ଶ୍ରୀ ଵେଙ୍କଟେଶ୍ଵର ଶରଣାଗତି ଗଦ୍ଯମ୍

ଯୋ ନିତ୍ଯମଚ୍ଯୁତପଦାମ୍ବୁଜଯୁଗ୍ମରୁକ୍ମ
ଵ୍ଯାମୋହତସ୍ତଦିତରାଣି ତୃଣାଯ ମେନେ ।
ଅସ୍ମଦ୍ଗୁରୋର୍ଭଗଵତୋଽସ୍ଯ ଦଯୈକସିନ୍ଧୋଃ
ରାମାନୁଜସ୍ଯ ଚରଣୌ ଶରଣଂ ପ୍ରପଦ୍ଯେ ॥
ଵନ୍ଦେ ଵେଦାନ୍ତକର୍ପୂରଚାମୀକର କରଣ୍ଡକମ୍ ।
ରାମାନୁଜାର୍ଯମାର୍ଯାଣାଂ ଚୂଡାମଣିମହର୍ନିଶମ୍ ॥
ଓମ୍ ॥ ଭଗଵନ୍ନାରାଯଣାଭିମତାନୁରୂପ ସ୍ଵରୂପରୂପ ଗୁଣଵିଭଵୈଶ୍ଵର୍ଯ ଶୀଲାଦ୍ଯନଵଧିକାତିଶଯ ଅସଙ୍ଖ୍ଯେଯ କଲ୍ଯାଣଗୁଣଗଣାଂ ପଦ୍ମଵନାଲଯାଂ ଭଗଵତୀଂ ଶ୍ରିଯଂ ଦେଵୀଂ ନିତ୍ଯାନପାଯିନୀଂ ନିରଵଦ୍ଯାଂ ଦେଵଦେଵଦିଵ୍ଯମହିଷୀଂ ଅଖିଲଜଗନ୍ମାତରଂ ଅସ୍ମନ୍ମାତରଂ ଅଶରଣ୍ଯଶରଣ୍ଯାଂ ଅନନ୍ଯଶରଣଃ ଶରଣମହଂ ପ୍ରପଦ୍ଯେ ॥
ପାରମାର୍ଥିକ ଭଗଵଚ୍ଚରଣାରଵିନ୍ଦ ଯୁଗଲୈକାନ୍ତିକାତ୍ଯନ୍ତିକ ପରଭକ୍ତି ପରଜ୍ଞାନ ପରମଭକ୍ତିକୃତ ପରିପୂର୍ଣାନଵରତ ନିତ୍ଯଵିଶଦତମାନନ୍ଯ ପ୍ରଯୋଜନାନଵଧିକାତିଶଯ ପ୍ରିଯ ଭଗଵଦନୁଭଵଜନିତାନଵଧିକାତିଶଯ ପ୍ରୀତିକାରିତାଶେଷାଵସ୍ଥୋଚିତ ଅଶେଷଶେଷତୈକରତିରୂପ ନିତ୍ଯକୈଙ୍କର୍ଯପ୍ରାପ୍ତ୍ଯପେକ୍ଷଯା ପାରମାର୍ଥିକୀ ଭଗଵଚ୍ଚରଣାରଵିନ୍ଦ ଶରଣାଗତିଃ ଯଥାଵସ୍ଥିତା ଅଵିରତାଽସ୍ତୁ ମେ ॥
ଅସ୍ତୁ ତେ । ତଯୈଵ ସର୍ଵଂ ସମ୍ପତ୍ସ୍ଯତେ ॥
