(ശ്രീദേവീഭാഗവതം, ദ്വാദശ സ്കന്ധം, ദ്വാദശോഽധ്യായഃ, മണിദ്വീപ വര്ണന - 3)
വ്യാസ ഉവാച।
തദേവ ദേവീസദനം മധ്യഭാഗേ വിരാജതേ ।
സഹസ്ര സ്തമ്ഭസംയുക്താശ്ചത്വാരസ്തേഷു മണ്ഡപാഃ ॥ 1 ॥
തദേവ ദേവീസദനം മധ്യഭാഗേ വിരാജതേ ।
സഹസ്ര സ്തമ്ഭസംയുക്താശ്ചത്വാരസ്തേഷു മണ്ഡപാഃ ॥ 1 ॥
ശൃങ്ഗാരമണ്ഡപശ്ചൈകോ മുക്തിമണ്ഡപ ഏവ ച ।
ജ്ഞാനമണ്ഡപ സഞ്ജ്ഞസ്തു തൃതീയഃ പരികീര്തിതഃ ॥ 2 ॥
ജ്ഞാനമണ്ഡപ സഞ്ജ്ഞസ്തു തൃതീയഃ പരികീര്തിതഃ ॥ 2 ॥
ഏകാന്തമണ്ഡപശ്ചൈവ ചതുര്ഥഃ പരികീര്തിതഃ ।
നാനാ വിതാനസംയുക്താ നാനാ ധൂപൈസ്തു ധൂപിതാഃ ॥ 3 ॥
നാനാ വിതാനസംയുക്താ നാനാ ധൂപൈസ്തു ധൂപിതാഃ ॥ 3 ॥
കോടിസൂര്യസമാഃ കാന്ത്യാ ഭ്രാഞ്ജന്തേ മണ്ഡപാഃ ശുഭാഃ ।
തന്മണ്ഡപാനാം പരിതഃ കാശ്മീരവനികാ സ്മൃതാ ॥ 4 ॥
തന്മണ്ഡപാനാം പരിതഃ കാശ്മീരവനികാ സ്മൃതാ ॥ 4 ॥
മല്ലികാകുന്ദവനികാ യത്ര പുഷ്കലകാഃ സ്ഥിതാഃ ।
അസങ്ഖ്യാതാ മൃഗമദൈഃ പൂരിതാസ്തത്സ്രവാ നൃപ ॥ 5 ॥
അസങ്ഖ്യാതാ മൃഗമദൈഃ പൂരിതാസ്തത്സ്രവാ നൃപ ॥ 5 ॥
മഹാപദ്മാടവീ തദ്വദ്രത്നസോപാനനിര്മിതാ ।
സുധാരസേനസമ്പൂര്ണാ ഗുഞ്ജന്മത്തമധുവ്രതാ ॥ 6 ॥
സുധാരസേനസമ്പൂര്ണാ ഗുഞ്ജന്മത്തമധുവ്രതാ ॥ 6 ॥
ഹംസകാരണ്ഡവാകീര്ണാ ഗന്ധപൂരിത ദിക്തടാ ।
വനികാനാം സുഗന്ധൈസ്തു മണിദ്വീപം സുവാസിതമ് ॥ 7 ॥
വനികാനാം സുഗന്ധൈസ്തു മണിദ്വീപം സുവാസിതമ് ॥ 7 ॥
ശൃങ്ഗാരമണ്ഡപേ ദേവ്യോ ഗായന്തി വിവിധൈഃ സ്വരൈഃ ।
സഭാസദോ ദേവവശാ മധ്യേ ശ്രീജഗദമ്ബികാ ॥ 8 ॥
സഭാസദോ ദേവവശാ മധ്യേ ശ്രീജഗദമ്ബികാ ॥ 8 ॥
മുക്തിമണ്ഡപമധ്യേ തു മോചയത്യനിശം ശിവാ ।
ജ്ഞാനോപദേശം കുരുതേ തൃതീയേ നൃപ മണ്ഡപേ ॥ 9 ॥
ജ്ഞാനോപദേശം കുരുതേ തൃതീയേ നൃപ മണ്ഡപേ ॥ 9 ॥
ചതുര്ഥമണ്ഡപേ ചൈവ ജഗദ്രക്ഷാ വിചിന്തനമ് ।
മന്ത്രിണീ സഹിതാ നിത്യം കരോതി ജഗദമ്ബികാ ॥ 10 ॥
മന്ത്രിണീ സഹിതാ നിത്യം കരോതി ജഗദമ്ബികാ ॥ 10 ॥
