What is Manidvipa Varnanam?

Read Manidvipa Varnanam in Assamese script — full lyrics with English meaning and transliteration. Manidvipa Varnanam is a profound section found in the twelfth skandha of the Devi Bhagavata Purana, detailing the celestial abode of the Supreme Goddess Bhuvaneshvari. This text provides an exquisite, architectural, and metaphysical description of the divine island, often considered the ultimate destination for devotees of the Divine Mother. Chanting or meditating upon these verses is believed to purify the practitioner's consciousness, grant liberation from worldly attachments, and invoke the grace of the Goddess. It serves as a meditative gateway, helping seekers visualize the eternal residence of the cosmic Mother beyond the reach of ordinary time and space.

Which deity is Manidvipa Varnanam dedicated to?

Manidvipa Varnanam is a Sanskrit hymn dedicated to Goddess Bhuvaneshvari.

Who composed Manidvipa Varnanam?

Manidvipa Varnanam is traditionally attributed to From Devi Bhagavata Purana.

Manidvipa Varnanam in Assamese – Lyrics

(শ্ৰীদেৱীভাগৱতং, দ্ৱাদশ স্কন্ধং, দ্ৱাদশোঽধ্যাযঃ, মণিদ্ৱীপ ৱৰ্ণন - 3)

ৱ্যাস উৱাচ।
তদেৱ দেৱীসদনং মধ্যভাগে ৱিৰাজতে ।
সহস্ৰ স্তম্ভসংযুক্তাশ্চত্ৱাৰস্তেষু মণ্ডপাঃ ॥ 1 ॥

শৃঙ্গাৰমণ্ডপশ্চৈকো মুক্তিমণ্ডপ এৱ চ ।
জ্ঞানমণ্ডপ সঞ্জ্ঞস্তু তৃতীযঃ পৰিকীৰ্তিতঃ ॥ 2 ॥

একান্তমণ্ডপশ্চৈৱ চতুৰ্থঃ পৰিকীৰ্তিতঃ ।
নানা ৱিতানসংযুক্তা নানা ধূপৈস্তু ধূপিতাঃ ॥ 3 ॥

কোটিসূৰ্যসমাঃ কান্ত্যা ভ্ৰাঞ্জন্তে মণ্ডপাঃ শুভাঃ ।
তন্মণ্ডপানাং পৰিতঃ কাশ্মীৰৱনিকা স্মৃতা ॥ 4 ॥

মল্লিকাকুন্দৱনিকা যত্ৰ পুষ্কলকাঃ স্থিতাঃ ।
অসঙ্খ্যাতা মৃগমদৈঃ পূৰিতাস্তত্স্ৰৱা নৃপ ॥ 5 ॥

মহাপদ্মাটৱী তদ্ৱদ্ৰত্নসোপাননিৰ্মিতা ।
সুধাৰসেনসম্পূৰ্ণা গুঞ্জন্মত্তমধুৱ্ৰতা ॥ 6 ॥

হংসকাৰণ্ডৱাকীৰ্ণা গন্ধপূৰিত দিক্তটা ।
ৱনিকানাং সুগন্ধৈস্তু মণিদ্ৱীপং সুৱাসিতম্ ॥ 7 ॥

শৃঙ্গাৰমণ্ডপে দেৱ্যো গাযন্তি ৱিৱিধৈঃ স্ৱৰৈঃ ।
সভাসদো দেৱৱশা মধ্যে শ্ৰীজগদম্বিকা ॥ 8 ॥

মুক্তিমণ্ডপমধ্যে তু মোচযত্যনিশং শিৱা ।
জ্ঞানোপদেশং কুৰুতে তৃতীযে নৃপ মণ্ডপে ॥ 9 ॥

চতুৰ্থমণ্ডপে চৈৱ জগদ্ৰক্ষা ৱিচিন্তনম্ ।
মন্ত্ৰিণী সহিতা নিত্যং কৰোতি জগদম্বিকা ॥ 10 ॥

চিন্তামণিগৃহে ৰাজঞ্ছক্তি তত্ত্ৱাত্মকৈঃ পৰৈঃ ।
সোপানৈৰ্দশভিৰ্যুক্তো মঞ্চকোপ্যধিৰাজতে ॥ 11 ॥

