What is Shri Rama Apaduddharaka Stotram?

Read Shri Rama Apaduddharaka Stotram in Kannada script — full lyrics with English meaning and transliteration. The Shri Rama Apaduddharaka Stotram is a powerful devotional hymn dedicated to Lord Rama, invoked specifically as the 'Deliverer from Adversities' (Apaduddharaka). The stotra beautifully extols Rama as the remover of all calamities and the bestower of universal prosperity. It is traditionally recited by devotees seeking divine protection during times of crisis, distress, or existential difficulty. By contemplating the lotus-eyed Rama, the embodiment of dharma and peace, the practitioner aims to dissolve karmic obstacles and internal fears. Its rhythmic Sanskrit verses serve as a meditative tool to invoke the grace of the Supreme Being for emotional stability and spiritual endurance.

Which deity is Shri Rama Apaduddharaka Stotram dedicated to?

Shri Rama Apaduddharaka Stotram is a Sanskrit hymn dedicated to Lord Rama.

Shri Rama Apaduddharaka Stotram in Kannada – Meaning

ಶ್ರೀರಾಮ ಆಪದುದ್ಧಾರಕಸ್ತೋತ್ರಮ್

ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಂ
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ।

ನಮಃ ಕೋದಣ್ಡಹಸ್ತಾಯ ಸನ್ಧೀಕೃತಶರಾಯ ಚ
ದಣ್ಡಿತಾಖಿಲದೈತ್ಯಾಯ ರಾಮಾಯಾಪನ್ನಿವಾರಿಣೇ ॥ ೧॥

ಆಪನ್ನಜನರಕ್ಷೈಕದೀಕ್ಷಾಯಾಮಿತತೇಜಸೇ ।
ನಮೋಽಸ್ತು ವಿಷ್ಣವೇ ತುಭ್ಯಂ ರಾಮಾಯಾಪನ್ನಿವಾರಿಣೇ ॥ ೨॥

ಪದಾಮ್ಭೋಜರಜಸ್ಪರ್ಶಪವಿತ್ರಮುನಿಯೋಷಿತೇ ।
ನಮೋಽಸ್ತು ಸೀತಾಪತಯೇ ರಾಮಾಯಾಪನ್ನಿವಾರಿಣೇ ॥ ೩॥

ದಾನವೇನ್ದ್ರಮಹಾಮತ್ತಗಜಪಞ್ಚಾಸ್ಯರೂಪಿಣೇ ।
ನಮೋಽಸ್ತು ರಘುನಾಥಾಯ ರಾಮಾಯಾಪನ್ನಿವಾರಿಣೇ ॥ ೪॥

ಮಹಿಜಾಕುಚಸಂಲಗ್ನಕುಙ್ಕುಮಾರುಣವಕ್ಷಸೇ ।
ನಮಃ ಕಲ್ಯಾಣರೂಪಾಯ ರಾಮಾಯಾಪನ್ನಿವಾರಿಣೇ ॥ ೫॥

ಪದ್ಮಸಮ್ಭವಭೂತೇಶಮುನಿಸಂಸ್ತುತಕೀರ್ತಯೇ ।
ನಮೋ ಮಾರ್ತಾಣ್ಡವಂಶ್ಯಾಯ ರಾಮಾಯಾಪನ್ನಿವಾರಿಣೇ ॥ ೬॥

ಹರತ್ಯಾರ್ತಿಂ ಚ ಲೋಕಾನಾಂ ಯೋ ವಾ ಮಧುನಿಷೂದನಃ ।
ನಮೋಽಸ್ತು ಹರಯೇ ತುಭ್ಯಂ ರಾಮಾಯಾಪನ್ನಿವಾರಿಣೇ ॥ ೭॥