ചിന്താമണിഗൃഹേ രാജഞ്ഛക്തി തത്ത്വാത്മകൈഃ പരൈഃ ।
സോപാനൈര്ദശഭിര്യുക്തോ മഞ്ചകോപ്യധിരാജതേ ॥ 11 ॥
സോപാനൈര്ദശഭിര്യുക്തോ മഞ്ചകോപ്യധിരാജതേ ॥ 11 ॥
ബ്രഹ്മാ വിഷ്ണുശ്ച രുദ്രശ്ച ഈശ്വരശ്ച സദാശിവഃ ।
ഏതേ മഞ്ചഖുരാഃ പ്രോക്താഃ ഫലകസ്തു സദാശിവഃ ॥ 12 ॥
ഏതേ മഞ്ചഖുരാഃ പ്രോക്താഃ ഫലകസ്തു സദാശിവഃ ॥ 12 ॥
തസ്യോപരി മഹാദേവോ ഭുവനേശോ വിരാജതേ ।
യാ ദേവീ നിജലീലാര്ഥം ദ്വിധാഭൂതാ ബഭൂവഹ ॥ 13 ॥
യാ ദേവീ നിജലീലാര്ഥം ദ്വിധാഭൂതാ ബഭൂവഹ ॥ 13 ॥
സൃഷ്ട്യാദൌ തു സ ഏവായം തദര്ധാങ്ഗോ മഹേശ്വരഃ ।
കന്ദര്പ ദര്പനാശോദ്യത്കോടി കന്ദര്പസുന്ദരഃ ॥ 14 ॥
കന്ദര്പ ദര്പനാശോദ്യത്കോടി കന്ദര്പസുന്ദരഃ ॥ 14 ॥
പഞ്ചവക്ത്രസ്ത്രിനേത്രശ്ച മണിഭൂഷണ ഭൂഷിതഃ ।
ഹരിണാഭീതിപരശൂന്വരം ച നിജബാഹുഭിഃ ॥ 15 ॥
ഹരിണാഭീതിപരശൂന്വരം ച നിജബാഹുഭിഃ ॥ 15 ॥
ദധാനഃ ഷോഡശാബ്ദോഽസൌ ദേവഃ സര്വേശ്വരോ മഹാന് ।
കോടിസൂര്യ പ്രതീകാശശ്ചന്ദ്രകോടി സുശീതലഃ ॥ 16 ॥
കോടിസൂര്യ പ്രതീകാശശ്ചന്ദ്രകോടി സുശീതലഃ ॥ 16 ॥
ശുദ്ധസ്ഫടിക സങ്കാശസ്ത്രിനേത്രഃ ശീതല ദ്യുതിഃ ।
വാമാങ്കേ സന്നിഷണ്ണാഽസ്യ ദേവീ ശ്രീഭുവനേശ്വരീ ॥ 17 ॥
വാമാങ്കേ സന്നിഷണ്ണാഽസ്യ ദേവീ ശ്രീഭുവനേശ്വരീ ॥ 17 ॥
നവരത്നഗണാകീര്ണ കാഞ്ചീദാമ വിരാജിതാ ।
തപ്തകാഞ്ചനസന്നദ്ധ വൈദൂര്യാങ്ഗദഭൂഷണാ ॥ 18 ॥
തപ്തകാഞ്ചനസന്നദ്ധ വൈദൂര്യാങ്ഗദഭൂഷണാ ॥ 18 ॥
കനച്ഛ്രീചക്രതാടങ്ക വിടങ്ക വദനാമ്ബുജാ ।
ലലാടകാന്തി വിഭവ വിജിതാര്ധസുധാകരാ ॥ 19 ॥
ലലാടകാന്തി വിഭവ വിജിതാര്ധസുധാകരാ ॥ 19 ॥
ബിമ്ബകാന്തി തിരസ്കാരിരദച്ഛദ വിരാജിതാ ।
ലസത്കുങ്കുമകസ്തൂരീതിലകോദ്ഭാസിതാനനാ ॥ 20 ॥
ലസത്കുങ്കുമകസ്തൂരീതിലകോദ്ഭാസിതാനനാ ॥ 20 ॥
ദിവ്യ ചൂഡാമണി സ്ഫാര ചഞ്ചച്ചന്ദ്രകസൂര്യകാ ।
ഉദ്യത്കവിസമസ്വച്ഛ നാസാഭരണ ഭാസുരാ ॥ 21 ॥
