कालिदासविरचितम्
मातङ्गीस्तोत्रं च —
मातङ्गीस्तोत्रं च —
ओङ्कारपञ्जरशुकीमुपनिषदुद्यानकेलिकलकण्ठीम्
आगमविपिनमयूरीमार्यामन्तर्विभावये गौरीम् ॥ १॥
आगमविपिनमयूरीमार्यामन्तर्विभावये गौरीम् ॥ १॥
दयमानदीर्घनयनां देशिकरूपेण दर्शिताभ्युदयाम्
वामकुचनिहितवीणां वरदां सङ्गीतमातृकां वन्दे ॥ २॥
वामकुचनिहितवीणां वरदां सङ्गीतमातृकां वन्दे ॥ २॥
श्यामलिमसौकुमार्यां सौन्दर्यानन्दसम्पदुन्मेषाम्
तरुणिमकरुणापूरां मदजलकल्लोललोचनां वन्दे ॥ ३॥
तरुणिमकरुणापूरां मदजलकल्लोललोचनां वन्दे ॥ ३॥
नखमुखमुखरितवीणानादरसास्वादनवनवोल्लासम्
मुखमम्ब मोदयतु मां मुक्ताताटङ्कमुग्धहसितं ते ॥ ४॥
मुखमम्ब मोदयतु मां मुक्ताताटङ्कमुग्धहसितं ते ॥ ४॥
सरिगमपधनिरतां तां वीणासङ्क्रान्तकान्तहस्तां ताम्
शान्तां मृदुलस्वान्तां कुचभरतान्तां नमामि शिवकान्ताम् ॥ ५॥
शान्तां मृदुलस्वान्तां कुचभरतान्तां नमामि शिवकान्ताम् ॥ ५॥
अवटुतटघटितचूलीताडिततालीपलाशताटङ्काम्
वीणावादनवेलाऽकम्पितशिरसां नमामि मातङ्गीम् ॥ ६॥
वीणावादनवेलाऽकम्पितशिरसां नमामि मातङ्गीम् ॥ ६॥
वीणारवानुषङ्गं विकचमुखाम्भोजमाधुरीभृङ्गम्
करुणापूरतरङ्गं कलये मातङ्गकन्यकापाङ्गम् ॥ ७॥
करुणापूरतरङ्गं कलये मातङ्गकन्यकापाङ्गम् ॥ ७॥
मणिभङ्गमेचकाङ्गीं मातङ्गीं नौमि सिद्धमातङ्गीम्
यौवनवनसारङ्गीं सङ्गीताम्भोरुहानुभवभृङ्गीम् ॥ ८॥
यौवनवनसारङ्गीं सङ्गीताम्भोरुहानुभवभृङ्गीम् ॥ ८॥
मेचकमासेचनकं मिथ्यादृष्टान्तमध्यभागं ते
मातस्वरूपमनिशं मङ्गलसङ्गीतसौरभं वन्दे ॥ ९॥
मातस्वरूपमनिशं मङ्गलसङ्गीतसौरभं वन्दे ॥ ९॥
नवरत्नमाल्यमेतद् रचितं मातङ्गकन्यकाभरणम्
यः पठति भक्तियुक्तः सः भवेत् वागीश्वरः भवेत् साक्षात् ॥
यः पठति भक्तियुक्तः सः भवेत् वागीश्वरः भवेत् साक्षात् ॥
॥ इति कविकालिदासविरचितं नवरत्नमाला अथवा श्यामलानवरत्नमालिकास्तोत्रं समाप्तम् ॥