ശ്രീ ബാലാ ത്രിപുരസുന്ദരീ സ്തോത്രമ്

ശ്രീ ഭൈരവ ഉവാച
അധുനാ ദേവി ! ബാലായാഃ സ്തോത്രം വക്ഷ്യാമി പാര്വതി ! ।
പഞ്ചമാങ്ഗം രഹസ്യം മേ ശ്രുത്വാ ഗോപ്യം പ്രയത്നതഃ ॥

ഓം അസ്യ ശ്രീബാലാത്രിപുരസുന്ദരീസ്തോത്രമന്ത്രസ്യ
ശ്രീ ദക്ഷിണാമൂര്തിഃ ഋഷിഃ, പങ്ക്തിശ്ഛന്ദഃ,
ശ്രീബാലാത്രിപുരസുന്ദരീ ദേവതാ, ഐം ബീജം, സൌഃ ശക്തിഃ,
ക്ലീം കിലകം, ശ്രീബാലാപ്രീതയേ പാഠേ വിനിയോഗഃ ।

ഓം ശ്രീ ദക്ഷിണാമൂര്തിഋഷയേ നമഃ - ശിരസി ।
ഓം ശ്രീ പങ്ക്തിശ്ഛന്ദസേ നമഃ - മുഖേ ।
ഓം ശ്രീബാലാത്രിപുരസുന്ദരീ ദേവതായൈ നമഃ - ഹൃദി ।
ഓം ഐം ബീജായ നമഃ - നാഭൌ ।
ഓം സൌഃ ശക്തയേ നമഃ - ഗുഹ്യേ ।
ഓം ക്ലീം കീലകായ നമഃ - പാദയോഃ ।
ഓം ശ്രീബാലാപ്രീതയേ പാഠേ വിനിയോഗായ നമഃ - സര്വാങ്ഗേ ।
ഓം ഐം അങ്ഗുഷ്ഠാഭ്യാം നമഃ ।
ഓം ക്ലീം തര്ജനീഭ്യാം നമഃ ।
ഓം സൌഃ മധ്യമാഭ്യാം നമഃ ।
ഓം ഐം അനാമികാഭ്യാം നമഃ ।
ഓം ക്ലീം കനിഷ്ഠികാഭ്യാം നമഃ ।
ഓം സൌഃ കരതലകരപൃഷ്ഠാഭ്യാം നമഃ ।
ഓം ഐം ഹൃദയായ നമഃ ।
ഓം ക്ലീം ശിരസേ സ്വാഹാ ।
ഓം സൌഃ ശിഖായൈ വൌഷട് ।
ഓം ഐം കവചായ ഹുമ് ।
ഓം ക്ലീം നേത്രത്രയായ വൌഷതട് ।
ഓം സൌഃ അസ്ത്രായ ഫട് ।
അരുണകിരണജാലൈ രഞ്ജിതാശാവകാശാ ।
വിധൃതജപവടീകാ പുസ്തകാഭീതിഹസ്താ ।
ഇതരകരവരാഢ്യാ ഫുല്ലകഹ്ലാരസംസ്ഥാ ।
നിവസതു ഹൃദി ബാലാ നിത്യകല്യാണരൂപാ ॥
ഓം ലം പൃഥിവീതത്ത്വാത്മകം ഗന്ധം ശ്രീബാലാത്രിപുരാപ്രീതയേ സമര്പയാമി നമഃ ।
ഓം ഹം ആകാശതത്ത്വാത്മകം പുഷ്പം ശ്രീബാലാത്രിപുരാപ്രീതയേ സമര്പയാമി നമഃ ।
ഓം യം വായുതത്ത്വാത്മകം ധൂപം ശ്രീബാലാത്രിപുരാപ്രീതയേ ഘ്രാപയാമി നമഃ ।
ഓം രം അഗ്നിതത്ത്വാത്മകം ദീപം ശ്രീബാലാത്രിപുരാപ്രീതയേ ദര്ശയാമി നമഃ ।
ഓം വം ജലതത്ത്വാത്മകം നൈവേദ്യം ശ്രീബാലാത്രിപുരാപ്രീതയേ നിവേദയാമി നമഃ ।
ഓം സം സര്വതത്ത്വാത്മകം താമ്ബൂലം ശ്രീബാലാത്രിപുരാപ്രീതയേ സമര്പയാമി നമഃ ।
വാണീം ജപേദ് യസ്ത്രിപുരേ ! ഭവാന്യാ ബീജം നിശീഥേ ജഡഭാവലീനഃ ।
ഭവേത സ ഗീര്വാണഗുരോര്ഗരീയാന് ഗിരീശപത്നി പ്രഭുതാദി തസ്യ ॥ ൧॥

കാമേശ്വരി ! ത്ര്യക്ഷരീ കാമരാജം ജപേദ് ദിനാന്തേ തവ മന്ത്രരാജമ് ।
രമ്ഭാഽപി ജൃമ്ഭാരിസഭാം വിഹായ ഭൂമൌ ഭജേത് തം കുലദീക്ഷിതം ച ॥ ൨॥

താര്തീയകം ബീജമിദം ജപേദ് യസ്ത്രൈലോക്യമാതസ്ത്രിപുരേ ! പുരസ്താത് ।
വിധായ ലീലാം ഭുവനേ തഥാന്തേ നിരാമയം ബ്രഹ്മപദം പ്രയാതി ॥ ൩॥

ധരാസദ്മത്രിവൃത്താഷ്ടപത്രഷട്കോണനാഗരേ ।
വിന്ദുപീഠേഽര്ചയേദ് ബാലാം യോഽസൌ പ്രാന്തേ ശിവോ ഭവേത് ॥ ൪॥

ഇതി മന്ത്രമയം സ്തവം പഠേദ് യസ്ത്രിപുരായാ നിശി വാ നിശാവസാനേ ।
സ ഭവേദ് ഭുവി സാര്വഭൌമമൌലിസ്ത്രിദിവേ ശക്രസമാനശൌര്യലക്ഷ്മീഃ ॥ ൧॥

ഇതീദം ദേവി ! ബാലായാ സ്തോത്രം മന്ത്രമയം പരമ് ।
അദാതവ്യമഭക്തേഭ്യോ ഗോപനീയം സ്വയോനിവത് ॥ ൨॥

॥ ഇതി ശ്രീരുദ്രയാമലേ തന്ത്രേ ഭൈരവഭൈരവീസംവാദേ ശ്രീബാലാത്രിപുരസുന്ദരീസ്തോത്രമ് സമാപ്തമ് ॥