ব্ৰহ্মা ৱিষ্ণুশ্চ ৰুদ্ৰশ্চ ঈশ্ৱৰশ্চ সদাশিৱঃ ।
এতে মঞ্চখুৰাঃ প্ৰোক্তাঃ ফলকস্তু সদাশিৱঃ ॥ 12 ॥

তস্যোপৰি মহাদেৱো ভুৱনেশো ৱিৰাজতে ।
যা দেৱী নিজলীলাৰ্থং দ্ৱিধাভূতা বভূৱহ ॥ 13 ॥

সৃষ্ট্যাদৌ তু স এৱাযং তদৰ্ধাঙ্গো মহেশ্ৱৰঃ ।
কন্দৰ্প দৰ্পনাশোদ্যত্কোটি কন্দৰ্পসুন্দৰঃ ॥ 14 ॥

পঞ্চৱক্ত্ৰস্ত্ৰিনেত্ৰশ্চ মণিভূষণ ভূষিতঃ ।
হৰিণাভীতিপৰশূন্ৱৰং চ নিজবাহুভিঃ ॥ 15 ॥

দধানঃ ষোডশাব্দোঽসৌ দেৱঃ সৰ্ৱেশ্ৱৰো মহান্ ।
কোটিসূৰ্য প্ৰতীকাশশ্চন্দ্ৰকোটি সুশীতলঃ ॥ 16 ॥

শুদ্ধস্ফটিক সঙ্কাশস্ত্ৰিনেত্ৰঃ শীতল দ্যুতিঃ ।
ৱামাঙ্কে সন্নিষণ্ণাঽস্য দেৱী শ্ৰীভুৱনেশ্ৱৰী ॥ 17 ॥

নৱৰত্নগণাকীৰ্ণ কাঞ্চীদাম ৱিৰাজিতা ।
তপ্তকাঞ্চনসন্নদ্ধ ৱৈদূৰ্যাঙ্গদভূষণা ॥ 18 ॥

কনচ্ছ্ৰীচক্ৰতাটঙ্ক ৱিটঙ্ক ৱদনাম্বুজা ।
ললাটকান্তি ৱিভৱ ৱিজিতাৰ্ধসুধাকৰা ॥ 19 ॥

বিম্বকান্তি তিৰস্কাৰিৰদচ্ছদ ৱিৰাজিতা ।
লসত্কুঙ্কুমকস্তূৰীতিলকোদ্ভাসিতাননা ॥ 20 ॥

দিৱ্য চূডামণি স্ফাৰ চঞ্চচ্চন্দ্ৰকসূৰ্যকা ।
উদ্যত্কৱিসমস্ৱচ্ছ নাসাভৰণ ভাসুৰা ॥ 21 ॥

চিন্তাকলম্বিতস্ৱচ্ছ মুক্তাগুচ্ছ ৱিৰাজিতা ।
পাটীৰ পঙ্ক কৰ্পূৰ কুঙ্কুমালঙ্কৃত স্তনী ॥ 22 ॥

ৱিচিত্ৰ ৱিৱিধা কল্পা কম্বুসঙ্কাশ কন্ধৰা ।
দাডিমীফলবীজাভ দন্তপঙ্ক্তি ৱিৰাজিতা ॥ 23 ॥

অনৰ্ঘ্য ৰত্নঘটিত মুকুটাঞ্চিত মস্তকা ।
মত্তালিমালাৱিলসদলকাঢ্য মুখাম্বুজা ॥ 24 ॥

কলঙ্ককাৰ্শ্যনিৰ্মুক্ত শৰচ্চন্দ্ৰনিভাননা ।
জাহ্নৱীসলিলাৱৰ্ত শোভিনাভিৱিভূষিতা ॥ 25 ॥

মাণিক্য শকলাবদ্ধ মুদ্ৰিকাঙ্গুলিভূষিতা ।
পুণ্ডৰীকদলাকাৰ নযনত্ৰযসুন্দৰী ॥ 26 ॥

কল্পিতাচ্ছ মহাৰাগ পদ্মৰাগোজ্জ্ৱলপ্ৰভা ।
ৰত্নকিঙ্কিণিকাযুক্ত ৰত্নকঙ্কণশোভিতা ॥ 27 ॥