ଅଖିଲହେଯପ୍ରତ୍ଯନୀକ କଲ୍ଯାଣୈକତାନ, ସ୍ଵେତର ସମସ୍ତଵସ୍ତୁଵିଲକ୍ଷଣାନନ୍ତ ଜ୍ଞାନାନନ୍ଦୈକସ୍ଵରୂପ, ସ୍ଵାଭିମତାନୁରୂପୈକରୂପାଚିନ୍ତ୍ଯ ଦିଵ୍ଯାଦ୍ଭୁତ ନିତ୍ଯନିରଵଦ୍ଯ ନିରତିଶଯୌଜ୍ଜ୍ଵଲ୍ଯ ସୌନ୍ଦର୍ଯ ସୌଗନ୍ଧ୍ଯ ସୌକୁମାର୍ଯ ଲାଵଣ୍ଯ ଯୌଵନାଦ୍ଯନନ୍ତଗୁଣନିଧି ଦିଵ୍ଯରୂପ, ସ୍ଵାଭାଵିକାନଵଧିକାତିଶଯ ଜ୍ଞାନ ବଲୈଶ୍ଵର୍ଯ ଵୀର୍ଯ ଶକ୍ତି ତେଜସ୍ସୌଶୀଲ୍ଯ ଵାତ୍ସଲ୍ଯ ମାର୍ଦଵାର୍ଜଵ ସୌହାର୍ଦ ସାମ୍ଯ କାରୁଣ୍ଯ ମାଧୁର୍ଯ ଗାମ୍ଭୀର୍ଯୌଦାର୍ଯ ଚାତୁର୍ଯ ସ୍ଥୈର୍ଯ ଧୈର୍ଯ ଶୌର୍ଯ ପରାକ୍ରମ ସତ୍ଯକାମ ସତ୍ଯସଙ୍କଲ୍ପ କୃତିତ୍ଵ କୃତଜ୍ଞତାଦ୍ଯସଙ୍ଖ୍ଯେଯ କଲ୍ଯାଣଗୁଣଗଣୌଘ ମହାର୍ଣଵ,
ସ୍ଵୋଚିତ ଵିଵିଧ ଵିଚିତ୍ରାନନ୍ତାଶ୍ଚର୍ଯ ନିତ୍ଯ ନିରଵଦ୍ଯ ନିରତିଶଯ ସୁଗନ୍ଧ ନିରତିଶଯ ସୁଖସ୍ପର୍ଶ ନିରତିଶଯୌଜ୍ଜ୍ଵଲ୍ଯ କିରୀଟ ମକୁଟ ଚୂଡାଵତଂସ ମକରକୁଣ୍ଡଲ ଗ୍ରୈଵେଯକ ହାର କେଯୂର କଟକ ଶ୍ରୀଵତ୍ସ କୌସ୍ତୁଭ ମୁକ୍ତାଦାମୋଦରବନ୍ଧନ ପୀତାମ୍ବର କାଞ୍ଚୀଗୁଣ ନୂପୁରାଦ୍ଯପରିମିତ ଦିଵ୍ଯଭୂଷଣ, ସ୍ଵାନୁରୂପାଚିନ୍ତ୍ଯଶକ୍ତି ଶଙ୍ଖଚକ୍ରଗଦାଽସି ଶାର୍ଙ୍ଗାଦ୍ଯସଙ୍ଖ୍ଯେଯ
ନିତ୍ଯନିରଵଦ୍ଯ ନିରତିଶଯ କଲ୍ଯାଣଦିଵ୍ଯାଯୁଧ,
ସ୍ଵାଭିମତ ନିତ୍ଯନିରଵଦ୍ଯାନୁରୂପ ସ୍ଵରୂପରୂପଗୁଣ ଵିଭଵୈଶ୍ଵର୍ଯ ଶୀଲାଦ୍ଯନଵଧିକାତିଶଯାସଙ୍ଖ୍ଯେଯ କଲ୍ଯାଣଗୁଣଗଣଶ୍ରୀଵଲ୍ଲଭ, ଏଵମ୍ଭୂତ ଭୂମିନୀଲାନାଯକ, ସ୍ଵଚ୍ଛନ୍ଦାନୁଵର୍ତି ସ୍ଵରୂପସ୍ଥିତି ପ୍ରଵୃତ୍ତିଭେଦାଶେଷ ଶେଷତୈକରତିରୂପ
ନିତ୍ଯନିରଵଦ୍ଯନିରତିଶଯ ଜ୍ଞାନ କ୍ରିଯୈଶ୍ଵର୍ଯାଦ୍ଯନନ୍ତ କଲ୍ଯାଣଗୁଣଗଣ ଶେଷ ଶେଷାଶନ
