॥ শ্ৰী ৱাৰাহ্যনুগ্ৰহাষ্টকম্ ॥
॥ ঈশ্ৱৰ উৱাচ॥
মাতৰ্জগদ্ৰচননাটকসূত্ৰধাৰ-স্ত্ৱদ্ৰূপমাকলযিতুং পৰমাৰ্থতোঽযম্ ।
ঈশোঽপ্যমীশ্ৱৰপদং সমুপৈতি তাদৃক্ কোঽন্যঃ স্তৱং কিমিৱ তাৱকমাদধাতু ॥ ১ ॥
ঈশোঽপ্যমীশ্ৱৰপদং সমুপৈতি তাদৃক্ কোঽন্যঃ স্তৱং কিমিৱ তাৱকমাদধাতু ॥ ১ ॥
নামানি কিন্তু গৃণতস্তৱ লোকতুণ্ডে নাডম্বৰং স্পৃশতি দণ্ডধৰস্য দণ্ডঃ ।
যল্লেশলম্বিতভৱাম্বুনিধিৰ্যতোঽযত্ ত্ৱন্নামসংস্মৃতিৰিযং ন নুনঃ স্তুতিস্তে ॥ ২ ॥
যল্লেশলম্বিতভৱাম্বুনিধিৰ্যতোঽযত্ ত্ৱন্নামসংস্মৃতিৰিযং ন নুনঃ স্তুতিস্তে ॥ ২ ॥
ত্ৱচ্চিন্তনাদৰসমুল্লসদপ্ৰমেযা-ঽঽনন্দোদযাত্সমুদিতঃ স্ফুটৰোমহৰ্ষঃ ।
মাতৰ্নমামি সুদিনানি সদেত্যমুং ত্ৱা-মভ্যৰ্থযেঽৰ্থমিতি পূৰযতাদ্দযালো ॥ ৩ ॥
মাতৰ্নমামি সুদিনানি সদেত্যমুং ত্ৱা-মভ্যৰ্থযেঽৰ্থমিতি পূৰযতাদ্দযালো ॥ ৩ ॥
ইন্দ্ৰেন্দুমৌলিৱিধিকেশৱমৌলিৰত্ন-ৰোচিশ্চযোজ্জ্ৱলিতপাদসৰোজযুগ্মে ।
চেতো নতৌ মম সদা প্ৰতিবিম্বিতা ত্ৱং ভূযা ভৱানী ভৱনাশিনি ভাৱযে ত্ৱাম্ ॥ ৪ ॥
চেতো নতৌ মম সদা প্ৰতিবিম্বিতা ত্ৱং ভূযা ভৱানী ভৱনাশিনি ভাৱযে ত্ৱাম্ ॥ ৪ ॥
লীলোদ্ধৃতক্ষিতিতলস্য ৱৰাহমূৰ্তে-ৰ্ৱাৰাহমূৰ্তিৰখিলাৰ্থকৰী ত্ৱমেৱ ।
প্ৰালেযৰশ্মিসুকলোল্লসিতাৱতংসা ত্ৱং দেৱি ৱামতনুভাগহৰা হৰস্য ॥ ৫ ॥
প্ৰালেযৰশ্মিসুকলোল্লসিতাৱতংসা ত্ৱং দেৱি ৱামতনুভাগহৰা হৰস্য ॥ ৫ ॥
ত্ৱামম্ব তপ্তকনকোজ্জ্ৱলকান্তিমন্ত-ৰ্যে চিন্তযন্তি যুৱতীতনু মাগলান্তাম্ ।
চক্ৰাযুধাং ত্ৰিনযনাং ৱৰপোতৃৱক্ত্ৰাং তেষাং পদাম্বুজযুগং প্ৰণমন্তি দেৱাঃ ॥ ৬ ॥
চক্ৰাযুধাং ত্ৰিনযনাং ৱৰপোতৃৱক্ত্ৰাং তেষাং পদাম্বুজযুগং প্ৰণমন্তি দেৱাঃ ॥ ৬ ॥
ত্ৱত্সেৱনস্খলিতপাপচযস্য মাত-ৰ্মোক্ষোঽপি যস্য ন সতো গণনামুপৈতি ।
দেৱাসুৰোৰগনৃপূজিতপাদপীঠঃ কস্যাঃ শ্ৰিযঃ স খলু ভাজনতাং ন ধত্তে ॥ ৭ ॥
দেৱাসুৰোৰগনৃপূজিতপাদপীঠঃ কস্যাঃ শ্ৰিযঃ স খলু ভাজনতাং ন ধত্তে ॥ ৭ ॥
কিং দুষ্কৰং ত্ৱযি মনোৱিষযং গতাযাং কিং দুৰ্লভং ত্ৱযি ৱিধানুৱদৰ্চিতাযাম্ ।
কিং দুৰ্ভৰং ত্ৱযি সকৃত্ স্মৃতিমাগতাযাং কিং দুৰ্জযং ত্ৱযি কৃতস্তুতিৱাদপুংসাম্ ॥ ৮ ॥
কিং দুৰ্ভৰং ত্ৱযি সকৃত্ স্মৃতিমাগতাযাং কিং দুৰ্জযং ত্ৱযি কৃতস্তুতিৱাদপুংসাম্ ॥ ৮ ॥
॥ ইতি শ্ৰী ৱাৰাহ্যনুগ্ৰহাষ্টকম্ সম্পূৰ্ণম্ ॥