19)
ಅಲಜ ಆನ್ತರಿಕ್ಷ ಉದ್ರೋ ಮದ್ಗುಃ ಪ್ಲವಸ್ತೇ-ಽಪಾಮದಿತ್ಯೈ ಹಗ್ಂಸಸಾಚಿರಿನ್ದ್ರಾಣ್ಯೈ ಕೀರ್ಶಾ ಗೃದ್ಧ್ರಃ ಶಿತಿಕಕ್ಷೀ ವಾರ್ಧ್ರಾಣಸಸ್ತೇ ದಿವ್ಯಾ ದ್ಯಾವಾಪೃಥಿವ್ಯಾ ಶ್ವಾವಿತ್ ॥ 58 ॥
(ಅಲಜೋ - ಽಷ್ಟಾದಶ ) (ಅ. 20)
ಸುಪರ್ಣಃ ಪಾರ್ಜನ್ಯೋ ಹಗ್ಂಸೋ ವೃಕೋ ವೃಷದಗ್ಂಶಸ್ತ ಐನ್ದ್ರಾ ಅಪಾಮುದ್ರೋ ಽರ್ಯಮ್ಣೇ ಲೋಪಾಶ-ಸ್ಸಿಗ್ಂಹೋ ನಕುಲೋ ವ್ಯಾಘ್ರಸ್ತೇ ಮಹೇನ್ದ್ರಾಯ ಕಾಮಾಯ ಪರಸ್ವಾನ್ ॥ 59 ॥
(ಸುಪಣೋ - ಽಷ್ಟಾದಶ) (ಅ. 21)
ಆಗ್ನೇಯಃ ಕೃಷ್ಣಗ್ರೀವ-ಸ್ಸಾರಸ್ವತೀ ಮೇಷೀ ಬಭ್ರು-ಸ್ಸೌಮ್ಯಃ ಪೌಷ್ಣ-ಶ್ಶ್ಯಾಮ-ಶ್ಶಿತಿಪೃಷ್ಠೋ ಬಾರ್ಹಸ್ಪತ್ಯ-ಶ್ಶಿಲ್ಪೋ ವೈಶ್ವದೇವ ಐನ್ದ್ರೋ-ಽರುಣೋ ಮಾರುತಃ ಕಲ್ಮಾಷ ಐನ್ದ್ರಾಗ್ನ-ಸ್ಸಗ್ಂಹಿತೋ ಽಧೋರಾಮ-ಸ್ಸಾವಿತ್ರೋ ವಾರುಣಃ ಪೇತ್ವಃ ॥ 60 ॥
(ಆಗ್ನೇಯೋ - ದ್ವಾವಿಗ್ಂಶತಿಃ) (ಅ. 22)
ಅಶ್ವಸ್ತೂಪರೋ ಗೋಮೃಗಸ್ತೇ ಪ್ರಾಜಾಪತ್ಯಾ ಆಗ್ನೇಯೌ ಕೃಷ್ಣಗ್ರೀವೌ ತ್ವಾಷ್ಟ್ರೌ ಲೋಮಶಸಕ್ಥೌ ಶಿತಿಪೃಷ್ಠೌ ಬಾರ್ಹಸ್ಪತ್ಯೌ ಧಾತ್ರೇ ಪೃಷೋದರ-ಸ್ಸೌರ್ಯೋ ಬಲಕ್ಷಃ ಪೇತ್ವಃ ॥ 61 ॥
(ಅಶ್ವಃ - ಷೋಡಶ) (ಅ. 23)
ಅಗ್ನಯೇ-ಽನೀಕವತೇ ರೋಹಿತಾಞ್ಜಿ-ರನಡ್ವಾ-ನಧೋರಾಮೌ ಸಾವಿತ್ರೌ ಪೌಷ್ಣೌ ರಜತನಾಭೀ ವೈಶ್ವದೇವೌ ಪಿಶಙ್ಗೌ ತೂಪರೌ ಮಾರುತಃ ಕಲ್ಮಾಷ ಆಗ್ನೇಯಃ ಕೃಷ್ಣೋ-ಽಜ-ಸ್ಸಾರಸ್ವತೀ ಮೇಷೀ ವಾರುಣಃ ಕೃಷ್ಣ ಏಕಶಿತಿಪಾ-ತ್ಪೇತ್ವಃ ॥ 62 ॥
(ಅಗ್ನಯೇ - ದ್ವಾವಿಗ್ಂಶತಿಃ) (ಅ. 24)
(ಯದೇಕೇನ - ಪ್ರಜಾಪತಿಃ ಪ್ರೇಣಾ-ಽನು - ಯಜುಷಾ - ಽಽಪೋ - ವಿಶ್ವಕರ್ಮಾ - ಽಗ್ನ ಆ ಯಾಹಿ - ಸುವರ್ಗಾಯ ವಜ್ರೋ - ಗಾಯತ್ರೇಣಾ - ಗ್ನ ಉದಧೇ - ಸಮೀಚೀ - ನ್ದ್ರಾಯ - ಮಯು - ರಪಾಂ - ಬಲಾಯ - ಪುರುಷಮೃಗಃ - ಸೌರೀ - ಪೃಷತಃ - ಶಕಾ - ರುರು - ರಲಜಃ - ಸುಪರ್ಣ - ಆಗ್ನೇಯೋ - ಽಶ್ವೋ - ಽಗ್ನಯೇ-ಽನೀಕವತೇ - ಚತುರ್ವಿಗ್ಂಶತಿಃ)
(ಯದೇಕೇನ - ಸ ಪಾಪೀಯಾ - ನೇತದ್ವಾ ಅಗ್ನೇ - ರ್ಧನುಸ್ತ-ದ್- ದೇವಾಸ್ತ್ವೇನ್ದ್ರಜ್ಯೇಷ್ಠಾ - ಅಪಾ-ನ್ನಪ್ತ್ರೇ - ಽಶ್ವಸ್ತೂಪರೋ - ದ್ವಿಷಷ್ಟಿಃ)
(ಯದೇಕೇ, ನೈಕಶಿತಿಪಾ-ತ್ಪೇತ್ವಃ)
॥ ಹರಿಃ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಪಞ್ಚಮಃ ಪ್ರಶ್ನ-ಸ್ಸಮಾಪ್ತಃ ॥
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಯದೇಕೇನ ಸಗ್ಗ್ ಸ್ಥಾಪಯತಿ ಯಜ್ಞಸ್ಯ ಸನ್ತತ್ಯಾ ಅವಿಚ್ಛೇದಾಯೈನ್ದ್ರಾಃ ಪಶವೋ ಯೇ ಮುಷ್ಕರಾ ಯದೈನ್ದ್ರಾ-ಸ್ಸನ್ತೋ-ಽಗ್ನಿಭ್ಯ ಆಲಭ್ಯನ್ತೇ ದೇವತಾಭ್ಯ-ಸ್ಸಮದ-ನ್ದಧಾತ್ಯಾಗ್ನೇಯೀ-ಸ್ತ್ರಿಷ್ಟುಭೋ ಯಾಜ್ಯಾನುವಾಕ್ಯಾಃ ಕುರ್ಯಾ-ದ್ಯದಾಗ್ನೇಯೀಸ್ತೇನಾ ಽಽಗ್ನೇಯಾ ಯ-ತ್ತ್ರಿಷ್ಟುಭ-ಸ್ತೇನೈನ್ದ್ರಾ-ಸ್ಸಮೃದ್ಧ್ಯೈ ನ ದೇವತಾಭ್ಯ-ಸ್ಸಮದ-ನ್ದಧಾತಿ ವಾಯವೇ ನಿಯುತ್ವತೇ ತೂಪರಮಾ ಲಭತೇ ತೇಜೋ-ಽಗ್ನೇರ್ವಾಯುಸ್ತೇಜಸ ಏಷ ಆ ಲಭ್ಯತೇ ತಸ್ಮಾ-ದ್ಯದ್ರಿಯಙ್ ವಾಯು- [ವಾಯುಃ, ವಾತಿ] 1
-ರ್ವಾತಿ ತದ್ರಿಯಙ್ಙ-ಗ್ನಿ-ರ್ದಹತಿ ಸ್ವಮೇವ ತ-ತ್ತೇಜೋ-ಽನ್ವೇತಿ ಯನ್ನ ನಿಯುತ್ವತೇ ಸ್ಯಾದುನ್ಮಾದ್ಯೇ-ದ್ಯಜಮಾನೋ ನಿಯುತ್ವತೇ ಭವತಿ ಯಜಮಾನಸ್ಯಾ-ಽನುನ್ಮಾದಾಯ ವಾಯುಮತೀ ಶ್ವೇತವತೀ ಯಾಜ್ಯಾನುವಾಕ್ಯೇ ಭವತ-ಸ್ಸತೇಜಸ್ತ್ವಾಯ ಹಿರಣ್ಯಗರ್ಭ-ಸ್ಸಮವರ್ತತಾಗ್ರ ಇತ್ಯಾಘಾರಮಾ ಘಾರಯತಿ ಪ್ರಜಾಪತಿರ್ವೈ ಹಿರಣ್ಯಗರ್ಭಃ ಪ್ರಜಾಪತೇ-ರನುರೂಪತ್ವಾಯ ಸರ್ವಾಣಿ ವಾ ಏಷ ರೂಪಾಣಿ ಪಶೂನಾ-ಮ್ಪ್ರತ್ಯಾ ಲಭ್ಯತೇ ಯಚ್ಛ್ಮಶ್ರುಣಸ್ತ- [ಯಚ್ಛ್ಮಶ್ರುಣಸ್ತತ್, ಪುರುಷಾಣಾಗ್ಂ] 2
-ತ್ಪುರುಷಾಣಾಗ್ಂ ರೂಪಂ-ಯಁ-ತ್ತೂಪರಸ್ತ-ದಶ್ವಾನಾಂ-ಯಁದನ್ಯತೋದ-ನ್ತ-ದ್ಗವಾಂ-ಯಁದವ್ಯಾ ಇವ ಶಫಾಸ್ತದವೀನಾಂ-ಯಁದಜಸ್ತದಜಾನಾಂ-ವಾಁಯುರ್ವೈ ಪಶೂನಾ-ಮ್ಪ್ರಿಯ-ನ್ಧಾಮ ಯ-ದ್ವಾಯವ್ಯೋ ಭವತ್ಯೇತ-ಮೇವೈನಮಭಿ ಸಞ್ಜಾನಾನಾಃ ಪಶವ ಉಪ ತಿಷ್ಠನ್ತೇ ವಾಯವ್ಯಃ ಕಾರ್ಯಾ(3)ಃ ಪ್ರಾಜಾಪತ್ಯಾ(3) ಇತ್ಯಾಹು-ರ್ಯ-ದ್ವಾಯವ್ಯ-ಙ್ಕುರ್ಯಾ-ತ್ಪ್ರಜಾಪತೇ-ರಿಯಾದ್ಯ-ತ್ಪ್ರಾಜಾಪತ್ಯ-ಙ್ಕುರ್ಯಾ-ದ್ವಾಯೋ- [-ದ್ವಾಯೋಃ, ಇಯಾದ್ಯ-] 3
