ஶ்ரீ வேங்கடேஶ்வர ஶரணாகதி கத்யம்

யோ நித்யமச்யுதபதாம்புஜயுக்மருக்ம
வ்யாமோஹதஸ்ததிதராணி த்ரு'ணாய மேநே ।
அஸ்மத்குரோர்பகவதோ'ஸ்ய தயைகஸிந்தோஃ
ராமாநுஜஸ்ய சரணௌ ஶரணம் ப்ரபத்யே ॥
வந்தே வேதாந்தகர்பூரசாமீகர கரண்டகம் ।
ராமாநுஜார்யமார்யாணாம் சூடாமணிமஹர்நிஶம் ॥
ஓம் ॥ பகவந்நாராயணாபிமதாநுரூப ஸ்வரூபரூப குணவிபவைஶ்வர்ய ஶீலாத்யநவதிகாதிஶய அஸங்க்யேய கல்யாணகுணகணாம் பத்மவநாலயாம் பகவதீம் ஶ்ரியம் தேவீம் நித்யாநபாயிநீம் நிரவத்யாம் தேவதேவதிவ்யமஹிஷீம் அகிலஜகந்மாதரம் அஸ்மந்மாதரம் அஶரண்யஶரண்யாம் அநந்யஶரணஃ ஶரணமஹம் ப்ரபத்யே ॥
பாரமார்திக பகவச்சரணாரவிந்த யுகலைகாந்திகாத்யந்திக பரபக்தி பரஜ்ஞாந பரமபக்திக்ரு'த பரிபூர்ணாநவரத நித்யவிஶததமாநந்ய ப்ரயோஜநாநவதிகாதிஶய ப்ரிய பகவதநுபவஜநிதாநவதிகாதிஶய ப்ரீதிகாரிதாஶேஷாவஸ்தோசித அஶேஷஶேஷதைகரதிரூப நித்யகைங்கர்யப்ராப்த்யபேக்ஷயா பாரமார்திகீ பகவச்சரணாரவிந்த ஶரணாகதிஃ யதாவஸ்திதா அவிரதா'ஸ்து மே ॥
அஸ்து தே । தயைவ ஸர்வம் ஸம்பத்ஸ்யதே ॥
அகிலஹேயப்ரத்யநீக கல்யாணைகதாந, ஸ்வேதர ஸமஸ்தவஸ்துவிலக்ஷணாநந்த ஜ்ஞாநாநந்தைகஸ்வரூப, ஸ்வாபிமதாநுரூபைகரூபாசிந்த்ய திவ்யாத்புத நித்யநிரவத்ய நிரதிஶயௌஜ்ஜ்வல்ய ஸௌந்தர்ய ஸௌகந்த்ய ஸௌகுமார்ய லாவண்ய யௌவநாத்யநந்தகுணநிதி திவ்யரூப, ஸ்வாபாவிகாநவதிகாதிஶய ஜ்ஞாந பலைஶ்வர்ய வீர்ய ஶக்தி தேஜஸ்ஸௌஶீல்ய வாத்ஸல்ய மார்தவார்ஜவ ஸௌஹார்த ஸாம்ய காருண்ய மாதுர்ய காம்பீர்யௌதார்ய சாதுர்ய ஸ்தைர்ய தைர்ய ஶௌர்ய பராக்ரம ஸத்யகாம ஸத்யஸங்கல்ப க்ரு'தித்வ க்ரு'தஜ்ஞதாத்யஸங்க்யேய கல்யாணகுணகணௌக மஹார்ணவ,
ஸ்வோசித விவித விசித்ராநந்தாஶ்சர்ய நித்ய நிரவத்ய நிரதிஶய ஸுகந்த நிரதிஶய ஸுகஸ்பர்ஶ நிரதிஶயௌஜ்ஜ்வல்ய கிரீட மகுட சூடாவதம்ஸ மகரகுண்டல க்ரைவேயக ஹார கேயூர கடக ஶ்ரீவத்ஸ கௌஸ்துப முக்தாதாமோதரபந்தந பீதாம்பர காஞ்சீகுண நூபுராத்யபரிமித திவ்யபூஷண, ஸ்வாநுரூபாசிந்த்யஶக்தி ஶங்கசக்ரகதா'ஸி ஶார்ங்காத்யஸங்க்யேய
நித்யநிரவத்ய நிரதிஶய கல்யாணதிவ்யாயுத,
ஸ்வாபிமத நித்யநிரவத்யாநுரூப ஸ்வரூபரூபகுண விபவைஶ்வர்ய ஶீலாத்யநவதிகாதிஶயாஸங்க்யேய கல்யாணகுணகணஶ்ரீவல்லப, ஏவம்பூத பூமிநீலாநாயக, ஸ்வச்சந்தாநுவர்தி ஸ்வரூபஸ்திதி ப்ரவ்ரு'த்திபேதாஶேஷ ஶேஷதைகரதிரூப
நித்யநிரவத்யநிரதிஶய ஜ்ஞாந க்ரியைஶ்வர்யாத்யநந்த கல்யாணகுணகண ஶேஷ ஶேஷாஶந
கருடப்ரமுக நாநாவிதாநந்த பரிஜந பரிசாரிகா பரிசரித சரணயுகல, பரமயோகி வாங்மநஸா'பரிச்சேத்ய ஸ்வரூப ஸ்வபாவ ஸ்வாபிமத விவிதவிசித்ராநந்தபோக்ய போகோபகரண போகஸ்தாந ஸம்ரு'த்தாநந்தாஶ்சர்யாநந்த மஹாவிபவாநந்த பரிமாண நித்ய நிரவத்ய நிரதிஶய ஶ்ரீவைகுண்டநாத, ஸ்வஸங்கல்பாநுவிதாயி ஸ்வரூபஸ்திதி ப்ரவ்ரு'த்தி ஸ்வஶேஷதைகஸ்வபாவ ப்ரக்ரு'தி புருஷ காலாத்மக விவித விசித்ராநந்த போக்ய போக்த்ரு'வர்க போகோபகரண போகஸ்தாநரூப
நிகிலஜகதுதய விபவ லயலீல, ஸத்யகாம, ஸத்யஸங்கல்ப, பரப்ரஹ்மபூத, புருஷோத்தம,மஹாவிபூதே,
ஶ்ரீமந் நாராயண, வைகுண்டநாத, அபார காருண்ய ஸௌஶீல்ய வாத்ஸல்யௌதார்யைஶ்வர்ய ஸௌந்தர்ய மஹோததே, அநாலோசிதவிஶேஷாஶேஷலோக ஶரண்ய, ப்ரணதார்திஹர, ஆஶ்ரித வாத்ஸல்யைகஜலதே, அநவரதவிதித நிகிலபூதஜாதயாதாத்ம்ய, அஶேஷசராசரபூத நிகிலநியமந நிரத, அஶேஷசிதசித்வஸ்து ஶேஷிபூத, நிகிலஜகதாதார, அகிலஜகத்ஸ்வாமிந், அஸ்மத்ஸ்வாமிந், ஸத்யகாம,
ஸத்யஸங்கல்ப, ஸகலேதரவிலக்ஷண, அர்திகல்பக, ஆபத்ஸக, ஶ்ரீமந், நாராயண, அஶரண்யஶரண்ய, அநந்யஶரணஸ்த்வத்பாதாரவிந்த யுகலம் ஶரணமஹம் ப்ரபத்யே ॥
அத்ர த்வயம் ।
பிதரம் மாதரம் தாராந் புத்ராந் பந்தூந் ஸகீந் குரூந் ।
ரத்நாநி தநதாந்யாநி க்ஷேத்ராணி ச க்ரு'ஹாணி ச ॥ 1

