Lord Shiva

શ્રી રુદ્રં લઘુન્યાસઃ

(Rudram Laghunyasam in Gujarati)

(ઓં અથાત્માનગ્ં શિવાત્માનગ્ં શ્રીરુદ્રરૂપં ધ્યાયેત્)

Language:Sanskrit
Translation:English

The word Laghunyasam is a combination of two Sanskrit terms: - Laghu (

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
ધ્યાનમ્
ઓં અથાત્માનગ્ં શિવાત્માનગ્ં શ્રીરુદ્રરૂપં ધ્યાયેત્ ॥
શુદ્ધસ્ફટિકસંકાશં ત્રિનેત્રં પઞ્ચવક્ત્રકમ્ ।
ગઙ્ગાધરં દશભુજં સર્વાભરણભૂષિતમ્ ॥
નીલગ્રીવં શશાંકાંકં નાગયજ્ઞોપવીતિનમ્ ।
વ્યાઘ્રચર્મોત્તરીયં ચ વરેણ્યમભયપ્રદમ્ ॥
કમણ્ડલ્વક્ષસૂત્રાણાં ધારિણં શૂલપાણિનમ્ ।
જ્વલન્તં પિઙ્ગલજટાશિખામુદ્યોતધારિણમ્ ॥
વૃષસ્કન્ધસમારૂઢમ્ ઉમાદેહાર્ધધારિણમ્ ।
અમૃતેનાપ્લુતં શાન્તં દિવ્યભોગસમન્વિતમ્ ॥
દિગ્દેવતાસમાયુક્તં સુરાસુરનમસ્કૃતમ્ ।
નિત્યં ચ શાશ્વતં શુદ્ધં ધ્રુવમક્ષરમવ્યયમ્ ॥
સર્વવ્યાપિનમીશાનં રુદ્રં વૈ વિશ્વરૂપિણમ્ ।
એવં ધ્યાત્વા દ્વિજસ્સમ્યક્ તતો યજનમારભેત્ ॥
અથાતો રુદ્ર સ્નાનાર્ચનાભિષેક વિધિં વ્યાખ્યાસ્યામઃ ।
આદિત એવ તીર્થે સ્નાત્વા ઉદેત્ય શુચિઃ પ્રયતો
બ્રહ્મચારી શુક્લવાસા દેવાભિમુખઃ સ્થિત્વા
આત્મનિ દેવતાઃ સ્થાપયેત્ ।
અઙ્ગન્યાસઃ
ઓં પ્રજનને બ્રહ્મા તિષ્ઠતુ । પાદયોર્વિષ્ણુસ્તિષ્ઠતુ ।
હસ્તયોર્હરસ્તિષ્ઠતુ । બાહ્વોરિન્દ્રસ્તિષ્ઠતુ ।
જઠરે અગ્નિસ્તિષ્ઠતુ । હૃદયે શિવસ્તિષ્ઠતુ ।
કણ્ઠે વસવસ્તિષ્ઠન્તુ । વક્ત્રે સરસ્વતી તિષ્ઠતુ ।
નાસિકયોર્વાયુસ્તિષ્ઠતુ । નયનયોશ્ચન્દ્રાદિત્યૌ તિષ્ઠેતામ્ ।
કર્ણયોરશ્વિનૌ તિષ્ઠેતામ્ ।
લલાટે રુદ્રાસ્તિષ્ઠન્તુ । મૂર્ધ્ન્યાદિત્યાસ્તિષ્ઠન્તુ ।
શિરસિ મહાદેવસ્તિષ્ઠતુ । શિખાયાં વામદેવસ્તિષ્ઠતુ ।
પૃષ્ઠે પિનાકી તિષ્ઠતુ । પુરતશ્શૂલી તિષ્ઠતુ ।
પાર્શ્વયોશ્શિવાશંકરૌ તિષ્ઠેતામ્ ।
સર્વતો વાયુસ્તિષ્ઠતુ ।
તતો બહિસ્સર્વતોઽગ્નિજ્વાલામાલાઃ પરિવૃતાસ્તિષ્ઠતુ ।
સર્વેષ્વઙ્ગેષુ સર્વાદેવતા યથાસ્થાનં તિષ્ઠન્તુ ।
માગ્ં રક્ષન્તુ ॥
ભૂતન્યાસઃ
ઓં અગ્નિર્મે વાચિ શ્રિતઃ ।
વાગ્ધૃદયે । હૃદયં મયિ ।