-ರಿಯಾದ್ಯ-ದ್ವಾಯವ್ಯಃ ಪಶುರ್ಭವತಿ ತೇನ ವಾಯೋರ್ನೈತಿ ಯ-ತ್ಪ್ರಾಜಾಪತ್ಯಃ ಪುರೋಡಾಶೋ ಭವತಿ ತೇನ ಪ್ರಜಾಪತೇರ್ನೈತಿ ಯ-ದ್ದ್ವಾದಶಕಪಾಲಸ್ತೇನ ವೈಶ್ವಾನರಾನ್ನೈತ್ಯಾಗ್ನಾ ವೈಷ್ಣವಮೇಕಾದಶ-ಕಪಾಲ-ನ್ನಿರ್ವಪತಿ ದೀಕ್ಷಿಷ್ಯಮಾಣೋ--ಽಗ್ನಿ-ಸ್ಸರ್ವಾ ದೇವತಾ ವಿಷ್ಣುರ್ಯಜ್ಞೋ ದೇವತಾಶ್ಚೈವ ಯಜ್ಞ-ಞ್ಚಾ-ಽಽ ರಭತೇ-ಽಗ್ನಿರವಮೋ ದೇವತಾನಾಂ-ವಿಁಷ್ಣುಃ ಪರಮೋ ಯದಾಗ್ನಾ-ವೈಷ್ಣವ-ಮೇಕಾದಶಕಪಾಲ-ನ್ನಿರ್ವಪತಿ ದೇವತಾ [ದೇವತಾಃ, ಏವೋಭಯತಃ] 4
ಏವೋಭಯತಃ ಪರಿಗೃಹ್ಯ ಯಜಮಾನೋ-ಽವ ರುನ್ಧೇ ಪುರೋಡಾಶೇನ ವೈ ದೇವಾ ಅಮುಷ್ಮಿನ್ ಁಲೋಕ ಆರ್ಧ್ನುವನ್ ಚರುಣಾ-ಽಸ್ಮಿನ್. ಯಃ ಕಾಮಯೇತಾ-ಽಮುಷ್ಮಿನ್ ಁಲೋಕ ಋದ್ಧ್ನುಯಾಮಿತಿ ಸ ಪುರೋಡಾಶ-ಙ್ಕುರ್ವೀತಾ-ಽಮುಷ್ಮಿನ್ನೇವ ಲೋಕ ಋದ್ಧ್ನೋತಿ ಯದಷ್ಟಾಕಪಾಲ-ಸ್ತೇನಾ-ಽಽಗ್ನೇಯೋ ಯ-ತ್ತ್ರಿಕಪಾಲಸ್ತೇನ ವೈಷ್ಣವ-ಸ್ಸಮೃದ್ಧ್ಯೈ ಯಃ ಕಾಮಯೇತಾಸ್ಮಿನ್ ಁಲೋಕ ಋದ್ಧ್ನುಯಾಮಿತಿ ಸ ಚರು-ಙ್ಕುರ್ವೀತಾಗ್ನೇರ್ಘೃತಂ-ವಿಁಷ್ಣೋ-ಸ್ತಣ್ಡುಲಾ-ಸ್ತಸ್ಮಾ [-ಸ್ತಸ್ಮಾತ್, ಚರುಃ ಕಾರ್ಯೋ-ಽಸ್ಮಿನ್ನೇವ] 5
-ಚ್ಚರುಃ ಕಾರ್ಯೋ-ಽಸ್ಮಿನ್ನೇವ ಲೋಕ ಋದ್ಧ್ನೋತ್ಯಾದಿತ್ಯೋ ಭವತೀ ಯಂ-ವಾಁ ಅದಿತಿರಸ್ಯಾಮೇವ ಪ್ರತಿ ತಿಷ್ಠತ್ಯಥೋ ಅಸ್ಯಾಮೇವಾಧಿ ಯಜ್ಞ-ನ್ತನುತೇ ಯೋ ವೈ ಸಂವಁಥ್ಸರಮುಖ್ಯ-ಮಭೃತ್ವಾ-ಽಗ್ನಿ-ಞ್ಚಿನುತೇ ಯಥಾ ಸಾಮಿ ಗರ್ಭೋ-ಽವಪದ್ಯತೇ ತಾದೃಗೇವ ತದಾರ್ತಿಮಾರ್ಚ್ಛೇ-ದ್ವೈಶ್ವಾನರ-ನ್ದ್ವಾದಶಕಪಾಲ-ಮ್ಪುರಸ್ತಾನ್ನಿರ್ವಪೇ-ಥ್ಸಂವಁಥ್ಸರೋ ವಾ ಅಗ್ನಿ-ರ್ವೈಶ್ವಾನರೋ ಯಥಾ ಸಂವಁಥ್ಸರಮಾಪ್ತ್ವಾ [ ] 6
ಕಾಲ ಆಗತೇ ವಿಜಾಯತ ಏವಮೇವ ಸಂವಁಥ್ಸರಮಾಪ್ತ್ವಾ ಕಾಲ ಆಗತೇ-ಽಗ್ನಿ-ಞ್ಚಿನುತೇ ನಾ-ಽಽರ್ತಿಮಾರ್ಚ್ಛತ್ಯೇಷಾ ವಾ ಅಗ್ನೇಃ ಪ್ರಿಯಾ ತನೂರ್ಯ-ದ್ವೈಶ್ವಾನರಃ ಪ್ರಿಯಾಮೇವಾಸ್ಯ ತನುವಮವ ರುನ್ಧೇ ತ್ರೀಣ್ಯೇತಾನಿ ಹವೀಗ್ಂಷಿ ಭವನ್ತಿ ತ್ರಯ ಇಮೇ ಲೋಕಾ ಏಷಾಂ-ಲೋಁಕಾನಾಗ್ಂ ರೋಹಾಯ ॥ 7 ॥
(ಯದ್ರಿಯಂ-ವಾಁಯು - ರ್ಯಚ್ಛ್ಮಶ್ರುಣಸ್ತ-ದ್- ವಾಯೋ - ರ್ನಿರ್ವಪತಿ ದೇವತಾ - ಸ್ತಸ್ಮಾ - ದಾಪ್ತ್ವಾ - ಷ್ಟಾತ್ರಿಗ್ಂಶಚ್ಚ ) (ಅ. 1)
ಪ್ರಜಾಪತಿಃ ಪ್ರಜಾ-ಸ್ಸೃಷ್ಟ್ವಾ ಪ್ರೇಣಾ-ಽನು ಪ್ರಾವಿಶ-ತ್ತಾಭ್ಯಃ ಪುನ-ಸ್ಸಮ್ಭವಿತು-ನ್ನಾಶಕ್ನೋ-ಥ್ಸೋ-ಽಬ್ರವೀದೃದ್ಧ್ನವದಿ-ಥ್ಸ ಯೋ ಮೇತಃ ಪುನಃ ಸಞ್ಚಿನವದಿತಿ ತ-ನ್ದೇವಾ-ಸ್ಸಮಚಿನ್ವ-ನ್ತತೋ ವೈ ತ ಆರ್ಧ್ನುವನ್ ಯ-ಥ್ಸಮಚಿನ್ವ-ನ್ತಚ್ಚಿತ್ಯಸ್ಯ ಚಿತ್ಯತ್ವಂ-ಯಁ ಏವಂ-ವಿಁದ್ವಾನಗ್ನಿ-ಞ್ಚಿನುತ ಋದ್ಧ್ನೋತ್ಯೇವ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುರಗ್ನಿವಾ- [ಇತ್ಯಾಹುರಗ್ನಿವಾನ್, ಅಸಾನೀತಿ ವಾ] 8
-ನಸಾನೀತಿ ವಾ ಅಗ್ನಿಶ್ಚೀಯತೇ ಽಗ್ನಿವಾನೇವ ಭವತಿ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುರ್ದೇವಾ ಮಾ ವೇದನ್ನಿತಿ ವಾ ಅಗ್ನಿಶ್ಚೀಯತೇ ವಿದುರೇನ-ನ್ದೇವಾಃ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುರ್ಗೃಹ್ಯಸಾನೀತಿ ವಾ ಅಗ್ನಿಶ್ಚೀಯತೇ ಗೃಹ್ಯೇವ ಭವತಿ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹುಃ ಪಶುಮಾನಸಾನೀತಿ ವಾ ಅಗ್ನಿ- [ವಾ ಅಗ್ನಿಃ, ಚೀಯತೇ ಪಶುಮಾನೇವ] 9
-ಶ್ಚೀಯತೇ ಪಶುಮಾನೇವ ಭವತಿ ಕಸ್ಮೈ ಕಮಗ್ನಿಶ್ಚೀಯತ ಇತ್ಯಾಹು-ಸ್ಸಪ್ತ ಮಾ ಪುರುಷಾ ಉಪ ಜೀವಾನಿತಿ ವಾ ಅಗ್ನಿಶ್ಚೀಯತೇ ತ್ರಯಃ ಪ್ರಾಞ್ಚಸ್ತ್ರಯಃ ಪ್ರತ್ಯಞ್ಚ ಆತ್ಮಾ ಸಪ್ತಮ ಏತಾವನ್ತ ಏವೈನಮಮುಷ್ಮಿನ್ ಁಲೋಕ ಉಪ ಜೀವನ್ತಿ ಪ್ರಜಾಪತಿರಗ್ನಿಮಚಿಕೀಷತ ತ-ಮ್ಪೃಥಿವ್ಯಬ್ರವೀನ್ನ ಮಯ್ಯಗ್ನಿ-ಞ್ಚೇಷ್ಯಸೇ-ಽತಿ ಮಾ ಧಕ್ಷ್ಯತಿ ಸಾ ತ್ವಾ-ಽತಿದಹ್ಯಮಾನಾ ವಿ ಧವಿಷ್ಯೇ [ವಿ ಧವಿಷ್ಯೇ, ಸ ಪಾಪೀಯಾ-] 10
ಸ ಪಾಪೀಯಾ-ನ್ಭವಿಷ್ಯಸೀತಿ ಸೋ-ಽಬ್ರವೀ-ತ್ತಥಾ ವಾ ಅಹ-ಙ್ಕರಿಷ್ಯಾಮಿ ಯಥಾ ತ್ವಾ ನಾತಿಧಕ್ಷ್ಯತೀತಿ ಸ ಇಮಾಮಭ್ಯಮೃಶ-ತ್ಪ್ರಜಾಪತಿಸ್ತ್ವಾ ಸಾದಯತು ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದೇತೀಮಾಮೇವೇಷ್ಟಕಾ-ಙ್ಕೃತ್ವೋಪಾ-ಧತ್ತಾ-ನತಿದಾಹಾಯ ಯ-ತ್ಪ್ರತ್ಯಗ್ನಿ-ಞ್ಚಿನ್ವೀತ ತದಭಿ ಮೃಶೇ-ತ್ಪ್ರಜಾಪತಿಸ್ತ್ವಾ ಸಾದಯತು ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದೇ- [-ದ್ಧ್ರುವಾ ಸೀದ, ಇತೀಮಾಮೇವೇಷ್ಟಕಾ] 11