ತಾಪಕಾರಣಸಂಸಾರಗಜಸಿಂಹಸ್ವರೂಪಿಣೇ ।
ನಮೋ ವೇದಾನ್ತವೇದ್ಯಾಯ ರಾಮಾಯಾಪನ್ನಿವಾರಿಣೇ ॥ ೮॥

ರಙ್ಗತ್ತರಙ್ಗಜಲಧಿಗರ್ವಹೃಚ್ಛರಧಾರಿಣೇ ।
ನಮಃ ಪ್ರತಾಪರೂಪಾಯ ರಾಮಾಯಾಪನ್ನಿವಾರಿಣೇ ॥ ೯॥

ದಾರೋಪಹಿತಚನ್ದ್ರಾವತಂಸಧ್ಯಾತಸ್ವಮೂರ್ತಯೇ ।
ನಮಃ ಸತ್ಯಸ್ವರೂಪಾಯ ರಾಮಾಯಾಪನ್ನಿವಾರಿಣೇ ॥ ೧೦॥

ತಾರಾನಾಯಕಸಙ್ಕಾಶವದನಾಯ ಮಹೌಜಸೇ ।
ನಮೋಽಸ್ತು ತಾಟಕಾಹನ್ತ್ರೇ ರಾಮಾಯಾಪನ್ನಿವಾರಿಣೇ ॥ ೧೧॥

ರಮ್ಯಸಾನುಲಸಚ್ಚಿತ್ರಕೂಟಾಶ್ರಮವಿಹಾರಿಣೇ ।
ನಮಸ್ಸೌಮಿತ್ರಿಸೇವ್ಯಾಯ ರಾಮಾಯಾಪನ್ನಿವಾರಿಣೇ ॥ ೧೨॥

ಸರ್ವದೇವಾಹಿತಾಸಕ್ತ ದಶಾನನವಿನಾಶಿನೇ ।
ನಮೋಽಸ್ತು ದುಃಖಧ್ವಂಸಾಯ ರಾಮಾಯಾಪನ್ನಿವಾರಿಣೇ ॥ ೧೩॥

ರತ್ನಸಾನುನಿವಾಸೈಕ ವನ್ದ್ಯಪಾದಾಮ್ಬುಜಾಯ ಚ ।
ನಮಸ್ತ್ರೈಲೋಕ್ಯನಾಥಾಯ ರಾಮಾಯಾಪನ್ನಿವಾರಿಣೇ ॥ ೧೪॥

ಸಂಸಾರಬನ್ಧ ಮೋಕ್ಷೈಕಹೇತುದಾಮಪ್ರಕಾಶಿನೇ ।
ನಮಃ ಕಲುಷಸಂಹರ್ತ್ರೇ ರಾಮಾಯಾಪನ್ನಿವಾರಿಣೇ ॥ ೧೫॥

ಪವನಾಶುಗಸಙ್ಕ್ಷಿಪ್ತಮಾರೀಚಾದಿಸುರಾರಯೇ ।
ನಮೋ ಮಖಪರಿತ್ರಾತ್ರೇ ರಾಮಾಯಾಪನ್ನಿವಾರಿಣೇ ॥ ೧೬॥

ದಾಮ್ಭಿಕೇತರಭಕ್ತೌಘಮಹಾನನ್ದಪ್ರದಾಯಿನೇ ।
ನಮಃ ಕಮಲನೇತ್ರಾಯ ರಾಮಾಯಾಪನ್ನಿವಾರಿಣೇ ॥ ೧೭॥

ಲೋಕತ್ರಯೋದ್ವೇಗಕರಕುಮ್ಭಕರ್ಣಶಿರಶ್ಛಿದೇ ।
ನಮೋ ನೀರದದೇಹಾಯ ರಾಮಾಯಾಪನ್ನಿವಾರಿಣೇ ॥ ೧೮॥

ಕಾಕಾಸುರೈಕನಯನಹರಲ್ಲೀಲಾಸ್ತ್ರಧಾರಿಣೇ ।
ನಮೋ ಭಕ್ತೈಕವೇದ್ಯಾಯ ರಾಮಾಯಾಪನ್ನಿವಾರಿಣೇ ॥ ೧೯॥

ಭಿಕ್ಷುರೂಪ ಸಮಾಕ್ರಾನ್ತಬಲಿಸರ್ವೈಕಸಮ್ಪದೇ ।
