ಶ್ರೀ ಬಾಲಾ ತ್ರಿಪುರಸುನ್ದರೀ ಸ್ತೋತ್ರಮ್

ಶ್ರೀ ಭೈರವ ಉವಾಚ
ಅಧುನಾ ದೇವಿ ! ಬಾಲಾಯಾಃ ಸ್ತೋತ್ರಂ ವಕ್ಷ್ಯಾಮಿ ಪಾರ್ವತಿ ! ।
ಪಞ್ಚಮಾಙ್ಗಂ ರಹಸ್ಯಂ ಮೇ ಶ್ರುತ್ವಾ ಗೋಪ್ಯಂ ಪ್ರಯತ್ನತಃ ॥

ಓಂ ಅಸ್ಯ ಶ್ರೀಬಾಲಾತ್ರಿಪುರಸುನ್ದರೀಸ್ತೋತ್ರಮನ್ತ್ರಸ್ಯ
ಶ್ರೀ ದಕ್ಷಿಣಾಮೂರ್ತಿಃ ಋಷಿಃ, ಪಙ್ಕ್ತಿಶ್ಛನ್ದಃ,
ಶ್ರೀಬಾಲಾತ್ರಿಪುರಸುನ್ದರೀ ದೇವತಾ, ಐಂ ಬೀಜಂ, ಸೌಃ ಶಕ್ತಿಃ,
ಕ್ಲೀಂ ಕಿಲಕಂ, ಶ್ರೀಬಾಲಾಪ್ರೀತಯೇ ಪಾಠೇ ವಿನಿಯೋಗಃ ।

ಓಂ ಶ್ರೀ ದಕ್ಷಿಣಾಮೂರ್ತಿಋಷಯೇ ನಮಃ - ಶಿರಸಿ ।
ಓಂ ಶ್ರೀ ಪಙ್ಕ್ತಿಶ್ಛನ್ದಸೇ ನಮಃ - ಮುಖೇ ।
ಓಂ ಶ್ರೀಬಾಲಾತ್ರಿಪುರಸುನ್ದರೀ ದೇವತಾಯೈ ನಮಃ - ಹೃದಿ ।
ಓಂ ಐಂ ಬೀಜಾಯ ನಮಃ - ನಾಭೌ ।
ಓಂ ಸೌಃ ಶಕ್ತಯೇ ನಮಃ - ಗುಹ್ಯೇ ।
ಓಂ ಕ್ಲೀಂ ಕೀಲಕಾಯ ನಮಃ - ಪಾದಯೋಃ ।
ಓಂ ಶ್ರೀಬಾಲಾಪ್ರೀತಯೇ ಪಾಠೇ ವಿನಿಯೋಗಾಯ ನಮಃ - ಸರ್ವಾಙ್ಗೇ ।
ಓಂ ಐಂ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಕ್ಲೀಂ ತರ್ಜನೀಭ್ಯಾಂ ನಮಃ ।
ಓಂ ಸೌಃ ಮಧ್ಯಮಾಭ್ಯಾಂ ನಮಃ ।
ಓಂ ಐಂ ಅನಾಮಿಕಾಭ್ಯಾಂ ನಮಃ ।
ಓಂ ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಸೌಃ ಕರತಲಕರಪೃಷ್ಠಾಭ್ಯಾಂ ನಮಃ ।
ಓಂ ಐಂ ಹೃದಯಾಯ ನಮಃ ।
ಓಂ ಕ್ಲೀಂ ಶಿರಸೇ ಸ್ವಾಹಾ ।
ಓಂ ಸೌಃ ಶಿಖಾಯೈ ವೌಷಟ್ ।
ಓಂ ಐಂ ಕವಚಾಯ ಹುಮ್ ।
ಓಂ ಕ್ಲೀಂ ನೇತ್ರತ್ರಯಾಯ ವೌಷತಟ್ ।
ಓಂ ಸೌಃ ಅಸ್ತ್ರಾಯ ಫಟ್ ।
ಅರುಣಕಿರಣಜಾಲೈ ರಞ್ಜಿತಾಶಾವಕಾಶಾ ।
ವಿಧೃತಜಪವಟೀಕಾ ಪುಸ್ತಕಾಭೀತಿಹಸ್ತಾ ।
ಇತರಕರವರಾಢ್ಯಾ ಫುಲ್ಲಕಹ್ಲಾರಸಂಸ್ಥಾ ।
ನಿವಸತು ಹೃದಿ ಬಾಲಾ ನಿತ್ಯಕಲ್ಯಾಣರೂಪಾ ॥
ಓಂ ಲಂ ಪೃಥಿವೀತತ್ತ್ವಾತ್ಮಕಂ ಗನ್ಧಂ ಶ್ರೀಬಾಲಾತ್ರಿಪುರಾಪ್ರೀತಯೇ ಸಮರ್ಪಯಾಮಿ ನಮಃ ।
ಓಂ ಹಂ ಆಕಾಶತತ್ತ್ವಾತ್ಮಕಂ ಪುಷ್ಪಂ ಶ್ರೀಬಾಲಾತ್ರಿಪುರಾಪ್ರೀತಯೇ ಸಮರ್ಪಯಾಮಿ ನಮಃ ।
ಓಂ ಯಂ ವಾಯುತತ್ತ್ವಾತ್ಮಕಂ ಧೂಪಂ ಶ್ರೀಬಾಲಾತ್ರಿಪುರಾಪ್ರೀತಯೇ ಘ್ರಾಪಯಾಮಿ ನಮಃ ।
ಓಂ ರಂ ಅಗ್ನಿತತ್ತ್ವಾತ್ಮಕಂ ದೀಪಂ ಶ್ರೀಬಾಲಾತ್ರಿಪುರಾಪ್ರೀತಯೇ ದರ್ಶಯಾಮಿ ನಮಃ ।
ಓಂ ವಂ ಜಲತತ್ತ್ವಾತ್ಮಕಂ ನೈವೇದ್ಯಂ ಶ್ರೀಬಾಲಾತ್ರಿಪುರಾಪ್ರೀತಯೇ ನಿವೇದಯಾಮಿ ನಮಃ ।
ಓಂ ಸಂ ಸರ್ವತತ್ತ್ವಾತ್ಮಕಂ ತಾಮ್ಬೂಲಂ ಶ್ರೀಬಾಲಾತ್ರಿಪುರಾಪ್ರೀತಯೇ ಸಮರ್ಪಯಾಮಿ ನಮಃ ।
ವಾಣೀಂ ಜಪೇದ್ ಯಸ್ತ್ರಿಪುರೇ ! ಭವಾನ್ಯಾ ಬೀಜಂ ನಿಶೀಥೇ ಜಡಭಾವಲೀನಃ ।
ಭವೇತ ಸ ಗೀರ್ವಾಣಗುರೋರ್ಗರೀಯಾನ್ ಗಿರೀಶಪತ್ನಿ ಪ್ರಭುತಾದಿ ತಸ್ಯ ॥ ೧॥