-ತೀಮಾಮೇವೇಷ್ಟಕಾ-ಙ್ಕೃತ್ವೋಪ ಧತ್ತೇ-ಽನತಿದಾಹಾಯ ಪ್ರಜಾಪತಿರಕಾಮಯತ ಪ್ರಜಾಯೇಯೇತಿ ಸ ಏತಮುಖ್ಯಮಪಶ್ಯ-ತ್ತಗ್ಂ ಸಂವಁಥ್ಸರಮಬಿಭಸ್ತತೋ ವೈ ಸ ಪ್ರಾಜಾಯತ ತಸ್ಮಾ-ಥ್ಸಂವಁಥ್ಸರ-ಮ್ಭಾರ್ಯಃ ಪ್ರೈವ ಜಾಯತೇ ತಂ-ವಁಸವೋ-ಽಬ್ರುವ-ನ್ಪ್ರ ತ್ವಮಜನಿಷ್ಠಾ ವಯ-ಮ್ಪ್ರಜಾಯಾಮಹಾ ಇತಿ ತಂ-ವಁಸುಭ್ಯಃ ಪ್ರಾಯಚ್ಛ-ತ್ತ-ನ್ತ್ರೀಣ್ಯಹಾನ್ಯಬಿಭರು-ಸ್ತೇನ [-ಸ್ತೇನ, ತ್ರೀಣಿ] 12
ತ್ರೀಣಿ ಚ ಶತಾನ್ಯಸೃಜನ್ತ ತ್ರಯಸ್ತ್ರಿಗ್ಂಶತ-ಞ್ಚ ತಸ್ಮಾ-ತ್ತ್ರ್ಯಹ-ಮ್ಭಾರ್ಯಃ ಪ್ರೈವ ಜಾಯತೇ ತಾ-ನ್ರುದ್ರಾ ಅಬ್ರುವ-ನ್ಪ್ರ ಯೂಯಮಜನಿಢ್ವಂ-ವಁಯ-ಮ್ಪ್ರಜಾಯಾಮಹಾ ಇತಿ ತಗ್ಂ ರುದ್ರೇಭ್ಯಃ ಪ್ರಾಯಚ್ಛ-ನ್ತಗ್ಂ ಷಡಹಾನ್ಯಬಿಭರುಸ್ತೇನ ತ್ರೀಣಿ ಚ ಶತಾನ್ಯಸೃಜನ್ತ ತ್ರಯಸ್ತ್ರಿಗ್ಂಶತ-ಞ್ಚ ತಸ್ಮಾ-ಥ್ಷಡಹ-ಮ್ಭಾರ್ಯಃ ಪ್ರೈವ ಜಾಯತೇ ತಾನಾದಿತ್ಯಾ ಅಬ್ರುವ-ನ್ಪ್ರ ಯೂಯಮಜನಿಢ್ವಂ-ವಁಯ- [-ಁವಯಮ್, ಪ್ರ ಜಾಯಾಮಹಾ] 13
-ಮ್ಪ್ರ ಜಾಯಾಮಹಾ ಇತಿ ತಮಾದಿತ್ಯೇಭ್ಯಃ ಪ್ರಾಯಚ್ಛ-ನ್ತ-ನ್ದ್ವಾದಶಾಹಾನ್ಯಬಿಭರುಸ್ತೇನ ತ್ರೀಣಿ ಚ ಶತಾನ್ಯಸೃಜನ್ತ ತ್ರಯಸ್ತ್ರಿಗ್ಂಶತ-ಞ್ಚ ತಸ್ಮಾ-ದ್ದ್ವಾದಶಾಹ-ಮ್ಭಾರ್ಯಃ ಪ್ರೈವ ಜಾಯತೇ ತೇನ ವೈ ತೇ ಸಹಸ್ರಮಸೃಜನ್ತೋಖಾಗ್ಂ ಸಹಸ್ರತಮೀಂ-ಯಁ ಏವಮುಖ್ಯಗ್ಂ ಸಾಹಸ್ರಂ-ವೇಁದ ಪ್ರ ಸಹಸ್ರ-ಮ್ಪಶೂನಾಪ್ನೋತಿ ॥ 14 ॥
(ಅಗ್ನಿವಾನ್ - ಪಶುಮಾನಸಾನೀತಿ ವಾ ಅಗ್ನಿ - ರ್ಧವಿಷ್ಯೇ - ಮೃಶೇ-ತ್ಪ್ರಜಾಪತಿಸ್ತ್ವಾ ಸಾದಯತು ತಯಾ ದೇವತಯಾ-ಽಙ್ಗಿರಸ್ವ ಧ್ರುವಾ ಸೀದ - ತೇನ - ತಾನಾದಿತ್ಯಾ ಅಬ್ರುವ-ನ್ಪ್ರ ಯೂಯಮಜನಿಢ್ವಂ-ವಁಯಂ - ಚತ್ವಾರಿಗ್ಂಶಚ್ಚ) (ಅ. 2)
ಯಜುಷಾ ವಾ ಏಷಾ ಕ್ರಿಯತೇ ಯಜುಷಾ ಪಚ್ಯತೇ ಯಜುಷಾ ವಿ ಮುಚ್ಯತೇ ಯದುಖಾ ಸಾ ವಾ ಏಷೈತರ್ಹಿ ಯಾತಯಾಮ್ನೀ ಸಾ ನ ಪುನಃ ಪ್ರಯುಜ್ಯೇತ್ಯಾಹುರಗ್ನೇ ಯುಕ್ಷ್ವಾ ಹಿ ಯೇ ತವ ಯುಕ್ಷ್ವಾ ಹಿ ದೇವಹೂತಮಾಗ್ಂ ಇತ್ಯುಖಾಯಾ-ಞ್ಜುಹೋತಿ ತೇನೈವೈನಾ-ಮ್ಪುನಃ ಪ್ರಯುಙ್ಕ್ತೇ ತೇನಾಯಾತಯಾಮ್ನೀ ಯೋ ವಾ ಅಗ್ನಿಂ-ಯೋಁಗ ಆಗತೇ ಯುನಕ್ತಿ ಯುಙ್ಕ್ತೇ ಯುಞ್ಜಾನೇಷ್ವಗ್ನೇ [ಯುಞ್ಜಾನೇಷ್ವಗ್ನೇ, ಯುಕ್ಷ್ವಾ ಹಿ] 15
ಯುಕ್ಷ್ವಾ ಹಿ ಯೇ ತವ ಯುಕ್ಷ್ವಾ ಹಿ ದೇವಹೂತಮಾಗ್ಂ ಇತ್ಯಾಹೈಷ ವಾ ಅಗ್ನೇರ್ಯೋಗಸ್ತೇನೈವೈನಂ-ಯುಁನಕ್ತಿ ಯುಙ್ಕ್ತೇ ಯುಞ್ಜಾನೇಷು ಬ್ರಹ್ಮವಾದಿನೋ ವದನ್ತಿ ನ್ಯಙ್ಙಗ್ನಿಶ್ಚೇತವ್ಯಾ(3) ಉತ್ತಾನಾ(3) ಇತಿ ವಯಸಾಂ-ವಾಁ ಏಷ ಪ್ರತಿಮಯಾ ಚೀಯತೇ ಯದಗ್ನಿರ್ಯನ್ನ್ಯಞ್ಚ-ಞ್ಚಿನುಯಾ-ತ್ಪೃಷ್ಟಿತ ಏನಮಾಹುತಯ ಋಚ್ಛೇಯುರ್ಯದುತ್ತಾನ-ನ್ನ ಪತಿತುಗ್ಂ ಶಕ್ನುಯಾದಸುವರ್ಗ್ಯೋ-ಽಸ್ಯ ಸ್ಯಾ-ತ್ಪ್ರಾಚೀನ-ಮುತ್ತಾನ- [-ಮುತ್ತಾನಮ್, ಪುರುಷಶೀರ್ಷಮುಪ ದಧಾತಿ] 16
-ಮ್ಪುರುಷಶೀರ್ಷಮುಪ ದಧಾತಿ ಮುಖತ ಏವೈನಮಾಹುತಯ ಋಚ್ಛನ್ತಿ ನೋತ್ತಾನ-ಞ್ಚಿನುತೇ ಸುವರ್ಗ್ಯೋ-ಽಸ್ಯ ಭವತಿ ಸೌರ್ಯಾ ಜುಹೋತಿ ಚಕ್ಷುರೇವಾಸ್ಮಿ-ನ್ಪ್ರತಿ ದಧಾತಿ ದ್ವಿರ್ಜುಹೋತಿ ದ್ವೇ ಹಿ ಚಕ್ಷುಷೀ ಸಮಾನ್ಯಾ ಜುಹೋತಿ ಸಮಾನಗ್ಂ ಹಿ ಚಕ್ಷು-ಸ್ಸಮೃದ್ಧ್ಯೈ ದೇವಾಸುರಾ-ಸ್ಸಂಯಁತ್ತಾ ಆಸ-ನ್ತೇ ವಾಮಂ-ವಁಸು ಸ-ನ್ನ್ಯದಧತ ತದ್ದೇವಾ ವಾಮಭೃತಾ-ಽವೃಞ್ಜತ ತದ್ವಾಮಭೃತೋ ವಾಮಭೃತ್ತ್ವಂ-ಯಁದ್ವಾಮಭೃತ ಮುಪದಧಾತಿ ವಾಮಮೇವ ತಯಾ ವಸು ಯಜಮಾನೋ ಭ್ರಾತೃವ್ಯಸ್ಯ ವೃಙ್ಕ್ತೇ ಹಿರಣ್ಯಮೂರ್ಧ್ನೀ ಭವತಿ ಜ್ಯೋತಿರ್ವೈ ಹಿರಣ್ಯ-ಞ್ಜ್ಯೋತಿರ್ವಾಮ-ಞ್ಜ್ಯೋತಿಷೈವಾಸ್ಯ ಜ್ಯೋತಿರ್ವಾಮಂ-ವೃಁಙ್ಕ್ತೇ ದ್ವಿಯಜುರ್ಭವತಿ ಪ್ರತಿಷ್ಠಿತ್ಯೈ ॥ 17 ॥
(ಯುಞ್ಜಾನೇಷ್ವಗ್ನೇ-ಪ್ರಾಚೀನಮುತ್ತಾನಂ - ಁವಾಮಭೃತಂ - ಚತುರ್ವಿಗ್ಂಶತಿಶ್ಚ) (ಅ. 3)
ಆಪೋ ವರುಣಸ್ಯ ಪತ್ನಯ ಆಸ-ನ್ತಾ ಅಗ್ನಿರಭ್ಯದ್ಧ್ಯಾಯ-ತ್ತಾ-ಸ್ಸಮಭವ-ತ್ತಸ್ಯ ರೇತಃ ಪರಾ-ಽಪತ-ತ್ತದಿಯಮಭವದ್ಯ-ದ್ದ್ವಿತೀಯ-ಮ್ಪರಾ-ಽಪತ-ತ್ತದಸಾವಭವದಿಯಂ-ವೈಁ ವಿರಾಡಸೌ ಸ್ವರಾಡ್ ಯ-ದ್ವಿರಾಜಾವುಪದಧಾತೀಮೇ ಏವೋಪ ಧತ್ತೇ ಯದ್ವಾ ಅಸೌ ರೇತಃ ಸಿಞ್ಚತಿ ತದಸ್ಯಾ-ಮ್ಪ್ರತಿ ತಿಷ್ಠತಿ ತ-ತ್ಪ್ರ ಜಾಯತೇ ತಾ ಓಷಧಯೋ [ಓಷಧಯಃ, ವೀರುಧೋ] 18
ವೀರುಧೋ ಭವನ್ತಿ ತಾ ಅಗ್ನಿರತ್ತಿ ಯ ಏವಂ-ವೇಁದ ಪ್ರೈವ ಜಾಯತೇ-ಽನ್ನಾದೋ ಭವತಿ ಯೋ ರೇತಸ್ವೀ ಸ್ಯಾ-ತ್ಪ್ರಥಮಾಯಾ-ನ್ತಸ್ಯ ಚಿತ್ಯಾಮುಭೇ ಉಪ ದದ್ಧ್ಯಾದಿಮೇ ಏವಾಸ್ಮೈ ಸಮೀಚೀ ರೇತಃ ಸಿಞ್ಚತೋ ಯ-ಸ್ಸಿಕ್ತರೇತಾ-ಸ್ಸ್ಯಾ-ತ್ಪ್ರಥಮಾಯಾ-ನ್ತಸ್ಯ ಚಿತ್ಯಾಮನ್ಯಾಮುಪ ದದ್ಧ್ಯಾದುತ್ತಮಾಯಾಮನ್ಯಾಗ್ಂ ರೇತ ಏವಾಸ್ಯ ಸಿಕ್ತಮಾಭ್ಯಾಮುಭಯತಃ ಪರಿ ಗೃಹ್ಣಾತಿ ಸಂವಁಥ್ಸರ-ನ್ನ ಕ- [ಸಂವಁಥ್ಸರ-ನ್ನ ಕಮ್, ಚನ ಪ್ರತ್ಯವರೋಹೇನ್ನ] 19
