॥ ಶ್ರೀ ದುರ್ಗಾ ಆರ್ಯಾ ಸ್ತವಮ್ ॥
॥ ವೈಶಮ್ಪಾಯನ ಉವಾಚ॥
ಆರ್ಯಾಸ್ತವಂ ಪ್ರವಕ್ಷ್ಯಾಮಿ ಯಥೋಕ್ತಮೃಷಿಭಿಃ ಪುರಾ ।
ನಾರಾಯಣೀಂ ನಮಸ್ಯಾಮಿ ದೇವೀಂ ತ್ರಿಭುವನೇಶ್ವರೀಮ್ ॥ ೧ ॥
ನಾರಾಯಣೀಂ ನಮಸ್ಯಾಮಿ ದೇವೀಂ ತ್ರಿಭುವನೇಶ್ವರೀಮ್ ॥ ೧ ॥
ತ್ವಂ ಹಿ ಸಿದ್ಧಿರ್ಧೃತಿಃ ಕೀರ್ತಿಃ ಶ್ರೀರ್ವಿದ್ಯಾ ಸನ್ನತಿರ್ಮತಿಃ ।
ಸನ್ಧ್ಯಾ ರಾತ್ರಿಃ ಪ್ರಭಾ ನಿದ್ರಾ ಕಾಲರಾತ್ರಿಸ್ತಥೈವ ಚ ॥ ೨ ॥
ಸನ್ಧ್ಯಾ ರಾತ್ರಿಃ ಪ್ರಭಾ ನಿದ್ರಾ ಕಾಲರಾತ್ರಿಸ್ತಥೈವ ಚ ॥ ೨ ॥
ಆರ್ಯಾ ಕಾತ್ಯಾಯನೀ ದೇವೀ ಕೌಶಿಕೀ ಬ್ರಹ್ಮಚಾರಿಣೀ ।
ಜನನೀ ಸಿದ್ಧಸೇನಸ್ಯ ಉಗ್ರಚಾರೀ ಮಹಾಬಲಾ ॥ ೩ ॥
ಜನನೀ ಸಿದ್ಧಸೇನಸ್ಯ ಉಗ್ರಚಾರೀ ಮಹಾಬಲಾ ॥ ೩ ॥
ಜಯಾ ಚ ವಿಜಯಾ ಚೈವ ಪುಷ್ಟಿಸ್ತುಷ್ಟಿಃ ಕ್ಷಮಾ ದಯಾ ।
ಜ್ಯೇಷ್ಠಾ ಯಮಸ್ಯ ಭಗಿನೀ ನೀಲಕೌಶೇಯವಾಸಿನೀ ॥ ೪ ॥
ಜ್ಯೇಷ್ಠಾ ಯಮಸ್ಯ ಭಗಿನೀ ನೀಲಕೌಶೇಯವಾಸಿನೀ ॥ ೪ ॥
ಬಹುರೂಪಾ ವಿರೂಪಾ ಚ ಅನೇಕವಿಧಿಚಾರಿಣೀ ।
ವಿರೂಪಾಕ್ಷೀ ವಿಶಾಲಾಕ್ಷೀ ಭಕ್ತಾನಾಂ ಪರಿರಕ್ಷಿಣೀ ॥ ೫ ॥
ವಿರೂಪಾಕ್ಷೀ ವಿಶಾಲಾಕ್ಷೀ ಭಕ್ತಾನಾಂ ಪರಿರಕ್ಷಿಣೀ ॥ ೫ ॥
ಪರ್ವತಾಗ್ರೇಷು ಘೋರೇಷು ನದೀಷು ಚ ಗುಹಾಸು ಚ ।
ವಾಸಸ್ತೇ ಚ ಮಹಾದೇವಿ ವನೇಷೂಪವನೇಷು ಚ ॥ ೬ ॥
ವಾಸಸ್ತೇ ಚ ಮಹಾದೇವಿ ವನೇಷೂಪವನೇಷು ಚ ॥ ೬ ॥
