What is Pitru Stotram 1 (Garuda Puranam)?

Read Pitru Stotram 1 (Garuda Puranam) in Assamese script — full lyrics with English meaning and transliteration. This sacred hymn originates from the Garuda Purana, a primary text detailing the journey of the soul and the significance of ancestral worship. The Pitru Stotram is a reverent invocation addressed to the Pitrus, the ancestors who reside in the celestial realms. By chanting this stotra with devotion, the practitioner seeks the blessings and grace of their forefathers, facilitating their spiritual progression. It is believed that reciting these verses ensures ancestral peace, removes karmic obstacles, and bestows both material prosperity and ultimate liberation upon the devotee, fostering a deep, auspicious connection between the living and the departed.

Which deity is Pitru Stotram 1 (Garuda Puranam) dedicated to?

Pitru Stotram 1 (Garuda Puranam) is a Sanskrit hymn dedicated to Pitrus (Ancestors).

Who composed Pitru Stotram 1 (Garuda Puranam)?

Pitru Stotram 1 (Garuda Puranam) is traditionally attributed to From Garuda Purana.

Pitru Stotram 1 (Garuda Puranam) in Assamese – Lyrics

ৰুচিৰুৱাচ ।

নমস্যেঽহং পিতৄন্ ভক্ত্যা যে ৱসন্ত্যধিদেৱতাঃ ।
দেৱৈৰপি হি তৰ্প্যন্তে যে শ্ৰাদ্ধেষু স্ৱধোত্তৰৈঃ ॥ 1 ॥

নমস্যেঽহং পিতৄন্ স্ৱৰ্গে যে তৰ্প্যন্তে মহৰ্ষিভিঃ ।
শ্ৰাদ্ধৈৰ্মনোমযৈৰ্ভক্ত্যা ভুক্তিমুক্তিমভীপ্সুভিঃ ॥ 2 ॥

নমস্যেঽহং পিতৄন্ স্ৱৰ্গে সিদ্ধাঃ সন্তৰ্পযন্তি যান্ ।
শ্ৰাদ্ধেষু দিৱ্যৈঃ সকলৈৰুপহাৰৈৰনুত্তমৈঃ ॥ 3 ॥

নমস্যেঽহং পিতৄন্ ভক্ত্যা যেঽৰ্চ্যন্তে গুহ্যকৈৰ্দিৱি ।
তন্মযত্ৱেন ৱাঞ্ছদ্ভিৰৃদ্ধিৰ্যাত্যন্তিকীং পৰাম্ ॥ 4 ॥

নমস্যেঽহং পিতৄন্ মৰ্ত্যৈৰৰ্চ্যন্তে ভুৱি যে সদা ।
শ্ৰাদ্ধেষু শ্ৰদ্ধযাভীষ্টলোকপুষ্টিপ্ৰদাযিনঃ ॥ 5 ॥

নমস্যেঽহং পিতৄন্ ৱিপ্ৰৈৰৰ্চ্যন্তে ভুৱি যে সদা ।
ৱাঞ্ছিতাভীষ্টলাভায প্ৰাজাপত্যপ্ৰদাযিনঃ ॥ 6 ॥

নমস্যেঽহং পিতৄন্ যে ৱৈ তৰ্প্যন্তেঽৰণ্যৱাসিভিঃ ।
ৱন্যৈঃ শ্ৰাদ্ধৈৰ্যতাহাৰৈস্তপোনিৰ্ধূতকল্মষৈঃ ॥ 7 ॥

নমস্যেঽহং পিতৄন্ ৱিপ্ৰৈৰ্নৈষ্ঠিকৈৰ্ধৰ্মচাৰিভিঃ ।
যে সংযতাত্মভিৰ্নিত্যং সন্তৰ্প্যন্তে সমাধিভিঃ ॥ 8 ॥

নমস্যেঽহং পিতৄন্ শ্ৰাদ্ধৈ ৰাজন্যাস্তৰ্পযন্তি যান্ ।
কৱ্যৈৰশেষৈৰ্ৱিধিৱল্লোকদ্ৱযফলপ্ৰদান্ ॥ 9 ॥

নমস্যেঽহং পিতৄন্ ৱৈশ্যৈৰৰ্চ্যন্তে ভুৱি যে সদা ।
স্ৱকৰ্মাভিৰতৈৰ্নিত্যং পুষ্পধূপান্নৱাৰিভিঃ ॥ 10 ॥