-ಞ್ಚನ ಪ್ರತ್ಯವರೋಹೇನ್ನ ಹೀಮೇ ಕಞ್ಚನ ಪ್ರತ್ಯವರೋಹತಸ್ತದೇನಯೋರ್ವ್ರತಂ-ಯೋಁ ವಾ ಅಪ ಶೀರ್ಷಾಣಮಗ್ನಿ-ಞ್ಚಿನುತೇ-ಽಪಶೀರ್ಷಾ-ಽಮುಷ್ಮಿನ್ ಁಲೋಕೇ ಭವತಿ ಯ-ಸ್ಸಶೀರ್ಷಾಣ-ಞ್ಚಿನುತೇ ಸಶೀರ್ಷಾ ಽಮುಷ್ಮಿನ್ ಁಲೋಕೇ ಭವತಿ ಚಿತ್ತಿ-ಞ್ಜುಹೋಮಿ ಮನಸಾ ಘೃತೇನ ಯಥಾ ದೇವಾ ಇಹಾ-ಽಽಗಮನ್ ವೀತಿಹೋತ್ರಾ ಋತಾವೃಧಃ ಸಮುದ್ರಸ್ಯ ವಯುನಸ್ಯ ಪತ್ಮನ್ ಜುಹೋಮಿ ವಿಶ್ವಕರ್ಮಣೇ ವಿಶ್ವಾ-ಽಹಾ-ಽಮರ್ತ್ಯಗ್ಂ ಹವಿರಿತಿ ಸ್ವಯಮಾತೃಣ್ಣಾಮುಪಧಾಯ ಜುಹೋ- [ಜುಹೋತಿ, ಏತದ್ವಾ] 20
-ತ್ಯೇತದ್ವಾ ಅಗ್ನೇ-ಶ್ಶಿರ-ಸ್ಸಶೀರ್ಷಾಣಮೇವಾಗ್ನಿ-ಞ್ಚಿನುತೇ ಸಶೀರ್ಷಾ-ಽಮುಷ್ಮಿನ್ ಁಲೋಕೇ ಭವತಿ ಯ ಏವಂ-ವೇಁದ ಸುವರ್ಗಾಯ ವಾ ಏಷ ಲೋಕಾಯ ಚೀಯತೇ ಯದಗ್ನಿಸ್ತಸ್ಯ ಯದಯಥಾಪೂರ್ವ-ಙ್ಕ್ರಿಯತೇ ಽಸುವರ್ಗ್ಯಮಸ್ಯ ತ-ಥ್ಸುವರ್ಗ್ಯೋ ಽಗ್ನಿಶ್ಚಿತಿಮುಪಧಾಯಾಭಿ ಮೃಶೇಚ್ಚಿತ್ತಿಮಚಿತ್ತಿ-ಞ್ಚಿನವದ್ವಿ ವಿದ್ವಾ-ನ್ಪೃಷ್ಠೇವ ವೀತಾ ವೃಜಿನಾ ಚ ಮರ್ತಾ-ನ್ರಾಯೇ ಚ ನ-ಸ್ಸ್ವಪತ್ಯಾಯ ದೇವ ದಿತಿ-ಞ್ಚ ರಾಸ್ವಾ-ದಿತಿಮುರುಷ್ಯೇತಿ ಯಥಾಪೂರ್ವಮೇವೈನಾಮುಪ ಧತ್ತೇ ಪ್ರಾಞ್ಚಮೇನ-ಞ್ಚಿನುತೇ ಸುವರ್ಗ್ಯೋ-ಽಸ್ಯ ಭವತಿ ॥ 21 ॥
(ಓಷಧಯಃ - ಕಂ - ಜುಹೋತಿ - ಸ್ವಪತ್ಯಾಯಾ - ಷ್ಟಾದಶ ಚ) (ಅ. 4)
ವಿಶ್ವಕರ್ಮಾ ದಿಶಾ-ಮ್ಪತಿ-ಸ್ಸ ನಃ ಪಶೂ-ನ್ಪಾತು ಸೋ-ಽಸ್ಮಾ-ನ್ಪಾತು ತಸ್ಮೈ ನಮಃ ಪ್ರಜಾಪತೀ ರುದ್ರೋ ವರುಣೋ ಽಗ್ನಿರ್ದಿಶಾ-ಮ್ಪತಿ-ಸ್ಸ ನಃ ಪಶೂ-ನ್ಪಾತು ಸೋ-ಽಸ್ಮಾ-ನ್ಪಾತು ತಸ್ಮೈ ನಮ ಏತಾ ವೈ ದೇವತಾ ಏತೇಷಾ-ಮ್ಪಶೂನಾ-ಮಧಿಪತಯ-ಸ್ತಾಭ್ಯೋ ವಾ ಏಷ ಆ ವೃಶ್ಚ್ಯತೇ ಯಃ ಪಶುಶೀರ್ಷಾಣ್ಯುಪ ದಧಾತಿ ಹಿರಣ್ಯೇಷ್ಟಕಾ ಉಪ ದಧಾತ್ಯೇತಾಭ್ಯ ಏವ ದೇವತಾಭ್ಯೋ ನಮಸ್ಕರೋತಿ ಬ್ರಹ್ಮವಾದಿನೋ [ಬ್ರಹ್ಮವಾದಿನಃ, ವದನ್ತ್ಯಗ್ನೌ ಗ್ರಾಮ್ಯಾ-] 22
ವದನ್ತ್ಯಗ್ನೌ ಗ್ರಾಮ್ಯಾ-ನ್ಪಶೂ-ನ್ಪ್ರ ದಧಾತಿ ಶುಚಾ-ಽಽರಣ್ಯಾನರ್ಪಯತಿ ಕಿ-ನ್ತತ ಉಚ್ಛಿಗ್ಂಷತೀತಿ ಯದ್ಧಿರಣ್ಯೇಷ್ಟಕಾ ಉಪದಧಾತ್ಯಮೃತಂ-ವೈಁ ಹಿರಣ್ಯಮಮೃತೇನೈವ ಗ್ರಾಮ್ಯೇಭ್ಯಃ ಪಶುಭ್ಯೋ ಭೇಷಜ-ಙ್ಕರೋತಿ ನೈನಾನ್ ಹಿನಸ್ತಿ ಪ್ರಾಣೋ ವೈ ಪ್ರಥಮಾ ಸ್ವಯಮಾತೃಣ್ಣಾ ವ್ಯಾನೋ ದ್ವಿತೀಯಾ-ಽಪಾನಸ್ತೃತೀಯಾ-ಽನು ಪ್ರಾ-ಽಣ್ಯಾ-ತ್ಪ್ರಥಮಾಗ್ ಸ್ವಯಮಾತೃಣ್ಣಾಮುಪಧಾಯ ಪ್ರಾಣೇನೈವ ಪ್ರಾಣಗ್ಂ ಸಮರ್ಧಯತಿ ವ್ಯನ್ಯಾ- [ಸಮರ್ಧಯತಿ ವ್ಯನ್ಯಾತ್, ದ್ವಿತೀಯಾಮುಪಧಾಯ] 23
-ದ್ದ್ವಿತೀಯಾಮುಪಧಾಯ ವ್ಯಾನೇನೈವ ವ್ಯಾನಗ್ಂ ಸಮರ್ಧಯತ್ಯಪಾನ್ ಯಾತ್ತೃತೀಯಾಮುಪಧಾಯಾ-ಪಾನೇನೈವಾಪಾನಗ್ಂ ಸಮರ್ಧಯತ್ಯಥೋ ಪ್ರಾಣೈರೇವೈನಗ್ಂ ಸಮಿನ್ಧೇ ಭೂರ್ಭುವ-ಸ್ಸುವರಿತಿ ಸ್ವಯಮಾತೃಣ್ಣಾ ಉಪ ದಧಾತೀಮೇ ವೈ ಲೋಕಾ-ಸ್ಸ್ವಯಮಾತೃಣ್ಣಾ ಏತಾಭಿಃ ಖಲುವೈ ವ್ಯಾಹೃತೀಭಿಃ ಪ್ರಜಾಪತಿಃ ಪ್ರಾ-ಽಜಾಯತ ಯದೇತಾಭಿರ್ವ್ಯಾಹೃತೀಭಿ-ಸ್ಸ್ವಯಮಾತೃಣ್ಣಾ ಉಪದಧಾತೀಮಾನೇವ ಲೋಕಾನುಪಧಾಯೈಷು [ ] 24
ಲೋಕೇಷ್ವಧಿ ಪ್ರಜಾಯತೇ ಪ್ರಾಣಾಯ ವ್ಯಾನಾಯಾಪಾನಾಯ ವಾಚೇ ತ್ವಾ ಚಕ್ಷುಷೇ ತ್ವಾ ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದಾಗ್ನಿನಾ ವೈ ದೇವಾ-ಸ್ಸುವರ್ಗಂ-ಲೋಁಕಮಜಿಗಾಗ್ಂಸ-ನ್ತೇನ ಪತಿತು-ನ್ನಾಶಕ್ನುವ-ನ್ತ ಏತಾಶ್ಚತಸ್ರ-ಸ್ಸ್ವಯಮಾತೃಣ್ಣಾ ಅಪಶ್ಯ-ನ್ತಾ ದಿಕ್ಷೂಪಾದಧತ ತೇನ ಸರ್ವತಶ್ಚಕ್ಷುಷಾ ಸುವರ್ಗಂ-ಲೋಁಕಮಾಯನ್ ಯಚ್ಚತಸ್ರ-ಸ್ಸ್ವಯಮಾತೃಣ್ಣಾ ದಿಕ್ಷೂಪದಧಾತಿ ಸರ್ವತಶ್ಚಕ್ಷುಷೈವ ತದಗ್ನಿನಾ ಯಜಮಾನ-ಸ್ಸುವರ್ಗಂ-ಲೋಁಕಮೇತಿ ॥ 25 ॥
(ಬ್ರಹ್ಮವಾದಿನೋ - ವ್ಯನ್ಯಾ - ದೇಷು - ಯಜಮಾನ - ಸ್ತ್ರೀಣಿ ಚ) (ಅ. 5)
ಅಗ್ನ ಆ ಯಾಹಿ ವೀತಯ ಇತ್ಯಾಹಾ-ಹ್ವತೈವೈನ-ಮಗ್ನಿ-ನ್ದೂತಂ-ವೃಁಣೀಮಹ ಇತ್ಯಾಹ ಹೂತ್ವೈವೈನಂ-ವೃಁಣೀತೇ ಽಗ್ನಿನಾ-ಽಗ್ನಿ-ಸ್ಸಮಿದ್ಧ್ಯತ ಇತ್ಯಾಹ ಸಮಿನ್ಧ ಏವೈನಮಗ್ನಿರ್ವೃತ್ರಾಣಿ ಜಙ್ಘನದಿತ್ಯಾಹ ಸಮಿದ್ಧ ಏವಾಸ್ಮಿನ್ನಿನ್ದ್ರಿಯ-ನ್ದಧಾತ್ಯಗ್ನೇ-ಸ್ಸ್ತೋಮ-ಮ್ಮನಾಮಹ ಇತ್ಯಾಹ ಮನುತ ಏವೈನಮೇತಾನಿ ವಾ ಅಹ್ನಾಗ್ಂ ರೂಪಾ- [ರೂಪಾಣಿ, ಅನ್ವಹಮೇವೈನ-] 26
