ಸಖ್ಯಾಮಾಪುರ್ಯಯಾ ಬಾಲಗೋಪಾ ವನೇ ಭೀಮರಥ್ಯಾಸ್ತಟೇ ಸತ್ಯತಃ ಪಾವನೇ ।
ಸಾಧಿತಾ ಪುಣ್ಡರೀಕೇಣ ಯಾ ಸಾಧುನಾ ಸಿದ್ಧಿರಾಲಿಙ್ಗ್ಯತೇ ಸಜ್ಜನೈಃ ಸಾಧುನಾ ॥ ೧॥
ಸಾಧಿತಾ ಪುಣ್ಡರೀಕೇಣ ಯಾ ಸಾಧುನಾ ಸಿದ್ಧಿರಾಲಿಙ್ಗ್ಯತೇ ಸಜ್ಜನೈಃ ಸಾಧುನಾ ॥ ೧॥
ಕ್ವಾಪಿ ಕಸ್ಮಾದಪೀಷನ್ನದಾಸಾದರಂ ಯಾನ್ತ್ವಿತಿ ತ್ಯಕ್ತನಿದ್ರಂ ಸದಾಸಾದರಂ ।
ತಿಷ್ಠತೇ ಯಾ ಕಲೌ ಸಾನುಕಮ್ಪಾಽವನೌ ಶ್ಯಾಮಲಾಹಂ ತದಙ್ಘೀ ಭಜೇ ಪಾವನೌ ॥ ೨॥
ತಿಷ್ಠತೇ ಯಾ ಕಲೌ ಸಾನುಕಮ್ಪಾಽವನೌ ಶ್ಯಾಮಲಾಹಂ ತದಙ್ಘೀ ಭಜೇ ಪಾವನೌ ॥ ೨॥
ವಿಠ್ಠಲಾಖ್ಯಾ ಭವಾಬ್ಧೌ ತರಿಃ ಪಾರದಾ ಯಾಂ ಶ್ರಿತಾ ವಜ್ರವೇದೇನ್ದುಭೃನ್ನಾರದಾಃ ।
ಸ್ಥಾಪಯಾಮಾಸ ಸದ್ಧಾರ್ಮಿಕಃ ಕೋಽಪಿ ತಾಂ ಚೇತಸೈವಾಶ್ರಯೇ ಸಾಧುಭಿರ್ಗೋಪಿತಾಮ್ ॥ ೩॥
ಸ್ಥಾಪಯಾಮಾಸ ಸದ್ಧಾರ್ಮಿಕಃ ಕೋಽಪಿ ತಾಂ ಚೇತಸೈವಾಶ್ರಯೇ ಸಾಧುಭಿರ್ಗೋಪಿತಾಮ್ ॥ ೩॥
ಪಾಣಿಪದ್ಮದ್ವಯನ್ಯಾಸರಾಜತ್ಕಟಿಂ ಶ್ಯಾಮಲಾಂ ಕೋಮಲಾಂ ಪೀತವಿದ್ಯುತ್ಪಟೀಮ್ ।
ಸಾಧುಭಿರ್ನೃತ್ಯಮಾನಾಮುದಾರಾಂ ನಟೀಂ ಸಮ್ಪಿಬಾಮೋದ್ಭುತಾಙ್ಗೀಂ ಸುಧಾಯಾ ಘಟೀಮ್ ॥ ೪॥
ಸಾಧುಭಿರ್ನೃತ್ಯಮಾನಾಮುದಾರಾಂ ನಟೀಂ ಸಮ್ಪಿಬಾಮೋದ್ಭುತಾಙ್ಗೀಂ ಸುಧಾಯಾ ಘಟೀಮ್ ॥ ೪॥
ಗಾಢಮಾಲಿಙ್ಗ್ಯತೇ ಯಾ ಸದಾ ಪಾಪಿಭೀ ರಮ್ಯರೂಪಾ ಯಯಾ ನೇಕ್ಷ್ಯತೇ ಕಾಪಿ ಭೀಃ ।
ಸ್ವೈರ್ಗುಣೈರ್ಮುಗ್ಧಗೀತೈಃ ಸದಾ ಮೋಹಿತಾಂ ತಾಂ ವಿಶಙ್ಕಂ ಸ್ವಮಾತುರ್ವದಾಮೋ ಹಿತಾಮ್ ॥ ೫॥
ಸ್ವೈರ್ಗುಣೈರ್ಮುಗ್ಧಗೀತೈಃ ಸದಾ ಮೋಹಿತಾಂ ತಾಂ ವಿಶಙ್ಕಂ ಸ್ವಮಾತುರ್ವದಾಮೋ ಹಿತಾಮ್ ॥ ೫॥
ಮಯ್ಯಪತ್ಯೇ ಸ್ವಕರ್ಮಾಲಸೇಽಲಂ ಕ್ರುಧಾ ಚಿನ್ತಯಾ ಸಾಧುಭಿಸ್ತಾಮ್ಯತೇ ಕೀಂ ಮುಧಾ ।
ಭೀಮರಥ್ಯಾಸ್ತಟೇ ಸ್ವರ್ಗ್ಯಲಭ್ಯಾ ಬುಧಾ ಭೋ ಮಯಾ ಪೀಯತೇ ಸಾಧುಲಬ್ಧಾ ಸುಧಾ ॥ ೬॥