ഉദ്യത്കവിസമസ്വച്ഛ നാസാഭരണ ഭാസുരാ ॥ 21 ॥
ചിന്താകലമ്ബിതസ്വച്ഛ മുക്താഗുച്ഛ വിരാജിതാ ।
പാടീര പങ്ക കര്പൂര കുങ്കുമാലങ്കൃത സ്തനീ ॥ 22 ॥
പാടീര പങ്ക കര്പൂര കുങ്കുമാലങ്കൃത സ്തനീ ॥ 22 ॥
വിചിത്ര വിവിധാ കല്പാ കമ്ബുസങ്കാശ കന്ധരാ ।
ദാഡിമീഫലബീജാഭ ദന്തപങ്ക്തി വിരാജിതാ ॥ 23 ॥
ദാഡിമീഫലബീജാഭ ദന്തപങ്ക്തി വിരാജിതാ ॥ 23 ॥
അനര്ഘ്യ രത്നഘടിത മുകുടാഞ്ചിത മസ്തകാ ।
മത്താലിമാലാവിലസദലകാഢ്യ മുഖാമ്ബുജാ ॥ 24 ॥
മത്താലിമാലാവിലസദലകാഢ്യ മുഖാമ്ബുജാ ॥ 24 ॥
കലങ്കകാര്ശ്യനിര്മുക്ത ശരച്ചന്ദ്രനിഭാനനാ ।
ജാഹ്നവീസലിലാവര്ത ശോഭിനാഭിവിഭൂഷിതാ ॥ 25 ॥
ജാഹ്നവീസലിലാവര്ത ശോഭിനാഭിവിഭൂഷിതാ ॥ 25 ॥
മാണിക്യ ശകലാബദ്ധ മുദ്രികാങ്ഗുലിഭൂഷിതാ ।
പുണ്ഡരീകദലാകാര നയനത്രയസുന്ദരീ ॥ 26 ॥
പുണ്ഡരീകദലാകാര നയനത്രയസുന്ദരീ ॥ 26 ॥
കല്പിതാച്ഛ മഹാരാഗ പദ്മരാഗോജ്ജ്വലപ്രഭാ ।
രത്നകിങ്കിണികായുക്ത രത്നകങ്കണശോഭിതാ ॥ 27 ॥
രത്നകിങ്കിണികായുക്ത രത്നകങ്കണശോഭിതാ ॥ 27 ॥
മണിമുക്താസരാപാര ലസത്പദകസന്തതിഃ ।
രത്നാങ്ഗുലിപ്രവിതത പ്രഭാജാലലസത്കരാ ॥ 28 ॥
രത്നാങ്ഗുലിപ്രവിതത പ്രഭാജാലലസത്കരാ ॥ 28 ॥
കഞ്ചുകീഗുമ്ഫിതാപാര നാനാ രത്നതതിദ്യുതിഃ ।
മല്ലികാമോദി ധമ്മില്ല മല്ലികാലിസരാവൃതാ ॥ 29 ॥
മല്ലികാമോദി ധമ്മില്ല മല്ലികാലിസരാവൃതാ ॥ 29 ॥
സുവൃത്തനിബിഡോത്തുങ്ഗ കുചഭാരാലസാ ശിവാ ।
വരപാശാങ്കുശാഭീതി ലസദ്ബാഹു ചതുഷ്ടയാ ॥ 30 ॥
വരപാശാങ്കുശാഭീതി ലസദ്ബാഹു ചതുഷ്ടയാ ॥ 30 ॥
സര്വശൃങ്ഗാരവേഷാഢ്യാ സുകുമാരാങ്ഗവല്ലരീ ।
സൌന്ദര്യധാരാസര്വസ്വാ നിര്വ്യാജകരുണാമയീ ॥ 31 ॥
സൌന്ദര്യധാരാസര്വസ്വാ നിര്വ്യാജകരുണാമയീ ॥ 31 ॥
നിജസംലാപമാധുര്യ വിനിര്ഭര്ത്സിതകച്ഛപീ ।
കോടികോടിരവീന്ദൂനാം കാന്തിം യാ ബിഭ്രതീ പരാ ॥ 32 ॥
കോടികോടിരവീന്ദൂനാം കാന്തിം യാ ബിഭ്രതീ പരാ ॥ 32 ॥