ಕಾಮೇಶ್ವರಿ ! ತ್ರ್ಯಕ್ಷರೀ ಕಾಮರಾಜಂ ಜಪೇದ್ ದಿನಾನ್ತೇ ತವ ಮನ್ತ್ರರಾಜಮ್ ।
ರಮ್ಭಾಽಪಿ ಜೃಮ್ಭಾರಿಸಭಾಂ ವಿಹಾಯ ಭೂಮೌ ಭಜೇತ್ ತಂ ಕುಲದೀಕ್ಷಿತಂ ಚ ॥ ೨॥

ತಾರ್ತೀಯಕಂ ಬೀಜಮಿದಂ ಜಪೇದ್ ಯಸ್ತ್ರೈಲೋಕ್ಯಮಾತಸ್ತ್ರಿಪುರೇ ! ಪುರಸ್ತಾತ್ ।
ವಿಧಾಯ ಲೀಲಾಂ ಭುವನೇ ತಥಾನ್ತೇ ನಿರಾಮಯಂ ಬ್ರಹ್ಮಪದಂ ಪ್ರಯಾತಿ ॥ ೩॥

ಧರಾಸದ್ಮತ್ರಿವೃತ್ತಾಷ್ಟಪತ್ರಷಟ್ಕೋಣನಾಗರೇ ।
ವಿನ್ದುಪೀಠೇಽರ್ಚಯೇದ್ ಬಾಲಾಂ ಯೋಽಸೌ ಪ್ರಾನ್ತೇ ಶಿವೋ ಭವೇತ್ ॥ ೪॥

ಇತಿ ಮನ್ತ್ರಮಯಂ ಸ್ತವಂ ಪಠೇದ್ ಯಸ್ತ್ರಿಪುರಾಯಾ ನಿಶಿ ವಾ ನಿಶಾವಸಾನೇ ।
ಸ ಭವೇದ್ ಭುವಿ ಸಾರ್ವಭೌಮಮೌಲಿಸ್ತ್ರಿದಿವೇ ಶಕ್ರಸಮಾನಶೌರ್ಯಲಕ್ಷ್ಮೀಃ ॥ ೧॥

ಇತೀದಂ ದೇವಿ ! ಬಾಲಾಯಾ ಸ್ತೋತ್ರಂ ಮನ್ತ್ರಮಯಂ ಪರಮ್ ।
ಅದಾತವ್ಯಮಭಕ್ತೇಭ್ಯೋ ಗೋಪನೀಯಂ ಸ್ವಯೋನಿವತ್ ॥ ೨॥

॥ ಇತಿ ಶ್ರೀರುದ್ರಯಾಮಲೇ ತನ್ತ್ರೇ ಭೈರವಭೈರವೀಸಂವಾದೇ ಶ್ರೀಬಾಲಾತ್ರಿಪುರಸುನ್ದರೀಸ್ತೋತ್ರಮ್ ಸಮಾಪ್ತಮ್ ॥