॥ ಶ್ರೀ ನಟೇಶ ಸ್ತವಃ ॥
ಹ್ರೀಮತ್ಯಾ ಶಿವಯಾ ವಿರಾಣ್ಮಯಮಜಂ ಹೃತ್ಪಙ್ಕಜಸ್ಥಂ ಸದಾ
ಹ್ರೀಣಾನಾ ಶಿವಕೀರ್ತನೇ ಹಿತಕರಂ ಹೇಲಾಹೃದಾ ಮಾನಿನಾಮ್ ।
ಹೋಬೇರಾದಿಸುಗನ್ಧವಸ್ತುರುಚಿರಂ ಹೇಮಾದ್ರಿಬಾಣಾಸನಂ
ಹ್ರೀಙ್ಕಾರಾದಿಕಪಾದಪೀಠಮಮಲಂ ಹೃದ್ಯಂ ನಟೇಶಂ ಭಜೇ ॥ ೧ ॥
ಹ್ರೀಣಾನಾ ಶಿವಕೀರ್ತನೇ ಹಿತಕರಂ ಹೇಲಾಹೃದಾ ಮಾನಿನಾಮ್ ।
ಹೋಬೇರಾದಿಸುಗನ್ಧವಸ್ತುರುಚಿರಂ ಹೇಮಾದ್ರಿಬಾಣಾಸನಂ
ಹ್ರೀಙ್ಕಾರಾದಿಕಪಾದಪೀಠಮಮಲಂ ಹೃದ್ಯಂ ನಟೇಶಂ ಭಜೇ ॥ ೧ ॥
ಶ್ರೀಮಜ್ಜ್ಞಾನಸಭಾನ್ತರೇ ಪ್ರವಿಲಸಚ್ಛ್ರೀಪಞ್ಚವರ್ಣಾಕೃತಿಂ
ಶ್ರೀವಾಣೀವಿನುತಾಪದಾನನಿಚಯಂ ಶ್ರೀವಲ್ಲಭೇನಾರ್ಚಿತಮ್ ।
ಶ್ರೀವಿದ್ಯಾಮನುಮೋದಿನಂ ಶ್ರಿತಜನಶ್ರೀದಾಯಕಂ ಶ್ರೀಧರಂ
ಶ್ರೀಚಕ್ರಾನ್ತರವಾಸಿನಂ ಶಿವಮಹಂ ಶ್ರೀಮನ್ನಟೇಶಂ ಭಜೇ ॥ ೨ ॥
ಶ್ರೀವಾಣೀವಿನುತಾಪದಾನನಿಚಯಂ ಶ್ರೀವಲ್ಲಭೇನಾರ್ಚಿತಮ್ ।
ಶ್ರೀವಿದ್ಯಾಮನುಮೋದಿನಂ ಶ್ರಿತಜನಶ್ರೀದಾಯಕಂ ಶ್ರೀಧರಂ
ಶ್ರೀಚಕ್ರಾನ್ತರವಾಸಿನಂ ಶಿವಮಹಂ ಶ್ರೀಮನ್ನಟೇಶಂ ಭಜೇ ॥ ೨ ॥
ನವ್ಯಾಮ್ಭೋಜಮುಖಂ ನಮಜ್ಜನನಿಧಿಂ ನಾರಾಯಣೇನಾರ್ಚಿತಂ
ನಾಕೌಕೋನಗರೀನಟೀಲಸಿತಕಂ ನಾಗಾದಿನಾಲಙ್ಕೃತಮ್ ।
ನಾನಾರೂಪಕನರ್ತನಾದಿಚತುರಂ ನಾಲೀಕಜಾನ್ವೇಷಿತಂ
ನಾದಾತ್ಮಾನಮಹಂ ನಗೇನ್ದ್ರತನಯಾನಾಥಂ ನಟೇಶಂ ಭಜೇ ॥ ೩ ॥
ನಾಕೌಕೋನಗರೀನಟೀಲಸಿತಕಂ ನಾಗಾದಿನಾಲಙ್ಕೃತಮ್ ।
