(ಶ್ರೀದೇವೀಭಾಗವತಂ, ದ್ವಾದಶ ಸ್ಕನ್ಧಂ, ದ್ವಾದಶೋಽಧ್ಯಾಯಃ, ಮಣಿದ್ವೀಪ ವರ್ಣನ - 3)
ವ್ಯಾಸ ಉವಾಚ।
ತದೇವ ದೇವೀಸದನಂ ಮಧ್ಯಭಾಗೇ ವಿರಾಜತೇ ।
ಸಹಸ್ರ ಸ್ತಮ್ಭಸಂಯುಕ್ತಾಶ್ಚತ್ವಾರಸ್ತೇಷು ಮಣ್ಡಪಾಃ ॥ 1 ॥
ತದೇವ ದೇವೀಸದನಂ ಮಧ್ಯಭಾಗೇ ವಿರಾಜತೇ ।
ಸಹಸ್ರ ಸ್ತಮ್ಭಸಂಯುಕ್ತಾಶ್ಚತ್ವಾರಸ್ತೇಷು ಮಣ್ಡಪಾಃ ॥ 1 ॥
ಶೃಙ್ಗಾರಮಣ್ಡಪಶ್ಚೈಕೋ ಮುಕ್ತಿಮಣ್ಡಪ ಏವ ಚ ।
ಜ್ಞಾನಮಣ್ಡಪ ಸಞ್ಜ್ಞಸ್ತು ತೃತೀಯಃ ಪರಿಕೀರ್ತಿತಃ ॥ 2 ॥
ಜ್ಞಾನಮಣ್ಡಪ ಸಞ್ಜ್ಞಸ್ತು ತೃತೀಯಃ ಪರಿಕೀರ್ತಿತಃ ॥ 2 ॥
ಏಕಾನ್ತಮಣ್ಡಪಶ್ಚೈವ ಚತುರ್ಥಃ ಪರಿಕೀರ್ತಿತಃ ।
ನಾನಾ ವಿತಾನಸಂಯುಕ್ತಾ ನಾನಾ ಧೂಪೈಸ್ತು ಧೂಪಿತಾಃ ॥ 3 ॥
ನಾನಾ ವಿತಾನಸಂಯುಕ್ತಾ ನಾನಾ ಧೂಪೈಸ್ತು ಧೂಪಿತಾಃ ॥ 3 ॥
ಕೋಟಿಸೂರ್ಯಸಮಾಃ ಕಾನ್ತ್ಯಾ ಭ್ರಾಞ್ಜನ್ತೇ ಮಣ್ಡಪಾಃ ಶುಭಾಃ ।
ತನ್ಮಣ್ಡಪಾನಾಂ ಪರಿತಃ ಕಾಶ್ಮೀರವನಿಕಾ ಸ್ಮೃತಾ ॥ 4 ॥
ತನ್ಮಣ್ಡಪಾನಾಂ ಪರಿತಃ ಕಾಶ್ಮೀರವನಿಕಾ ಸ್ಮೃತಾ ॥ 4 ॥
ಮಲ್ಲಿಕಾಕುನ್ದವನಿಕಾ ಯತ್ರ ಪುಷ್ಕಲಕಾಃ ಸ್ಥಿತಾಃ ।
ಅಸಙ್ಖ್ಯಾತಾ ಮೃಗಮದೈಃ ಪೂರಿತಾಸ್ತತ್ಸ್ರವಾ ನೃಪ ॥ 5 ॥
ಅಸಙ್ಖ್ಯಾತಾ ಮೃಗಮದೈಃ ಪೂರಿತಾಸ್ತತ್ಸ್ರವಾ ನೃಪ ॥ 5 ॥
ಮಹಾಪದ್ಮಾಟವೀ ತದ್ವದ್ರತ್ನಸೋಪಾನನಿರ್ಮಿತಾ ।
ಸುಧಾರಸೇನಸಮ್ಪೂರ್ಣಾ ಗುಞ್ಜನ್ಮತ್ತಮಧುವ್ರತಾ ॥ 6 ॥
ಸುಧಾರಸೇನಸಮ್ಪೂರ್ಣಾ ಗುಞ್ಜನ್ಮತ್ತಮಧುವ್ರತಾ ॥ 6 ॥
ಹಂಸಕಾರಣ್ಡವಾಕೀರ್ಣಾ ಗನ್ಧಪೂರಿತ ದಿಕ್ತಟಾ ।
ವನಿಕಾನಾಂ ಸುಗನ್ಧೈಸ್ತು ಮಣಿದ್ವೀಪಂ ಸುವಾಸಿತಮ್ ॥ 7 ॥
ವನಿಕಾನಾಂ ಸುಗನ್ಧೈಸ್ತು ಮಣಿದ್ವೀಪಂ ಸುವಾಸಿತಮ್ ॥ 7 ॥
ಶೃಙ್ಗಾರಮಣ್ಡಪೇ ದೇವ್ಯೋ ಗಾಯನ್ತಿ ವಿವಿಧೈಃ ಸ್ವರೈಃ ।
ಸಭಾಸದೋ ದೇವವಶಾ ಮಧ್ಯೇ ಶ್ರೀಜಗದಮ್ಬಿಕಾ ॥ 8 ॥
ಸಭಾಸದೋ ದೇವವಶಾ ಮಧ್ಯೇ ಶ್ರೀಜಗದಮ್ಬಿಕಾ ॥ 8 ॥
ಮುಕ್ತಿಮಣ್ಡಪಮಧ್ಯೇ ತು ಮೋಚಯತ್ಯನಿಶಂ ಶಿವಾ ।
ಜ್ಞಾನೋಪದೇಶಂ ಕುರುತೇ ತೃತೀಯೇ ನೃಪ ಮಣ್ಡಪೇ ॥ 9 ॥