ஸர்வதர்மாம்ஶ்ச ஸந்த்யஜ்ய ஸர்வகாமாம்ஶ்ச ஸாக்ஷராந் ।
லோகவிக்ராந்தசரணௌ ஶரணம் தே'வ்ரஜம் விபோ ॥ 2

த்வமேவ மாதா ச பிதா த்வமேவ
த்வமேவ பந்துஶ்ச குருஸ்த்வமேவ ।
த்வமேவ வித்யா த்ரவிணம் த்வமேவ
த்வமேவ ஸர்வம் மம தேவதேவ ॥ 3

பிதா'ஸி லோகஸ்ய சராசரஸ்ய
த்வமஸ்ய பூஜ்யஶ்ச குருர்கரீயாந் ।
ந த்வத்ஸமோ'ஸ்த்யப்யதிகஃ குதோ'ந்யோ
லோகத்ரயே'ப்யப்ரதிமப்ரபாவ ॥ 4
தஸ்மாத்ப்ரணம்ய ப்ரணிதாய காயம்
ப்ரஸாதயே த்வாமஹமீஶமீட்யம் ।
பிதேவ புத்ரஸ்ய ஸகேவ ஸக்யுஃ
ப்ரியஃ ப்ரியாயார்ஹஸி தேவ ஸோடும் ॥
மநோவாக்காயைரநாதிகால ப்ரவ்ரு'த்தாநந்தாக்ரு'த்யகரண க்ரு'த்யாகரண பகவதபசார பாகவதாபசாராஸஹ்யாபசாரரூப நாநாவிதாநந்தாபசாராந் ஆரப்தகார்யாந் அநாரப்தகார்யாந் க்ரு'தாந் க்ரியமாணாந் கரிஷ்யமாணாம்ஶ்ச ஸர்வாநஶேஷதஃ க்ஷமஸ்வ ।
அநாதிகாலப்ரவ்ரு'த்தவிபரீத ஜ்ஞாநமாத்மவிஷயம் க்ரு'த்ஸ்ந ஜகத்விஷயம் ச விபரீதவ்ரு'த்தம் சாஶேஷவிஷயமத்யாபி வர்தமாநம் வர்திஷ்யமாணம் ச ஸர்வம் க்ஷமஸ்வ ।
மதீயாநாதிகர்ம ப்ரவாஹப்ரவ்ரு'த்தாம் பகவத்ஸ்வரூப திரோதாநகரீம் விபரீதஜ்ஞாநஜநநீம் ஸ்வவிஷயாயாஶ்ச போக்யபுத்தேர்ஜநநீம் தேஹேந்த்ரியத்வேந போக்யத்வேந ஸூக்ஷ்மரூபேண சாவஸ்திதாம் தைவீம் குணமயீம் மாயாம் தாஸபூதம் ஶரணாகதோ'ஸ்மி தவாஸ்மி தாஸஃ