ನಮೋ ವಾಮನರೂಪಾಯ ರಾಮಾಯಾಪನ್ನಿವಾರಿಣೇ ॥ ೨೦॥

ರಾಜೀವನೇತ್ರಸುಸ್ಪನ್ದರುಚಿರಾಙ್ಗಸುರೋಚಿಷೇ ।
ನಮಃ ಕೈವಲ್ಯನಿಧಯೇ ರಾಮಾಯಾಪನ್ನಿವಾರಿಣೇ ॥ ೨೧॥

ಮನ್ದಮಾರುತಸಂವೀತಮನ್ದಾರದ್ರುಮವಾಸಿನೇ ।
ನಮಃ ಪಲ್ಲವಪಾದಾಯ ರಾಮಾಯಾಪನ್ನಿವಾರಿಣೇ ॥ ೨೨॥

ಶ್ರೀಕಣ್ಠಚಾಪದಲನಧುರೀಣಬಲಬಾಹವೇ ।
ನಮಃ ಸೀತಾನುಷಕ್ತಾಯ ರಾಮಾಯಾಪನ್ನಿವಾರಿಣೇ ॥ ೨೩॥

ರಾಜರಾಜಸುಹೃದ್ಯೋಷಾರ್ಚಿತಮಙ್ಗಲಮೂರ್ತಯೇ ।
ನಮ ಇಕ್ಷ್ವಾಕುವಂಶ್ಯಾಯ ರಾಮಾಯಾಪನ್ನಿವಾರಿಣೇ ॥ ೨೪॥

ಮಞ್ಜುಲಾದರ್ಶವಿಪ್ರೇಕ್ಷಣೋತ್ಸುಕೈಕವಿಲಾಸಿನೇ ।
ನಮಃ ಪಾಲಿತಭಕ್ತ್ತಾಯ ರಾಮಾಯಾಪನ್ನಿವಾರಿಣೇ ॥ ೨೫॥

ಭೂರಿಭೂಧರಕೋದಣ್ಡಮೂರ್ತಿಧ್ಯೇಯಸ್ವರೂಪಿಣೇ ।
ನಮೋಽಸ್ತು ತೇಜೋನಿಧಯೇ ರಾಮಾಯಾಪನ್ನಿವಾರಿಣೇ ॥ ೨೬॥

ಯೋಗೀನ್ದ್ರಹೃತ್ಸರೋಜಾತಮಧುಪಾಯ ಮಹಾತ್ಮನೇ ।
ನಮೋ ರಾಜಾಧಿರಾಜಾಯ ರಾಮಾಯಾಪನ್ನಿವಾರಿಣೇ ॥ ೨೭॥

ಭೂವರಾಹಸ್ವರೂಪಾಯ ನಮೋ ಭೂರಿಪ್ರದಾಯಿನೇ ।
ನಮೋ ಹಿರಣ್ಯಗರ್ಭಾಯ ರಾಮಾಯಾಪನ್ನಿವಾರಿಣೇ ॥ ೨೮॥

ಯೋಷಾಞ್ಜಲಿವಿನಿರ್ಮುಕ್ತ ಲಾಜಾಞ್ಚಿತವಪುಷ್ಮತೇ ।
ನಮಸ್ಸೌನ್ದರ್ಯನಿಧಯೇ ರಾಮಾಯಾಪನ್ನಿವಾರಿಣೇ ॥ ೨೯॥

ನಖಕೋಟಿವಿನಿರ್ಭಿನ್ನದೈತ್ಯಾಧಿಪತಿವಕ್ಷಸೇ ।
ನಮೋ ನೃಸಿಂಹರೂಪಾಯ ರಾಮಾಯಾಪನ್ನಿವಾರಿಣೇ ॥ ೩೦॥

ಮಾಯಾಮಾನುಷದೇಹಾಯ ವೇದೋದ್ಧರಣಹೇತವೇ ।
ನಮೋಽಸ್ತು ಮತ್ಸ್ಯರೂಪಾಯ ರಾಮಾಯಾಪನ್ನಿವಾರಿಣೇ ॥ ೩೧॥

ಮಿತಿಶೂನ್ಯ ಮಹಾದಿವ್ಯಮಹಿಮ್ನೇ ಮಾನಿತಾತ್ಮನೇ ।
ನಮೋ ಬ್ರಹ್ಮಸ್ವರೂಪಾಯ ರಾಮಾಯಾಪನ್ನಿವಾರಿಣೇ ॥ ೩೨॥