ಜ್ಞಾನೋಪದೇಶಂ ಕುರುತೇ ತೃತೀಯೇ ನೃಪ ಮಣ್ಡಪೇ ॥ 9 ॥
ಚತುರ್ಥಮಣ್ಡಪೇ ಚೈವ ಜಗದ್ರಕ್ಷಾ ವಿಚಿನ್ತನಮ್ ।
ಮನ್ತ್ರಿಣೀ ಸಹಿತಾ ನಿತ್ಯಂ ಕರೋತಿ ಜಗದಮ್ಬಿಕಾ ॥ 10 ॥
ಮನ್ತ್ರಿಣೀ ಸಹಿತಾ ನಿತ್ಯಂ ಕರೋತಿ ಜಗದಮ್ಬಿಕಾ ॥ 10 ॥
ಚಿನ್ತಾಮಣಿಗೃಹೇ ರಾಜಞ್ಛಕ್ತಿ ತತ್ತ್ವಾತ್ಮಕೈಃ ಪರೈಃ ।
ಸೋಪಾನೈರ್ದಶಭಿರ್ಯುಕ್ತೋ ಮಞ್ಚಕೋಪ್ಯಧಿರಾಜತೇ ॥ 11 ॥
ಸೋಪಾನೈರ್ದಶಭಿರ್ಯುಕ್ತೋ ಮಞ್ಚಕೋಪ್ಯಧಿರಾಜತೇ ॥ 11 ॥
ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ಈಶ್ವರಶ್ಚ ಸದಾಶಿವಃ ।
ಏತೇ ಮಞ್ಚಖುರಾಃ ಪ್ರೋಕ್ತಾಃ ಫಲಕಸ್ತು ಸದಾಶಿವಃ ॥ 12 ॥
ಏತೇ ಮಞ್ಚಖುರಾಃ ಪ್ರೋಕ್ತಾಃ ಫಲಕಸ್ತು ಸದಾಶಿವಃ ॥ 12 ॥
ತಸ್ಯೋಪರಿ ಮಹಾದೇವೋ ಭುವನೇಶೋ ವಿರಾಜತೇ ।
ಯಾ ದೇವೀ ನಿಜಲೀಲಾರ್ಥಂ ದ್ವಿಧಾಭೂತಾ ಬಭೂವಹ ॥ 13 ॥
ಯಾ ದೇವೀ ನಿಜಲೀಲಾರ್ಥಂ ದ್ವಿಧಾಭೂತಾ ಬಭೂವಹ ॥ 13 ॥
ಸೃಷ್ಟ್ಯಾದೌ ತು ಸ ಏವಾಯಂ ತದರ್ಧಾಙ್ಗೋ ಮಹೇಶ್ವರಃ ।
ಕನ್ದರ್ಪ ದರ್ಪನಾಶೋದ್ಯತ್ಕೋಟಿ ಕನ್ದರ್ಪಸುನ್ದರಃ ॥ 14 ॥
ಕನ್ದರ್ಪ ದರ್ಪನಾಶೋದ್ಯತ್ಕೋಟಿ ಕನ್ದರ್ಪಸುನ್ದರಃ ॥ 14 ॥
ಪಞ್ಚವಕ್ತ್ರಸ್ತ್ರಿನೇತ್ರಶ್ಚ ಮಣಿಭೂಷಣ ಭೂಷಿತಃ ।
ಹರಿಣಾಭೀತಿಪರಶೂನ್ವರಂ ಚ ನಿಜಬಾಹುಭಿಃ ॥ 15 ॥
ಹರಿಣಾಭೀತಿಪರಶೂನ್ವರಂ ಚ ನಿಜಬಾಹುಭಿಃ ॥ 15 ॥
ದಧಾನಃ ಷೋಡಶಾಬ್ದೋಽಸೌ ದೇವಃ ಸರ್ವೇಶ್ವರೋ ಮಹಾನ್ ।
ಕೋಟಿಸೂರ್ಯ ಪ್ರತೀಕಾಶಶ್ಚನ್ದ್ರಕೋಟಿ ಸುಶೀತಲಃ ॥ 16 ॥
ಕೋಟಿಸೂರ್ಯ ಪ್ರತೀಕಾಶಶ್ಚನ್ದ್ರಕೋಟಿ ಸುಶೀತಲಃ ॥ 16 ॥
ಶುದ್ಧಸ್ಫಟಿಕ ಸಙ್ಕಾಶಸ್ತ್ರಿನೇತ್ರಃ ಶೀತಲ ದ್ಯುತಿಃ ।
ವಾಮಾಙ್ಕೇ ಸನ್ನಿಷಣ್ಣಾಽಸ್ಯ ದೇವೀ ಶ್ರೀಭುವನೇಶ್ವರೀ ॥ 17 ॥
ವಾಮಾಙ್ಕೇ ಸನ್ನಿಷಣ್ಣಾಽಸ್ಯ ದೇವೀ ಶ್ರೀಭುವನೇಶ್ವರೀ ॥ 17 ॥
ನವರತ್ನಗಣಾಕೀರ್ಣ ಕಾಞ್ಚೀದಾಮ ವಿರಾಜಿತಾ ।
ತಪ್ತಕಾಞ್ಚನಸನ್ನದ್ಧ ವೈದೂರ್ಯಾಙ್ಗದಭೂಷಣಾ ॥ 18 ॥