নমস্যেঽহং পিতৄন্ শ্ৰাদ্ধে শূদ্ৰৈৰপি চ ভক্তিতঃ ।
সন্তৰ্প্যন্তে জগত্কৃত্স্নং নাম্না খ্যাতাঃ সুকালিনঃ ॥ 11 ॥

নমস্যেঽহং পিতৄন্ শ্ৰাদ্ধে পাতালে যে মহাসুৰৈঃ ।
সন্তৰ্প্যন্তে সুধাহাৰাস্ত্যক্তদম্ভমদৈঃ সদা ॥ 12 ॥

নমস্যেঽহং পিতৄন্ শ্ৰাদ্ধৈৰৰ্চ্যন্তে যে ৰসাতলে ।
ভোগৈৰশেষৈৰ্ৱিধিৱন্নাগৈঃ কামানভীপ্সুভিঃ ॥ 13 ॥

নমস্যেঽহং পিতৄন্ শ্ৰাদ্ধৈঃ সৰ্পৈঃ সন্তৰ্পিতান্সদা ।
তত্ৰৈৱ ৱিধিৱন্মন্ত্ৰভোগসম্পত্সমন্ৱিতৈঃ ॥ 14 ॥

পিতৄন্নমস্যে নিৱসন্তি সাক্ষা-
-দ্যে দেৱলোকেঽথ মহীতলে ৱা ।
তথাঽন্তৰিক্ষে চ সুৰাৰিপূজ্যা-
-স্তে মে প্ৰতীচ্ছন্তু মনোপনীতম্ ॥ 15 ॥

পিতৄন্নমস্যে পৰমাৰ্থভূতা
যে ৱৈ ৱিমানে নিৱসন্ত্যমূৰ্তাঃ ।
যজন্তি যানস্তমলৈৰ্মনোভি-
-ৰ্যোগীশ্ৱৰাঃ ক্লেশৱিমুক্তিহেতূন্ ॥ 16 ॥

পিতৄন্নমস্যে দিৱি যে চ মূৰ্তাঃ
স্ৱধাভুজঃ কাম্যফলাভিসন্ধৌ ।
প্ৰদানশক্তাঃ সকলেপ্সিতানাং
ৱিমুক্তিদা যেঽনভিসংহিতেষু ॥ 17 ॥

তৃপ্যন্তু তেঽস্মিন্পিতৰঃ সমস্তা
ইচ্ছাৱতাং যে প্ৰদিশন্তি কামান্ ।
সুৰত্ৱমিন্দ্ৰত্ৱমিতোঽধিকং ৱা
গজাশ্ৱৰত্নানি মহাগৃহাণি ॥ 18 ॥

সোমস্য যে ৰশ্মিষু যেঽৰ্কবিম্বে
শুক্লে ৱিমানে চ সদা ৱসন্তি ।
তৃপ্যন্তু তেঽস্মিন্পিতৰোঽন্নতোযৈ-
-ৰ্গন্ধাদিনা পুষ্টিমিতো ৱ্ৰজন্তু ॥ 19 ॥

যেষাং হুতেঽগ্নৌ হৱিষা চ তৃপ্তি-
-ৰ্যে ভুঞ্জতে ৱিপ্ৰশৰীৰসংস্থাঃ ।
যে পিণ্ডদানেন মুদং প্ৰযান্তি
তৃপ্যন্তু তেঽস্মিন্পিতৰোঽন্নতোযৈঃ ॥ 20 ॥

যে খড্গমাংসেন সুৰৈৰভীষ্টৈঃ
কৃষ্ণৈস্তিলৈৰ্দিৱ্য মনোহৰৈশ্চ ।
কালেন শাকেন মহৰ্ষিৱৰ্যৈঃ
সম্প্ৰীণিতাস্তে মুদমত্ৰ যান্তু ॥ 21 ॥

কৱ্যান্যশেষাণি চ যান্যভীষ্টা-
-ন্যতীৱ তেষাং মম পূজিতানাম্ ।
তেষাঞ্চ সান্নিধ্যমিহাস্তু পুষ্প-
-গন্ধাম্বুভোজ্যেষু মযা কৃতেষু ॥ 22 ॥

দিনে দিনে যে প্ৰতিগৃহ্ণতেঽৰ্চাং
মাসান্তপূজ্যা ভুৱি যেঽষ্টকাসু ।
যে ৱত্সৰান্তেঽভ্যুদযে চ পূজ্যাঃ
প্ৰযান্তু তে মে পিতৰোঽত্ৰ তুষ্টিম্ ॥ 23 ॥

