॥ ಶ್ರೀ ವಾರಾಹ್ಯನುಗ್ರಹಾಷ್ಟಕಮ್ ॥
॥ ಈಶ್ವರ ಉವಾಚ॥
ಮಾತರ್ಜಗದ್ರಚನನಾಟಕಸೂತ್ರಧಾರ-ಸ್ತ್ವದ್ರೂಪಮಾಕಲಯಿತುಂ ಪರಮಾರ್ಥತೋಽಯಮ್ ।
ಈಶೋಽಪ್ಯಮೀಶ್ವರಪದಂ ಸಮುಪೈತಿ ತಾದೃಕ್ ಕೋಽನ್ಯಃ ಸ್ತವಂ ಕಿಮಿವ ತಾವಕಮಾದಧಾತು ॥ ೧ ॥
ಈಶೋಽಪ್ಯಮೀಶ್ವರಪದಂ ಸಮುಪೈತಿ ತಾದೃಕ್ ಕೋಽನ್ಯಃ ಸ್ತವಂ ಕಿಮಿವ ತಾವಕಮಾದಧಾತು ॥ ೧ ॥
ನಾಮಾನಿ ಕಿನ್ತು ಗೃಣತಸ್ತವ ಲೋಕತುಣ್ಡೇ ನಾಡಮ್ಬರಂ ಸ್ಪೃಶತಿ ದಣ್ಡಧರಸ್ಯ ದಣ್ಡಃ ।
ಯಲ್ಲೇಶಲಮ್ಬಿತಭವಾಮ್ಬುನಿಧಿರ್ಯತೋಽಯತ್ ತ್ವನ್ನಾಮಸಂಸ್ಮೃತಿರಿಯಂ ನ ನುನಃ ಸ್ತುತಿಸ್ತೇ ॥ ೨ ॥
ಯಲ್ಲೇಶಲಮ್ಬಿತಭವಾಮ್ಬುನಿಧಿರ್ಯತೋಽಯತ್ ತ್ವನ್ನಾಮಸಂಸ್ಮೃತಿರಿಯಂ ನ ನುನಃ ಸ್ತುತಿಸ್ತೇ ॥ ೨ ॥
ತ್ವಚ್ಚಿನ್ತನಾದರಸಮುಲ್ಲಸದಪ್ರಮೇಯಾ-ಽಽನನ್ದೋದಯಾತ್ಸಮುದಿತಃ ಸ್ಫುಟರೋಮಹರ್ಷಃ ।
ಮಾತರ್ನಮಾಮಿ ಸುದಿನಾನಿ ಸದೇತ್ಯಮುಂ ತ್ವಾ-ಮಭ್ಯರ್ಥಯೇಽರ್ಥಮಿತಿ ಪೂರಯತಾದ್ದಯಾಲೋ ॥ ೩ ॥
ಮಾತರ್ನಮಾಮಿ ಸುದಿನಾನಿ ಸದೇತ್ಯಮುಂ ತ್ವಾ-ಮಭ್ಯರ್ಥಯೇಽರ್ಥಮಿತಿ ಪೂರಯತಾದ್ದಯಾಲೋ ॥ ೩ ॥
ಇನ್ದ್ರೇನ್ದುಮೌಲಿವಿಧಿಕೇಶವಮೌಲಿರತ್ನ-ರೋಚಿಶ್ಚಯೋಜ್ಜ್ವಲಿತಪಾದಸರೋಜಯುಗ್ಮೇ ।
ಚೇತೋ ನತೌ ಮಮ ಸದಾ ಪ್ರತಿಬಿಮ್ಬಿತಾ ತ್ವಂ ಭೂಯಾ ಭವಾನೀ ಭವನಾಶಿನಿ ಭಾವಯೇ ತ್ವಾಮ್ ॥ ೪ ॥
ಚೇತೋ ನತೌ ಮಮ ಸದಾ ಪ್ರತಿಬಿಮ್ಬಿತಾ ತ್ವಂ ಭೂಯಾ ಭವಾನೀ ಭವನಾಶಿನಿ ಭಾವಯೇ ತ್ವಾಮ್ ॥ ೪ ॥