ತಪ್ತಕಾಞ್ಚನಸನ್ನದ್ಧ ವೈದೂರ್ಯಾಙ್ಗದಭೂಷಣಾ ॥ 18 ॥
ಕನಚ್ಛ್ರೀಚಕ್ರತಾಟಙ್ಕ ವಿಟಙ್ಕ ವದನಾಮ್ಬುಜಾ ।
ಲಲಾಟಕಾನ್ತಿ ವಿಭವ ವಿಜಿತಾರ್ಧಸುಧಾಕರಾ ॥ 19 ॥
ಲಲಾಟಕಾನ್ತಿ ವಿಭವ ವಿಜಿತಾರ್ಧಸುಧಾಕರಾ ॥ 19 ॥
ಬಿಮ್ಬಕಾನ್ತಿ ತಿರಸ್ಕಾರಿರದಚ್ಛದ ವಿರಾಜಿತಾ ।
ಲಸತ್ಕುಙ್ಕುಮಕಸ್ತೂರೀತಿಲಕೋದ್ಭಾಸಿತಾನನಾ ॥ 20 ॥
ಲಸತ್ಕುಙ್ಕುಮಕಸ್ತೂರೀತಿಲಕೋದ್ಭಾಸಿತಾನನಾ ॥ 20 ॥
ದಿವ್ಯ ಚೂಡಾಮಣಿ ಸ್ಫಾರ ಚಞ್ಚಚ್ಚನ್ದ್ರಕಸೂರ್ಯಕಾ ।
ಉದ್ಯತ್ಕವಿಸಮಸ್ವಚ್ಛ ನಾಸಾಭರಣ ಭಾಸುರಾ ॥ 21 ॥
ಉದ್ಯತ್ಕವಿಸಮಸ್ವಚ್ಛ ನಾಸಾಭರಣ ಭಾಸುರಾ ॥ 21 ॥
ಚಿನ್ತಾಕಲಮ್ಬಿತಸ್ವಚ್ಛ ಮುಕ್ತಾಗುಚ್ಛ ವಿರಾಜಿತಾ ।
ಪಾಟೀರ ಪಙ್ಕ ಕರ್ಪೂರ ಕುಙ್ಕುಮಾಲಙ್ಕೃತ ಸ್ತನೀ ॥ 22 ॥
ಪಾಟೀರ ಪಙ್ಕ ಕರ್ಪೂರ ಕುಙ್ಕುಮಾಲಙ್ಕೃತ ಸ್ತನೀ ॥ 22 ॥
ವಿಚಿತ್ರ ವಿವಿಧಾ ಕಲ್ಪಾ ಕಮ್ಬುಸಙ್ಕಾಶ ಕನ್ಧರಾ ।
ದಾಡಿಮೀಫಲಬೀಜಾಭ ದನ್ತಪಙ್ಕ್ತಿ ವಿರಾಜಿತಾ ॥ 23 ॥
ದಾಡಿಮೀಫಲಬೀಜಾಭ ದನ್ತಪಙ್ಕ್ತಿ ವಿರಾಜಿತಾ ॥ 23 ॥
ಅನರ್ಘ್ಯ ರತ್ನಘಟಿತ ಮುಕುಟಾಞ್ಚಿತ ಮಸ್ತಕಾ ।
ಮತ್ತಾಲಿಮಾಲಾವಿಲಸದಲಕಾಢ್ಯ ಮುಖಾಮ್ಬುಜಾ ॥ 24 ॥
ಮತ್ತಾಲಿಮಾಲಾವಿಲಸದಲಕಾಢ್ಯ ಮುಖಾಮ್ಬುಜಾ ॥ 24 ॥
ಕಲಙ್ಕಕಾರ್ಶ್ಯನಿರ್ಮುಕ್ತ ಶರಚ್ಚನ್ದ್ರನಿಭಾನನಾ ।
ಜಾಹ್ನವೀಸಲಿಲಾವರ್ತ ಶೋಭಿನಾಭಿವಿಭೂಷಿತಾ ॥ 25 ॥
ಜಾಹ್ನವೀಸಲಿಲಾವರ್ತ ಶೋಭಿನಾಭಿವಿಭೂಷಿತಾ ॥ 25 ॥
ಮಾಣಿಕ್ಯ ಶಕಲಾಬದ್ಧ ಮುದ್ರಿಕಾಙ್ಗುಲಿಭೂಷಿತಾ ।
ಪುಣ್ಡರೀಕದಲಾಕಾರ ನಯನತ್ರಯಸುನ್ದರೀ ॥ 26 ॥
ಪುಣ್ಡರೀಕದಲಾಕಾರ ನಯನತ್ರಯಸುನ್ದರೀ ॥ 26 ॥
ಕಲ್ಪಿತಾಚ್ಛ ಮಹಾರಾಗ ಪದ್ಮರಾಗೋಜ್ಜ್ವಲಪ್ರಭಾ ।
ರತ್ನಕಿಙ್ಕಿಣಿಕಾಯುಕ್ತ ರತ್ನಕಙ್ಕಣಶೋಭಿತಾ ॥ 27 ॥
ರತ್ನಕಿಙ್ಕಿಣಿಕಾಯುಕ್ತ ರತ್ನಕಙ್ಕಣಶೋಭಿತಾ ॥ 27 ॥
ಮಣಿಮುಕ್ತಾಸರಾಪಾರ ಲಸತ್ಪದಕಸನ್ತತಿಃ ।
ರತ್ನಾಙ್ಗುಲಿಪ್ರವಿತತ ಪ್ರಭಾಜಾಲಲಸತ್ಕರಾ ॥ 28 ॥
