॥ శ్రీ పార్వతీ పఞ్చకమ్ ॥
ధరాధరేన్ద్రనన్దినీ శశాఙ్కమౌలిసఙ్గినీ
సురేశశక్తివర్ధినీ నితాన్తకాన్తకామినీ ।
నిశాచరేన్ద్రమర్దినీ త్రిశూలశూలధారిణీ
మనోవ్యథావిదారిణీ శివం తనోతు పార్వతీ ॥ ౧ ॥
సురేశశక్తివర్ధినీ నితాన్తకాన్తకామినీ ।
నిశాచరేన్ద్రమర్దినీ త్రిశూలశూలధారిణీ
మనోవ్యథావిదారిణీ శివం తనోతు పార్వతీ ॥ ౧ ॥
భుజఙ్గతల్పశాయినీ మహోగ్రకాన్తభామినీ
ప్రకాశపుఞ్జదామినీ విచిత్రచిత్రకారిణీ ।
ప్రచణ్డశత్రుధర్షిణీ దయాప్రవాహవర్షిణీ
సదా సుభాగ్యదాయినీ శివం తనోతు పార్వతీ ॥ ౨ ॥
ప్రకాశపుఞ్జదామినీ విచిత్రచిత్రకారిణీ ।
ప్రచణ్డశత్రుధర్షిణీ దయాప్రవాహవర్షిణీ
సదా సుభాగ్యదాయినీ శివం తనోతు పార్వతీ ॥ ౨ ॥
ప్రకృష్టసృష్టికారికా ప్రచణ్డనృత్యనర్తికా
పినాకపాణిధారికా గిరీశశృఙ్గమాలికా ।
సమస్తభక్తపాలికా పీయూషపూర్ణవర్షికా
కుభాగ్యరేఖమార్జికా శివం తనోతు పార్వతీ ॥ ౩ ॥
పినాకపాణిధారికా గిరీశశృఙ్గమాలికా ।
సమస్తభక్తపాలికా పీయూషపూర్ణవర్షికా
కుభాగ్యరేఖమార్జికా శివం తనోతు పార్వతీ ॥ ౩ ॥
తపశ్చరీ కుమారికా జగత్పరా ప్రహేలికా
విశుద్ధభావసాధికా సుధాసరిత్ప్రవాహికా ।
ప్రయత్నపక్షపోషికా సదార్తిభావతోషికా
శనిగ్రహాదితర్జికా శివం తనోతు పార్వతీ ॥ ౪ ॥
విశుద్ధభావసాధికా సుధాసరిత్ప్రవాహికా ।
ప్రయత్నపక్షపోషికా సదార్తిభావతోషికా
శనిగ్రహాదితర్జికా శివం తనోతు పార్వతీ ॥ ౪ ॥
శుభఙ్కరీ శివఙ్కరీ విభాకరీ నిశాచరీ
నభశ్చరీ ధరాచరీ సమస్తసృష్టిసఞ్చరీ ।
తమోహరీ మనోహరీ మృగాఙ్కమౌలిసున్దరీ
సదోగ్రతాపసఞ్చరీ శివం తనోతు పార్వతీ ॥ ౫ ॥
నభశ్చరీ ధరాచరీ సమస్తసృష్టిసఞ్చరీ ।
తమోహరీ మనోహరీ మృగాఙ్కమౌలిసున్దరీ
సదోగ్రతాపసఞ్చరీ శివం తనోతు పార్వతీ ॥ ౫ ॥
॥ ఫలశ్రుతి ॥
పార్వతీ పఞ్చకం నిత్యం ధీయతే యా కుమారికా
దుష్కృతం నిఖిలం హత్వా వరం ప్రాప్నోతి సున్దరమ్ ।
హే గౌరీ శఙ్కరార్ధాఙ్గీ యథా త్వం శఙ్కరప్రియా
తథా మాం కురు కల్యాణీ కాన్త కాన్తాం సుదుర్లభామ్ ॥ ౬ ॥
దుష్కృతం నిఖిలం హత్వా వరం ప్రాప్నోతి సున్దరమ్ ।
హే గౌరీ శఙ్కరార్ధాఙ్గీ యథా త్వం శఙ్కరప్రియా
తథా మాం కురు కల్యాణీ కాన్త కాన్తాం సుదుర్లభామ్ ॥ ౬ ॥
॥ ఇతి శ్రీ పార్వతీ పఞ్చక స్తోత్రమ్ సమ్పూర్ణమ్ ॥