ನಾನಾರೂಪಕನರ್ತನಾದಿಚತುರಂ ನಾಲೀಕಜಾನ್ವೇಷಿತಂ
ನಾದಾತ್ಮಾನಮಹಂ ನಗೇನ್ದ್ರತನಯಾನಾಥಂ ನಟೇಶಂ ಭಜೇ ॥ ೩ ॥
ಮಧ್ಯಸ್ಥಂ ಮಧುವೈರಿಮಾರ್ಗಿತಪದಂ ಮದ್ವಂಶನಾಥಂ ಪ್ರಭುಂ
ಮಾರಾತೀತಮತೀವ ಮಞ್ಜುವಪುಷಂ ಮನ್ದಾರಗೌರಪ್ರಭಮ್ ।
ಮಾಯಾತೀತಮಶೇಷಮಙ್ಗಲನಿಧಿಂ ಮದ್ಭಾವನಾಭಾವಿತಂ
ಮಧ್ಯೇವ್ಯೋಮಸಭಾಗುಹಾನ್ತಮಖಿಲಾಕಾಶಂ ನಟೇಶಂ ಭಜೇ ॥ ೪ ॥
ಮಾರಾತೀತಮತೀವ ಮಞ್ಜುವಪುಷಂ ಮನ್ದಾರಗೌರಪ್ರಭಮ್ ।
ಮಾಯಾತೀತಮಶೇಷಮಙ್ಗಲನಿಧಿಂ ಮದ್ಭಾವನಾಭಾವಿತಂ
ಮಧ್ಯೇವ್ಯೋಮಸಭಾಗುಹಾನ್ತಮಖಿಲಾಕಾಶಂ ನಟೇಶಂ ಭಜೇ ॥ ೪ ॥
ಶಿಷ್ಟೈಃ ಪೂಜಿತಪಾದುಕಂ ಶಿವಕರಂ ಶೀತಾಂಶುರೇಖಾಧರಂ
ಶಿಲ್ಪಂ ಭಕ್ತಜನಾವನೇ ಶಿಥಿಲಿತಾಘೌಘಂ ಶಿವಾಯಾಃ ಪ್ರಿಯಮ್ ।
ಶಿಕ್ಷಾರಕ್ಷಣಮಮ್ಬುಜಾಸನಶಿರಃ ಸಂಹಾರಶೀಲಪ್ರಭುಂ
ಶೀತಾಪಾಙ್ಗವಿಲೋಚನಂ ಶಿವಮಹಂ ಶ್ರೀಮನ್ನಟೇಶಂ ಭಜೇ ॥ ೫ ॥
ಶಿಲ್ಪಂ ಭಕ್ತಜನಾವನೇ ಶಿಥಿಲಿತಾಘೌಘಂ ಶಿವಾಯಾಃ ಪ್ರಿಯಮ್ ।
ಶಿಕ್ಷಾರಕ್ಷಣಮಮ್ಬುಜಾಸನಶಿರಃ ಸಂಹಾರಶೀಲಪ್ರಭುಂ
ಶೀತಾಪಾಙ್ಗವಿಲೋಚನಂ ಶಿವಮಹಂ ಶ್ರೀಮನ್ನಟೇಶಂ ಭಜೇ ॥ ೫ ॥
ವಾಣೀವಲ್ಲಭವನ್ದ್ಯವೈಭವಯುತಂ ವನ್ದಾರುಚಿನ್ತಾಮಣಿಂ
ವಾತಾಶಾಧಿಪಭೂಷಣಂ ಪರಕೃಪಾವಾರಾನ್ನಿಧಿಂ ಯೋಗಿನಾಮ್ ।
ವಾಞ್ಛಾಪೂರ್ತಿಕರಂ ವಲಾರಿವಿನುತಂ ವಾಹೀಕೃತಾಮ್ನಾಯಕಂ
ವಾಮಙ್ಗಾತ್ತವರಾಙ್ಗನಂ ಮಮ ಹೃದಾವಾಸಂ ನಟೇಶಂ ಭಜೇ ॥ ೬ ॥