ರತ್ನಾಙ್ಗುಲಿಪ್ರವಿತತ ಪ್ರಭಾಜಾಲಲಸತ್ಕರಾ ॥ 28 ॥
ಕಞ್ಚುಕೀಗುಮ್ಫಿತಾಪಾರ ನಾನಾ ರತ್ನತತಿದ್ಯುತಿಃ ।
ಮಲ್ಲಿಕಾಮೋದಿ ಧಮ್ಮಿಲ್ಲ ಮಲ್ಲಿಕಾಲಿಸರಾವೃತಾ ॥ 29 ॥
ಮಲ್ಲಿಕಾಮೋದಿ ಧಮ್ಮಿಲ್ಲ ಮಲ್ಲಿಕಾಲಿಸರಾವೃತಾ ॥ 29 ॥
ಸುವೃತ್ತನಿಬಿಡೋತ್ತುಙ್ಗ ಕುಚಭಾರಾಲಸಾ ಶಿವಾ ।
ವರಪಾಶಾಙ್ಕುಶಾಭೀತಿ ಲಸದ್ಬಾಹು ಚತುಷ್ಟಯಾ ॥ 30 ॥
ವರಪಾಶಾಙ್ಕುಶಾಭೀತಿ ಲಸದ್ಬಾಹು ಚತುಷ್ಟಯಾ ॥ 30 ॥
ಸರ್ವಶೃಙ್ಗಾರವೇಷಾಢ್ಯಾ ಸುಕುಮಾರಾಙ್ಗವಲ್ಲರೀ ।
ಸೌನ್ದರ್ಯಧಾರಾಸರ್ವಸ್ವಾ ನಿರ್ವ್ಯಾಜಕರುಣಾಮಯೀ ॥ 31 ॥
ಸೌನ್ದರ್ಯಧಾರಾಸರ್ವಸ್ವಾ ನಿರ್ವ್ಯಾಜಕರುಣಾಮಯೀ ॥ 31 ॥
ನಿಜಸಂಲಾಪಮಾಧುರ್ಯ ವಿನಿರ್ಭರ್ತ್ಸಿತಕಚ್ಛಪೀ ।
ಕೋಟಿಕೋಟಿರವೀನ್ದೂನಾಂ ಕಾನ್ತಿಂ ಯಾ ಬಿಭ್ರತೀ ಪರಾ ॥ 32 ॥
ಕೋಟಿಕೋಟಿರವೀನ್ದೂನಾಂ ಕಾನ್ತಿಂ ಯಾ ಬಿಭ್ರತೀ ಪರಾ ॥ 32 ॥
ನಾನಾ ಸಖೀಭಿರ್ದಾಸೀಭಿಸ್ತಥಾ ದೇವಾಙ್ಗನಾದಿಭಿಃ ।
ಸರ್ವಾಭಿರ್ದೇವತಾಭಿಸ್ತು ಸಮನ್ತಾತ್ಪರಿವೇಷ್ಟಿತಾ ॥ 33 ॥
ಸರ್ವಾಭಿರ್ದೇವತಾಭಿಸ್ತು ಸಮನ್ತಾತ್ಪರಿವೇಷ್ಟಿತಾ ॥ 33 ॥
ಇಚ್ಛಾಶಕ್ತ್ಯಾ ಜ್ಞಾನಶಕ್ತ್ಯಾ ಕ್ರಿಯಾಶಕ್ತ್ಯಾ ಸಮನ್ವಿತಾ ।
ಲಜ್ಜಾ ತುಷ್ಟಿಸ್ತಥಾ ಪುಷ್ಟಿಃ ಕೀರ್ತಿಃ ಕಾನ್ತಿಃ ಕ್ಷಮಾ ದಯಾ ॥ 34 ॥
ಲಜ್ಜಾ ತುಷ್ಟಿಸ್ತಥಾ ಪುಷ್ಟಿಃ ಕೀರ್ತಿಃ ಕಾನ್ತಿಃ ಕ್ಷಮಾ ದಯಾ ॥ 34 ॥
ಬುದ್ಧಿರ್ಮೇಧಾಸ್ಮೃತಿರ್ಲಕ್ಷ್ಮೀರ್ಮೂರ್ತಿಮತ್ಯೋಙ್ಗನಾಃ ಸ್ಮೃತಾಃ ।
ಜಯಾ ಚ ವಿಜಯಾ ಚೈವಾಪ್ಯಜಿತಾ ಚಾಪರಾಜಿತಾ ॥ 35 ॥
ಜಯಾ ಚ ವಿಜಯಾ ಚೈವಾಪ್ಯಜಿತಾ ಚಾಪರಾಜಿತಾ ॥ 35 ॥
ನಿತ್ಯಾ ವಿಲಾಸಿನೀ ದೋಗ್ಧ್ರೀ ತ್ವಘೋರಾ ಮಙ್ಗಲಾ ನವಾ ।
ಪೀಠಶಕ್ತಯ ಏತಾಸ್ತು ಸೇವನ್ತೇ ಯಾಂ ಪರಾಮ್ಬಿಕಾಮ್ ॥ 36 ॥
ಪೀಠಶಕ್ತಯ ಏತಾಸ್ತು ಸೇವನ್ತೇ ಯಾಂ ಪರಾಮ್ಬಿಕಾಮ್ ॥ 36 ॥
ಯಸ್ಯಾಸ್ತು ಪಾರ್ಶ್ವಭಾಗೇಸ್ತೋನಿಧೀತೌ ಶಙ್ಖಪದ್ಮಕೌ ।
ನವರತ್ನ ವಹಾನದ್ಯಸ್ತಥಾ ವೈ ಕಾಞ್ಚನಸ್ರವಾಃ ॥ 37 ॥