ಶಬರೈರ್ಬರ್ಬರೈಶ್ಚೈವ ಪುಲಿನ್ದೈಶ್ಚ ಸುಪೂಜಿತಾ ।
ಮಯೂರಪಿಚ್ಛಧ್ವಜಿನೀ ಲೋಕಾನ್ ಕ್ರಮಸಿ ಸರ್ವಶಃ ॥ ೭ ॥
ಮಯೂರಪಿಚ್ಛಧ್ವಜಿನೀ ಲೋಕಾನ್ ಕ್ರಮಸಿ ಸರ್ವಶಃ ॥ ೭ ॥
ಕುಕುಟೈಶ್ಛಾಗಲೈರ್ಮೇಷೈಃ ಸಿಂಹೈರ್ವ್ಯಾಘ್ರೈಃ ಸಮಾಕುಲಾ ।
ಘಣ್ಟಾನಿನಾದಬಹುಲಾ ವಿನ್ಧ್ಯವಾಸಿನ್ಯಭಿಶ್ರುತಾ ॥ ೮ ॥
ಘಣ್ಟಾನಿನಾದಬಹುಲಾ ವಿನ್ಧ್ಯವಾಸಿನ್ಯಭಿಶ್ರುತಾ ॥ ೮ ॥
ತ್ರಿಶೂಲೀ ಪಟ್ಟಿಶಧರಾ ಸೂರ್ಯಚನ್ದ್ರಪತಾಕಿನೀ ।
ನವಮೀ ಕೃಷ್ಣಪಕ್ಷಸ್ಯ ಶುಕ್ಲಸ್ಯೈಕಾದಶೀ ತಥಾ ॥ ೯ ॥
ನವಮೀ ಕೃಷ್ಣಪಕ್ಷಸ್ಯ ಶುಕ್ಲಸ್ಯೈಕಾದಶೀ ತಥಾ ॥ ೯ ॥
ಭಗಿನೀ ಬಲದೇವಸ್ಯ ರಜನೀ ಕಲಹಪ್ರಿಯಾ ।
ಆವಾಸಃ ಸರ್ವಭೂತಾನಾಂ ನಿಷ್ಠಾ ಚ ಪರಮಾ ಗತಿಃ ॥ ೧೦ ॥
ಆವಾಸಃ ಸರ್ವಭೂತಾನಾಂ ನಿಷ್ಠಾ ಚ ಪರಮಾ ಗತಿಃ ॥ ೧೦ ॥
ನನ್ದಗೋಪಸುತಾ ಚೈವ ದೇವಾನಾಂ ವಿಜಯಾವಹಾ ।
ಚೀರವಾಸಾಃ ಸುವಾಸಾಶ್ಚ ರೌದ್ರೀ ಸನ್ಧ್ಯಾಚರೀ ನಿಶಾ ॥ ೧೧ ॥
ಚೀರವಾಸಾಃ ಸುವಾಸಾಶ್ಚ ರೌದ್ರೀ ಸನ್ಧ್ಯಾಚರೀ ನಿಶಾ ॥ ೧೧ ॥
ಪ್ರಕೀರ್ಣಕೇಶೀ ಮೃತ್ಯುಶ್ಚ ಸುರಾಮಾಂಸಬಲಿಪ್ರಿಯಾ ।
ಲಕ್ಷ್ಮೀರಲಕ್ಷ್ಮೀರೂಪೇಣ ದಾನವಾನಾಂ ವಧಾಯ ಚ ॥ ೧೨ ॥
ಲಕ್ಷ್ಮೀರಲಕ್ಷ್ಮೀರೂಪೇಣ ದಾನವಾನಾಂ ವಧಾಯ ಚ ॥ ೧೨ ॥
ಸಾವಿತ್ರೀ ಚಾಪಿ ದೇವಾನಾಂ ಮಾತಾ ಮನ್ತ್ರಗಣಸ್ಯ ಚ ।
ಕನ್ಯಾನಾಂ ಬ್ರಹ್ಮಚರ್ಯಾ ತ್ವಂ ಸೌಭಾಗ್ಯಂ ಪ್ರಮದಾಸು ಚ ॥ ೧೩ ॥