ಲೀಲೋದ್ಧೃತಕ್ಷಿತಿತಲಸ್ಯ ವರಾಹಮೂರ್ತೇ-ರ್ವಾರಾಹಮೂರ್ತಿರಖಿಲಾರ್ಥಕರೀ ತ್ವಮೇವ ।
ಪ್ರಾಲೇಯರಶ್ಮಿಸುಕಲೋಲ್ಲಸಿತಾವತಂಸಾ ತ್ವಂ ದೇವಿ ವಾಮತನುಭಾಗಹರಾ ಹರಸ್ಯ ॥ ೫ ॥
ಪ್ರಾಲೇಯರಶ್ಮಿಸುಕಲೋಲ್ಲಸಿತಾವತಂಸಾ ತ್ವಂ ದೇವಿ ವಾಮತನುಭಾಗಹರಾ ಹರಸ್ಯ ॥ ೫ ॥
ತ್ವಾಮಮ್ಬ ತಪ್ತಕನಕೋಜ್ಜ್ವಲಕಾನ್ತಿಮನ್ತ-ರ್ಯೇ ಚಿನ್ತಯನ್ತಿ ಯುವತೀತನು ಮಾಗಲಾನ್ತಾಮ್ ।
ಚಕ್ರಾಯುಧಾಂ ತ್ರಿನಯನಾಂ ವರಪೋತೃವಕ್ತ್ರಾಂ ತೇಷಾಂ ಪದಾಮ್ಬುಜಯುಗಂ ಪ್ರಣಮನ್ತಿ ದೇವಾಃ ॥ ೬ ॥
ಚಕ್ರಾಯುಧಾಂ ತ್ರಿನಯನಾಂ ವರಪೋತೃವಕ್ತ್ರಾಂ ತೇಷಾಂ ಪದಾಮ್ಬುಜಯುಗಂ ಪ್ರಣಮನ್ತಿ ದೇವಾಃ ॥ ೬ ॥
ತ್ವತ್ಸೇವನಸ್ಖಲಿತಪಾಪಚಯಸ್ಯ ಮಾತ-ರ್ಮೋಕ್ಷೋಽಪಿ ಯಸ್ಯ ನ ಸತೋ ಗಣನಾಮುಪೈತಿ ।
ದೇವಾಸುರೋರಗನೃಪೂಜಿತಪಾದಪೀಠಃ ಕಸ್ಯಾಃ ಶ್ರಿಯಃ ಸ ಖಲು ಭಾಜನತಾಂ ನ ಧತ್ತೇ ॥ ೭ ॥
ದೇವಾಸುರೋರಗನೃಪೂಜಿತಪಾದಪೀಠಃ ಕಸ್ಯಾಃ ಶ್ರಿಯಃ ಸ ಖಲು ಭಾಜನತಾಂ ನ ಧತ್ತೇ ॥ ೭ ॥
ಕಿಂ ದುಷ್ಕರಂ ತ್ವಯಿ ಮನೋವಿಷಯಂ ಗತಾಯಾಂ ಕಿಂ ದುರ್ಲಭಂ ತ್ವಯಿ ವಿಧಾನುವದರ್ಚಿತಾಯಾಮ್ ।
ಕಿಂ ದುರ್ಭರಂ ತ್ವಯಿ ಸಕೃತ್ ಸ್ಮೃತಿಮಾಗತಾಯಾಂ ಕಿಂ ದುರ್ಜಯಂ ತ್ವಯಿ ಕೃತಸ್ತುತಿವಾದಪುಂಸಾಮ್ ॥ ೮ ॥
ಕಿಂ ದುರ್ಭರಂ ತ್ವಯಿ ಸಕೃತ್ ಸ್ಮೃತಿಮಾಗತಾಯಾಂ ಕಿಂ ದುರ್ಜಯಂ ತ್ವಯಿ ಕೃತಸ್ತುತಿವಾದಪುಂಸಾಮ್ ॥ ೮ ॥
॥ ಇತಿ ಶ್ರೀ ವಾರಾಹ್ಯನುಗ್ರಹಾಷ್ಟಕಮ್ ಸಮ್ಪೂರ್ಣಮ್ ॥