ನವರತ್ನ ವಹಾನದ್ಯಸ್ತಥಾ ವೈ ಕಾಞ್ಚನಸ್ರವಾಃ ॥ 37 ॥
ಸಪ್ತಧಾತುವಹಾನದ್ಯೋ ನಿಧಿಭ್ಯಾಂ ತು ವಿನಿರ್ಗತಾಃ ।
ಸುಧಾಸಿನ್ಧ್ವನ್ತಗಾಮಿನ್ಯಸ್ತಾಃ ಸರ್ವಾ ನೃಪಸತ್ತಮ ॥ 38 ॥
ಸುಧಾಸಿನ್ಧ್ವನ್ತಗಾಮಿನ್ಯಸ್ತಾಃ ಸರ್ವಾ ನೃಪಸತ್ತಮ ॥ 38 ॥
ಸಾ ದೇವೀ ಭುವನೇಶಾನೀ ತದ್ವಾಮಾಙ್ಕೇ ವಿರಾಜತೇ ।
ಸರ್ವೇಶ ತ್ವಂ ಮಹೇಶಸ್ಯ ಯತ್ಸಙ್ಗಾ ದೇವ ನಾನ್ಯಥಾ ॥ 39 ॥
ಸರ್ವೇಶ ತ್ವಂ ಮಹೇಶಸ್ಯ ಯತ್ಸಙ್ಗಾ ದೇವ ನಾನ್ಯಥಾ ॥ 39 ॥
ಚಿನ್ತಾಮಣಿ ಗೃಹಸ್ಯಾಽಸ್ಯ ಪ್ರಮಾಣಂ ಶೃಣು ಭೂಮಿಪ ।
ಸಹಸ್ರಯೋಜನಾಯಾಮಂ ಮಹಾನ್ತಸ್ತತ್ಪ್ರಚಕ್ಷತೇ ॥ 40 ॥
ಸಹಸ್ರಯೋಜನಾಯಾಮಂ ಮಹಾನ್ತಸ್ತತ್ಪ್ರಚಕ್ಷತೇ ॥ 40 ॥
ತದುತ್ತರೇ ಮಹಾಶಾಲಾಃ ಪೂರ್ವಸ್ಮಾದ್ ದ್ವಿಗುಣಾಃ ಸ್ಮೃತಾಃ ।
ಅನ್ತರಿಕ್ಷಗತಂ ತ್ವೇತನ್ನಿರಾಧಾರಂ ವಿರಾಜತೇ ॥ 41 ॥
ಅನ್ತರಿಕ್ಷಗತಂ ತ್ವೇತನ್ನಿರಾಧಾರಂ ವಿರಾಜತೇ ॥ 41 ॥
ಸಙ್ಕೋಚಶ್ಚ ವಿಕಾಶಶ್ಚ ಜಾಯತೇಽಸ್ಯ ನಿರನ್ತರಮ್ ।
ಪಟವತ್ಕಾರ್ಯವಶತಃ ಪ್ರಲಯೇ ಸರ್ಜನೇ ತಥಾ ॥ 42 ॥
ಪಟವತ್ಕಾರ್ಯವಶತಃ ಪ್ರಲಯೇ ಸರ್ಜನೇ ತಥಾ ॥ 42 ॥
ಶಾಲಾನಾಂ ಚೈವ ಸರ್ವೇಷಾಂ ಸರ್ವಕಾನ್ತಿಪರಾವಧಿ ।
ಚಿನ್ತಾಮಣಿಗೃಹಂ ಪ್ರೋಕ್ತಂ ಯತ್ರ ದೇವೀ ಮಹೋಮಯೀ ॥ 43 ॥
ಚಿನ್ತಾಮಣಿಗೃಹಂ ಪ್ರೋಕ್ತಂ ಯತ್ರ ದೇವೀ ಮಹೋಮಯೀ ॥ 43 ॥
ಯೇಯೇ ಉಪಾಸಕಾಃ ಸನ್ತಿ ಪ್ರತಿಬ್ರಹ್ಮಾಣ್ಡವರ್ತಿನಃ ।
ದೇವೇಷು ನಾಗಲೋಕೇಷು ಮನುಷ್ಯೇಷ್ವಿತರೇಷು ಚ ॥ 44 ॥
ದೇವೇಷು ನಾಗಲೋಕೇಷು ಮನುಷ್ಯೇಷ್ವಿತರೇಷು ಚ ॥ 44 ॥
ಶ್ರೀದೇವ್ಯಾಸ್ತೇ ಚ ಸರ್ವೇಪಿ ವ್ರಜನ್ತ್ಯತ್ರೈವ ಭೂಮಿಪ ।
ದೇವೀಕ್ಷೇತ್ರೇ ಯೇ ತ್ಯಜನ್ತಿ ಪ್ರಾಣಾನ್ದೇವ್ಯರ್ಚನೇ ರತಾಃ ॥ 45 ॥
ದೇವೀಕ್ಷೇತ್ರೇ ಯೇ ತ್ಯಜನ್ತಿ ಪ್ರಾಣಾನ್ದೇವ್ಯರ್ಚನೇ ರತಾಃ ॥ 45 ॥
ತೇ ಸರ್ವೇ ಯಾನ್ತಿ ತತ್ರೈವ ಯತ್ರ ದೇವೀ ಮಹೋತ್ಸವಾ ।
ಘೃತಕುಲ್ಯಾ ದುಗ್ಧಕುಲ್ಯಾ ದಧಿಕುಲ್ಯಾ ಮಧುಸ್ರವಾಃ ॥ 46 ॥