মণিমুক্তাসৰাপাৰ লসত্পদকসন্ততিঃ ।
ৰত্নাঙ্গুলিপ্ৰৱিতত প্ৰভাজাললসত্কৰা ॥ 28 ॥

কঞ্চুকীগুম্ফিতাপাৰ নানা ৰত্নততিদ্যুতিঃ ।
মল্লিকামোদি ধম্মিল্ল মল্লিকালিসৰাৱৃতা ॥ 29 ॥

সুৱৃত্তনিবিডোত্তুঙ্গ কুচভাৰালসা শিৱা ।
ৱৰপাশাঙ্কুশাভীতি লসদ্বাহু চতুষ্টযা ॥ 30 ॥

সৰ্ৱশৃঙ্গাৰৱেষাঢ্যা সুকুমাৰাঙ্গৱল্লৰী ।
সৌন্দৰ্যধাৰাসৰ্ৱস্ৱা নিৰ্ৱ্যাজকৰুণামযী ॥ 31 ॥

নিজসংলাপমাধুৰ্য ৱিনিৰ্ভৰ্ত্সিতকচ্ছপী ।
কোটিকোটিৰৱীন্দূনাং কান্তিং যা বিভ্ৰতী পৰা ॥ 32 ॥

নানা সখীভিৰ্দাসীভিস্তথা দেৱাঙ্গনাদিভিঃ ।
সৰ্ৱাভিৰ্দেৱতাভিস্তু সমন্তাত্পৰিৱেষ্টিতা ॥ 33 ॥

ইচ্ছাশক্ত্যা জ্ঞানশক্ত্যা ক্ৰিযাশক্ত্যা সমন্ৱিতা ।
লজ্জা তুষ্টিস্তথা পুষ্টিঃ কীৰ্তিঃ কান্তিঃ ক্ষমা দযা ॥ 34 ॥

বুদ্ধিৰ্মেধাস্মৃতিৰ্লক্ষ্মীৰ্মূৰ্তিমত্যোঙ্গনাঃ স্মৃতাঃ ।
জযা চ ৱিজযা চৈৱাপ্যজিতা চাপৰাজিতা ॥ 35 ॥

নিত্যা ৱিলাসিনী দোগ্ধ্ৰী ত্ৱঘোৰা মঙ্গলা নৱা ।
পীঠশক্তয এতাস্তু সেৱন্তে যাং পৰাম্বিকাম্ ॥ 36 ॥

যস্যাস্তু পাৰ্শ্ৱভাগেস্তোনিধীতৌ শঙ্খপদ্মকৌ ।
নৱৰত্ন ৱহানদ্যস্তথা ৱৈ কাঞ্চনস্ৰৱাঃ ॥ 37 ॥

সপ্তধাতুৱহানদ্যো নিধিভ্যাং তু ৱিনিৰ্গতাঃ ।
সুধাসিন্ধ্ৱন্তগামিন্যস্তাঃ সৰ্ৱা নৃপসত্তম ॥ 38 ॥

সা দেৱী ভুৱনেশানী তদ্ৱামাঙ্কে ৱিৰাজতে ।
সৰ্ৱেশ ত্ৱং মহেশস্য যত্সঙ্গা দেৱ নান্যথা ॥ 39 ॥

চিন্তামণি গৃহস্যাঽস্য প্ৰমাণং শৃণু ভূমিপ ।
সহস্ৰযোজনাযামং মহান্তস্তত্প্ৰচক্ষতে ॥ 40 ॥

তদুত্তৰে মহাশালাঃ পূৰ্ৱস্মাদ্ দ্ৱিগুণাঃ স্মৃতাঃ ।
অন্তৰিক্ষগতং ত্ৱেতন্নিৰাধাৰং ৱিৰাজতে ॥ 41 ॥

সঙ্কোচশ্চ ৱিকাশশ্চ জাযতেঽস্য নিৰন্তৰম্ ।
পটৱত্কাৰ্যৱশতঃ প্ৰলযে সৰ্জনে তথা ॥ 42 ॥

শালানাং চৈৱ সৰ্ৱেষাং সৰ্ৱকান্তিপৰাৱধি ।
চিন্তামণিগৃহং প্ৰোক্তং যত্ৰ দেৱী মহোমযী ॥ 43 ॥