અહમમૃતે । અમૃતં બ્રહ્મણિ ।
વાયુર્મે પ્રાણે શ્રિતઃ ।
પ્રાણો હૃદયે । હૃદયં મયિ ।
અહમમૃતે । અમૃતં બ્રહ્મણિ ।
સૂર્યો મે ચક્ષુષિ શ્રિતઃ ।
ચક્ષુર્હૃદયે । હૃદયં મયિ ।
અહમમૃતે । અમૃતં બ્રહ્મણિ ।
ચન્દ્રમા મે મનસિ શ્રિતઃ ।
મનો હૃદયે । હૃદયં મયિ ।
અહમમૃતે । અમૃતં બ્રહ્મણિ ।
દિશો મે શ્રોત્રે શ્રિતાઃ ।
શ્રોત્રગ્ં હૃદયે । હૃદયં મયિ ।
અહમમૃતે । અમૃતં બ્રહ્મણિ ।
આપો મે રેતસિ શ્રિતાઃ ।
રેતો હૃદયે । હૃદયં મયિ ।
અહમમૃતે । અમૃતં બ્રહ્મણિ ।
પૃથિવી મે શરીરે શ્રિતા ।
શરીરગ્ં હૃદયે । હૃદયં મયિ ।
અહમમૃતે । અમૃતં બ્રહ્મણિ ।
ઓષધિવનસ્પતયો મે લોમસુ શ્રિતાઃ ।
લોમાનિ હૃદયે । હૃદયં મયિ ।
અહમમૃતે । અમૃતં બ્રહ્મણિ ।
ઇન્દ્રો મે બલે શ્રિતઃ ।
બલગ્ં હૃદયે । હૃદયં મયિ ।
અહમમૃતે । અમૃતં બ્રહ્મણિ ।
પર્જન્યો મે મૂર્ધ્નિ શ્રિતઃ ।
મૂર્ધા હૃદયે । હૃદયં મયિ ।
અહમમૃતે । અમૃતં બ્રહ્મણિ ।
ઈશાનો મે મન્યૌ શ્રિતઃ ।
મન્યુર્હૃદયે । હૃદયં મયિ ।
અહમમૃતે । અમૃતં બ્રહ્મણિ ।
આત્મા મ આત્મનિ શ્રિતઃ ।
આત્મા હૃદયે । હૃદયં મયિ ।
અહમમૃતે । અમૃતં બ્રહ્મણિ ।
પુનર્મ આત્મા પુનરાયુરાગાત્ ।
પુનઃ પ્રાણઃ પુનરાકૂતમાગાત્ ।
વૈશ્વાનરો રશ્મિભિર્વાવૃધાનઃ ।
અન્તસ્તિષ્ઠત્વમૃતસ્ય ગોપાઃ ॥
વિનિયોગઃ
અસ્ય શ્રી રુદ્રાધ્યાય પ્રશ્ન મહામંત્રસ્ય અઘોર ઋષિઃ, અનુષ્ટુપ્ છંદઃ, સંકર્ષણમૂર્તિસ્વરૂપો યોઽસાવાદિત્યઃ પરમપુરુષઃ સ એષ રુદ્રો દેવતા । નમઃ શિવાયેતિ બીજમ્ । શિવતરાયેતિ શક્તિઃ । મહાદેવાયેતિ કીલકમ્ । શ્રી સાંબસદાશિવ પ્રસાદ સિદ્ધ્યર્થે જપે વિનિયોગઃ ॥
કરન્યાસઃ
ઓં અગ્નિહોત્રાત્મને અઙ્ગુષ્ઠાભ્યાં નમઃ ।
દર્શપૂર્ણમાસાત્મને તર્જનીભ્યાં નમઃ ।
ચાતુર્માસ્યાત્મને મધ્યમાભ્યાં નમઃ ।
નિરૂઢપશુબન્ધાત્મને અનામિકાભ્યાં નમઃ ।
જ્યોતિષ્ટોમાત્મને કનિષ્ઠિકાભ્યાં નમઃ ।
સર્વક્રત્વાત્મને કરતલકરપૃષ્ઠાભ્યાં નમઃ ।
ષડઙ્ગન્યાસઃ
અગ્નિહોત્રાત્મને હૃદયાય નમઃ ।
દર્શપૂર્ણમાસાત્મને શિરસે સ્વાહા ।
ચાતુર્માસ્યાત્મને શિખાયૈ વષટ્ ।
નિરૂઢપશુબન્ધાત્મને કવચાય હુમ્ ।
જ્યોતિષ્ટોમાત્મને નેત્રત્રયાય વૌષટ્ ।