পূজ্যা দ্ৱিজানাং কুমুদেন্দুভাসো
যে ক্ষত্ৰিযাণাং জ্ৱলনাৰ্কৱৰ্ণাঃ ।
তথা ৱিশাং যে কনকাৱদাতা
নীলীপ্ৰভাঃ শূদ্ৰজনস্য যে চ ॥ 24 ॥

তেঽস্মিন্সমস্তা মম পুষ্পগন্ধ-
-ধূপাম্বুভোজ্যাদিনিৱেদনেন ।
তথাঽগ্নিহোমেন চ যান্তি তৃপ্তিং
সদা পিতৃভ্যঃ প্ৰণতোঽস্মি তেভ্যঃ ॥ 25 ॥

যে দেৱপূৰ্ৱাণ্যভিতৃপ্তিহেতো-
-ৰশ্নন্তি কৱ্যানি শুভাহৃতানি ।
তৃপ্তাশ্চ যে ভূতিসৃজো ভৱন্তি
তৃপ্যন্তু তেঽস্মিন্প্ৰণতোঽস্মি তেভ্যঃ ॥ 26 ॥

ৰক্ষাংসি ভূতান্যসুৰাংস্তথোগ্ৰা-
-ন্নিৰ্নাশযন্তু ত্ৱশিৱং প্ৰজানাম্ ।
আদ্যাঃ সুৰাণামমৰেশপূজ্যা-
-স্তৃপ্যন্তু তেঽস্মিন্প্ৰণতোঽস্মিতেভ্যঃ ॥ 27 ॥

অগ্নিস্ৱাত্তা বৰ্হিষদ আজ্যপাঃ সোমপাস্তথা ।
ৱ্ৰজন্তু তৃপ্তিং শ্ৰাদ্ধেঽস্মিন্পিতৰস্তৰ্পিতা মযা ॥ 28 ॥

অগ্নিস্ৱাত্তাঃ পিতৃগণাঃ প্ৰাচীং ৰক্ষন্তু মে দিশম্ ।
তথা বৰ্হিষদঃ পান্তু যাম্যাং মে পিতৰঃ সদা ।
প্ৰতীচীমাজ্যপাস্তদ্ৱদুদীচীমপি সোমপাঃ ॥ 29 ॥

ৰক্ষোভূতপিশাচেভ্যস্তথৈৱাসুৰদোষতঃ ।
সৰ্ৱতঃ পিতৰো ৰক্ষাং কুৰ্ৱন্তু মম নিত্যশঃ ॥ 30 ॥

ৱিশ্ৱো ৱিশ্ৱভুগাৰাধ্যো ধৰ্মো ধন্যঃ শুভাননঃ ।
ভূতিদো ভূতিকৃদ্ভূতিঃ পিতৄণাং যে গণা নৱ ॥ 31 ॥

কল্যাণঃ কল্যদঃ কৰ্তা কল্যঃ কল্যতৰাশ্ৰযঃ ।
কল্যতাহেতুৰনঘঃ ষডিমে তে গণাঃ স্মৃতাঃ ॥ 32 ॥

ৱৰো ৱৰেণ্যো ৱৰদস্তুষ্টিদঃ পুষ্টিদস্তথা ।
ৱিশ্ৱপাতা তথা ধাতা সপ্তৈতে চ গণাঃ স্মৃতাঃ ॥ 33 ॥

মহান্মহাত্মা মহিতো মহিমাৱান্মহাবলঃ ।
গণাঃ পঞ্চ তথৈৱৈতে পিতৄণাং পাপনাশনাঃ ॥ 34 ॥

সুখদো ধনদশ্চান্যো ধৰ্মদোঽন্যশ্চ ভূতিদঃ ।
পিতৄণাং কথ্যতে চৈৱ তথা গণচতুষ্টযম্ ॥ 35 ॥

একত্ৰিংশত্পিতৃগণা যৈৰ্ৱ্যাপ্তমখিলং জগত্ ।
ত এৱাত্ৰ পিতৃগণাস্তুষ্যন্তু চ মদাহিতম্ ॥ 36 ॥

ইতি শ্ৰী গৰুডপুৰাণে ঊননৱতিতমোঽধ্যাযে ৰুচিকৃত পিতৃ স্তোত্ৰম্ ।

পিতৃ স্তোত্ৰং 1 (গৰুড পুৰাণম্)

ৰুচিৰুৱাচ ।

Explore More

ৰুচিৰুৱাচ ।

More Pitrus (Ancestors) Stotras

Explore More