നാനാ സഖീഭിര്ദാസീഭിസ്തഥാ ദേവാങ്ഗനാദിഭിഃ ।
സര്വാഭിര്ദേവതാഭിസ്തു സമന്താത്പരിവേഷ്ടിതാ ॥ 33 ॥
സര്വാഭിര്ദേവതാഭിസ്തു സമന്താത്പരിവേഷ്ടിതാ ॥ 33 ॥
ഇച്ഛാശക്ത്യാ ജ്ഞാനശക്ത്യാ ക്രിയാശക്ത്യാ സമന്വിതാ ।
ലജ്ജാ തുഷ്ടിസ്തഥാ പുഷ്ടിഃ കീര്തിഃ കാന്തിഃ ക്ഷമാ ദയാ ॥ 34 ॥
ലജ്ജാ തുഷ്ടിസ്തഥാ പുഷ്ടിഃ കീര്തിഃ കാന്തിഃ ക്ഷമാ ദയാ ॥ 34 ॥
ബുദ്ധിര്മേധാസ്മൃതിര്ലക്ഷ്മീര്മൂര്തിമത്യോങ്ഗനാഃ സ്മൃതാഃ ।
ജയാ ച വിജയാ ചൈവാപ്യജിതാ ചാപരാജിതാ ॥ 35 ॥
ജയാ ച വിജയാ ചൈവാപ്യജിതാ ചാപരാജിതാ ॥ 35 ॥
നിത്യാ വിലാസിനീ ദോഗ്ധ്രീ ത്വഘോരാ മങ്ഗലാ നവാ ।
പീഠശക്തയ ഏതാസ്തു സേവന്തേ യാം പരാമ്ബികാമ് ॥ 36 ॥
പീഠശക്തയ ഏതാസ്തു സേവന്തേ യാം പരാമ്ബികാമ് ॥ 36 ॥
യസ്യാസ്തു പാര്ശ്വഭാഗേസ്തോനിധീതൌ ശങ്ഖപദ്മകൌ ।
നവരത്ന വഹാനദ്യസ്തഥാ വൈ കാഞ്ചനസ്രവാഃ ॥ 37 ॥
നവരത്ന വഹാനദ്യസ്തഥാ വൈ കാഞ്ചനസ്രവാഃ ॥ 37 ॥
സപ്തധാതുവഹാനദ്യോ നിധിഭ്യാം തു വിനിര്ഗതാഃ ।
സുധാസിന്ധ്വന്തഗാമിന്യസ്താഃ സര്വാ നൃപസത്തമ ॥ 38 ॥
സുധാസിന്ധ്വന്തഗാമിന്യസ്താഃ സര്വാ നൃപസത്തമ ॥ 38 ॥
സാ ദേവീ ഭുവനേശാനീ തദ്വാമാങ്കേ വിരാജതേ ।
സര്വേശ ത്വം മഹേശസ്യ യത്സങ്ഗാ ദേവ നാന്യഥാ ॥ 39 ॥
സര്വേശ ത്വം മഹേശസ്യ യത്സങ്ഗാ ദേവ നാന്യഥാ ॥ 39 ॥
ചിന്താമണി ഗൃഹസ്യാഽസ്യ പ്രമാണം ശൃണു ഭൂമിപ ।
സഹസ്രയോജനായാമം മഹാന്തസ്തത്പ്രചക്ഷതേ ॥ 40 ॥
സഹസ്രയോജനായാമം മഹാന്തസ്തത്പ്രചക്ഷതേ ॥ 40 ॥
തദുത്തരേ മഹാശാലാഃ പൂര്വസ്മാദ് ദ്വിഗുണാഃ സ്മൃതാഃ ।
അന്തരിക്ഷഗതം ത്വേതന്നിരാധാരം വിരാജതേ ॥ 41 ॥
അന്തരിക്ഷഗതം ത്വേതന്നിരാധാരം വിരാജതേ ॥ 41 ॥
സങ്കോചശ്ച വികാശശ്ച ജായതേഽസ്യ നിരന്തരമ് ।
പടവത്കാര്യവശതഃ പ്രലയേ സര്ജനേ തഥാ ॥ 42 ॥
പടവത്കാര്യവശതഃ പ്രലയേ സര്ജനേ തഥാ ॥ 42 ॥