ಘೃತಕುಲ್ಯಾ ದುಗ್ಧಕುಲ್ಯಾ ದಧಿಕುಲ್ಯಾ ಮಧುಸ್ರವಾಃ ॥ 46 ॥
ಸ್ಯನ್ದನ್ತಿ ಸರಿತಃ ಸರ್ವಾಸ್ತಥಾಮೃತವಹಾಃ ಪರಾಃ ।
ದ್ರಾಕ್ಷಾರಸವಹಾಃ ಕಾಶ್ಚಿಜ್ಜಮ್ಬೂರಸವಹಾಃ ಪರಾಃ ॥ 47 ॥
ದ್ರಾಕ್ಷಾರಸವಹಾಃ ಕಾಶ್ಚಿಜ್ಜಮ್ಬೂರಸವಹಾಃ ಪರಾಃ ॥ 47 ॥
ಆಮ್ರೇಕ್ಷುರಸವಾಹಿನ್ಯೋ ನದ್ಯಸ್ತಾಸ್ತು ಸಹಸ್ರಶಃ ।
ಮನೋರಥಫಲಾವೃಕ್ಷಾವಾಪ್ಯಃ ಕೂಪಾಸ್ತಥೈವ ಚ ॥ 48 ॥
ಮನೋರಥಫಲಾವೃಕ್ಷಾವಾಪ್ಯಃ ಕೂಪಾಸ್ತಥೈವ ಚ ॥ 48 ॥
ಯಥೇಷ್ಟಪಾನಫಲದಾನ ನ್ಯೂನಂ ಕಿಞ್ಚಿದಸ್ತಿ ಹಿ ।
ನ ರೋಗಪಲಿತಂ ವಾಪಿ ಜರಾ ವಾಪಿ ಕದಾಚನ ॥ 49 ॥
ನ ರೋಗಪಲಿತಂ ವಾಪಿ ಜರಾ ವಾಪಿ ಕದಾಚನ ॥ 49 ॥
ನ ಚಿನ್ತಾ ನ ಚ ಮಾತ್ಸರ್ಯಂ ಕಾಮಕ್ರೋಧಾದಿಕಂ ತಥಾ ।
ಸರ್ವೇ ಯುವಾನಃ ಸಸ್ತ್ರೀಕಾಃ ಸಹಸ್ರಾದಿತ್ಯವರ್ಚಸಃ ॥ 50 ॥
ಸರ್ವೇ ಯುವಾನಃ ಸಸ್ತ್ರೀಕಾಃ ಸಹಸ್ರಾದಿತ್ಯವರ್ಚಸಃ ॥ 50 ॥
ಭಜನ್ತಿ ಸತತಂ ದೇವೀಂ ತತ್ರ ಶ್ರೀಭುವನೇಶ್ವರೀಮ್ ।
ಕೇಚಿತ್ಸಲೋಕತಾಪನ್ನಾಃ ಕೇಚಿತ್ಸಾಮೀಪ್ಯತಾಂ ಗತಾಃ ॥ 51 ॥
ಕೇಚಿತ್ಸಲೋಕತಾಪನ್ನಾಃ ಕೇಚಿತ್ಸಾಮೀಪ್ಯತಾಂ ಗತಾಃ ॥ 51 ॥
ಸರೂಪತಾಂ ಗತಾಃ ಕೇಚಿತ್ಸಾರ್ಷ್ಟಿತಾಂ ಚ ಪರೇಗತಾಃ ।
ಯಾಯಾಸ್ತು ದೇವತಾಸ್ತತ್ರ ಪ್ರತಿಬ್ರಹ್ಮಾಣ್ಡವರ್ತಿನಾಮ್ ॥ 52 ॥
ಯಾಯಾಸ್ತು ದೇವತಾಸ್ತತ್ರ ಪ್ರತಿಬ್ರಹ್ಮಾಣ್ಡವರ್ತಿನಾಮ್ ॥ 52 ॥
ಸಮಷ್ಟಯಃ ಸ್ಥಿತಾಸ್ತಾಸ್ತು ಸೇವನ್ತೇ ಜಗದೀಶ್ವರೀಮ್ ।
ಸಪ್ತಕೋಟಿಮಹಾಮನ್ತ್ರಾ ಮೂರ್ತಿಮನ್ತ ಉಪಾಸತೇ ॥ 53 ॥
ಸಪ್ತಕೋಟಿಮಹಾಮನ್ತ್ರಾ ಮೂರ್ತಿಮನ್ತ ಉಪಾಸತೇ ॥ 53 ॥
ಮಹಾವಿದ್ಯಾಶ್ಚ ಸಕಲಾಃ ಸಾಮ್ಯಾವಸ್ಥಾತ್ಮಿಕಾಂ ಶಿವಾಮ್ ।
ಕಾರಣಬ್ರಹ್ಮರೂಪಾಂ ತಾಂ ಮಾಯಾ ಶಬಲವಿಗ್ರಹಾಮ್ ॥ 54 ॥
ಕಾರಣಬ್ರಹ್ಮರೂಪಾಂ ತಾಂ ಮಾಯಾ ಶಬಲವಿಗ್ರಹಾಮ್ ॥ 54 ॥
ಇತ್ಥಂ ರಾಜನ್ಮಯಾ ಪ್ರೋಕ್ತಂ ಮಣಿದ್ವೀಪಂ ಮಹತ್ತರಮ್ ।
ನ ಸೂರ್ಯಚನ್ದ್ರೌ ನೋ ವಿದ್ಯುತ್ಕೋಟಯೋಗ್ನಿಸ್ತಥೈವ ಚ ॥ 55 ॥
ನ ಸೂರ್ಯಚನ್ದ್ರೌ ನೋ ವಿದ್ಯುತ್ಕೋಟಯೋಗ್ನಿಸ್ತಥೈವ ಚ ॥ 55 ॥