સર્વક્રત્વાત્મને અસ્ત્રાય ફટ્ ।
ભૂર્ભુવસ્સુવરોમિતિ દિગ્બંધઃ ।
ધ્યાનમ્ આપાતાળ નભઃ સ્થલાંત ભુવન બ્રહ્માંડમાવિસ્ફુર-
જ્જ્યોતિઃ સ્ફાટિક લિંગ મૌળિવિલસત્ પૂર્ણેંદુ વાંતામૃતૈઃ ।
અસ્તોકાપ્લુતમેકમીશમનિશં રુદ્રાનુવાકાન્ જપન્
ધ્યાયેદીપ્સિતસિદ્ધયે ધ્રુવપદં વિપ્રોઽભિષિંચેચ્છિવમ્ ॥
બ્રહ્માંડ વ્યાપ્તદેહાઃ ભસિત હિમરુચા ભાસમાના ભુજંગૈઃ
કંઠે કાલાઃ કપર્દાઃ કલિત શશિકલાશ્ચંડ કોદંડ હસ્તાઃ ॥
ત્ર્યક્ષા રુદ્રાક્ષમાલાઃ સલલિતવપુષાશ્શાંભવા મૂર્તિભેદાઃ
રુદ્રાઃ શ્રીરુદ્રસૂક્ત પ્રકટિત વિભવાઃ નઃ પ્રયચ્છંતુ સૌખ્યમ્ ॥
ગણપતિ પ્રાર્થના
ઓં ગણાનાં ત્વા ગણપતિગ્ં હવામહે
કવિં કવીનામુપમશ્રવસ્તમમ્ ।
જ્યેષ્ઠરાજં બ્રહ્મણાં બ્રહ્મણસ્પત
આ નઃ શૃણ્વન્નૂતિભિસ્સીદ સાદનમ્ ॥
મહાગણપતયે નમઃ ॥
ઓં શં ચ મે મયશ્ચ મે પ્રિયં ચ મેઽનુકામશ્ચ મે કામશ્ચ મે સૌમનસશ્ચ મે ભદ્રં ચ મે શ્રેયશ્ચ મે વસ્યશ્ચ મે યશશ્ચ મે ભગશ્ચ મે દ્રવિણં ચ મે યન્તા ચ મે ધર્તા ચ મે ક્ષેમશ્ચ મે ધૃતિશ્ચ મે વિશ્વં ચ મે મહશ્ચ મે સંવિચ્ચ મે જ્ઞાત્રં ચ મે સૂશ્ચ મે પ્રસૂશ્ચ મે સીરં ચ મે લયશ્ચ મ ઋતં ચ મેઽમૃતં ચ મેઽયક્ષ્મં ચ મેઽનામયચ્ચ મે જીવાતુશ્ચ મે દીર્ઘાયુત્વં ચ મેઽનમિત્રં ચ મેઽભયં ચ મે સુગં ચ મે શયનં ચ મે સૂષા ચ મે સુદિનં ચ મે ॥
શાન્તિઃ
ઓં શાન્તિઃ શાન્તિઃ શાન્તિઃ ॥

More Shiva Stotras

श्री रुद्रं - चमकप्रश्नः
Sri Rudram Chamaka Prashna
श्री रुद्रं लघुन्यासम्
Shri Rudram Laghunyasam
श्री रुद्रं नमकम्
Shri Rudram Namakam
ऋग्वेदीय पञ्च रुद्रं
Rigvediya Pancha Rudram
श्रीरुद्रं चमकम्
Rudram Chamakam (Line by Line)
अजगररूपद्विजकृतं रुद्रस्तोत्रम् (Ajagararupadvijakritam Rudra Stotram)
अजगररूपद्विजकृतं रुद्रस्तोत्रम् (Ajagararupadvijakritam Rudra Stotram)
श्रीसाम्बसदाशिव मातृकावर्णमालिका स्तोत्रम्
Aksharamalika Shiva Stotram
Aksharamanamalai
Aksharamanamalai
View All Rudram Collection →

Explore More

Rudram CollectionWealthObstaclesHealthProtectionWisdomHome