ശാലാനാം ചൈവ സര്വേഷാം സര്വകാന്തിപരാവധി ।
ചിന്താമണിഗൃഹം പ്രോക്തം യത്ര ദേവീ മഹോമയീ ॥ 43 ॥
ചിന്താമണിഗൃഹം പ്രോക്തം യത്ര ദേവീ മഹോമയീ ॥ 43 ॥
യേയേ ഉപാസകാഃ സന്തി പ്രതിബ്രഹ്മാണ്ഡവര്തിനഃ ।
ദേവേഷു നാഗലോകേഷു മനുഷ്യേഷ്വിതരേഷു ച ॥ 44 ॥
ദേവേഷു നാഗലോകേഷു മനുഷ്യേഷ്വിതരേഷു ച ॥ 44 ॥
ശ്രീദേവ്യാസ്തേ ച സര്വേപി വ്രജന്ത്യത്രൈവ ഭൂമിപ ।
ദേവീക്ഷേത്രേ യേ ത്യജന്തി പ്രാണാന്ദേവ്യര്ചനേ രതാഃ ॥ 45 ॥
ദേവീക്ഷേത്രേ യേ ത്യജന്തി പ്രാണാന്ദേവ്യര്ചനേ രതാഃ ॥ 45 ॥
തേ സര്വേ യാന്തി തത്രൈവ യത്ര ദേവീ മഹോത്സവാ ।
ഘൃതകുല്യാ ദുഗ്ധകുല്യാ ദധികുല്യാ മധുസ്രവാഃ ॥ 46 ॥
ഘൃതകുല്യാ ദുഗ്ധകുല്യാ ദധികുല്യാ മധുസ്രവാഃ ॥ 46 ॥
സ്യന്ദന്തി സരിതഃ സര്വാസ്തഥാമൃതവഹാഃ പരാഃ ।
ദ്രാക്ഷാരസവഹാഃ കാശ്ചിജ്ജമ്ബൂരസവഹാഃ പരാഃ ॥ 47 ॥
ദ്രാക്ഷാരസവഹാഃ കാശ്ചിജ്ജമ്ബൂരസവഹാഃ പരാഃ ॥ 47 ॥
ആമ്രേക്ഷുരസവാഹിന്യോ നദ്യസ്താസ്തു സഹസ്രശഃ ।
മനോരഥഫലാവൃക്ഷാവാപ്യഃ കൂപാസ്തഥൈവ ച ॥ 48 ॥
മനോരഥഫലാവൃക്ഷാവാപ്യഃ കൂപാസ്തഥൈവ ച ॥ 48 ॥
യഥേഷ്ടപാനഫലദാന ന്യൂനം കിഞ്ചിദസ്തി ഹി ।
ന രോഗപലിതം വാപി ജരാ വാപി കദാചന ॥ 49 ॥
ന രോഗപലിതം വാപി ജരാ വാപി കദാചന ॥ 49 ॥
ന ചിന്താ ന ച മാത്സര്യം കാമക്രോധാദികം തഥാ ।
സര്വേ യുവാനഃ സസ്ത്രീകാഃ സഹസ്രാദിത്യവര്ചസഃ ॥ 50 ॥
സര്വേ യുവാനഃ സസ്ത്രീകാഃ സഹസ്രാദിത്യവര്ചസഃ ॥ 50 ॥
ഭജന്തി സതതം ദേവീം തത്ര ശ്രീഭുവനേശ്വരീമ് ।
കേചിത്സലോകതാപന്നാഃ കേചിത്സാമീപ്യതാം ഗതാഃ ॥ 51 ॥
കേചിത്സലോകതാപന്നാഃ കേചിത്സാമീപ്യതാം ഗതാഃ ॥ 51 ॥
സരൂപതാം ഗതാഃ കേചിത്സാര്ഷ്ടിതാം ച പരേഗതാഃ ।
യായാസ്തു ദേവതാസ്തത്ര പ്രതിബ്രഹ്മാണ്ഡവര്തിനാമ് ॥ 52 ॥
യായാസ്തു ദേവതാസ്തത്ര പ്രതിബ്രഹ്മാണ്ഡവര്തിനാമ് ॥ 52 ॥
സമഷ്ടയഃ സ്ഥിതാസ്താസ്തു സേവന്തേ ജഗദീശ്വരീമ് ।