-ಣ್ಯನ್ವಹಮೇವೈನ-ಞ್ಚಿನುತೇ ಽವಾಹ್ನಾಗ್ಂ ರೂಪಾಣಿ ರುನ್ಧೇ ಬ್ರಹ್ಮವಾದಿನೋ ವದನ್ತಿ ಕಸ್ಮಾ-ಥ್ಸತ್ಯಾದ್ಯಾತಯಾಮ್ನೀರನ್ಯಾ ಇಷ್ಟಕಾ ಅಯಾತಯಾಮ್ನೀ ಲೋಕ-ಮ್ಪೃಣೇತ್ಯೈನ್ದ್ರಾಗ್ನೀ ಹಿ ಬಾರ್ಹಸ್ಪತ್ಯೇತಿ ಬ್ರೂಯಾದಿನ್ದ್ರಾಗ್ನೀ ಚ ಹಿ ದೇವಾನಾ-ಮ್ಬೃಹಸ್ಪತಿಶ್ಚಾ-ಯಾತಯಾಮಾನೋ ಽನುಚರವತೀ ಭವತ್ಯಜಾಮಿತ್ವಾಯಾ -ನುಷ್ಟುಭಾ-ಽನು ಚರತ್ಯಾತ್ಮಾ ವೈ ಲೋಕ-ಮ್ಪೃಣಾ ಪ್ರಾಣೋ ಽನುಷ್ಟು-ಪ್ತಸ್ಮಾ-ತ್ಪ್ರಾಣ-ಸ್ಸರ್ವಾಣ್ಯಙ್ಗಾನ್ಯನು ಚರತಿ ತಾ ಅಸ್ಯ ಸೂದದೋಹಸ [ಸೂದದೋಹಸಃ, ಇತ್ಯಾಹ] 27
ಇತ್ಯಾಹ ತಸ್ಮಾ-ತ್ಪರುಷಿಪರುಷಿ ರಸ-ಸ್ಸೋಮಗ್ಗ್ ಶ್ರೀಣನ್ತಿ ಪೃಶ್ಞಯ ಇತ್ಯಾಹಾನ್ನಂ-ವೈಁ ಪೃಶ್ಞ್ಯನ್ನಮೇವಾವ ರುನ್ಧೇ-ಽರ್ಕೋ ವಾ ಅಗ್ನಿರರ್ಕೋ-ಽನ್ನಮನ್ನಮೇವಾವ ರುನ್ಧೇ ಜನ್ಮ-ನ್ದೇವಾನಾಂ-ವಿಁಶಸ್ತ್ರಿಷ್ವಾ ರೋಚನೇ ದಿವ ಇತ್ಯಾಹೇಮಾನೇವಾಸ್ಮೈ ಲೋಕಾನ್ ಜ್ಯೋತಿಷ್ಮತಃ ಕರೋತಿ ಯೋ ವಾ ಇಷ್ಟಕಾನಾ-ಮ್ಪ್ರತಿಷ್ಠಾಂ-ವೇಁದ ಪ್ರತ್ಯೇವ ತಿಷ್ಠತಿ ತಯಾ ದೇವತಯಾ-ಽಙ್ಗಿರಸ್ವ-ದ್ಧ್ರುವಾ ಸೀದೇತ್ಯಾಹೈಷಾ ವಾ ಇಷ್ಟಕಾನಾ-ಮ್ಪ್ರತಿಷ್ಠಾ ಯ ಏವಂ-ವೇಁದ ಪ್ರತ್ಯೇವತಿಷ್ಠತಿ ॥ 28 ॥
(ರೂಪಾಣಿ - ಸೂದದೋಹಸ - ಸ್ತಯಾ - ಷೋಡಶ ಚ) (ಅ. 6)
ಸುವರ್ಗಾಯ ವಾ ಏಷ ಲೋಕಾಯ ಚೀಯತೇ ಯದಗ್ನಿರ್ವಜ್ರ ಏಕಾದಶಿನೀ ಯದಗ್ನಾವೇಕಾದಶಿನೀ-ಮ್ಮಿನುಯಾ-ದ್ವಜ್ರೇಣೈನಗ್ಂ ಸುವರ್ಗಾಲ್ಲೋಕಾದನ್ತರ್ದದ್ಧ್ಯಾದ್ಯನ್ನ ಮಿನುಯಾ-ಥ್ಸ್ವರುಭಿಃ ಪಶೂನ್ ವ್ಯರ್ಧಯೇದೇಕಯೂಪ-ಮ್ಮಿನೋತಿ ನೈನಂ-ವಁಜ್ರೇಣ ಸುವರ್ಗಾಲ್ಲೋಕಾದನ್ತರ್ದಧಾತಿ ನ ಸ್ವರುಭಿಃ ಪಶೂನ್ ವ್ಯರ್ಧಯತಿ ವಿ ವಾ ಏಷ ಇನ್ದ್ರಿಯೇಣ ವೀರ್ಯೇಣರ್ಧ್ಯತೇ ಯೋ-ಽಗ್ನಿ-ಞ್ಚಿನ್ವ-ನ್ನಧಿಕ್ರಾಮತ್ಯೈನ್ದ್ರಿಯ- [-ನ್ನಧಿಕ್ರಾಮತ್ಯೈನ್ದ್ರಿಯಾ, ಋಚಾ ಽಽಕ್ರಮಣ-] 29
-ರ್ಚಾ ಽಽಕ್ರಮಣ-ಮ್ಪ್ರತೀಷ್ಟಕಾಮುಪ ದದ್ಧ್ಯಾನ್ನೇನ್ದ್ರಿಯೇಣ ವೀರ್ಯೇಣ ವ್ಯೃದ್ಧ್ಯತೇ ರುದ್ರೋ ವಾ ಏಷ ಯದಗ್ನಿಸ್ತಸ್ಯ ತಿಸ್ರ-ಶ್ಶರವ್ಯಾಃ ಪ್ರತೀಚೀ ತಿರಶ್ಚ್ಯನೂಚೀ ತಾಭ್ಯೋ ವಾ ಏಷ ಆ ವೃಶ್ಚ್ಯತೇ ಯೋ-ಽಗ್ನಿ-ಞ್ಚಿನುತೇ ಽಗ್ನಿ-ಞ್ಚಿತ್ವಾ ತಿಸೃಧನ್ವಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾ-ತ್ತಾಭ್ಯ ಏವ ನಮಸ್ಕರೋತ್ಯಥೋ ತಾಭ್ಯ ಏವಾ-ಽಽತ್ಮಾನ-ನ್ನಿಷ್ಕ್ರೀಣೀತೇ ಯತ್ತೇ ರುದ್ರ ಪುರೋ [ರುದ್ರ ಪುರಃ, ಧನುಸ್ತ-ದ್ವಾತೋ] 30
ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರ ಸಂವಁಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರ ದಕ್ಷಿಣಾ ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರ ಪರಿವಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರ ಪಶ್ಚಾದ್ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರೇದಾವಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರೋತ್ತರಾ-ದ್ಧನುಸ್ತ- [ದ್ಧನುಸ್ತತ್, ವಾತೋ] 31
-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರೇದುವಥ್ಸರೇಣ ನಮಸ್ಕರೋಮಿ ಯತ್ತೇ ರುದ್ರೋಪರಿ ಧನುಸ್ತ-ದ್ವಾತೋ ಅನು ವಾತು ತೇ ತಸ್ಮೈ ತೇ ರುದ್ರ ವಥ್ಸರೇಣ ನಮಸ್ಕರೋಮಿ ರುದ್ರೋ ವಾ ಏಷ ಯದಗ್ನಿ-ಸ್ಸ ಯಥಾ ವ್ಯಾಘ್ರಃ ಕ್ರುದ್ಧ-ಸ್ತಿಷ್ಠತ್ಯೇವಂ-ವಾಁ ಏಷ ಏತರ್ಹಿ ಸಞ್ಚಿತಮೇತೈರುಪ ತಿಷ್ಠತೇ ನಮಸ್ಕಾರೈ-ರೇವೈನಗ್ಂ ಶಮಯತಿ ಯೇ-ಽಗ್ನಯಃ - [ಯೇ-ಽಗ್ನಯಃ, ಪುರೀಷ್ಯಾಃ] 32
ಪುರೀಷ್ಯಾಃ ಪ್ರವಿಷ್ಟಾಃ ಪೃಥಿವೀಮನು । ತೇಷಾ-ನ್ತ್ವಮಸ್ಯುತ್ತಮಃ ಪ್ರಣೋ ಜೀವಾತವೇ ಸುವ ॥ ಆಪ-ನ್ತ್ವಾ-ಽಗ್ನೇ ಮನಸಾ ಽಽಪ-ನ್ತ್ವಾ-ಽಗ್ನೇ ತಪಸಾ ಽಽಪ-ನ್ತ್ವಾ-ಽಗ್ನೇ ದೀಕ್ಷಯಾ ಽಽಪ-ನ್ತ್ವಾ-ಽಗ್ನ ಉಪಸದ್ಭಿರಾಪ-ನ್ತ್ವಾ-ಽಗ್ನೇ ಸುತ್ಯಯಾ-ಽಽಪ-ನ್ತ್ವಾ-ಽಗ್ನೇ ದಕ್ಷಿಣಾಭಿರಾಪ-ನ್ತ್ವಾ-ಽಗ್ನೇ ಽವಭೃಥೇನಾಪ-ನ್ತ್ವಾ-ಽಗ್ನೇ ವಶಯಾ ಽಽಪ-ನ್ತ್ವಾ-ಽಗ್ನೇ ಸ್ವಗಾಕಾರೇಣೇತ್ಯಾಹೈ ಷಾ ವಾ ಅಗ್ನೇರಾಪ್ತಿಸ್ತಯೈವೈನಮಾಪ್ನೋತಿ ॥ 33 ॥
(ಐನ್ದ್ರಿಯಾ - ಪುರ - ಉತ್ತರಾದ್ಧನುಸ್ತ- ದಗ್ನಯ - ಆಹಾ - ಷ್ಟೌ ಚ) (ಅ. 7)