ଗରୁଡପ୍ରମୁଖ ନାନାଵିଧାନନ୍ତ ପରିଜନ ପରିଚାରିକା ପରିଚରିତ ଚରଣଯୁଗଲ, ପରମଯୋଗି ଵାଙ୍ମନସାଽପରିଚ୍ଛେଦ୍ଯ ସ୍ଵରୂପ ସ୍ଵଭାଵ ସ୍ଵାଭିମତ ଵିଵିଧଵିଚିତ୍ରାନନ୍ତଭୋଗ୍ଯ ଭୋଗୋପକରଣ ଭୋଗସ୍ଥାନ ସମୃଦ୍ଧାନନ୍ତାଶ୍ଚର୍ଯାନନ୍ତ ମହାଵିଭଵାନନ୍ତ ପରିମାଣ ନିତ୍ଯ ନିରଵଦ୍ଯ ନିରତିଶଯ ଶ୍ରୀଵୈକୁଣ୍ଠନାଥ, ସ୍ଵସଙ୍କଲ୍ପାନୁଵିଧାଯି ସ୍ଵରୂପସ୍ଥିତି ପ୍ରଵୃତ୍ତି ସ୍ଵଶେଷତୈକସ୍ଵଭାଵ ପ୍ରକୃତି ପୁରୁଷ କାଲାତ୍ମକ ଵିଵିଧ ଵିଚିତ୍ରାନନ୍ତ ଭୋଗ୍ଯ ଭୋକ୍ତୃଵର୍ଗ ଭୋଗୋପକରଣ ଭୋଗସ୍ଥାନରୂପ
ନିଖିଲଜଗଦୁଦଯ ଵିଭଵ ଲଯଲୀଲ, ସତ୍ଯକାମ, ସତ୍ଯସଙ୍କଲ୍ପ, ପରବ୍ରହ୍ମଭୂତ, ପୁରୁଷୋତ୍ତମ,ମହାଵିଭୂତେ,
ଶ୍ରୀମନ୍ ନାରାଯଣ, ଵୈକୁଣ୍ଠନାଥ, ଅପାର କାରୁଣ୍ଯ ସୌଶୀଲ୍ଯ ଵାତ୍ସଲ୍ଯୌଦାର୍ଯୈଶ୍ଵର୍ଯ ସୌନ୍ଦର୍ଯ ମହୋଦଧେ, ଅନାଲୋଚିତଵିଶେଷାଶେଷଲୋକ ଶରଣ୍ଯ, ପ୍ରଣତାର୍ତିହର, ଆଶ୍ରିତ ଵାତ୍ସଲ୍ଯୈକଜଲଧେ, ଅନଵରତଵିଦିତ ନିଖିଲଭୂତଜାତଯାଥାତ୍ମ୍ଯ, ଅଶେଷଚରାଚରଭୂତ ନିଖିଲନିଯମନ ନିରତ, ଅଶେଷଚିଦଚିଦ୍ଵସ୍ତୁ ଶେଷିଭୂତ, ନିଖିଲଜଗଦାଧାର, ଅଖିଲଜଗତ୍ସ୍ଵାମିନ୍, ଅସ୍ମତ୍ସ୍ଵାମିନ୍, ସତ୍ଯକାମ,
ସତ୍ଯସଙ୍କଲ୍ପ, ସକଲେତରଵିଲକ୍ଷଣ, ଅର୍ଥିକଲ୍ପକ, ଆପତ୍ସଖ, ଶ୍ରୀମନ୍, ନାରାଯଣ, ଅଶରଣ୍ଯଶରଣ୍ଯ, ଅନନ୍ଯଶରଣସ୍ତ୍ଵତ୍ପାଦାରଵିନ୍ଦ ଯୁଗଲଂ ଶରଣମହଂ ପ୍ରପଦ୍ଯେ ॥
ଅତ୍ର ଦ୍ଵଯମ୍ ।
ପିତରଂ ମାତରଂ ଦାରାନ୍ ପୁତ୍ରାନ୍ ବନ୍ଧୂନ୍ ସଖୀନ୍ ଗୁରୂନ୍ ।
ରତ୍ନାନି ଧନଧାନ୍ଯାନି କ୍ଷେତ୍ରାଣି ଚ ଗୃହାଣି ଚ ॥ 1