ಏತಸ್ಯ ಭಾಸಾ ಕೋಟ್ಯಂಶ ಕೋಟ್ಯಂಶೋ ನಾಪಿ ತೇ ಸಮಾಃ ।
ಕ್ವಚಿದ್ವಿದ್ರುಮಸಙ್ಕಾಶಂ ಕ್ವಚಿನ್ಮರಕತಚ್ಛವಿ ॥ 56 ॥
ಕ್ವಚಿದ್ವಿದ್ರುಮಸಙ್ಕಾಶಂ ಕ್ವಚಿನ್ಮರಕತಚ್ಛವಿ ॥ 56 ॥
ವಿದ್ಯುದ್ಭಾನುಸಮಚ್ಛಾಯಂ ಮಧ್ಯಸೂರ್ಯಸಮಂ ಕ್ವಚಿತ್ ।
ವಿದ್ಯುತ್ಕೋಟಿಮಹಾಧಾರಾ ಸಾರಕಾನ್ತಿತತಂ ಕ್ವಚಿತ್ ॥ 57 ॥
ವಿದ್ಯುತ್ಕೋಟಿಮಹಾಧಾರಾ ಸಾರಕಾನ್ತಿತತಂ ಕ್ವಚಿತ್ ॥ 57 ॥
ಕ್ವಚಿತ್ಸಿನ್ದೂರ ನೀಲೇನ್ದ್ರಂ ಮಾಣಿಕ್ಯ ಸದೃಶಚ್ಛವಿ ।
ಹೀರಸಾರ ಮಹಾಗರ್ಭ ಧಗದ್ಧಗಿತ ದಿಕ್ತಟಮ್ ॥ 58 ॥
ಹೀರಸಾರ ಮಹಾಗರ್ಭ ಧಗದ್ಧಗಿತ ದಿಕ್ತಟಮ್ ॥ 58 ॥
ಕಾನ್ತ್ಯಾ ದಾವಾನಲಸಮಂ ತಪ್ತಕಾಞ್ಚನ ಸನ್ನಿಭಮ್ ।
ಕ್ವಚಿಚ್ಚನ್ದ್ರೋಪಲೋದ್ಗಾರಂ ಸೂರ್ಯೋದ್ಗಾರಂ ಚ ಕುತ್ರ ಚಿತ್ ॥ 59 ॥
ಕ್ವಚಿಚ್ಚನ್ದ್ರೋಪಲೋದ್ಗಾರಂ ಸೂರ್ಯೋದ್ಗಾರಂ ಚ ಕುತ್ರ ಚಿತ್ ॥ 59 ॥
ರತ್ನಶೃಙ್ಗಿ ಸಮಾಯುಕ್ತಂ ರತ್ನಪ್ರಾಕಾರ ಗೋಪುರಮ್ ।
ರತ್ನಪತ್ರೈ ರತ್ನಫಲೈರ್ವೃಕ್ಷೈಶ್ಚ ಪರಿಮಣ್ಡಿತಮ್ ॥ 60 ॥
ರತ್ನಪತ್ರೈ ರತ್ನಫಲೈರ್ವೃಕ್ಷೈಶ್ಚ ಪರಿಮಣ್ಡಿತಮ್ ॥ 60 ॥
ನೃತ್ಯನ್ಮಯೂರಸಙ್ಘೈಶ್ಚ ಕಪೋತರಣಿತೋಜ್ಜ್ವಲಮ್ ।
ಕೋಕಿಲಾಕಾಕಲೀಲಾಪೈಃ ಶುಕಲಾಪೈಶ್ಚ ಶೋಭಿತಮ್ ॥ 61 ॥
ಕೋಕಿಲಾಕಾಕಲೀಲಾಪೈಃ ಶುಕಲಾಪೈಶ್ಚ ಶೋಭಿತಮ್ ॥ 61 ॥
ಸುರಮ್ಯ ರಮಣೀಯಾಮ್ಬು ಲಕ್ಷಾವಧಿ ಸರೋವೃತಮ್ ।
ತನ್ಮಧ್ಯಭಾಗ ವಿಲಸದ್ವಿಕಚದ್ರತ್ನ ಪಙ್ಕಜೈಃ ॥ 62 ॥
ತನ್ಮಧ್ಯಭಾಗ ವಿಲಸದ್ವಿಕಚದ್ರತ್ನ ಪಙ್ಕಜೈಃ ॥ 62 ॥
ಸುಗನ್ಧಿಭಿಃ ಸಮನ್ತಾತ್ತು ವಾಸಿತಂ ಶತಯೋಜನಮ್ ।
ಮನ್ದಮಾರುತ ಸಮ್ಭಿನ್ನ ಚಲದ್ದ್ರುಮ ಸಮಾಕುಲಮ್ ॥ 63 ॥
ಮನ್ದಮಾರುತ ಸಮ್ಭಿನ್ನ ಚಲದ್ದ್ರುಮ ಸಮಾಕುಲಮ್ ॥ 63 ॥
ಚಿನ್ತಾಮಣಿ ಸಮೂಹಾನಾಂ ಜ್ಯೋತಿಷಾ ವಿತತಾಮ್ಬರಮ್ ।
ರತ್ನಪ್ರಭಾಭಿರಭಿತೋ ಧಗದ್ಧಗಿತ ದಿಕ್ತಟಮ್ ॥ 64 ॥
ರತ್ನಪ್ರಭಾಭಿರಭಿತೋ ಧಗದ್ಧಗಿತ ದಿಕ್ತಟಮ್ ॥ 64 ॥