സപ്തകോടിമഹാമന്ത്രാ മൂര്തിമന്ത ഉപാസതേ ॥ 53 ॥
സപ്തകോടിമഹാമന്ത്രാ മൂര്തിമന്ത ഉപാസതേ ॥ 53 ॥
മഹാവിദ്യാശ്ച സകലാഃ സാമ്യാവസ്ഥാത്മികാം ശിവാമ് ।
കാരണബ്രഹ്മരൂപാം താം മായാ ശബലവിഗ്രഹാമ് ॥ 54 ॥
കാരണബ്രഹ്മരൂപാം താം മായാ ശബലവിഗ്രഹാമ് ॥ 54 ॥
ഇത്ഥം രാജന്മയാ പ്രോക്തം മണിദ്വീപം മഹത്തരമ് ।
ന സൂര്യചന്ദ്രൌ നോ വിദ്യുത്കോടയോഗ്നിസ്തഥൈവ ച ॥ 55 ॥
ന സൂര്യചന്ദ്രൌ നോ വിദ്യുത്കോടയോഗ്നിസ്തഥൈവ ച ॥ 55 ॥
ഏതസ്യ ഭാസാ കോട്യംശ കോട്യംശോ നാപി തേ സമാഃ ।
ക്വചിദ്വിദ്രുമസങ്കാശം ക്വചിന്മരകതച്ഛവി ॥ 56 ॥
ക്വചിദ്വിദ്രുമസങ്കാശം ക്വചിന്മരകതച്ഛവി ॥ 56 ॥
വിദ്യുദ്ഭാനുസമച്ഛായം മധ്യസൂര്യസമം ക്വചിത് ।
വിദ്യുത്കോടിമഹാധാരാ സാരകാന്തിതതം ക്വചിത് ॥ 57 ॥
വിദ്യുത്കോടിമഹാധാരാ സാരകാന്തിതതം ക്വചിത് ॥ 57 ॥
ക്വചിത്സിന്ദൂര നീലേന്ദ്രം മാണിക്യ സദൃശച്ഛവി ।
ഹീരസാര മഹാഗര്ഭ ധഗദ്ധഗിത ദിക്തടമ് ॥ 58 ॥
ഹീരസാര മഹാഗര്ഭ ധഗദ്ധഗിത ദിക്തടമ് ॥ 58 ॥
കാന്ത്യാ ദാവാനലസമം തപ്തകാഞ്ചന സന്നിഭമ് ।
ക്വചിച്ചന്ദ്രോപലോദ്ഗാരം സൂര്യോദ്ഗാരം ച കുത്ര ചിത് ॥ 59 ॥
ക്വചിച്ചന്ദ്രോപലോദ്ഗാരം സൂര്യോദ്ഗാരം ച കുത്ര ചിത് ॥ 59 ॥
രത്നശൃങ്ഗി സമായുക്തം രത്നപ്രാകാര ഗോപുരമ് ।
രത്നപത്രൈ രത്നഫലൈര്വൃക്ഷൈശ്ച പരിമണ്ഡിതമ് ॥ 60 ॥
രത്നപത്രൈ രത്നഫലൈര്വൃക്ഷൈശ്ച പരിമണ്ഡിതമ് ॥ 60 ॥
നൃത്യന്മയൂരസങ്ഘൈശ്ച കപോതരണിതോജ്ജ്വലമ് ।
കോകിലാകാകലീലാപൈഃ ശുകലാപൈശ്ച ശോഭിതമ് ॥ 61 ॥
കോകിലാകാകലീലാപൈഃ ശുകലാപൈശ്ച ശോഭിതമ് ॥ 61 ॥
സുരമ്യ രമണീയാമ്ബു ലക്ഷാവധി സരോവൃതമ് ।
തന്മധ്യഭാഗ വിലസദ്വികചദ്രത്ന പങ്കജൈഃ ॥ 62 ॥
തന്മധ്യഭാഗ വിലസദ്വികചദ്രത്ന പങ്കജൈഃ ॥ 62 ॥
സുഗന്ധിഭിഃ സമന്താത്തു വാസിതം ശതയോജനമ് ।
മന്ദമാരുത സമ്ഭിന്ന ചലദ്ദ്രുമ സമാകുലമ് ॥ 63 ॥