ସର୍ଵଧର୍ମାଂଶ୍ଚ ସନ୍ତ୍ଯଜ୍ଯ ସର୍ଵକାମାଂଶ୍ଚ ସାକ୍ଷରାନ୍ ।
ଲୋକଵିକ୍ରାନ୍ତଚରଣୌ ଶରଣଂ ତେଽଵ୍ରଜଂ ଵିଭୋ ॥ 2

ତ୍ଵମେଵ ମାତା ଚ ପିତା ତ୍ଵମେଵ
ତ୍ଵମେଵ ବନ୍ଧୁଶ୍ଚ ଗୁରୁସ୍ତ୍ଵମେଵ ।
ତ୍ଵମେଵ ଵିଦ୍ଯା ଦ୍ରଵିଣଂ ତ୍ଵମେଵ
ତ୍ଵମେଵ ସର୍ଵଂ ମମ ଦେଵଦେଵ ॥ 3

ପିତାଽସି ଲୋକସ୍ଯ ଚରାଚରସ୍ଯ
ତ୍ଵମସ୍ଯ ପୂଜ୍ଯଶ୍ଚ ଗୁରୁର୍ଗରୀଯାନ୍ ।
ନ ତ୍ଵତ୍ସମୋଽସ୍ତ୍ଯଭ୍ଯଧିକଃ କୁତୋଽନ୍ଯୋ
ଲୋକତ୍ରଯେଽପ୍ଯପ୍ରତିମପ୍ରଭାଵ ॥ 4
ତସ୍ମାତ୍ପ୍ରଣମ୍ଯ ପ୍ରଣିଧାଯ କାଯଂ
ପ୍ରସାଦଯେ ତ୍ଵାମହମୀଶମୀଡ୍ଯମ୍ ।
ପିତେଵ ପୁତ୍ରସ୍ଯ ସଖେଵ ସଖ୍ଯୁଃ
ପ୍ରିଯଃ ପ୍ରିଯାଯାର୍ହସି ଦେଵ ସୋଢୁମ୍ ॥
ମନୋଵାକ୍କାଯୈରନାଦିକାଲ ପ୍ରଵୃତ୍ତାନନ୍ତାକୃତ୍ଯକରଣ କୃତ୍ଯାକରଣ ଭଗଵଦପଚାର ଭାଗଵତାପଚାରାସହ୍ଯାପଚାରରୂପ ନାନାଵିଧାନନ୍ତାପଚାରାନ୍ ଆରବ୍ଧକାର୍ଯାନ୍ ଅନାରବ୍ଧକାର୍ଯାନ୍ କୃତାନ୍ କ୍ରିଯମାଣାନ୍ କରିଷ୍ଯମାଣାଂଶ୍ଚ ସର୍ଵାନଶେଷତଃ କ୍ଷମସ୍ଵ ।
ଅନାଦିକାଲପ୍ରଵୃତ୍ତଵିପରୀତ ଜ୍ଞାନମାତ୍ମଵିଷଯଂ କୃତ୍ସ୍ନ ଜଗଦ୍ଵିଷଯଂ ଚ ଵିପରୀତଵୃତ୍ତଂ ଚାଶେଷଵିଷଯମଦ୍ଯାପି ଵର୍ତମାନଂ ଵର୍ତିଷ୍ଯମାଣଂ ଚ ସର୍ଵଂ କ୍ଷମସ୍ଵ ।
ମଦୀଯାନାଦିକର୍ମ ପ୍ରଵାହପ୍ରଵୃତ୍ତାଂ ଭଗଵତ୍ସ୍ଵରୂପ ତିରୋଧାନକରୀଂ ଵିପରୀତଜ୍ଞାନଜନନୀଂ ସ୍ଵଵିଷଯାଯାଶ୍ଚ ଭୋଗ୍ଯବୁଦ୍ଧେର୍ଜନନୀଂ ଦେହେନ୍ଦ୍ରିଯତ୍ଵେନ ଭୋଗ୍ଯତ୍ଵେନ ସୂକ୍ଷ୍ମରୂପେଣ ଚାଵସ୍ଥିତାଂ ଦୈଵୀଂ ଗୁଣମଯୀଂ ମାଯାଂ ଦାସଭୂତଂ ଶରଣାଗତୋଽସ୍ମି ତଵାସ୍ମି ଦାସଃ