ಗಾಯತ್ರೇಣ ಪುರಸ್ತಾದುಪ ತಿಷ್ಠತೇ ಪ್ರಾಣಮೇವಾಸ್ಮಿ-ನ್ದಧಾತಿ ಬೃಹ-ದ್ರಥನ್ತರಾಭ್ಯಾ-ಮ್ಪಕ್ಷಾವೋಜ ಏವಾಸ್ಮಿ-ನ್ದಧಾತ್ಯೃತುಸ್ಥಾಯಜ್ಞಾ-ಯಜ್ಞಿಯೇನ ಪುಚ್ಛಮೃತುಷ್ವೇವ ಪ್ರತಿ ತಿಷ್ಠತಿ ಪೃಷ್ಠೈರುಪ ತಿಷ್ಠತೇ ತೇಜೋ ವೈ ಪೃಷ್ಠಾನಿ ತೇಜ ಏವಾಸ್ಮಿ-ನ್ದಧಾತಿ ಪ್ರಜಾಪತಿರಗ್ನಿಮಸೃಜತ ಸೋ-ಽಸ್ಮಾ-ಥ್ಸೃಷ್ಟಃ ಪರಾಂಐ-ತ್ತಂ-ವಾಁರವನ್ತೀಯೇನಾ-ವಾರಯತ ತ-ದ್ವಾರವನ್ತೀಯಸ್ಯ ವಾರವನ್ತೀಯತ್ವಗ್ಗ್ ಶ್ಯೈತೇನ ಶ್ಯೇತೀ ಅಕುರುತ ತಚ್ಛ್ಯೈತಸ್ಯ ಶ್ಯೈತತ್ವಂ- [ಶ್ಯೈತತ್ವಮ್, ಯ-ದ್ವಾರವನ್ತೀಯೇನೋಪತಿಷ್ಠತೇ] 34
-ಁಯ-ದ್ವಾರವನ್ತೀಯೇನೋಪತಿಷ್ಠತೇ ವಾರಯತ ಏವೈನಗ್ಗ್ ಶ್ಯೈತೇನ ಶ್ಯೇತೀ ಕುರುತೇ ಪ್ರಜಾಪತೇರ್ಹೃದಯೇನಾ-ಪಿಪಕ್ಷ-ಮ್ಪ್ರತ್ಯುಪ ತಿಷ್ಠತೇ ಪ್ರೇಮಾಣಮೇವಾಸ್ಯ ಗಚ್ಛತಿ ಪ್ರಾಚ್ಯಾ ತ್ವಾ ದಿಶಾ ಸಾದಯಾಮಿ ಗಾಯತ್ರೇಣ ಛನ್ದಸಾ-ಽಗ್ನಿನಾ ದೇವತಯಾ-ಽಗ್ನೇ-ಶ್ಶೀರ್ಷ್ಣಾಗ್ನೇ-ಶ್ಶಿರ ಉಪ ದಧಾಮಿ ದಕ್ಷಿಣಯಾ ತ್ವಾ ದಿಶಾ ಸಾದಯಾಮಿ ತ್ರೈಷ್ಟುಭೇನ ಛನ್ದಸೇನ್ದ್ರೇಣ ದೇವತಯಾ-ಽಗ್ನೇಃ ಪಕ್ಷೇಣಾಗ್ನೇಃ ಪಕ್ಷಮುಪ ದಧಾಮಿ ಪ್ರತೀಚ್ಯಾ ತ್ವಾ ದಿಶಾ ಸಾದಯಾಮಿ [ದಿಶಾ ಸಾದಯಾಮಿ, ಜಾಗತೇನ] 35
ಜಾಗತೇನ ಛನ್ದಸಾ ಸವಿತ್ರಾ ದೇವತಯಾ-ಽಗ್ನೇಃ ಪುಚ್ಛೇನಾಗ್ನೇಃ ಪುಚ್ಛಮುಪ ದಧಾಮ್ಯುದೀಚ್ಯಾ ತ್ವಾ ದಿಶಾ ಸಾದಯಾಮ್ಯಾನುಷ್ಟುಭೇನ ಛನ್ದಸಾ ಮಿತ್ರಾವರುಣಾಭ್ಯಾಂ ಏವತಯಾ-ಽಗ್ನೇಃ ಪಕ್ಷೇಣಾಗ್ನೇಃ ಪಕ್ಷಮುಪ ದಧಾಮ್ಯೂರ್ಧ್ವಯಾ ತ್ವಾ ದಿಶಾ ಸಾದಯಾಮಿ ಪಾಙ್ಕ್ತೇನ ಛನ್ದಸಾ ಬೃಹಸ್ಪತಿನಾ ದೇವತಯಾ-ಽಗ್ನೇಃ ಪೃಷ್ಠೇನಾಗ್ನೇಃ ಪೃಷ್ಠಮುಪ ದಧಾಮಿ ಯೋ ವಾ ಅಪಾತ್ಮಾನಮಗ್ನಿ-ಞ್ಚಿನುತೇ-ಽಪಾತ್ಮಾ-ಽಮುಷ್ಮಿನ್ ಁಲೋಕೇ ಭವತಿ ಯ-ಸ್ಸಾತ್ಮಾನ-ಞ್ಚಿನುತೇ ಸಾತ್ಮಾ-ಽಮುಷ್ಮಿನ್ ಁಲೋಕೇ ಭವತ್ಯಾತ್ಮೇಷ್ಟಕಾ ಉಪ ದಧಾತ್ಯೇಷ ವಾ ಅಗ್ನೇರಾತ್ಮಾ ಸಾತ್ಮಾನಮೇವಾಗ್ನಿ-ಞ್ಚಿನುತೇ ಸಾತ್ಮಾ-ಽಮುಷ್ಮಿನ್ ಁಲೋಕೇ ಭವತಿ ಯ ಏವಂ-ವೇಁದ ॥ 36 ॥
(ಶ್ಯೈತತ್ವಂ - ಪ್ರತೀಚ್ಯಾ ತ್ವಾ ದಿಶಾ ಸಾದಯಾಮಿ - ಯ-ಸ್ಸಾತ್ಮಾನ-ಞ್ಚಿನುತೇ - ದ್ವಾವಿಗ್ಂಶತಿಶ್ಚ) (ಅ. 8)
ಅಗ್ನ ಉದಧೇ ಯಾ ತ ಇಷುರ್ಯುವಾ ನಾಮ ತಯಾ ನೋ ಮೃಡ ತಸ್ಯಾಸ್ತೇ ನಮಸ್ತಸ್ಯಾಸ್ತ ಉಪ ಜೀವನ್ತೋ ಭೂಯಾಸ್ಮಾಗ್ನೇ ದುದ್ಧ್ರ ಗಹ್ಯ ಕಿಗ್ಂಶಿಲ ವನ್ಯ ಯಾ ತ ಇಷುರ್ಯುವಾ ನಾಮ ತಯಾ ನೋ ಮೃಡ ತಸ್ಯಾಸ್ತೇ ನಮಸ್ತಸ್ಯಾಸ್ತ ಉಪ ಜೀವನ್ತೋ ಭೂಯಾಸ್ಮ ಪಞ್ಚ ವಾ ಏತೇ-ಽಗ್ನಯೋ ಯಚ್ಚಿತಯ ಉದಧಿರೇವ ನಾಮ ಪ್ರಥಮೋ ದುದ್ಧ್ರೋ [ದುದ್ಧ್ರಃ, ದ್ವಿತೀಯೋ] 37
ದ್ವಿತೀಯೋ ಗಹ್ಯಸ್ತೃತೀಯಃ ಕಿಗ್ಂಶಿಲಶ್ಚತುರ್ಥೋ ವನ್ಯಃ ಪಞ್ಚಮಸ್ತೇಭ್ಯೋ ಯದಾಹುತೀರ್ನ ಜುಹುಯಾದದ್ಧ್ವರ್ಯು-ಞ್ಚ ಯಜಮಾನ-ಞ್ಚ ಪ್ರ ದಹೇಯುರ್ಯದೇತಾ ಆಹುತೀರ್ಜುಹೋತಿ ಭಾಗಧೇಯೇನೈವೈನಾಞ್ಛಮಯತಿ ನಾ-ಽಽರ್ತಿಮಾರ್ಚ್ಛತ್ಯದ್ಧ್ವರ್ಯುರ್ನ ಯಜಮಾನೋ ವಾಮ್ಮ ಆಸ-ನ್ನಸೋಃ ಪ್ರಾಣೋ-ಽಕ್ಷ್ಯೋಶ್ಚಕ್ಷುಃ ಕರ್ಣಯೋ-ಶ್ಶ್ರೋತ್ರ-ಮ್ಬಾಹುವೋರ್ಬಲ-ಮೂರುವೋರೋಜೋ-ಽರಿಷ್ಟಾ ವಿಶ್ವಾನ್ಯಙ್ಗಾನಿ ತನೂ- [ತನೂಃ, ತನುವಾ ಮೇ] 38
-ಸ್ತನುವಾ ಮೇ ಸಹ ನಮಸ್ತೇ ಅಸ್ತು ಮಾ ಮಾ ಹಿಗ್ಂಸೀರಪ ವಾ ಏತಸ್ಮಾ-ತ್ಪ್ರಾಣಾಃ ಕ್ರಾಮನ್ತಿ ಯೋ-ಽಗ್ನಿ-ಞ್ಚಿನ್ವನ್ನಧಿ ಕ್ರಾಮತಿ ವಾಮ್ಮ ಆಸ-ನ್ನಸೋಃ ಪ್ರಾಣ ಇತ್ಯಾಹ ಪ್ರಾಣಾನೇವಾ-ಽಽತ್ಮ-ನ್ಧತ್ತೇ ಯೋ ರುದ್ರೋ ಅಗ್ನೌ ಯೋ ಅಫ್ಸು ಯ ಓಷಧೀಷು ಯೋ ರುದ್ರೋ ವಿಶ್ವಾ ಭುವನಾ-ಽಽವಿವೇಶ ತಸ್ಮೈ ರುದ್ರಾಯ ನಮೋ ಅಸ್ತ್ವಾಹುತಿಭಾಗಾ ವಾ ಅನ್ಯೇ ರುದ್ರಾ ಹವಿರ್ಭಾಗಾ [ರುದ್ರಾ ಹವಿರ್ಭಾಗಾಃ, ಅನ್ಯೇ ಶತರುದ್ರೀಯಗ್ಂ] 39
ಅನ್ಯೇ ಶತರುದ್ರೀಯಗ್ಂ ಹುತ್ವಾ ಗಾವೀಧುಕ-ಞ್ಚರುಮೇತೇನ ಯಜುಷಾ ಚರಮಾಯಾಮಿಷ್ಟಕಾಯಾ-ನ್ನಿ ದದ್ಧ್ಯಾ-ದ್ಭಾಗಧೇಯೇನೈವೈನಗ್ಂ ಶಮಯತಿ ತಸ್ಯ ತ್ವೈ ಶತರುದ್ರೀಯಗ್ಂ ಹುತಮಿತ್ಯಾಹುರ್ಯಸ್ಯೈತದಗ್ನೌ ಕ್ರಿಯತ ಇತಿ ವಸವಸ್ತ್ವಾ ರುದ್ರೈಃ ಪುರಸ್ತಾ-ತ್ಪಾನ್ತು ಪಿತರಸ್ತ್ವಾ ಯಮರಾಜಾನಃ ಪಿತೃಭಿರ್ದಕ್ಷಿಣತಃ ಪಾನ್ತ್ವಾದಿತ್ಯಾಸ್ತ್ವಾ ವಿಶ್ವೈರ್ದೇವೈಃ ಪಶ್ಚಾ-ತ್ಪಾನ್ತು ದ್ಯುತಾನಸ್ತ್ವಾ ಮಾರುತೋ ಮರುದ್ಭಿರುತ್ತರತಃ ಪಾತು [ ] 40
ದೇವಾಸ್ತ್ವೇನ್ದ್ರಜ್ಯೇಷ್ಠಾ ವರುಣರಾಜಾನೋ ಽಧಸ್ತಾಚ್ಚೋ-ಪರಿಷ್ಟಾಚ್ಚ ಪಾನ್ತು ನ ವಾ ಏತೇನ ಪೂತೋ ನ ಮೇದ್ಧ್ಯೋ ನ ಪ್ರೋಕ್ಷಿತೋ ಯದೇನಮತಃ ಪ್ರಾಚೀನ-ಮ್ಪ್ರೋಕ್ಷತಿ ಯ-ಥ್ಸಞ್ಚಿತಮಾಜ್ಯೇನ ಪ್ರೋಕ್ಷತಿ ತೇನ ಪೂತಸ್ತೇನ ಮೇದ್ಧ್ಯಸ್ತೇನ ಪ್ರೋಕ್ಷಿತಃ ॥ 41 ॥