ಭೀಮರಥ್ಯಾಸ್ತಟೇ ಸ್ವರ್ಗ್ಯಲಭ್ಯಾ ಬುಧಾ ಭೋ ಮಯಾ ಪೀಯತೇ ಸಾಧುಲಬ್ಧಾ ಸುಧಾ ॥ ೬॥
ತಾಪಪಾಪೌಷಧಂ ಸಾಧು ಯನ್ನಾಮ ಯಾ ಸನ್ಮುಖಾಚ್ಚ ಶ್ರುತಾ ಸುಪ್ರಸನ್ನಾಭಯಾ ।
ಬಲ್ಲವೀನಾಂ ಸಖೀಂ ದೇವತಾದೇವತಾಂ ಚಿನ್ತಯೇ ಚಿತ್ತಮೇತ್ಯುಸ್ಸವಾದೇವ ತಾಮ್ ॥ ೭॥
ಬಲ್ಲವೀನಾಂ ಸಖೀಂ ದೇವತಾದೇವತಾಂ ಚಿನ್ತಯೇ ಚಿತ್ತಮೇತ್ಯುಸ್ಸವಾದೇವ ತಾಮ್ ॥ ೭॥
ತ್ಯಕ್ತಸಿಂಹಾಸನಾಃ ಸಾಧವಃ ಕೇವಲಂ ಪ್ರಾಪ್ತುಕಾಮಾ ಹಿ ಯತ್ಪಾದಪಾಂಸುಂ ದರೀಮ್ ।
ಈಯುರೇವೋತ್ಸುಕಾಃ ಕೋ ನ ತೋ ಚಿನ್ತಯೇನ್ನಿರ್ಜಿತಸ್ವರ್ಗಸತ್ಪಾದಪಾಂ ಸುನ್ದರೀಮ್ ॥ ೮॥
ಈಯುರೇವೋತ್ಸುಕಾಃ ಕೋ ನ ತೋ ಚಿನ್ತಯೇನ್ನಿರ್ಜಿತಸ್ವರ್ಗಸತ್ಪಾದಪಾಂ ಸುನ್ದರೀಮ್ ॥ ೮॥
ಕೋ ನ ತಾಂ ಚಿನ್ತಯೇಚ್ಛುದ್ಧಿಕಾಮಃ ಕಲೌ ಯತ್ಪದಾಮ್ಭೋಜನಿರ್ಣೇಜನಾಪಾಂ ತತಿಃ ।
ಸಾಧುನೀರಾಜಿತಾ ಸಾಧುನೀರಾಽಜಿತಾ ಸಾ ಧುನೀ ರಾಜಿತಾ ಶಮ್ಭುಮೌಲಾವಪಿ ॥ ೯॥
ಸಾಧುನೀರಾಜಿತಾ ಸಾಧುನೀರಾಽಜಿತಾ ಸಾ ಧುನೀ ರಾಜಿತಾ ಶಮ್ಭುಮೌಲಾವಪಿ ॥ ೯॥
ಸಿದ್ಧಿರತ್ಯುತ್ತಮಾ ಯೋಗ್ಯಲಭ್ಯಾಽಸತಸ್ತ್ರಾಸದೇವಾವರಾನ್ನಿತ್ಯಮಭ್ಯಾಸತಃ ।
ಪುಣ್ಡರೀಕೇಣ ಯಾ ಸಾಧುನೀರಾಽಜಿತಾ ಭಕ್ತವೃನ್ದೈಃ ಕಲೌ ಸಾಧುನಾರಂ ಜಿತಾ ॥ ೧೦॥
ಪುಣ್ಡರೀಕೇಣ ಯಾ ಸಾಧುನೀರಾಽಜಿತಾ ಭಕ್ತವೃನ್ದೈಃ ಕಲೌ ಸಾಧುನಾರಂ ಜಿತಾ ॥ ೧೦॥
ಜೀವನೇನಾಪ್ಯಹೋಧೀಷ್ಟಕಂ ತರ್ಪಿತೋ ಭೀಮರಥ್ಯಾಸ್ತಟೇ ಪುಣ್ಡರೀಕೇಣ ಯಃ ।
ಶ್ಯಾಮಲಃ ಕೋಽಪಿ ದೀಪಃ ಪತಙ್ಗಪ್ರಿಯಃ ಶ್ಲಿಷ್ಯತಾಂ ತಾಪಹಾ ನಿರ್ಮಲಃ ಸ್ನೇಹಕೃತ್ ॥ ೧೧॥
ಶ್ಯಾಮಲಃ ಕೋಽಪಿ ದೀಪಃ ಪತಙ್ಗಪ್ರಿಯಃ ಶ್ಲಿಷ್ಯತಾಂ ತಾಪಹಾ ನಿರ್ಮಲಃ ಸ್ನೇಹಕೃತ್ ॥ ೧೧॥
॥ ಇತಿ ಶ್ರೀರಾಮನನ್ದನಮಯೂರೇಶ್ವರಕೃತಂ ಪಾಣ್ಡುರಙ್ಗಸ್ತೋತ್ರಂ ಸಮ್ಪೂರ್ಣಮ್ ॥