যেযে উপাসকাঃ সন্তি প্ৰতিব্ৰহ্মাণ্ডৱৰ্তিনঃ ।
দেৱেষু নাগলোকেষু মনুষ্যেষ্ৱিতৰেষু চ ॥ 44 ॥

শ্ৰীদেৱ্যাস্তে চ সৰ্ৱেপি ৱ্ৰজন্ত্যত্ৰৈৱ ভূমিপ ।
দেৱীক্ষেত্ৰে যে ত্যজন্তি প্ৰাণান্দেৱ্যৰ্চনে ৰতাঃ ॥ 45 ॥

তে সৰ্ৱে যান্তি তত্ৰৈৱ যত্ৰ দেৱী মহোত্সৱা ।
ঘৃতকুল্যা দুগ্ধকুল্যা দধিকুল্যা মধুস্ৰৱাঃ ॥ 46 ॥

স্যন্দন্তি সৰিতঃ সৰ্ৱাস্তথামৃতৱহাঃ পৰাঃ ।
দ্ৰাক্ষাৰসৱহাঃ কাশ্চিজ্জম্বূৰসৱহাঃ পৰাঃ ॥ 47 ॥

আম্ৰেক্ষুৰসৱাহিন্যো নদ্যস্তাস্তু সহস্ৰশঃ ।
মনোৰথফলাৱৃক্ষাৱাপ্যঃ কূপাস্তথৈৱ চ ॥ 48 ॥

যথেষ্টপানফলদান ন্যূনং কিঞ্চিদস্তি হি ।
ন ৰোগপলিতং ৱাপি জৰা ৱাপি কদাচন ॥ 49 ॥

ন চিন্তা ন চ মাত্সৰ্যং কামক্ৰোধাদিকং তথা ।
সৰ্ৱে যুৱানঃ সস্ত্ৰীকাঃ সহস্ৰাদিত্যৱৰ্চসঃ ॥ 50 ॥

ভজন্তি সততং দেৱীং তত্ৰ শ্ৰীভুৱনেশ্ৱৰীম্ ।
কেচিত্সলোকতাপন্নাঃ কেচিত্সামীপ্যতাং গতাঃ ॥ 51 ॥

সৰূপতাং গতাঃ কেচিত্সাৰ্ষ্টিতাং চ পৰেগতাঃ ।
যাযাস্তু দেৱতাস্তত্ৰ প্ৰতিব্ৰহ্মাণ্ডৱৰ্তিনাম্ ॥ 52 ॥

সমষ্টযঃ স্থিতাস্তাস্তু সেৱন্তে জগদীশ্ৱৰীম্ ।
সপ্তকোটিমহামন্ত্ৰা মূৰ্তিমন্ত উপাসতে ॥ 53 ॥

মহাৱিদ্যাশ্চ সকলাঃ সাম্যাৱস্থাত্মিকাং শিৱাম্ ।
কাৰণব্ৰহ্মৰূপাং তাং মাযা শবলৱিগ্ৰহাম্ ॥ 54 ॥

ইত্থং ৰাজন্মযা প্ৰোক্তং মণিদ্ৱীপং মহত্তৰম্ ।
ন সূৰ্যচন্দ্ৰৌ নো ৱিদ্যুত্কোটযোগ্নিস্তথৈৱ চ ॥ 55 ॥

এতস্য ভাসা কোট্যংশ কোট্যংশো নাপি তে সমাঃ ।
ক্ৱচিদ্ৱিদ্ৰুমসঙ্কাশং ক্ৱচিন্মৰকতচ্ছৱি ॥ 56 ॥

ৱিদ্যুদ্ভানুসমচ্ছাযং মধ্যসূৰ্যসমং ক্ৱচিত্ ।
ৱিদ্যুত্কোটিমহাধাৰা সাৰকান্তিততং ক্ৱচিত্ ॥ 57 ॥

ক্ৱচিত্সিন্দূৰ নীলেন্দ্ৰং মাণিক্য সদৃশচ্ছৱি ।
হীৰসাৰ মহাগৰ্ভ ধগদ্ধগিত দিক্তটম্ ॥ 58 ॥