ವೃಕ್ಷವ್ರಾತ ಮಹಾಗನ್ಧವಾತವ್ರಾತ ಸುಪೂರಿತಮ್ ।
ಧೂಪಧೂಪಾಯಿತಂ ರಾಜನ್ಮಣಿದೀಪಾಯುತೋಜ್ಜ್ವಲಮ್ ॥ 65 ॥
ಧೂಪಧೂಪಾಯಿತಂ ರಾಜನ್ಮಣಿದೀಪಾಯುತೋಜ್ಜ್ವಲಮ್ ॥ 65 ॥
ಮಣಿಜಾಲಕ ಸಚ್ಛಿದ್ರ ತರಲೋದರಕಾನ್ತಿಭಿಃ ।
ದಿಙ್ಮೋಹಜನಕಂ ಚೈತದ್ದರ್ಪಣೋದರ ಸಂಯುತಮ್ ॥ 66 ॥
ದಿಙ್ಮೋಹಜನಕಂ ಚೈತದ್ದರ್ಪಣೋದರ ಸಂಯುತಮ್ ॥ 66 ॥
ಐಶ್ವರ್ಯಸ್ಯ ಸಮಗ್ರಸ್ಯ ಶೃಙ್ಗಾರಸ್ಯಾಖಿಲಸ್ಯ ಚ ।
ಸರ್ವಜ್ಞತಾಯಾಃ ಸರ್ವಾಯಾಸ್ತೇಜಸಶ್ಚಾಖಿಲಸ್ಯ ಚ ॥ 67 ॥
ಸರ್ವಜ್ಞತಾಯಾಃ ಸರ್ವಾಯಾಸ್ತೇಜಸಶ್ಚಾಖಿಲಸ್ಯ ಚ ॥ 67 ॥
ಪರಾಕ್ರಮಸ್ಯ ಸರ್ವಸ್ಯ ಸರ್ವೋತ್ತಮಗುಣಸ್ಯ ಚ ।
ಸಕಲಾ ಯಾ ದಯಾಯಾಶ್ಚ ಸಮಾಪ್ತಿರಿಹ ಭೂಪತೇ ॥ 68 ॥
ಸಕಲಾ ಯಾ ದಯಾಯಾಶ್ಚ ಸಮಾಪ್ತಿರಿಹ ಭೂಪತೇ ॥ 68 ॥
ರಾಜ್ಞ ಆನನ್ದಮಾರಭ್ಯ ಬ್ರಹ್ಮಲೋಕಾನ್ತ ಭೂಮಿಷು ।
ಆನನ್ದಾ ಯೇ ಸ್ಥಿತಾಃ ಸರ್ವೇ ತೇಽತ್ರೈವಾನ್ತರ್ಭವನ್ತಿ ಹಿ ॥ 69 ॥
ಆನನ್ದಾ ಯೇ ಸ್ಥಿತಾಃ ಸರ್ವೇ ತೇಽತ್ರೈವಾನ್ತರ್ಭವನ್ತಿ ಹಿ ॥ 69 ॥
ಇತಿ ತೇ ವರ್ಣಿತಂ ರಾಜನ್ಮಣಿದ್ವೀಪಂ ಮಹತ್ತರಮ್ ।
ಮಹಾದೇವ್ಯಾಃ ಪರಂಸ್ಥಾನಂ ಸರ್ವಲೋಕೋತ್ತಮೋತ್ತಮಮ್ ॥ 70 ॥
ಮಹಾದೇವ್ಯಾಃ ಪರಂಸ್ಥಾನಂ ಸರ್ವಲೋಕೋತ್ತಮೋತ್ತಮಮ್ ॥ 70 ॥
ಏತಸ್ಯ ಸ್ಮರಣಾತ್ಸದ್ಯಃ ಸರ್ವಪಾಪಂ ವಿನಶ್ಯತಿ ।
ಪ್ರಾಣೋತ್ಕ್ರಮಣಸನ್ಧೌ ತು ಸ್ಮೃತ್ವಾ ತತ್ರೈವ ಗಚ್ಛತಿ ॥ 71 ॥
ಪ್ರಾಣೋತ್ಕ್ರಮಣಸನ್ಧೌ ತು ಸ್ಮೃತ್ವಾ ತತ್ರೈವ ಗಚ್ಛತಿ ॥ 71 ॥
ಅಧ್ಯಾಯ ಪಞ್ಚಕಂ ತ್ವೇತತ್ಪಠೇನ್ನಿತ್ಯಂ ಸಮಾಹಿತಃ ।
ಭೂತಪ್ರೇತಪಿಶಾಚಾದಿ ಬಾಧಾ ತತ್ರ ಭವೇನ್ನ ಹಿ ॥ 72 ॥
ಭೂತಪ್ರೇತಪಿಶಾಚಾದಿ ಬಾಧಾ ತತ್ರ ಭವೇನ್ನ ಹಿ ॥ 72 ॥
ನವೀನ ಗೃಹ ನಿರ್ಮಾಣೇ ವಾಸ್ತುಯಾಗೇ ತಥೈವ ಚ ।
ಪಠಿತವ್ಯಂ ಪ್ರಯತ್ನೇನ ಕಲ್ಯಾಣಂ ತೇನ ಜಾಯತೇ ॥ 73 ॥
ಪಠಿತವ್ಯಂ ಪ್ರಯತ್ನೇನ ಕಲ್ಯಾಣಂ ತೇನ ಜಾಯತೇ ॥ 73 ॥
ಇತಿ ಶ್ರೀದೇವೀಭಾಗವತೇ ಮಹಾಪುರಾಣೇ ದ್ವಾದಶಸ್ಕನ್ಧೇ ದ್ವಾದಶೋಧ್ಯಾಯಃ ॥