മന്ദമാരുത സമ്ഭിന്ന ചലദ്ദ്രുമ സമാകുലമ് ॥ 63 ॥
ചിന്താമണി സമൂഹാനാം ജ്യോതിഷാ വിതതാമ്ബരമ് ।
രത്നപ്രഭാഭിരഭിതോ ധഗദ്ധഗിത ദിക്തടമ് ॥ 64 ॥
രത്നപ്രഭാഭിരഭിതോ ധഗദ്ധഗിത ദിക്തടമ് ॥ 64 ॥
വൃക്ഷവ്രാത മഹാഗന്ധവാതവ്രാത സുപൂരിതമ് ।
ധൂപധൂപായിതം രാജന്മണിദീപായുതോജ്ജ്വലമ് ॥ 65 ॥
ധൂപധൂപായിതം രാജന്മണിദീപായുതോജ്ജ്വലമ് ॥ 65 ॥
മണിജാലക സച്ഛിദ്ര തരലോദരകാന്തിഭിഃ ।
ദിങ്മോഹജനകം ചൈതദ്ദര്പണോദര സംയുതമ് ॥ 66 ॥
ദിങ്മോഹജനകം ചൈതദ്ദര്പണോദര സംയുതമ് ॥ 66 ॥
ഐശ്വര്യസ്യ സമഗ്രസ്യ ശൃങ്ഗാരസ്യാഖിലസ്യ ച ।
സര്വജ്ഞതായാഃ സര്വായാസ്തേജസശ്ചാഖിലസ്യ ച ॥ 67 ॥
സര്വജ്ഞതായാഃ സര്വായാസ്തേജസശ്ചാഖിലസ്യ ച ॥ 67 ॥
പരാക്രമസ്യ സര്വസ്യ സര്വോത്തമഗുണസ്യ ച ।
സകലാ യാ ദയായാശ്ച സമാപ്തിരിഹ ഭൂപതേ ॥ 68 ॥
സകലാ യാ ദയായാശ്ച സമാപ്തിരിഹ ഭൂപതേ ॥ 68 ॥
രാജ്ഞ ആനന്ദമാരഭ്യ ബ്രഹ്മലോകാന്ത ഭൂമിഷു ।
ആനന്ദാ യേ സ്ഥിതാഃ സര്വേ തേഽത്രൈവാന്തര്ഭവന്തി ഹി ॥ 69 ॥
ആനന്ദാ യേ സ്ഥിതാഃ സര്വേ തേഽത്രൈവാന്തര്ഭവന്തി ഹി ॥ 69 ॥
ഇതി തേ വര്ണിതം രാജന്മണിദ്വീപം മഹത്തരമ് ।
മഹാദേവ്യാഃ പരംസ്ഥാനം സര്വലോകോത്തമോത്തമമ് ॥ 70 ॥
മഹാദേവ്യാഃ പരംസ്ഥാനം സര്വലോകോത്തമോത്തമമ് ॥ 70 ॥
ഏതസ്യ സ്മരണാത്സദ്യഃ സര്വപാപം വിനശ്യതി ।
പ്രാണോത്ക്രമണസന്ധൌ തു സ്മൃത്വാ തത്രൈവ ഗച്ഛതി ॥ 71 ॥
പ്രാണോത്ക്രമണസന്ധൌ തു സ്മൃത്വാ തത്രൈവ ഗച്ഛതി ॥ 71 ॥
അധ്യായ പഞ്ചകം ത്വേതത്പഠേന്നിത്യം സമാഹിതഃ ।
ഭൂതപ്രേതപിശാചാദി ബാധാ തത്ര ഭവേന്ന ഹി ॥ 72 ॥
ഭൂതപ്രേതപിശാചാദി ബാധാ തത്ര ഭവേന്ന ഹി ॥ 72 ॥
നവീന ഗൃഹ നിര്മാണേ വാസ്തുയാഗേ തഥൈവ ച ।
പഠിതവ്യം പ്രയത്നേന കല്യാണം തേന ജായതേ ॥ 73 ॥
പഠിതവ്യം പ്രയത്നേന കല്യാണം തേന ജായതേ ॥ 73 ॥
ഇതി ശ്രീദേവീഭാഗവതേ മഹാപുരാണേ ദ്വാദശസ്കന്ധേ ദ്വാദശോധ്യായഃ ॥