কান্ত্যা দাৱানলসমং তপ্তকাঞ্চন সন্নিভম্ ।
ক্ৱচিচ্চন্দ্ৰোপলোদ্গাৰং সূৰ্যোদ্গাৰং চ কুত্ৰ চিত্ ॥ 59 ॥

ৰত্নশৃঙ্গি সমাযুক্তং ৰত্নপ্ৰাকাৰ গোপুৰম্ ।
ৰত্নপত্ৰৈ ৰত্নফলৈৰ্ৱৃক্ষৈশ্চ পৰিমণ্ডিতম্ ॥ 60 ॥

নৃত্যন্মযূৰসঙ্ঘৈশ্চ কপোতৰণিতোজ্জ্ৱলম্ ।
কোকিলাকাকলীলাপৈঃ শুকলাপৈশ্চ শোভিতম্ ॥ 61 ॥

সুৰম্য ৰমণীযাম্বু লক্ষাৱধি সৰোৱৃতম্ ।
তন্মধ্যভাগ ৱিলসদ্ৱিকচদ্ৰত্ন পঙ্কজৈঃ ॥ 62 ॥

সুগন্ধিভিঃ সমন্তাত্তু ৱাসিতং শতযোজনম্ ।
মন্দমাৰুত সম্ভিন্ন চলদ্দ্ৰুম সমাকুলম্ ॥ 63 ॥

চিন্তামণি সমূহানাং জ্যোতিষা ৱিততাম্বৰম্ ।
ৰত্নপ্ৰভাভিৰভিতো ধগদ্ধগিত দিক্তটম্ ॥ 64 ॥

ৱৃক্ষৱ্ৰাত মহাগন্ধৱাতৱ্ৰাত সুপূৰিতম্ ।
ধূপধূপাযিতং ৰাজন্মণিদীপাযুতোজ্জ্ৱলম্ ॥ 65 ॥

মণিজালক সচ্ছিদ্ৰ তৰলোদৰকান্তিভিঃ ।
দিঙ্মোহজনকং চৈতদ্দৰ্পণোদৰ সংযুতম্ ॥ 66 ॥

ঐশ্ৱৰ্যস্য সমগ্ৰস্য শৃঙ্গাৰস্যাখিলস্য চ ।
সৰ্ৱজ্ঞতাযাঃ সৰ্ৱাযাস্তেজসশ্চাখিলস্য চ ॥ 67 ॥

পৰাক্ৰমস্য সৰ্ৱস্য সৰ্ৱোত্তমগুণস্য চ ।
সকলা যা দযাযাশ্চ সমাপ্তিৰিহ ভূপতে ॥ 68 ॥

ৰাজ্ঞ আনন্দমাৰভ্য ব্ৰহ্মলোকান্ত ভূমিষু ।
আনন্দা যে স্থিতাঃ সৰ্ৱে তেঽত্ৰৈৱান্তৰ্ভৱন্তি হি ॥ 69 ॥

ইতি তে ৱৰ্ণিতং ৰাজন্মণিদ্ৱীপং মহত্তৰম্ ।
মহাদেৱ্যাঃ পৰংস্থানং সৰ্ৱলোকোত্তমোত্তমম্ ॥ 70 ॥

এতস্য স্মৰণাত্সদ্যঃ সৰ্ৱপাপং ৱিনশ্যতি ।
প্ৰাণোত্ক্ৰমণসন্ধৌ তু স্মৃত্ৱা তত্ৰৈৱ গচ্ছতি ॥ 71 ॥

অধ্যায পঞ্চকং ত্ৱেতত্পঠেন্নিত্যং সমাহিতঃ ।
ভূতপ্ৰেতপিশাচাদি বাধা তত্ৰ ভৱেন্ন হি ॥ 72 ॥

নৱীন গৃহ নিৰ্মাণে ৱাস্তুযাগে তথৈৱ চ ।
পঠিতৱ্যং প্ৰযত্নেন কল্যাণং তেন জাযতে ॥ 73 ॥

ইতি শ্ৰীদেৱীভাগৱতে মহাপুৰাণে দ্ৱাদশস্কন্ধে দ্ৱাদশোধ্যাযঃ ॥

মণিদ্ৱীপ ৱৰ্ণন - 3 (দেৱী ভাগৱতম্)

Explore More

More Bhuvaneshvari Stotras

Explore More