(ದುಧ್ರ - ಸ್ತನೂ - ರ್ಹವಿರ್ಭಾಗಾಃ - ಪಾತು - ದ್ವಾತ್ರಿಗ್ಂಶಚ್ಚ) (ಅ. 9)
ಸಮೀಚೀ ನಾಮಾಸಿ ಪ್ರಾಚೀ ದಿಕ್ತಸ್ಯಾಸ್ತೇ ಽಗ್ನಿರಧಿಪತಿ ರಸಿತೋ ರಕ್ಷಿತಾ ಯಶ್ಚಾಧಿಪತಿ ರ್ಯಶ್ಚ ಗೋಪ್ತಾ ತಾಭ್ಯಾ-ನ್ನಮಸ್ತೌನೋ ಮೃಡಯತಾ-ನ್ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮ್ಯೋಜಸ್ವಿನೀ ನಾಮಾಸಿ ದಕ್ಷಿಣಾ ದಿ-ಕ್ತಸ್ಯಾಸ್ತ ಇನ್ದ್ರೋ-ಽಧಿಪತಿಃ ಪೃದಾಕುಃ ಪ್ರಾಚೀ ನಾಮಾಸಿ ಪ್ರತೀಚೀ ದಿ-ಕ್ತಸ್ಯಾಸ್ತೇ [ದಿ-ಕ್ತಸ್ಯಾಸ್ತೇ, ಸೋಮೋ-ಽಧಿಪತಿ-] 42
ಸೋಮೋ-ಽಧಿಪತಿ-ಸ್ಸ್ವಜೋ ಽವಸ್ಥಾವಾ ನಾಮಾ-ಸ್ಯುದೀಚೀ ದಿ-ಕ್ತಸ್ಯಾಸ್ತೇ ವರುಣೋ-ಽಧಿಪತಿ-ಸ್ತಿರಶ್ಚ ರಾಜಿ-ರಧಿಪತ್ನೀ ನಾಮಾಸಿ ಬೃಹತೀ ದಿ-ಕ್ತಸ್ಯಾಸ್ತೇ ಬೃಹಸ್ಪತಿ-ರಧಿಪತಿ-ಶ್ಶ್ವಿತ್ರೋ ವಶಿನೀ ನಾಮಾಸೀಯ-ನ್ದಿ-ಕ್ತಸ್ಯಾಸ್ತೇ ಯಮೋ-ಽಧಿಪತಿಃ ಕಲ್ಮಾಷ ಗ್ರೀವೋ ರಕ್ಷಿತಾ ಯಶ್ಚಾಧಿಪತಿ ರ್ಯಶ್ಚ ಗೋಪ್ತಾ ತಾಭ್ಯಾ-ನ್ನಮಸ್ತೌ ನೋ ಮೃಡಯತಾ-ನ್ತೇ ಯ-ನ್ದ್ವಿಷ್ಮೋ ಯಶ್ಚ [ ] 43
ನೋ ದ್ವೇಷ್ಟಿ ತಂ-ವಾಁ-ಞ್ಜಮ್ಭೇ ದಧಾಮ್ಯೇತಾ ವೈ ದೇವತಾ ಅಗ್ನಿ-ಞ್ಚಿತಗ್ಂ ರಕ್ಷನ್ತಿ ತಾಭ್ಯೋ ಯದಾಹುತೀರ್ನ ಜುಹುಯಾ-ದದ್ಧ್ವರ್ಯು-ಞ್ಚ ಯಜಮಾನ-ಞ್ಚ ಧ್ಯಾಯೇಯುರ್ಯದೇತಾ ಆಹುತೀರ್ಜುಹೋತಿ ಭಾಗಧೇಯೇನೈವೈನಾ-ಞ್ಛಮಯತಿ ನಾ-ಽಽರ್ತಿ-ಮಾರ್ಚ್ಛತ್ಯದ್ಧ್ವರ್ಯುರ್ನ ಯಜಮಾನೋ ಹೇತಯೋ ನಾಮ ಸ್ಥ ತೇಷಾಂ-ವಃ ಁಪುರೋ ಗೃಹಾ ಅಗ್ನಿರ್ವ ಇಷವ-ಸ್ಸಲಿಲೋ ನಿಲಿಪಾ-ನ್ನಾಮ [ ] 44
ಸ್ಥ ತೇಷಾಂ-ವೋಁ ದಕ್ಷಿಣಾ ಗೃಹಾಃ ಪಿತರೋ ವ ಇಷವ-ಸ್ಸಗರೋ ವಜ್ರಿಣೋ ನಾಮ ಸ್ಥ ತೇಷಾಂ-ವಃ ಁಪಶ್ಚಾ-ದ್ಗೃಹಾ-ಸ್ಸ್ವಪ್ನೋ ವ ಇಷವೋ ಗಹ್ವರೋ ಽವಸ್ಥಾವಾನೋ ನಾಮ ಸ್ಥ ತೇಷಾಂ-ವಁ ಉತ್ತರಾ-ದ್ಗೃಹಾ ಆಪೋ ವ ಇಷವ-ಸ್ಸಮುದ್ರೋ-ಽಧಿಪತಯೋ ನಾಮ ಸ್ಥ ತೇಷಾಂ-ವಁ ಉಪರಿ ಗೃಹಾ ವರ್ಷಂ-ವಁ ಇಷವೋ-ಽವಸ್ವಾನ್ ಕ್ರವ್ಯಾ ನಾಮ ಸ್ಥ ಪಾರ್ಥಿವಾ-ಸ್ತೇಷಾಂ-ವಁ ಇಹ ಗೃಹಾ [ಗೃಹಾಃ, ಅನ್ನಂ-ವಁ] 45
ಅನ್ನಂ-ವಁ ಇಷವೋ ಽನಿಮಿಷೋ ವಾತನಾಮ-ನ್ತೇಭ್ಯೋ ವೋ ನಮಸ್ತೇ ನೋ ಮೃಡಯತ ತೇ ಯ-ನ್ದ್ವಿಷ್ಮೋ ಯಶ್ಚ ನೋ ದ್ವೇಷ್ಟಿ ತಂ-ವೋಁ ಜಮ್ಭೇ ದಧಾಮಿ ಹುತಾದೋ ವಾ ಅನ್ಯೇ ದೇವಾ ಅಹುತಾದೋ-ಽನ್ಯೇ ತಾನಗ್ನಿಚಿದೇವೋಭಯಾ-ನ್ಪ್ರೀಣಾತಿ ದದ್ಧ್ನಾ ಮಧುಮಿಶ್ರೇಣೈತಾ ಆಹುತೀರ್ಜುಹೋತಿ ಭಾಗಧೇಯೇನೈವೈನಾ-ನ್ಪ್ರೀಣಾತ್ಯಥೋ ಖಲ್ವಾಹುರಿಷ್ಟಕಾ ವೈ ದೇವಾ ಅಹುತಾದ ಇ- [ಅಹುತಾದ ಇತಿ, ಅನುಪರಿಕ್ರಾಮ-] 46
-ತ್ಯನುಪರಿಕ್ರಾಮ-ಞ್ಜುಹೋತ್ಯಪರಿವರ್ಗಮೇವೈನಾ-ನ್ಪ್ರೀಣಾತೀಮಗ್ಗ್ ಸ್ತನಮೂರ್ಜಸ್ವನ್ತ-ನ್ಧಯಾಪಾ-ಮ್ಪ್ರಪ್ಯಾತಮಗ್ನೇ ಸರಿರಸ್ಯ ಮದ್ಧ್ಯೇ । ಉಥ್ಸ-ಞ್ಜುಷಸ್ವ ಮಧುಮನ್ತಮೂರ್ವ ಸಮುದ್ರಿಯಗ್ಂ ಸದನಮಾ ವಿಶಸ್ವ ॥ ಯೋ ವಾ ಅಗ್ನಿ-ಮ್ಪ್ರಯುಜ್ಯ ನ ವಿಮುಞ್ಚತಿ ಯಥಾ-ಽಶ್ವೋ ಯುಕ್ತೋ-ಽವಿಮುಚ್ಯಮಾನಃ, ಕ್ಷುದ್ಧ್ಯ-ನ್ಪರಾಭವತ್ಯೇವಮಸ್ಯಾಗ್ನಿಃ ಪರಾ ಭವತಿ ತ-ಮ್ಪರಾಭವನ್ತಂ-ಯಁಜಮಾನೋ-ಽನು ಪರಾ ಭವತಿ ಸೋ-ಽಗ್ನಿ-ಞ್ಚಿತ್ವಾ ಲೂಕ್ಷೋ [ಲೂಕ್ಷಃ, ಭವತೀಮಗ್ಗ್ ಸ್ತನ] 47
ಭವತೀಮಗ್ಗ್ ಸ್ತನ-ಮೂರ್ಜಸ್ವನ್ತ-ನ್ಧಯಾಪಾಮಿತ್ಯಾಜ್ಯಸ್ಯ ಪೂರ್ಣಾಗ್ ಸ್ರುಚ-ಞ್ಜುಹೋತ್ಯೇಷ ವಾ ಅಗ್ನೇರ್ವಿಮೋಕೋ ವಿಮುಚ್ಯೈವಾಸ್ಮಾ ಅನ್ನಮಪಿ ದಧಾತಿ ತಸ್ಮಾದಾಹುರ್ಯಶ್ಚೈವಂ-ವೇಁದ ಯಶ್ಚ ನ ಸುಧಾಯಗ್ಂ ಹ ವೈ ವಾಜೀ ಸುಹಿತೋ ದಧಾತೀತ್ಯಗ್ನಿರ್ವಾವ ವಾಜೀ ತಮೇವ ತ-ತ್ಪ್ರೀಣಾತಿ ಸ ಏನ-ಮ್ಪ್ರೀತಃ ಪ್ರೀಣಾತಿ ವಸೀಯಾ-ನ್ಭವತಿ ॥ 48 ॥
(ಪ್ರತೀಚೀ ದಿಕ್ತಸ್ಯಾಸ್ತೇ-ದ್ವಿಷ್ಮೋ ಯಶ್ಚ-ನಿಲಿಮ್ಪಾ ನಾ-ಮೇ ಹ ಗೃಹಾ-ಇತಿ-ಲೂಕ್ಷೋ-ವಸೀಯಾ-ನ್ಭವತಿ) (ಅ. 10)
ಇನ್ದ್ರಾಯ ರಾಜ್ಞೇ ಸೂಕರೋ ವರುಣಾಯ ರಾಜ್ಞೇ ಕೃಷ್ಣೋ ಯಮಾಯ ರಾಜ್ಞ ಋಶ್ಯ ಋಷಭಾಯ ರಾಜ್ಞೇ ಗವಯ-ಶ್ಶಾರ್ದೂಲಾಯ ರಾಜ್ಞೇ ಗೌರಃ ಪುರುಷರಾಜಾಯ ಮರ್ಕಟಃ ಕ್ಷಿಪ್ರಶ್ಯೇನಸ್ಯ ವರ್ತಿಕಾ ನೀಲಙ್ಗೋಃ ಕ್ರಿಮಿ-ಸ್ಸೋಮಸ್ಯ ರಾಜ್ಞಃ ಕುಲುಙ್ಗ-ಸ್ಸಿನ್ಧೋ-ಶ್ಶಿಗ್ಂಶುಮಾರೋ ಹಿಮವತೋ ಹಸ್ತೀ ॥ 49
(ಇನ್ದ್ರಾಯ ರಾಜ್ಞೇ-ಽಷ್ಟಾವಿಗ್ಂಶತಿಃ) (ಅ. 11)
ಮಯುಃ ಪ್ರಾಜಾಪತ್ಯ ಊಲೋ ಹಲೀಕ್ಷ್ಣೋ ವೃಷದಗ್ಂಶಸ್ತೇ ಧಾತು-ಸ್ಸರಸ್ವತ್ಯೈ ಶಾರಿಃ ಶ್ಯೇತಾ ಪುರುಷವಾ-ಖ್ಸರಸ್ವತೇ ಶುಕಃ ಶ್ಯೇತಃ ಪುರುಷವಾಗಾರಣ್ಯೋ-ಽಜೋ ನಕುಲ-ಶ್ಶಕಾ ತೇ ಪೌಷ್ಣಾ ವಾಚೇ ಕ್ರೌಞ್ಚಃ ॥ 50 ॥