ಕನ್ಯಾನಾಂ ಬ್ರಹ್ಮಚರ್ಯಾ ತ್ವಂ ಸೌಭಾಗ್ಯಂ ಪ್ರಮದಾಸು ಚ ॥ ೧೩ ॥
ಅನ್ತರ್ವೇದೀ ಚ ಯಜ್ಞಾನಾಮೃತ್ವಿಜಾಂ ಚೈವ ದಕ್ಷಿಣಾ ।
ಕರ್ಷಕಾಣಾಂ ಚ ಸೀತೇತಿ ಭೂತಾನಾಂ ಧರಣೀತಿ ಚ ॥ ೧೪ ॥
ಕರ್ಷಕಾಣಾಂ ಚ ಸೀತೇತಿ ಭೂತಾನಾಂ ಧರಣೀತಿ ಚ ॥ ೧೪ ॥
ಸಿದ್ಧಿಃ ಸಾಮ್ಯಾತ್ರಿಕಾಣಾಂ ತು ವೇಲಾ ತ್ವಂ ಸಾಗರಸ್ಯ ಚ ॥
ಯಕ್ಷಾಣಾಂ ಪ್ರಥಮಾ ಯಕ್ಷೀ ನಾಗಾನಾಂ ಸುರಸೇತಿ ಚ ॥ ೧೫ ॥
ಯಕ್ಷಾಣಾಂ ಪ್ರಥಮಾ ಯಕ್ಷೀ ನಾಗಾನಾಂ ಸುರಸೇತಿ ಚ ॥ ೧೫ ॥
ಬ್ರಹ್ಮವಾದಿನ್ಯಥೋ ದೀಕ್ಷಾ ಶೋಭಾ ಚ ಪರಮಾ ತಥಾ ।
ಜ್ಯೋತಿಷಾಂ ತ್ವಂ ಪ್ರಭಾ ದೇವಿ ನಕ್ಷತ್ರಾಣಾಂ ಚ ರೋಹಿಣೀ ॥ ೧೬ ॥
ಜ್ಯೋತಿಷಾಂ ತ್ವಂ ಪ್ರಭಾ ದೇವಿ ನಕ್ಷತ್ರಾಣಾಂ ಚ ರೋಹಿಣೀ ॥ ೧೬ ॥
ರಾಜದ್ವಾರೇಷು ತೀರ್ಥೇಷು ನದೀನಾಂ ಸಙ್ಗಮೇಷು ಚ ।
ಪೂರ್ಣಾ ಚ ಪೂರ್ಣಿಮಾ ಚನ್ದ್ರೇ ಕೃತ್ತಿವಾಸಾ ಇತಿ ಸ್ಮೃತಾ ॥ ೧೭ ॥
ಪೂರ್ಣಾ ಚ ಪೂರ್ಣಿಮಾ ಚನ್ದ್ರೇ ಕೃತ್ತಿವಾಸಾ ಇತಿ ಸ್ಮೃತಾ ॥ ೧೭ ॥
ಸರಸ್ವತೀ ಚ ವಾಲ್ಮೀಕೇ ಸ್ಮೃತಿರ್ದ್ವೈಪಾಯನೇ ತಥಾ ।
ಋಷೀಣಾಂ ಧರ್ಮಬುದ್ಧಿಸ್ತು ದೇವಾನಾಂ ಮಾನಸೀ ತಥಾ ॥ ೧೮ ॥
ಋಷೀಣಾಂ ಧರ್ಮಬುದ್ಧಿಸ್ತು ದೇವಾನಾಂ ಮಾನಸೀ ತಥಾ ॥ ೧೮ ॥
ಸುರಾ ದೇವೀ ತು ಭೂತೇಷು ಸ್ತೂಯಸೇ ತ್ವಂ ಸ್ವಕರ್ಮಭಿಃ ।
ಇನ್ದ್ರಸ್ಯ ಚಾರುದೃಷ್ಟಿಸ್ತ್ವಂ ಸಹಸ್ರನಯನೇತಿ ಚ ॥ ೧೯ ॥