ವಾತಾಶಾಧಿಪಭೂಷಣಂ ಪರಕೃಪಾವಾರಾನ್ನಿಧಿಂ ಯೋಗಿನಾಮ್ ।
ವಾಞ್ಛಾಪೂರ್ತಿಕರಂ ವಲಾರಿವಿನುತಂ ವಾಹೀಕೃತಾಮ್ನಾಯಕಂ
ವಾಮಙ್ಗಾತ್ತವರಾಙ್ಗನಂ ಮಮ ಹೃದಾವಾಸಂ ನಟೇಶಂ ಭಜೇ ॥ ೬ ॥
ಯಕ್ಷಾಧೀಶಸಖಂ ಯಮಪ್ರಮಥನಂ ಯಾಮಿನ್ಯಧೀಶಾಸನಂ
ಯಜ್ಞಧ್ವಂಸಕರಂ ಯತೀನ್ದ್ರವಿನುತಂ ಯಜ್ಞಕ್ರಿಯಾದೀಶ್ವರಮ್ ।
ಯಾಜ್ಯಂ ಯಾಜಕರೂಪಿಣಂ ಯಮಧನೈರ್ಯತ್ನೋಪಲಭ್ಯಾಙ್ಘ್ರಿಕಂ
ವಾಜೀಭೂತವೃಷಂ ಸದಾ ಹೃದಿ ಮಮಾಯತ್ತಂ ನಟೇಶಂ ಭಜೇ ॥ ೭ ॥
ಯಜ್ಞಧ್ವಂಸಕರಂ ಯತೀನ್ದ್ರವಿನುತಂ ಯಜ್ಞಕ್ರಿಯಾದೀಶ್ವರಮ್ ।
ಯಾಜ್ಯಂ ಯಾಜಕರೂಪಿಣಂ ಯಮಧನೈರ್ಯತ್ನೋಪಲಭ್ಯಾಙ್ಘ್ರಿಕಂ
ವಾಜೀಭೂತವೃಷಂ ಸದಾ ಹೃದಿ ಮಮಾಯತ್ತಂ ನಟೇಶಂ ಭಜೇ ॥ ೭ ॥
॥ ಫಲಶ್ರುತಿ ॥
ಮಾಯಾಶ್ರೀವಿಲಸಚ್ಚಿದಮ್ಬರಮಹಾಪಞ್ಚಾಕ್ಷರೈರಙ್ಕಿತಾನ್
ಶ್ಲೋಕಾನ್ ಸಪ್ತ ಪಠನ್ತಿ ಯೇಽನುದಿವಸಂ ಚಿನ್ತಾಮಣೀನಾಮಕಾನ್ ।
ತೇಷಾಂ ಭಾಗ್ಯಮನೇಕಮಾಯುರಧಿಕಾನ್ ವಿದ್ವದ್ವರಾನ್ ಸತ್ಸುತಾನ್
ಸರ್ವಾಭೀಷ್ಟಮಸೌ ದದಾತಿ ಸಹಸಾ ಶ್ರೀಮತ್ಸಭಾಧೀಶ್ವರಃ ॥ ೮ ॥
ಶ್ಲೋಕಾನ್ ಸಪ್ತ ಪಠನ್ತಿ ಯೇಽನುದಿವಸಂ ಚಿನ್ತಾಮಣೀನಾಮಕಾನ್ ।
ತೇಷಾಂ ಭಾಗ್ಯಮನೇಕಮಾಯುರಧಿಕಾನ್ ವಿದ್ವದ್ವರಾನ್ ಸತ್ಸುತಾನ್
ಸರ್ವಾಭೀಷ್ಟಮಸೌ ದದಾತಿ ಸಹಸಾ ಶ್ರೀಮತ್ಸಭಾಧೀಶ್ವರಃ ॥ ೮ ॥
॥ ಇತಿ ಶ್ರೀ ನಟೇಶ ಸ್ತವಃ ಸಮ್ಪೂರ್ಣಮ್ ॥