सख्यामापुर्यया बालगोपा वने भीमरथ्यास्तटे सत्यतः पावने ।
साधिता पुण्डरीकेण या साधुना सिद्धिरालिङ्ग्यते सज्जनैः साधुना ॥ १॥
साधिता पुण्डरीकेण या साधुना सिद्धिरालिङ्ग्यते सज्जनैः साधुना ॥ १॥
क्वापि कस्मादपीषन्नदासादरं यान्त्विति त्यक्तनिद्रं सदासादरं ।
तिष्ठते या कलौ सानुकम्पाऽवनौ श्यामलाहं तदङ्घी भजे पावनौ ॥ २॥
तिष्ठते या कलौ सानुकम्पाऽवनौ श्यामलाहं तदङ्घी भजे पावनौ ॥ २॥
विठ्ठलाख्या भवाब्धौ तरिः पारदा यां श्रिता वज्रवेदेन्दुभृन्नारदाः ।
स्थापयामास सद्धार्मिकः कोऽपि तां चेतसैवाश्रये साधुभिर्गोपिताम् ॥ ३॥
स्थापयामास सद्धार्मिकः कोऽपि तां चेतसैवाश्रये साधुभिर्गोपिताम् ॥ ३॥
पाणिपद्मद्वयन्यासराजत्कटिं श्यामलां कोमलां पीतविद्युत्पटीम् ।
साधुभिर्नृत्यमानामुदारां नटीं सम्पिबामोद्भुताङ्गीं सुधाया घटीम् ॥ ४॥
साधुभिर्नृत्यमानामुदारां नटीं सम्पिबामोद्भुताङ्गीं सुधाया घटीम् ॥ ४॥
गाढमालिङ्ग्यते या सदा पापिभी रम्यरूपा यया नेक्ष्यते कापि भीः ।
स्वैर्गुणैर्मुग्धगीतैः सदा मोहितां तां विशङ्कं स्वमातुर्वदामो हिताम् ॥ ५॥
स्वैर्गुणैर्मुग्धगीतैः सदा मोहितां तां विशङ्कं स्वमातुर्वदामो हिताम् ॥ ५॥
मय्यपत्ये स्वकर्मालसेऽलं क्रुधा चिन्तया साधुभिस्ताम्यते कीं मुधा ।
भीमरथ्यास्तटे स्वर्ग्यलभ्या बुधा भो मया पीयते साधुलब्धा सुधा ॥ ६॥
भीमरथ्यास्तटे स्वर्ग्यलभ्या बुधा भो मया पीयते साधुलब्धा सुधा ॥ ६॥
तापपापौषधं साधु यन्नाम या सन्मुखाच्च श्रुता सुप्रसन्नाभया ।
बल्लवीनां सखीं देवतादेवतां चिन्तये चित्तमेत्युस्सवादेव ताम् ॥ ७॥
बल्लवीनां सखीं देवतादेवतां चिन्तये चित्तमेत्युस्सवादेव ताम् ॥ ७॥
त्यक्तसिंहासनाः साधवः केवलं प्राप्तुकामा हि यत्पादपांसुं दरीम् ।
ईयुरेवोत्सुकाः को न तो चिन्तयेन्निर्जितस्वर्गसत्पादपां सुन्दरीम् ॥ ८॥
ईयुरेवोत्सुकाः को न तो चिन्तयेन्निर्जितस्वर्गसत्पादपां सुन्दरीम् ॥ ८॥
को न तां चिन्तयेच्छुद्धिकामः कलौ यत्पदाम्भोजनिर्णेजनापां ततिः ।
साधुनीराजिता साधुनीराऽजिता सा धुनी राजिता शम्भुमौलावपि ॥ ९॥
साधुनीराजिता साधुनीराऽजिता सा धुनी राजिता शम्भुमौलावपि ॥ ९॥
सिद्धिरत्युत्तमा योग्यलभ्याऽसतस्त्रासदेवावरान्नित्यमभ्यासतः ।
पुण्डरीकेण या साधुनीराऽजिता भक्तवृन्दैः कलौ साधुनारं जिता ॥ १०॥
पुण्डरीकेण या साधुनीराऽजिता भक्तवृन्दैः कलौ साधुनारं जिता ॥ १०॥
जीवनेनाप्यहोधीष्टकं तर्पितो भीमरथ्यास्तटे पुण्डरीकेण यः ।
श्यामलः कोऽपि दीपः पतङ्गप्रियः श्लिष्यतां तापहा निर्मलः स्नेहकृत् ॥ ११॥
श्यामलः कोऽपि दीपः पतङ्गप्रियः श्लिष्यतां तापहा निर्मलः स्नेहकृत् ॥ ११॥
॥ इति श्रीरामनन्दनमयूरेश्वरकृतं पाण्डुरङ्गस्तोत्रं सम्पूर्णम् ॥