ಇನ್ದ್ರಸ್ಯ ಚಾರುದೃಷ್ಟಿಸ್ತ್ವಂ ಸಹಸ್ರನಯನೇತಿ ಚ ॥ ೧೯ ॥
ತಾಪಸಾನಾಂ ಚ ದೇವೀ ತ್ವಮರಣೀ ಚಾಗ್ನಿಹೋತ್ರಿಣಾಮ್ ।
ಕ್ಷುಧಾ ಚ ಸರ್ವಭೂತಾನಾಂ ತೃಪ್ತಿಸ್ತ್ವಂ ದೈವತೇಷು ಚ ॥ ೨೦ ॥
ಕ್ಷುಧಾ ಚ ಸರ್ವಭೂತಾನಾಂ ತೃಪ್ತಿಸ್ತ್ವಂ ದೈವತೇಷು ಚ ॥ ೨೦ ॥
ಸ್ವಾಹಾ ತೃಪ್ತಿರ್ಧೃತಿರ್ಮೇಧಾ ವಸೂನಾಂ ತ್ವಂ ವಸೂಮತೀ ।
ಆಶಾ ತ್ವಂ ಮಾನುಷಾಣಾಂ ಚ ಪುಷ್ಟಿಶ್ಚ ಕೃತಕರ್ಮಣಾಮ್ ॥ ೨೧ ॥
ಆಶಾ ತ್ವಂ ಮಾನುಷಾಣಾಂ ಚ ಪುಷ್ಟಿಶ್ಚ ಕೃತಕರ್ಮಣಾಮ್ ॥ ೨೧ ॥
ದಿಶಶ್ಚ ವಿದಿಶಶ್ಚೈವ ತಥಾ ಹ್ಯಗ್ನಿಶಿಖಾ ಪ್ರಭಾ ।
ಶಕುನೀ ಪೂತನಾ ತ್ವಂ ಚ ರೇವತೀ ಚ ಸುದಾರುಣಾ ॥ ೨೨ ॥
ಶಕುನೀ ಪೂತನಾ ತ್ವಂ ಚ ರೇವತೀ ಚ ಸುದಾರುಣಾ ॥ ೨೨ ॥
ನಿದ್ರಾಪಿ ಸರ್ವಭೂತಾನಾಂ ಮೋಹಿನೀ ಕ್ಷತ್ರಿಯಾ ತಥಾ ।
ವಿದ್ಯಾನಾಂ ಬ್ರಹ್ಮವಿದ್ಯಾ ತ್ವಮೋಙ್ಕಾರೋಽಥ ವಷಟ್ ತಥಾ ॥ ೨೩ ॥
ವಿದ್ಯಾನಾಂ ಬ್ರಹ್ಮವಿದ್ಯಾ ತ್ವಮೋಙ್ಕಾರೋಽಥ ವಷಟ್ ತಥಾ ॥ ೨೩ ॥
ನಾರೀಣಾಂ ಪಾರ್ವತೀಂ ಚ ತ್ವಾಂ ಪೌರಾಣೀಮೃಷಯೋ ವಿದುಃ ।
ಅರುನ್ಧತೀ ಚ ಸಾಧ್ವೀನಾಂ ಪ್ರಜಾಪತಿವಚೋ ಯಥಾ ॥ ೨೪ ॥
ಅರುನ್ಧತೀ ಚ ಸಾಧ್ವೀನಾಂ ಪ್ರಜಾಪತಿವಚೋ ಯಥಾ ॥ ೨೪ ॥
ಪರ್ಯಾಯನಾಮಭಿರ್ದಿವ್ಯೈರಿನ್ದ್ರಾಣೀ ಚೇತಿ ವಿಶ್ರುತಾ ।
ತ್ವಯಾ ವ್ಯಾಪ್ತಮಿದಂ ಸರ್ವಂ ಜಗತ್ ಸ್ಥಾವರಜಙ್ಗಮಮ್ ॥ ೨೫ ॥