ಅಹಙ್ಕಾರೇತರಜನಸ್ವಾನ್ತಸೌಧವಿಹಾರಿಣೇ ।
ನಮೋಽಸ್ತು ಚಿತ್ಸ್ವರೂಪಾಯ ರಾಮಾಯಾಪನ್ನಿವಾರಿಣೇ ॥ ೩೩॥

ಸೀತಾಲಕ್ಷ್ಮಣಸಂಶೋಭಿಪಾರ್ಶ್ವಾಯ ಪರಮಾತ್ಮನೇ ।
ನಮಃ ಪಟ್ಟಾಭಿಷಿಕ್ತಾಯ ರಾಮಾಯಾಪನ್ನಿವಾರಿಣೇ ॥ ೩೪॥

ಆಪದಾಮಪಹರ್ತಾರಂ ದಾತಾರಂ ಸರ್ವಸಮ್ಪದಾಮ್ ।
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಮ್ ॥ ೩೫॥

ಫಲಶ್ರುತಿ

ಇಮಂ ಸ್ತವಂ ಭಗವತಃ ಪಠೇದ್ಯಃ ಪ್ರೀತಮಾನಸಃ ।
ಪ್ರಭಾತೇ ವಾ ಪ್ರದೋಷೇ ವಾ ರಾಮಸ್ಯ ಪರಮಾತ್ಮನಃ ॥ ೧॥

ಸ ತು ತೀರ್ತ್ವಾ ಭವಾಮ್ಭೋಧಿಮಾಪದಸ್ಸಕಲಾ ಅಪಿ ।
ರಾಮಸಾಯುಜ್ಯಮಾಪ್ನೋತಿ ದೇವದೇವಪ್ರಸಾದತಃ ॥ ೨॥

ಕಾರಾಗೃಹಾದಿಬಾಧಾಸು ಸಮ್ಪ್ರಾಪ್ತೇ ಬಹುಸಙ್ಕಟೇ ।
ಅಪನ್ನಿವಾರಕಸ್ತೋತ್ರಂ ಪಠೇದ್ಯಸ್ತು ಯಥಾವಿಧಿ ॥ ೩॥

ಸಂಯೋಜ್ಯಾನುಷ್ಟುಭಂ ಮನ್ತ್ರಮನುಶ್ಲೋಕಂ ಸ್ಮರನ್ ವಿಭುಮ್ ।
ಸಪ್ತಾಹಾತ್ಸರ್ವಬಾಧಾಭ್ಯೋ ಮುಚ್ಯತೇ ನಾತ್ರ ಸಂಶಯಃ ॥ ೪॥

ದ್ವಾತ್ರಿಂಶದ್ವಾರಜಪತಃ ಪ್ರತ್ಯಹಂ ತು ದೃಢವ್ರತಃ ।
ವೈಶಾಖೇ ಭಾನುಮಾಲೋಕ್ಯ ಪ್ರತ್ಯಹಂ ಶತಸಙ್ಖ್ಯಯಾ ॥ ೫॥

ಧನವಾನ್ ಧನದಪ್ರಖ್ಯಸ್ಸ ಭವೇನ್ನಾತ್ರ ಸಂಶಯಃ ।
ಬಹುನಾತ್ರ ಕಿಮುಕ್ತೇನ ಯಂ ಯಂ ಕಾಮಯತೇ ನರಃ ॥ ೬॥

ತಂ ತಂ ಕಾಮಮವಾಪ್ನೋತಿ ಸ್ತೋತ್ರೇಣಾನೇನ ಮಾನವಃ ।
ಯನ್ತ್ರಪೂಜಾವಿಧಾನೇನ ಜಪಹೋಮಾದಿತರ್ಪಣೈಃ ॥ ೭॥

ಯಸ್ತು ಕುರ್ವೀತ ಸಹಸಾ ಸರ್ವಾನ್ ಕಾಮಾನವಾಪ್ನುಯಾತ್ ।
ಇಹ ಲೋಕೇ ಸುಖೀ ಭೂತ್ವಾ ಪರೇ ಮುಕ್ತೋ ಭವಿಷ್ಯತಿ ॥ ೮॥

ಶ್ರೀರಾಮಾಪದುದ್ಧಾರಕಸ್ತೋತ್ರಮ್

Explore More

More Rama Stotras

Explore More