শ্রী বালা ত্রিপুরসুন্দরী স্তোত্রম্

শ্রী ভৈরব উবাচ
অধুনা দেবি ! বালাযাঃ স্তোত্রং বক্ষ্যামি পার্বতি ! ।
পঞ্চমাঙ্গং রহস্যং মে শ্রুত্বা গোপ্যং প্রযত্নতঃ ॥

ওঁ অস্য শ্রীবালাত্রিপুরসুন্দরীস্তোত্রমন্ত্রস্য
শ্রী দক্ষিণামূর্তিঃ ঋষিঃ, পঙ্ক্তিশ্ছন্দঃ,
শ্রীবালাত্রিপুরসুন্দরী দেবতা, ঐং বীজং, সৌঃ শক্তিঃ,
ক্লীং কিলকং, শ্রীবালাপ্রীতযে পাঠে বিনিযোগঃ ।

ওঁ শ্রী দক্ষিণামূর্তিঋষযে নমঃ - শিরসি ।
ওঁ শ্রী পঙ্ক্তিশ্ছন্দসে নমঃ - মুখে ।
ওঁ শ্রীবালাত্রিপুরসুন্দরী দেবতাযৈ নমঃ - হৃদি ।
ওঁ ঐং বীজায নমঃ - নাভৌ ।
ওঁ সৌঃ শক্তযে নমঃ - গুহ্যে ।
ওঁ ক্লীং কীলকায নমঃ - পাদযোঃ ।
ওঁ শ্রীবালাপ্রীতযে পাঠে বিনিযোগায নমঃ - সর্বাঙ্গে ।
ওঁ ঐং অঙ্গুষ্ঠাভ্যাং নমঃ ।
ওঁ ক্লীং তর্জনীভ্যাং নমঃ ।
ওঁ সৌঃ মধ্যমাভ্যাং নমঃ ।
ওঁ ঐং অনামিকাভ্যাং নমঃ ।
ওঁ ক্লীং কনিষ্ঠিকাভ্যাং নমঃ ।
ওঁ সৌঃ করতলকরপৃষ্ঠাভ্যাং নমঃ ।
ওঁ ঐং হৃদযায নমঃ ।
ওঁ ক্লীং শিরসে স্বাহা ।
ওঁ সৌঃ শিখাযৈ বৌষট্ ।
ওঁ ঐং কবচায হুম্ ।
ওঁ ক্লীং নেত্রত্রযায বৌষতট্ ।
ওঁ সৌঃ অস্ত্রায ফট্ ।
অরুণকিরণজালৈ রঞ্জিতাশাবকাশা ।
বিধৃতজপবটীকা পুস্তকাভীতিহস্তা ।
ইতরকরবরাঢ্যা ফুল্লকহ্লারসংস্থা ।
নিবসতু হৃদি বালা নিত্যকল্যাণরূপা ॥
ওঁ লং পৃথিবীতত্ত্বাত্মকং গন্ধং শ্রীবালাত্রিপুরাপ্রীতযে সমর্পযামি নমঃ ।
ওঁ হং আকাশতত্ত্বাত্মকং পুষ্পং শ্রীবালাত্রিপুরাপ্রীতযে সমর্পযামি নমঃ ।
ওঁ যং বাযুতত্ত্বাত্মকং ধূপং শ্রীবালাত্রিপুরাপ্রীতযে ঘ্রাপযামি নমঃ ।
ওঁ রং অগ্নিতত্ত্বাত্মকং দীপং শ্রীবালাত্রিপুরাপ্রীতযে দর্শযামি নমঃ ।
ওঁ বং জলতত্ত্বাত্মকং নৈবেদ্যং শ্রীবালাত্রিপুরাপ্রীতযে নিবেদযামি নমঃ ।
ওঁ সং সর্বতত্ত্বাত্মকং তাম্বূলং শ্রীবালাত্রিপুরাপ্রীতযে সমর্পযামি নমঃ ।
বাণীং জপেদ্ যস্ত্রিপুরে ! ভবান্যা বীজং নিশীথে জডভাবলীনঃ ।
ভবেত স গীর্বাণগুরোর্গরীযান্ গিরীশপত্নি প্রভুতাদি তস্য ॥ ১॥

কামেশ্বরি ! ত্র্যক্ষরী কামরাজং জপেদ্ দিনান্তে তব মন্ত্ররাজম্ ।
রম্ভাঽপি জৃম্ভারিসভাং বিহায ভূমৌ ভজেত্ তং কুলদীক্ষিতং চ ॥ ২॥

তার্তীযকং বীজমিদং জপেদ্ যস্ত্রৈলোক্যমাতস্ত্রিপুরে ! পুরস্তাত্ ।
বিধায লীলাং ভুবনে তথান্তে নিরামযং ব্রহ্মপদং প্রযাতি ॥ ৩॥

ধরাসদ্মত্রিবৃত্তাষ্টপত্রষট্কোণনাগরে ।
বিন্দুপীঠেঽর্চযেদ্ বালাং যোঽসৌ প্রান্তে শিবো ভবেত্ ॥ ৪॥

ইতি মন্ত্রমযং স্তবং পঠেদ্ যস্ত্রিপুরাযা নিশি বা নিশাবসানে ।
স ভবেদ্ ভুবি সার্বভৌমমৌলিস্ত্রিদিবে শক্রসমানশৌর্যলক্ষ্মীঃ ॥ ১॥

ইতীদং দেবি ! বালাযা স্তোত্রং মন্ত্রমযং পরম্ ।
অদাতব্যমভক্তেভ্যো গোপনীযং স্বযোনিবত্ ॥ ২॥

॥ ইতি শ্রীরুদ্রযামলে তন্ত্রে ভৈরবভৈরবীসংবাদে শ্রীবালাত্রিপুরসুন্দরীস্তোত্রম্ সমাপ্তম্ ॥