ತ್ವಯಾ ವ್ಯಾಪ್ತಮಿದಂ ಸರ್ವಂ ಜಗತ್ ಸ್ಥಾವರಜಙ್ಗಮಮ್ ॥ ೨೫ ॥
ಸಙ್ಗ್ರಾಮೇಷು ಚ ಸರ್ವೇಷು ಅಗ್ನಿಪ್ರಜ್ವಲಿತೇಷು ಚ ।
ನದೀತೀರೇಷು ಚೌರೇಷು ಕಾನ್ತಾರೇಷು ಭಯೇಷು ಚ ॥ ೨೬ ॥
ನದೀತೀರೇಷು ಚೌರೇಷು ಕಾನ್ತಾರೇಷು ಭಯೇಷು ಚ ॥ ೨೬ ॥
ಪ್ರವಾಸೇ ರಾಜಬನ್ಧೇ ಚ ಶತ್ರೂಣಾಂ ಚ ಪ್ರಮರ್ದನೇ ।
ಪ್ರಯಾಣಾದ್ಯೇಷು ಸರ್ವೇಷು ತ್ವಂ ಹಿ ರಕ್ಷಾ ನ ಸಂಶಯಃ ॥ ೨೭ ॥
ಪ್ರಯಾಣಾದ್ಯೇಷು ಸರ್ವೇಷು ತ್ವಂ ಹಿ ರಕ್ಷಾ ನ ಸಂಶಯಃ ॥ ೨೭ ॥
ತ್ವಯಿ ಮೇ ಹದಯಂ ದೇವಿ ತ್ವಯಿ ಚಿತ್ತಂ ಮನಸ್ತ್ವಯಿ ।
ರಕ್ಷ ಮಾಂ ಸರ್ವಪಾಪೇಭ್ಯಃ ಪ್ರಸಾದಂ ಕರ್ತುಮರ್ಹಸಿ ॥ ೨೮ ॥
ರಕ್ಷ ಮಾಂ ಸರ್ವಪಾಪೇಭ್ಯಃ ಪ್ರಸಾದಂ ಕರ್ತುಮರ್ಹಸಿ ॥ ೨೮ ॥
॥ ಫಲಶ್ರುತಿ ॥
ಇಮಂ ಯಃ ಸುಸ್ತವಂ ದಿವ್ಯಮಿತಿ ವ್ಯಾಸಪ್ರಕಲ್ಪಿತಮ್ ।
ಯಃ ಪಠೇತ್ ಪ್ರಾತರುತ್ಥಾಯ ಶುಚಿಃ ಪ್ರಯತಮಾನಸಃ ॥ ೨೯ ॥
ಯಃ ಪಠೇತ್ ಪ್ರಾತರುತ್ಥಾಯ ಶುಚಿಃ ಪ್ರಯತಮಾನಸಃ ॥ ೨೯ ॥
ತ್ರಿಭಿರ್ಮಾಸೈಃ ಕಾಙ್ಕ್ಷಿತಂ ಚ ಫಲಂ ವೈ ಸಮ್ಪ್ರಯಚ್ಛಸಿ ।
ಷಡ್ಭಿರ್ಮಾಸೈರ್ವರಿಷ್ಠಂ ತು ವರಮೇಕಂ ಪ್ರಯಚ್ಛಸಿ ॥ ೩೦ ॥
ಷಡ್ಭಿರ್ಮಾಸೈರ್ವರಿಷ್ಠಂ ತು ವರಮೇಕಂ ಪ್ರಯಚ್ಛಸಿ ॥ ೩೦ ॥
ಅರ್ಚಿತಾ ತು ತ್ರಿಭಿರ್ಮಾಸೈರ್ದಿವ್ಯಂ ಚಕ್ಷುಃ ಪ್ರಯಚ್ಛಸಿ ।
ಸಂವತ್ಸರೇಣ ಸಿದ್ಧಿಂ ತು ಯಥಾಕಾಮಂ ಪ್ರಯಚ್ಛಸಿ ॥ ೩೧ ॥
ಸಂವತ್ಸರೇಣ ಸಿದ್ಧಿಂ ತು ಯಥಾಕಾಮಂ ಪ್ರಯಚ್ಛಸಿ ॥ ೩೧ ॥
