॥ శ్రీ నటేశ స్తవః ॥
హ్రీమత్యా శివయా విరాణ్మయమజం హృత్పఙ్కజస్థం సదా
హ్రీణానా శివకీర్తనే హితకరం హేలాహృదా మానినామ్ ।
హోబేరాదిసుగన్ధవస్తురుచిరం హేమాద్రిబాణాసనం
హ్రీఙ్కారాదికపాదపీఠమమలం హృద్యం నటేశం భజే ॥ ౧ ॥
హ్రీణానా శివకీర్తనే హితకరం హేలాహృదా మానినామ్ ।
హోబేరాదిసుగన్ధవస్తురుచిరం హేమాద్రిబాణాసనం
హ్రీఙ్కారాదికపాదపీఠమమలం హృద్యం నటేశం భజే ॥ ౧ ॥
శ్రీమజ్జ్ఞానసభాన్తరే ప్రవిలసచ్ఛ్రీపఞ్చవర్ణాకృతిం
శ్రీవాణీవినుతాపదాననిచయం శ్రీవల్లభేనార్చితమ్ ।
శ్రీవిద్యామనుమోదినం శ్రితజనశ్రీదాయకం శ్రీధరం
శ్రీచక్రాన్తరవాసినం శివమహం శ్రీమన్నటేశం భజే ॥ ౨ ॥
శ్రీవాణీవినుతాపదాననిచయం శ్రీవల్లభేనార్చితమ్ ।
శ్రీవిద్యామనుమోదినం శ్రితజనశ్రీదాయకం శ్రీధరం
శ్రీచక్రాన్తరవాసినం శివమహం శ్రీమన్నటేశం భజే ॥ ౨ ॥
నవ్యామ్భోజముఖం నమజ్జననిధిం నారాయణేనార్చితం
నాకౌకోనగరీనటీలసితకం నాగాదినాలఙ్కృతమ్ ।
నానారూపకనర్తనాదిచతురం నాలీకజాన్వేషితం
నాదాత్మానమహం నగేన్ద్రతనయానాథం నటేశం భజే ॥ ౩ ॥
నాకౌకోనగరీనటీలసితకం నాగాదినాలఙ్కృతమ్ ।
నానారూపకనర్తనాదిచతురం నాలీకజాన్వేషితం
నాదాత్మానమహం నగేన్ద్రతనయానాథం నటేశం భజే ॥ ౩ ॥
మధ్యస్థం మధువైరిమార్గితపదం మద్వంశనాథం ప్రభుం
మారాతీతమతీవ మఞ్జువపుషం మన్దారగౌరప్రభమ్ ।
మాయాతీతమశేషమఙ్గలనిధిం మద్భావనాభావితం
మధ్యేవ్యోమసభాగుహాన్తమఖిలాకాశం నటేశం భజే ॥ ౪ ॥
మారాతీతమతీవ మఞ్జువపుషం మన్దారగౌరప్రభమ్ ।
మాయాతీతమశేషమఙ్గలనిధిం మద్భావనాభావితం
మధ్యేవ్యోమసభాగుహాన్తమఖిలాకాశం నటేశం భజే ॥ ౪ ॥
శిష్టైః పూజితపాదుకం శివకరం శీతాంశురేఖాధరం
శిల్పం భక్తజనావనే శిథిలితాఘౌఘం శివాయాః ప్రియమ్ ।
శిక్షారక్షణమమ్బుజాసనశిరః సంహారశీలప్రభుం
శీతాపాఙ్గవిలోచనం శివమహం శ్రీమన్నటేశం భజే ॥ ౫ ॥
శిల్పం భక్తజనావనే శిథిలితాఘౌఘం శివాయాః ప్రియమ్ ।
శిక్షారక్షణమమ్బుజాసనశిరః సంహారశీలప్రభుం
శీతాపాఙ్గవిలోచనం శివమహం శ్రీమన్నటేశం భజే ॥ ౫ ॥
వాణీవల్లభవన్ద్యవైభవయుతం వన్దారుచిన్తామణిం
వాతాశాధిపభూషణం పరకృపావారాన్నిధిం యోగినామ్ ।
వాఞ్ఛాపూర్తికరం వలారివినుతం వాహీకృతామ్నాయకం
వామఙ్గాత్తవరాఙ్గనం మమ హృదావాసం నటేశం భజే ॥ ౬ ॥
వాతాశాధిపభూషణం పరకృపావారాన్నిధిం యోగినామ్ ।
వాఞ్ఛాపూర్తికరం వలారివినుతం వాహీకృతామ్నాయకం
వామఙ్గాత్తవరాఙ్గనం మమ హృదావాసం నటేశం భజే ॥ ౬ ॥
యక్షాధీశసఖం యమప్రమథనం యామిన్యధీశాసనం
యజ్ఞధ్వంసకరం యతీన్ద్రవినుతం యజ్ఞక్రియాదీశ్వరమ్ ।
యాజ్యం యాజకరూపిణం యమధనైర్యత్నోపలభ్యాఙ్ఘ్రికం
వాజీభూతవృషం సదా హృది మమాయత్తం నటేశం భజే ॥ ౭ ॥
యజ్ఞధ్వంసకరం యతీన్ద్రవినుతం యజ్ఞక్రియాదీశ్వరమ్ ।
యాజ్యం యాజకరూపిణం యమధనైర్యత్నోపలభ్యాఙ్ఘ్రికం
వాజీభూతవృషం సదా హృది మమాయత్తం నటేశం భజే ॥ ౭ ॥
॥ ఫలశ్రుతి ॥
మాయాశ్రీవిలసచ్చిదమ్బరమహాపఞ్చాక్షరైరఙ్కితాన్
శ్లోకాన్ సప్త పఠన్తి యేఽనుదివసం చిన్తామణీనామకాన్ ।
తేషాం భాగ్యమనేకమాయురధికాన్ విద్వద్వరాన్ సత్సుతాన్
సర్వాభీష్టమసౌ దదాతి సహసా శ్రీమత్సభాధీశ్వరః ॥ ౮ ॥
శ్లోకాన్ సప్త పఠన్తి యేఽనుదివసం చిన్తామణీనామకాన్ ।
తేషాం భాగ్యమనేకమాయురధికాన్ విద్వద్వరాన్ సత్సుతాన్
సర్వాభీష్టమసౌ దదాతి సహసా శ్రీమత్సభాధీశ్వరః ॥ ౮ ॥
॥ ఇతి శ్రీ నటేశ స్తవః సమ్పూర్ణమ్ ॥