(ಮಯು - ಸ್ತ್ರಯೋವಿಗ್ಂಶತಿಃ) (ಅ. 12)
ಅಪಾ-ನ್ನಪ್ತ್ರೇ ಜಷೋ ನಾಕ್ರೋ ಮಕರಃ ಕುಲೀಕಯಸ್ತೇ-ಽಕೂಪಾರಸ್ಯ ವಾಚೇ ಪೈಙ್ಗರಾಜೋ ಭಗಾಯ ಕುಷೀತಕ ಆತೀ ವಾಹಸೋ ದರ್ವಿದಾ ತೇ ವಾಯವ್ಯಾ ದಿಗ್ಭ್ಯಶ್ಚಕ್ರವಾಕಃ ॥ 51 ॥
(ಅಪಾ - ಮೇಕಾನ್ನವಿಗ್ಂಶತಿಃ) (ಅ. 13)
ಬಲಾಯಾಜಗರ ಆಖು-ಸ್ಸೃಜಯಾ ಶಯಣ್ಡಕಸ್ತೇ ಮೈತ್ರಾ ಮೃತ್ಯವೇ-ಽಸಿತೋ ಮನ್ಯವೇ ಸ್ವಜಃ ಕುಂಭೀನಸಃ ಪುಷ್ಕರಸಾದೋ ಲೋಹಿತಾಹಿಸ್ತೇ ತ್ವಾಷ್ಟ್ರಾಃ ಪ್ರತಿಶ್ರುತ್ಕಾಯೈ ವಾಹಸಃ ॥ 52 ॥
(ಬಲಾಯಾ - ಷ್ಟಾದಶ) (ಅ. 14)
ಪುರುಷಮೃಗಶ್ಚನ್ದ್ರಮಸೇ ಗೋಧಾ ಕಾಲಕಾ ದಾರ್ವಾಘಾಟಸ್ತೇ ವನಸ್ಪತೀನಾಮೇಣ್ಯಹ್ನೇ ಕೃಷ್ಣೋ ರಾತ್ರಿಯೈ ಪಿಕಃ, ಕ್ಷ್ವಿಙ್ಕಾ ನೀಲಶೀರ್ಷ್ಣೀ ತೇ-ಽರ್ಯಮ್ಣೇ ಧಾತುಃ ಕತ್ಕಟಃ ॥ 53 ॥
(ಪುರುಷಮೃಗೋ-ಽಷ್ಟಾದಶ) (ಅ. 15)
ಸೌರೀ ಬಲಾಕರ್ಶ್ಯೋ ಮಯೂರಃ ಶ್ಯೇನಸ್ತೇ ಗನ್ಧರ್ವಾಣಾಂ-ವಁಸೂನಾ-ಙ್ಕಪಿಞ್ಜಲೋ ರುದ್ರಾಣಾ-ನ್ತಿತ್ತಿರೀ ರೋಹಿ-ತ್ಕುಣ್ಡೃಣಾಚೀ ಗೋಲತ್ತಿಕಾ ತಾ ಅಫ್ಸರಸಾ-ಮರಣ್ಯಾಯ ಸೃಮರಃ ॥ 54 ॥
(ಸೌ-ರ್ಯಷ್ಟಾದಶ) (ಅ. 16)
ಪೃಷತೋ ವೈಶ್ವದೇವಃ ಪಿತ್ವೋ ನ್ಯಙ್ಕುಃ ಕಶಸ್ತೇ-ಽನುಮತ್ಯಾ ಅನ್ಯವಾಪೋ-ಽರ್ಧಮಾಸಾನಾ-ಮ್ಮಾಸಾ-ಙ್ಕಶ್ಯಪಃ ಕ್ವಯಿಃ ಕುಟರುರ್ದಾತ್ಯೌಹಸ್ತೇ ಸಿನೀವಾಲ್ಯೈ ಬೃಹಸ್ಪತಯೇ ಶಿತ್ಪುಟಃ ॥ 55 ॥
(ಪೃಷತಾ- ಽಷ್ಟಾದಶ) (ಅ. 17)
ಶಕಾ ಭೌಮೀ ಪಾನ್ತ್ರಃ ಕಶೋ ಮಾನ್ಥೀಲವಸ್ತೇ ಪಿತೃಣಾ-ಮೃತೂನಾ-ಞ್ಜಹಕಾ ಸಂವಁಥ್ಸರಾಯ ಲೋಪಾ ಕಪೋತ ಉಲೂಕ-ಶ್ಶಶಸ್ತೇ ನೈರ್ಋತಾಃ ಕೃಕವಾಕುಃ ಸಾವಿತ್ರಃ ॥ 56 ॥
(ಶಕಾ - ಽಷ್ಟಾದಶ ) (ಅ. 18)
ರುರೂ ರೌದ್ರಃ ಕೃಕಲಾಸ-ಶ್ಶಕುನಿಃ ಪಿಪ್ಪಕಾ ತೇ ಶರವ್ಯಾಯೈ ಹರಿಣೋ ಮಾರುತೋ ಬ್ರಹ್ಮಣೇ ಶಾರ್ಗಸ್ತರಕ್ಷುಃ ಕೃಷ್ಣ-ಶ್ಶ್ವಾ ಚತುರಕ್ಷೋ ಗರ್ದಭಸ್ತ ಇತರಜನಾನಾಮಗ್ನಯೇ ಧೂಙ್ಕ್ಷ್ಣಾ ॥ 57 ॥
(ರುರು - ರ್ವಿಗ್ಂಶತಿಃ) (ಅ. 19)
ಅಲಜ ಆನ್ತರಿಕ್ಷ ಉದ್ರೋ ಮದ್ಗುಃ ಪ್ಲವಸ್ತೇ-ಽಪಾಮದಿತ್ಯೈ ಹಗ್ಂಸಸಾಚಿರಿನ್ದ್ರಾಣ್ಯೈ ಕೀರ್ಶಾ ಗೃದ್ಧ್ರಃ ಶಿತಿಕಕ್ಷೀ ವಾರ್ಧ್ರಾಣಸಸ್ತೇ ದಿವ್ಯಾ ದ್ಯಾವಾಪೃಥಿವ್ಯಾ ಶ್ವಾವಿತ್ ॥ 58 ॥
(ಅಲಜೋ - ಽಷ್ಟಾದಶ ) (ಅ. 20)
ಸುಪರ್ಣಃ ಪಾರ್ಜನ್ಯೋ ಹಗ್ಂಸೋ ವೃಕೋ ವೃಷದಗ್ಂಶಸ್ತ ಐನ್ದ್ರಾ ಅಪಾಮುದ್ರೋ ಽರ್ಯಮ್ಣೇ ಲೋಪಾಶ-ಸ್ಸಿಗ್ಂಹೋ ನಕುಲೋ ವ್ಯಾಘ್ರಸ್ತೇ ಮಹೇನ್ದ್ರಾಯ ಕಾಮಾಯ ಪರಸ್ವಾನ್ ॥ 59 ॥
(ಸುಪಣೋ - ಽಷ್ಟಾದಶ) (ಅ. 21)
ಆಗ್ನೇಯಃ ಕೃಷ್ಣಗ್ರೀವ-ಸ್ಸಾರಸ್ವತೀ ಮೇಷೀ ಬಭ್ರು-ಸ್ಸೌಮ್ಯಃ ಪೌಷ್ಣ-ಶ್ಶ್ಯಾಮ-ಶ್ಶಿತಿಪೃಷ್ಠೋ ಬಾರ್ಹಸ್ಪತ್ಯ-ಶ್ಶಿಲ್ಪೋ ವೈಶ್ವದೇವ ಐನ್ದ್ರೋ-ಽರುಣೋ ಮಾರುತಃ ಕಲ್ಮಾಷ ಐನ್ದ್ರಾಗ್ನ-ಸ್ಸಗ್ಂಹಿತೋ ಽಧೋರಾಮ-ಸ್ಸಾವಿತ್ರೋ ವಾರುಣಃ ಪೇತ್ವಃ ॥ 60 ॥
(ಆಗ್ನೇಯೋ - ದ್ವಾವಿಗ್ಂಶತಿಃ) (ಅ. 22)
ಅಶ್ವಸ್ತೂಪರೋ ಗೋಮೃಗಸ್ತೇ ಪ್ರಾಜಾಪತ್ಯಾ ಆಗ್ನೇಯೌ ಕೃಷ್ಣಗ್ರೀವೌ ತ್ವಾಷ್ಟ್ರೌ ಲೋಮಶಸಕ್ಥೌ ಶಿತಿಪೃಷ್ಠೌ ಬಾರ್ಹಸ್ಪತ್ಯೌ ಧಾತ್ರೇ ಪೃಷೋದರ-ಸ್ಸೌರ್ಯೋ ಬಲಕ್ಷಃ ಪೇತ್ವಃ ॥ 61 ॥
(ಅಶ್ವಃ - ಷೋಡಶ) (ಅ. 23)
ಅಗ್ನಯೇ-ಽನೀಕವತೇ ರೋಹಿತಾಞ್ಜಿ-ರನಡ್ವಾ-ನಧೋರಾಮೌ ಸಾವಿತ್ರೌ ಪೌಷ್ಣೌ ರಜತನಾಭೀ ವೈಶ್ವದೇವೌ ಪಿಶಙ್ಗೌ ತೂಪರೌ ಮಾರುತಃ ಕಲ್ಮಾಷ ಆಗ್ನೇಯಃ ಕೃಷ್ಣೋ-ಽಜ-ಸ್ಸಾರಸ್ವತೀ ಮೇಷೀ ವಾರುಣಃ ಕೃಷ್ಣ ಏಕಶಿತಿಪಾ-ತ್ಪೇತ್ವಃ ॥ 62 ॥
(ಅಗ್ನಯೇ - ದ್ವಾವಿಗ್ಂಶತಿಃ) (ಅ. 24)
(ಯದೇಕೇನ - ಪ್ರಜಾಪತಿಃ ಪ್ರೇಣಾ-ಽನು - ಯಜುಷಾ - ಽಽಪೋ - ವಿಶ್ವಕರ್ಮಾ - ಽಗ್ನ ಆ ಯಾಹಿ - ಸುವರ್ಗಾಯ ವಜ್ರೋ - ಗಾಯತ್ರೇಣಾ - ಗ್ನ ಉದಧೇ - ಸಮೀಚೀ - ನ್ದ್ರಾಯ - ಮಯು - ರಪಾಂ - ಬಲಾಯ - ಪುರುಷಮೃಗಃ - ಸೌರೀ - ಪೃಷತಃ - ಶಕಾ - ರುರು - ರಲಜಃ - ಸುಪರ್ಣ - ಆಗ್ನೇಯೋ - ಽಶ್ವೋ - ಽಗ್ನಯೇ-ಽನೀಕವತೇ - ಚತುರ್ವಿಗ್ಂಶತಿಃ)
(ಯದೇಕೇನ - ಸ ಪಾಪೀಯಾ - ನೇತದ್ವಾ ಅಗ್ನೇ - ರ್ಧನುಸ್ತ-ದ್- ದೇವಾಸ್ತ್ವೇನ್ದ್ರಜ್ಯೇಷ್ಠಾ - ಅಪಾ-ನ್ನಪ್ತ್ರೇ - ಽಶ್ವಸ್ತೂಪರೋ - ದ್ವಿಷಷ್ಟಿಃ)
(ಯದೇಕೇ, ನೈಕಶಿತಿಪಾ-ತ್ಪೇತ್ವಃ)
॥ ಹರಿಃ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಪಞ್ಚಮಃ ಪ್ರಶ್ನ-ಸ್ಸಮಾಪ್ತಃ ॥