ಸತ್ಯಂ ಬ್ರಹ್ಮ ಚ ದಿವ್ಯಂ ಚ ದ್ವೈಪಾಯನವಚೋ ಯಥಾ ।
ನೃಣಾಂ ಬನ್ಧಂ ವಧಂ ಘೋರಂ ಪುತ್ರನಾಶಂ ಧನಕ್ಷಯಮ್ ॥ ೩೨ ॥
ನೃಣಾಂ ಬನ್ಧಂ ವಧಂ ಘೋರಂ ಪುತ್ರನಾಶಂ ಧನಕ್ಷಯಮ್ ॥ ೩೨ ॥
ವ್ಯಾಧಿಮೃತ್ಯುಭಯಂ ಚೈವ ಪೂಜಿತಾ ಶಮಯಿಷ್ಯಸಿ ।
ಭವಿಷ್ಯಸಿ ಮಹಾಭಾಗೇ ವರದಾ ಕಾಮರೂಪಿಣೀ ॥ ೩೩ ॥
ಭವಿಷ್ಯಸಿ ಮಹಾಭಾಗೇ ವರದಾ ಕಾಮರೂಪಿಣೀ ॥ ೩೩ ॥
ಮೋಹಯಿತ್ವಾ ಚ ತಂ ಕಂಸಮೇಕಾ ತ್ವಂ ಭೋಕ್ಷ್ಯಸೇ ಜಗತ್ ।
ಅಹಮಪ್ಯಾತ್ಮನೋ ವೃತ್ತಿಂ ವಿಧಾಸ್ಯೇ ಗೋಷು ಗೋಪವತ್ ॥ ೩೪ ॥
ಅಹಮಪ್ಯಾತ್ಮನೋ ವೃತ್ತಿಂ ವಿಧಾಸ್ಯೇ ಗೋಷು ಗೋಪವತ್ ॥ ೩೪ ॥
ಸ್ವವೃದ್ಧ್ಯರ್ಥಮಹಂ ಚೈವ ಕರಿಷ್ಯೇ ಕಂಸಗೋಪತಾಮ್ ।
ಏವಂ ತಾಂ ಸ ಸಮಾದಿಶ್ಯ ಗತೋನ್ತರ್ಧಾನಮೀಶ್ವರಃ ॥ ೩೫ ॥
ಏವಂ ತಾಂ ಸ ಸಮಾದಿಶ್ಯ ಗತೋನ್ತರ್ಧಾನಮೀಶ್ವರಃ ॥ ೩೫ ॥
ಸಾ ಚಾಪಿ ತಂ ನಮಸ್ಕೃತ್ಯ ತಥಾಸ್ತ್ವಿತಿ ಚ ನಿಶ್ಚಿತಾ ।
ಯಶ್ಚೈತತ್ಪಠತೇ ಸ್ತೋತ್ರಂ ಶೃಣುಯಾದ್ವಾಪ್ಯಭೀಕ್ಷ್ಣಶಃ ।
ಸರ್ವಾರ್ಥಸಿದ್ಧಿಂ ಲಭತೇ ನರೋ ನಾಸ್ತ್ಯತ್ರ ಸಂಶಯಃ ॥ ೩೬ ॥
ಯಶ್ಚೈತತ್ಪಠತೇ ಸ್ತೋತ್ರಂ ಶೃಣುಯಾದ್ವಾಪ್ಯಭೀಕ್ಷ್ಣಶಃ ।
ಸರ್ವಾರ್ಥಸಿದ್ಧಿಂ ಲಭತೇ ನರೋ ನಾಸ್ತ್ಯತ್ರ ಸಂಶಯಃ ॥ ೩೬ ॥
॥ ಇತಿ ಶ್ರೀಮಹಾಭಾರತೇ ಖಿಲಭಾಗೇ ಹರಿವಂಶೇ ವಿಷ್ಣುಪರ್ವಣಿ ತೃತೀಯೋಽಧ್ಯಾಯೇ ಆರ್ಯಾ ಸ್ತವಮ್ ॥